Innholdsfortegnelse for October - November 2016 i SARIE KOS

POMELO-BLOS ’n Verfrissende skemerdrankie wat jy vinnig kan aanmekaarslaan met die brandewyn in jou kas 1 deel brandewyn 2 dele pomelosap suiker (na smaak) 1 deel sodawater sitrusskywe Kombineer brandewyn, pomelosap en suiker. Roer tot suiker opgelos het. Skink oor ys tot glas driekwart vol is en vul glas met sodawater. Garneer met sitrusskywe. WENK Vir ’n groot groep gaste kan jy vooraf ’n stroop kook (een deel suiker plus een deel water). Skink dan net in elke glas ’n bietjie stroop en voeg die res van die bestanddele by. Dan hoef jy nie die suiker in elke glas te staan en roer nie. MARISKA VENTER van Durbanville As jy van 'n ekstra tikkie soet hou, maak eers die rand van die glas nat en doop dit in suiker voor…

Dit is die maand Oktober! Die mooiste, mooiste maand! Dan is die dag so helder, so groen is elke aand, So blou en sonder wolke die hemel heerlik bo, So blomtuin vol van kleure die asvaal ou Karoo, So blomtuin vol van kleure die asvaal ou Karoo. Uit Oktobermaand van C. Louis Leipoldt (1880 – 1947) Hy bly naby die stasie in die dak van ’n groot wit-en-pers gebou. Kom met die trap op tot in my kombuis, sê Mynhardt se SMS, en jy weet sommer iets besonders wag vandag hier in die Paarl by dié vryskut-sjef, kosstilis en bedrywige KWV-wynambassadeur. Met die intrapslag verraai ’n reuse-tafel, vrolik gedek met allerlei blomme in veelkleurige houers en nog kleurryker borde, dat dié spyskaart propvol lente-kos is: forel in Bismarck-marinade, keisersbrood…

VARKLIESREPE MET ROOI SOUS EN MIELIEROOM genoeg vir 4 – 6 1,2 kg varkliesrepe, (pork belly strips), buitenste velletjies afgesny sout en varsgemaalde swartpeper ROOI SOUS 125 ml tamatiesous 125 ml sojasous 80 ml heuning 60 ml ryswyn-asyn 45 ml hoisin-sous 10 ml Chinese 5-spesery-mengsel (5 spice) 10 – 16 ml rooi voedselkleursel MIELIEROOM 1 x 340 g-blik heel suikermieliepitte 15 ml olyfolie 1 middelslag-ui, fyngekap 3 knoffelhuisies, fyngedruk 400 ml room 25 – 30 ml botter Verhit oond tot 200 °C. Geur varkliesrepe met sout en peper. ROOI SOUS Gooi al die bestanddele in ’n kastrol. Bring tot kookpunt en laat oop prut tot glansend en dik. Haal af van hitte en laat effens afkoel. Rangskik varkliesrepe in oondbraaibak en verf ’n lekker dik lagie rooi sous oor. Plaas…

Saterdag was ’n spesiale dag en een waarna ek met afwagting uitgesien het.* Middagete is by my ma in die Royal Hotel geëet. Dit was nogal iets anders, want die meeste boeremense was gewoonlik haastig om terug te gaan plaas toe. Daarom het hulle eerder op ’n Sondag, ná kerk, by die hotel kom eet. My grootouers wou egter tyd by my ouers spandeer, veral my oupa, wat baie van sy skoonseun gehou het. Saterdagmiddag was dus stil by die hotel en die spyskaart veel eenvoudiger as die Sondag-oordaad. Die Royal was hoog aangeskrewe vir die gehalte van sy tafel en dit was te danke aan my ma, wat haar opleiding in die dae van die Belle Époque van twee Franse meestersjefs in die Atlantic Hotel in Muizenberg ontvang het.…

Gebraaide rys met eiers v ( bl. 73 ) Ek het hierdie gereg in Thailand geëet, waar hulle die eier saam met die rys braai. Myne word gebak en bo-op die rys voorgesit. genoeg vir 4 sowat 60 ml olyfolie 1 rooi soetrissie, in lang repies gesny en pitte en ligkleurige vleesriwwe verwyder 1 geel soetrissie, in lang repies gesny en pitte en ligkleurige vleesriwwe verwyder 1 knoffelhuisie, fyngekap 250 g wortelrepies 75 g sprietuie, in stukkies van 1 cm gesny 150 g baba-sampioene 500 ml gaar oorskiet-basmati-rys sout en varsgemaalde swartpeper 30 ml botter 4 eiers 1 medium-groot rooi brandrissie, in skyfies gesny (opsioneel) Verhit olyfolie in ’n groot pan en roerbraai soetrissies sowat 3 minute. Voeg knoffel, wortel, sprietuie en sampioene by. Roerbraai nog sowat 5 minute. Voeg…

1 Leipoldt sê: Daar is waarskynlik geen ander voedsel wat so sleg gaargemaak word as groente nie. Wat is jou wenk vir groente gaarmaak? < Ek oond-braai dit, met olyfolie, kruie en growwe sout. As jy haastig is, sny die groente op in kleiner stukke wat min of meer ewe groot is. Maak harder groente saam en langer gaar in die oondpan en voeg sagter groente later by. 2 Leipoldt sê: Daar is oor die 600 maniere waarop eiers vir die tafel kan klaargemaak word. Wat is jou lekkerste eiergereg en hoekom? < ’n Skon met salm, geposjeerde eier en hollandaise-sous. Oggend, middag of aand, ek’s mal daaroor! Salome Te uteberg Lekker geurige tamatie-en-uiesmoor met eiers in holtetjies gebak (my ouma het dit in ’n swart kastrol op die koolstoof…

Vrugte KYK UIT VIR Appels, avokado’s, appelliefies, kokosneute, piesangs, dadels, pomelo’s, koejawels, suurlemoene, nartjies, nektariens, lemoene, papajas, pere, pynappels, spanspek, appelkose, kersies, pruime, frambose Aarbeie Pleks van suiker kan jy eerder ’n klein bietjie balsemasyn en varsgemaalde swartpeper oor jou aarbeie sprinkel. Dit versterk die geur. Waatlemoen Maak ’n smaaklike vinnige slaai van vars waatlemoenstukke, fetakaas en vars basiliekruid. Groente KYK OOK UIT VIR Aspersies, eiervrug, murpampoentjies, beet, Brusselse spruite, rabarber, krulkool (kale) Mielies Heel mielies kan ’n jaar bevrore bly, die pitte net 3 – 4 maande. Wit mielies se pitte is harder as dié van geel mielies. Rooi-ui Dis baie soeter as wit uie. Ideaal vir slaaie, salsas, gemarineer en gerooster. Onthou, as jy rooiuie braai, sal die kleur ligter en soms ’n dowwe bruin word. Artisjokke Dit…

1. Skil die patats en plaas in bak koue water met sout. 2. Smelt botter in kastrol en voeg suiker by. Roer tot suiker gesmelt het. Kook botter-suikermengsel tot ligte karamel. 3. Voeg die patats en kaneel by en meng goed met die karamel. (Die karamel sal effens hard word wanneer jy die patats byvoeg, maar die vog in die patats sal dit weer loperig maak.) 4. Stel stoofplaat op ’n lae hitte en sit ’n deksel op die kastrol. Moenie die patats roer nie, want dit kan uitmekaar val en jy wil dit heel hou. Skud so elke nou en dan die kastrol sodat die patats bedek word met die karamel. 5. Kook die patats tot sag (30 – 45 minute), maar nie te lank nie – dan word…

Kunstig Ons kon nie ’n mooier plek gevra het om ons #SARIESondagartikel met rooibos as tema te fotografeer nie. Die P.J. Olivierkunssentrum op Stellenbosch het groot name soos Irma Stern en Marlene Dumas opgelewer. Die sentrum bied ná ure kunsklasse aan vir leerders. Besoek www.pjolivier.co.za  vir meer inligting. Kies koper Laat jou tafel deftig en romanties lyk met so ’n rooskleurige koperlampskerm. Dis stylvol en die kleur is boonop vanjaar hoogmode. Koop die ligte aanlyn by www.yuppiechef.com teen R1499 per lig. Eet jou sop Geniet die rooibos-gerookte tamatiesop op bl. 37 in so ’n handgemaakte porseleinbakkie van Urchin Art. Die stel van 4 se kleure wissel van sagte grys tot wit. Koop dit aanlyn by www.urchinart.co.za of The Pause Room. Vanaf R499 per stel. Fyn glas Die Franse…

Karamelpoeding Gewoonlik bevat hierdie nagereg dadels, maar ek vervang dit met karamelblokkies. genoeg vir 4 – 6 Verhit oond tot 190 °C. Smeer ’n langwerpige oondbak van sowat 27 x 20 cm met botter. Meng 100 g (125 ml) bruinsuiker en 175 g (315 ml) bruismeel in ’n groot mengbak. Klits 125 ml melk, 1 eier, 5 ml vanieljegeursel en 50 g (50 ml) gesmelte botter saam in ’n ander bak. Voeg hierdie mengsel nou by die meel-en-suikermengsel en meng goed met ’n houtlepel. Vou 150 g karamelblokkies (wat middeldeur gesny is) in die beslag in en giet in oondbak. Sprinkel 200 g (250 ml) bruinsuiker oor en stip met 30 ml botter. Giet 500 ml kookwater oor en bak 40 – 45 minute. Sit voor met roomys. IN JOU…

Groente = goed vir jou Ons weet almal groente is gesond en ons moet meer daarvan eet. Zita Steyn wy ’n hele boek aan die onderwerp, Good Better Green (Quadrille Publishing, sowat R459). Dis propvol slim wenke en goeie resepte wat jou aanspoor om meer groente te eet. Die pampoen-spruit-en-salie-truffels lyk na ’n moet-maak-resep. Bakresepte uit Jackie se boek Goeie gebak is oral welkom, hetsy in ’n hotel, koekwinkel of by die huis. Jackie Cameron is ’n gesoute sjef wat jare lank die bekroonde restaurant van Hartford House in die hoogland van KwaZulu-Natal bestuur het. Haar tweede boek, Baking with Jackie Cameron (Struik, R220) is nie net ’n fees vir die oog nie, maar die resepte is almal maklik en toeganklik. Nuwe gunstelinge Die Australiese kosskrywer en TV-persoonlikheid Donna Hay…

By die Van der Merwes is dit nie net die spreekwoordelike nooi wat in D.J. Opperman se #nartjie is nie; die ganse familie woon tussen die 300 000 sitrusbome in hul boorde! Hulle werk daar, hulle speel daar – én hulle kook daar. Want die Van der Merwes is lief vir kos en kosmaak, en hulle kuier graag saam om die etenstafel. Gerrit sr. (66) is die vyfde generasie op Karnemelksvlei. Sy seun Gerrit jr. (31) en dié se 18 maande oue seuntjie, John, is die sesde en sewende geslag op die plaas. Die datum op die Kaaps-Hollandse gewel van die rietdakwoning herinner jou dat die familie al meer as twee eeue lank, van 1767, kos na miljoene tafels bring. Die eerste Hollandse goewerneurs het juis plase toegeken om proviand…

Bolognese vir die somer Jy hoef nie altyd pasta saam met bolognese voor te sit nie. Deesdae kan jy groente koop wat soos spaghetti lyk. Ek gebruik murgpampoentjie-spaghetti. genoeg vir 6 1½ kg roma-tamaties 3 takkies tiemie 45 ml kanola-olie 1 ui, gekap 2 knoffelhuisies, gekap 250 g maer spek, gekap 500 g maer lamsmaalvleis 45 ml tamatiepasta (paste) 200 ml lam-aftreksel 100 g gevlokte amandels 400 g murgpampoentjiespaghetti (kyk op groenterak) sout en varsgemaalde swartpeper 200 g kersietamaties, gehalveer 1 Plaas romatamaties in voedselverwerker. Voeg tiemie by en verpulp by hoë spoed tot glad. Druk puree deur sif om pitte en skille te verwyder. Hou puree eenkant. 2 Verhit olie in groot oondvaste pot. Roerbraai ui, knoffel en spek 5 minute of tot spek begin verbruin. Voeg…

Lamsfrikkadelle op blomkoolpuree genoeg vir 6 Verhit oond tot 180 °C. Meng 500 g lamsmaalvleis, 1 fyngekapte ui, 2 fyngekapte knoffelhuisies, hand vol vars fyngekapte koljander en 250 g fyngekapte bruin sampioene in voedselverwerker. Voeg 1 eier by en geur goed met sout en swartpeper. Meng en verdeel in 18 balle. Verhit 45 ml olyfolie in braaipan en braai frikkadelle tot goudbruin – so 5 minute. Bak 10 – 15 minute tot gaar. Verhit 45 ml olyfolie in groot pot. Voeg 250 g spekblokkies en 1 fyngekapte ui by. Roerbraai 5 – 8 minute tot bros. Voeg 600 g blomkoolstukke by en roerbraai nog 2 minute. Gooi 250 ml melk by en plaas deksel op pot. Kook 8 – 10 minute of tot blomkool sag en pap is. Geur goed…

UITHAAL-ENWYS-ETE Maak groot indruk op jou gaste met hierdie koue geregte Forel gemarineer in Bismarck-sous met beet-suurroom + Koue borsstuk met rooibos-mosterd + Framboos-en-witsjokoladeroomyskoek VINNIG EN MAKLIK ’n Maaltyd wat jy in ’n japtrap bymekaar kan sit vir kuiermense Vinnigste seekossop + Feta-en-lam-pattiesmet tamatieslaai + Piesang in karamel-en-lemoensous ONTHOUKOS VIR SONDAG Kikker ou gunstelinge op vir die middagete-tafel Rooibos-gerookte tamatiesop + Bobotie op brood + Malvapoeding- doughnuts…

1 Hoe lank woon jy al in Nantes? Wat maak dit ’n lekker woonplek? Ek is al langer as ’n dekade hier. Die dorp is die Saldanha van Frankryk, net ietwat groter, met ’n oseaniese klimaat soos die Kaap, waar ek vandaan kom. Dis propvol kuns en studente wat dit laat bruis van energie. Die mense is ordentlik en opgevoed en sien om na die dorp, en die dorp sien om na ons. 2 Hoekom het jy destyds besluit om van Suid-Afrika af Frankryk toe te verhuis? Dit was ’n organiese besluit en het geskied via familiebande en ’n lang pad deur Korea, Indië en Ierland. Dis die enigste land waar ek met die intrapslag tuis gevoel het. Mense dink die Franse sit en poeier hul neus en drink heeldag…

Croissant-poeding Net soos die brood vir broodpoeding kan die croissants ’n dag of wat oud wees. genoeg vir 6 Verhit oond tot 180 °C. Plaas 6 croissants in 6 individuele oondvaste bakkies – of in een groot bak. Maak 3 kepe in elke croissant en skep 90 ml aarbeikonfyt in die kepe. Klits 3 eiers en 500 ml melk saam. Gooi ewe veel van die mengsel in elke bakkie en stip 5 ml botter bo-op elke bakkie. Bak 30 – 35 minute. IN JOU MANDJIE AARBEI-SMEER All Gold se Connoisseur Strawberry Jam – sowat R33 vir 320 g by supermarkte – werk perfek in die poeding. GEBOTTER Praat van goeie gehalte, dis Ladismith se botter, gesout of ongesout. Sowat R36,99 vir 500 g. VARS VAN DIE PLAAS Die hoenders eet…

FRAMBOOS-EN-WITSJOKOLADE-ROOMYSKOEK genoeg vir 8 – 10 FRAMBOOSLAAG 125 g frambose (raspberries) 125 g (155 ml) suiker 15 ml water 1 liter goeiegehaltevanieljeroomys WITSJOKOLADELAAG 100 g goeiegehaltewitsjokolade, fyngekap 1 liter goeiegehaltevanieljeroomys VERSIERING aarbeie frambose pienk roosblare Plaas frambose, suiker en water in ’n kastrol. Plaas op stoofplaat en bring tot kookpunt. Roer tot suiker opgelos het. Laat prut 10 minute oop. Druk frambose fyner met ’n vurk. Haal af van stoof en laat heeltemal afkoel. Voer twee koekpanne met ’n deursnee van 23 cm en diepte van 3,8 cm uit met GLAD Wrap. Laat die kleefplastiek oor die rande van die panne hang. Haal roomys uit vrieskas en laat word sag, maar nie heeltemal gesmelt nie. Voeg die framboossous by 1 liter van die sagte roomys, maar moenie heeltemal deurmeng nie.…

Vol in die mond Te kstuur en temperatuur speel ’n rol wanneer wyn saam met sop gedrink word, ’n Koue en ligte sop werk lekker met vrugtige en ligte wyn, of sjerries. Bonkiger soppe vra iets met meer staal. Ta matiesop se pasmaat is ’n effens gehoute Sauvignon Blanc – die suur verleen balans, maar die wyn is ook rond genoeg om volheid in die mond te behou. Iets anders Die lekker sappigheid van borsstuk word heerlik aangevul deur ’n volronde of mediumvol rooiwyn met ’n goeie tannienstruktuur wat die mondsappe aanwakker. Hier kan letterlik enige rooiwyn met ’n goeie suur werk. Probeer selfs iets “anders” soos die Spice Route Malabar van Fairview, ’n ongewone versnit van petite sirah en tannat. Sterker is beter Asyn versterk wyn se asiditeit. Dit…

Melktert-pasteie ( bl. 46 ) Dis soos die naam sê ’n kombinasie van melktert en pastei. En hoekom nie? Dit smaak heerlik. Skep net lekker baie vulsel in die pastei. Ek het ’n kleinbordjie gebruik om die pasteideeg uit te sny – die halfmaanvormige pasteie is nogal groot. genoeg vir 8 pasteie 375 ml melk 62,5 ml water 2 eiers 185 g (220 ml) strooisuiker 1 ml vanieljepoeier 30 g (62,5 ml) mielieblom (maizena) 2,5 ml fyn kaneel 2 x 400 g-blaardeeg 1 geklitste eier strooisuiker fyn kaneel Maak eers die vulsel. Gooi melk en water in ’n kastrol en bring tot kookpunt. Hou warm. Klits eiers, strooisuiker, vanielje, mielieblom en kaneel saam tot lig en romerig. Voeg warm melk by eiermengsel en klits goed. Gooi terug in kastrol en…

Piesang in karamel-en-lemoensous Een van my gunsteling-nageregte. Soos die bekende skrywer en storieverteller Jan Spies sou sê: “Ryk en lekker.” genoeg vir 4 Skil 8 piesangs en sny elkeen in 3 stukke. Smelt 30 ml botter in ’n pan en braai die piesangstukke sowat 5 minute. Haal uit en hou eenkant warm. Meng 200 g (250 ml) suiker, 150 ml lemoensap en 15 ml brandewyn en giet in die pan waarin die piesangs gebraai is. Verhit en hou aan roer tot die suiker gesmelt het. Laat die sous stadig kook tot dit ’n donker karamelkleur kry. Skep die piesangs in opdienbakkies en giet die karamelsous oor. Sit voor met mascarpone-kaas of styfgeklopte room. IN JOU MANDJIE TAAI SOUSIE Met Selati se witsuiker maak jy ’n lekker karamel vir hierdie nagereg.…

Maandag Pissaladière – vinnige Franse pizza ’n Slim plan vir oorskietpitabrode. genoeg vir 4 40 ml olyfolie 2 uie, gehalveer en in skywe gesny 1 knoffelhuisie, fyngekap 15 ml olyfolie 250 g strepiespek, in blokkies gesny 4 dun pitabrode 125 g roomkaas olyfolie vir oorsprinkel sowat 30 ml mikrokruie varsgemaalde swartpeper Verhit die 40 ml olyfolie in pan. Braai uie en knoffel so 5 minute. Maak toe met deksel en verlaag hitte – die uie moet sag wees, maar nie bruin nie. Verhit die 15 ml olyfolie in ander pan. Braai spek tot bros. Plaas pitabrode op ’n bakplaat. Smeer roomkaas op brode. Skep uie bo-op en sprinkel gebraaide spek bo-op. Geur met sout en peper. Sprinkel bietjie olyfolie, mikrokruie en peper oor. Dinsdag Vinnigste seekossop ’n Heerlike manier om…

A Amandel – almond Appelkoos – apricot Ansjovis – anchovy Aarbei – strawberry B Bakpoeier – baking powder Basiliekruid – basil Beet – beet(root) Bessiekonfyt – berry jam Bestanddele – ingredients Blaardeeg – puff pastry Borrie – turmeric Bros – brittle/crisp Bruinsuiker – brown sugar Bruismeel – self-raising flour D Dille – dill Dreineer – drain E Eiergeel – egg yolk Eierwit – egg white Elektriese menger – electric mixer F Framboos – raspberry Fillodeeg – phyllo pastry Forel – trout G Garneer – garnish Gekneus – crushed Gekrummel – crumbled Gemmer – ginger Geposjeer – poached Geroosterde masala – roasted masala Gevlok – flaked Geweek – soaked Granaatpit – pomegranate seed Groenboontjie – green bean H Heuning – honey Hoenderaftreksel – chicken stock Hoenderborsie – chicken breast I Ingedampte…