Innholdsfortegnelse for April - May 2017 i SARIE KOS

Toe Michélle van Breda my nege jaar gelede by SARIE aangestel het, was ek maar nog kind. Ek het bloedweinig van die lewe geweet en ek het nooit kon dink ek sou eendag die kans kry om in Barbara Joubert se skoene te staan nie. Maar hier is dit nou! En my hart bons nog steeds soos daai dag in 2009 toe Michélle my gebel het: Herman, ons wil hê jy moet SARIE se kosredakteur word. Stel jy belang? Hierdie paar woorde het my lewe onherroeplik verander en my in die rigting gestuur waaroor ek as klein seuntjie gedroom het – om met kos mense se lewe te verander soos dit myne al telkemale verander het. Om te kook is wie ek is. Dis alles wat ek nog ooit wou…

Roomysbolletjies met stowe-appels Genoeg vir 6 6 SPAR Freshline Granny Smith-appels 100 ml water 100 g (125 ml) SPARbruinsuiker 6 SPAR Freshline Karamelen-sjokoladegegeurde Hot Cross Buns, gehalveer 30 ml SPAR-botter 1 liter SPAR Classicvanieljeroomys 30 ml SPAR-versiersuiker Skil en ontklok appels. Sny in helfte en snipper in dun skyfies. Gooi saam met water en suiker in ’n pot en bring tot kookpunt oor hoë hitte. Verlaag hitte en laat 10–15 minute stadig stowe of tot appels goudkleurig en deursigtig raak. Hou eenkant. Smeer botter op elke gehalveerde paasbolletjie. Verhit ’n pan tot vuurwarm en braai elke helfte se gesnyde kant tot goudbruin en bros. Skep 6 roomysballe op die helfte van die geroosterde bolletjies. Druk ander helfte stewig op die roomys. Sif versiersuiker oor en sit voor met stowe-appels. WENK…

Maak die frikkadelle van varkworsies, dis klaar vol geur. Die gereg is ’n volledige maal. Genoeg vir 6 Verhit 15 ml olyfolie in ’n kastrol en braai 1 gekapte ui, 2 fyngekapte knoffelhuisies en 1 fyngekapte selderystingel sowat 5 minute tot sag. Voeg 2 ml droë origanum, 750 ml groente-aftreksel, 2 x 400 g-blikkies gekapte tamaties, 15 ml tamatiepuree en 5 ml suiker by. Laat prut 15 minute tot dit effens verdik. Maak die sop fyn in jou voedselverwerker of versapper. Gooi terug in die kastrol en voeg 250 ml room by. Geur met sout en varsgemaalde swartpeper. Druk 6 varkworsies se vleis uit en vorm happiegrootte frikkadelle. Pak in warm sop en sit deksel op kastrol. Verhit oor lae hitte tot frikkadelle gaar is – sowat 10–12 minute. Sit…

8 dinge wat jy van tequila moet weet 1. Hoe hard slaan tequila? Baie – die alkoholinhoud is minstens 38%. En hoe tel ’n tequila-drinker, volgens die grapjasse? Een tequila, twee tequila, drie tequila, vloer … 2 Kan vroue, soos hulle beweer, meer tequila wegslaan as mans? Daar is geen studie wat dit bewys nie, maar jy sal beslis nie met ’n vrou wat ’n paar tequilas agter die blad het, daaroor stry nie. Navorsing het getoon die tipe vrou wat tequila drink, is vrydenkend en vol selfvertroue en sy laat nie met haar mors nie. 3. Waar kom tequila vandaan? Dit drup uit die hart van die blou agaweplant teen die heuwels om die dorp Tequila in die Jalisco-omgewing in Mexiko. Eers ná sewe jaar se groei kan die…

'n Moderne warrelwind-sprokie, met flambojante geregte soos parmantige bobotie-macarons, en celebs soos die skrywer Marita van der Vyver en Britse akteur Richard E. Grant wat kom aansit ... Dít is maar enkele van die wonders wat Kevin Grobler (30) beleef het sedert hy in Augustus 2015 as hoofsjef by JAN in Nice begin werk het. Hy en sy vrou, Inemari, woon in die hartjie van dié glansstad aan die Franse Riviera, in ’n ou woonstelletjie met klipmure – net ’n paar strate van waar biljoenêrs se luukse-seiljagte dryf op die blinkblou Middellandse See … “Ons voel of ons in ’n fliek speel,” sê hulle. Kevin staan daagliks aan die sy van een van die voorste sjefs ter wêreld – Jan-Hendrik van der Westhuizen, medeeienaar van JAN saam met Pascal Szafranski.…

Tamatie-en-spek Ek gebruik graag ricotta-kaas in ontbytgeregte. Dis lekker lig en neutraal van smaak. Genoeg vir 4 45 ml kanola-olie 1 ui, gekap 2 knoffelhuisies, gekap 250 g maer spek, fyngekap 6 eiers 60 ml laevet-melk 10 ml bakpoeier sout en varsgemaalde peper 200 g ricotta-kaas 200 g kersietamaties, gehalveer slaai vir voorsit ONTLEDING PER PORSIE kilojoules 1 588; koolhidrate 10,6 g; proteïen 17,5 g; vet 21,2 g 1 Verhit oond tot 180 °C. Verhit olie in kleefvrye oondvaste braaipan van 25 cm. Roerbraai ui, knoffel en spek 5–8 minute of tot spek bros is. 2 Klits eiers, melk, bakpoeier, sout en peper saam tot glad. Gooi eiermengsel in pan by gebraaide ui en spek. Meng deur en haal af van stoof. 3 Krummel ricotta oor en pak tamaties op.…

Praat van die koshemel se ideale paartjie: tamaties en parmesaan-kaas. Probeer dié maklike sop en jy sal saamstem! Genoeg vir 6 Verhit oond tot 220 °C. Plaas 10 (500 g) halwe tamaties op bakplaat en sprinkel 2 gekapte knoffelhuisies en 45 ml avokado-olie oor. Sit in warm oond en oondbraai 10 minute. Verhit 45 ml botter in ’n middelslag-pot. Voeg 1 gekapte ui en gebraaide tamaties by. Braai 5 minute liggies. Voeg 250 ml rooiwyn en 1 x 400 g-blik gekapte tamaties by. Laat 10 minute vinnig kook. Voeg 250 ml room en 50 g gerasperde parmesaan-kaas by en bring tot kookpunt. Verpulp mengsel tot glad in voedselverwerker. Geur goed met sout en varsgemaalde swartpeper. Sit warm voor saam met brood, ekstra kersietamaties en parmesaan. IN JOU MANDJIE TRANE VAN…

’n Jas vir jou brak Ons kry inspirasie vir ons hondejassie van die klassieke Burberry-jas, want wie wil nie mooi lyk in die herfs nie! SARIE se Anita Rossouw wys hoe. Benodigdhede 1 m elk van 2 kleure geruite lap 2 m omboorsel bypassende gare 1 Jy het die volgende mate nodig A. Van nek tot stert se begin B. Omtrek van maag C. Omtrek van die nek 2 Vergroot die patroon op die skets volgens die mate soos jy dit geneem het. Vou materiaal van jou keuse in die helfte en sny jou jassie uit – 1 van die patroon uit elke kleur lap. 3 Plaas jou uitgesnyde jassies bo-op mekaar, met verkeerde kante op mekaar. Stik 5 mm van die rand aanmekaar en omboor die jassie. 4 Werk…

A Amandel – almond Anyssaad – aniseed Appelliefie – gooseberry Aspersie – asparagus Avokado – avocado B Bakpoeier – baking powder Basiliekruid – basil Blomkool – cauliflower Botterskorsie – butternut Brandrissie – chilli Broodkrummels – breadcrumbs Bros – brittle/crisp D Diepbraai – deep-fry E Eier – egg Eiergeel – egg yolk Eierspaan – egg lifter Eiervrug – eggplant/aubergine/ brinjal Ertjie – pea F Forel – trout Framboos – raspberry G Garneer – garnish Gemmer – ginger Gemmerbier – ginger beer Gerook – smoked Granaat – pomegranate H Handdoekpapier – paper towels Heuning – honey Hoender – chicken Hoenderaftreksel – chicken stock Hoenderborsie – chicken breast K Kakao – cocoa Kaneel – cinnamon Karringmelk – buttermilk Kerriepoeier – curry powder Kersietamatie – cherry tomato Kitsgis – instant yeast Klapper – coconut…

5 gewilde resepte op SARIE.com 1. 30-minuut-etes vir die week (SOEKWOORDE: Eet binne ’n halfuur) 2. Soetpatat-video (SOEKWOORDE: Maklikste soetpatats) 3. Maak jou eie roomys-video (SOEKWOORDE: Roomys met 2 bestanddele) 4. Basiese sjokoladekoek (SOEKWOORDE: Vinnige sjokoladekoek) 5. Eenvoudige pannekoek-resep (SOEKWOORD: Pannekoek) 5 top-soekwoorde 1. Bobotie 2. Pannekoek 3. Pampoentert 4. Herderspastei 5. Ystervarkies 5 redes om SARIE.com/kos te besoek 1. Argief van resepte 2. Stap-vir-stap-video’s 3. Slim wenke van Herman 4. Stories uit die koswêreld 5. KOS-nuusbrief elke Vrydag per e-pos…

“ SARIE KOS is ryk in geure en kleure, en die smaaklikste Afrikaansekoswoorde. In elke uitgawe bring ons hulde aan ons taal met lekkersê-woorde soos #kaiings. Die bekende Afrikaanse taalstryder Arnoldus Pannevis het volgens G.J. van Wyk se etimologiewoordeboek al in 1880 van “kaing” geskryf, daardie vlesige oorblyfsel van ’n stukkie uitgebraaide vet. Kyk op bl. 68 as jy dit wil maak. Dis heerlik – geen wonder daar’s selfs ’n kaiingfees in Julie in Pretoria nie! Skakel 082 674 6560 vir meer inligting. Gaan ook na Afrikaans.com…

“Ek kook graag omdat dit ’n daad van liefde , is. In my geloof moet jy iemand se maag vol maak om te wys hoe baie jy vir hulle omgee” Koelsoem Kamalie Waar kom koesi(e)sters vandaan? Koesisters – of koesiesters, soos dit soms in die Kaapse Maleier-kookkuns genoem word – is ’n Ou-Kaapse lekkerny. Dis klein spesery-gegeurde gisdeegbolletjies, in diepvet gebraai. Vandag word koesisters gewoonlik in suikerstroop gedoop en dikwels ook in klapper gerol, maar dit was nie altyd die geval nie. In die oudste gepubliseerde Kaapse resepteboek ( Cape Cookery van A.G. Hewitt, 1890) is ’n resep vir “kosiesters”, wat reeds modernisering ondergaan het, omdat dit nie met gis nie, maar met kremetart gerys is. Tante Allie Hewitt was bekend vir spaarsamigheid – kenmerkend daarvan word haar koesisters slegs…

Wat is antieke grane? Dis ’n groep grane wat al eeue lank verbou en gebruik word. Dit het oor honderde jare, sommige sê selfs duisende, dieselfde gebly. En het dus ’n voorsprong bo moderne variante soos koring, rog en mielies wat deur kruising of genetiese veranderinge omvorm is. Dis tans ’n warm trend en ook nie net onder foodies nie. Ja, die name klink baie eksoties: tef, einkorn, emmer, amarant, boermanna (millet), freekeh, wilderys, quinoa, spelt, bokwiet, chia. Maar dis eintlik in die voedingkundige voordele waar die ou grane bo hul moderne maters uitstyg. Antieke grane het dikwels ’n lekker taaierige tekstuur, word op ’n eko-vriendelike manier verbou en is ’n nuttige alternatief as jy ’n gluten- en/of koringvrye dieet volg. Of selfs net vir afwisseling in jou dieet. Omdat…

Geur op vier pote Dis ’n unieke plek, die Karoo. Sy mensbewoners het lankal geleer om vir hulself te sorg, en die skape geur sommer hul eie vleis terwyl hulle wei. Soos die dorper-kudde op hul stewige pootjies skuur-skuur deur die bossies dwaal, kan hulle ewe goed in die kronkelgange van ’n speserymark in Marokko wees. Aromatiese struike met mooi name – soos silwerkaroo, kapokbossie, ankerkaroo, rivierganna, boegoekaroo en skaapbossie – deel hul besonderse geur met die vierpote. Maar dis glo ook die vars lug en die kalmte van die Karoo wat die goud op die dorper-tjoppie se medalje sit. Vra maar die boere daar. Die kudde moet rustig onder die oop hemel wees terwyl hulle daardie kieste volkou in die natuur se kruieveld. Daar bestaan by ’n Karoo-boer geen…

In Italië is kosmaak en eet ’n ernstige saak. Niemand is haastig nie, en jy begin vroegdag kook en sit eers laataand aan. By Cousins kry jy dieselfde eerlike eet-ervaring, sê sjef Andrea, soos dit ’n onopgesmukte trattoria betaam. Daar’s nie wit tafeldoeke en duur wynglase nie, maar die kos is puik, en alles word met die hand gemaak. Andrea se ouma Tina het hom kleintyd in Italië leer kosmaak. In 2012 het hy die Kaapse restaurant saam met sy neefs Simone Briganti en Luca Pantani begin. Simone en Luca sien om na die gaste en die kroeg, maar Andrea is die man in die kombuis. Hy maak elke dag vars pasta, stadig en deeglik soos dit hoort, oor ’n lae vlam. En vandag gaan die meester ons leer om…

Wat is non in SEISOEN Herfsgroentes AVOKADO MIELIE KOOL BLOMKOOL BEET WORTEL SPINASIE KRULKOOL GROENBONE SELDERY WITWORTEL BROCCOLI MURGPAMPOENTJIE EIERVRUG PREI Herfsvrugte KWEPER APPELLIEFIE GRANAAT VY SITRUS KOEJAWEL APPEL PEER WINTERSPANSPEK Soorte Die oranje boerpampoen is sekerlik die bekendste in ons kombuis, maar het jy geweet sy fênsie naam is die aspoesterpampoen? Die witskilpampoen is ook gewild omdat sy rakleeftyd so lank is – hy kan tot 6 maande vars bly in die skil. My gunsteling is die grysskilpampoen. Hy het min pitte en sy skil is ook heerlik as jy dit oondbraai. KIES SÓ As jy ’n heel pampoen koop, kies een wat hol kink as jy liggies daarop klop. Die skil moet ook ’n blink voorkoms hê, sonder enige opvallende skade. Koop pampoen met die stingel aan, dit…

Wat sal jy reken is die beste manier om ’n avokado ryp te kry? Willem Koen SAARTJIE Allerlei foefies is al op die proef gestel, maar soos met baie dinge in die lewe is daar nie altyd ’n kortpad nie. Dit bly maar die beste om ’n avokado in ’n kardoessak te sit saam met ’n ryp piesang of appel. Die ryp vrug skei gasse af wat help om die avokado se rypwordproses te versnel. Kyk ook op SARIE.com hoe Herman Lensing vasstel of jy ’n avokado in die oond kan ryp maak. HOE KEER JY DAT PASTA AAN MEKAAR VASSIT OF TE PAP KOOK? Carmen Botma SAARTJIE: Pasta moet al dente voorgesit word, wat letterlik “op die tande” beteken. Dit moet dus gekook word tot sag, maar steeds ferm…

SPYSKAART Regte suurdeegbrood Koue aartappelsous Koue eiervrug gevul met koringslaai Hoender met pomelo en kruie Karamel-en-koffie-tiramisu REGTE SUURDEEGBROOD Dis ’n tydsame proses, maar die vars brood met die suurderige smaak maak dit deur en deur die moeite werd. As jy eers jou suurdeegplantjie het, gaan jy baie bly wees! En jy kan dit oor en oor gebruik. 7 dae voor jy begin bak VIR JOU PLANTJIE 280 g (500 ml) broodmeel 375 ml louwarm water 5 ml kitsgis 30 ml heuning Maak ’n gladde mengsel aan van al die bestanddele. Plaas in glasbak en maak toe met kleefplastiek. Laat staan 24 uur op warm plek. Skep ná die 24 uur 1 koppie van die mengsel uit en gooi weg. Voeg 100 ml water en 150 ml koekmeel by. Meng goed…

Chorizo is ’n Spaanse wors met ’n speserysmaak. Lekker en vullend so saam met die lensies. Genoeg vir 6 Maak 250 ml bruin lensies gaar volgens aanwysings op pak (sien produk langsaan). Verhit 30 ml olyfolie tot warm in middelslag-pot. Voeg 1 gekapte ui, 2 gekapte knoffelhuisies, 1 gekapte brandrissie en 300 g chorizo-wors, in ringe gesny, by. Braai 5–8 minute vinnig of tot ui begin verbruin. Voeg 25 ml gerookte paprika, 1 x 400 g-blik kersietamaties en 500 ml hoenderaftreksel by. Verlaag hitte en laat 10–15 minute stadig kook of tot vloeistof met ⅓ verminder het. Voeg gaar lensies by en bring weer tot kookpunt. Geur goed met sout en varsgemaalde swartpeper. Sit warm voor. IN JOU MANDJIE VARS UIT ’N PAKKIE Met IMBO se lensies kan jy vir…

KAAPSTAD Gaan maak ’n draai by Komati Foods in 74 Lower Main Road, Observatory. Hier kry jy byna elke bestanddeel vir die lekkerste goedvoel-kos! Of besoek hulle by www.komatifoods.co.za. JOHANNESBURG Loer in by Rosebank Health Shop – winkel G7B by The Zone, of besoek hul webwerf, www.rosebankhealthshop.co.za, vir meer inligting. AANLYN Besoek www.wellnesswarehouse.com. Hulle lewer oral in Suid-Afrika af. Mense van Augrabies tot Zastron sal kan saamkook.…

SEMELBESKUIT Genoeg vir 40 stukke 1 x 500 g-blok botter, gesmelt 1 x 500 ml-houer karringmelk 2 eiers 1 kg-pak volkoring-bruismeel 15 ml bakpoeier 375 ml sagte bruinsuiker 375 ml muesli 250 ml hawermout 250 ml fyn klapper 125 ml sonneblomsaad Verhit oond tot 180 °C. Meng botter, karringmelk en eiers saam tot glad. In groot mengbak, meng meel, bakpoeier, suiker, muesli, hawermout en klapper saam. Voeg sonneblomsaad en eiermengsel by en meng saam tot deeg vorm. Voer oondplaat van 30 x 25 cm met GLAD-bakpapier uit. Plaas deeg in pan en druk plat met vingerpunte. Gebruik skerp mes en sny beskuitporsies in rou deeg – besluit self hoe groot. Bak 35–40 minute of tot goudbruin en gaar. Laat beskuit effens afkoel en keer uit. Verhit oond tot 80 °C.…

Oondgebaktetamatie-en-spekpasta As jy tamaties oondbraai, raak die smaak soeter en skerper. Met min moeite kan jy groot geure skep. Genoeg vir 4 1 kg gemengde kersietamaties 250 g gekapte spek 2 knoffelhuisies, gekap 60 ml olyfolie 40 ml witwyn-asyn 4 takkies tiemie, gekap sout en varsgemaalde swartpeper 500 g spaghetti 4 wiele fetakaas 1 brandrissie, gekap hand vol Italiaanse pietersielie, gekap hand vol basiliekruid Verhit oond tot 180 °C. Pak tamaties, spek en knoffel in oondbraaibak. Sprinkel olyfolie, asyn en tiemie oor. Geur goed met sout en peper. Oondbraai 20 minute of tot tamaties begin oopbars. Kook intussen spaghetti volgens aanwysings op pak en dreineer. Plaas in groot opdienbak en gooi warm tamaties en al die pansous oor. Krummel feta oor en voeg brandrissie by. Voeg pietersielie by en meng…

PAMPOEN-ARANCINI (RISOTTO-BALLE) Genoeg vir 18–20 30 ml olyfolie 1 ui, fyngekap 2 knoffelhuisies, fyngekap 250 ml arborio-rys 250 ml witwyn 650 ml hoenderaftreksel 300 g pampoenblokkies, gestoom tot gaar 1 x 230 g-houer LANCEWOOD® Medium Fat Cream Cheese Plain 50 g parmesaan-kaas, fyngerasper sout en varsgemaalde swartpeper 140 g (250 ml) koekmeel 2 eiers, geklits 250 g fyn broodkrummels 100 ml basiliekruid-pesto Verhit olyfolie in groot, diep pan. Braai ui en knoffel tot sag en deurskynend. Voeg rys by en braai nog 5 minute. Gooi wyn oor en laat stadig kook tot alles deur rys geabsorbeer is. Skep aftreksel lepel vir lepel by en roer goed ná elke byvoeging. Wanneer al die aftreksel bygevoeg is en rys klewerig lyk, voeg pampoen by en bring weer tot kookpunt. Voeg LANCEWOOD®-roomkaas by…

KAN EK DIT SELF MAAK? Beslis. Kyk aanlyn by www.yuppiechef.com of www.wellnesswarehouse.com. Goeie kouepars-versappers kos vanaf sowat R5 000. WAT ISDIT? Groentesap word gemaak van verskeie soorte groente soos beet, wortel en selfs spinasie. Die sap word gewoonlik ook gegeur met vars bestanddele soos gemmerwortel of selfs borriewortel. Die meeste van die kommersiële produkte het appelsap as basis omdat groente nie so baie sap soos vrugte bevat nie. HOEKOM HOU ONS DAARVAN? Die sap is gesond, veral dié wat as “cold pressed” gemerk is. Laasgenoemde word by ’n lae temperatuur onttrek om te voorkom dat die antioksidante en vitamiene verlore gaan. Die rou groente wat tydens die verwerkingsproses gebruik word, is propvol vesel en alles wat goed is. IS DIT LEKKER? Dit kan aanvanklik vreemd smaak, veral die groen sappe…