Innholdsfortegnelse for August 2015 i SARIE

Catharina Maria en Harriet Sarah. Die een ’n Bolandse nooi; die ander ’n boorling van die Karoo. Hulle was my oumas. Albei was uitsonderlike vroue, maar meer kon hulle nie verskil het nie. Van jongs af het dit my gefassineer, by tye selfs verwar – hierdie twee anderste vroue, asof van twee anderste wêrelde. Die een Afrikaans in hart en siel; die ander Engels in taal en denke. Kom ek wees eerlik, my Afrikaanse ouma wás vir my Ouma. Die ene koestering en soetkoekies; stories vol nostalgie en slim lewenslesse. Saam met haar het ons gebak en gebrou, leer brei en hekel, al vroegoggend in die huis en die tuin gewerskaf en tot laataand kaart gespeel. Wanneer ander voor kaggelvure toegewikkel was, het sy ons strand toe geneem om die…

Daar was onlangs ’n program op televisie wat handel oor die lewe van mense wat die lotery gewen het. In Amerika het ’n vrou 91 miljoen dollar ryker geword, ’n ander vrou het 50 miljoen dollar gewen en ’n egpaar het 266 miljoen dollar gewen. Hierdie geld is nie eenmalig aan hulle betaal nie, wel in paaiemente oor ’n tydperk wat tot 20 jaar lank kan wees. Die wenner ontvang dikwels maar ongeveer 50% van die totale prys, die res gaan na die belastinggaarder, maar dit bly ’n ondenkbare hoeveelheid welvaart. Dit was duidelik dat die vervaardiger van die program wou wys hoe lewens oornag kan verander en hoe fassinerend dit is dat die meerderheid van hierdie gelukkiges hul geld binne enkele jare verloor; sommige verval in groter armoede as…

Met die intrapslag by haar huis in Johannesburg voel jy sommer tuis. ’n Laning eeue oue dennebome waak oor dié huis met kunsskatte om elke hoek en draai. Die oopplanontwerp van die sit-eetkamer is versier met kleurryke beeldhouwerke, elke muur spog met ’n portret, en selfs die meubels is uniek – ’n deftige hout-eetkamertafel staan naby ’n groot heldergroen rusbank wat oorgetrek is om soos ’n gesellige graspol te lyk. Heléne bied dadelik koffie met ’n groot glimlag aan, en gaan sit dan voor die skoonheidsterapeut wat haar manikuur en pedikuur tuis kom doen terwyl die onderhoud begin. “Met drie kinders is ek nou al ’n uitstekende multitasker!” lag sy. Deesdae is Heléne weer te sien in verskillende flieks nadat sy vir ’n ruk effens uit die oog was –…

DIE PRYSE 1STE PLEK • Wenner in kategorie 18 – 30: R50 000 kontant van Schwarzkopf • Wenner in kategorie 31 +: R50 000 kontant van Schwarzkopf Een van die 2 kategorie-wenners verskyn op die voorblad van die Oktober 2015-uitgawe. Sy is dan die SARIE Voorbladgesig 2015 10 FINALISTE Elk van die 10 finaliste kry ’n geskenkpak van Schwarzkopf, Clicks, BaByliss en Max Factor Trotse medeborge van SARIE Voorbladgesig 2015…

Rolanda Marais Jy speel dikwels donker karakters en in donker reekse. Hoekom trek dié rolle jou aan? Ek het self maar ’n donker kant, ’n malligheid aan my. En ek dink regisseurs sien dit raak en hou daarvan om dit vir my te gee – hulle weet I’ll bring it! Ek is ook in ’n stadium in my loopbaan waar ek nie meer bang is nie. Ek sal byna enigiets probeer as ek die regisseur vertrou, en dis hoekom mense soos Christiaan Olwagen, regisseur van die verhoogstukke Die Seemeeu en Dogma, en my verloofde, Jozua Malherbe, regisseur van die kykNET-dramareeks Bloedbroers, wat in Oktober begin wys, my al gehelp het om nuwe hoogtes te bereik. In Bloedbroers speel ek die rol van ’n slim, passievolle feminis. Jozua het gesê hy…

“Laat staan tog net jou stoutigheid, jy soek na moeilikgeit,” sing Theuns Jordaan en Dr Victor terwyl Ethiopië se terraslanderye deur die Amarok se vensters verbygly. Dis Dag 63 van Voetspore in die Groot Skeurvallei*. Om my spoel nuwe plekke, nuwe woorde soos die stofwarrels van die paaie waarop ons ry. Injera. Awash. Shirrits. Hoogtepunte elke paar kilometer. Hiënas wat diepnag die antieke stad Harar inkom, met een wat in ’n surrealistiese seremonie op my rug klim, ’n reep vleis van ’n stokkie in my mond neem. Maar die lekkerste van Voetspore vir my? Die terloopsheid. Dinge gebeur soos dit gebeur. Om onder die sterre braaivleis-en-aartappelslaai te eet saam met die oud-Bolanders Johan en Desireé Redelinghuys op die grootste wingerdplaas in Ethiopië. “Twéé oeste ’n jaar,” spog Johan, bruingebrand in…

Kreatiewe inkleurboek vir grootmense 3 SAAMGESTEL DEUR MICHAEL O’MARA BOOKS (HUMAN & ROUSSEAU, R135) Wêreldwyd is volwassenes ywerig aan’t inkleur, en ook hier in Suid-Afrika is dit nou ’n gewilde tydverdryf. Meer as 15 000 eksemplare is reeds verkoop van die Kreatiewe inkleurboek vir grootmense 1, wat verlede jaar in November verskyn het. Volgens Erika Oosthuysen (uitgewer van nie-fiksie by NB Uitgewers) was die boeke in dié reeks byna dadelik ’n groot treffer. “Inkleur vir grootmense gaan orals volstoom voort, ook in Europa en Brittanje. Ons hoor gereeld van terapeute en beraders wat die boeke met groot sukses in hul praktyke aanwend, en sommer anekdotes van baie mense dat hulle die inkleurproses ontspannend en terapeuties vind. Dit stem ooreen met die groeiende tendens om aandagtig te wees – of hoe…

Elegante eenvoud Styl-ikoon Jennifer Aniston Jeans wat goed pas, is die sleutel tot die meeste van jou uitrustings. Ander moet-hêitems in jou kas is ’n swart rok, swart baadjie en wit hemp. Die skeppendste wat jy sal raak, is om rond te speel met serpe. Modern boheems Styl-ikoon Rachel Zoe Jou styl is eklekties. Dit beteken jy speel rond tussen vintage en iets moderns. Jy is ook lief vir juwele, veral armbande. Sexy en dramaties Styl-ikoon Kim Kardashian Noupassende klere is ’n móét in jou kas. Teksture soos leer, deursigtige stowwe en kant wys jou sensualiteit. Jy is ook nie bang om vel te wys nie – hetsy met uitsny-detail, ’n kort toppie (crop top), ’n lang spleet of ’n lae V-hals. Die modernis Styl-ikoon Victoria Beckham Swart en wit…

TROTS SA VIR KATE Kan dit wees? ’n Gewilde SA olie is glo een van die hertogin van Cambridge, Kate Middleton, se gunstelingprodukte! Volgens verskeie mediaberigte het dié Britse skoonheid Bio-Oil tydens haar swangerskap gebruik om rekmerke te voorkom. Die werklikheidster Kim Kardashian en aktrise Natalie Portman is glo ook aanhangers van dié strelende olie. 80 KERSIES OP DIE KOEK Die Franse skoonheidshuis Lancôme verlei vroue al agt dekades lank. Hier is ’n paar hoogtepunte: 30’s: Die Fransman Armand Petitjean stig Lancôme en stel aanvanklik net parfuums bekend. Die naam kom van ’n vervalle kasteel in die middel van Frankryk, Lancosme Die rose in die omgewing was die inspirasie vir die maatskappy se goue roos-simbool. 40’s: ’n Reeks velsorg- en grimeerprodukte sien die lig. 60’s: Bekendstelling van hul luukse Absoluevelsorgreeks.…

HET JY GEWEET? Mias was ’n mediese student aan die Universiteit Stellenbosch, maar doen vanjaar net modelwerk. Gee jou wimpers lengte, volume en trefkrag! Dié maskara se unieke formule bevat klein vesels wat jou wimpers lê om dit voller en langer te laat lyk, terwyl die borsel se korter haartjies sorg dat elke wimperhaartjie met intense swart kleur bedek word. Dié gewilde serum is nou in ’n ligter jel-tekstuur beskikbaar wat maklik absorbeer en is ideaal om deur die dag te gebruik. Die ster-bestanddeel hierin is EGF (Epidermal Growth Factor), ’n proteïen wat natuurlik in jou vel voorkom en selvernuwing en kollageenvervaardiging stimuleer. Danksy dié slim bestanddeel word verskeie velkwessies soos fyn lyntjies, plooie, donker vlekkies en ’n onegalige tekstuur behandel. Omtower jou voorkoms maklik van dag na aand met…

Bonesop met blatjang-brosbrood Die brood kan jy ook voorsit as peuselhappie op sy eie. genoeg vir 6 – 8 SOP • 60 ml olyfolie • 1 ui, fyngekap • 15 ml fyn koljander • 25 ml heel komyn • 10 ml kaneel • 500 g kort lamskenkels • 2 x 400 g-blikke All Gold heel tamaties • 1 liter beesvleisaftreksel • 1 x 400 g-blik botterbone, gedreineer en onder koue water afgespoel • sout en varsgemaalde swartpeper • 1 hand vol vars pietersielie, fyngekap BROOD • 125 ml water • 45 ml olyfolie • 5 ml sout • 280 g (500 ml) koekmeel, plus ekstra vir uitrol • 150 ml Mrs H.S. Ball’s Perskeblatjang Sop Verhit olyfolie in ’n middelslagpot. Voeg ui by en braai vir 2 minute. Voeg koljander, komyn en kaneel by en braai nog 1 minuut. Plaas skenkels in pot en braai tot…

Tydens ’n onlangse boektoer sit ek in ’n teater in Pretoria, besig om my naam in ’n lekker lang ry lesers se boeke te teken, toe ’n sagte stem voor my sê: Ek weet nie of jy my nog sal onthou nie . . . Ek kyk op, dadelik benoud, want dikwels onthou ek nie die mense uit my verlede wat by sulke geleenthede opdaag nie – en dan voel ek soos ’n skurk. Maar hierdie keer tref die onthou my in my hart. Skielik is ek weer vyf jaar oud, in my eerste skooljaar met my blonde vlegseltjies so styf vasgebind dat ek skaars my oë kan knip, en my blinknuwe skoolkoffer langs my. ( Ja, in die Kaap het ons van ’n koffer eerder as ’n tas gepraat,…

“Presies ’n week nadat ek vanjaar in Maart die berugte Absa Cape Epic-bergfietstoer voltooi het, het ek een nag in die gang van ons huis in Johannesburg wakker geskrik en nie ’n idee gehad waar ek is nie. Eers later het ek besef ek het in my slaap tot daar geloop nadat ek die sóveelste nagmerrie oor my tog gehad het. Die Epic was die heel moeilikste fisieke en emosionele uitdaging wat ek nog aangepak het. Hulle noem dié toer, wat strek oor 8 dae en 800 km, waartydens deelnemers altesame sowat 16 000 m vertikaal klim, nie verniet een van die grootste en uitdagendste bergfietsmarathons ter wêreld nie. Dis régtig so moeilik soos wat almal sê. Soms, terwyl ek my fiets teen die hoogste pieke uitgestoot het, of deur…

Ons begeer almal ’n strykplank-maag. Vet om jou maag (visserale vet) is boonop baie gevaarlik vir jou gesondheid. Dit verminder jou liggaamselle se sensitiwiteit vir insulien en vergroot só jou kans op diabetes. Dit kan ook jou cholesterolvlakke en bloeddruk verhoog, wat onder meer tot hartkwale en beroerte kan lei. Ja, dikwels is jou maag groot van te lekker lewe: te veel eet en drink en te min oefening. Maar hier is nog tien dinge wat jou magie kan laat gedy. 1 Jou bloedsuiker ry wipwaentjie Vetrolle om jou maag is slegter vir jou gesondheid as vet wat elders sit, sê Suna Kassier, dieetkundige aan die Universiteit van KwaZulu-Natal. Maagvet vervaardig chemiese stowwe wat stilletjies jou metabolisme omkrap. Laasgenoemde bevorder insulienweerstandigheid en die sogenaamde “metaboliese sindroom”. Dis ’n versamelnaam vir…

NUUT IN VROUEMAAND! SARIE is ’n wêreld van inspirasie en verdien ’n nuwe mashoof – die 1ste sedert 2002! Dié logo sê in ’n oogwink waarvoor die tydskrif en elke leser staan: rooi vir passie en energie, die blok vir modern, die S vir stylvol en sensueel (ook SARIE), en die trefreël ons inspirasie belowe sáám is ons sterker, beter! Dié maand se SARIE-lipstiffies is in 4 kleure te kry: Rooi-rooi, Koraalrooi, Pretpienk en Antiek-sjiek. Maak seker jy koop een van elk saam met jou SARIE! Mooi deur hul lens Foto’s vertel ’n storie en lok ’n gesprek uit. Sit jou aan die dink en spoor jou aan. Agter van dié uitgawe se foto’s is van ons land se fenomenale vrouefotograwe. SARIE se Phyllis Green en…

Vroue se magic lê in die son van ons glimlag en die vuur in ons oë; in die dans van ons voete en die grasie van ons styl. Dit skuil in die uitreik van ons arms en die behoefte aan ons sorg. Só sê digter Maya Angelou in haar gedig “Phenomenal Woman”. Dié maand vier SARIE vroue, van ons nuwe voorblad tot ons Laaste sê. Ontmoet hulle: akteurs, ma’s, atlete, avonturiers, aktiviste, dokters, susters, sjefs, entrepreneurs, skoonheidskoninginne, voorbladgesigte, fotograwe. Saam met duisende ander vroue inspireer hulle ons. Hulle is soos Maya Angelou sê, fenomenaal!…

Ek wens ek kon vir elke vrou daar buite sê om gawer met haarself te wees, soos sy is met ander mense. Wees daar vir jouself en vir mekaar – dis nie ’n kompetisie nieJO DA SILVAakteur (7de Laan) Sy bring hoop in vroue se donkerste uurDR MARISSE VENTERplastiese en rekonstruktiewe chirurg by die Breast Health Centre of Excellence CAROL TSHABALALA TV-sportaanbieder Die first lady van Suid-Afrikaanse sport. Só noem Carol haarself, en baie van ons sal inderdaad alles gee vir haar werk. Sy was in die voorste gestoeltes by onder meer drie Olimpiese Speles (Athene 2004, Beijing 2008, Londen 2012) en drie Wêreldbeker-sokkertoernooie (Duitsland 2006, Suid-Afrika 2010, Brasilië 2014). Simply Carol, haar bynaam, was jare lank die enigste vroue-aanbieder op SABC Sport. As jong, swart vrou was dit aanvanklik…

Die ding van trane op ’n troue . . . Dit gebeur dikwels by sulke gelukkige geleenthede: Kort voor lank huil iemand. Dan nog iemand. Dis hoekom jy tissues op ’n troue nodig het. “O, dis so mooi!” Die bruid se ma sit gewoonlik eerste in. (Dis glad nie duidelik hoe die bruid se pa voel nie.) Trane op ’n troue klink na ’n teenstrydigheid. Huil omdat dit so ’n heuglike, sonnige dag is, omdat die bruid o, so mooi is? Dis omdat lag en huil so na aan mekaar agter jou ooglede sit. Partykeer lag en huil jy deurmekaar en partykeer weet jy nie of jy moet lag of huil nie. Dan lag jy tot jy huil. Of soos die oumense gewaarsku het: Pasop, van lag kom huil. Hulle…

Baie van ons droom daarvan om behoeftige kinders te help en hul lewe beter te maak. Maar min van ons dóén iets. Clarins, SARIE, FAIRLADY en TRUE LOVE snoer weer eens kragte saam om ’n uitsonderlike SA vrou te vind wat wel haar tyd en liefde gee om die lewe van benadeelde kinders te help verbeter. Ken jy so ’n vrou wat ’n verskil maak in haar gemeenskap? Vertel ons van haar. As ons haar storie kies, sal sy altesame R200 000 ontvang waarmee sy haar wonderlike werk kan voortsit. HOE BENOEM EK IEMAND? Gaan na SARIE.com en vertel ons meer oor die vrou. Sy moet ’n SA burger wees en instem tot die benoeming. Sit uiteen hoe die prysgeld van R200 000 (R150 000 in die wenjaar en R50…

Hoe gemaak as ’n stoere Bolandse boervrou van Robertson skielik op ’n plaas in die Awash-vallei in Ethiopië beland? Jy leer vinnig om jou eie hare te sny, vertel Desireé Redelinghuys. “En jy leer om reg te kom sónder mayonnaise en ai, appelkooskonfyt. Ek moet sê, ek mis appelkooskonfyt die meeste.” Desireé se man, Johan, boer die afgelope jaar vir Awash Wines, die grootste wynplaas in ë. Dis ’n droom om daar te boer sê Johan, die vallei se lawagrond is vrugbaar. “Die potensiaal is hier. Afrika kan die wêreld voorsien van kos.” Afgesien van die druiwe, oes hulle twee keer ’n jaar mielies en vier keer ’n jaar tef, ’n stapelvoedsel-graansoort. “Dis ’n heerlike uitdaging en ’n groot avontuur, maar ons was bra onvoorbereid op die werklikheid hier,” vertel…

DIE KREATIEWE SIELE VAN SUID-AFRIKA het foto’s van hul geliefkoosde stede met 3 talentvolle ontwerpers gedeel deur #MyFabulousCPT, #MyFabulousJHB en #MyFabulousDBN. Nou is ontwerpers Jenevieve Lyons (Kaapstad), Rich Mnisi (Johannesburg) en Sibu Msimang (Durban), almal geïnspireer deur dié inskrywings, besig om elk ’n spesiale reeks van 10 uitrustings te ontwerp. Volg hul vordering op Instagram en sien hoe jou stad se strate, kleure en geure in ’n ontwerpersreeks verander. Die reeks word op 13 Augustus by die Skip Fashion Exchange in Johannesburg bekend gestel. Volg Skip op Instagram en Facebook @skipsouthafrica Facebook.com/SkipGlobal…

WENK  Gebruik ’n borsel en vee die poeier in ’n G-vorm van jou voorkop tot onder jou oë en dan in ’n reguit lyn teen jou neusbrug af vir ’n stralende vel Net die skaarsste en duurste bestanddele word in die modeontwerper Giorgio Armani se eksklusiewe reeks parfuums, Armani Privé, gebruik. Die nuwe Armani Privé Pivoine Suzhou (R2 250 vir 100 ml EDT) se inspirasie was die tuine van die stad Suzhou in China. Die parfuum vier ’n geliefde blom in dié land, die pinksterroos – ’n simbool van geluk en voorspoed in die Ooste. By uitsoekwinkels van Stuttafords en Luminance Hyde Park Sowat 30 jaar gelede het die skoonheidshuis Guerlain hul ikoniese Météorites bekend gestel: poeieragtige pêrels in verskillende kleure wat nie net rooiheid neutraliseer nie, maar ook hope…

Winter is die tyd om jou vel ekstra te vertroetel. Omdat daar dan minder vog in die lug is, word water uit jou vel onttrek en veroorsaak droogheid. ’n Ryk dagen nagroom doen wondere, maar dit help ook om af en toe vir ’n bevogtigende gesigbehandeling te gaan. Placecol se Moisture Hold Treatment (R350) is doeltreffend én bekostigbaar. Die gewone stappe is deel van die behandeling: Jou vel word gereinig, afgeskilfer, verfris en bevog. Maar daar is twee bykomende stappe wat die behandeling die moeite werd maak: Die skoonheidsterapeut gebruik laser om jou vel se bloedsirkulasie aan te wakker, selvernuwing te stimuleer en inflammasie teen te werk. En die dik, ryk masker wat sowat tien minute aanbly, bevog jou vel goed. ’n Bykomende pluspunt is dat jy ’n kort skouermassering…

Elizabeth Stockenström vertel dat sy van altyd af maar ’n snuffelaar en versamelaar was. Vir lappe en antieke linne wat sy regdeur die huis gebruik, het sy ’n groot voorliefde en koop dit sommer oor die internet aan. Ook haar rekenaarspesialis-man, Stokkies, se hande staan vir niks verkeerd nie. Soms, sê Elizabeth, het sy ’n byna onuitvoerbare taak, maar Stokkies vind ’n manier om dit te laat werk, soos die ou plafonplate wat hy gesny het om as spatbord in die kombuis te dien. In Suid-Afrika is Elizabeth bekend as ontwerper van trourokke, maar by die huis is sy net vrou en ma. Sy onthaal graag en as sy gestres raak, vroetel sy in haar groentetuin. Tussendeur maak sy tyd om by haar gunsteling-winkels en die Milnerton-vlooimark ’n draai te…

WORD WARM MET UIE-SOP Hierdie Franse lekkerte is maklik om te maak en baie bekostigbaar: Smelt 50 g (60 ml) botter in ’n groot kastrol. Braai 2 gekapte knoffelhuisies tot deurskynend. Voeg 4 (600 g) bruin-uie, in dun ringe gesny, by en verlaag hitte. Braai 15 – 20 minute oor lae hitte of totdat die uie bruin en sag is. Voeg 60 ml koekmeel by en meng goed, gevolg deur 250 ml witwyn. Voeg 2 liter beesaftreksel, 5 takkies tiemie en 2 lourierblare by. Verlaag hitte en laat prut stadig vir sowat 30 minute of totdat die vloeistof met die helfte verminder het en die sop begin verdik. Geur goed met sout en swartpeper. Sit voor met vars brood. Jou persoonlike sjef Die nuwe JetChef van Whirlpool met sy moderne…

‘Jou brein pas aan by alles’ Vicki Fourie, motiveringspreker, skrywer, Mej. Dowe SA (2009) en eerste prinses in Mej. Dowe Internasionaal (2010) in Las Vegas, Amerika, het in Augustus 2013 ’n kogleêre inplanting in haar regteroor en twee jaar later, in Februarie vanjaar, in haar linkeroor gekry. Hoewel sy perfek kan liplees, kan sy nou danksy hierdie apparate byna perfek hoor. Eensklaps moes sy egter van voor af leer kommunikeer. EK HET VEREENSAAM “As baba het ’n erge koors, wat twee dae geduur het, my gehoor aangetas. Ek kon daarna slegs tussen dertig en veertig persent hoor. Toe ek twee jaar oud was, het ek begin om gehoorapparate te dra. My ouers het my elke ses maande van Bloemfontein na spraakterapeute by die Carel du Toit-sentrum vir gehoorgestremdes in Bellville…

Dit het alles sowat agt jaar gelede begin, toe ek tydens ’n onderhoud met die verskaffer van sport-voedingsprodukte my lot oor my lyf bekla het. Ná my eerste swangerskap het die klere in my kas stelselmatig groter geword totdat die skaal se naald by 100 kg getrek het. Ek is daar weg met ’n boks vol produkte en die belofte dat ek sal begin oefen. Met twee klein seuntjies, Xander is nou 11 en Benno 9, moes ek skarrel tussen my werk as joernalis en al daardie gewone goed wat ma’s se tyd opslurp. Boonop was my pa ernstig siek aan ’n degeneratiewe breinsiekte. Tyd vir myself was daar kwalik, laat staan nog vir oefen en fikswees. Maar ná my onderhoud het ek vir die eerste keer by ’n gimnasium…

Ek wil nie hier wees nie,” snuif Lindie en soek in haar handsak na snesies. “Ek kan jou verseker, ek ook nie,” sê Madelein geïrriteerd terwyl sy rondkyk. Die kuierplek in die Kaapse Waterfront is gepak. “Maar ek wil aan jou bewys romantiese liefde bestaan nie. Wat elke twee weke met jou gebeur, kan maklik verklaar word. Dis bloot biologie. Dis jou brein wat jou allerhande goed wysmaak.” Lindie se onderlip bewe, maar Madelein gee haar nie kans om weer te begin huil nie. “Dis soos ’n verslawing – wanneer jy dink jy’s verlief, is daar aktiwiteit in die primitiewe deel van jou brein, die deel wat te doen het met behoeftes en begeertes. Dopamien-vlakke styg en jy verbeel jou jy’s verlief.” Lindie snuif verontwaardig: “Verbeel jou! Maar ek was…

A American Swiss 021 421 1776, 011 333 0419 www.americanswiss.co.za Arthur Kaplan 011 669 5600 www.arthurkaplan.co.za B Biggie Best 021 534 8662 www.biggiebest.com Billabong 042 200 2600 www.billabong.com/za Block & Chisel 010 593 9308, 021 691 0878 www.blockandchisel.co.za C Cartier 011 666 2800 www.cartier.com Clarks 011 455 0917, 012 361 1027 Constantia Fabrics 021 761 9648 www.constantiafabrics.co.za Cotton On 021 552 0726, 011 784 2418 www.cottonon.com Country Road 0860 022 002 www.woolworths.co.za D Dune 011 685 7055, 021 529 1970 DuSud 021 461 1385 www.dusud.me E Ebony & Ivory 021 713 2964 www.ebonyandivoryribbons.co.za Edgars 011 495 6000, 0860 692 274 www.edgars.co.za F Forever 21 021 555 3324 www.forever21.com Forever New 011 465 1829, 012 997 0575, 021 419 4552 www.forevernew.com.au G G.Couture 011 444 2682, 021 447 3280 www.gcoutureshop.co.za Guess…

Intekenaanbod (bl. 152) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens RVB as ’n diens vir haar lesers aan. RVB voorsien en is verantwoordelik vir die pryse. 5. Werknemers en hul gesinne van Media24 (SARIE se moedermaatskappy), RVB en hul reklamemaatskappye mag nie aan die wedstryde deelneem nie. 6. Media24 en RVB word gevrywaar teen alle eise en/of laste wat ’n wenner kan hê weens skade/beserings vanweë sy/haar deelname aan die…

Medaljes vir vroue Ses jaar gelede ontmoet ek my trouman en die avontuur van ’n leeftyd begin ... Ek werk by ’n skoonheidskool en hy is ’n boer – dis net kakie waar jy kyk. Kort voor lank steel die natuur my hart en verruil ek my spykerhak-ontwerperskoene vir jagvellies, parfuum vir bosluis-afweerder en my stadsmotor vir ’n 4x4. Ons jag saam, versorg siek bokkies, jaag mambas uit die huis en huil saam toe ons renoster en haar kalf vir hul horings geskiet is. Ons hou vakansie, snorkel en vang reuse-visse. Ons baklei teen wildstropers. Ons word een aand in die tronkselle geboender ná ’n onderonsie met die gereg toe ons opkom vir natuurbewaring en diereregte. Ons loop saam as oorwinnaars uit die hof. Ons besluit om in donker Afrika…

Eva Mendes, Amerikaanse aktrise en sanger, het ’n storm veroorsaak toe sy onlangs op TV sê sweetpakbroeke lui die doodsklok vir huwelike. Sy moes haar daarna tot sosiale media wend om, weliswaar tongin-die-kies, verskoning te vra. Ryan Gosling, Hollywood-hunk en haar inwonende liefde, het haar op Twitter te hulp gesnel. (Die moderne weergawe van desjare se ridder op ’n wit perd.) Want die liefhebbers van ontspanningsdrag, meer spesifiek sweetpakbroeke, was in oproer. Haar opmerking het wêreldwyd op Twitter getrend en is op minstens een plaaslike radiostasie vurig gedebatteer. Daar was dié wat heelhartig met Eva saamstem. ’n Tweede groep het egter heftig gereageer. En warm-onderdie-kraag verklaar jy kan by die huis aantrek net wat jy wil, of jy nou alleen is, of nie. Soos een vrou op 702 in Gauteng…

Waar is Poznan en hoe lyk die stad? Dis halfpad tussen Warskou en Berlyn. As jy per motor reis, is dit sowat drie uur van Poznan na elk van dié twee hoofstede. Eers ’n bietjie geskiedenis: Poznan het ontstaan rondom die Warta, een van die vier groot Poolse riviere. Vandag grens Pole aan Duitsland in die weste, die Tsjeggiese Republiek en Slowakye in die suide, die Oekraïne, Belarus, Litoue en Rusland in die ooste. Maar oor die eeue het grense gekom en gegaan, en by meer as een geleentheid het Pole selfs nie eens bestaan nie. Poznan lê in ’n deel wat vir honderde jare Duitse gebied was. Die Duitse naam was Posen. Maar sy oorspronklike geskiedenis is deur en deur Pools. Die stad het gegroei rondom ’n kerkvesting op…

Dit maak nie saak hoe swaar jou omstandighede is of waar jy vandaan kom nie, jy kan daaruit opstaan. Só het die 24-jarige donkerkop van Eldoradopark, Johannesburg, bewys toe sy vroeër vanjaar met die glansryke Mej. SAtitel weggestap het. Dít is ook die boodskap wat sy graag met ander vroue deel. Met ’n BCom-graad van die Universiteit van Johannesburg het sy verlede jaar haar eie nie-winsgewende organisasie, The Pearl Project, begin. Haar doelwit: Om deur motivering-werksessies en opvoedingsprogramme jong vroue te help om hulself te bemagtig. Haar groot inspirasie, sê sy, is haar ma, Karen, wat ’n lang stryd met dwelmverslawing gevoer en oorwin het. “My ma het al soveel uitdagings oorkom. Dit het my geleer dit maak nie saak hoe ver jy val nie, jy kan altyd opstaan, jouself…

Elgante eenvoud soos  Jennifer Aniston aktrise Jy maak staat op klassieke items; net soms probeer jy iets aweregs soos geskeurde jeans Wit polkakol-bloes van mengelstof (R329, 95), Kelso by Edgars. Kêrelsnit-jeans (R499), Billabong. Swart motorfiets-baadjie van kunsleer (R1 299), River Island. Blokhakskoene met kunspels-band (R1 299), Mimco. GROOTTES Bloes: 6 – 16Jeans: 8 – 14Baadjie: 6 – 18 Sexy & dramaties nes Kim Kardashian werklikheidster Jy is sensueel en gee nie om om jou kurwes te wys nie Roomkleurige peplumtop (R899), Guess. Kameelkleurige potloodromp van mengelstof (R299,95), Kelso by Edgars. Beige ooptoon-stewels (R669), Madison. Beige waterval-jas van melton (R1 699), Forever New. GROOTTES Top: XS – LRomp: 6 – 16Jas: 6 – 16 Modern boheems met Rachel Zoe Hollywood-stilis en ontwerper Jy’s ’n vrygees. Patrone en teksture is die sleutel…

1 REINIGER Wat dit doen Stap een van jou velsorgroetine is goeie reiniging. Wanneer jou vel mooi skoon is, absorbeer dit die produkte wat volg beter en die kans is minder om ’n vel-uitslag te kry, sê Unine van Rooyen, senior opleidingspesialis van Dermalogica. Kies reg ’n Romerige reiniger bevog terselfdertyd en is daarom perfek in die winter of vir ’n droë veltipe. Kies ’n skuimreiniger vir ’n normale, kombinasie- of olierige vel. Hoeveel? R1-muntstuk-grootte vir die skuimreiniger en 50c-muntstukgrootte vir die roomreiniger. 2 AFSKILFERAAR Wat dit doen Skilfer jou vel twee tot drie keer ’n week af nadat jy dit gereinig het. Dit verwyder dooie selle en sorg vir ’n glansende vel. “Te veel dooie selle op jou vel se oppervlak verhinder dat jou ander velsorgprodukte goed geabsorbeer word,”…

PREIE Dié langwerpige ui sal nooit jou oë laat traan nie. Gebruik die wit deel van die stam rou in slaai of stowe dit stadig vir bredies, sop of pastei-vulsels. ROOI-UIE Die kleurrykste lid van die familie. Gebruik dié ui liefs rou – fyngekap in salsa, of in ringe vir slaai. SALOTTE Dié Franse ui het ’n baie skerp smaak en ovaalvormige voorkoms. Dit smaak op sy beste gebak in ’n lang sous, soos by beesvleis in rooiwyn (boeuf bourguignon), of as bykos stadig gebak in die oond. SPRIETUIE ( SPRING ONIONS ) My gunsteling omdat dit so maklik is om fyn te kap – jy hoef dit nie eens te skil nie! Braai dit soos gewone bruinuie of sit dit rou voor in slaai en bykosse.…

Winter in die Wes-Kaap, 2015. Groot opgewondenheid toe dit begin reën ná die lang, droë somer. Maar reën soos dié het die Krugergesin, gebore en getoë op die Hoëveld, selde nog beleef. Ná drie dae kom die Kammanassie-rivier af ... driwwe oorstroom. Die plaaskinders kan nie skool toe nie en werkers kan nie op plase kom nie. Klippe raak los, rol van die kranse af en versper paaie. Dis die Krugers se derde seisoen by die St. Ancothesa-boerdery naby Uniondale in die Wes-Kaap. Soos Elna (15) beskryf: “Somer, met sy onverskrokke hitte en swem-pret in die plaasdam; herfs, met perske-, pruim-, appel- en peerboorde wat hul blare tog so mooi vir die wind gooi – in geel, oranje, rooi, bruin en pienk. Toe winter, die boorde se takke kaal, sneeu…

Ek het my eerste wedren op ’n geleende fiets gery. As die gogga jou gebyt het, hoef jy nie dadelik die winkels in te vaar vir die duurste fiets nie. Begin op klein skaal. Maak seker jy wil dit regtig doen. Terwyl ek vir die Epic geoefen het, was ek soggens dikwels nie lus om op te staan nie. Ek was baie keer moeg en gatvol, maar ek het besef as ek moet wag tot die lus my beetpak, sal ek nooit oefen nie. Soms moet jy maar net soos ’n outomaat jou oefenklere aantrek en gaan. Jy hoef nie ’n Epic te ry om die voordele van fietsry te ontdek nie. Daar is net soveel ander kleiner, bevredigende byeenkomste. Kry vir jou ’n oefen-doelwit, selfs al is dit net…

5 gelukkige SARIE-lesers kan elk die boek Tussen heinings deur Corlia Fourie (Tafelberg, R240) wen. Tussen heinings is die oorrompelende verhaal van gewone mense wat ten spyte van alles (misdaad, egskeiding en emigrasie) dit moontlik vind om met hulle lewens voort te gaan en dit tog regkry om die mure van agterdog en onbegrip af te breek. Ontmoet die pasgeskeide Elize en die ongetroude Marie, wat by ’n vrouetydskrif werk, asook Lina, ’n huiswerker wat deur dié twee gedeel word, Elize se 70-jarige buurman, Tom, wat die dood van sy vrou moet hanteer, en Welcome, die Zimbabwiër met ’n tragiese geskiedenis wat tydelik in Tom se tuinhuisie bly en sy voete in Johannesburg probeer vind. Corlia Fourie wéét hoe om emosie deur haar karakters se skanse…

Ek het onlangs vir my besprekingsagent en bestuurder gesê dat sy voorkeur moet gee aan sekere uitnodigings. Daardie uitnodigings waarvoor ek net nie nee kán sê nie. Ja, ’n mens het sekerlik ’n plig om jou deel te doen vir organisasies wat help met die welsyn van die mensdom, wat omsien na diere se dierwaardigheid, die planeet se gesondheid. Jy moet jou kant bring vir hulle wat komberse uitdeel en sop kook, medisyne uitdeel en verslaafdes probeer bystaan. Maar, plig ter syde gestel, as dit bloot gaan oor die betowering van die oomblik, ’n energie waarmee selfs ’n sportstadion van geesdriftiges nie kan meeding nie, dan kom niks by die gehore wat ek my Sarie Gemeentes noem nie. Die byeenkomste vind meestal plaas op ’n Saterdagoggend. Sarie Gemeentes hou gewoonlik…