Innholdsfortegnelse for February 2018 i SARIE

Hallo, pers! Die kleur vir 2018. Die skakering van viooltjies, laventel, orgideë en krismisrose. Ook van die raaisels van die hemelruim en die kleur van konings. Ons het pers nou meer as ooit nodig, sê die internasionale instituut wat die kleur van die jaar onlangs bekend gemaak het. Want die boodskap en emosie wat dit aan ’n onsekere wêreld uitstuur, is dié van bewustheid, vooruitdenkendheid, kreatiwiteit, waardigheid, vrede. Kosbare dinge. Daar’s net iets aan pers wat rooi se vurigheid en blou se kalmte so stylvol laat saamsmelt. ’n Laerskool-klasmaat het dikwels op ’n Maandagoggend van die plaas af ’n bossie viooltjies vir ons onderwyseres gebring. Aan die diep pers van daardie blommetjies het ek my verkyk. So asof hulle ’n wêreld se geheimenis hou. En toe, een jaar, word besluit…

OM VAN DIE BANK AF TE SPEEL Die liefde tussen twee mense kom in verskillende skakerings . . . kalwerliefde, tienerliefde, daarna ware liefde en dit eindig met oumensliefde. Ouer mense se kinders dink hul ouers verloor van hul emosies soos die jare aanstap. Die emosie om iemand van die teenoorgestelde geslag lief te hê sneuwel eerste, volgens die kinders, en daarmee saam die seksdrang. Kinders dink oumense vry nie! Ek het ook so gedink oor my weduweemoeder toe ek jonk was. Noudat ek oud is, weet ek niks is verder van die waarheid nie, emosies en drange bly intak tot die sterwensdag. In rugby is die beste spelers in die opdrafspan en die naasbestes sit op die bank. Jy kry net speelkans as een van die opdrafspan nie beskikbaar…

Om ’n permanente rol in ’n sepie te hê is vir baie plaaslike akteurs die droom. Maar die gevaar bestaan natuurlik dat dít word wie jy is – daardie een karakter wat jy aand ná aand vertolk. Nie Carina Nel nie. Haar brood is as’t ware aan albei kante gebotter. Want net nadat sy haar verskyning in 7de Laan gemaak het as die suksesvolle dokter Alexa Welman, het sy ’n tweede rol in die sepie begin speel – dié van die sluwe Amanda. Dié karakter, wat eers net een keer sou verskyn, was só gewild dat sy nou al verskeie kere terug was in die Laan – en waarskynlik nog sal wees. Carina speel ook gereeld die rol van ’n vrou met ’n dissosiatiewe identiteitsversteuring in die eenvroustuk Suster, gebaseer…

Daai bos hare staan vanoggend in alle windrigtings. Niks nuuts daar nie. Sproetjies dans oor haar gesig, sonder ’n beduidenis van grimering. As Lizzie, in Sara se geheim op kykNET**, wurm sy haar kurwes in tabberdjies wat die pastoor (Keeno Lee Hector) se oë behoorlik laat uitpop. Hy kwyl, man! Twee dinge van Quanita Adams: Sy is in lewende lywe ook deksels snaaks. En so tuis in haar lyf, die meeste vroue sal by haar kan kers opsteek. “Of course het ek hang-ups oor my lyf,” sê sy. “Maar ek kyk na foto’s toe ek twintig was, met sleutelbene wat lyk of jy gordyne daaraan kan hang. En al daai tyd het ek oor my lyf gestres. Ek’s ook nie die enigste een wat soos ek lyk nie. Jy sien…

PAUL DUNCAN & ALAIN PROUST (AFRICA PRESS, R420) Laat in die negentiende eeu het Kimberley letterlik oornag verrys – die spilpunt van die diamantbedryf destyds. Daar was nie ’n tekort aan mense met geld nie en die mynkamp het vinnig in ’n moderne stad ontwikkel. Duncan en Proust vorm ’n gedugte span as skrywer en fotograaf om die ryk erfenis van Kimberley se geskiedkundige geboue in dié pragtige koffietafelboek te ontsluit. Deur middel van die geboue leer ken jy die geskiedenis van Kimberley. ’n Uitmuntende boek wat ’n ereplek op my koffietafel kry!…

WOUD- inspirasie Twee nuwe parfuums van die Briste huis Jo Malone sal jou wegvoer na Engeland se woude. Geroosterde eikehout – rokerig en soet – is die kroonbestanddeel in albei geure. English Oak & Hazelnut met sy note van groen haselneut en sederhout ruik na ’n woudvloer. English Oak & Redcurrant is soeter met rooiaalbessie en roos. Prys: R1 750 elk vir 100 ml EDC. Besoek www.jomalone.co.za LIPPE DOEN DIE PRAATWERK VIR DIE DAG Die reeks Plush Up Lip Gelato-lipstiffies van Elizabeth Arden (R295 elk) gee ’n tikkie deursigtige kleur aan jou lippe. Probeer die ligpienk skakering Candy Girl. VIR DIE DAG OF AAND Lancôme L’absolu Velvet Matte (R370) het ’n matafwerking, maar die formule is steeds romerig en bevogtigend. Beskikbaar in 9 skakerings. VIR DIE AAND Hoe…

Otto de Jager, geen onbekende in die kreatiewe wêreld nie, het 13 jaar gelede hierdie bekoorlike Victoriaanse huis in Groenpunt gekoop. Vanweë sy werk moet hy dikwels van Johannesburg na Kaapstad reis en was later siek en sat van hotelle. Hy wou ’n plek hê wat hom tot rustigheid stem. Hy vertel hy het een aand by vriende gekuier, waar hy te hore gekom het dat hul bure se huis in die mark is. Net daar, in die laat ure van die nag, het hulle omgestap en die transaksie beklink sonder dat hy die huis eintlik besigtig het. Hy het net geweet hierdie is ’n ongeslypte juweel. Mure is uitgebreek, deuropeninge vergroot, vloere geskuur en gebeits en die hele huis spierwit geverf. Mettertyd het hy sorgvuldig die huis gemeubileer en…

VERF Muur (van bo): Limoges Blue 30BG 56/045, Pictured Rocks 10YR 28/072, Evening Shadow 30BB 21/056. Deur: Black Mica 30BB 05/022.…

Piesangbrood VIR DIE KOSBLIK! Bak hierdie maklike broodjie en pak dit in skool of werk toe Verhit oond tot 180 °C. Klits 120 g (130 ml) botter en 150 g (160 ml) suiker in elektriese menger saam tot lig en romerig. Voeg 2 eiers een-een by en klits goed ná elke byvoeging. Maak 4 ryp piesangs fyn en voeg by. Sif 240 g (430 ml) koekmeel, 2 ml sout en 5 ml koeksoda saam en voeg dit om die beurt met 30 ml melk by die bottermengsel. Skep beslag in ’n goed gesmeerde broodpan. Bak 1 uur. Toets met ’n dun pennetjie – dit moet droog uitkom – voor jy die brood uit die oond haal. VARSGEPARS Sap wat jy self maak, is die gesondste en varsste. Pak dit in…

“’n Vrou wil dit hoor” is een van Johan Vorster se bekendste liedjies. Hy het al meer as 400 liedjies geskryf, waarvan 60 wenners was. “’n Vrou wil dit hoor” is bekend gemaak deur die sanger Bobby van Jaarsveld, en hierdie rubriek, spesiaal vir Valentynsmaand, skets die agtergrond van die liedjie. Van Johan se ander treffers sluit in “Juliet” van Steve Hofmeyr, “Net voor die storm kom” van Theuns Jordaan, “De la Rey” van Bok van Blerk en “Swart koffie” van Corlea. Johan was deel van die sanggroep Eden en is die stigter en tans kreatiewe direkteur van Inhoud Huis, ’n SA musiek-, film- en produksiehuis. Hy is die vervaardiger van die rolprent Susters , wat nou landwyd te sien is. Twee uur na Kaapstad, my gunstelingstad.…

OP DIE liefde GELUK, Mev. Golding! Destyds in 7de Laan, talle kere op SARIE se voorblad, in 2016 ook seremoniemeester by ons Voorbladgesiggala-aand in Kaapstad, en nou Mev. Golding. Aktrise Amalia Uys is op 9 Desember by Robertson getroud met Shaun Golding. * Sien bl. 43 en SARIE.com/bruid vir nog troufoto’s. Dis ’n hart vol Liefde is baie dinge. Hier’s ons lesers en die SARIE-span se mooiste liefdeswoorde: somerreën, winterson, drukkies, koester, omgee, klapsoen, respek, bome, familie, huwelik, diere, natuur, bokkie, baby, beskuit, regverdigheid, lojaliteit, vashou, vryheid, rooiwyn, Karoo, skaterlag, ouma, vlinders, satyn, onvoorwaardelik, opoffering, sjokolade, viooltjies, donskombers, ma-kos, vertroue, vir altyd. Natuur-lik mooi! Lief vir mekaar, is die betekenis van Thandana. Van hul handgemaakte leer-items word nou gekombineer met prettige gelamineerde tekstielontwerpe. Ons hou van die groen Shelly Beach-ontwerp,…

TEKEN IN of HERNU 3 redes waarom jy hierdie kans moet aangryp. Jou SARIEintekening beteken Jy weet jy sal nie ’n uitgawe misloop nie Jy kan kies: jy betaal maandeliks of eenmalig Dis ’n kans om jouself – of iemand vir wie jy omgee – te bederf SKAKEL 087 740 1020 SMS SUBS SARIE na 32361 (geen leestekens) EN ONS KONTAK JOU (’n Tarief van R1 per SMS geld) E-POS sarie_inteken@ media24.com EN ONS KONTAK JOU WWW Besoek SARIE.com vir gewone en digitale intekening * BEPALINGS EN VOORWAARDES IS VAN TOEPASSING. DIE AANBOD GELD NET VIR INTEKENING OP DIE GEDRUKTE SARIE EN IS GELDIG TOT 18 FEBRUARIE 2018 (NET IN RSA) 40% afslag op die gedrukte SARIE…

Ek het vir die eerste keer die sêding ‘sy maak my knieë lam’ ervaar toe ek haar aan haar pa se arm sien, op pad na my. Toe sy langs my staan, was ek rustig en opgewonde dat ons vir ewig saam gaan weesHandré As klein dogtertjie het Marise Malherbe geweet sy wil eendag met ’n man soos haar pa, Gideon, trou. Toe vind sy hom op Facebook. Handré Pollard. Briljante jong rugby-Bok. Op 9 Desember verlede jaar het hulle laatmiddag voor 180 gaste by die Cavalli Wine and Stud Farm buite Stellenbosch die knoop deurgehak. En SARIE het eksklusief die troufoto’s en storie bekom. Twee weke voor die troue is Marise, met haar wilgerlatlyf en blinkswart hare en oë, aan die gesels met ons in ’n koffieplek…

As ma, vrou en aktrise is sy nie bang om haar weerloosheid te wys nie. Dit maak haar eg, eerlik en perfekSchalk van der Merwe oor sy aktrise-vrou Milan Murray Weerloos, maar onverskrokke, is hoe Milan Murray se geliefdes haar beskryf. “Sy is my stylvolle kaalvoet vriendin wat haar krag in haar weerloosheid vind,” sê een van haar beste vriendinne, grimeerkunstenaar Claudia Hamman. Milan se man, Schalk van der Merwe, ’n entrepreneur, meen sy was ’n kat in ’n vorige lewe – elegant, onafhanklik en misterieus. Syself sê drie dinge laat ’n plek soos “huis” voel: katte (hulle het vir Taylor, Tom en Jerry), foto’s en boeke. Die bekroonde toneelskrywer Retief Scholtz beskryf Milan só: “Sy kry ’n vonkel in die oog as jy haar uitdaag met moeilike idees.” Hy…

Wanneer het die rugbygogga jou gebyt? My pa, Joseph, het klubrugby gespeel, en ek het altyd gaan kyk. In my laaste twee jaar [2006 en 2007] aan die Hoërskool Mary Waters op Grahamstad het ek besef ek kan hierdie doen. Ek het nooit teruggekyk nie. My pa was altyd die een wat my gedruk het, ek sê elke dag vir hom dankie. Jy’t net daai een mens nodig wat vir jou moet sê doen daai ding. En ek het, ek het nie gevra hoekom nie. As jy nie ’n rugbyspeler was nie (jy het ook vir die Sharks en Cheetahs gespeel), wat sou jy wou word? ’n Argitek, ek wil steeds. Ek het ge- like om huisplanne te teken, dis plat, maar iemand kan die ding so opbou. Dis nogal…

Waar op Mauritius bly julle? Ons bly die afgelope jaar en ’n half op Flic-en-Flac, ’n kusdorpie aan die westekant van die eiland. Dis so 15 km van die hoofstad Port Louis. Ons huur ’n drieslaapkamer-meenthuis met ’n swembad en ’n groentetuin so 1,5 km van die naaste strand. Die strand is omring deur casuarina- en palmbome en het ’n pragtige strandmeer wat deur die koraal beskerm word en waar dit veilig is om te swem. Wat doen julle daar? Ek is ’n gebore en getoë Pretorianer en het spraakterapie en oudiologie aan die Universiteit van Pretoria studeer. Tans werk ek as ’n eiendomsagent terwyl ek deeltyds besig is met my nagraadse onderwysdiploma deur Unisa. My man, André, is ’n wêreldreisiger. Hy is gebore in Pretoria, was op laerskool op…

DIE WIT ROK Pleks van ’n swart staatmaker, kies dié somer wit. GROOTTES Rok: 4 – 16 STRIKSPEL Versier die moue tot die kraag van een van jou bestaande hemde met ’n swart strik of twee. GROOTTES Hemp: XS – XL Broek: 4 – 16 HEMP MET ’N VERSKIL Breek weg van die klassieke met variasies soos ’n afskouerhemp of die nuwe gedekonstrueerde (deconstructed) hemp. GROOTTES Hemp: 4 – 18 Broek: 34 – 42 DIE NUWE BROEKPAK Broekpakke is sinoniem met die korporatiewe wêreld. Wissel dit af met hierdie pajamastyl pak in dieselfde patroon. GROOTTES Top: 34 – 42 Broek: 34 – 42 WENK Dié pajamastyl items kan jy heerlik meng en pas met ander klere in jou kas. ROK-BROEKKOMBINASIE ’n Broek en baadjie is tradisioneel ’n wenner. Waag ’n…

Vir wimpers wat aandag trek Indien jou wimperhaartjies baie lig is, werk dit goed om jou wimpers te tint. Donker wimpers raam jou oë mooi en laat dit uitstaan. Wil jy hê jou wimpers moet voller of dikker lyk, sal jy steeds soms maskara moet dra, sê Noreen Kembo, ’n skoonheidsterapeut van die Dream Nails-salongroep. Die kleur hou sowat twee weke. Wimperverlengings sorg vir langer en voller wimpers. Dit verg egter heelwat meer instandhouding. Die vals wimperhaartjies word op jou eie haartjies geplak en soos wat jou eie wimpers vanweë ’n natuurlike groeisiklus uitval, val die vals wimperhaartjies daarmee saam uit. Dit beteken jy sit so elke twee weke met gapings teen jou wimperlyn wat jy by ’n salon moet laat opvul, sê Noreen. Gebruik maskara só Probeer ’n wimperbasislaag…

Die sterbestanddeel in Dior se Prestige-velsorgreeks is ’n wilderoos wat inflammasie beperk en jou vel vinniger help herstel. Ná vyf jaar se navorsing het Dior ’n manier gekry om dié roos se aktiewe molekules vas te vang in mikrosfere. In die serum Dior Prestige La Micro-Huile de Rose (R3 500) sorg dié mikrosfere dat die ekstrak se 20 kragtige mikronutriënte, waaronder aminosure, minerale en vitamiene B, C en E, meer doeltreffend aan jou vel gelewer word. Gebruik dit ná reiniging. By uitsoektakke van Edgars Dié elegante reeks lipstiffies van die Italiaanse mode-enskoonheidshuis Dolce & Gabbana, Miss Sicily Colour and Care Lipstick (R625 elk), is geïnspireer deur die energieke atmosfeer van die eiland Sisilië. Elke lipstiffie gee helder kleur met ’n satynafwerking, sonder om swaar of droog op jou lippe te…

Leeshoekie Skep ’n impromptu leeshoek soos dié van Otto de Jager, met ’n verstelbare leeslamp wat kan rondskuif. Die oorgroot foto’s teen die muur maak die informele sitkamer interessant, nes die eienaar se talent om teksture te meng…

A @home 0860 576 576 www.home.co.za Aldo 011 884 4141, 021 421 5674 www.aldoshoes.com/za B Block & Chisel 011 442 0809, 010 593 9308, 021 712 5193 www.blockandchisel.co.za C Cotton On 011 268 3700 www.cottonon.co.za Country Road 0860 022 002 www.woolworths.co.za D Dune London 021 528 1970, 011 685 7055, 011 214 7782 Due South Escapes 0860 576 576 F Forever 21 021 555 3324 Forever New 021 419 4552, 011 883 4585 www.forevernew.co.za Frasers 087 150 2220 www.frasersluggage.co.za G Gucci 021 418 2793, 011 326 7928 www.gucci.com H H&M 0860 690 707 www.hm.com/za Hertex 0860 437 839 www.hertex.co.za M Madison 087 550 7075 www.madisonheartofnewyork.com Mango https://shop.mango.com/za Matter of Fakt maryanne@matteroffakt.com, www.matteroffakt.com Mimco 0860 022 002 www.woolworths.co.za O Old Khaki 0860 444 429 www.oldkhaki.co.za P Poetry 0860 555 529 www.poetrystores.co.za…

Jaarliks, enkele dae nadat die laaste Kersversierings, koekies en ander soetgoed van hulle desperate en treurige uitverkopingsrakke verlos is, verskyn die volgende bevestiging van swak smaak, rakke en rakke vol rooi harte, té soet sjokolades, blikke met strikke, plastiekrose met liggies, kaartjies vol beloftes en vonkelwyn met linte. Valentyn, Valentyn, waar vat jy ons heen? Bitter min mense weet dat Valentynsdag ’n jaarlikse liturgiese herdenking is, oorspronklik ter ere van twee martelare uit die Christendom, Sint Valentyn van Rome en Sint Valentyn van Terni, en ’n paar ander. Daar is baie legendes en min feite beskikbaar, maar ’n uiters vereenvoudigde geskiedenis klink min of meer so: Valentyn van Rome was ’n priester wat blykbaar geestelike versorging gebied het aan Christene in Rome, iets wat teen die wet was. Keiser Claudius…

Trouplek: Cavalli Wine and Stud Farm, 021 855 3218, www.cavallistud.com Bruid se grimering: Saskia Buxton, 060 818 9328 Bruid en strooimeisies se hare: GHD South Africa, e.grey@ghdhair.co.za, www.ghdhair.com/za Strooimeisies se grimering: Made You Pretty, 073 608 1922, madeyouprettyx@gmail.com, Made you pretty op Facebook Fotograaf: Coetzer Cooke Photography, info@coetzerphoto.com, www.coetzerphoto.com, 072 706 7285 Tweede fotograaf: Danelle Stofberg, 082 758 3237 Bruidegom en strooijonkers se pakke: Berkshire & Black, info@berkshire.co.za, www.berkshire.co.za Matjiesfontein-water, 082 905 8947 Niel Joubert-wyn: 021 875 5936, www.nieljoubert.co.za Kasselshoop Kaas: 074 819 4659 info@kasselshoop.co.za Blomme: Blomlief, 084 454 4506, www.blomlief.co.za Verblyf: Paddabult, 021 863 2509, www.paddabult.com Ring: Louie Daniele Diamond Co, 0861 333 347, flagship@louiedaniele.com, www.retail.louiedaniele.com Lingerie: Luna Intimates, luna.intimates@gmail.com, www.lunaintimates.com…

Die natuur inspireer ongeëwenaarde styl en elegansie, daarom sal dit altyd ’n tendens wees. Subtiele blaarpatrone, hier en daar uitgesny, gee aktrise Amalia Uys se uitsonderlike trourok ’n 3D effek. Sit by haar vlamrooi hare ’n kristal-tiara wat lig weerkaats en herinner aan waterdruppels, en die effek is asemrowend. Vir die SARIE-span en SARIE. com-lesers een van die mooiste bruide nog! In Valentynsmaand het Amalia in ’n SARIE-onderhoud dít oor haar man, Shaun Golding, gesê: “Hy is my anker en my rots. Vir hom wil ek regte egte soene gee tot in lengte van dae.” * Sien ook bl. 8.…

“Jy so ongereed, so soetlam-ongedeerd, die pad so ongenaakbaar joune.”Uit die gedig “Pad” uit Corné Coetzee se digbundel Nou, hier (Human & Rousseau, R200) Leon van Nierop SE TOP-3 Die skrywer van Katelknaap (Penguin, R220) deel 3 boeke wat ’n indruk op sy lewe gelaat het The Catcher in the Rye deur J.D. Salinger Ek het dit destyds vir die eerste keer as ontvanklike dramastudent gelees, en Salinger het ’n stem gegee aan al my woede, frustrasies, nuuskierigheid oor die lewe en hulpeloosheid om dinge te verander. Ek was ook aangetrek deur die skrywer se ongedwonge, vry, natuurlike manier van skryf en jeugdige volwassenheid. Sewe dae by die Silbersteins deur Etienne Leroux Omdat ek tot in daardie stadium (eerste jaar universiteit)…

#terugskooltoe ’n Handsak is perfek vir wet wipes en handreinigers vir kleingoed VIR ’N ROMANTIESE AAND UIT Kikker jou werksuitrusting vinnig op met een van dié treffende items…

Vir jou! Die bottelnek van Dior se reeks J’adore-parfuums herinner aan die nekstukke van die Masai-stam van Kenia. Die nuwe parfuum in die reeks bevat steeds die jasmyn- en roosnote, maar dis intenser. “Pinksterrose is van die mooiste blomme in die wêreld. Dit het ’n roostipe geur, maar dit ruik groener en meer aards,” sê modeontwerper Stella McCartney. Haar nuwe geur is gevul met pinksterroos, freesia en nartjie. Kosnote soos lemoen, peer, pistasieneut, amandel en tonkaboontjie is die sterbestanddele in dié vars geur. Dié unieke bottel van die Franse modehuis Jean Paul Gaultier se nuwe vroueparfuum is speels en kreatief. Die geur self ruik na bloedlemoen, patsjoelie, heuning en katjiepiering. Vir hom! ’n Houtagtige speserygeur met sitrus, swartpeper, gemmer en houtnote. Vars appel en sitrus word met houtnote soos sandelen…

DROOGTEBESTAND Pleks van ’n stel trappe net by die voordeur, is dit langs die hele lengte van die voorstoep gebou. Al wat in die voortuin is, is kleipotte met spekbome, ’n groot boom en ’n dik laag gruisklippies. Waterslim en moeitevry, maar treffend. KOOK IN KALMTE Otto wou ’n goed ingerigte kombuis hê vir wanneer hy onthaal. Dit moes ruim wees met genoeg pakplek sodat daar nie te veel los goed rondstaan nie. Die eindresultaat is hierdie eklektiese styl met kaste van vlekvrye staal, ’n versteekte yskas teen die een muur en ’n kloosterstyl tafel en bankies. Die vloer is verseëlde afgevlakte wit sement. WENK As jy mure in ’n ou huis uitbreek, maak deuropeninge ekstragroot om die vloei van die huis te verbeter…

JY BENODIG: ’n Plant, ’n glashouer, wit klippies. MAAK SÓ: Skud die grond van die plantwortels af en maak die wortels effens losser. Laat bietjie week in ’n emmer water. Gooi ’n dik laag klippies onder in die glashouer. Plaas die plant bo-op en strooi nog klippies rondom om die wortels te anker. Gooi bietjie water in, sodat die wortels net-net in die nattigheid is. Onthou om gereeld die water aan te vul.…

HANGKAAS VIR NAGEREG Die Libanese se labneh is ’n sout kaas wat van jogurt gemaak word, maar hoekom nie ’n soet weergawe maak vir nagereg nie? Sit dit voor met papierdun wafelkoekies. genoeg vir 10-12 Meng al die bestanddele saam. Maak doek klam en voer ’n groot vergiettes daarmee uit. Gooi jogurtmengsel in doek. Bring punte van doek bymekaar sodat inhoud in een groot bal in middel van doek saamgedruk word en knoop dit stewig met die kombuistou vas. Hang jogurtbal in jou yskas op met ’n opvangbak onder dit sodat die wei kan afloop. Laat hang 4 dae. Skep kaas uit doek en rol in balletjies so groot soos okkerneute. Sit voor met wafelkoekies van jou keuse. Die kors is die lekkerste deel,…

1 MITE : Die debat hieroor het in 1998 in Brittanje begin ná Andrew Wakefield se studie met net 12 kinders. Die bevindinge is as bedrog uitgewys. Meer as 20 navorsingstudies kon nie sy bevindinge bevestig of die resultate herhaal nie. Tog glo baie ouers steeds die mite. Dalk omdat die eerste tekens van outisme dieselfde tyd kop uitsteek as wat kinders die MMR-entstof kry. Blote toeval, sê dr. Karin Richter. Volgens Lee Baker dui onlangse navorsing daarop dat outisme moontlik die gevolg is van genetiese veranderinge in die baarmoeder. 2 MITE: Die entstof teen servikale kanker beskerm jou teen infeksie met die menslikepapilloomvirus (MPV), wat hoofsaaklik seksueel oorgedra word. Daar’s dus kommer dat die inenting adolessente seksueel meer losbandig sal maak. Studies het egter die teendeel bewys, volgens…