Innholdsfortegnelse for Jul/Sep 2021 i SARIE KOS

Die laaste ruk word ek heeltyd gekonfronteer met die gedagte, wat is trooskos nou eintlik. Want jare lank al is dit een van die konstante tendense wat aanhou groei. Elkeen noem dit iets anders: ma se kos, huiskos, trooskos, nostalgiese kos, onthoukos, gister se kos . . . Maar wat is dit aan die verlede wat ons so goed laat voel? En as jy mooi daaroor dink, is dit eintlik soms hartseer dat jy dink die beste tye van jou lewe is al verby. Ons hoor dan so baie die slim mense praat van lewe in die oomblik. Doen dinge wat nou saak maak. Laat nou tel. Waarom hunker ons so gereeld na gister? Onlangs begin ek lees oor nostalgie, wat veral deesdae vir mense wêreldwyd ’n anker van hoop…

LEER KEN HOENDER HEEL Koop altyd heel hoender met ’n ferm voorkoms waarvan die vel onbeskadig is. Lees die etikette en kies plaaslike hoender wat van goeie bronne afkomstig is. Kyk waar jy kan vir hoender waarvan die verpakking organies, vryloop of gepasteuriseerd sê. Dis gewoonlik hoenders van beter bronne en die vleis is geuriger. Hoewel ons kosregulasies nie definitiewe voorskrifte het oor organiese en vryloophoenders nie, is dit wel ’n eties beter en gesonder keuse as hok- of batteryhoenders. VLERKIES Bekostigbaar en baie geurig. Kan by temperature bo 200 °C in die oond gebraai word. Hoendervlerkies maak lekker aftreksel omdat dit ’n kombinasie van vleis, vel en bene is wat baie geur verskaf. Hoendervlerkies kan ook in twee kleiner porsies verdeel word, wat bekend staan as buffalo wings. MAALVLEIS…

1 Een koejawel bevat tussen 100 en 500 sade. 2 Koejawels word deur handearbeiders gepluk aangesien dit so ’n sensitiewe vrug is en versigtig hanteer moet word. 3 Koejawels is tropiese vrugte met hul oorsprong in Mexiko, maar die vrug het sy pad gevind tot in die Ooste. Vandag is lande soos China en Japan internasionaal van die grootste produsente. 4 Dis grotendeels vroue wat pluk, want hulle werk meer delikaat. 5 Die blare is hoog in antioksidante en jy kan tee daarvan maak. Dit raak ook deesdae al hoe meer bekombaar. 6 Die vrug het ’n kort rakleeftyd van ongeveer twee weke. 7 Koejawels is baie sensitief en kneus jy die vrug, gaan hy vinnig af. 8 Koejawelbome begin binne drie tot vier jaar vrugte dra wat gepluk kan…

HAMAHBAEBSDHHD Ek kan nooit genoeg risottoresepte in my kas hê nie. In die winter is dit die soort kos wat jou warm maak van binne. genoeg vir 4 1. 1 ui, fyngekap 2. 380 g (500 ml) arboriorys 3. 125 ml witwyn 4. 115 g-bakkie tamatiepasta 5. 100 g (110 ml) botter 6. 50 g parmesaankaas, fyngerasper, plus ekstra vir voorsit 7. 500 g gemengde kersietamaties, gehalveer + olyfolie, sout en varsgemaalde swartpeper Verhit ’n groot skeut olyfolie tot warm in ’n groot pot. Voeg uie en rys by. Roerbraai vir 1-2 minute of tot uie begin verbruin. Voeg wyn by en roer tot vloeistof weggekook het. Meng 1 500 ml kookwater met tamatiepasta. Giet 500 ml tamatievloeistof by rys en meng deur. Maak pot toe en laat kook vir…

1 Vertel ons wie is Annelien? ’n Reisiger deur die lewe om ’n ongelooflike reis te kan beleef van volkome vervuld voel. Op hierdie reis kan ek nie sonder die herinneringe van my kinderjare, my gesin en familie nie. Ek is ’n familiemens, lief vir mense en om resepte te ontwikkel juis om almal om my tafel te laat kuier. Ek hou van onthaal, mooi linne, breekware, blomme en versierwerk. Hier op die plaas het ek groot groentetuine en ons leef vars vanuit die grond tot op die tafel. Wat ons eet, het ons self gegroei, tot ons vleis. Ons glo in volhoubare gebruik van die grond en ons organiese bestuur van die plaas het tot gevolg dat ons wonderlike pekanneute vir die binnelandse maar ook uitvoermark lewer. So wie…

(OK)JA VIR HAWERMOUTMELK Twee woorde: ryk en romerig. Dís hoe die plantgebaseerde handelsmerk okja se hawermoutmelk beskryf word. Dis ’n goeie alternatief vir koeimelk en kan nes enige ander melk in jou koffie, pap, sop en smoothies gebruik word. Vanaf R40 vir ’n 1 liter-boks by uitgesoekte aanlyn en kruidenierswinkels. TJIPS! Lief vir krakerige aartappelskyfies, maar op soek na ’n gesonder alternatief? Dan is Cheaky Co. se seesout-en-asyngegeurde Chyps die perfekte peuselhappie vir jou. Dié heerlike tjips gemaak van geroosterde kekerertjies is glutenvry, hoog in vesel, laag in cholesterol en veganisvriendelik. R49 vir ’n 200 gpak by yuppiechef .com VINNIG GAAR Tyd vir kosmaak is soms min, maar ons wil graag gesond eet. Daarom is die AMC-snelkoker II van 8 8 liter ’n belegging. Die drukkoker is so ontwerp dat…

1 Wie is Bertus en wat laat sy hart vinniger klop? Ek is eintlik maar net ’n doodgewone ou, wat toevallig ’n sjef, restaurateur en sakeman is. Natuurlik is ek mal oor kos en goeie bestanddele, maar ek hou regtig ook baie van Land Rovers, Harley-Davidsons, my gesin en my diere. 2 Waarom is jy so lief vir die restaurantbedryf? Ek voel tuis in die restaurantbedryf; dit is regtig ’n omgewing waar ek net gemaklik inpas en myself kan wees. Ek vermoed die rede is omdat dit ’n bedryf is waar misfits inpas sonder oordeel. Verder is daar ’n ongelooflike energie agter die skerms in ’n restaurant; iets wat jy net kan verstaan as jy dit ervaar terwyl jy jou passie uitleef. 3 Hoekom moet mense In die sop kyk?…

Vanielje-eiervla op 6 maniere Maak jou eie vanielje-eiervla in net 4 maklike stappe. genoeg vir 600 ml 5 eiergele 100 g (125 ml) strooisuiker 1 vanieljepeul, oopgesny en saadjies uitgekrap 500 ml melk 1. Gebruik ’n draadklitser en klits eiergele, suiker en vanielje saam tot lig en skuimerig. 2. Bring melk tot kookpunt en voeg warm melk stadig by eiermengsel terwyl jy klits. Gooi mengsel deur ’n sif terug in melkpot. 3. Verhit mengsel oor lae hitte terwyl jy heeltyd roer. Hou ’n skoon bak byderhand. 4. Roer vla vir 8-10 minute of tot dit die agterkant van ’n lepel bedek. Moenie die vla laat kook nie, anders gaan dit skif. Die vla is reg wanneer jy jou vinger oor die lepel trek en die lyn bly daar. Gooi in…

1 Met watter kultivar boer julle? Ons boer met die Fan Retief. Dit het relatief min saad teenoor vleis en doen die beste in ons omgewing. Navorsing word tans gedoen oor ander nuwe kultivars wat byvoorbeeld ’n langer rakleeftyd het. 2 Koejawels was eens bekend as die stiefkind van die vrugtebedryf. Wanneer en hoe het dit meer gewild begin raak? Mense raak al hoe meer gesondheidsbewus en dit is al ’n paar jaar wat koejawels internasionaal gewild is. Nog ’n tendens wat ons agterkom, is dat mense heel kosse begin eet. Dus sal hulle eerder vars koejawels eet, pleks van koejawelgegeurde jogurt eet of koejawelsap drink. En sedert Covid-19 het koejawels selfs gewilder geraak. Ons het in 2020 dubbel die hoeveelheid koejawels gepak as vorige jare, en hierdie jaar gaan…

Meer oor die ICA Geleë in die mooie Banhoekvallei op Stellenbosch, is die ICA bekend vir die bekroonde sjefs en leiers in die kosbedryf wat al hier opleiding ontvang het. Die gevorderde sjefsdiploma van drie jaar word internasionaal erken, met studente wat in hul finale jaar kan kies uit drie spesialiteitsvelde – produkontwikkeling, mediakommunikasie, en professionele wynstudies en geleentheidskoördinering. Die ICA bied nie net wêreldklas-sjefsopleiding nie, maar gee ook opleiding in kosverwante loopbane. Dis deel van ICA-hoof, Letitia Prinsloo, se visie om sjefs op te lei wat hul plek volstaan in professionele kombuise wêreldwyd, maar ook in die groter koswêreld. Besoek icachef.co.za vir meer. Meer oor die veld Ons eerste groep studente spesialiseer in produkontwikkeling Nuwe, suksesvolle produkte is belangrik om verkope in die kleinhandel ’n hupstoot te gee. Voorheen…

Fudge-pannekoek Die sous van fudge en ingedampte melk is hemel. genoeg vir 14 pannekoeke Plaas 500 ml melk, 3 eiers, 280 g (500 ml) koekmeel, 100 g (125 ml) strooisuiker en 10 ml kaneel in ’n groot bak en meng met draadklitser tot gladde beslag. Laat rus in yskas vir 1 uur. Terwyl beslag rus, maak solank die sous. Bring 380 ml ingedampte melk (380 g-blik) tot kookpunt en voeg 100 g fyngekapte fudge by. Roer oor lae hitte tot gladde sous. Verhit ’n kleefvrye pan van 18 cm in deursnee tot warm. Doop kombuispapier in ’n bietjie sonneblomolie en vee vinnig oor bodem van die warm pan. Gooi ’n bietjie beslag in pan en beweeg pan stadig met jou pols in die rondte tot hele bodem bedek is –…

Die appel val nie ver van die boom nie. Absoluut. Maar party appels val nie net nie, hulle rol ook. En sommige appels (ek gaan nie name noem nie) val skeef, koop ’n eenrigtingkaartjie op BA, word gemartel vir tips in ’n Britse kroeg vir ’n jaar, vlieg eendag weer terug huis toe (15 kg ligter), studeer film, drink bokswyn uit ’n koppie vir vier jaar en volg hul drome totdat hul hare begin uitval weens spanning, werk nóg harder vir ’n dekade, drink beter wyn uit mooier glase en gaan deur ’n lewenskrisis op 29 en wonder of hulle nie maar net moes val waar al die ander appels het nie, want dan kon hulle miskien ook ’n Fortuner ry en ’n grasperk besit wat hulle Saterdae kan sny…

Goud bly altyd mooi. Meng en pas goue eetgerei van jou keuse om ’n luukse gevoel te skep. Oudhede-markte is wonderlike plekke om te snuffel en gister se mooi te herwin. Gebruik vetplante uit jou tuin as blomme. Knip lang stele en rangskik dit in herwinbare glasbottels; ons het ou bierbottels gebruik. Laat elke gas sommer die plant huis toe neem om in sy of haar tuin te gaan plant. Gebruik ongebleikte linne as tafeldoek; dit kos sowat R70 per meter. Koop materiaal 3 meter langer as jou tafel en laat dit op die grond hang om natuurlike tekstuur te skep. Vergeet van netjies gevoude servette en laat oorgroot servette met botaniese drukwerk sommerso los op die bord val. Ons het servette gemaak van katoenlinne gebruik. Dit kos sowat R105…

Ons praat pastei met die akteurs van kykNET se komedie Lui maar op, Belinda, waarvan die tweede seisoen pas geskiet is. Wees op die uitkyk vir die nuwe seisoen Maandae om 20:00 op DStv-kanaal 144. BRÜMILDA VAN RENSBURG Pastei herinner my aan ’n windpomp en my sus Nans, wat tant Bets se Philippolisdorperskaap-lamsboud sag-sag gekook het (met ’n titseltjie naeltjies) en dan bedek het met ’n deegkorsie waarin uieringe ingebak is. CARMEN MAARMAN Ek is ’n pastry-persoon en baie mal oor pasteie, want dis sielskos vir my. My ouma het altyd die lekkerste pastei gemaak, en my ma en my broer, wat ’n sjef is, maak ook heerlike pasteie. My gunsteling deesdae is spinasie-en-feta, wat ek sommer self leer maak het die afgelope tyd. ’n Lekker fluffy deeg is ’n…

Hoendersop Hierdie hoendersop kan jy maar eet, selfs al voel jy nie olik nie, want hy sal jou net daar, terwyl jy elke lepel vol in jou mond sit, ’n drukkie gee. genoeg vir 4 15 ml olyfolie 12 hoenderdye, sonder vel sout 30 ml botter 3 knoffelhuisies, gekap 2 stingels seldery, gekap 3 ml droë tiemie 60 ml koekmeel 2 000 ml (2 liter) hoenderaftreksel 125 ml melk hand vol vars pietersielie, fyngekap 3 lourierblare 2 stingels roosmaryn, fyngekap Verhit olyfolie in middelslagpot tot warm en braai hoenderdye sowat 3-5 minute per kant of tot bruin reg rondom. Geur met sout, voeg botter by en braai verder vir 1 minuut. Voeg knoffel, seldery en tiemie by en meng deur. Meng meel, aftreksel en melk saam en giet by hoender.…

Hy is ’n groot ou met ’n digte vosbaard wat tot op sy bors hang. ’n Kommersiële duiker op die oliebote in Saoedi-Arabië. Raak hy opgewonde, verskyn sy knipmes en swaai hy dit geesdriftig rond. “Jammer, jammer. Ek dra dit oral saam met my. My vrou raas altyd oor die mes.” ’n Macho prentjie wat jy moeilik met sy sterk arms kniediep in die deeg kan voorstel. Maar dis juis dié soort etiket wat Louis de Jager op skool uit die huishoudkundeklas gehou het. En sou hy alles kon oordoen, word hy ’n sjef. Sy droom is ’n koffiewinkel wat Brötchen (Duitse rolletjies) verkoop, nes sy Duitse Oma s’n. Sy wortels lê op Tsumeb, ’n myndorp in die noorde van Namibië. Die Suid-Afrikaanse bloed vloei egter net so sterk: Ouma…

Was daar iets soos kos-celebrities, sou ’n handjievol happies rooitapyt-behandeling gekry het. Een daarvan: avo op toast. Jy vind dit dikwels op bistro’s se spyskaart waar dit ’n arm en ’n been kan kos. ’n Stukkie roosterbrood met avokado en ’n skeutjie dit en dat . . .olyfolie, lemmetjie, knoffel, seesout . . .siedaar! Van Los Angeles tot Langebaan. Avokado is wêreldwyd ’n “millennial darling”, berig die BBC (bbc.com). Ons eet dit al duisende jare lank, maar jong mense in hul 20’s en 30’s kan deesdae nie genoeg daarvan kry nie. ’n Londense plastiese chirurg sê hy behandel só baie mense wat hulself raaksny wanneer hulle die vrug opkap, sy personeel noem die besering al “avocado hand”. Dalk is dit waarom millenniërs nie huise kan bekostig nie. Hulle eet te…

SO MAKLIK Met Snowflake se Classic Pancake Easy Mix, voeg jy net eiers, melk en olie by om pannekoek in ’n japtrap op te tower. Vanaf R39 vir 500 gpakke landwyd GESONDER OPSIE As jy gesond wil bak, gebruik Westfalia se avokado-olie. Dit het ’n hoër rookpunt en is goed vir jou hart. Sowat R45 vir ’n 500 ml-bottel landwyd VARS EIERS Hoe varser die eiers, hoe lekkerder jou gebak. Gebruik Nulaid se ekstragroot eiers vir ekstralekker pannekoekbeslag. Vanaf R19 vir 6 eiers landwyd…