Innholdsfortegnelse for April 2018 i SARIE

Doer onder lê die Kaap bruin en dor. En tam. Moeg van haar stryd met water. Die te min wat stadig-stadig alle lewe uit haar druk. Vore en kanale laat opdroog, tuine vernietig, bome laat verlep en berghange stroop van kleur. Dis ’n wurggreep wat nie wil los nie, al vir ’n paar jaar, maar ons wou dit nie raaksien nie. Soos ons inkom om te land, glinster die see blou. Sprankel soos ’n ewige fontein. Maar dié silwer randjie flous niemand meer nie. Die Kaap het ’n probleem; óns in die Kaap het ’n probleem. Dat ons werklik ons koppe om water sou moes kry, dít in ’n wêreldstad, het sekerlik min van ons gedink. Ons bly dan teenaan die oseaan. Tog was die tekens daar; tog het ons…

WEDLOOP VAN DIE LEWE Dis die jaar 1959. ’n Kaalvoet Karoo-seun draf uit in die Westbourne Oval-stadion in Port Elizabeth. Minute later sou hy die skare aan sy voete hê … Gister bevind ek my in die einste stadion. Die laaste keer. Vir jare het ek in die somer van stadion na stadion gegaan. Naelbyt-oomblikke beleef. Supertrots tye, maar ook hartseer tye. Teleurstelling. Natuurlik staan die trots uit bo alles. En kosbare herinneringe. Ek dink aan my oudste dogter se klein lyfie wat eers op gras begin het, soms grond. Toe die groot tartanbaan waar ons net op ’n afstand kon kyk. Altyd ’n kop korter as almal. Maar sy het altyd probeer en die vrugte gepluk. Dis die laaste skolebyeenkoms, want ousus is nou ’n matrikulant. En my gedagtes…

Die kwik trek op 42 grade Celsius – dis snikwarm, selfs onder die waaier. “Môre, môre, môre,” dreun dit binne. ’n Groot blonde ou met ’n swart T-hemp kom na buite, groet en teug welbehaaglik aan sy drankie wat hy reeds binne gekry het. Maak hom sit op die stoep van Eve’s Eatery and Bar. “Wil jy niks bestel nie?” vra hy gemoedelik. Voor my is Jacques Pauw, rock star van ondersoekende joernalistiek. Sy sesde boek, The President’s Keepers (Tafelberg, R280), is ’n paar maande tevore (Oktober 2017) uitgereik. Sedertdien is hy óf besig met bemarking óf hy lewer iewers praatjies. “Ek háát hierdie celeb-ding.” Einde Januarie is 130 000 boeke en 30 000 e-boeke al verkoop – ’n Suid-Afrikaanse rekord vir nie-fiksie. “En ek het nie ’n saak met…

Twaalf uur voor die spertyd – in kerslig – het hy begin skryf, kruisbeen op sy bed in Ocean View in die Kaapse Suid-Skiereiland. Daar waarheen bruin mense destyds deur die apartheidsregering verskuif is uit Simonstad, Kalkbaai en Noordhoek. “As daar nie krag is nie, gebruik jy die kers, maar skryf moes ek skryf,” sê die 28-jarige dramaturg en akteur Chase Rhys Downes. “Ek het tóé die eerste keer van die Adam en Rosalie Small-wedstryd vir debuutskrywers gehoor.” Maar alles het saamgewerk – en Chase is einde verlede jaar as die eerste wenner van dié prys, wat in samewerking met Distell toegeken word, vir sy toneelstuk Kinnes aangewys. Die stuk, met Lee-Ann van Rooi en Dean J Smith in die hoofrolle, het in Maart by die US Woordfees op Stellenbosch…

‘Groot vriendskappe word om klein boompies gesmee’ Willem Pretorius, voorsitter van die SA Bonsai-vereniging en Boland Bonsai Kai-tak “Die takke van bonsai sprei wyd. In die skaduwee daarvan sit tuinvriende, akademici, plantjagters en keramiekkunstenaars wat pragtige potte verskaf waarin ons bome pryk. Ons is ’n internasionale broederskap wat dieselfde belangstelling deel. ’n Liefde vir bonsai.” Aan die woord is Willem Pretorius, ’n afgetrede joernalis en skrywer van Somerset-Wes. Hy is die afgelope vier jaar voorsitter van die SA Bonsaivereniging, met 700 lede en 22 klubs. “Die verdeling tussen mans en vroue is 50/50 en ouderdomme wissel van tieners tot 80-jariges.” Willem se liefde vir groenigheid loop diep. Hy is ook die voorsitter van die Vriende van die Botaniese Tuin, ’n organisasie van vrywilligers wat die belange van die Botaniese Tuin…

“Gewoon is die woorde waarmee mense praat, maar woorde oor drome kan van die aarde los raak” Uit Heilna du Plooy se gedig “I Gemerk” uit die bundel Die stilte opgeskort (Protea Boekhuis, R150) SO SÊ Carin Krahtz OP SARIE.COM  oor haar jeugboek Blou is nie ’n kleur nie (Tafelberg, R160), wat verlede jaar aangewys is as die wenner van die Sanlam-prys vir jeuglektuur in Afrikaans Waarom met die einde begin? Die verhaal is vir my heavy en baie mense sê hulle sien nie die gebeure kom nie. Ek is dankbaar dat dit so uitgewerk het. Dit was baie riskant om die begin te doen soos wat ek gedoen het. Dis deurmekaar en kan mense dalk afsit. Die doel is dat mense in die begin nie moet verstaan nie, maar…

OPKNAPPER EERS EN DAARNA SJAMPOE. Ingrid de Beer SARIE SÊ Dit word ook die omgekeerde haarwas-metode genoem. As jy nie opknapper ordentlik uitspoel nadat jy jou hare gewas het nie, kan jou hare plat lyk. Die omgekeerde haarwas-metode beloof meer volume vir veral fyn, plat hare omdat jy enige oorblyfsel van die opknapper met sjampoe afwas. Jou hare is dus ligter en voller. [MY] SKOONMA HET MY GELEER OM ALTYD ’N INBLY-OPKNAPPER EN ’N KAM IN MY STRANDSAK TE PAK. DAN VERNIEL DIE SON EN SEE NIE JOU HARE NIE. Chantelle Vermeulen SARIE SÊ Seewater kan jou hare uitdroog. As jy ’n inbly-opknapper aanwend nadat jy geswem het, bevog dit jou hare. Maar onthou om steeds jou hare te was sodra jy by die huis kom. MOENIE MET GRIMERING GAAN…

STAP 1 Gebruik ’n basislaag ( primer ) om veltekstuur egalig te maak en jou onderlaag te laat hou Kikker ’n vaal wintervel op met dié basislaag wat ekstra glans aan jou vel gee. Hialuronsuur (’n stof wat water na jou vel aantrek) en galambotter takel enige droogheid. Jy kan die basislaag vóór jou onderlaag aanwend of dit net op dele soos jou wangbene en neusbrug aantik vir ’n bietjie glans nadat jy jou grimering gedoen het. Dié basislaag plomp jou vel op, terwyl dit ook bevog en jou gelaat laat straal. Dis perfek vir ’n olierige vel en sal nie jou porieë verstop nie. STAP 2 Kies ’n onderlaag vir jou spesifieke voorkeure Dié ligte, romerige formule vul fyn lyntjies op jou vel sodat dit jonger en…

Dié kombuis is baie funksioneel uitgelê. Die verlengde werkblad wat ook as kuierarea dien, vervang ’n eetkamertafel, terwyl ’n oop uitstalrak wat na die leefarea wys ’n huislike gevoel skep. En ja, ’n siersteenmuur is terug Duursame gepoleerde betonvloere Kombuiskaste sonder handvatsels – dit werk met ’n druk-aksie Aksentligte…

Met simboliese kommentaar op die planteryk en delikate, mistieke bloeisels en blomme, dokumenteer die Stellenbosse kunstenaar Paula van Coller-Louw graag haar omgewing en lewe. Vyftien van haar kunswerke in olie (party so groot soos 1,5 x 1,8 m) word tot 17 Junie by die Fleurs de La Mottetentoonstelling op dié wynlandgoed van Hanneli Rupert-Koegelenberg by Franschhoek uitgestal, saam met Toby Megaw se lewensgrootte beeldhouwerk Die bergbruidjie. “Om saam met groot Suid-Afrikaanse meesters soos Pierneef se werke te hang maak my nederig en is ’n hoogtepunt in my loopbaan,” vertel Paula, wat al aan 55 tentoonstellings plaaslik deelgeneem het en vyf solouitstallings gehou het. “Die landgoed is vroulik en statig. Die blommeprag, die fynbos teen die hange van die Wemmershoek-berge, laventelvelde wat herinner aan die Franse platteland en die klassieke roostuin…

“Ek weet ek is mooi. My hart, minstens . . . en my oë, en my persoonlikheid. En my vol lyf en borste is mooi – dis wat hy aand ná aand vir my vertel. Ek laat toe dat hy sy paspoort vir vyf minute van dieselfde sweterige travels oor my lyf stempel met sy leuens. Soos laas. Soos altyd. Môreoggend is ek weer te dik vir daardie broek en pienk laat my effe varkerig lyk. Só sê hy. Groen is ook uit. Die truitjie wat sy ouma op vyf vir hom gebrei het en hy op elke familiefoto dra, was net te veel. Vir hóm, maar nou durf ek nie groen dra nie. Dan probeer ek weer na myself in die spieël kyk en stry teen die gat in…

Kunsmatige intelligensie en ruimtevaart. Dis op slimme Elon Musk se lysie van die belangrikste ontwikkelings wat ons wêreld gaan verander. So ook genetika. Genetiese tegnologieë keer gesondheidsorg reeds op die kop. In die toekoms gaan lewensgevaarlike siektes ons dalk nie meer so bang maak nie. Dit kan jou lewe ook op ’n baie basiese vlak beïnvloed: Die kos wat jy eet en oefening wat jy doen. Só kan jy ’n invloed hê op hoe jou gene “werk”, oftewel hulself “gedra” of “uitdruk”. Jou gene is dus nie die gegiet-in-sementbloudruk soos eers gereken is nie. (Sien “Jou gene, jou bloudruk?”.) Ons is almal uniek. Die Britse staatsman Winston Churchill was vetsugtig met ’n ongesonde dieet en leefstyl. Nietemin het hy op 90 daagliks steeds ’n besige program gehad. Daarteenoor het jy…

Weens ’n skedule wat maagsere en premature haarverlies veroorsaak, was my teenwoordigheid by die huis vir my ma se vorige paar verjaardae maar yl gesaai. Dit was dus hoog tyd dat ek en my twee susters, Marcél en Claudi, saamspan vir dié geleentheid hierdie jaar. “Die vrou werk hard en sy verdien dinge,” sê Marcél en stig net daar ’n WhatsApp-groep. Al drie van ons is stilletjies senuweeagtig – die laaste geleentheid wat ons saam beplan het, was ons pa se begrafnis. Wat ’n fantastiese tyd wat ek gekies het om op te hou rook. So, met ’n tema, ’n kleurskema en hoop in ons harte, skop die beplanning vir my ma se verjaardagpartytjie af. Iemand bak ’n koek, geskenke word toegedraai, ’n baba huil, die hond verslind iets kosbaars,…

Ek is tans in Frankryk vir ’n paar weke. Hier waar ek op die vyfde verdieping bly, kan ek vanuit die sitkamer tientalle dakkies en honderde vensters sien. Binne loopafstand, minder as vyf minute se loop, is ses blommewinkels, dit weet ek al vir jare, daar is ook vier bakkerye, drie groentemarkte en ses meubelwinkels binne dieselfde afstand. Maar hierdie week het ek ander winkels begin tel, dié wat soetgoed verkoop. Dis tien minute se stap na die stadsplein en elke dag – met of sonder ’n doel – gebruik ek dieselfde roete daarheen en ’n ander, langer roete terug. Dis 25 minute te voet. En dis verby een-en-veertig (41!) kunstige, unieke, historiese, suksesvolle, onweerstaanbare klein besighede wat al dekades ’n bestaan maak uit die Franse se liefde vir soetgoed.…

Wys jou net, moet nooit toelaat dat iemand vir jou sê jy kan nie iets doen nie Liane Met haar bruin hare in ’n netjiese bolla vasgebind, kan jy nie glo dis Vetkoekpaleis se Boeboe wat voor jou sit nie. Wanneer die aktrise Liane Heyl in haar stoel inskuif, is daar nie ’n sweempie van die dramatiese mannerismes, die hoë stem en die giggels van haar TV-karakter waarvoor sy so bekend geword het nie. Anders as die loskop-kelnerin wat sy in Vetkoekpaleis gespeel het, is Liane ’n “totale beheervraat”, sê sy sommer met die intrapslag. Haar huishulp was laat die oggend, verduidelik sy, en dit het byna haar hele dag deurmekaargekrap. “Ek het my dag presiés beplan gehad. As enkelmamma kan jy nie anders nie!” Liane is deesdae weer as…

HOEKOM ’N KRIPTO-GELDEENHEID SOOS BITCOIN GESKEP IS Die wêreld se betaalstelsel het nie ontwikkel saam met die digitale wêreld waarin ons leef nie, sê Ryk van Niekerk, redakteur van die finansiële nuusdiens Moneyweb . As jy iets op die internet koop, moet jy jou kredietkaartnommer met die hand intik, jy kry ’n SMS van jou bank, en dit word weer deur jou kredietkaartmaatskappy (soos MasterCard) geverifieer. Dis moeilik, duur en word streng gereguleer. Daar is ook baie regulasies as jy ’n onderneming is wat oorsee wil besigheid doen. Dit neem lank vir ’n transaksie om afgehandel te word. Kriptogeld wil dit verander. Met so ’n geldeenheid is jou transaksie vinnig, goedkoop, anoniem en veilig, verduidelik Ryk. “Bitcoin is een van die eerste kriptogeldeenhede wat hiervoor geskep is. Dis hoekom dit…

DATUM 29 Maart – 4 April 2018 ADRES Hoek van Voortrekker- en Baron van Reedestraat, Oudtshoorn Die Netwerk24-Feeskafee met gratis gesprekke en vermaak is elke dag van vroeg tot laat oop. Jy kan uitsien na die volgende op die program: DIE BURGER PRAAT SAAM Ivor Price, bekende TV-aanbieder en joernalis, lei ’n gespreksreeks oor brandpunte in Suid-Afrika. Dié gesprekke sluit opwindende denkers, gemeenskaps- asook politieke leiers oor ’n wye spektrum in. Kom praat saam oor maatskaplike en politieke kwessies wat jou na aan die hart lê. DATUM 29 Maart tot 4 April TYD 09:00 BOEKGESPREKKE Daniel Hugo, bekende digter en vertaler, en Eben Pienaar van NB Uitgewers het ’n propvol en liplekker boekprogram saamgestel. Feesgangers kan daagliks byna om die uur gesprekke met skrywers oor hul jongste boeke by die…

Herinneringe is gemaak, die rok is gedra en die matrieksertifikaat ontvang. Nou is dit nog net die aankondiging van die Top-10-finaliste in die Matriekafskeidrok van die Jaar-kompetisie. Van sagte pastelle tot glansryke metaalkleurige ontwerpe, blinkers tot kleurryke shweshwe en pêrels – 2017 se matrieks het uitgehaal en gewys op die onderskeie rooi tapyte. Die keuse was moeilik, maar uiteindelik het ons op dié Top-10 besluit. Hou die Mei-uitgawe van SARIE dop vir die aankondiging van ons 2017 Matriekafskeidrok van die Jaar-wenner. Om nog foto’s van die Top-10 te sien, gaan na SARIE.com…

Ons is almal bewus van hoe sleg besoedeling vir ons vel is, maar het jy geweet dit geld ook binnenshuis? Volgens die skoonheidshuis Dior word skadelike deeltjies in jou huis of kantoor afgegee deur onder meer matte, verf en sintetiese stowwe. Hul One Essential Skin Boosting Super Serum (R2 250 vir 75 ml) is ontwikkel om jou vel teen alle besoedeling te beskerm, dit te voed en bevog. Wend ’n paar druppels aan nadat jy jou gesig gewas het. Die luuksehandelsmerk vir horlosies Tag Heuer is sinoniem met sport, veral die jaarlikse Formule 1. Onder die groot name wat al ambassadeurs was is renjaers Lewis Hamilton, Kimi Räikkönen en Jenson Button. Só gewild is die Tag Heuer Formula 1-reeks, dat daar ook nou ’n vroulike weergawe is. Dié horlosie van…

BAZAAR-SHERBET Hierdie is vir al die kinderharte! genoeg vir 8 1 x 80 g-boksie rooi jelliepoeier 25 ml koeksoda 100 ml versiersuiker 15 ml sitroensuur suigstokkies vir voorsit Meng al die bestanddele saam. Skep in bakkies en sit voor met suigstokkies. AMANDELFUDGE Ek is mal oor fudge en kan nooit nee sê vir ’n blokkie nie. Hierdie resep is baie maklik. genoeg vir 24 blokkies 800 g suiker 250 g botter 250 ml melk 250 ml kondensmelk 10 ml vanieljegeursel 10 ml fyn kaneel 100 g amandels Plaas al die bestanddele, behalwe amandels, in ’n middelslag-pot en bring tot kookpunt terwyl jy oor lae hitte met ’n houtlepel roer. Hou aan roer tot mengsel goudbruin verkleur, sowat 25-30 minute. Verwyder van hitte en klits by lae…

Zirk, ’n argitek (www.zirkkay.co.za), en Charné Kay het 10 jaar gelede hul huis in ’n boomryke, stil sekerheidskompleks in Durbanville kom bou. Albei wou ’n leefhuis hê waar hul drie seuns sorgeloos kon speel en jy maar met jou voete op die koffietafel kan sit. Hulle onthaal baie en graag, daarom is die woonkamer, kombuis en eetkamer een groot vertrek met wye skuifdeure wat op ’n diep stoep oopmaak. Zirk het die huismure ’n paar bakstene hoër laat bou sodat ’n tussenvloer (mezzanine) op die garage se dak ’n TV/speelkamer kon huisves en die dakspasie ’n kantoor vir hom kan wees (sien foto regs bo). KUIERHUIS Die plafon en dakkappe is wit geverf om die gevoel van ruimte te skep. Hier is die tussenvloer met die TV/speelkamer sigbaar en die…

WENK Plantjies wat in eierdoppe geplant word, moet elke dag bietjie water kry, anders sal dit vinnig verlep en doodgaan JY BENODIG Vars eiers Saailinge of klein vetplante ’n Bietjie potplantgrond STAP 1 Kap liggies met ’n skerp mes die bokant van die eierdop af en gooi die inhoud uit. Gebruik eiers vir ’n lekker Paasontbyt. STAP 2 Vul die eierdop halfpad met potgrond (jy kan ’n teelepel gebruik). Verwyder die oortollige grond van saailinge sodat dit in die eierdop pas. STAP 3 Plaas die klein plantjie in die eierdop en druk baie liggies vas. Stal dit uit in ’n eierboksie of in piepklein terracottapotjies (te koop by groot kwekerye).…

Namate ek meer en meer gewig afgeskud het, was dit vir my lekker om te sien wat my lyf kan doen. Die twaalf trappies by die plaaskantoor was altyd ’n gesteun met ’n toebroodjie-pouse halfpad. Binne ’n paar maande kon ek dit twee-twee klim en later uitdraf. Daardie twaalf trappies het my geneem na die Visrivier-canyon in Namibië, staproetes reg oor die Wes-Kaap, die Camino in Spanje . . . Verskonings het begin wegval. Jy glo mense as hulle vertel jy aard na jou pa se kant van die familie, almal ‘groot mense’. Vreemd genoeg is dit die einste mense wat ná die eerste 40 kilogram te vertelle het: ‘Jy kan darem so bly wees jy aard na jou ma se familie, kyk hoe lekker dun is jy.’ Mense vra…

Ons DNS is 99,9% identies. Daar’s dus ’n verskil van 0,1%: ’n verandering (of mutasie) in jou DNS-kode se struktuur. Dis soos om ’n koek te bak en ’n bestanddeel verskil van die resep s’n. Die koek gaan dan dalk nie heeltemal so lekker wees nie. Daar is ’n ingewikkelde wisselwerking tussen sommige van dié geenveranderinge, jou dieet, omgewing en leefstyl. Jy kan bv. geen-variasies hê wat jou meer vatbaar vir sekere siektes maak. Maar jy kan ook jou dieet aanpas om te kompenseer vir die genetiese profiel wat jy geërf het. Voedingstowwe kan dus die manier beïnvloed hoe gene hulself “gedra” of “uitdruk”. Sommige genetiese mutasies kan op hul eie siektes veroorsaak – die omgewing het min of geen invloed nie (die sogenaamde hoëpenetrasiegene). Jou risiko is dan baie…

B Black Betty 072 803 9456 www.blackbettydesign.com Block & Chisel 010 593 9308, 021 712 5193 www.blockandchisel.co.za C colette by colette hayman 011 880 2134, 021 551 7552 Cotton On 011 268 3700 www.cottonon.co.za Country Road 0860 022 002 www.woolworths.co.za Crocs 087 237 6845 www.crocssa.co.za E Easylife Kitchens 0861 327 9543 www.easylifekitchens.co.za F Frasers 087 150 2220 www.frasersluggage.co.za G Green Cross 0860 009 855 www.green-cross.com H H&M 0860 690 707 www.hm.com/za HAUS by Hertex 0860 437 839 www.hertex.co.za J Jekyll & Hide 021 447 6830 www.jekyllandhide.co.za M Miladys 0800 310 290 www.miladys.co.za P Pacific Group 021 674 6091 www.pacificgroup.co.za Pichulik 011 482 1389, info@pichulik.com www.pichulik.com Q Queue 021 531 5450 www.queueshoes.co.za S Skinny laMinx 021 424 6290 www.skinnylaminx.com T Topshop 011 685 7070, 011 435 8225, 021 419 5900 Tread+Miller…

“Ek praat baie en vertel silly jokes, volgens party mense. Maar eintlik is ek net die stil Afrikaanse meisie in die hoek wat jou wil laat glimlag.” Dis hoe Tracey Lange haarself op haar en “boyfriend” Avukile Mabombo se reisblog, Travul Diary, beskryf. Stil meisie in die hoek? Regtig? Jy kan haar baie dinge noem. Aarts-optimis, heel bo-aan die lysie. Stap sy ’n winkel binne, sien sy eenvoudig nie die swart klere raak nie. Daardie donker wolkie het nie ’n silwer randjie nie, sy kyk hom heeltemal mis. Só positief is sy, dit irriteer sommige mense. Hulle dink dalk dis aangeplak, reken sy. “Charming, charming, charming!” ’n Vrou in Frankryk in gebroke Engels aan haar. Altyd is daar iemand wanneer sy reis wat aanbied om haar tas te dra, selfs…

Carmen is nie ’n ballet met feetjies en tutu’s nie. “Die meesterlike choreografie deur Veronica Paeper is rou. Die gehoor sal kan identifiseer met haar menslikheid. Almal was immers al verlief en het al hul geliefde gemanipuleer.” Só sê Sanmarie Kreuzhuber wat van 6-15 April in dié gelyknamige rol teenoor die Brasiliaan Ruan Galdino (haar geliefde) in die Joburg-teater in Braamfontein te sien is. Dié solis van die Joburg Ballet dans reeds sedert sy drie jaar oud is en het ook die titelrol in 2010 gedans. Die geselskap word begelei deur die Johannesburgse Filharmoniese Orkes. * Kaartjies: R100 tot R475 by Webtickets…

Waar woon julle en waarom is julle daar? Ek en Johann was voorheen al twee aan die Drakensbergse Seunskoor verbonde. Ons oudste, Janthé, was ’n Drakie en Nelu op laerskool op Winterton. Johann het in 2015 ’n aanbod aanvaar as volprofessor in musiekopvoedkunde aan die Universiteit van Bozen-Bolzano, met die fakulteit waaraan hy verbonde is op die aanliggende Bressanone (Brixen in Duits). Albei is in die outonome provinsie Suid-Tirool, wat tot 1918 deel van die Oostenryk-Hongaarse distrik Tirool was. Geografies is dit deel van Italië, maar a.g.v die polities-historiese en sosiale samestelling van die bevolking is die Tiroolse kultuur hier baie sterk. Dis ook die rede dat al die dorpe en stede hier ’n Italiaanse en Duitse naam het. Wat was die moeilikste om aan gewoond te raak? Die taal…

Sedert 1987 was sy al op meer as 500 tydskrifvoorblaaie, waaronder Vogue , Elle en Harper’s Bazaar . Sy’s ook ’n filmvervaardiger en ma van twee tieners, en was in 2014 op TIME se lys van 100 invloedrykste mense. Passievol om die wêreld ’n beter plek te help maak, het sy ’n meestersgraad in openbare gesondheid en is die stigter van Every Mother Counts, ’n organisasie sonder winsoogmerk wat kraamsorg onder arm vroue verbeter. Onlangs is sy aangewys as gesig van H&M se Conscious Exclusive-reeks, wat herwinde stowwe in hul klere-ontwerpe gebruik. Hieroor sê sy: “Ek dink hergebruik is ’n belangrike inisiatief en dit is inspirerend om te sien dat sulke modieuse ontwerpe gemaak word van herwinde materiaal.”…

Soete AANLOKLIKHEID Dié geur is vol vrugte en blomme, en daarby ’n unieke geurnoot – stroopsoet heuningkoek. Warm, smeulende reuke soos vanielje, muskus en sederhout maak DKNY Nectar Love (R1 395 vir 100 ml EDP) ook ’n lieflike geur vir die kouer maande. CHARIS HOU VAN Onlangs het ek die bekroonde skoonheidskrywer The Beauty Chef, oftewel Australiër Carla Oates, op Instagram ontdek. Sy fokus veral op die invloed van dermgesondheid op jou uiterlike skoonheid en gee graag raad oor hoe om die mikroflora in jou maag gesond te hou. Ná ’n paar dae se rondkyk op haar blad het ek summier haar kookboek, The Beauty Chef: Delicious Food for Radiant Skin, Gut Health and Wellbeing bestel. Dis vol brokkies nuttige inligting en interessante kosresepte – ’n moet-hê vir enigeen wat…

SAMPIOENE en varkworsies IN ROOMSOUS In die week is dié gereg gereeld op my tafel. Dis geurig en bekostigbaar. Sit voor met witrys. genoeg vir 4 Verhit 45 ml olyfolie en 30 ml botter tot warm in groot pot. Voeg 1 gekapte knoffelhuisie by en roerbraai 2 minute. Voeg 400 g gemengde sampioene en 8 varkworsies van jou keuse by en roerbraai tot worsies begin verbruin. Gooi 250 ml room by. Geur goed met sout en swartpeper. Laat prut vir 5-8 minute of tot romerige sous vorm. Verwyder van hitte en sit voor met gestoomde witrys . Spek KONFYT Konfyt van spek? Ja, dis waar! Hierdie soet bederf van Gourmet Deli is heerlik saam met kaas, op hamburgers en op toebroodjies. Kyk uit vir The Cooksister Bacon Jam by uitsoekdeli’s.…

Maak die Paasontbyt spesiaal. Dek laag op laag. Draai vars rankies om gekookte eiers en plaas elk in ’n klein plantpotjie. Versier die tafel verder met items uit die natuur, soos vetplante waarvan die pot met bruinpapier toegedraai is en ’n ou voëlnessie met ’n vetplantjie in…

WATER IS LEWE ’n Koel bloute. Vertroosting. Die beelde wat water by aktrise Anna-Mart van der Merwe oproep. Sy is van 29 Maart tot 3 April by die KKNK op Oudtshoorn in die toneelstuk Swerfgoed te sien. Water en waarnatoe ’n gebrek jou dryf, die tema. Dit kan kwalik meer van toepassing wees as nou, met die Wes-Kaap en ander dele van die land aan’t verdor. “Jy kan behoorlik vóél hoe mense angstig raak. Buurmanskap, ubuntu verdwyn. Jy dink aan jou krane buite met slotte toesluit,” sê sy. Vir haar maak water rustig. Haar grootworddorp, Vredendal aan die Weskus, is semiwoestyn en almal baie bewus van die rivier as lewensaar. “Water beteken lewe, ook op sielkundige vlak. Daar is ’n simboliese les. Waar dit teen ’n…

Wat baie vroue deur die jare in die patriargale stelsel ervaar het, ervaar mans nou met die sterk matriarg, sê Ronel. “Dit stel bepaalde uitdagings aan verhoudings. Net soos tuisblyma’s in die verlede dikwels nie genoeg erkenning vir hul waardevolle rol as kinderopvoeders en bestuurders van die huishouding gekry het nie, kry huismans dit ook nie altyd nie. Maar hul vroue sou nie hul dinamiese loopbaan sonder hul mans gehad het nie.” Ons lewe in ’n era van geslagsgelykheid en vroue kan dieselfde beroepe beoefen as mans. “Selfs bevryde mans sukkel soms om dit te verwerk, en dit kan tot minderwaardigheid lei. Skielik is hy nie noodwendig die broodwinner nie. Vroue in gesagsposies by die werk sukkel soms om tuis hul ‘leierskapsrol’ af te skud en wil hul man en…

Die tegnologie om genetiese inligting in te win vir ’n dieet- en oefenstrategie wat nommerpas is vir jou, is reeds beskikbaar. ’n Skraap word van die weefsel aan die binnekant van jou mond geneem. ’n Stokkie, soos ’n oorgroot wattestokkie, word ingespan. Dié monster word gebruik om bepaalde gene te identifiseer. Dis duur**, maar weeg dit op teen die groot bedrae geld wat mense uitgee op allerlei dieet-foefies, -pille en -poeiertjies. Dis wel nie ’n toorstokkie of ’n dieet-wonderwerk nie. Maar Mariza sê in die sowat drie dekades wat sy praktiseer, gee dié tegnologie haar die meeste inligting nog oor wat jou langtermyn-dieetstrategie moet wees. Sukkel jy met jou gewig en het jy dalk al alles probeer, is genetiese toetsing die ding vir jou. Kan jy dit nie bekostig nie,…