Innholdsfortegnelse for October/November 2015 i SARIE KOS

IN ONS WÊRELD IS DINGE KREATIEF, KLEURRYK, BESIG EN GEMOEDELIK – INSPIRASIE VAN A TOT Z. Dís wat jy kan verwag wanneer jy in Maart saam met SARIE by die Gallaghar-konferensiesentrum in Midrand kom fees hou! Al ooit gewonder wat inspireer die tydskrif om te doen wat ons doen, of hoe ons kosredakteurs, Barbara en Herman, gedurig met nuwe smake vorendag kom, en hoe ons dekorredakteurs, Anita en Lounette, elke keer verstom met mooi en slim idees? Jy hoef nie meer te wonder nie, want ons gaan jou vertel en sommer wys ook. Jy gaan letterlik voel jy stap deur die bladsye van SARIE, SARIE KOS en SARIE WOON. Ons kan nie wag om jou te ontvang nie; dit is immers ook jóú wêreld. Tot ons mekaar in die nuwe…

VONKELENDE BRAAI Gaan maak ’n draai by J.C. Le Roux se Le Venue-restaurant op Stellenbosch as jy lus is vir ’n vleisie op die kole. Daar is drie somerbraaispyskaarte: ’n banting-opsie met biefsosatie, ’n tweede opsie met biefsosatie en roosterkoek, en ’n derde opsie met hoender en Toulouse-wors. Alles word voorgesit met die verskeidenheid van J.C. Le Roux Méthode Cap Classique- en vonkelwyne. Pryse wissel van R98 tot R135 per persoon en bespreking is noodsaaklik. Skakel 021 865 8222. Kersfees in ‘n bottel Tanige Port, gemaak van gefortifiseerde rooiwyn wat in vaatjies verouder word en só die taan kleur bekom, is ’n veelsydige soetwyn wat ruik soos Kerskoek: vol neut-kersie-en-rosyngeure en smake van karamel, wat dit ’n fantastiese pasmaat vir dié feestelike nagereg maak, of geniet dit saam met ’n…

Glorieryk, asemrowend, indrukwekkend – dit was die legendariese Titanic, destyds die grootste skip, op haar nooiensvaart oor die ysblou water van Engeland na Amerika. Van die wêreld se skatrykste mense het die aand van 14 April 1912 in die stylvolle Ritz-restaurant saamgekuier – om betower te word deur pastelkleurige rose wat romanties glim in gedempte lig, kristalglase met Franse wyn te klink, te smul aan gourmet-geregte en om slimmighede uit te ruil op maat van die goddelike musiek van meesters soos Puccini en Tsjaikowski. Die toonbeeld van perfeksie, skoonheid en grasie. Maar om 11:40 daardie aand is die droom vernietig, want die “onsinkbare” skip het teen ’n ysberg gebots en in die vroeë oggendure van 15 April vir ewig onder die water van die Atlantiese Oseaan verdwyn. OM TE WEET…

Spyskaart Voorgereg Gerookte-forel-en-pesto-roulade Hoofgereg Beesrol met uiesous Geroomde spinasie Bros lagie-aartappelgebak Nagereg Sjokolade-malvalekkerkoekies met winkelroomys en toffiesous GEROOKTE-FOREL-EN- PESTO-ROULADE ’n Ou staatmaker wat jy kan geur en vul met byna enigiets onder die son ... Maak dit klaar voor jou kuiergaste opdaag. GENOEG VIR 6 • 50 g (55 ml) botter• 50 g (90 ml) koekmeel• 500 ml melk• 100 ml basiliekruid-pesto• 6 eiers, geskei• 100 g bokmelkkaas• 250 ml room• 200 g gerookte forel – kan met dun gesnyde ham vervang word 1 Verhit oond tot 180 °C. Voer ’n bakplaat uit met bakpapier en spuit goed met kleefwerende kossproei. Smelt botter in ’n klein kastrol en voeg meel by. Gooi melk bietjies-bietjies by en roer goed ná elke byvoeging tot ’n dik sous vorm. Haal af van stoof, gooi in mengbak en laat afkoel. Voeg pesto…

Sy liefde vir kosmaak kom van sy pa, ’n moeilike man met wie hy min ander dinge gemeen gehad het. “Ek was die vierde-generasie-Ladds wat my skoolopleiding by Pretoria Boys High voltooi het, al het my ouers gedink ek is rigtingloos en ongefokus op wat ek in my lewe wou bereik. My pa se enigste stokperdjie was kosmaak en ek het altyd langs die stoof gestaan, en só het my belangstelling in die wêreld van kos ontwikkel.” In matriek het Brett as kelner begin werk. Ná sy eindeksamen het hy in die restaurant bly werk en toe die sjefs op ’n dag uitstap, het hy beheer van die kombuis oorgeneem. “Dit het my soos ’n handskoen gepas. Ek kon dit met gemak hanteer.” Dis hier waar sy talent raakgesien is…

DIE WYN Krone Borealis Brut 2013. Beskikbaar vanaf R110 per bottel direk van Twee Jonge Gezellenwynkelder of by uitsoekwynhandelaars landwyd. Fryer’s Cove Doringbay Sauvignon Blanc 2015. Beskikbaar vanaf R75 per bottel direk by uitsoekwynhandelaars landwyd. Quest Heroes Journey 2. Die wyn kan bestel word vanaf R160 per bottel van Du Toitskloof-kelder. Il Mallo Caffè Liqueur. Beskikbaar vanaf R289,95 per bottel by Makrohandelaars landwyd. OP DIE NEUS OP DIE TONG Dis die storie agter dié wyn met sy neutagtige karakter wat dit so gepas maak vir ‘n troue: Bacchus, die wyngod, het op Ariadne, dogter van die koning van Kreta, verlief geraak. Ter illustrasie van sy liefde het hy sy goue kroon in die hemel gestrooi waar dit vir ewig as die konstellasie Corona Borealis sou skyn. En corona is Spaans…

LEPEL VIR LEPEL Vervang die suiker in jou gebakresepte met Canderel Spoon for Spoon. Dis net so soet soos suiker, maar bevat minder kilojoules – slegs 2 kJ per teelepel. Landwyd te koop teen R54,99 vir 75 g. GOEIE OLIE Jy kan nie goeie kos maak sonder goeie bestanddele nie, en goeie olyfolie is een van hulle. Olive Pride se produk is verpak in bottels met ’n uitskiettuit. Landwyd te kry by supermarkte teen R69,98 vir 500 ml. MEER VESEL Maak jou ontbyt gesonder met Jungle Oats se growwe hawermout met die groter korrel wat meer vesel bevat. Sit dit voor met suikersoet heuning en neute. Landwyd te koop teen R34,99 vir 1 kg. KOEKIES VOL SJOKOLADE Spesiaal vir almal wat ’n bietjie bederf nodig het in die middel van…

WARM BORDE, WARM HARTE Gister kuier my verliefde kleinseun by my. Ons gesels heerlik. En oor wat anders as kos, want Lowaldo is ’n vlieënier wat ander lande besoek en van “snaakse” kosse hou. Hy verwonder hom aan my kruie, speserykeuses en my manier van kosgarnering en hy peper my met vrae oor resepte. So lekker om alles te beantwoord en “tips” uit te deel, sodat hy en Spikkie, sy meisie, kan eksperimenteer. Ek dek tafel, plaas die warm kosskottels op die tafel en laastens ons warm borde. Hy frons en vra: “En die warm borde?” En toe onthou ek my moeder se wyse koswoorde: “My kind, sorg dat daar altyd genoeg kos op warm borde op jou tafel is, dit laat jou gasvrye hart bons.” So waar! – Elna…

ONTWERPERSKOEKE In Charlotte Neuville se nuwe bakboek Stylish Cakes (Harper Collins Publishers, R530) wag daar meer as 60 skouspelagtige ontwerperskoeke. Dit verg bakvernuf, maar selfs al hou jy nie van bak nie, is die foto’s mooi genoeg om net na te kyk. GEEN GLUTEN Vir mense wat met dié lastige proteïensamestelling sukkel, is The Gluten-Free Cookbook (Dorling Kindersley, R400) die antwoord. Dit bevat meer as 200 resepte sonder gluten – van bykosse tot nagereg en nog vele meer. GESONDHEID! Gesond eet hoef nie vervelig te wees nie, soos Ella Woodward wys in haar boek Deliciously Ella (Yellow Kite Books, R440). Sy kook met sade, peule en neute, en gebruik dit in smoothies, groentegeregte en nog baie meer – alles sonder gluten en suiwel. RESTAURANTKOS Andrew Dargue is eienaar/hoofsjef by die…

Aan die woord is Hannerie Visser, eienaar van die ontwerpagentskap Studio H wat spesialiseer in ‘’anderste’’ervarings. Sy is een van die vyf lede van dié Kaapse kookboekklub, wat begin vanjaar gestig is. Die ander lede is Anél Potgieter, wat al talle toekennings vir haar kosblog lifeisazoobiscuit.com gewen het en onder meer ’n weeklikse kosrubriek in die Sondagkoerant Rapport skryf, Daleen van der Merwe, uitgewer van resepteboeke by Human & Rousseau, en Errieda du Toit, inhoudsvervaardiger van die kykNETkos-realiteitsreekse Kokkedoor en Koekedoor. Die haan onder die henne is die selferkende smulpaap en internis Johan Nel. “Kook verlig my stres,” sê hy. “Johan se kennis is verstommend,” sê Hannerie. “Hy ken dieselfde resep van verskillende sjefs en kan uit sy kop uit vir jou sê hoe die een van die ander s’n…

As jy geneig is om te veel te kook, sit jy altyd opgeskeep met oorskiet. GLAD het die oplossing, baie nuttig met Wêreld-kosdag om die draai op Vrydag,16 Oktober. Gebruik GLAD Zip Seal Resealable Storage Bags om kos langer vars te hou in die yskas. Dis beskikbaar in twee groottes, klein en medium. Die regopstaan-sakkie spaar boonop plek in die yskas GRAANSLAAI Skep oorskiet-graanslaai in GLAD Zip Seal Resealable Storage Bags en plaas in yskas. Dit sal 3 – 4 dae vars bly. GEDROOGDE PERSKES As jy gedroogde vrugte in groot maat koop, plaas dit in GLAD Zip Seal Resealable Storage Bags. Dit sal tot 1 jaar vars bly in jou kombuiskas. VRUGTESLAAI Skep oorskiet-vrugteslaai in GLAD Zip Seal Resealable Storage Bags en plaas in yskas. Dit sal 3 –…

SPYSKAART VOORGEREG Bruschetta met steurgarnale en avokado HOOFGEREG Gestopte hoenderborsies Gevulde aartappels Mielies met brandrissie-bottersous Groenbone-en-sampioenslaai NAGEREG Winkeldeeg-doughnuts BRUSCHETTA MET STEURGARNALE EN AVOKADO (bl. 43) Bruschetta is gebraaide brood met enigiets wat jou hart begeer bo-op, soos die ou klassieke steurgarnaalkelkie wat ek hier gebruik. • 400 g gaar steurgarnale• 2 avokado’s, afgeskil• 15 g grasuie, fyngekap• 125 ml romerige mayonnaise• 30 ml tamatiesous• 15 ml worcestersous• 15 ml suurlemoensap• Tabasco-sous na smaak• sout en varsgemaalde swartpeper• sowat 120 ml olyfolie• 8 snye ciabatta-brood Verwyder die stertjies van die steurgarnale, maar behou van hulle eenkant vir garnering met die stertjies aan. Sny avokado in blokkies. Plaas steurgarnale en avokado in ’n mengbakkie en voeg grasuie by. Meng mayonnaise, tamatiesous, worcestersous en suurlemoensap saam in ’n bakkie. Voeg Tabasco-sous druppelsgewys by tot dit reg is na jou smaak. Gooi sous oor steurgarnale…

Spyskaart VOORGEREG Italiaanse polenta met pesto-sampioene HOOFGEREG Suid-Afrikaanse oornaglamsnek in Engelse yorkshirepoeding Broccoli met kaassous Soetwortels Geroosterde uie NAGEREG Franse pruimtertjies POLENTA MET PESTOSAMPIOENE (bl. 59) Jy kan die polenta al die vorige dag maak en in die yskas hou. POLENTA • 1 liter water• sout en varsgemaalde swartpeper• 250 ml polenta• 40 g (45 ml) botter SAMPIOENE • 15 ml botter• 500 g sampioene, in kwarte gesny• 4 baba-preie• 125 ml room• 15 ml basiliekruid-pesto• sout en varsgemaalde swartpeper• sowat 50 ml olyfolie• 50 g parmesaankaas• hand vol bronkors (watercress)• vars basiliekruidblare Polenta Gooi water in ’n kastrol en bring tot kookpunt. Geur met sout en peper. Haal kastrol af van die stoofplaat en voeg polenta stadig by terwyl jy heeltyd roer met ’n ballonklitser. Roer tot glad. Plaas terug op baie lae hitte en laat prut sowat 5 minute tot dik. Smeer…

SPYSKAART Voorgereg Lam-en-pistasie-koftas Hoofgereg Seekos-linguine Nagereg Driemelkkoek LAM-EN-PISTASIEKOFTAS Hierdie soort gereg is die middelpunt van die Turkse kookkuns. Dis gewild van Griekeland tot in Iran en so ver as Indië, maar die kombinasie van vinkel, koljander en komyn met lamsmaalvleis, pistasieneute en rissievlokkies is baie tipies Turks. Jy’t plat metaalpenne nodig vir die vleis, sodat dit nie afval wanneer jy dit omdraai nie. Miskien het jy sulke penne teruggebring van jou reis in Turkye. GENOEG VIR 8 – 10 • 1 teelepel komynsaad• ½ teelepel vinkelsaad• ½ teelepel koljandersaad• 1,2 kg lamsmaalvleis• hand vol Italiaanse pietersielie, gekap• 1 teelepel gedroogde kruisement• 2 eiers, geklits• 2 knoffelhuisies (10 g), fyngedruk of gerasper• 75 g pistasieneute, grofgebreek• 1 teelepel rissievlokkies• 1 teelepel sout• 3 draaie swartpeper• sap van 1 suurlemoen• koekmeel as bindmiddel, indien nodig• olyfolie vir oorverf Stamp al die speserysade fyn in ’n vysel. Meng…

SPYSKAART VOORGEREG  Koue amandelsop HOOFGEREG  Groen(te)slaai Koue varkpasteie Koue seekos-en-rysslaai NAGEREG  Bros wafelkoekies Suikerbekkie-troukoek BEPLAN JOU INFORMELE TROUE SÓ MAAND VOOR TROUE Stuur uitnodigings uit Verf tafel vir onthaal Huur glase, borde en servette vir vasgestelde datum Stel lys op van vriende wat gaan help kook en deel resepte uit TWEE DAE VOOR TROUE Begin met die groot kook! Bak troukoek Maak amandelsop Oondbraai vark vir pasteie DAG VOOR TROUE Maak pasteie Maak seekos en rys gaar Braai wafelkoekies vir nagereg Versier troukoek en hou in yskas DAG VAN TROUE Meng koue seekos-en-rysslaai Maak groen(te)slaai Bak pasteie Dek troutafel Rond koek af Plaas wyn op ys MAAK SELF JOU FEESTAFEL JOU KUIERTAFEL SUIKERBEKKIE- TROUKOEK (bl. 85) Die groot trend in troukoeke deesdae is halfversierde koeke ( naked cakes). GENOEG VIR…

SPYSKAART Mossels met amandels en chorizo-sous Warm sampioenslaai Waterblommetjie-enlamskerrie Klapper-malvalekkers WATERBLOMMETJIES Hierdie Kaapse lekkerte groei tot einde November meestal wild in riviere en groot damme in die Boland, maar daar is ook plase wat dit kweek. Lig die hele blom met sy stingel en al uit die water en sny die stingel sowat 1 cm onder die blom se basis af. Dis belangrik om die blomme oornag in soutwater te week om alle goggas en sand te verwyder. MOSSELS Die juwele van die see is taamlik volop langs die koue kus van SA, maar dit beteken nie jy mag dit na hartelus uithaal en eet nie. Doen aansoek vir ’n lisensie by jou naaste munisipaliteit; dit kos net sowat R200 en is geldig vir 1 jaar. Haal net die groot,…

C Candles 4 U Fabriekstraat 4 Kuilsrivier 082 485 4531 Chair Crazy www.chaircrazy.co.za D Dulux 086 033 0111 www.dulux.co.za F Friedman & Cohen Hoek van Hoof- en Wesleystraat Strand 021 853 1070 G Gister Brightstraat 6 Chelsea House Somerset-Wes 021 852 4827 M Mervyn Gers Ceramics Dorsetshirestraat 4 Paardeneiland Kaapstad 021 510 2385 N Nerf-Af De Villierslaan Durbanville-gholfbaan Durbanville 084 946 6326 S Strand Trading Post Hoek van Hoof- en Aerodromestraat Strand 021 853 6619 T The Tablecloth Hiring Company www.tableclothhiring.co.za Y Yuppy Chef www.yuppiechef.com…

Partykeer voel ek die lewe is soos ’n spyskaart. Vol keuses. Die een ding lyk lekkerder as die ander en jy’s bang jy kies verkeerd en loop iets mis wat kon gewees het. Vat nou maar ’n à la carte-spyskaart. Die sappige kruisskyf medium-na-rou met ’n knoffelkaassousie of die diepgebraaide calamari-filet met ‘n tartaarsousie? Sou dit Chinese rys, gebakte aartappel of skyfies wees? Die aartappels – in knoffelbotter of suurroom? As jy uiteindelik bestel het, is jy óp gebesluit en dan lyk jou buurman se schnitzel baie aanlokliker as die bord kos wat jy gekies het! Om van ‘n voorsny-buffettafel nie eens te praat nie. “Jy mag skep soveel as wat jy wil,” is die uitnodiging. Dis net daar waar die probleem opduik, want jy eet jou trommeldik aan die…

PEUSELPEUSEL Dis ideaal vir die happies vir jou volgende onthaal, hierdie klein koperpotjies van Scanpan. Die potjies sal goed lyk op enige tafel, en jy kan hulle selfs in die oond sit om bv. ’n soufflé te bak. Koop landwyd vanaf R900 – dit sal ’n erfstuk word. OONDDOUGHNUTS Raak gesonder met doughnuts wat jy in die oond bak (sien resep op bl. 48). Koop hierdie pan aanlyn by www.yuppiechef.com teen R265. Hulle pos dit landwyd. 2 IN EEN Sit jou slaai voor in hierdie bottel-in-’nbottel van Consol. Jy pak die slaai in die groot fles en sit die sous in die kleiner flessie wat in die deksel inskroef. Gaste gooi dit self oor hul slaai – nadat hulle hulle verwonder het aan hoe mooi dit lyk. Besoek www.consol.co.za vir…

SPYSKAART Voorgereg Gebakte camembertkaas Pepermakrielpatee Hoofgereg Oondgebraaide baba-hoender Parmesaankaas-aartappels Bone met preie en tamaties Nagereg Vanieljeroomys met vrugte GEBAKTE CAMEMBERTKAAS (bl. 67) Jy kan ’n camembertkaas in ’n boksie in die supermark koop wat jy net so in die oond kan bak. As jy dit nie kan kry nie, kan jy die kaas oop op ’n bakplaat bak. 1.  150 g camembertkaas, in ’n boksie2.  . 1 knoffelhuisie, in dun stokkies gesny3.  . 40 ml witwyn4.  . 30 ml olyfolie5.  . 3 takkies vars tiemie Verhit oond tot 200 °C. Haal kaas uit verpakking en plaas terug in oop boksie. Sny kepies in kaas en druk knoffelstokkies in. Gooi wyn en olyfolie oor kaas en plaas vars takkies tiemie bo-op. Plaas op ’n bakplaat en plaas in oond. Bak 10…

PARMESAANKAASBAKKIES MET 2VULSELS GENOEG VIR 24 BAKKIES • 300 g parmesaankaas, fyngerasper Olyf-en-knoffelvulsel (V) • 250 g LANCEWOOD Low Fat Cream Cheese Olive & Herb• 1knoffelhuisie, fyngekap• hand vol basiliekruid, fyngekap• sout en varsgemaalde swartpeper• 6ontpitte swart olywe, gehalveer• mikrokruie Steurgarnaal-en-forelvulsel • 125 g LANCEWOOD Medium Fat Cream Cheese• 125 g LANCEWOOD Full Cream Cultured Cream• 200 g gaar steurgarnale (prawns)• 10 ml suurlemoensap• sowat 15 grasuie, fyngekap• sout en varsgemaalde swartpeper• 50 g gerookte forel Verhit oond tot 200 °C. Voer ’n bakplaat uit met bakpapier. Plaas ’n 5 cm-koekieuitdrukker op bakplaat. Skep ’n laag van die gerasperde kaas in uitdrukker, sowat 0,5 cm dik. Druk kaas plat met agterkant van ’n lepel. Verwyder uitdrukker. Herhaal nog 2 keer op dieselfde stuk papier. Plaas 3 kaaslagies op ’n slag in oond en bak sowat 3 minute tot kaas borrel en net goudbruin word.…

TROUKOORS Is jy ’n voornemende bruid wat inspirasie soek? Koop dan die nuwe uitgawe van SARIE BRUID. Dis propvol trourokke en -koeke, en alles en nog wat om jou te help om jou troudag perfek te maak. Landwyd op die rak teen R55. VERF DIT SELF Gebruik Dulux se Off White 61 (50BG 83/009) om jou tafels te verf. ’n Mat verf lyk die beste. MY KERSIE BRAND Moenie kerse koop vir jou volgende partytjie nie, huur dit sommer by Candles 4 U. En as die opskop oor is, neem jy dit terug. Die kerse word gemaak van spesiale was en sal tot 8 uur lank brand – jy sal die hele aand lig hê! Sien Koopgids vir meer inligting. EEN GLAS VIR ALS Vergeet van reëls vir tafel dek…

SPYSKAART Om te drink Kersie-en-rooslimonade Hoofgereg Oondgebakte eiervrug met jogurt Salmsteaks in soetrissiesous Lamflenters met olywe en tamatie Nagereg Neute-en-lemoenkoek Resepte nagegaan deur dieetkundige Mariza van Zyl RD van BETER EET Voeding en Voedsel Konsult, www.betereet.co.za OONDGEBAKTE EIERVRUG MET JOGURT In al die supermarkte kry jy deesdae ’n hele verskeidenheid van eksotiese eiervrugte. Ek het die lang witte gebruik – dit bak vinniger sag. GENOEG VIR 6 • 8 lang wit eiervrugte• 45 ml heel komynsaad• 60 ml kanola-olie• 4 knoffelhuisies, fyngekap• sout en varsgemaalde swartpeper• sap en gerasperde skil van 3 lemoene• 1 brandrissie, gekap• 2 takkies kruisement, gekap• 250 ml dik jogurt• 100 g granaatpitte• 50 ml sumak-speserye – opsioneel Verhit oond tot 180 °C. Halveer eiervrugte in lengte en pak met gesnyde kante na bo in oondbraaibak. Sprinkel komyn, olie, knoffel, sout en peper oor. Oondbraai…