Innholdsfortegnelse for Jan - Mar 2023 i SARIE KOS

Dis ’n alombekende feit dat dit ’n eienskap van die mensdom is om aan die begin van elke nuwe jaar voornemens, beloftes en planne te maak. Tydskrifte se voorblaaie pronk met woorde wat sê hoe ons gaan eet, aantrek en optree in die jaar wat wag. Hordes kenners van elke gebied voorspel wat die belangrike nuwe tendense gaan wees. Só kyk die wêreld van sogenaamde connoisseurs in ’n kristalbal en vertel almal wat die trends vir jou klerekas, koskas, skoonheid en dekor gaan wees, wat jy so gou as moontlik moet aanskaf voor dit, uhm, uit die mode is . . . Ja, elkeen wil glo dat die nuwe kalender verandering teweegbring. ’n Geruime tyd pla die idee van koop ter wille van koop, nuut maak en oor begin, net…

’N KOOKBOEK NA AAN JOU HART ’n Nuwe resepteboek in die Hart-enberoertestigting en Pharma Dynamics se reeks, Cooking from the Heart, is aanlyn beskikbaar. Die resepte is gebaseer op die DASH-dieet, oftewel “dieetkundige benaderings om hipertensie te keer”. Dis onlangs by die Gourmand World Cookbooktoekennings as een van vier wenners in die kategorie korporatiewe handelsmerke aangewys. Wenke om jou bloeddruk te verlaag: Voeg ’n porsie (koppie) groente by jou middagete en aandete. Eet ’n porsie vars vrugte vir ontbyt, of as ’n versnapering tussen maaltye, pleks van skyfies en lekkers. Beperk jou vleisinname en eet meer bone en ander peulgewasse. Eet minder botter, margarien en slaaisous. BESKIKBAAR BY cookingfromtheheart.co.za 19 Die persentasie Suid-Afrikaners wat die afgelope week ’n Carling Black Label geknak het. Dit maak Carling die gewildste plaaslike bier.…

1. Die ikoniese Citroën DS is van 1955 tot 1975 gebou en bly ’n gesogte versamelmotor. 2. Dino Bistro-papierservette met ’n blou-en-wit blokkiespatroon is perfek vir retro-pieknieks. R18 vir ’n pak van 50 by Checkers 3. Geniet organiese esdoringstroop oor jou wafels. Chaloner s’n is hoog in antioksidante en ’n gesonder alternatief vir suiker. R165 vir ’n 236 ml-bottel by Faithful to Nature 4. ’n Stel van 6 Heavenly Sweet-glase net die regte grootte vir melkskommel of Creme Soda-float. R240 by Takealot 5. Maak 8 wafels in ’n japtrap in die oond met dié silikonvorms van Lékué, pleks van ’n groot, lomp wafelmaker wat plek opneem. R449 vir 2 by Yuppiechef 6. Die klassieke Chaya Lifestyle Melrose Deluxe-rolskaatse van Mel’s Skate Shop is ontwerp vir gemak en pret. R2 900…

OM TE WEET Vir die Nederlanders is dit eenvoudig: Elk pondje gaat door het mondje. Eet gewoon minder en jy sal maerder word. Maar die moderne mens is veeleisend. Ons wil optimaal lekkerkry terwyl ons die maksimum gewig afskud, nie waar nie? En uit hierdie tweestryd spruit ’n globale dieetbedryf wat miljarde dollars werd is. DIE KALORIE-KLOK Iewers in die vroeë tagtigs het ek met die konsep van dieet kennis gemaak. My ma het by Weight Watchers aangesluit en skielik was daar ’n skaaltjie langs die broodblik en laevet- en suikervrye produkte in die huis. Weight Watchers (deesdae net WW) het my geleer dat een sny brood gelykstaande is aan vier Provitas. WW is (ten opsigte van resultate en volhoubaarheid) een van die suksesvolste dieetplanne nog, maar vir ’n tiener…

Tuisgemaakte mayonnaise Gebruik hierdie mayonnaise as basis en maak vyf geurige souse vir jou viskoekies. genoeg vir 300 ml ● 2 eiergele● 45 ml korrelmosterd● sap en gerasperde skil van 2 suurlemoene● 250 ml kanola-olie● sout en varsgemaalde swartpeper Plaas eiergele in ’n groot mengbak. Voeg korrelmosterd, suurlemoensap en -skil by. Gooi olie by en verwerk mengsel by hoë spoed met ’n staafmenger tot dik en romerig. Geur baie goed met sout en peper. Sit net so voor of geur met een van die variasies hiernaas. Gebliktevis-koekies (bl. 85) Wanneer daar nie vars vis was nie, het my ma viskoekies gemaak van geblikte vis. Hierdie is my weergawe en ’n ode aan haar; ek maak dit met kekerertjies vir ekstra smaak. genoeg vir 12 ● 400 g-blik middelmoot (middle cut),…

HET JY GEWEET ? Die Du Toit-familie van Dutoit Agri se pad met kersieboerdery strek al meer as ’n eeu terug. Die eerste klein kersieboord op hul plaas Nooitgedacht (destyds Gydo) in die Koue Bokkeveld is in 1890 aangeplant. Van daar is die eerste kommersiële boord in 1904 in die Clocolan-omgewing gevestig en het nog uitbreidings in die Suidoos-Vrystaat plaasgevind. In 1939 het die SA Vrugteraad Nooitgedacht as die grootste produsent en verpakker van kersies in die destydse Unie beskryf. En net so is die kersiebedryf in Suid-Afrika gebore. Ons praat met Tanith Freeman van Dutoit Agri, wat al 15 jaar by die kersiebedryf betrokke is, vertel meer oor dié besonderse vrug. 1 Vertel my meer oor wat jou werk behels. Kersies is nie iets wat ruim in…

1. Glimlag baie, kenners meen dis die vinnigste manier om van stres ontslae te raak. Wanneer ons glimlag, stel ons brein endorfiene vry wat jou kop en lyf goed laat voel. 2. Kook elke maand iets wat jy nog nooit gekook het nie. Leer nuwe tegnieke en resepte. Dis ’n goeie manier om te ontspan. 3. Haal jou baie grênd messe en vurke van Ouma uit die kas en dek daai mooi tafel waarvan jy droom. Onthou, sorg dat jou feestafel jóú eerste goed laat voel, en dan jou gaste. 4. Begin ’n bakklub saam met jou vriende. Bak koekies en deel jou baksel met ’n nuwe resep daarby met jou vriendin. Laat sy dit bak en aanstuur vir iemand anders met nog ’n resep daarby, en laat die sirkel…

DIE ‘ALEIT-WAY’ Aleit Apteit (LAPA, R380) vorm deel van wyle Aleit Swanepoel se nalatenskap – sy heel eerste en laaste kookboek. Elke hoofstuk begin met ’n spesiale storie en dan volg resepte wat daarby pas – altesame 50. Beleef saam die nostalgie, sy unieke menswees en kos wat hy nie net smullekker kon maak nie, maar ook mooi kon laat lyk, die “Aleit-way”. NET EEN POT Lief vir lekker eet en kook, maar nie vir skottelgoed nie? Dan is Jamie Oliver se nuwe kookboek, One (Penguin Random House, R499), die een vir jou. In die meer as 120 resepte wys hy hoe om etes in net een pot of pan te kook – smaaklik en moeitevry. Die beste is, geen van die resepte het meer as agt bestanddele nie, wat…

KOS-ERVARING Nice is geleë aan die Côte d’Azur, oftewel Franse Riviera. ’n Antieke stad met tipies Franse argitektuur en die blouste blou see. Die koskultuur is ’n mengelmoes van tradisionele Franse smake met sterk Italiaanse invloede vanweë die stad se ligging naby die grens met Italië. Nice is om presies te wees 11 221,5 km van Middelburg af, so Suid-Afrikaanse kos sal jy moeilik hier vind. Sodra jy jou voete in Nice sit, sal almal dadelik vir jou sê jy moet seker maak jy eet pissaladière – ’n tradisionele platbrood, amper soos pizza, maar gelaai met gekaramelliseerde uie, swart olywe en ansjovis. Jou eerste gedagte is waarom sou Jan Hendrik juis hiér ’n restaurant oopmaak wat Suid-Afrikaanse kos bedien. Kom ons wees eerlik: ’n Mengsel van uie, olywe en ansjovis…

Suurlemoensoufflé Moenie bang wees vir soufflé nie, dis regtig maklik om te maak! genoeg vir 8 VANIELJEVLA● 3 eiergele (hou witte vir meringue)● 65 g (75 ml) strooisuiker● 25 ml koekmeel● 25 ml mielieblom (Maizena)● 300 ml melk MERINGUE● 115 g (125 ml) botter, gesmelt● hand vol bruinsuiker● 3 eierwitte (wat jy oorgehou het)● 200 g (250 ml) strooisuiker ● 150 ml gekoopte suurlemoensmeer vir voorsit Vanieljevla Klits eiergele, strooisuiker, meel, mielieblom en helfte van melk in ’n mengbak tot glad. Bring res van melk tot kookpunt en gooi oor eiermengsel terwyl jy klits. Gooi mengsel deur ’n sif terug in pot en klits oor lae hitte tot gladde, dik tekstuur, soos witsous. Gooi mengsel in ’n skoon bak en plaas kleefplastiek direk op oppervlak van vla. Laat afkoel tot…

Frikkadel-dinge 01 Waar kom die naam vandaan? Frikkadel kom van die Franse “fricandeau” of “fricandel”/“fricadelle”, en aan die Kaap het die Hollanders van “vrikkendillen” en “frickedille” gepraat. De verstandige kock (1668) verwys na “frikedillen” wat met foelie en neutmuskaat gegeur is en toegevou is om spek, kruie en lemoenskil. Heel byderwets. – Errieda du Toit 02 Oumens-onder-die-kombers Ek het grootgeword met frikkadelle gebak in koolblare en tamatiesous. Dié onthoukos, ook bekend as “oumens-onder-die-kombers”, is in die vroeë dae aan die Kaap in slaai- of wingerdblare toegedraai, wat iets vertel van sy antieke Griekse oorsprong. 03 Die vleis is belangrik Gebruik altyd ’n goeie kombinasie van vleis en vet. Die vet help dat die frikkadelle nie droog bak nie, terwyl te veel vet die frikkadelle gaan laat krimp. Ek verkies ’n…

DRANKIES 111 Ysbak met somerpons ONTBYT 131 Room-plaatkoekies142 Sjokolade-en-piesangsmoothie SOP 131 Ouma Liena se boontjiesop BROOD 144 Volgraanbrood VOORGEREG 112 Roos-hangkaas met kersies142 Babagroente met knoffeldoopsous BYKOS 32 Bier-uieringe53 Krummelpap en smoor53 My beste braaibroodjie ooit142 Slaai met wortel-en-gemmerslaaisous PASTA 74 Pasta met oondgebakte tamaties en olywe75 Mosterd-en-varkworsie-pasta76 Frikkadel-pasta77 Pasta met sondroogtamaties en amandels78 Pasta met preie, witwyn en sampioene79 Spek-en-broccoli-pasta80 Okkerneut-en-kaas-pasta81 Kortpad-lasagne82 Pasta met oondgebakte botterskorsie en spek83 Soort-van-macaroni-en-kaas SOUS 90 Tuisgemaakte mayonnaise90 Kerrie-mayonnaise90 Basiliekruid-mayonnaise91 Lemoen-mayonnaise91 Koljander-mayonnaise91 Tartaarse sous BEES 30 Kaasburgers32 Dagwood-stapelbroodjie52 Bobotietert52 Boereworsrolle soos van ouds53 Blatjangfrikkadelle in roomsous117 Frikkadelle in roomsous119 My ma se rysfrikkadelle121 Koftas133 Eietydse soetsuur lewer HOENDER 30 Wafels met gebraaide hoender51 Blatjanghoender101 Plathoender in kruiejogurt met kersiesous (P)144 Oondbraaihoender met borrieroomsous VIS 94 Gebliktevis-koekies94 Viskoekie-happies95 Stokvis-en-steurgarnaalkoekies95 Snoek-en-appelkoekies95 Gestoomde viskoekies133 Mossels met chorizo…

KLINK ’N GLASIE Dek jou tafel met kleur en tekstuur, soos met hierdie okerkleurige geriffelde glase. Geriffelde glase is nou baie gewild as deel van jou tafeldekor en by byna alle goeie kombuiswinkels beskikbaar. Hierdie glase is van MRP Home en kos R40 elk. BREEK DIE YS Almal weet jy kan nie somerdrankies sonder ys bedien nie – veral nie as die partytjie buite is nie. Hierdie treffende blou-en-koper ysbak met bypassende ystang van BarCraft is net wat jy nodig het vir jou volgende kuier. R1 220 by bespokehome.co.za TAPAS OP DIE TAFEL Sit jou tapas voor in hierdie bakkies in helderblou, wit en geel. Die unieke versameling uit Maxwell & Williams se Rhapsody-reeks is geïnspireer deur tradisionele tekstielpatrone. Die bakkies is beskikbaar in drie verskillende patrone, wat jy ook…

+ SOS-SEIN Katte en honde kan nogal vindingryk wees om die dinge te gaps wat ons van hulle wil weghou. En ongelukkig kan sommige van die lekker menskos, versierings en nuttige chemikalieë jou niksvermoedende troeteldier seermaak, of selfs doodmaak. Wees bewus van die risiko’s en doen jou bes om gevaarlike goed buite hul bereik te hou. SIMPTOME VAN VERGIFTIGING: • Hoes, verstik• Ongewone hoeveelhede slobber, kwyl of skuim by die mond• Swaar asemhaling• Vergrote pupille• Blindheid• Toevalle, bewing• Sukkel om te loop (lyk dalk dronk)• Braking, diarree, verlies aan eetlus Kontak dadelik jou veearts as jy vermoed jou troeteldier het iets giftigs of gevaarlik ingekry. Of die Gifbeheersentrum (Poison Control Centre) by 086 155 5777. 10 Streel Brakkejan en Kieterkat net soveel minute lank liefderyk – en jou stresvlakke…

IKOON-BESTANDDEEL SOOS FAMILIE Sy is ’n ou, gewaardeerde familievriendin. Maar julle is nie op voornaamterme nie. Nooit sal jy sommer sê: “Kan ek asseblief Ball’s kry?” nie. Nee, sy bly ’n stywerige “Mrs Ball’s”. Die Engelse van toentertyd het mos so ’n formele klap weggehad. En Amelia Elizabeth Ball, wat dié op-die-bol blatjang op die mêp geplaas het, se ouers het kort tevore Brittanje se stof van hul voete geskud. ’n Skaars foto wys haar op reeds gevorderde leeftyd, grys hare strak agter haar kop vasgemaak, met digte wenkbroue bokant ’n swaar donkerraambril. Om haar nek is die stropsnoer wat sy altyd gedra het. Klein van postuur, maar selfgeldend, reguit, gewoond om haar sin te kry. Nié iemand wat twak van kabouters gevat het nie, vertel haar agterkleinseun Desmond Ball…

KUBERKUIER Hoekom Saoedi-Arabië? Rian: Ons is al 20 jaar lank expats. Hiervan was ons 14 jaar in Engeland, waar ons ontmoet het [Rian is oorspronklik van Gqeberha en Yolanda van Margate], en vyf jaar in Doebai, wat die besluit om hierheen te trek makliker gemaak het. Ons bly nou ’n jaar in Riaad, die hoofstad. Ek is ’n bourekenaar en werk by een van die megaprojekte wat luukse vakansieoorde aan die Rooisee en op omliggende eilande ontwikkel. Yolanda: Ek is tans ’n tuisteskepper en het ons twee seuns tuis onderrig. Verlede jaar is hulle terug skool toe en ek is stadig maar seker besig om in te skakel by ons gemeenskap. Ons woon in ’n compound waar expats van reg oor die wêreld woon. Dis ’n land van jong mense?…

Elke persoon het glo minstens een Goeie Storie in hulle. My ouma Anna het presies vyf gehad, soos ’n Furby met vars batterye. Hierdie stories is oor en oor vertel, hetsy om te vermaak, te troos of – soos dit dikwels die geval was – te skok. Twee het onder die dubbelkategorieë van “Spook” en “Haarsorg” geval, siende dat beide gehandel het oor rustelose siele wat jou hare in jou slaap kam. (Ouma wás bekend vir haar netjiese hare.) Die derde was ’n donker komedie oor die dag toe ’n sirkusleeu vir Ouma geloer en lippe afgelek het. En jare later, toe ’n leeu tydens ’n besoek aan die wildtuin met haar oogkontak maak, was sy oortuig dis dieselfde liplekkende leeu. “Ek het geweet dié dag sal kom,” het Ouma…