Innholdsfortegnelse for May 2017 i SARIE

storie in dié uitgawe bespreek. Met slegte nuus wat so op ons neerreën, raak dit gewoonte om niks meer goed te verwag nie. Om die swarigheid daar doer te sien aankom, soos branders, al groter, al sterker. Só werk ons kop: Zuma jaag aan, die rand val en die reën bly weg, rentekoerse styg, jy verloor jou werk, jy verloor jou huis . . . en dan stap jou man ook sommer uit. Kenners sê die oorsprong van sulke uitbeheer-denke lê diep begrawe – êrens in ons onderbewuste waar vrees en angs rondspeel. In ’n land soos Suid-Afrika is trauma oor lang tydperke vir baie van ons hoeka ’n bekende emosie. Om nou te glo dat die hemel aan’t val is, is dus nie moeilik nie. Hoe gemaak? Hoe stop…

In skoenlose spore Ek het vandag my tennisspan na ’n skool in ’n ander deel van die stad vergesel. Daar het ek iets ervaar wat my oë wawyd oop laat gaan het. Alleen in my motor op pad huis toe het maskara-trane skaamteloos my wange besmeer. My Dior-glanslippe is terstond gesnoer. My duur parfuum het haar eksotiese geur verloor en in die aanskoue van armoede en eenvoud verdamp. My marmerhart het vermurwe toe ek die snikhete tennisbaan onder die skoolmeisies se sokkies-sonder-tekkies kon voel. Ek wou dit ten hemele uitroep dat daardie tienerlyfies hulself tog steeds waardig op die baan moet dra. My bevoorregte tennisspan, in hul netjiese sportuniform, het met deernis en begrip en met die mooiste harte daardie kinders se verleentheid verbloem en hulle deel gemaak van hul…

Beneuk pas hom soos ’n handskoen. Daarvoor sorg die diep frons, ’n steengroef op sy voorkop uitgekerf. Broeiende blik onder swaar oogbanke. Brendon Daniels was al minstens vier keer ’n gangster in wroegende stories op die verhoog en silwerdoek. Selfs as die goeie ou, Luitenant Shane in Die Boland Moorde op kykNET, is daai frons soos ’n toegetrekte gordyn. Maar soos met sy stewiger rolle moet jy dieper kyk. Brendon se lag gaan haal hy uit sy maag. Sy storie klink na ’n Hollywooddraaiboek. Die klong van die Kaapse Vlakte wat nog nooit van Brecht en Tsjekof gehoor het nie. Hy wou in movies wees, soos Denzel Washington. Maar hy sou die teater soos ’n fris bries tref. Nou, sowat twaalf jaar later, is hy heeltyd besig. Behalwe teater, ook…

As iets nie meer reg is vir jou nie, weet jy. Al is jy dalk nog nie reg om dit te laat gaan nie Kim Vir die eerste keer in baie jare het sy rustigheid in haar hart, sê aktrise Kim Cloete. Sy skud haar kop, ongelowig, en glimlag. “Dis gróót . . . “Ek het vrede gemaak met my familie. Dit het in Augustus 2015 begin, toe ek vir die eerste keer in sewentien jaar huis toe is, na Bonteheuwel in die Kaap. Daar het ek my mammie, my broer en sy kinders gesien. En dit het my só goed gedoen. Deesdae is ons deel van mekaar se lewe en dis wonderlik.” Kim het al in verskeie media-onderhoude vertel dat sy ’n moeilike kinderlewe gehad het en deur ’n…

Koos van der merwe Dis nou die derde keer dat jy en Matthys saam werk. Hoekom is julle so ’n goeie span? Ek’s ’n musikant, maar ook net genoeg om met baie harde werk iets te kan toonset. Ek is eintlik ’n woordmens, ek dig en skryf. Maar Matthys . . . hy is net geniaal. Sy musikale vermoëns is getrou aan my eie woorde. Hy’s ’n briljante pianis, saxofoonspeler, kitaarspeler en hy’t selfs ’n goeie stem. Maar Matthys het hom so oorgegee aan die kuns van musiek dat hy nie ’n begeerte vir die kollig het nie, hy wil net agter sit en die musiek help skep. Ons het regtig goeie vriende geraak. Waar het die inspirasie vir jou album Droom Martha Droom vandaan gekom?…

Jy weet reeds slimfone kan lei tot swak konsentrasie en onsosiale gedrag, maar jy sal dalk geskok wees om te hoor dit kan Suid-Afrika se kanse op die rugbyveld ook beïnvloed. Die Bokke se hanteringsprobleme wat rugby-aanhangers se senuwees so klaarmaak? Dis slimfone se skuld. Swak ontwyking? Ook slimfone se invloed. En hul onvermoë om op meer as een ding te fokus? Weer eens is daardie slimfoon die sondaar! Dr. Sherylle Calder, ’n sportwetenskaplike van Stellenbosch, doen al jare lank navorsing oor die uitwerking van skermtyd, spesifiek slimfone, op atlete. Sy sê slimfone het ’n baie groter uitwerking op die sportveld as wat die meeste mense besef – dit skep veral probleme wat verband hou met visie, konsentrasie en kommunikasie. “Ek het in my werk met atlete mettertyd gesien hoe…

Koreaanse vroue neem hul velsorg baie ernstig op. In Suid-Korea bestaan die gemiddelde vrou se velsorgroetine soggens én saans uit tot 10 stappe! Omdat skoonheid so ’n reusebedryf in dié land is, is hulle bekend vir hul nuwe, innoverende produkte, en wêreldwyd word na hul skoonheidsbedryf as “K-Beauty” verwys. Dit is dus geen verrassing dat essens sy oorsprong hier het nie. Boonop word dit beskou as een van hul belangrikste skoonheidsprodukte. Wat is ’n essens? ’n Essens het ’n waterige tekstuur en is hoofsaaklik ontwikkel om jou vel te hidreer, sê Meagan Africa, nasionale opleidingsbestuurder van die velsorghuis La Mer. Omdat die formule superlig is, absorbeer jou vel dit dieper as bv. ’n vogroom. Maar is dit nie dieselfde as ’n verfrisser ( toner ) nie? Hoewel ’n…

Danksy die herlewing van modes uit die 80’s en 90’s word helder grimering al hoe gewilder, sê Andrew James, nasionale opleidingsbestuurder van die skoonheidshuis Lancôme. “Ná ’n paar modeseisoene waar ’n natuurlike en neutrale grimeervoorkoms die toon aangegee het, is helder kleure op jou oë weer vars en modern.” Dis maklik om dié voorkoms self te skep. Die belangrikste is om ’n oogomlyner-skakering te kies wat jou oogkleur komplementeer, sê Andrew. Kies brons vir blou oë, helderblou vir bruin oë, pers vir groen oë en goud vir groenbruin oë. Om die voorkoms meer subtiel te maak kan jy skakerings met ’n blink of metaal-afwerking gebruik. DOEN DIT SÓ * Gebruik ’n jel- of potloodoogomlyner en trek ’n dun lyntjie teenaan jou onderste wimperlyn van die binnehoek van jou oog na…

GROOTTES Rok: 8 – 14 Trui: XS – XL…

VIR HAAR ! ’n Dieper geur vir die winter met amandel, heliotroop en vanielje – Alaïa Eau de Parfum Blanche (R1 270 vir 50 ml EDP). By uitsoektakke van Woolworths Vanielje, lemoenbloeisel en perske is die sterbestanddele in Boucheron Quatre Intense Pour Femme (R1 295 vir 100 ml EDP). By Dis-Chem Blomgeure soos lemoenbloeisel word met swaarder muskus, souterige vanielje en kasjmierhout gemeng in Paco Rabanne Olympéa Intense (R1 240 vir 50 ml EDP). By Truworths en Edgars ’n Vars geur met note van wittee, roos en nartjie – Elizabeth Arden White Tea (R695 vir 100 ml EDT) Die inspirasie is ’n romantiese aand in Parys met sonsondergang en die geur is gevul met note van lemoenbloeisel en sandelhout – Chloé Love Story Eau Sensuelle (R1 370 vir 50 ml…

GROOTTES Top: S – XL Jeans: S – L…

My borste was nou letterlik ’n hand vol Belinda Haar nuwe borste, nog baie geswel, het haar handpalms vol gelê. Warm, sag . . . perfek. Belinda* het dit formeel gegroet: “Julle is terug, welkom.” Daarmee, het sy geweet, kan sy saamleef. Enigiets groter, ’n bonus. Toe borskanker sowat drie jaar gelede by haar gediagnoseer is, het sy albei borste verloor. Die een weens kanker. Maar ook die ander een, die gesonde een. Belinda is ’n draer van BRCA1, die afwykende geen wat jou kans vir borskanker drasties verhoog. Die chirurg het ’n dubbele mastektomie aanbeveel. Belinda het teen ’n onmiddellike rekonstruksie besluit. Prioriteit was om die “borsweefsel wat met kanker geprogrammeer is” uit haar lyf te kry. En dan so vinnig moontlik uit die hospitaal te kom. Maar hoe…

5 gelukkige SARIElesers kan elk die boek Hekel teëlmotiewe met ’n verskil deur Karen Adendorff (Human & Rousseau, R195) wen. Almal – oud en jonk – is deesdae aan’t hekel. En oraloor maak die alombekende oumablokkie weer sy verskyning. Hierdie nuwe hekelboek bied vars en oorspronklike idees vir motiewe: Marokkaanse, Delftse, Persiese en Mediterreense blokpatrone met tegnieke soos oppervlakwerk maak die patrone, wat op verskeie maniere gebruik kan word, anders en interessant. Elke patroon bevat ’n diagram, die grootte, aantal kleure en moeilikheidsgraad van die motief. Nog 5 gelukkige SARIE-lesers kan Die fortuinsoekers: Die Mannheim-sage 1 deur Lerina Erasmus (Human & Rousseau, R295) wen. Dis die goudstormloop van die 1880’s. Hebsug, verraad en passie is aan die orde van die dag. Beeldskone…

Dit is seker slegs die mees edeles van die mensdom wat volkome innerlike vrede behou wanneer hulle in lang rye moet staan. Onlangs voel ek hoe iets met my gebeur toe die ry vyftig mense ver staan in ’n groot winkel met twintig betaalpunte en slegs drie kassiere op ’n laaste Saterdagoggend van die maand. Vir meer as ’n halfuur voel ek hoe ek ontaard in ’n hoëbloeddruk-kandidaat. Die volgende week moet ek ’n baie eenvoudige transaksie in ’n bank afhandel. Ek verseker my vrou daar bestaan geen moontlikheid dat ons die persoon wat ons oor veertig minute moet sien, sal laat wag nie. Dis een kort transaksie op ’n baie stil dag. In die bank gekom, is ons slegs vyf mense in die ry, maar die een kassier is…

Dis ’n heerlike weeksmiddag, een van daardie onverwagte seëninge wanneer jy vanweë onverklaarbare omstandighede ’n paar ure vry het. Jy spring in jou motor en gaan dwaal vol vrede in jou gunstelingboekwinkel rond. Wat kan verkeerd gaan? Ek staan by die toonbank met ’n arm vol boeke. Langs my staan ’n ouerige vrou, nie deftig nie, nie slordig nie, doodgewoon. Sy kyk na my, kyk weg en kyk weer na my. Ek weet wie jy is, sê sy. Haal af jou sonbril. Ek sê, Verskoon my? Haal af jou sonbril, sê sy. Ek sê, Dame, nie dat ek my enigsins aan ’n vreemdeling hoef te verantwoord nie, maar my oë is sensitief vir sterk lig en in hierdie winkel is byna een miljoen buisligte. Die vrou lig haar selfoon. Ek…

Bloemfontein word nie verniet die stad van rose genoem nie. Nog nie eens klaar met skool nie en Ansolet Rossouw (18) en Chané Husselmann (16) blom deesdae behoorlik op internasionale loopplanke in modestede soos Milaan en Parys. Albei is leerders aan die Meisieskool Oranje in Bloemfontein. By die Paryse Modeweek in Maart het Ansolet geskitter in ’n “manlike” groen uitrusting deur die Italiaanse ontwerper Miu Miu. Chané se hoogtepunt was haar debuut eksklusief vir die Italiaanse ontwerper Versace by die Milaanse Modeweek in Italië. En dit het alles begin by die fotograaf en modeluitsnuffelaar Fanie Nel en sy vennoot James Emanuel, direkteur en modebestuurder van FanJam Model Management in Kaapstad. Fanie het anderhalf jaar gelede op foto’s van Ansolet en Chané afgekom wat hulle op die sosialenetwerkplatform Instagram geplaas het…

Só klein jy wil dit hou en hê. Die wêreld mag groot, wyd en die pas vinnig wees, maar klein verloor nooit sy impak nie. Jy moet mos ’n bietjie nader staan, mooier kyk om klein te waardeer. Dis intiem, spesiaal. Genoeg om meesterlik te wees. Die Kaapse kunstenaar Lorraine Loots wys op bl. 46 haar hartswerke – almal perfekte miniatuur-skilderye skaars die grootte van ’n R2-muntstuk. Wêreldwyd staan mense tou om haar kunswerkies te sien en te koop. Op die modeloopplanke maak die mini-handsak sy verskyning – deels prakties, deels vir die mooi, want jy dra sommer meer as een op ’n slag. Kyk vir koffie, nog nooit so gewild soos nou nie. Die koning van koffie, die espresso, word in piepklein koppies bedien juis om die smaak te…

Seabelo sê dié oefening wat die Sewesspan gereeld doen, is een van ’n reeks oefeninge wat kan help om kommunikasieprobleme, vinnige besluitneming en bewustheid te verbeter: Vier spelers staan in ’n vierkant en gooi ’n bal so vinnig as moontlik vir mekaar. Die een wat gooi, skree dan links of regs en hoog of laag wanneer hy gooi. “Dit klink dalk maklik, maar hoe kleiner die vierkant is en hoe vinniger jy dit doen, hoe moeiliker word dit. Jy moet gelyktydig luister, daardie inligting prosesseer, jou lyf opdrag gee om te reageer, ’n besluit neem oor wat jy volgende gaan doen en dan die besluit kommunikeer. Dit verg baie konsentrasie en koördinasie,” sê hy.…

“Met die geduldige beluistering van woorde begin, ondanks alle verskille tussen mense, wysheid en vrede.” Uit die gedig “Beluistering” deur Adam Small, uit sy bundel Klawerjas (Tafelberg, R215) Briewe uit die Tankwa ADRIAAN OOSTHUIZEN, LETI KLEYN EN DAWID SLINGER (PROTEA BOEKHUIS, R400) Die besonderse boek het begin met Adriaan Oosthuizen se ontdekkingsreise in hierdie ongerepte deel van Suid-Afrika. Sy aangetrokkenheid tot die landstreek het hy van sy ouers geërf wat uit die Karoo kom. Die landskap is een waarheen hy telkens kan terugkeer, want hy “het die stilte wat jou kop kan laat draai, begin verwelkom”. Jy voel die ewige stilte en die grootsheid van die landskap in Adriaan se foto’s. Elke portret vertel ook ’n storie wat perfek onderskryf word deur Leti Kleyn se teks en ook Dawid Slinger…

WENK Dit lyk die vleiendste saam met hakskoene MIDIROK Vir ’n ekstra vroulike aanslag, dra ’n rok met val-detail saam met dié winter se gunstelingtekstuur, fluweel. Maasstof-midirok (R699), H&M. Fluweeltop (R249), Brave Soul, aanlyn te koop by die SARIE-winkel by spree.co.za  (SOEK Long Sleeve Crop Velveteen). Fluweelenkelstewels (R759), Zara. GROOTTES Rok: XS – XL Top: XS – XL CULOTTE Geniet oor naweke die gemak van dié broek met ’n paar insteekskoene. Fluweelculotte (R799), Topshop. Roomkleurige V-nek-top met lae rug (R799), Witchery. Insteekskoene met luiperdvelmotief (R859), River Island. GROOTTES Broek: 6 – 14 Top: S – L MIDIROMP Stylvol vir die kantoor saam met ’n oorknoopbaadjie. Hou dit interessant met hakskoene met ’n luiperdvel-motief. Geplooide valleromp (R799), H&M. Lang baadjie met oop skouers (R1 399), Topshop. Insteekhakskoene met luiperdvelmotief…

Jy kan van vaalheid tot donker vlekke, droogheid, fyn lyntjies en olierigheid met ’n gesigmasker in die vorm van ’n room, gesiglappie, jel of aftrekmasker (peel mask) behandel. Boonop was gesigmaskers die skoonheidsproduk wat die afgelope jaar die meeste in Amerika, Japan en Frankryk gegoogle is. Maskers beleef nou weer ’n oplewing omdat ons in ’n era van kitsbevrediging leef, sê Sonette Donker, velsorgkenner en eienaar van die estetiese salon Skin ID in Johannesburg. “Met ’n velsorgproduk soos ’n serum, wat dieper in jou vel werk, sien jy eers ná ’n paar maande werklik ’n verskil aan jou vel, terwyl jou gelaat dadelik beter lyk nadat jy ’n masker aangewend het omdat dit op die veloppervlak werk waar dit bv. onmiddellik oortollige olie absorbeer, jou vel bevog of dit afskilfer…

Al hoe meer skoonheidshuise skep nou hul eie weergawe van die sogenaamde vloeibare matliptint. Jy kan maar sê dit is ’n super-lipproduk wat die voordele van onderskeidelik ’n lipglans, ’n mat- én ’n roomlipstiffie in een bied, sê Meagan Africa, nasionale opleidingsbestuurder van die grimeerhuis Smashbox. meagan verduidelik die verskil tussen ... . . . ’n vloeibare matliptint en lipglans Albei formules is vloeibaar en gly dus maklik aan, maar ’n liptint blink nie soos ’n lipglans nie. . . . ’n vloeibare matliptint en ’n mat-lipstiffie Hoewel albei formules ’n mat-afwerking het, is die pigment van ’n liptint sterker en sorg vir meer intense kleur. Waar mat-lipstiffies soms ook jou lippe droog kan laat voel, is dit nie die geval met ’n liptint nie omdat die formule meer bevogtigend…

Jacques was dikwels net so hartseer oor Hansie se dood soos ekBertha Daar is nie woorde vir wat gebeur het nie. Niks wat die ongeloof kan beskryf nie. Die fisieke pyn wat haar dubbel laat vou het nie. Die dag vyftien jaar gelede toe die lewe wat sy geken en gekoester het, vir Bertha du Plessis (voorheen Cronjé) ineengetuimel het. Hansie Cronjé, eers Suid-Afrika se liefling en toe uitgeworpene, het op Saterdag 1 Junie 2002 in ’n vliegongeluk in die Outeniqua-berge gesterf. Naby hul huis. En drie maande voor haar dertigste verjaardag. Hulle is op 8 April 1995 getroud. Hansie, Grey-kollege in Bloemfontein se “goue seun”, het vir sport geleef en sou een van Suid-Afrika se suksesvolste en gewildste krieketkapteins word. Tot die bom oor wedstrydknoeiery in 2000 in Indië…

Trouklokke vir Pippa Van die Britse koninklikes kry die wêreld net nie genoeg nie . . . selfs al is hulle aangetroude familie. Almal gis oor die troue van Pippa Middleton, wat in haar noupassende strooimeisierok byna haar sus Kate se kollig gesteel het by die koninklike bruilof in 2011. Sy trou glo op 20 Mei met batebestuurder James Matthews in die St. Mark’s-kerk in Englefield, Berkshire. Die onthaal is by haar ouerhuis in Bucklebury. Daar word bespiegel dat klein prinses Charlotte blommemeisie gaan wees. Bron: The Telegraph TROTS SUID AFRIKAANS lewers in die buiteland? Die avant-garde kapel wat lyk of dit liggies op die water rus, is op eie bodem - die Bosjes-plaas in die Breederivier-vallei, Ceres. Argitek Coetzee Steyn het die treffende kapel (vir troues) ontwerp, asook die…

HOE WERK DIE WEDSTRYD? Jy moet minstens 18 jaar wees en reeds matriek voltooi het, en ’n SA of Namibiese burger. Inskrywings sluit 15 Mei 2017 om 08:00 stiptelik. Die beoordelaars kies 36 semi-finaliste wat in SARIE se JULIE-uitgawe sal verskyn PLUS 4 wat die meeste stemme op SARIE.com gekry het. Uit dié 40 semi-finaliste kies die beoordelaars 10 finaliste wat in ware SARIE-voorbladstyl afgeneem sal word en in ons SEPTEMBER-uitgawe verskyn. Daarna kan lesers aanlyn op SARIE.com vir hul gunstelinge stem. Dié leserstemme sal saam met die beoordelaars s’n in ag geneem word om die 2 wenners aan te wys. Sien SARIE.com  vir wedstrydreëls. HOE OM IN TE SKRYF SLEGS aanlyn by SARIE.com Foto’s moet opgelaai word en moet 72DPI wees, met ’n maksimum van…

Ek is nou uitgewoed . klaar gerebelleer . nou wilek net verf Lorraine Om Lorraine Loots se nek hang ’n kettinkie met ’n piepklein skilderytjie. Jy wil net nog nader gaan en jou verkyk aan die detail – dis ’n perfekte kunswerk van haar babaseun se blou ogie. Dié ene gaan ek vir myself hou, sê sy, gemaak ferm. As student in grafiese kuns op Stellenbosch was die grootste kritiek van haar dosente dat sy te sentimenteel en nostalgies is. Lorraine is steeds onbeskaamd so, dis deel van wie sy is, maar sy het tog geleer om haar kuns makliker te laat gaan . . . Reg oor die wêreld kry mense klaarblyklik nie genoeg van haar miniatuur-kunswerkies nie, sedert sy in 2013 haar eerste waterverfskildery, ’n oranje slangetjie, kwalik…

Die gevolge van te veel skermtyd is nie net duidelik op die sportveld nie, maar in byna alle fasette van die lewe te sien. Kinders raak ál meer visueel ingestel en dit lei tot gebrekkige konsentrasie in die klaskamer, waar hoër kognitiewe funksies nodig is, sê Sorein. “Foonspeletjies gee kinders ook die geleentheid om iets weer en weer te doen as hulle dit nie die eerste keer regkry nie, dus leer hulle die slegte gewoonte aan om nie die eerste keer te konsentreer nie.” Dr. Sherylle Calder sê sy was verbaas oor hoe baie EyeGym (’n reeks oog- en breinoefeninge) kinders met dié probleme gehelp het. “Deesdae is dit ook ’n aanlyn program (eyegym.com). Dit neem tien minute per dag, drie of vier keer per week, en die terugvoer is…

Haar verhaal is ’n regte Aspoestertjie-een. Natalia Vodianova, wat in Rusland gebore is, het arm grootgeword en as tiener saam met haar ma vrugte verkoop vir ’n inkomste. In 1999 is sy as 17-jarige Parys toe om haar heil in die modelwêreld te soek . . . En teen 2006 was sy op Forbes se lys van hoogs betaalde modelle. Vandag is sy nog net so gesog. Tans is sy die gesig van H&M se Conscious Exclusive-reeks, waarin herwinde produkte of materiale gebruik word wat nie nadelig vir die omgewing is nie. Natalia is nie net ’n mooi gesig nie. In 2004 het sy die Naked Heart Foundation gestig, wat daarop fokus om veilige en stimulerende speelplekke vir kinders in die arm gebiede van Rusland te skep. Dit gee ook…

NUWE MODE Dra ’n strik in jou hare Haarstrikke in verskillende groottes was een van die gewildste tendense by die internasionale modeweke in Februarie vanjaar. Dis die perfekte min-moeitehaarbykomstigheid. Al wat jy nodig het, is ’n lint! Met ’n strik kan jy die eenvoudigste styl elegansie gee. ’n Lae poniestert lyk veral mooi met ’n strik van satyn- of fluweellint. En wie sê dit is net vir die jonges? Selfs by vroue bo 40 kan ’n groot haarstrik stylvol lyk. Stileer bloot jou hare in jou gunsteling-styl en voeg ’n klein of bonkige strik by. Moenie bekommerd wees as jou haarstrik nie perfek is nie. Dit dra by tot die styl as die strik effens deurmekaar, pap of oneweredig hang, het die bekende Britse haarstileerder Guido Palau agter die skerms…

Nesskop of hygge (jy sê hoegha) is ’n Deense leefstyl-trend wat fokus op ’n gelukkiger, gesonder lewe – en dit spoel oor na dekor. Maak só: Skep 'n knus atmosfeer Gebruik kalm kleure Kies materiaal met tekstuur Steek kerse aan Gebruik natuurlike stowwe soos hout Skakel elektroniese goed af !…

Vonkelwyn ’n Heildronk en ’n glas vol borrels is byna sinoniem. Die ikoniese vonkelwynhandelsmerk J.C. Le Roux maak seker jy kan saam feesvier, selfs al drink jy nie alkohol nie. Koop hul niealkoholiese Le Domaine aanlyn en klink ’n glasie – sónder die hoofpyn die volgende oggend! Jenewer-entonikum Om te ontspan ná werk is vir baie ’n glas jeneweren-tonikum op ’n sagte rusbank – onthou die skyfies komkommer en suurlemoen! Danksy The Duchess kan jy steeds dié drankie geniet sonder enige alkohol, suiker of kilojoules. Die verpakking is net so mooi soos die lekker smaak. R109 vir 4 by www.yuppiechef.com Rooiwyn ’n Bredie is ’n uitnodiging vir goeie geselskap en ’n glas rooiwyn. Moenie dié soort kuier misloop net omdat jy nie alkohol drink nie – jy kry selfs rooiwyn…

Wat is dit? Tradisioneel word koffie met warm water en teen hoë temperature gebrou. Koudgebroude koffie word stadig oor enigiets van 5 tot 24 uur by kamertemperatuur gebrou. Stikstof (“nitro cold brew”) kan ook bygevoeg word vir ’n ekstra romerige voorkoms wat herinner aan ’n moutbier. Die stikstof laat dit egter nie anders smaak nie. Hoekom dit so maak? ’n Goeie koppie koudgebroude koffie het ’n volronde, soet, verfrissende smaak met ’n laer suurgehalte. Die geur van die koffie is koning en dit word voorgesit sonder melk of suiker. Indien die koffie te sterk is, kan 1 deel koffie met 1 deel koue water gemeng word om dit te verdun. Moenie verwar nie Koudgebroude koffie en yskoffie is nie dieselfde nie. Yskoffie is koffie wat warm gebrou en dan afgekoel…

Shirin Vawda is ’n instaan-dokter wat graag in haar tye af eksperimenteer. Haar inspirasie kry sy van Moir’s. Sy vertel haar ma het Moir’s gebruik toe hulle kinders was en sy maak steeds staat op Moir’s vir perfekte gebak en heerlike poedings. “Omdat die wye verskeidenheid bestanddele altyd van hoë gehalte is, is ek nie bang om te waag met nuwe kombinasies en skeppings nie.” Einde verlede jaar het Moir’s bakkers in ’n landwye kompetisie oor ses weke gevra om ’n resep te ontwikkel met twee produkte uit hul reeks. Dié produkte en resepte is op Moir’s se Facebookblad gedeel. Die ses wenners van elke week het toe sake uitgespook vir die groot prys van R15 000 en verskeie produkte, waarmee Shirin weggestap het. SHIRIN SE WENSKEPPING Napoleonroomyskoek met 3…

Dit kan jou risiko vir demensie met 44% verhoog dr. Francois Retief Dis die branderige sensasie onder jou borsbeen wat kan strek van die krop van jou maag tot by jou keel. Sooibrand. Byna almal kry dit een of ander tyd. Op enige ouderdom, ook kinders en babas. Soos vetsug is sooibrand ’n epidemie van die moderne tyd. Dis dikwels die liggaam se manier om protes aan te teken teen verkeerde eet- of leefstylgewoontes. Drink jy medikasie daarvoor, is dit soos om die rooi lig “af te skakel”, volgens dr. Francois Retief, internis en gastroënteroloog van Mosselbaai. Protonpomp-inhibeerders of PPI’s, wat die hoeveelheid suur verminder wat jou maag afskei, is die mees voorgeskrewe medikasie in die wêreld. (Soos Altosec, Losec, Nexium, Omez, ensovoorts.) Dit het egter newe-effekte op lang termyn.…