Innholdsfortegnelse for April - May 2016 i SARIE KOS

’n Volle 25% afslag*, spesiaal vir ons April/Mei-uitgawe. Dis die perfekte geskenk vir ’n vriend, of vir jouself as jy wil seker maak jy loop nooit ’n uitgawe mis nie DRIE REDES waarom jy hierdie kans moet aangryp. Jou SARIE KOS-intekening beteken 1 Jy weet jy sal nie ’n uitgawe misloop nie 2 Jy kan kies: jy betaal maandeliks of eenmalig 3 Dis ’n kans om jouself – of iemand vir wie jy omgee – te bederf TEKEN IN of HERNU BEPALINGS EN VOORWAARDES IS VAN TOEPASSING. DIE AANBOD GELD NET VIR INTEKENING OP DIE GEDRUKTE SARIE KOS EN IS GELDIG TOT 29 MEI 2016 (NET IN RSA). *GEEN AFSLAG OP POSGELD EN BTW. SKAKEL 0877 401 020 E-POS sariekosinteken@media24.com EN ONS KONTAK JOU SMS SUBS SARIE na 32361 (geen…

Sy kom, nes die sangeres Juanita du Plessis, van Gobabis in Namibië. “Nee, ek kan nie sing nie, maar ek maak graag kos,” lag Elizabeth Burger. Dié foodie van Robertson woon sedert 2002 in die vallei van wyn en rose, soos dié deel van die land bekend staan. Sy is in daardie jaar getroud met haar man, Kobus, ’n wynboer. Robertson lê langs die kronkelende Roete 62, ’n bekende toeristeroete van die Kaap tot in PE. Dis ’n prentjiemooi dorp met Victoriaanse huise, pragtuine en lanings jakarandas wat al in 1853 gestig is. En die naam kom van ’n gerespekteerde geestelike wat in daardie jare in Suid-Afrika gepreek het, die Skotse predikant dr. William Robertson. Die Rietvallei-wynlandgoed in die Robertsonvallei behoort sedert 1864 aan die Burgers. Kobus is die sesde…

Dit blom Vergeet van blompotte. Sny krimisroos-koppe kort af en plaas dit as versiering op jou #Sondagtafel. Sagte musiek Wat is Sondag sonder sagte musiek? Hierdie draagbare bamboesradio van Shibby Beats speel jou selfoon se musiek met Bluetooth-tegnologie. Koop dit landwyd teen R1390 by Feature. Lamplig Laat daar lig wees aan jou tafel wanneer die son sak. Hierdie koperkleurige lampe van Mr Price Home is beskikbaar in twee groottes: groot en medium. Koop dit landwyd vanaf R299,99 per lamp. Kleurryke borde Handgemaakte keramiekborde van Diana Ferreira is beskikbaar in stelle van 5 – van groot na klein. Elkeen het ’n ander kleur, met ’n mat swart voorkoms aan die onderkant. Vir meer inligting, sien KOOPGIDS. Met goud in die mond Elkeen en almal sal koninklik voel met hierdie goue eetgerei…

Sambal oelek ’n Pasta van fyngemaalde brandrissies. Gebruik dit om ’n gereg byt te gee sonder om delikate geure te verander. Gemmer Vars, jong gemmer verleen die beste smaak aan kerries en Oosterse geregte. Dit het ’n soet, speseryagtige en warm geur. Pak choi Kom oorspronklik van China en het ’n effense mosterdgeur. Gebruik die blaar en steel in roerbraai-, noedel- en vleisgeregte. Kardemom Sterk gegeurde, effense soet en bitter spesery van Indië. Elke peul bevat 6 – 10 saadjies. Salotte Lid van die ui-familie met ’n matige knoffelgeur en soeter smaak. Ster-anys Gedroogde vrug met ’n stervorm. Die saadjies het ’n anysgeur. Gewild in Chinese geregte. Sitroengras Die wit gedeelte is die sagste deel en vol sitrusgeure. Gebruik altyd vars sitroengras; die gedroogde soort het geen geur nie. Droë…

VARKVLEISFRIKKADELLE MET NOEDELS genoeg vir 4 FRIKKADELLE maak 20 frikkadelle 500 g varkmaalvleis 3 knoffelhuisies, fyngekapgerasperde skil van 1 lemmetjiehand vol vars koljander,fyngekap 1 groen brandrissie, pitteverwyder en fyngekap 15 ml vissous 40 ml sonneblomolie SOUS 45 ml heuning 80 ml donker sojasous 340 g noedels 1 rooi-ui, gehalveer en in dunskywe gesnyvars basiliekruidblarebaba-uitjies en radyselemmetjies FRIKKADELLE Plaas maalvleis, knoffel, lemmetjieskil, koljander, brandrissie en vissous in ’n mengbak. Meng baie goed saam. Vorm frikkadelle so groot soos ’n R5-stuk. Verhit olie in ’n kleefvrye pan. Braai frikkadelle oor matige hitte tot bruin en gaar. SOUS Gooi heuning en sojasous in ’n kastrol en verhit tot net voor kookpunt. Hou warm. Kook noedels volgens aanwysings op pak. Sit frikkadelle voor saam met noedels, rooi-ui, basiliekruid, baba-uitjies, radyse en vars lemmetjies. Sprinkel…

Jy spaar soveel tyd en moeite as jy ’n goeie, klein elektroniese skaal het om alles mee af te weeg – in plaas daarvan om alles in koppies, lepels en ander maatbekers af te meet. In Franse kombuise, professioneel en tuis, word alle bestanddele afgeweeg (ook die vloeistowwe) en hoeveelhede word net in gram aangedui. ’n Mens raak gou daaraan gewoond en dit is meer akkuraat. Voordat jy die sap uit harde suurlemoene of lemmetjies druk, sit dit vir ’n minuut in die mikrogolfoond, rol dit met die hand op ’n harde oppervlak en druk dan die sap uit. Om ’n stabiele soufflé te maak wat nie maklik platval nie – ook wanneer jy ’n soufflé maak wat jy wil vries voordat dit gebak word – klits 5 g bakpoeier…

Pietie Wolfaardt Sy pa het vir hom gesê dít wat die moeite werd is, val nie sommer in jou skoot nie. En die jong Pietie Wolfaardt het dit ter harte geneem. Daarvan getuig sy pragtige vrugteplaas Cascade, buite Ceres. Hy beskryf die jaar nadat hy by Elsenburg se landboukollege opgeskop het as die kosbaarste van sy lewe, want hy het kans gekry om saam met sy pa te boer. Sy pa het in daardie jaar gesterf en vir Pietie op 21-jarige ouderdom, saam met sy ouer broer, Adrian, met die verantwoordelikhede van boerdery gelaat. Maar nie voordat hy sy liefde en kennis van die perske oorgedra het nie. Pa Piet was ’n baanbreker op die pad wat die taaipitperske, wat altyd vir inmaak gebruik is, sou loop om erkenning te…

My pa het altyd die perskes gesnipper sodat my ma konfyt kon kook. genoeg vir 1 kg 1,2 kg nektariens, gesnipper 1,2 kg suiker 3 takkies tiemie Plaas al die bestanddele in ’n groot pot en bring tot kookpunt. Verlaag hitte en laat 25 – 30 minute stadig prut of tot dikkerige konfyt vorm. Om te toets of dit reg is, drup bietjie van die stroop op ’n koue bord en trek jou vinger daardeur; as dit stadig terugvloei in die opening in, is dit reg. Sit voor met mosbolletjies of brood van jou keuse.…

Toe Mariana Esterhuizen 7 jaar oud was, was sy saam met haar ouers by ’n kerkbasaar in Oos-Londen. Reg langs die tombolatafel was ’n “lieflike sjokoladekoek, mooi uitgestal soos dit ’n eerste prys betaam. Die koek was onweerstaanbaar, maar om dit te proe moes jy inskryf vir ’n kompetisie waarin jy ses speserye moes identifiseer. My pa het my gehelp om kaneel en neutmuskaat neer te skryf, maar die ruik- en uitkenwerk het ek self gedoen en toe vol bravade vir die res van die gesin gesê vandag vat ons daardie koek huis toe.” Mariana het geweet sy het ’n goeie kans, want sy het toe reeds die name van al die speserye by haar ouma Franken geleer. En toe hulle die wenner aankondig, het sy haar prys gaan haal.…

Kalamata-olywe Dis die vader van olywe, afkomstig uit Griekeland en genoem na die stad Kalamata. Dit het ’n baie kenmerkende vleissmaak en word ingelê in rooiwyn, asyn of olyfolie. Dié olyf is perfek vir koue geregte of die tradisionele Griekse slaai. Italiaanse swart olywe Dit word eers in soutwater gepekel voor dit in asynwater verpak word. Dis ’n klein olyf met ferm vleis. Italiaanse olywe het ’n baie sagter, subtieler smaak as dié uit Griekeland. Die swart olywe kan gebruik word in geregte wat gebak word, soos pizza of brood. Dié olywe word ook gedroog en is dan lekker in slaaie. Gevulde olywe Oorspronklik van Spanje, waar groen olywe tradisioneel met rooi Spaanse soetrissie gestop word. Deesdae kry jy olywe met ’n keur van vulsels – soetrissie, knoffel, suurlemoen en…

Grondboontjiebotter-koekies Met net drie bestanddele wat die meeste van ons reeds in die kombuis het, bak jy hierdie heerlike koekies. genoeg vir sowat 50 koekies Verhit oond tot 180 °C. Voer twee bakplate uit met bakpapier. Plaas 250 ml BlackCat-grondboontjiebotter, 250 ml ligte bruinsuiker en 1 eier in ’n mengbak. Roer goed met ’n houtlepel tot deeg vorm. Skep klein teelepels vol deeg in jou handpalm en rol in balletjies. Pak balletjies sowat 2 cm uit mekaar op voorbereide bakplaat. Druk plat met die agterkant van ’n vurk en sprinkel met 5 ml soutvlokkies. Plaas in oond vir 6 – 8 minute. Haal uit en laat koekies afkoel op bakplaat. IN JOU MANDJIE GRONDBOONTJIEBOTTER BlackCat is ’n gunsteling in menige huishouding – R25,99 vir 270 g BRUINSUIKER Huletts is die…

My heel eerste kosmaak-herinnering is van my ma wat soufflé maak en ek wat op die kombuistoonbank sit en ewe hulpvaardig die geskeide eierwit en –geel vir haar meng … Nou, 20 jaar later, het my kookvermoëns aansienlik verbeter en my lewe draai om kosmaak en eet. Ek is ’n honneurs-student in sielkunde, en ek hou ook van lees, sterk koffie, kinders en drukkies met my man, Jaco, en Hurley, ons seerowerkat. Ek is ma van drie en ’n graad 2-onderwyseres. Ek het op hoërskool al agtergekom ek hou van kosmaak en so tussen my ma en my ouma se kombuise het ek die wonder van resepte en geure ontdek. Ek maak ’n wye verskeidenheid geregte, van tradisionele kos tot dekadente poedings. Dis vir my lekker om ’n sekere atmosfeer…

MAAK EERS DIE STROOP Bring 250 ml water saam met 200 g suiker tot kookpunt. Verwyder van stoof en voeg 6 takkies vars tiemie by. Laat afkoel. MENGELDRANKIE 50 ml stroop 1 geelperske met skil, in dun skyfies gesny 1 nektarien met skil, in dun skyfies gesny 12 takkies vars tiemie 1 bottel vonkelwyn van jou keuse (alkoholvrye vonkelwyn kan ook gebruik word) Kneus ’n paar nektarienskywe in die stroop en gooi dit deur ’n sif. Dit gee die stroop ’n ligpienk kleur en delikate perskegeur. Skink stroop in ’n glas en vul die glas met vonkelwyn. Plaas ’n paar skyfies perske en nektarien in die glas. Garneer met ’n takkie tiemie. WENK Maak seker die vonkelwyn is yskoud, want geen ys word in die drankie gebruik nie.…

Kamma-pavlova met bessies, vye en framboossous Jy kan die framboossous vooraf berei en ’n week in die yskas hou – dan hoef jy net die meringues en vrugte te gaan koop wanneer jy die poeding wil maak. genoeg vir 4 – 6 FRAMBOOSSOUS 350 g frambose 150 g (180 ml) strooisuiker100 ml water SIT SÓ VOOR 250 ml room8 – 10 winkel-meringues125 g frambose ( raspberries )125 g bloubessies ( blue berries )10 baba-vyevars kruisementblaremikrokruie – basiliekruid of roket FRAMBOOSSOUS 1. Gooi frambose en suiker in ’n pan. Voeg water by en plaas op stoofplaat. Verhit terwyl jy roer en bring tot kookpunt. 2. Laat prut 5 minute oop, tot sous verdik het. 3. Plaas sif bo-op ’n bak en gooi sous in sif. Druk…

Elegant & volrond Merlot se fruktosesoetigheid op die tong sluit goed aan by die soet mosterd. ’n Elegante Merlot wat ronder in die mond proe maar nietemin stewige tanniene het, werk lekker saam met rooivleis – veral as dit nog effens aan die rou kant is. Hierdie Merlot en beescarpaccio is daarom perfekte pasmaats. Klassieke kombinasie Hoender en Chardonnay word dikwels beskou as ’n “klassieke” kombinasie. ’n Hedendaagse Chardonnay wat net effens gehout is, maar steeds lig genoeg is om nie die vrugtigheid op die smaakknoppies te verdoesel nie, is in die kol – veral as die hoender saam met ander geure gebruik word soos in ’n hoenderpastei. Kompleks & geurig Bloukaas, peer en Rosé is van dié lekkerste geurkombinasies. Die souterigheid van die bloukaas help om die kompleksiteit van…

In die vroeë 1990’s het top-sjef Pete Goffe-Wood sy verskyning in Kaapstad gemaak met sy fusion-kos, toe nog taamlik onbekend in Suid-Afrika. Hy was baie dapper met sy Oosterse en Europese en selfs Afrika-geïnspireerde kombinasies. Maar hy het geweet wat hy doen en kort voor lank was sy kombinasiekookkuns op almal se lippe. Hy vertel ons meer van die Oosterse invloede op plaaslike kos. 1 Hoe het Oosterse geure Suid-Afrikaners se eetgewoontes beïnvloed? Dis nie net die geure wat ons beïnvloed het nie, maar ook die kookstyle. Die meeste mense in Asië het nie ’n yskas nie en daarom moet alles baie vars wees. Hulle doen daagliks hul inkopies by markte, en die klem is op vars vrugte en groente, en selfs varser proteïene. Die geure verskil van land tot…

Dikwels, as ’n mens onthaal, haal die tyd jou in en jy word gedwing om ’n hoek hier en daar te sny. Partykeer loop iets skeef in die kombuis en jy moet op jou voete dink en inderhaas ’n plan beraam. Of jy wil doodgewoon nie die moeite doen om nege lae sponskoek te bak nie. Dan klim jy op jou fiets en ry na die naaste delikatesse met jou kredietkaart in jou sak. Ander kere vergeet jy ’n verjaardag of van die kerkbasaar se koektafel. Wat doen jy? Jy klim wéér op jou fiets. Vriendin Berdine van der Mescht loop al lank met die idee om so ’n kroekboek met kulinêre kortpaadjies vir haar en haar twee dogters saam te stel. Toe sy hoor ons het ’n soortgelyke plan,…

genoeg vir 4 botter vir smeermeel om in bakkies te strooi250 g blomkool (net die blommetjies, sonder die stingels)4 eiers, geskei60 g comtékaas, gerasper (of gebruik skerp cheddar)70 g grasuie, fyngekap VIR DIE BÉCHAMEL 90 g botter45 g koekmeel200 ml melkvarsgemaalde sout en peper Voorverhit die oond tot 200 °C. Smeer vier klein ramekinbakkies met botter en strooi dan meel in die bakkies. Dompel die blomkool in kokende soutwater en laat dit 15 minute prut. Maak intussen die béchamel Smelt die botter in ’n pan. Strooi die meel oor en roer die mengsel vir 2 minute oor lae hitte totdat alles mooi bind. Gooi die melk stadig by en roer dit vir ongeveer 3 minute aanhoudend totdat die sous verdik. Geur dit met sout en peper. Dreineer die blomkool en…

Sjokolademousse Lig, skuimerig en nie te soet nie. Die mengsel skei in twee lae, met ’n interessante verskil in tekstuur. genoeg vir 6 Plaas 100 g 78%-donkersjokolade wat in blokkies gebreek is en 200 ml ingedampte melk saam in ’n kastrol. Laat smelt oor lae hitte. Voeg 200 g malvalekkers by en roer tot al die malvalekkers gesmelt het. Laat eenkant afkoel. Plaas nog 200 ml ingedampte melk in bak van elektriese menger. Klits by hoë spoed tot skuimerig. Vou by afgekoelde sjokolademengsel in met ’n metaallepel. Verdeel tussen 6 glasbotteltjies met deksels en verkoel minstens ’n uur in die yskas. Sit voor met vars bessies. IN JOU MANDJIE FREY-SJOKOLADE Frey se 78%-donkersjokolade kos R34,99 vir 100 g by supermarkte INGEDAMPTE MELK Nestlé se Ideal Milk kan jy landwyd by…

Die Franse noem die vla sabayon. Dis ’n eiervla wat jy maak met wyn en dan oor ’n pot met kookwater klits. genoeg vir 6 – 8 500 g (625 ml) suiker 625 ml water 6 nektariens 8 eiergele 250 ml soet vonkelwyn 100 g (125 ml) strooisuiker Plaas die suiker en water in ’n groot pot. Bring tot kookpunt terwyl jy roer tot die suiker opgelos het. Laat kook 10 – 15 minute. Voeg nektariens by en skakel die stoofplaat af. Maak die pot toe en laat staan tot die stroop heeltemal afgekoel het. Jy kan die nektariens met stroop en al tot ’n week lank in die yskas hou. Vonkelwyn-vla Meng die eiergele, vonkelwyn en suiker in ’n groot glasbak. Plaas die bak oor ’n pot kokende water…

Dié Marokkaanse manier van bredie maak is ook die naam van die pot waarin hulle dit maak, ’n pot met ’n spitsdeksel. Jy kan ook ’n doodgewone metaalpot gebruik. genoeg vir 6 10 ml fyn kaneel 20 ml vinkelsaad 10 ml fyn koljander 5 ml droë brandrissie 2 lourierblare 45 ml olyfolie 1 ui, gekap 2 knoffelhuisies, gekap 1 kg kort lamskenkels sout en varsgemaalde swartpeper 1 x 400 g-blik tamaties 6 nektariens, ontpit en gehalveer VIR VOORSIT 100 g gevlokte amandels 2 koppies gaar koeskoes Plaas al die speserye in ’n vysel en maak lekker fyn met ’n stamper. Verhit olie tot warm in middelslag-pot of bak van tagine. Gooi ui en knoffel by. Braai 5 minute of tot dit begin verbruin. Voeg fyn spesery-mengsel by en braai 2…

maandag Snoek-visvingers met tartaarsous en pangebraaide patats Ek maak hierdie visvingers van oorskiet-snoek. Dit verg bietjie moeite om te vlok en die grate te verwyder, maar dis vir seker die moeite werd. genoeg vir 4 PATATS 30 ml olyfolie 30 ml botter 1 kg baba-patats, in dik skywe gesny VISVINGERS 30 ml olyfolie 1 rooi-ui, fyngekap 2 knoffelhuisies, fyngekap 500 g oorskiet-snoek, gevlok en grate verwyder sout en varsgemaalde swartpeper 40 ml goeiegehaltemayonnaise 100 g vars broodkrummels 1 eier 60 ml meel 1 eier, geklits broodkrummels 60 ml olyfolie 130 g winkel-tartaarsous suurlemoenwiggies vir voorsit PATATS Verhit oond tot 180 °C. Verhit 30 ml olyfolie en botter saam oor matige hitte in ’n diep oondvaste pan. Braai patatskywe sowat 5 minute aan weerskante tot goudbruin. Plaas pan in warm oond…

Tamatie-enricottakaastert genoeg vir 6 – 8 Verhit oond tot 180 °C. Hou 4 velle fillodeeg gereed. Smelt 55 g (50 ml) botter. Plaas 1 vel fillodeeg op ’n werkvlak en smeer met gesmelte botter. Plaas nog 1 vel bo-op en smeer weer met botter. Herhaal proses met nog 2 velle. Verf nog botter op laaste vel deeg. Vou fillo-stapel in die breedte in die helfte. Voer losboom-quiche-pan van 25 x 10 cm uit met deeg. Vou deeg wat oorhang na binne in die pan. Plaas pan op ’n bakplaat en bak sowat 30 minute tot goudbruin en bros. Haal uit en laat afkoel. Plaas 400 g ricottakaas in ’n mengbak. Voeg 100 g fyngekapte ontpitte groen olywe, 2 fyngekapte knoffelhuisies en hand vol fyngekapte basiliekruidblare by. Meng goed en geur…

DÍT KRY JY IN SARIE KOS die storie Ons skop in dié SARIE KOS af met ons eerste #SARIESondag-spyskaart – 5 maklike geregte. Kuier en proe soos 8 akteurs van kykNET se sepie Suidooster om ’n lang kostafel. Lees ook op bl. 32 wat Sondae vir hulle spesiaal maak. die tafel Sondag is sinoniem met ’n mooi gedekte tafel. Ons gee wenke om jou tafel spesiaal te laat lyk. Ons sê ook waar jy die mooiste tafelbykomstighede kan koop. Sien bl. 40. om te drink Wonder jy wat om te drink? Ons wynskrywer Jeanri-Tine van Zyl het vir jou 4 wyne gekies wat by dié spyskaart pas. Sien bl. 41. die spyskaart Die kroon op jou tafel is ’n spesiaal ontwerpte spyskaart op bl. 32. Laai dit af van SARIE.com.…

LAGIE-VRUGTETERT genoeg vir 4 1 x 400 g-vel blaardeeg 230 g LANCEWOOD ®  MediumFat Plain Cream Cheese 250 g LANCEWOOD ® Mascarpone 35 g (40 ml) strooisuiker 350 g frambose 150 g bloubessiesversiersuiker vir oorsif Verhit oond tot 180 °C. Plaas blaardeeg op meelbestrooide werkvlak. Rol deeg baie dun uit. Sny 12 stroke van sowat 13 x 5 cm uit. Plaas deegstroke op bakplaat wat uitgevoer is met bakpapier. Prik deeg goed met vurk. Plaas nog ’n stuk bakpapier bo-op en plaas ’n bakplaat bo-op. Bak 30 minute in warm oond. Haal boonste bakplaat en bakpapier af van deeg en bak nog sowat 10 minute tot goud en bros. Haal uit en laat gaar stroke afkoel op afkoelrak. Plaas roomkaas, mascarpone en suiker in mengbak van…

Sondag is ’n dag met sintuie. Op die oor streel die klanke van vroegoggend af. ’n Kerkklok beier in die verte; uit die kombuis kom die belowende klang van die bakskottel vir die braaiboud. Ons hoor ook beter op Sondae, die “kos is op die tafel”! Op die neus is Sondag ene pypkaneel, naeltjies en brosgoue hoender. Selfs die suiker in die patats het op die rusdag ’n geur. Sondag lyk anders: tamaties is rooier, die opskepbord blouer en witter as op ander dae. Die kinders se deurmekaar kuiwe kam makliker plat en die poeding trek die oog met bruingebakte stroopstrepe. Sondag smaak soos soetwortels. Selfs kool proe na hemel onder ’n witsous-kombers. Sondag voel na erfstuk-linne en die hekelrandjie van ’n gestyfde servet; na die aardsheid van pampoenskil en…

Perskekonfyt My ouma het altyd die pitte van steenvrugte behou om tyd te spaar wanneer sy in groot maat konfyt gekook het. genoeg vir 2 x 500 ml-bottels. Halveer 2 kg geelperskes. Behou die pitte. Plaas perskehalwes, 1 kg suiker en 250 ml water in ’n groot kastrol. Meng goed deur met houtlepel. Bring tot kookpunt terwyl jy roer. Kook oop vir sowat 1 uur. Roer nou en dan. Skep onsuiwerhede af met ’n groot metaallepel. Gooi warm konfyt in 2 x gesteriliseerde 500 ml-Consol-bottels IN JOU MANDJIE BRUINSUIKER Huletts se ligte bruinsuiker is landwyd te kry teen R13,99 vir 1 kg UIT JOU KOMBUIS PERFEKTE POT Le Creuset se kastrol is net reg vir konfyt kook. Die 2,5 liter-pot kos R1 650 by Le Creuset-winkels GLASBOTTELS Consol-bottels is ’n…

GESTOOMDE STEURGARNAALBROODROLLETJIES genoeg vir 12 rolletjies 400 g steurgarnale,afgedop en skoongemaak 6 klein sprietuie, fyngekaphand vol vars koljanderblare,fyngekap 60 ml mielieblom 15 ml donker sojasous 250 g winkel-brooddeeggrasuiesoet brandrissiesous Jy gebruik ’n dubbele bamboesstomer om hierdie gereg te maak – dis basies 2 mandjies wat bo-op mekaar pas. Jy moet die bodem van elke mandjie met ’n papiersirkel bedek, anders sal die rolletjies vassit en die bamboes sal die smaak affekteer. Maak só jou stoompapier Sny 2 sirkels so groot soos die stomer uit GLAD-bakpapier. Vou elke sirkel in die helfte en dan weer tot dit soos ’n roomyshorinkie lyk. Gebruik ’n papierpons om gaatjies in die papier te druk. Plaas dan die oop papiersirkels in die twee houers van die stomer – die gaatjies sal sorg dat die stoom…

9 dun lae sponskoek VIR DIE VULSEL 1,5 kg sagte dadels 150 g botter ’n bietjie water 2 eetlepels (30 ml) komynsaadwinkelgekoopte versiersuikervoedselkleursel van jou keuseMAAK DIE VULSEL Ontpit die dadels en kap dit grof. Braai dit liggies in die botter en verpulp dit dan in ’n voedselverwerker. Gooi ’n bietjie water by as die versiersel te dik is om maklik te smeer. Meng die komynsaadjies in. Smeer die vulsel tussen die lae sponskoek. VERSIER DIE KOEK óf met die res van die vulsel, óf met die kleur versiersuiker van jou keuse.…

Kapokaartappelkoekies gevul met spek en kaas ’n Heerlike bygereg of ’n ligte middagete. genoeg vir 10 15 ml olyfolie 125 g strepiespek ( streaky ), in klein blokkies gesny 250 g sampioene, in skywe gesny 150 g mozzarella-kaas, gerasper 750 ml kapokaartappels (sien bl. 76 ) 1 eier, geklits 70 g (125 ml) koekmeel sout en varsgemaalde swartpeper 140 g (250 ml) koekmeel 2 eiers, geklits 155 g fyn droë broodkrummels olyfolie vir braai mikrokruie vir garnering Verhit olyfolie in pan. Voeg spek by en braai tot bros. Voeg sampioene by spek en braai tot sag. Haal af van plaat en laat afkoel. Voeg kaas by en meng deur. Plaas kapokaartappels in groot mengbak en voeg eier en 70 g koekmeel by. Geur met sout en peper…

Ja, ek weet die kenners gaan my seker kruisig oor ek winkeldeeg met anys mosbolletjies noem. Maar mos is nie altyd beskikbaar nie en ook nie genoeg tyd om die bolletjies te maak nie. Volg hierdie kortpad-manier om jou tong te flous tot jy die ware produk in die hande kry … genoeg vir 8 40 ml anyssaad 500 g gerysde winkeldeeg 200 g (250 ml) suiker 250 ml water Knie anyssaad in deeg in en plaas deeg in skoon mengbak wat met olie gesmeer is. Laat rys weer op warm plek tot dubbel in volume. Verdeel deeg in 8 ewe groot stukke en rol in netjiese ronde balle. Spuit ’n broodpan van 25 x 20 cm met kleefwerende kossproei en pak deegballe in pan. Laat rys nog 25 minute…

Slaai van gemarineerde garnale en avokado Die garnale smaak so lekker, jy kan dit net so eet, maar die radyse hoort saam met die slaai. Ek gebruik geen ekstra sout nie omdat sojasous vol sout is. genoeg vir 4 80 ml laesout-sojasous 1 brandrissie, fyngekap hand vol vars vinkel, fyngekap 2 knoffelhuisies, fyngerasper 15 ml heuning 50 ml sesamsade 1 x 2 cm-stuk vars gemmer, geskil 30 ml kanola-olie 24 steurgarnale, skoongemaak 6 radyse, dun gesny 1 avokado, geskil en ontpit 30 g slaaiblare 1 Meng sojasous, brandrissie, vinkel, knoffel, heuning en sesamsade. Rasper gemmer by. Hou dié marinade eenkant. 2 Verhit olie in braaipan en braai garnale 8 – 10 minute of tot pienk en gaar. Gooi pansap af. 3 Gooi warm garnale by marinade en meng deur. Laat…

Hoender met chorizo-wors en swart olywe genoeg vir 4 Verhit oond tot 200 °C. Plaas 4 dy-en-boud-hoenderporsies in ’n oondbak. Gooi 50 ml olyfolie oor en geur met sout en varsgemaalde swartpeper. Plaas in oond vir sowat 20 minute totdat vel van hoender bruin is. Verlaag temperatuur tot 180 °C. Voeg 1 rooi en 1 geel soetrissie, albei gesny in dik repe van so 1 cm, 4 Spaanse chorizo-worse, in skywe gesny, 4 fyngekapte knoffelhuisies, 1 x 400 g-blik gekapte tamaties, 250 ml rooiwyn, 200 g ontpitte swart olywe, 2 lourierblare en 2 ml paprika by en oondbraai nog sowat 1 uur. As die sous te min word, kan jy ’n bietjie water of nog rooiwyn byvoeg. Olyf-ciabatta genoeg vir 1 brood Verhit oond tot 220 °C. Plaas 500 g…

Baba-beetcarpaccio met aspersies genoeg vir 4 – 6 Verhit oond tot 200 °C. Meng 15 ml olyfolie, 15 ml heuning en 3 fyngekapte knoffelhuisies. Sit 6 baba-bete in foelie en gooi olyfolie-mengsel oor. Geur goed met sout en peper en draai toe. Plaas in warm oond en bak 25 – 35 minute of tot beet sag en gaar is. Bring pot met water tot kookpunt en dompel 400 g aspersies daarin vir 30 sekondes. Dreineer en dompel vinnig in koue water. Gebruik skerp mes en sny gaar beet in dun skywe. Halveer aspersies in die lengte. Breek 250 g (3 koppe) baba-gem-slaai se blare los en spoel af. Pak op opdienbord en plaas beet en aspersies bo-op. Meng 250 ml Bulgaarse jogurt, handvol fyngekapte kruisement en 15 ml vars fyngekapte…