Innholdsfortegnelse for October 2017 i SARIE

Mooiste, mooiste maand, besing digter C. Louis Leipoldt die maand Oktober. Vir SARIE beteken Oktober net een ding: die mooiste, mooiste voorblad. Dié voorblad in die jaar wat behoort aan ons lesers, die SARIE Voorbladgesig. Ons sê geluk aan ons SARIE Voorbladgesig 2017! Aan nie een wenleser nie, maar aan twee wat vanjaar sáám dié titel dra. Yolani Abrahams van Ceres in die Wes-Kaap en Nadia de Wet van Standerton in Mpumalanga is provinsies uitmekaar, die een ’n opgeleide sjef, foodie en entrepreneur, die ander ’n boervrou en ma met ’n handelsgraad wat haarself nou Russies leer. Die een ’n sonskyn-krullebol, die ander ’n boeiende brunet. En albei mooi, mooier, mooiste op ons Oktober-voorblad! Hierdie is die sewende jaar dat SARIE Voorbladgesig aangebied word – dié jaar groter omdat dit…

Sbriewe Geen beter terapie as dié van boeke As kind, sodra daar ’n krisis in ons huis was, was my ma se woorde: “Gaan trek ’n skoon rokkie aan, ons gaan dorp toe.” Eerste stop was my geliefde biblioteek. Daar tussen die kinderboeke het ek veilig gevoel en kon ek na ander wêrelde ontsnap. In boeke was daar verrassings en vars inspirasie. Dus is dit nie vreemd dat ek, toe ek onlangs ná 37 jaar deur ’n egskeiding is, my vrede en nuwe hoop in ’n biblioteek en leesstof gaan soek het nie. Toe ek na ’n nuwe tuiste trek, het ek gesorg dat daar nie net een nie, maar sommer vier biblioteke in my nuwe omgewing is. Hier het die vriendelike bibliotekaresse en gemeenskappe my deur ’n baie moeilike…

Ek is nou ’n bietjie moeg van wroeg en huil Christia Die “plaasmeisie” wat hou van kuier en dans, is gereed om haar vlerke te sprei. In ’n raserige ontbytplek in Kaapstad sit aktrise Christia Visser ewe elegant in ’n swart kleefbroek, swart hoëhakstewels en ’n snoesige kameelkleurige trui. Haar hare is in ’n sjiek bolla en haar blou oë straal. Op 25 is sy diepsinnig, met ’n ou siel. Maar sy is ook mal oor lag. Hard, uit die maag uit. Sy hou van ontwerpersklere, maar erken doodluiters dat sy by rooitapytgeleenthede dikwels teen die einde van die aand haar hoëhakskoene uitskop en in die hand dra. Sy kuier graag met rooiwyn, maar sê ook haar Christenskap anker haar. “Ek is ’n huishen wat nog by my ouers in…

Wie sou kon dink daardie magiese oomblik toe haar naam as SARIE Voorbladgesig 2016 aangekondig is, sou haar lewe verander? “Dit het so onwerklik, na ’n sprokiesverhaal, gevoel. Wat ’n eer en voorreg,” sê Nicola Smit van Kaapstad ’n jaar later. Dié deeltydse onderwysstudent aan Unisa werk as au pair in Durbanville om haar studiegeld te help betaal. Sy is trots dat sy die uitdaging aangegryp en geglo het drome kan waar word. “Dit het my uit my dop laat kruip.” Sedertdien wil sy alle vroue inspireer om in hulself te glo, en hul drome, ongeag hul omstandighede, te volg. Buiten haar studies, wil sy haar as SA netbalskeidsregter bekwaam en deeltyds modelwerk doen. “Die SARIE-boost het die wiele aan die rol gesit. Dit het my laat besef dit is…

Kyk die kat eers uit die boom voordat jy iets aanskaf, want jy koop dalk ’n kat in die sak. Watter wonderlike beskrywende idiome is dit nie! Idiome is ’n kleurryke wyse om gewone dinge mooier te sê. In hierdie prettige boek illustreer Kobus Galloway 150 Afrikaanse idiome met ’n volblad-tekenprent. Onderaan elke prent word ’n kort verklaring van die idioom se betekenis gegee. Agterin die boek is ’n lys met nóg idiome. Die boek laat my besef hoe ryk en mooi Afrikaans is! Galloway is bekend as die skepper van die Idees vol vrees-bundels.…

Geel vallebloes met oop skouers (R379), H&M. Roomkleurige langbroek (R429), H&M. Roospienk fluweelhakskoene (R659), Madison. Geborduurde klein serp (R79), Forever 21. GROOTTES Bloes: 32 – 44 Broek: 32 – 42 Kyk op SARIE.com  hoe onder andere bekendes dié trend dra…

Danksy kukuineutolie in Essence Glow & Care Luminous Nail Polish (R40) word jou naels goed bevog. Elk van die 4 skakerings in die reeks (die een in die foto is Care in the Air) het ’n glinsterende afwerking. By Dis-Chem en www . takealot.com Kollageen en kamelia-ekstrak in Essie Treat Love & Color (R135) versterk en verhelder jou naels. Dis beskikbaar in 4 glansende ligte skakerings. Probeer die kleur Treat Me Bright Die bekende naelversterker met proteïen en kalsium is ook in 4 ligpienk skakerings beskikbaar – O.P.I Nail Envy Nail Strengthener Color in Samoan Sand (R379). By uitsoeksalonne Bestanddele soos arganolie, vitamien C en B5 in Orly Breathable Treatment + Color in Happy and Healthy (R169) behandel droë, beskadigde naels. Besoek www…

Deursigtige maasstofrok met borduurwerk (R1 699), Zara. Motorfietsbaadjie van kunsleer met klinknaels (R1 299), Zara. Silwerringe (vanaf R460 tot R920 elk), NWJ Fine Jewellery. Swart insteekskoene van kant (R249), H&M. Palmsak met klinknaels en borduurwerk (R829), Topshop. GROOTTES Rok: S – L Baadjie: S – L…

Kombineer jeans met ’n klassieke gestreepte hemp en ’n gestreepte baadjie vir ’n informele koffieafspraak. Hemp met konstrasterende gestreepte panele (R899), Witchery. Gestreepte baadjie (R799), H&M. Uitklokjeans met rafeldetail (R629), Zara. Silwer insteekskoene van kunsleer (R549), Madison. GROOTTES Hemp: 4 – 16 Baadjie: 32 – 46 Jeans: 6 – 14 Geniet die gemak van ’n slooprok op kantoor, maar gee dit ’n nuwe voorkoms met ’n baadjie met blomdetail daarby. Gestreepte slooprok (R749), Country Road. Vlieënierstyl ( bomber ) baadjie van kunsleer met borduurwerk (R1 199), Sissy Boy. Wynrooi platformhakskoene van satyn (R379), H&M. GROOTTES Rok: 4 – 16 Baadjie: XS – XL ’n Speelse, avontuurlustige voorkoms met strepe is net die bestanddeel vir ’n aand uit propvol pret. Moulose gestreepte eenstuk (R799), H&M. Opryghakskoene (R659), Madison. Skouersak…

Elke dag, in elke fase van ons lewe, moet ons moderne vroue uitdagings troef. Maar bang om te droom is ons ook nie. “Hoe anders sou ’n doodgewone vrou op ’n tydskrif se voorblad kon pryk?” sê Elmaré Schutte , wenner van SARIE Voorbladgesig 2016 . Sy hou vol dis wat sy is. ’n “Normale ma” met wie almal kan identifiseer. Op 41 het sy moeiteloos mooi op daardie einste voorblad gelyk. En dan kan sy boonop ’n paar jeans laat “praat”. Dis belangrik om uit jou gemaksone te kom – dan beleef jy die meeste groei, het sy die afgelope jaar besef. Sy moes ’n paar keer stop, fokus om alles in te neem. Lief vir mense, was dit inspirerend om in dié tyd sterk, talentvolle vroue te ontmoet.…

Pieter* se storie “Dit was hectic, die diagnose. Jy skrik jou gedaan, weet nie wat om te doen nie. Ek het sit en luister hoe sy en die ginekoloog praat. Sy het later hartseer geraak. Binne tien minute was ons by die chirurg. Toe pak ek op, ek het net na my skoene gestaar.” Tina* het jaarliks ’n mammogram gekry, maar hulle het self agtergekom iets is fout. Haar een tepel het anders reageer. (Terugtrekking van die tepel, dit maak dus nie ’n punt op die oppervlak nie. Hoewel nie noodwendig nie, kan dit ’n simptoom van borskanker wees.) Toe hul dogtertjie per abuis teen haar bors stamp, was dit seer. Dit het seer gebly. Albei haar borste is verwyder (omdat dit geneties is) en ’n rekonstruksie onmiddellik gedoen met…

DIER-BAAR ROOIBOS VIR JESSIE Nadat Jessie die labrador in 2015 met diabetes gediagnoseer is, het sy slaap bo speel verkies. Haar mensmaat, Zaria Rule, ’n graad 7-leerder aan Cornwall Hill College in Centurion, het vir ’n skoolprojek groen rooibostee op Jessie en drie ander honde met diabetes getoets. Hulle het vier weke lank daagliks ’n koppie rooibos, verdun met drie koppies water, gekry. En op die oog af die smaak geniet. Studies het al gewys groen rooibos is die plantekstrak wat bloedglukosevlakke die doeltreffendste by rotte verlaag. Jessie is weer haar energieke self en haar insuliendosis die laagste sedert haar diagnose. Die ander honde het ook goed gereageer. Bron: SA Rooibosraad…

Afri -Frans weer hier! Dít was in 2010 die hartsprojek van musiekregisseur Matthys Maree, en SARIE het as mediavennoot die eerste konsert by die KKNK op Oudtshoorn meegemaak. Wat ’n emosionele reis was dit nie! Afrikaanse liedjies wat in Frans gesing is en ons opnuut laat besef het net hoe móói ons eie musiek is. Nou’s dit reünie-tyd, en die pragtige stem agter Afri-Frans, die Franse sangeres Myra Maud (foto), is terug op die verhoog vir die Afri-Frans Reüniekonsert saam met Mathys Roets, Anna Davel en Chris van Niekerk (bindingsteks). Moenie dié enkele konsert by Aardklop in Potchefstroom op 5 Oktober misloop nie! Matthys is verantwoordelik vir nog twee Aardklop-vertonings: 3 van die bestes, 20 jaar later (sien bl. 12) op 5 Oktober, en…

Iemand wat ek skaars ken, maar wat weens werksomstandighede in besit is van my foonnommer, het so pas ’n kort video gestuur, een van die duisende snaaksighede wat die lugruim deurtrek. Dis ’n seuntjie, voorskoolse ouderdom, wat met die kamera praat en in Afrikaans vloek soos ’n kroegvlieg. In die agtergrond hoor jy mense skaterlag. Volgens verwagtinge moet ek ook lag, ek het ’n legendariese vuilbek en ek maak heeldag grappies. Maar ek is vervul met afgryse. Dis die soveelste keer dat ’n vloekende kleuter ’n selfoontreffer geword het. Eendag wanneer hy ’n volwassene is en ’n suksesvolle skrywer, filosoof, staatshoof of dronk werklose, sal hierdie kort film nog steeds bestaan en sal hy en die ganse wêreld nog steeds daarna kan kyk. Sal hy dan dink dis oulik? Sal…

‘Ons verkoop produkte wat ekobewustheid skep’ Nicki Ellis en Matt Finch, eienaars van die Kaapse ontwerpateljee LoveMilo ’NBlaar, tak of oneweredige klip . . . Nicki Ellis en haar man, Matt Finch, is dol op “onvolmaakte volmaaktheid”. “My ontwerpe probeer harmonie vind tussen die natuur en mensgemaakte elemente – dís uniek,” sê Nicki. Dit is die paar se doel om ekobewustheid met hul produkte – koppies en pierings, bekers, piekniekkomberse, kussings, doeksakke, skootrekenaaromhulsels en skouersakke – oor te dra. “As jy soggens tee drink, moet jy al begin dink aan die natuur,” glo Nicki. “Ons lewe hang af van die aarde se voortbestaan – dit is ons suurstof, ons wese. Ons moet dit eer.” Hul produkte word op 100%-katoen gedruk met ekovriendelike ink en word plaaslik vervaardig. “Ons wil op…

Dié ma van drie en vryskut-grimeerkunstenaar van Kaapstad was in 2013 op 40 die wenner in die kategorie 31+ van SARIE Voorbladgesig . Leana Clunies-Ross het toe gesê Zelda is ’n fotograaf se droom met haar intelligente teenwoordigheid voor die kamera. “Simmetriese gelaatstrekke, vol lippe en amandelvormige oë maak haar só mooi.” So ook haar kort hare , waaroor sy self steeds mal is. “Ek dra al vir 20 jaar my hare kort en kry steeds komplimente daarvoor.” Korter haarstyle is tans gewild, met bekendes soos Kristen Stewart, Katy Perry en ons eie Desiré Gardner en Rolanda Marais wat vanjaar hul hare in ’n kort pixiestyl gesny het, of sommer afgeskeer het. Haarstileerders sê daar is meer agter dié oplewing. The Telegraph berig aanlyn dit kan…

Empire-styl trollie (R2 299), blospienk langsteelglase (R69 elk), kraffie met roosgoudkleurige onderkant (R229), glase met roosgoudkleurige bokant (R65 elk), silwer ysbak met tou (R449), @home. Die plakpapier uit die reeks Cape to Casablanca is Diminish in die kleur Smoke (R1 140 per 10,5 m-rol), Hertex Fabrics…

Verhit room tot kookpunt in ’n middelslagpot. Kap sjokolade fyn en sit in ’n mengbak. Giet warm room bo-oor en roer tot ’n gladde mengsel. Gooi brandewyn by en laat mengsel tot kamertemperatuur afkoel. Voer ’n bakplaat met kleefplastiek of bakpapier uit. Gebruik ’n spuitsak of lepel om hopies sjokolade op die bakplaat te vorm. Verkoel in yskas tot hard. Vorm nou die sjokolade in balletjies met jou hande. Rol elke balletjie in matchapoeier en sit voor. MATCHA-SJOKOLADETRUFFELS maak 24 truffels 300 ml room 500 g donkersjokolade 10 ml brandewyn (opsioneel) 40 ml matchapoeier…

Hierdie natuurlike vloeistof word al hoe meer in haarprodukte gebruik, veral in dié vir fyn en krullerige hare. Klappermelk word verkry deur die wit vesel van ’n kokosneut fyn te maal en in warm water te week, waarna dit gefiltreer word en jy ’n soet, melkerige vloeistof kry, sê Jaime Kontz, medehoof van die haarsorgreeks OGX se navorsing-en-ontwikkelingsafdeling. Volgens haar bevat dit ’n hoë konsentrasie minerale soos yster, magnesium en fosfor, wat die binneste deel van jou hare voed as dit saam met die regte bestanddele in haarprodukte gemeng word. Dit bevat ook louriensuur, ’n tipe vetsuur met kragtige antibakteriële eienskappe wat dit uitstekend maak vir die behandeling van ’n droë, jeukerige kopvel. Vir fyn en krullerige hare wat maklik plat en leweloos lyk wanneer jy haarsorgprodukte gebruik wat te…

Dié plaaslike gesigolie bevat roosbottel-olie wat ryk is aan vitamien C – Skoon Rosehip C+ Concentrate (R565). By uitsoekgesondheidswinkels of by www . skoonskin.co.za Wend dié voedende produk met onder meer jojoba-, olyf- en sewejaartjie-olie vóór jou vogroom aan – Nikel Anti-Wrinkle Elixir (R689). Aanlyn te kry by Zando en Beautyworx  Kamille in Lush Dream Cream Hand and Body Lotion (R235 vir 240 g) verlig ’n droë, rooi vel. By Lush-winkels of aanlyn by www.lush.co.za Probeer dié masker vir ’n probleemvel – Team Dr Joseph Deep Purifying Mask (R500). Besoek futurethis.co.za NUUT! BORRIE IS BOBAAS In 1985 was Clarins se Double Serum die eerste produk wat bestanddele met ’n waterén oliebasis in een produk gekombineer het. Oor die jare is dié ikoniese serum aangepas soos…

Blink uit! Enkelbandjies Espadrilles Lae blokhakke…

Gekleurde lense Oorgroot rame Deursigtige rame Ronde rame…

Brosgebraaide varklies op waatlemoen Met die somer wat aan die deur klop, is dit die perfekte kombinasie. genoeg vir 6 45 ml olyfolie 1 knoffelhuisie, fyngekap 2 uie, fyngekap 1 cm-stuk vars gemmer, fyngerasper 500 g gerookte varkliesrepe ( pork rashers ), in blokkies gesny 60 ml terijakisous 60 ml jakitorisous 1 brandrissie, fyngekap hand vol vars koljander, fyngekap 400 g waatlemoen, in blokkies gesny 2 grasuie, fyngekap Verhit olyfolie tot warm in ’n groot braaipan. Voeg knoffel, ui en gemmer by. Roerbraai vir 5-8 minute of tot lekker bros. Voeg varkvleisblokkies by en braai vir nog 10-15 minute of tot die vet uitgebraai en die vleis goudbruin en bros is. Voeg die souse en die brandrissie by en meng deur. Braai vir 5-6 minute of tot ’n…

A @home 0860 576 576 www.home.co.za Aldo 011 884 4141, 021 421 5674 www.aldoshoes.com/za Ambra Fine Jewellery www.ambrajewellery.com B Black Betty 072 803 9456 www.blackbettydesign.com Block & Chisel 011 442 0809, 021 712 5193 www.blockandchisel.co.za C Cotton On 011 268 3700 www.cottonon.co.za Country Road 0860 022 002 www.woolworths.co.za D Douglas Jones 0861 667 242 www.douglasjones.co.za Dulux 0860 330 111 www.dulux.co.za Dune London 021 528 1970, 011 685 7055, 011 214 7782 E Edgars 0800 203 925 www.edgars.co.za F Forever 21 021 555 3324 Forever New 021 419 4552, 011 883 4585 www.forevernew.co.za Foschini 021 938 1911 www.foschini.co.za G G-Star RAW 021 418 900, 011 784 0321 Green Cross 0860 009 855 www.green-cross.com H H&M 0860 690 707 www.hm.com/za Handmade By Me www.handmadebyme.co.za sera@handmadebyme.co.za Hertex Fabrics 0860 437 839 www.hertex.co.za I…

Skeppende SIELE Hy is die flambojante SA kunstenaar wat al jare in Frankryk bly, sy die ontwerper wat met lap en leer toor in die ateljee van Mitat op Somerset-Wes. Toe Louis Jansen van Vuuren en Marné Mynhardt begin saamwerk, het die spreekwoordelike magic gebeur . . . muurbehangsels, tafeldoeke, handsakke, kussings, skoene en selfs tafels, almal met die LJVV-handtekening! Louis, wat naby Aubusson met sy wêreldberoemde tapisserieë woon, vertel hy’t met nuwe oë na die vergete kunsmedium gekyk. “Kuns en tekstiel is al soveel jare verweef.” Hy’t besluit om sy kunswerke en nuwe ontwerpe in gebruiksartikels te omskep, en in Marné – “op dieselfde artistieke bladsy” en “met ’n aweregse humorsin” nes syne – die ideale vennoot gevind. Besoek www.mitat.com ; kontak: 021 858 1465 of…

SARIE se voorblaaie is natuurlik en daarmee kan ek identifiseer Yolani My beste kompliment nog? Dat ook ek ’n inspirasie is Nadia Wonderwerke gebeur. Vat ’n kans, waag ’n bietjie . . . Met sulke geloof en vasberadenheid het twee SARIE-lesers letterlik derduisende ander deelnemers uitgestof en die titel SARIE Voorbladgesig 2017 losgeslaan! Vanjaar se wenners, die 24-jarige patisseriesjef Yo lani Abrahams van Ceres in die Wes-Kaap en die 34-jarige Nadia de We t , ’n boervrou en ma van Standerton in Mpumalanga, kry elk SARIE se gesogte Oktobervoorblad. Die uitgawe met die twee verskillende voorblaaie sal vanaf 18 September landwyd sy aan sy op die rak lê. “Ek is verheug oor die wenners, eintlik over the moon,” sê SARIE-redakteur, Michélle van Breda. “Hoe heerlik dat ’n sjef van…

Hoe het jy ’n akteur geword? Jy was ’n elektrisiën voor jy by 7de Laan aangesluit het. Ek het nie drama op skool [in Rustenburg] gedoen nie. Ná matriek het ek as leerling-elektrisiën gewerk. Toe word die maatskappy waar ek my vakleerlingskap gedoen het, gelikwideer. Almal is afgedank. Ek wou my droom om akteur te word najaag, al het ek glad nie geweet hoe nie. Eers was ek by ’n modelagentskap, maar het nie baie werk gekry nie . . . Eintlik was ek nie ’n baie goeie model nie! Later het ek ’n oudisie afgelê vir ’n jeugteaterproduksie van Aladdin en toe kry ek die rol van Genie. Ek het gesing en gedans . . . dit was net amazing. Ná ’n paar rolle in…

“Niks genadiger as die genade van niks” Uit die gedig “Niks” deur Wilma Stockenström, uit die bundel Hierdie mens (Human & Rousseau, R190) SO SÊ Helene de Kock OP SARIE.COM  oor haar jongste boek, Debora gaan huis toe (Human & Rousseau, R290) Jou vorige boek, Debora en seuns , speel af in die tyd voor en tydens die Tweede Wêreldoorlog. In hierdie een is die oorlog verby, maar die karakters bevind hulle midde-in die Koue Oorlog. Wat van oorlog fassineer jou? Konflik oor die algemeen fassineer mense. Dis hoekom ons nuuskanale het. Daar is baie selde goeie nuus. Daar is nooit ’n berig wat sê die mense het so goed met mekaar klaargekom nie. Daardie konflik, ek weet nie waarom dit so is…

Eenskouertop met blou-en-wit strepe (R449), Cotton On. Geborduurde miniromp (R800), H&M. Vergulde sterlingsilwer-oorbelle (vanaf R1 250), Black Betty. GROOTTES Top: XS – XL Romp: 34 – 42 Wenk Dié tendens kom veral sterk na vore in aandrokke. Dra in die dag ’n eenskouertop saam met ’n romp, broek of jou gunsteling-jeans…

Revlon Ultra HD Metallic Matte Lipcolor in HD Glam (R185) Dior Metalizer Eyes & Lips Metal Creme Shadow in Plum Reflexion (R390). Beskikbaar vir ’n beperkte tyd Bodyography Lip Lava Liquid Lipstick in Crystal Moon (R290). By Placecol-, Dream Nails- en Perfect 10-salonne Smashbox Be Legendary Liquid Metal in Foiled Brat (R330) Wenk Metaallippe lyk veral mooi op ’n foto en is jou geheime wapen vir ’n perfekte Instagram-selfie!…

Gedekonstrueerde gestreepte hemp (R649), Topshop. Jeans met geborduurde ankers (R3 499), G-Star RAW. Halssnoere (R2 500 elk), goue kopbeenhangertjie (prys op aanvraag) en naaldekokerhangertjie (R7 800), Ambra Fine Jewellery. GROOTTES Hemp: 6 – 16 Jeans: XS – L Wenk Jy kan die klassieke hemp wat reeds in jou kas is, só “dekonstrueer”: 1. Maak die boonste 4 knope los. 2. Laat glip die moue af oor jou skouers. 3. Speel rond met die kraag (vou dit opwaarts of druk dit plat) vir interessante detail op jou rug. Besoek SARIE.com  vir nog wenke…

LIETSJIEPONS Indien jy nie vars lietsjies kan kry nie, kan jy ook gebliktes gebruik. genoeg vir 10 400 g lietsjies, geskil en ontpit 300 g (375 ml) suiker 150 ml water 25 ml rooswater 1 kg gebreekte ys 100 ml vodka (opsioneel) 2 liter limonade Plaas vrugte, suiker, water en rooswater in middelslagpot en bring tot kookpunt. Laat prut vir 5-8 minute of tot vloeistof met ⅓ verminder het. Verwyder van hitte en laat afkoel. Verwerk tot puree met staafmenger. Plaas ys en koue stroop in groot ponsbak. Voeg vodka by. Gooi limonade oor en meng liggies deur. Sit voor.…

GROENTESKILLE MET MAYONNAISE Bros aartappelskille is nie net lekker nie, maar ook vol vesel wat goed is vir jou. Gebruik ook patat- en selfs wortelskille op dieselfde manier. genoeg vir 6 2 eiergele 30 ml dijon-mosterd sap en gerasperde skil van 1 suurlemoen 200 ml olyfolie sout en varsgemaalde swartpeper na smaak sonneblomolie vir diepbraai hand vol aartappelskille hand vol patatskille hand vol wortelskille Klits eiergele, mosterd, sap en skil van suurlemoen saam. Terwyl jy klits, gooi olie geleidelik by tot romerige mayonnaise vorm. Geur goed met sout en peper. Hou eenkant. Verhit olie in groot pot tot warm. Diepbraai groenteskille apart vir ’n paar sekondes tot goudbruin en bros. Dreineer op kombuispapier. Geur met sout. Meng gebraaide skille en sit voor met mayonnaise.…

Krummel-varknek met ertjies Die smeersel mosterd op die tjoppies voordat jy hulle krummel, is die geheime bestanddeel. genoeg vir 6-8 ERTJIES Plaas varktjops op ’n werkvlak en smeer ’n bietjie mosterd oor elkeen. Geur goed met sout en peper. Doop elke tjop in die meel, dan in die eier en laaste in die krummels. Maak seker die hele tjop is goed met die krummels bedek. Begin dan met die ertjies. Smelt botter in ’n middelslagpot. Voeg ertjies by en braai 5-8 minute. Voeg aftreksel by en verlaag hitte. Laat stadig prut vir 10-15 minute. Verwyder van die hitte en geur goed met sout en peper. Hou die ertjies heel of druk fyn met ’n vurk tot ’n…

Johan Vorster is liedjieskrywer van formaat. Hierdie rubriek wys sy gedagtegang in sy skryfproses. Dit was ook die geboorte van sy nuwe liedjie, Een Minuut . Hy het al meer as 400 liedjies neergepen, waarvan 60 wenners was, onder meer Juliet (Steve Hofmeyr), Net voor die storm kom (Theuns Jordaan), De la Rey (Bok van Blerk), Swart koffie (Corlea) en ’n Vrou wil dit hoor (Bobby van Jaarsveld). Johan was deel van die sanggroep Eden en is die stigter en tans kreatiewe direkteur van Inhoud Huis, ’n SA musiek-, film en TVproduksiehuis. Dis ’n minuut voor elf toe ek by ’n kuierplek in Hatfield instap. Ek…