Innholdsfortegnelse for September 2017 i SARIE

Hoe klink lente? Verlede jaar was daar die Afrikaanse rolprent Sy Klink Soos Lente. Die storie van ’n man wat musiek inspan om die hart van ’n vasberade jong vrou te wen. Die mooi titel het die gedagte geplant, ja, hoe sóú lente klink? Ons weet hoe dit lyk, voel en ruik, maar klink? Ek onthou ’n middag in Johannesburg toe ek van die werk af op pad was huis toe. Motors wat voortkruip, ’n son wat laag sit, en my tamheid ná ’n lang dag. Skielik, so asof uit die niet, hoor ek fyn, betowerende klanke wat bo die gedruis van die verkeer uitstyg. Onmiskenbaar dié van ’n penniefluitjie. Daardie klank wat aan jou hart raak en praat met jou siel. Dan sien ek die liedjiemaker. Met die lang…

Altyd ’n Karoo-kind My Carnarvon-broer was sy lewe lank ’n Karoo-kind, hy’t die grond geasem en gelewe. Op sy groot erf met alle soorte vrugtebome het hy nougeset oor die versorging daarvan geheers, die seisoene en die maan se uitgooi of skep het hom gelei. Hy het gesnoei, soms net teruggesnoei, gespuit en bemes en uit die sinkdam stiptelik saans natgelei. Die appelkoosboom by die voorstoep het jaar ná jaar met sy drag grond toe gedruip en sy bottels met konfyt het goud gekaats. By die agterdeur het die adamsvy onder sy wakende oog sy pers vruggies uitgestoot. Die granaatheining met sy robynrooi pitte en donsige borriekwepers het mildelik aan hom teruggegee. Toe kom verander siekte als en hy groet sy Karoo vir ’n klam en mistige Suid-Kaapse dorp. Ek…

Ek is baie hard op myself en wil nooit iemand teleurstel nieSally Veral Afrikaners sal nooit sê hulle het probleme nieSally Sy was destyds almal se gunsteling in haar “leeuvel-tiertert”-rol in Orkney snork nie. Die giggels, die groot bos blonde hare, en wie kan vergeet van “Poeksie Woeksie se Worsie Wapsie”. En nou is Sally Campher ná 25 jaar terug op die kassie as Yolanda van Tonder, Ouboet (Frank Opperman) se vrou, in die nuwe reeks Ouboet en Wors wat in Oktober op kykNET begin wys. Maar sit sy voor jou by ’n koffiewinkel naby haar huis in Johannesburg, kan jy nie glo dis dieselfde vrou wat kykers laat skater met die kômmin uitdrukkings in so ’n skril stemmetjie nie. Sally self is sjiek en stylvol in ’n roomkleurige…

30 JAAR Die Helderberg-lugramp ‘Anders het die bose geseëvier’ – Peter Otzen 13 November 1987. Frenske Otzen sien haar man, Peter, die laaste keer by die lughawe se glasdeur wegstap. Sy is hoogswanger. Die 28ste hoor sy die versoek oor die radio: Almal met mense op SAL se Vlug 295 moet die lughawe bel. Die Boeing 747 het ná ’n brand aan boord naby die eiland Mauritius in die Indiese Oseaan gestort. Tien dae later word hul seun, ook Peter, gebore. Vandag is dit steeds een van die donkerste, tergendste geheime in ons land se lugvaartgeskiedenis. Het onwettige plofstof aan boord die brand veroorsaak? ’n Poging om die destydse wapensanksies teen Suid-Afrika te fnuik? Vir die familie van die slagoffers bly dit ’n gapende wond. Peter, ’n prokureur en tans…

Jy is oorspronklik van Robertson in die Kaap en woon die afgelope vyf jaar op Vancouver-eiland in Kanada. Was dit ’n groot aanpassing? Alles was ’n taamlike aanpassing, maar dis ’n wonderlike, veilige en moderne land om jou kinders in groot te maak. Die moeilikste was dalk om nuwe vriende te maak. Vir hierdie boeremeisie van Robertson was dit ook ’n heel ander storie om in die sneeu te ry. Ek moes van voor af vir my rybewys gaan en het dit die eerste keer gedop! Voorts is skole en medies gratis hier, en dit het my seker die meeste stomgeslaan. Dit motreën soms dae aaneen byna agt maande van die jaar – van middel September tot Mei. Die somer is taamlik warm (so 25-30 °C), en al is hier…

Met sy blou oë, gespierde lyf en engelstem is dit nie moeilik om te sien waarom die 21-jarige Brendan Peyper tans een van Suid-Afrika se gewildste Afrikaanse sangers is nie. Daarby is hy onlangs deur SARIE-lesers aangewys as SA se tweede sexyste man naas Bobby van Jaarsveld! Vir dié boerseun van Bloemfontein is dit ’n eer. “Ek kyk op na Bobby, so ek voel bevoorreg om in dieselfde liga as hy te kan speel.” Brendan was 15 toe hy vir Idols ingeskryf het, maar nie die “groen lig” gekry het nie. Ná matriek het hy sy debuutalbum, Stop, wag, bly nog ’n bietjie , uitgereik en byna oornag ’n musieksensasie geword. Die musiekvideo van die titelsnit is reeds meer as ’n miljoen keer…

As jy dink jy moet altyd jou hare met ’n haardroër uitblaas of met ’n haaryster stryk of krul om mooi te lyk, dink weer! Begin vanjaar het Pinterest voorspel moeitelose haarstyle, wat jy skep sonder om hitte te gebruik, gaan ’n trend wees. Sedertdien sien ons gereeld bekendes wat met sagte golwende, effens deurmekaar style spog. Boonop is die voorkoms goed vir jou hare se gesondheid. Indien jy gereeld jou hare met hitte stileer, kan dit erg verniel, dus is dit ’n goeie idee om jou hare dan en wan eerder natuurlik te laat droog word. “Hittelose haarstyle is deesdae gewild juis omdat vroue besef watter skade oorstilering kan doen,” sê Lizanne Mouton, kreatiewe hoof van die Gary Romhaarsalonne in Gauteng. Vroue verkies ook ál meer ’n moeitelose styl…

BLOM VIR LENTE In Brittanje blom die bedreigde Engelse grasklokkie jaarliks vir net sowat twee maande om ’n pragtige see van bloupers op die woudvloer te onthul. Nou, vir die eerste keer, is die soet, douerige geur van dié blommetjies vasgevang in ’n parfuum. In die Britse modeontwerper Stella McCartney se nuwe vrouegeur, Pop Bluebell (R1 475 vir 100 ml EDP), gee soet grasklokkies nuwe diepte aan die oorspronklike Pop-geur se sandelhout en soetemaling vir ’n intense blomgeur. Somervars Dié nuwe reukweerders hou jou nie net heeldag lank vars nie, dit bevog en kalmeer ook jou vel 1 Die formule van Shower to Shower Anti-Perspirant in Spring Rain (R16) bevat nou ’n natuurlike bestanddeel afkomstig van wierook wat help om ’n sensitiewe of geïrriteerde vel te kalmeer 2 Dié reukweerder…

WELKOM! ’n Botaniese tema van plante, voëltjies en kleure uit die natuur weerspieël die gesin se passie. TWEELINGBANKE Twee identiese banke is teenoor mekaar geplaas, wat goeie balans aan die vertrek gee. Die glasdeure wat na ’n klein binnehof en groentetuin lei, is hier sigbaar. Die linkerkantste muur, nie sigbaar op die foto nie, gly heeltemal oop na die tuin. Die koperpaneel bo die vuurherd het die eienaars op ’n veiling gekoop en so ook die rooi mat. Die plafon van herwonne hout demp klank en skep ’n warm atmosfeer. Visser Kapperer de Bruin Argitekte (www.vkdb.co.za) het die huis ontwerp. WENK  In ’n vertrek met baie kleur werk die simmetriese plasing van meubels, skilderye en ornamente goed BRING DIE NATUUR IN Die egpaar is uithaler-tuinmakers en dit weerspieël in die…

Kortpad-sorbet Vandeesmaand maak ons sorbet in die SARIE-kombuis. As jy nie lus is vir die lang pad nie, is hiér een wat jy binne minute maak. Plaas 800 g bevrore mangostukke, 250 ml room, 1 hand vol kruisement en 80 ml suiker in voedselverwerker met metaallem – dit moet ’n plat, ronde verwerker wees met ’n los deksel. Verwerk by hoë spoed tot mengsel soos dik, romerige roomys begin lyk. As dit lyk of die vrugte te hard gevries is, gooi ’n klein bietjie warm water by terwyl die menger loop sodat die mangostukke sagter word. Sit dadelik voor of skep in ’n roomysbak en hou in die vrieskas tot jy dit voorsit. Skep mooi balle Jy eet mos eerste met jou oë, en as jy perfekte balle sorbet of…

’n Fout is ’n besluit of aksie, doelbewus of per ongeluk, wat direk of indirek strek tot nadeel van een of meer lewende wesens, bekend of onbekend aan die een wat fouteer. Dikwels is dit dié een wat ly. Ek is gevra om daaroor te praat, maar ek het my gedagtes en navorsing neergeskryf, dit het gelei tot ’n verrassende dokument. Ek deel ’n verkorte weergawe: DIE KAALKOPGIDS TOT FOUTE GESKIEDENIS In 1788 het die Oostenrykse weermag te midde van verwarring en dronkenskap homself aangeval. Tienduisend soldate het gesterf. Hierdie belaglike gebeurtenis verskyn bo-aan elke lys van die wêreld se grootste foute. Die geskiedenis is ryk aan voorbeelde van hoe dwaasheid die wêreld gevorm het. Die moord op Caesar, die mag van Hitler, die afbrand van talle biblioteke, tonne olie…

Sy koffie is reeds koud van die baie gesels, maar dit maak nie saak nie, hy hou daarvan so, sê Louis Pretorius, en vat ’n slukkie, onverstoord . . . Dis die eerste keer in maande dat hy die luukse van tyd het. ’n Oop oggend wat voor hom uitstrek. Die mees intense fase van sy jongste TV-reeks, Die Boekklub 2, lê nou agter hom: 68 dae op stel, waar hy en die filmspan van seweuur soggens tot seweuur saans gewerk het. Dis nou benewens verlede jaar se “totale eksistensiële krisis”, soos Louis daarna verwys. Toe hy vir twee maande geen woord kon skryf nie . . . verlam deur al die verwagtinge ná die oorweldigende sukses van die eerste reeks. (kykNET het ’n tweede reeks versoek nog voordat die…

die hart is die poort tussen hemel en hel Uit die gedig “Die hart is . . .” in die bundel In die grot van die sibille deur Juanita Louw (Queillerie, R175) SO SÊ Gerhard van Huyssteen OP SARIE.COM oor die AWS (Pharos, R450) Vanjaar vier die Afrikaanse Woordelys en Spelreëls sy 100ste verjaardag. Wat is die nuutste ontwikkelinge wat in die AWS opgeneem is? ’n Taal hou nooit op om te verander nie. Soos wat ’n taal se omwêreld en sprekers verander, so verander die taal ook, en hordes nuwe woorde wat ons veranderende wêreld reflekteer, is in die nuwe AWS bygevoeg. Dink byvoorbeeld aan Wi-Fi of wi-fi; whatsapps en gewhatsapp. Ons het ook taalsake beskryf wat nog…

BRETONSE STREEP Een van die klassiekste streeppatrone word nuut ingespan met interessante detail soos oop skouers. Dra dit saam met ’n ander streeppatroon, bv. regaf strepe, vir ’n treffende voorkoms. Bretonse streep-trui met oop skouers (R499), Cotton On. Olyfgroen gestreepte maksi-volromp (R999), DAVID deur David Tlale, aanlyn te koop by die SARIE-winkel by spree.co.za  (SOEK Striped Full Circle Skirt Green). GROOTTES Trui: XXS – XL Romp: 32 – 42 CARGO- BROEK Dié broek is tans die gunsteling onder modelle soos Gigi Hadid en aktrises soos Jennifer Aniston wanneer dit by informele styl kom. Gee flair aan die broek met ’n lae hak en ’n wit hemp. Olyfgroen cargo-broek van katoenmengelstof (R1 450), Superdry. Wit katoenhemp (R399), Vero Moda, aanlyn te koop by die SARIE-winkel by…

’n Ryk blomgeur wat ook vrugtenote soos kaalperske en swaarder note soos muskus en sederhout bevat. Dit het dieselfde kenmerkende koffienote as die oorspronklike Black Opium, maar ruik nou soeter en varser met freesia, sitrus en peer. Vir die juweliershuis Cartier simboliseer ’n orgidee vroulikheid. Dié motief word al sedert 1925 in hul ontwerpe gebruik en in hul nuwe parfuum gee hierdie tropiese blom ’n tikkie poeieragtige soetheid. Vrygeestig, lig en blommerig, gevul met vars peer, roos en lietsjie. ’n Smeulende geur met perske, osmanthus-blom, geroosterde kakao en vanielje. Twee blomme wat hul geur eers met sonsondergang vrystel, jasmyn en soetemaling, vorm die hart van hierdie parfuum. Jy ruik ook soeter note van moerbei nes jy dit aanspuit, en ’n paar ure later swaarder muskus. Sagte leer is die kroonbestanddeel…

’nTydlose horlosie vir die moderne vrou, gekombineer met die presisie van Switserse onderdele. In dié horlosie met sy skoon, vloeiende lyne uit Michel Herbelin se Corynthereeks is dié juweliersvervaardiger se passie vir detail weer eens te sien, soos met die gesig van perlemoenskulp en duursame kristalle en getekstureerde wysers. Soliede vlekvrye staal is vir die band gebruik. Vir produknavrae, skakel Luxco by 011 448 2210 www.michel-herbelin.co.za  Facebook: Michel Herbelin South Africa Instagram: @mherbelinsa SMS EN NEEM DEEL SMS die sleutelwoord MICHEL, gevolg deur die antwoord op die vraag, jou naam, van en telefoonnommer na die nommer 35409. (’n Tarief van R1,50 per SMS geld.)…

HEERLIKE LENTE Gaan deur die versameling porselein in jou kaste en dek ’n slag met onpaar borde, bakkies en glase vir ’n vrolike lentetafel…

FRAMBOOS-EN-VANIELJEROOMYS As kind was ek mal oor roomys met twee kleure en geure, soos sjokolade en vanielje. Probeer hierdie sorbetweergawe van framboos en vanielje. genoeg vir 750 ml Verhit water, suiker, sap en skil van suurlemoen tot kookpunt en roer tot al die suiker opgelos het. Verwyder van hitte, voeg jogurt by en meng deur. Verdeel mengsel in twee en voeg vanielje by een deel. Voeg frambose en rooswater by ander deel. Pols mengsels afsonderlik in voedselverwerker tot glad. Laat afkoel en vries apart in roomysmasjien, of maak só as jy nie ’n masjien het nie: Gooi mengsels in vriesbestande bakke. Plaas in vrieskas en roer elke 15 minute met draadklitser. Hou so aan tot die mengsel dik en romerig is. Skep die…

Dis treffend – ’n enorme wit blom met ’n pienk skynsel om die rand asof iemand liggies daarop geteken hetElize Daar’s ’n vrou in elke geur, sê D.J. Opperman in sy gedig “Sproeireën”. En wat rose betref, is dit waar. Daar’s die Rina Hugo – ’n dieppienk blom wat volop bloeisels maak. Die Mara Louw – ’n geel blom met delikate pienk rande. En nou, die Elize Cawood. Nes die bekroonde aktrise, bekend vir haar rolle in flieks soos Verspeelde lente, Die wonderwerker en Lien se lankstaanskoene, is haar roos klassiek en elegant. Elize vertel toe sy die dag in Mei vanjaar haar roos by die bekende rooskweker Ludwig Taschner se plaas buite Pretoria gaan kies, was dit liefde met die eerste oogopslag. “Ek het gedink ek sal iets soortgelyks…

Bridget Jones, sy met die appelwange en -boude, het as die wêreld se bekendste “singleton” ’n lansie vir enkellopers gebreek. Of het sy? In die 2001-fliek Bridget Jones’s Diary beween sy dié status luid. So ook haar kurwes, hoeveel sy rook, en kan sy net-nog-een-glasie-wyn-drinkof-gaan-dit-te-veel-wees? Mos die tradisionele siening van ’n alleenloper: bietjie meer alleen, bietjie minder vervuld as getroudes. Want is dit nie almal se droom om te trou nie? En daarom moet jou lewensgehalte noodwendig laer wees as dit nie gebeur nie. Hoekom is daar dan meer ongetroude vroue as ooit? In Amerika vorm hulle ’n groeiende, magtige en belangrike stemblok. Voeg ongetroude mans by en dis ’n groot hap van die samelewing, volgens Rebecca Traister in All the Single Ladies: Unmarried Women and the Rise of an…

B Block & Chisel 011 442 0809, 021 712 5193 www.blockandchisel.co.za C Caslazur www.caslazur.com Charles & Keith 011 210 1728, 012 663 5258, 021 552 4912 www.charleskeith.com Contempo 0861 729 727 www.contemposhop.co.za Cotton On 011 268 3700 www.cottonon.co.za Country Road 0860 022 002 www.woolworths.co.za E Espadril 079 722 7143 www.espadril.co.za F Foschini 021 938 1911 www.foschini.co.za H H&M 0860 690 707 www.hm.com/za Handmade by Me www.handmadebyme.co.za, sera@handmadebyme.co.za Hertex Fabrics 0860 437 839 www.hertex.co.za K K.Light Import www.klight.co.za M Madison 087 550 7075 www.madisonheartofnewyork.com Mimco 0860 022 002 www.woolworths.co.za Mr Price 0800 212 535 www.mrp.com Mr Price Home 0800 212 535 www.mrphome.com Mungo 044 533 1395 www.mungo.co.za N Nomination 011 089 6007 www.nomination.com O Old Khaki 0860 444 429 www.oldkhaki.co.za P Pezula Interiors 021 424 2661 www.pezulainteriors.co.za Poetry 0860 555 529…

Ek onthou die vier en ’n half maande waarin ek dag en nag in my pienk-en-wit Woolies-pajamas rondgeslof het asof in ’n wasige droom. Dit begin skuins voor middernag op 21 April 2015 toe ’n miniatuurmensie heeltemal te vroeg ná ’n noodkeisersnee aan my bors beland. Dit was ná ’n swangerskap soos ’n B-graad-riller. Vier maande waarin ek boesemvriende geword het met die toiletbak, ’n spoedeisende troue en toe ’n derde trimester waartydens ek meer in die hospitaal was as daarbuite. Die klein Gollumpie wat nou in my arms was, was soos ’n surrealistiese verlenging van my lyf. Maar dit was ’n ledemaat wat ek nie verstaan het nie. Die een oomblik waak dokters nog oor my – en toe is daar ’n stukkie mens van 2,2 kg wat skreeu…

Eerste nuwe geur in 15 jaar Gabrielle (Coco) Chanel (foto) was rebels en as ontwerper het sy die modewêreld op sy kop gekeer. In 1921 is jasmyn vir die eerste keer in ongekende hoeveelhede in parfuum in haar debuutgeur, Chanel No. 5, gebruik. Nou bring die modehuis Chanel hulde aan Coco met hul eerste nuwe vroueparfuum in 15 jaar, Gabrielle. – Charis van den Heever Om te weet 1. Dit het jare geneem om die bottel te ontwerp. Die glasrande is só dun dat dit lyk asof die bottel verdwyn en net die parfuum sigbaar is wanneer jy dit teen die lig hou. 2. Dis ’n vars geur met lemoenbloeisel, jasmyn en soetemaling. 3. Die gesig van die parfuum is aktrise Kristen Stewart, self bekend vir haar rebelse gees. Nr.…

V oor my sit sy, ewe parmantig én sensueel met haar kort, donker seuntjiekapsel, antieke borsspeld, retro-rokkie en flapper-stewels. Dit lyk asof sy ’n rol vertolk in ’n drama uit die jare twintig. Pure suffragette. Nie dat sy nou ’n rol vertolk nie – dit is die outentieke aktrise Rolanda Marais wat uitwei oor haar lewenstaak. Om stories te vertel deur toneelspel. Rolanda, so na aan ’n metode-toneelspeler soos wat ons seker in Suid-Afrika sal kry, is van Oktober af te sien as een van drie susters in die kykNET-familiedrama Waterfront. Sy skroom vir niks as sy ’n karakter uitbeeld nie. (Metode-toneelspel is wanneer ’n akteur of aktrise soos die karakter “word” in die regte lewe, haar gewoontes en aksent in haar alledaagse lewe inspan om die karakter as’t ware…

9 Augustus, Vrouedag – ’n dag waarop Donnalee Roberts ’n glasie geklink het op presies een jaar vóór die uitreiking van die rolprent Stroomop *, wat afspeel op die Oranjerivier in die Noord-Kaap. Daar “in die middel van alles . . . en van nêrens, en een van ons uitdagendste projekte nog!”, sê sy. Stroomop volg vyf uiteenlopende vroue wat kop bo water probeer hou. Die perfekte ma, die perfekte loopbaan, die perfekte voorkoms . . . Vroue wat gemaal en meegesleur word deur die lewe, en soms net die lewe oor hulle laat rol. “Ons ken hierdie vroue, want ons ís hierdie vroue. Maar as ons mekaar net kan sién, mekaar se seer en moeilik, en meer nog, mekaar se mooi, sal…

In hierdie oulike reeks storieboeke leer kinders waardevolle lewenslesse op ’n vermaaklike en toeganklike manier. Grillie Spinnekop kry binnekort ’n babasussie. Hy wonder hoe dit sy lewe gaan verander en gaan kuier by al die ander dierebabas om te sien watter verskil hul koms in hul gesinne meegebring het. So besef hy dat sy ouers steeds vir hom lief is, al kry hy ’n babasussie. Daar is ook aktiwiteits-, inkleur- en speletjiesboeke in die reeks.…

PROBLEEM Jy koop ’n item sonder om te dink hoe jy dit gaan kombineer met die klere in jou kas. En dan kan jy die item net een keer dra, want dit pas by niks OPLOSSING Wanneer jy iets wil koop, dink aan minstens drie items in jou kas waarby jy dit kan dra 1. Naweekgemak 2. Ete-afspraak 3. Kantoorsjiek PROBLEEM Jy is gaande oor bv. rokke met blompatrone of swart noupassende jeans en dis byna al wat jy koop. Alles goed en wel, maar nou het jy nie veel om uit te kies nie. Dink net hoeveel ander style broeke of rokke jy kan koop met al die geld wat jy al spandeer het OPLOSSING Koop verskillende snitte, kleure en patrone Wenk Dra ’n oopgeknoopte hemprok as ’n…

Daardie natuurlike songoue glans wat jou vel kry wanneer jy in die buitelug baljaar, is wat die skoonheidshuis Chanel met die produkte in hul Les Beiges-grimeerreeks wil regkry. ’n Nuwe onderlaag in die reeks, Healthy Glow Gel Touch Foundation SPF 25/PA+++ (R990), het ’n ligte water-jel-formule wat ’n deursigtige, vars afwerking gee. Danksy die ekstra water in die onderlaag word jou vel goed bevog en lyk dit plomper. Dié luukse mansgeur van Dior met sy kenmerkende sitrusgeure het al in 1966 die lig gesien. Met nuwe note soos kuskusgras en mirre is Christian Dior Eau Sauvage Parfum (R1 705 vir 100 ml) nou effens swaarder, maar steeds ’n heerlike geur vir die somermaande. By uitsoektakke van Edgars en Red Square Roos kan jou vel kalmeer, teen oksidasieskade beskerm én dit…

JY BENODIG Skoongewaste items, grys onderlaagverf en goue spuitverf, ou koerante. MAAK SÓ Kies ’n windstil dag en pak koerante buite uit. Plaas items taamlik ver uitmekaar. Skud blik met grys onderlaag goed. Spuit al die oppervlakke. Sodra onderlaag droog is, spuit items goud. Spuit eerder ’n paar maal liggies om te keer dat trane vorm. Jy kan ook items in ’n groot kartonboks plaas as jy in ’n vertrek soos jou motorhuis moet werk.…

1 Sorbet is ’n term wat algemeen in die Franse kookkuns voorkom. Dit word tradisioneel voorgesit tussen gange om jou palet “skoon te maak”, maar kan ook as ’n ligte nagereg geniet word. 2 Sorbet se basis is gewoonlik ’n suikerstroop van 2 dele water en 1 deel suiker. Die basis word dan gegeur met vrugtepuree, of soms alkohol, voor dit gevries word. Moderne sjefs maak ook deesdae sout weergawes en geur die basis met groentepuree pleks van suikerstroop. 3 Sorbet met ’n suiwelbasis, soos by ons resepte, staan ook bekend as “sherbet”. 4 Die herkoms van sorbet is onbekend, hoewel baie kosbronne graag vertel dat die Romeinse keiser Nero (in die 1ste eeu n.C.) die uitvinder was. Volgens hulle het hardlopers al langs die Appiese Weg emmers met sneeu…

Studies wys vroue in ’n vaste verhouding sit dikwels gewig aan. Dit het Jenna Bergen, ’n Amerikaanse fiksheidsinstrukteur, selfs genoop om ’n boek te skryf. In Your Big Fat Boyfriend: How to Stay Thin When Dating a Diet Disaster (Quirk Books, 2009) gee sy wenke oor hoe om dié slaggat te vermy. Maar wat skuil daaragter? Daar kan emosionele redes wees, meen dr. Van Zyl-Edeling, deel van ’n magstryd in die huwelik. Jou (oortollige) gewig kan soms selfs jou verhouding in stand hou. Sy sien dit by kliënte: Sommige mans voel veiliger as hul vrou gewig aansit. Hy dink sy is dan nie so aantreklik vir ander mans nie. Toe sy eendag ’n eetplan oorhandig aan nog ’n kliënt, ’n diabeet, het sy dit na haar…

WAT AS . . . Jy weet nie wanneer jy weer kans gaan kry om te eet nie. Of weer sulke lekker kos gaan sien nie. Of iemand anders gaan dalk die stukkie koek in die yskas gaps. SINTUIE Jy is in ’n restaurant en eintlik versadig. En dan sien jy die heerlike crème brûlée en móét dit proe. Of jy ruik die aroma van varsgebakte brood in die supermark. Die kos smaak só lekker jy wil nóg hê. Jou mond soek aanmekaar variasie, teksture, smake. Daarom kan ons so maklik van soet en glad na sout/skerp/speseryagtig en krakerig oorskakel. DIS BETAAL EN DÁÁR Jy het tog nou vir die bord kos in die restaurant betaal. Of moeite gedoen om te kook. Daar is toebroodjies tydens die vergadering in die…

Wen ’n praghorlosie (bl. 73) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Luxco Importers as ’n diens vir haar lesers aan. Luxco Importers voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), Luxco Importers en hul reklamemaatskappye mag nie aan wedstryde deelneem nie.…