Innholdsfortegnelse for December/January 2016 i SARIE KOS

2014 • MEDIA24 Beste Spesialis-joernalis 2013 • PICA Beste Tydskrif: Dekor, Handwerk, Kos of Tuin • GALLIOVA-MERIETEPRYS 2012 • GALLIOVA-MERIETEPRYS • MEDIA24 TYDSKRIFTE PRYSE VIR UITNEMENDHEID Trots SA 2011 • PICA Spesiale Toekenning Vakansie is hier – en nou wil ek net braai. Vroeër jare was ek glad nie ’n bobaas-braaier nie, maar toe kom eet ’n vriendin een aand by my en ons is lus vir braaivleis. My man was nie tuis nie, maar dit het my nie afgeskrik nie. Buitendien, ons wou niks fancy braai nie – net wors, lamstjoppies en braaibroodjies. Omdat ek toe nog nooit self gebraai het nie, gebruik ek toe brikette. Met die aansteek van die vuur het dit goed gegaan, al het ek ’n hele pak vuuraanstekers (Blitz) gebruik. Toe die kole na my mening reg was, pak ek…

SOOS JOU OUMA S’N! Die bekende Duitse inmaakpotte Weck is nou by Consol-winkels landwyd te koop. Daar’s 12 verskillende vorms van die ikoniese reeks flesse op die winkelrak. Elke fles het ’n glasdeksel en metaalknippies om dit te seël. Dis ook oondvas en mikrogolfbestand, en jy kan selfs ietsie bak daarin! Vanaf R30. HOU DIT KOUD Dit klink sommer koel: ’n ronde ysbal wat stadig smelt en jou drankie lank koud hou. Koop die ysbalmaker van Zoku (R259 vir 2 vorms) aanlyn by www. yuppiechef.com  of by uitsoek-kombuiswinkels soos Boardmans. FÊNSIE BOTTELS In hierdie warmste tyd van die jaar kan jy die groot dors nog beter les met koel water uit dié mooi bottel van Vogue Italia en S.Pellegrino-water.Net ’n beperkte hoeveelheid 750 ml-bottels is beskikbaar…

Knoffel-tiemiebotter GENOEG VIR 1 SAKKIE MET 24 BLOKKIES • 350 g (380 ml) botter, in blokkies gesny• 2knoffelhuisies, fyngekap• 4takkies tiemie Plaas botter in ’n kastrol. Laat smelt oor lae hitte. Haal af van hitte en voeg knoffel by. Stroop blaartjies af van tiemietakkies en kap fyn. Wanneer botter effens afgekoel het, voeg tiemie by. Gooi gegeurde botter in beker. Druk ’n tregter in die opening van 1 GLAD Ice Cube Bag. Gooi botter versigtig in sakkie tot dit vol is. Draai sakkie onderstebo, dan seël dit vanself. Plaas in vrieskas tot gevries. Gebruik bevrore botterblokkies bo-op steak. Roosmaryn-olyfolie GENOEG VIR 1 SAKKIE MET 24 BLOKKIES • 2takkies vars roosmaryn• 450 ml olyfolie Stroop die blaartjies af van die roosmaryntakkies. Kap baie fyn en voeg by olyfolie in ’n mengbakkie. Laat staan 1 uur. Gooi…

Dit is lekker om jou goeie daad vir die dag te doen deur geld te belê by ’n gesellige padstal of restaurant op die platteland … “Dis tog veel beter as om kos saam te ry. En ’n lekker manier om die plaaslike ekonomie te steun.” Só gesels Jan Scannell, sekerlik ons land se voorste braaier. Hy ry gereeld die R62 na die Klein-Karoo, waar hy graag vakansie hou. “My stilhouplek hang af van watter dorp ek teen middagete tref." Sy maatstaf is gehaltekos en goeie diens. ’n Groot gunsteling is die Rambling Rose op Montagu. “Jy kry al die kos wat jy van ’n plattelandse restaurant verwag, maar dit word met ’n moderne aanslag berei.” En niks kom by ’n melkskommel en burger by Barrydale se Diesel & Crème…

Koekies bak is ’n ou Kaaps-Maleise tradisie. Dis iets waarmee sy grootgeword het, en wanneer daar ’n geleentheid was om te vier, was die tafels altyd oorlaai met lekkernye. Zulfa vertel verder... My ouma, Nabewaya Bessley-Baradien, was die beste bakker in Distrik 6. Ouma het vir die hele familie feeskoekies gebak. Sy het ook al haar resepte met haar dogters gedeel. My ma, Aisa, het later self koekies begin bak en die resepte aangepas en hier en daar verbeter. Ek en my ousus, Fazlin Kippie, het haar altyd help bak. Ons probeer om dit in die familie te hou en die afgelope twee jaar het ons ook die jonger generasie begin insluit. Dis vir my lekker om tyd met geliefdes deur te bring, al is dit harde werk. My ma…

"Miskien, as ons almal meer gereeld stilhou, ietsie eet, en net om ons kyk, sal ons besef watter wonder-like mense ons land het. Dalk sal ons dan ook nie so negatief wees nie." Marion Holm ry báie rond vir haar werk. "As ek van die Kaap Johannesburg toe ry, stop ek op Hanover in die Noord-Kaap – dit is halfpad, kan jy maar sê. Ek wil altyd hallo sê vir die liewe mense wat ek leer ken het tydens die verfilming van die kykNET-dramareeks Vlug na Egipte waarin ek die rol van die winkeleienaar op die dorp gespeel het." Sy oornag graag in die Bun Clody-gastehuis op dié dorp, want hulle maak regte boerekos. "Hulle kook groot en ek eet altyd met waardering." Wanneer Marion een keer per jaar by…

Saam met SARIE kuier kosliefhebbers en kykers wyd. Herman wys hoe daar met waterblommetjies en forel geboer word, en langs die pad pluk hy vars kruie en kersies. Hy kuier op ’n aarbeiplaas, en durf selfs byekorwe aan en haal heuning uit. En dan’s dit see toe waar hy mossels uithaal en dit sappig gaarmaak. Ja, ons weet almal hou van sjokolade, maar het jy al gesien hoe die kakaoboontjie die soetigheid op die rak word waarvoor ons net nie nee dankie kan sê nie? Hier’s nou jou kans. SARIE se kosreis neem kykers deur die land, op soek na die stories agter die bestanddele wat Herman dan telkens gebruik in ’n dankie-sêfeesmaal. Dis nou mosseltyd! Die juwele van die see is taamlik volop langs die koue kus van SA,…

B Banks Kitchen Boutique Sir Lowryweg Kaapstad 021 461 3190 www.bankskitchenboutique.co.za C Chair Crazy www.chaircrazy.co.za D Dulux 0860 330 111 www.dulux.co.za M Mervyn Gers Ceramics Dorsetshirestraat 4 Paardeneiland Kaapstad 021 510 2385 Mr Price Home 0800 212 535 www.mrpricehome.com N Nerf-Af De Villierslaan Durbanville-gholfbaan Durbanville 084 946 6326 S Strand Trading Post Hoek van Hoof- en Aerodromestraat Strand 021 853 6619 Sweet Temptations Ericaweg 17 Somerset-Wes Besigheidspark 021 851 1331 W Woolworths 0860 022 002 www.woolworths.co.za Y Yuppiechef www.yuppiechef.com…

A Aangesuurde room – crème fraîche Aarbei – strawberry Aartappel – potato Afkoelrak – cooling rack Amandel – almond Appelkoos – apricot Aspersie – asparagus B Bakpapier – baking paper Bakpoeier – baking powder Basiliekruid – basil Beesmaalvleis – beef mince Beesvleis – beef Bestanddele – ingredients Bier – beer Blaardeeg – puff pastry Bloubessie – blueberry Bokmelkkaas – goat’s cheese Borrie – turmeric Botter – butter Braaivleisspeserye – barbeque spice Briket – briquet(te) Broodkrummels – breadcrumbs Bruin asyn – brown vinegar Bruismeel – self-raising flour Bros – brittle/crisp D Dille – dill Dreineer – drain E Eier – egg Eiergeel – egg yolk Eweredig – evenly Elektriese menger – electric mixer F Framboos – raspberry Foelie – tinfoil Forel – trout G Garneer – garnish Gemmer – ginger Gerook…

Kaaskoek-komplimente So ’n paar maande gelede – net nadat die Rugbywêreldbeker-uitgawe (SARIE KOS Augustus/ September 2015) verskyn het – maak ek die sjokolade-en-karamelkaaskoek op die voorblad. Al wat ek anders gedoen het, was om 100 g rou amandels fyn te kap en by die kors te voeg. Ek bly maar ’n amandelslaaf! Ek maak dikwels kaaskoeke, en die meeste mense het gesê dit was die lekkerste een wat ek nóg gemaak het. – Juan-Wessel Lubbe, Ras Tanura, Saoedi-Arabië Ons wenner is Juan-Wessel Lubbe, want al sit hy in Saoedi-Arabië, het SARIE KOS se voorblad hom geïnspireer om die kaaskoek te bak. Hy wen 2 geskenkpakke – een vir homself, en een waarmee hy iemand vir Kersfees kan bederf! Elke geskenkpak met lae-GI-Bokomo-produkte plus ’n moderne koordlose ketel is R2 000…

KRAG VAN TWEE Susters Seline en Leandri van der Wat het bekend geword as die MasterChef-twee nadat hulle die top-3 gehaal het in die tweede seisoen van die Suid-Afrikaanse MasterChef-reeks. In hul eerste kookboek, Two (Struik, R300), wat pas verskyn het, is daar twee weergawes van elke resep: die een wys hoe ’n opgeleide sjef dit doen en die ander is gemik op die tuiskok. VLEISBYBEL As jy van vleis hou, sal dit jou loon om die vleisbybel van James Douglas en Scott Munro aan te skaf: Let There Be Meat (Orion Publishing, R510). Die skrywers meen jy sal nooit weer ’n boek oor vleis hoef te koop nie, want hierdie een bevat alles wat jy wil weet – van hoe om ribbetjies gaar te maak tot hoendervlerkies met stap-vir-stap-foto’s.…

PANGEBRAAIDE ITALIAANSE FRIKKADELLE & CAPRESESTYL CIABATTABRAAIBROOD Braai is nie ál wat jy oor die kole kan doen nie, jy kan kook ook. Die kole moet baie warm wees vir die frikkadelle. GENOEG VIR 4 – 6 ITALIAANSE FRIKKADELLE (bl. 23) • 8 varkworsies• 8 beesvleis-worsies• sowat 50 ml olyfolie• 1 x 400 g-blik gekapte tamaties• 125 ml witwyn• sout en varsgemaalde swartpeper• 100 g parmesaankaas, fyngerasper• hand vol vars basiliekruidblare, grofgebreek CAPRESE-STYL CIABATTABRAAIBROOD (bl. 22) • 1 ciabatta-brood• 300 g mozzarella-kaas, gerasper• 100 g basiliekruid-pesto• 3 groot tamaties, in skywe gesny• sout en varsgemaalde swartpeper• olyfolie Italiaanse frikkadelle Druk worsvleis uit in ’n mengbak. Meng goed. Vorm klein frikkadelle en hou eenkant. Wanneer kole lekker warm is, plaas ’n pan op die rooster. Gooi olyfolie in en verhit. Pak frikkadelle in pan en skud pan elke nou en dan sodat vleis nie vassit nie.…

Soms vlug hy Boesmanland toe … na Pofadder, Brandvlei. Net hy en sy bakkie. Een van Dana se eerste stilhouplekke is die Spar op Velddrif. "Jy gaan staan daar voor die toonbank by die deli en wys: Skep bietjie bobotie, bietjie pampoen, bietjie boontjies. Dikwels is die vroue wat daar in die groot kombuise kook werkersklasmense, wat saans ook kosmaak vir hul eie groot gesin. Hulle weet hoe om van iets mins iets meers te maak," sê Dana. Dit trek hom. Nie juis die vibe nie, "want jy moet dikwels in lang toue staan". En natuurlik, die pryse is ook reg, meen hy. Met sy pakkie kos ry hy dan noord en kyk uit vir ’n veilige plekkie langs die see waar hy kan stilhou en sommer van die bakkie…

BLOUBESSIEKAASKOEK (bl. 58) As die lus vir kaaskoek jou pak, kan jy hierdie resep in ’n kits aanmekaarslaan. Die bloubessies (blueberries) kan vervang word met die gerasperde skil van ’n suurlemoen. GENOEG VIR 8 • 200 g veselkoekies (digestive biscuits)• 150 g (160 ml) botter, gesmelt• 500 g roomkaas• 1 x 397 g-blik kondensmelk• 3 eiers• 125 g bloubessies• versiersuiker vir oorsif Verhit oond tot 180 °C. Kap koekies fyn in voedselverwerker. Gooi krummels in ’n mengbak en voeg gesmelte botter by. Meng goed. Spuit ’n langwerpige losboom-quiche-pan van sowat 35 x 11 cm met kleefwerende kossproei (jy kan ook ’n groter pan gebruik). Voer die hele pan uit met krummels en druk koekiekors stewig vas. Klits roomkaas, kondensmelk en eiers saam in ’n mengbak. Gooi vulsel in uitgevoerde pan en plaas pan op ’n bakplaat. As…

MURGPAMPOENTJIE-CANNELLONI ’n Lekker ligte weergawe van die bekende gereg, met murgpampoentjie eerder as pasta. Koop ekstra-groot murgpampoentjies en sny dit in lang dun stroke GENOEG VIR 4 SOUS • 400 g klein rosa-tamaties• 2 knoffelhuisies, fyngekap• 30 ml olyfolie• sout en varsgemaalde swartpeper VULSEL • 30 ml olyfolie• 250 g strepiespek (streaky), in blokkies gesny• 500 g ricotta-kaas• hand vol basiliekruidblare, fyngekap• 1 eier, geklits• sout en varsgemaalde swartpeper• 2 groot murpampoentjies GARNERING • 50 g parmesaankaas, fyngerasper• vars basiliekruidblare Verhit oond tot 200 °C. SOUS Plaas tamaties en knoffel in ’n voedselverwerker en kap fyn. Verhit olyfolie in ’n diep pan en voeg fyn tamaties by. Geur met sout en peper. Laat kook oop tot sous verdik het. VULSEL Verhit olyfolie in pan en voeg spek by. Braai spek tot bros. Dreineer op kombuispapier. Plaas ricotta-kaas in ’n mengbak en voeg spek,…

DIE WYN Robertson Brut Sparkling Wine 2014. Beskikbaar vanaf R45 per bottel direk van Robertson Winery se kelder of by uitsoekwynhandelaars landwyd. Kleine Zalze Brut Rosé NV. Beskikbaar vanaf R90 per bottel direk van Kleine Zalze se proe-lokaal of by uitsoekwynhandelaars landwyd. Five Climates Chenin Blanc 2015 van Boland Kelder. Beskikbaar vanaf R32 per bottel van Boland Kelder of by uitsoekwynhandelaars landwyd. Pongrácz Desiderius 2008. Beskikbaar vanaf boetiekwynwinkels teen R375 per bottel. OP DIE NEUS OP DIE TONG Hierdie aangename vonkelwyn het ‘n spektrum van vrugte op die neus: appel, peer en selfs suurlemoen. Dit werk lekker saam met die vars smake in die gereg, terwyl die vrugtige styl waarin die wyn gemaak is die brandrissie neutraliseer. Die vonkel in die wyn gee ‘n sappige tekstuur aan die veselagtige vlees…

KORTPAD-KOFFIE Hierdie kitskoffie smaak so lekker, jy sou sweer dis die filterproduk. Nescafé se Alta Rica is ekstra-sterk, met neut- en vanieljegeure. Landwyd te koop teen sowat R86 vir 100 g. SKONS SONDER SUKKEL Maak sjokoladeskons binne 25 minute met Sasko se hulp. Koop die basiese mengsel in pakkies en voeg olie, melk en eiers by. Twee hande vol gekapte amandels maak dit nog lekkerder. Sowat R14 vir 500 g. KOOK EN DRINK Voeg ’n sitrusgeurtjie by somergeregte soos oondgebraaide hoenderborsies met Orange River Cellars se Chenin Blanc, of drink dit yskoud terwyl die somerson sak. Koop landwyd vanaf R34,99 vir 750 ml. HOU DIT VARS Kos wat dig geseël is, hou langer in die yskas as kos sonder bedekking. Glad se nuwe rolle kleefplastiek is 1½ keer meer klewerig…

IN ONS WÊRELD IS DINGE KREATIEF, KLEURRYK, BESIG EN GEMOEDELIK – INSPIRASIE VAN A TOT Z. Dís wat jy kan verwag wanneer jy in Maart saam met SARIE by die Gallaghar-konferensiesentrum in Midrand kom fees hou! Al ooit gewonder wat inspireer die tydskrif om te doen wat ons doen, of hoe ons kosredakteurs, Barbara en Herman, gedurig met nuwe smake vorendag kom, en hoe ons dekorredakteurs, Anita en Lounette, elke keer verstom met mooi en slim idees? Jy hoef nie meer te wonder nie, want ons gaan jou vertel en sommer wys ook. Jy gaan letterlik voel jy stap deur die bladsye van SARIE, SARIE KOS en SARIE WOON. Ons kan nie wag om jou te ontvang nie; dit is immers ook jóú wêreld. Tot ons mekaar in die nuwe…

Somer is die tyd vir die buitelug, braai en goeie wyn. Lang, sondeurdrenkte dae waar heerlike vleis, vis en hoender op die kole sis, met genoeg koue, geurige wyn om die gehalte van die kos, kuier en geselskap te vervolmaak. Orange River Cellars se wyne is gemaak hiervoor. Ons wingerde staan in die ongerepte natuurskoon van die Noord-Kaap, en die suiwerheid van lug, water en grond lei tot druiwe van die allerbeste gehalte. Hiermee skep die wynmakers van Orange River Cellars ’n wye reeks wit-, rooi- en roséwyne vir elke smaak, ook om saam met jou gunsteling-braaigereg te nuttig. Van ’n verfrissende, vars Chenin Blanc tot Orange River Cellars se vrug-geurige Rosé; smaaklike, soel Colombard tot ’n karaktervolle rooiwyn gemaak van Pinotage, Shiraz of Cabernet Sauvignon, hierdie wynkelder het ’n…

VARKFILET GEVUL MET PEER-EN-GRUYÈRE-KAAS GENOEG VIR 4-6 • 1groot peer met skil• 30 ml olyfolie• 100 g gruyère-kaas, fyngerasper• 2varkfilette, altesaam 650 g• sout en varsgemaalde swartpeper• 15 ml olyfolie• 250 g strepiespek (streaky)• vars tiemie vir garnering• korrelmosterd vir voorsit Halveer peer en verwyder pitte. Sny peer in klein blokkies. Verhit die 30 ml olyfolie in ’n pan en voeg peer by. Braai sowat 2 minute. Skep uit pan en laat afkoel. Voeg kaas by en meng goed. Hou eenkant. Sny filette (in die lengte) in die middel van bo af oop, maar moenie deursny nie. Vou oop en maak in middel van elke stuk nog ’n lang snit sodat jy die filette nog platter kan oopvou. Geur filette met sout en peper. Skep peervulsel bo-op een oopgesnyde filet. Plaas ander filet bo-op. Smeer die filetstapel bo en…

BASIESE VANIELJEBROSKOEKIES Met hierdie resep kan jy 3 variasies maak – sien bladsy langsaan. SOWAT 120 KLEIN KOEKIES • 500 g (545 ml) botter, by kamertemperatuur• 420 g (500 ml) strooisuiker• saadjies van 1 vanieljepeul of 15 ml vanieljegeursel• 560 g (1000 ml) koekmeel Verhit oond tot 180 °C. Voer 4 bakplate uit met bakpapier. Plaas botter, suiker en vanielje in elektriese menger se mengbak. Verroom vir 5 minute met die mengspaan (K-beater) tot lig en romerig. Voeg meel by en meng verder by lae spoed tot deeg vorm. Maak deeg toe met kleefplastiek en plaas vir 1 uur in yskas. Verdeel deeg in 4 gelyke dele. Plaas elke stuk tussen twee lae bakpapier en rol uit tot 3 mm dik. Plaas in yskas vir 10 minute. Druk vorms uit en pak op voorbereide…

KLEIN VANIELJE-KAASKOEKIES MET VARS AARBEIE GENOEG VIR 4 KAASKOEKIES Kors • 200 g (360 ml) koekmeel• 100 g (110 ml) botter, in blokkies gesny• 50 g (60 ml) strooisuiker• 1eiergeel• 15 ml koue water Vulsel • 500 g LANCEWOOD Low Fat Cream Cheese• 105 g (125 ml) strooisuiker• 12 g (20 ml) koekmeel• 3eiers• 75 ml room• 2ml vanieljegeursel Vir versiering • 400 g klein aarbeie• versiersuiker om bo-op te sif Verhit oond tot 200 °C. Spuit 4 klein losboom-koekpannetjies van 9 cm in deursnee en 3½ cm diep met kleefwerende kossproei. Kors Plaas meel, botter en suiker in mengbak van voedselverwerker. Meng tot botter in meel ingewerk is. Klits eiergeel en water saam in bakkie en voeg by. Meng tot deeg vorm. Haal uit en maak deeg toe met kleefplastiek. Plaas in yskas vir 20 minute. Rol deeg dun uit op meelbestrooide…

Sy skrik nie vir die 400 km tussen die Kaap en Prins Albert, haar heimat in die Karoo, nie. Sanet Olivier, bekroonde televisieregisseur, ry dié pad trouens elke tweede naweek om by haar familie te gaan kuier. "Die oomblik as ek wegtrek van my woonplek op Woodbridge Island, in Milnerton, weet ek mos watter lekkertes wag … Die pad kan nie vervelig raak met die radio as geselskap en daai bekende padteken Tweefontein Padstal net buite Worcester nie," lag sy. Die plek voel ’n bietjie soos plaas, meen sy. "Die hoenders kom groet tot as jy stop … En as jy verby al die sakke lemoene op die padstal se stoep stap tot binne, groet die eienaars jou met ’n groot glimlag. Én hulle gee vir jou gratis koffie." Sy…

Resepte nagegaan deur dieetkundige Mariza van Zyl RD van BETER EET Voeding en Voedsel Konsult, www.betereet.co.za Is dit ’n bessie? Het jy geweet grenadellas en piesangs word ook as bessies geklassifiseer? Hierdie vrugte is deel van die tropiese sagtevrugtefamilie. MAASKAAS-EN- FRAMBOOSTERT (bl. 103) Dié soort kaas bevat min vet en bak heerlik romerig. GENOEG VIR 8 KORS • 200 g volkoring-veselkoekies (digestive biscuits), fyngemaal• 50 ml kanola-olie VULSEL • 2 x 230 g-bakkies maaskaas• 4 eiergele• 5 ml vanieljegeursel• 80 g (95 ml) xylitolsuikerplaasvervanger• 250 g frambose Kors Maak klam mengsel aan van koekies en olie. Spuit oondpan van 30 x 20 cm goed met kleefwerende kossproei. Voer pan se bodem uit met krummels. Vulsel Verhit oond tot 160 °C. Plaas al die bestanddele vir die vulsel, behalwe die frambose, in menger se bak en…

“Ek sit en wonder of ek nie sommer ’n tjoppie in ’n pan moet gooi nie,” sê ek vir Nanna, my vrou. ’n Tjoppie in ’n pan? Komende van my, wat nie kan wag om ’n vuurtjie brand te maak en iets te braai nie? Skielik onthou ek my ma: “Vanaand is ek regtig nie lus vir kosmaak nie.” Of Nanna in die strandhuis op Boknes: “Ek staan my van smôrens tot laatnag en afsloof voor die stoof terwyl julle in die branders kerjakker. Ek gooi nou voorskoot in!” Wat maak dat ’n ou g-vol raak vir kosmaak? En wat dán …? Vir my bly die ritueel van kosmaak die heel lekkerste terapie. Selfs beter as die eet self. Só bly die skepping van iets te ete uit basiese bestanddele…