Innholdsfortegnelse for August/September 2015 i SARIE KOS

Michélle van Breda redakteur SARIE Koud en met koorsagtige afwagting. Dis hoe ek daardie Bok-toetsdae onthou toe ons die radio’tjie toegepak het om seker te maak ons mis nie ’n skop, skrum of aangee nie. Dat jy destyds net kon hoor, en nie sien nie, het dit soveel opwindender gemaak. Dit was sweerlik “theatre of the mind”. Jy was te bang om asem te haal, wat nog van kou … Maar getrou aan volk en vaderland was biltong en droëwors altyd op die rugbyspyskaart. Bakke vol. Ook klein tuisgemaakte worsrolletjies en vleispasteitjies. G’n Groen-en-goud-toets kon hiersonder nie. Met halftyd het die toets ’n heel ander geur aangeneem. Dan is daar vir ’n vale geskarrel om glase en koffiebekers vol te kry, en het die soetigheidjies te voorskyn gekom…

Die Noord-Kaap is bekend vir die wonderlike geure wat vanuit hierdie ongerepte wildernis spruit. Soos die !naba, die seldsame, gesogte woestynkos wat ná die reën onder die sand van die Kalahari gevind word. Hierdie gesogte lekkerny, ook bekend as die Kalahari-truffel, word slegs hier aangetref waar plaaslike kosmense hom in verskeie geregte gebruik. Soos in ’n ryk sop of in skywe in botter gebraai. Net so uniek soos die !naba, is die wyne van Orange River Cellars. Gemaak van die druiwe wat van die sondeurdrenkte wingerde langs die Oranjerivier groei, bied Orange River Cellars ’n reeks diverse wit-, rooi- en rosé-wyne. Smaaklike wyne vir lang kuiers met vriende en goeie kos. Op 1 Augustus vier Orange River Cellars en die Noord-Kaap fees op Upington. Die 2de !Naba-Kos-en-Wynfees bring die geure…

Wat was eerste, jou liefde vir wyn of vir rugby? Ek kan nie eintlik sê nie. Ek kom uit ’n Weskus-boerefamilie. My oupa en my pa se oudste broer was die wynmakers en witblitsstokers van ons familie. Toe ek klein was, was visvang en rugby speel al wat ons op Lambertsbaai kon doen. Die ‘’rugbyveld’’ was die soutpan. Vandag is dit ’n opgedamde vlei. Is jy nog betrokke by rugby of is jy deesdae net toeskouer? Op 4 Februarie 2013 was ek 50 jaar betrokke by die Matie-rugbyklub op Stellenbosch. Ek was onder-18-, onder-19- en eerstespanspeler van 1965 tot 1979. Daarna was ek afrigter saam met Dok Danie Craven. Toe was ek bestuurslid en vise-president en een van die stigters van die Craven-beursfonds. Sedert 2013 is ek net ’n ondersteuner.…

DIE WYN Groote Post Riesling 2015. Beskikbaar vanaf R79 per bottel by wynhandelaars landwyd. Strandveld Syrah 2014. Beskikbaar vanaf R165 per bottel van Strandveld se kelder of landwyd by uitsoekwynhandelaars. Neethlingshof Gewürztraminer 2014. Beskikbaar vanaf R55 per bottel van Neethlingshof se kelder of by uitsoekwynhandelaars landwyd. Oude Meester Demant. Landwyd beskikbaar vanaf R200 per bottel in supermarkte en drankwinkels. OP DIE NEUS OP DIE TONG Hierdie geurige somersop sal op sy beste smaak saam met ‘n ewe geurige en gulhartige somerwyn. Groote Post-wynkelder se Riesling is ‘n vrolike wyn met roosblare en pynappel op die neus. Die tropiese geure werk veral lekker saam met die spanspek in die sop, terwyl die soet karakter die matige hitte van die soetrissies temper. ’n Wyn wat die speserye in die gereg reflekteer, sal…

Voeg geur by maaltye en verminder kalorieë deur die helfte van die vleis (bees, vark, hoender, lam of kalkoen . . . almal werk ewe goed) in resepte vir burgers, vleisbrood, lasagne of frikkadelle met gekapte sampioene te vervang. Maaltye is dan in ’n kits gesonder, lekkerder én ligter op die heupe! Sampioene werk so goed omdat geen ander kossoort op soveel maniere gebruik kan word terwyl dit sommer ook geur en voedingswaarde na die bord bring nie. Sampioene gee nie net ’n geurige, aardse smaak nie, maar tel boonop as nóg ’n porsie groente en hulle is van nature laag in kalorieë, is vet- en cholesterolvry én verskaf belangrike voedingstowwe soos B-vitamiene, antioksidante en kalium. So, neem ’n paar slimmer besluite wanneer jy kruideniersware koop. Koop meer sampioene, en…

1 BOBOTIE PASTEI GENOEG VIR 2 GROOT PASTEIE Verhit oond tot 180 °C. Week 2 snye witbrood 10 minute in 125 ml water. Druk vloeistof uit brood en plaas in mengbak. Verhit sowat 40 ml olyfolie in ’n pan en braai 2 gekapte uie tot sag en deurskynend. Voeg 5 ml borrie, 15 ml kerriepoeier en 15 ml fyn appelkooskonfyt by. Meng goed. Laat mengsel afkoel. Voeg 500 g maalvleis by brood en meng. Voeg uiemengsel by en geur met sout en varsgemaalde swartpeper. Meng goed en skep in oondbak van 26 x 7 cm. Bak so 45 minute tot gaar. Laat afkoel. Sny bobotie in 2 groot blokke. Vou bobotiestukke toe in 2 x 400 g-velle blaardeeg. Verf met 1 geklitste eier en plaas lourierblare boop. Plaas op uitgevoerde…

BEOORDELAAR Jacques Mat Marais – medeeienaar van Magic Koeksisters in die Strand – was die beoordelaar. Magic Koeksisters het ontstaan in 1995, toe Mat se vrou, Jen, se ouers die resep vir R1 000 gekoop het by ’n tannie wat geglo het in tradisie. Hulle het die onderneming in hul motorhuis begin en dit was gou ’n groot sukses. In 2009 het Mat en Jen dit oorgeneem en verder uitgebrei, en hulle lewer oral af, tot in Oos-Londen en Upington. Vandag nog word die koeksisters tot op die laaste detail volgens die tannie se resep gemaak. Om ons nasionale soetgebak te maak kan nogal senutergend raak. Herman kom die oggend van die Groot Kook by die ateljee aangejaag – hoogs ontsteld, want sy stroop wat hy die vorige aand gekook…

Verhit oond tot 180 °C. Halveer 6 rooi appels en sny pitte uit. Sny appels in baie dun skywe. Plaas appels in groot mengbak en voeg bietjie sout by. Maak bak stewig toe met kleefplastiek en plaas vir 3 minute in mikrogolfoond. Haal uit en meng versigtig. Maak weer toe met kleefplastiek en plaas vir nog 3 minute in mikrogolf. Haal kleefplastiek af en laat effens afkoel. Pak appels op kombuispapier om droog te word en af te koel. Plaas 100 g botter, 100 g amandels en 100 g versiersuiker in voedselverwerker en verpulp. Sprinkel bietjie meel op werkvlak en plaas 1 x 400 g-vel blaardeeg bo-op. Rol deeg dunner uit in die breedte. Sny deeg in breedte in 6 stroke. Smeer van die amandelpasta aan die een kant van…

SUNGOLD-KIWIVRUGKAASKOEKIES GENOEG VIR 6 • 1x 400 g-vel blaardeeg• 3Zespri SunGold-kiwivrugte, geskil• 40 g (45 ml) strooisuiker• 500 g roomkaas• 1x 385 g-blik kondensmelk• 3eiers, geklits• versiersuiker vir oorsif• 6Zespri SunGold-kiwivrugte Verhit oond tot 180 °C. Spuit 6 holtes van ’n groot muffinpan met kleefwerende kossproei. Sprinkel bietjie koekmeel op ’n werkvlak en rol blaardeeg dunner uit. Voer muffinholtes uit met blaardeeg en plaas in yskas tot benodig. Plaas die 3 kiwivrugte in ’n voedselverwerker en kap fyn tot pulp. Gooi pulp saam met strooisuiker in ’n pan. Plaas op stoofplaat en verhit. Laat prut tot dik en haal af. Laat heeltemal afkoel. Klits roomkaas, kondensmelk en eiers goed saam tot daar geen klonte meer is nie. Voeg afgekoelde kiwivrugpulp by en meng goed deur. Skep vulsel uit in uitgevoerde muffinholtes en plaas in oond. Bak 15 minute…

Wat was eerste, jou liefde vir wyn of vir rugby? My liefde vir kos en wyn is onafskeidbaar. Ek het voor die kospotte grootgeword saam met my ma, Edna. Haar sterk punt was huiskos. Rys, vleis en aartappels. Ek was nog klein, toe het ek al hout aangedra vir Ma se Dover, om vuur te maak. Sondae het ons kinders ‘n glasie soetwyn by ons kos gekry. As hoërskoolleerder aan Paul Roos op Stellenbosch het ek regtig eers lief geword vir rugby, maar ek het nooit vir die eerste span gespeel nie … Hoe is jy nog betrokke by rugby? Dis lekker om jong seuns een-een die fynere kunsies van voorryspel te leer. Ek het onlangs my vyfde kleinseun ryker geword en reeds vir al vyf plek in Paul Roos…

BREKFISKOFFIE MET SKOP Kom in die regte bui vir die Bokwedstryde met ’n koppie grootmenskoffie – byna soos poeding! GENOEG VIR 12 • 12 balle (sowat 50 ml elk) suikervrye vanieljeroomys• 12 skeute (shots) sterk espressokoffie• 120 ml brandewyn• suikervrye koekies vir voorsit Plaas balle roomys in 12 koppies van jou keuse. Gooi warm koffie en bietjie brandewyn oor. Sit voor met koekies. BIRCHER-MUESLI Dié Switserse ontbytgereg is in die jare 1900 deur dr. Maximilian Bircher-Benner geskep. Dis maklik om te maak – alles is rou en vol vesel. GENOEG VIR 8 • 500 ml organiese hawermout• 250 ml suikervrye appelsap• 2 appels, gerasper• 250 ml laevet-jogurt• 200 g gevlokte amandels Meng al die bestanddele in ’n groot mengbak en laat staan 45 minute op koel plek. Skep in opdienbakkies en sit voor met ekstra vars vrugte en heuning.…

Rig jou brief aan SARIE KOS, Posbus 1802, Kaapstad 8000, faks dit na 021 408-3099 of e-pos na Sariekos@sarie.com . Oorspronklike briewe, ook e-posbriewe, moet ’n volledige posadres en kontaknommer insluit. Dit mag nie aan ander tydskrifte voorgelê word nie. Die redakteur behou die reg om briewe te verkort. MY EIE MASTERCHEF Sowat 21 jaar lank het my man vir my gekook. Dit was vir my die grootste bederf. Toe, in Maart 2013, is Peter skielik oorlede ná ’n kort siekte en daar bly ek alleen agter met drie honger en groeiende seuns. Eers het ek net voor die koskas gestaan en huil, en ’n hele jaar omtrent net wegneem-etes gekoop. Toe begin SARIE KOS my inspireer. Al die resepte en foto’s van die lekker kos het…

EET DAAIRUGBYBAL! Die sjokoladeballe op ons voorblad-kaaskoek (resep op bl. 86) is baie maklik om te maak met ’n plastiekvorm van Barco Moulds (R10,80, posgeld uitgesluit). Elke vorm maak die helfte van ’n bal. Jy plak 2 halwes aanmekaar om ’n bal te maak. Bestel by 021 715 4253 of besoek www.barcomoulds.co.za. OPGEKLITS Bederf jouself met dié koper KitchenAid-menger – dit kan klits, klop én knie. Kyk by die naaste kombuiswinkel. Vanaf R10 999. BRITSE PARFUUM Die Britse modehuis Burberry bring hulde aan hul ikoniese soldatejas met hul nuutste parfuum, My Burberry (R1 400 vir 90 ml EDP). Dié goue geur bevat note van suurlemoen, freesia en soet-ertjie en spog met ’n strikkie om die doppie, gemaak van dieselfde lap as die jas. KAAPSE WHISKY As jy van lekker whisky…

VARKTJOPS MET TAMATIE-EN-OLYFSOUS GENOEG VIR 4 • sowat 40 ml olyfolie• 4varktjops• sout en varsgemaalde swartpeper• 2klein uitjies, fyngekap• 600 g klein rosa-tamaties, gehalveer• 2knoffelhuisies, fyngekap• 15 ml olyfolie• 4Spaanse worse (chorizo), in blokke gesny• handvol vars basiliekruidblare, grof gebreek• 100 g ontpitte swart olywe Verhit oond tot 180 °C. Verhit die 40 ml olyfolie in ’n diep pan. Braai tjops weerskante tot mooi bruin. Geur met sout en peper. Haal tjops uit pan en hou eenkant. Gooi gekapte uie in dieselfde pan en braai tot sag. Voeg tamaties en knoffel by en braai oop tot tamaties sag is. Plaas tjops in sous en geur met sout en peper. Maak pan toe met deksel en oondbak 1 uur in warm oond. Verhit die 15 ml olie in ’n ander pan en braai wors sowat 1 minuut. Haal tjops uit oond…

FOREL Plaas die ekstra forelfilet in ’n klein GLAD Zip Seal Freezer Bag en skryf die datum bo-op. Vis kan 3 – 6 maande gevries word. WORS Plaas wors in ’n klein GLAD Zip Seal Freezer Bag en skryf die datum bo-op. Wors kan 3 – 6 maande gevries word. HOENDER Pak jou orige hoenderboudjies in ’n klein GLAD Zip Seal Freezer Bag en skryf die datum bo-op. Hoender kan 3 – 6 maande gevries word. LAMSVLEIS Plaas jou lamsrak in ’n groot GLAD Zip Seal Freezer Bag en skryf die datum bo-op. Lam kan 3 – 6 maande gevries word. VARKVLEIS Plaas 6 varktjops in ’n groot GLAD Zip Seal Freezer Bag en skryf die datum bo-op. Varkvleis kan net 3 maande gevries word. STEAK Plaas die ekstra steak…

MELKSJOKOLADE-EN-HASELNEUT-MACARONS GENOEG VIR SOWAT 24 MACARONS VULSEL • 5 ml gelatien• 10 ml koue water• 1 eiergeel• 15 g strooisuiker• 60 ml melk• 60 ml room• 100 g melksjokolade, gesmelt• 125 ml room, styf geklits• 100 g geroosterde haselneute, fyngekap SJOKOLADE-MACARONS • 2 eierwitte• 1 ml kremetart• 60 g strooisuiker• 130 g fyn amandels• 220 g (420 ml) versiersuiker• 10 g (10 ml) kakao 1 Begin met vulsel. Week gelatien in koue water tot sponsagtig. Klits eiergeel en suiker met ’n draadklitser saam tot lig en romerig. Bring melk en 60 ml room tot kookpunt in ’n kastrol en gooi stadig by eiermengsel terwyl jy klits. Gooi terug in kastrol. Verhit sowat 10 minute oor lae hitte terwyl jy heeltyd met ’n houtlepel roer tot mengsel die agterkant van lepel bedek. Voeg gelatien en sjokolade by warm eiervla en meng goed deur. Laat afkoel. Vou…

Wat was eerste, jou liefde vir wyn of vir rugby? Eintlik krieket! Ek het selfs ’n krieketveld op die plaas. Een van my wyne heet Cricket Pitch. Rugby het my op hoërskool opgewonde gemaak, want dit is ’n fantastiese spansport. Ek het nie op skool wyn gedrink nie, maar in die oestyd het ek en vriende gereeld mos gedrink by ’n vriend van ons wie se pa hoofwynmaker by Bolandwynkelder was. Party van die ouens het glad van hul fiets afgeval op pad huis toe … Hoe is jy nog betrokke by rugby – of is jy deesdae net ’n toeskouer? Ek was sewe jaar lank rugbykommentator op televisie, het ’n sportbemarkingsonderneming besit, was president van die Wellingtonse rugbyklub (dit is vanjaar 115 jaar oud), direkteur van Boland-rugbyunie én van…

SPYSKAART Sote • Suurlemoenmousse • Sjokoladeskons • Oondgeroosterde soetpampoentert Sout • Oop geroosterde spekbroodjies • Murgpampoentjie-omelet met gerookte forel • Gerookte snoek in fillodeeg SJOKOLADE SKONS Moeg van gewone skons? Voeg kakao by en verras jou gaste met die nuwigheid. GENOEG VIR 8 SKONS • 220 g (390 ml) bruismeel• 20 g (50 ml) kakao• 40 g (45 ml) strooisuiker• 1 eier• 125 ml melk• 25 ml kanola-olie• 100 g 70%-donkersjokolade• 400 g aarbeie• 250 ml room• aarbeikonfyt Verhit oond tot 180 °C. Sif bruismeel, kakao en strooisuiker saam in ’n mengbak. Klits eier, melk en olie in ’n mengbakkie. Maak holte in middel van droë bestanddele. Gooi eiermengsel in holte en meng met ’n mes deur droë bestanddele tot stywe deeg vorm. Sprinkel bietjie meel op ’n werkvlak en plaas deeg bo-op. Meng deeg goed bymekaar en druk plat tot sowat 2,5 cm dik. Druk…

SJOKOLADE-ENKARAMELKAASKOEK LEWER 1 X 23 CM-KAASKOEK – GENOEG VIR 8 – 10 KORS • 1 pakkie (200 g) veselkoekies (digestive biscuits)• 50 g (60 ml) suiker• 100 g (110 ml) ongesoute botter, gesmelt• 100 g 70%-donkersjokolade, gesmelt VULSEL • 1 kg roomkaas• 210 g (250 ml) strooisuiker• 25 g (45 ml) koekmeel• 5 groot eiers, kamertemperatuur• 125 ml room• 5 ml vanieljegeursel• 1 x 360 g-blik karamel BOLAAG • 165 g fudge• 125 ml room• 300 g 70%-donkersjokolade• 80 g witsjokolade 1 KORS Verhit oond tot 180 °C. Spuit ’n 23 cm-losboom-koekpan met kleefwerende kossproei. Bedek die buitenste rand van die koekpan met foelie en draai dan kleefplastiek om om te keer dat die vulsel uitloop as die pan dalk lek. Plaas koekies en suiker in ’n voedselverwerker en kap tot fyn krummels vorm. Voeg gesmelte botter by en meng goed. Gooi mengsel in koekpan…

Slaai Ribbe TUISGEMAAKTE MAYONNAISE Dis gouer om te maak as om te gaan koop. LEWER 350 ML Plaas 2 eiergele, 30 ml mosterd en 250 ml olyfolie in ’n glasbak. Klits by hoë spoed met staafmenger terwyl jy menger stadig rondbeweeg tot mengsel dik, romerige mayonnasie vorm. Geur goed met sout en peper. RADYS-ENPERSKOOL- KARRINGMELKSOUSSLAAI Die slaai het ’n lekker vars pepersmaak danksy die radys. Jy kan die rissie weglaat as jy bang is dit brand te veel. GENOEG VIR 6 • 500 g (½ kop) pers kool• 3 klein andyviekoppe (endive)• 6 radyse• 100 ml karringmelk• 250 ml tuisgemaakte mayonnaise (sien bl. 93)• 1 knoffelhuisie, baie fyn gekap• 5 ml vars gemmer• 60 ml olyfolie• 1 rooi brandrissie, fyngekap• sout en varsgemaalde swartpeper• hand vol Italiaanse pietersielie, fyngekap Gebruik voedselverwerker en rasper kool en andyvie in fyn repies – of…

LEKKER TJIPS Hou jy ook van slaptjips met asyn en sout? Nou kan jy dit by die huis maak met McCain se nuwe reeks bevrore slaptjips. Al wat jy moet doen, is om dit in warm olie te braai en asyn en sout oor te gooi. Landwyd te koop teen R27,99 vir 1 kg. MET SOUS, JA! Gee jou toebroodjies ekstra smaak met All Gold se uitdrukbottels braaisous. Die tuit van die bottel sit in die voetstuk, sodat jy nooit die bottel hoef te skud om die laaste sous uit te kry nie. Landwyd te koop teen R26,99 vir 500 ml. OLIE VIR BRAAI Gebruik avokado-olie om kos te braai – dit het ’n hoër rookpunt as ander olies wat beteken jy kan dit warmer maak. Koop Westfalia se produk…

KOOK MET GAS Deesdae is ons krag so onvoorspelbaar dat ons op ander gaarmaakmaniere moet staatmaak. Jean Nel se Cooking with Gas (Jacana, R159) wys jou hoe om van eenvoudige hoendergeregte tot gerookte salm op die gasbraaier te maak. EIER SONDER EINDE Volgens die Franse kan die eier op meer as 100 maniere gebruik word. As jou eier-inspirasie opgedroog het, moet jy Blanche Vaughan se boek Egg (Orion Publishing Group, R475) aanskaf vir nog 80 resepte met die eier as sterbestanddeel. VEGETARIESE VREUGDE Die Mildreds-restaurant in Londen spog al sedert 1988 met vegetariese kos op die spyskaart. Nou kan jy ook leer hoe met hul eerste kookboek, Mildreds the Cookbook (Octopus Books, R465) Begin sommer met die blomkool-en-groenolyf- tagine. TUISGEBAK Die Franse meesterbakker Eric Lanlard is terug met ’n nuwe…

Die gras is altyd groen! Laat lyk jou tafel soos ’n rugbyveld met Duraturf-gras van Belgotex. Vanaf R70 per meter. Besoek www.belgotex.co.za. VELE GEBRUIKE Hierdie veeldoelige broodborde van Woolworths word gemaak van hout en marmer en kan vir alles van brood sny tot ’n kaasbord gebruik word, selfs om warm kos op neer te sit. Vanaf R375. ALLES IN EEN MANDJIE Vir ’n meer informele geleentheid kan jy al jou servette en eetgerei in ’n draadmandjie van Weylandts pak en tafel toe dra. Koop dit landwyd by winkels of aanlyn by www.weylandts.co.za  teen R155. IDEES MET TROFEË Besoek tweedehandswinkels vir ou trofeë of koop nuwes aanlyn by www.trophycity. co. za. Dis beskikbaar in goud en silwer. Vanaf R75, posgeld uitgesluit. HOU DIT KOUD…

BEESSKENKELS IN ROOIWYN (bl. 29) Al wat jy by hierdie gereg nodig het, is ’n heerlike vars Franse brood. GENOEG VIR 4 – 6 • 35 g (60 ml) koekmeel• sout en varsgemaalde swartpeper• 1 kg beesskenkels• sowat 80 ml olyfolie• 250 g strepiespek (streaky), in blokkies gesny• 8 baba-preie, in groot stukke gesny• 3 knoffelhuisies, fyngekap• 1 x 400 g-blik gekapte tamaties• 300 g baba-sampioene• 500 ml rooiwyn• 250 ml groente-aftreksel• 2 takkies vars tiemie• sowat 30 ml fyngekapte pietersielie Verhit oond tot 180 °C. Gooi meel in ’n plat bak en geur met sout en peper. Bedek skenkels met meel en skud oortollige meel af. Verhit olyfolie in ’n groot oondkastrol. Braai skenkels – nie alles gelyk – tot bruin en hou eenkant. Braai spek in dieselfde kastrol tot bros. Voeg preie en knoffel by en braai sowat 1 minuut. Plaas…

Wat was eerste, jou liefde vir koffie of vir rugby? Ek het op Lüderitz en Oranjemund in Namibië grootgeword en leer rugby speel op die soutpanne buite die dorp. In die onder-9-spannetjie was ek vleuel. Later is ek na slot geskuif. Daar het ek gebly. Ek “skuld” rugby. Dis ’n wonderlike sport wat my vriende regoor die wêreld laat maak het, my waardevolle lesse geleer en ook die waarde van spansport gewys het … Frik du Preez het altyd gesê ’n swak rugbywedstryd is steeds beter as ’n goeie dag op kantoor. My liefde vir koffie kom van my rugbydae in Padua, Noord-Italië, waar ek as student klubrugby gespeel het. Ek het gereeld op Venesië se bekende San Marco-plein gaan koffie drink. Maar ek het eers régtig goeie koffie begin…

Dit bly vir my onverklaarbaar dat ons basies net drie goed – nogal almal soet, op die koop toe – in ons kosgeskiedenis het wat na Suid-Afrikaners vernoem is: Hertzoggies, Jan Smutskoekies en Japie se Gunsteling, waarmee S.J.A. de Villiers in Kook & Geniet ’n ode van die liefde vir haar man geskep het. Deur die jare heen het verskeie kosskrywers gepoog om onse Mimi Coertse in ’n soete verleiding te verewig, maar die volk het nie daarop gereageer nie. So was dit ook met sopraan Cecilia Wessels en kookkunskenner Kotie van der Spuy, albei lank reeds oorlede. Maar nee, ons het sommerso, sonder blik of bloos, dit ’n koek genoem en dit, dink ek, vat die koek! En dan is dit nie eens ’n koek niePeter Veldsman Sou ’n…

BOEREWORSFRIKKADELLE MET TAMATIESMOOR (bl. 64) Hierdie manier van wors gaarmaak is ’n treffer. Jy kan dit sonder sukkel voor die TV eet. GENOEG VIR 22 FRIKKADELLE 1.  boerewors2.  olyfolie3.  ui4.  knoffelhuisies5.  rosa-tamaties 1.  600 g boerewors van jou keuse2.  100 ml olyfolie3.  1 ui, fyngekap4.  2 knoffelhuisies, fyngekap5.  400 g klein rosa-tamaties, gehalveer sout en varsgemaalde swartpeper Verhit oond tot 180 °C. Druk worsvleis uit in ’n mengbak. Vorm frikkadelle so groot soos ’n gholfbal. Sprinkel bietjie olyfolie op ’n bakplaat. Plaas frikkadelle bo-op en sprinkel nog olyfolie bo-op. Plaas in oond en oondbak sowat 15 minute. Draai frikkadelle om en oondbak verder tot gaar. Verhit res van olyfolie in ’n kastrol en braai ui en knoffel tot sag en deurskynend. Voeg tamaties by en geur met sout en peper.…

5 MINUTE MET HERMAN teks MARGUERITE VAN WYK 1 Op 22 was jy die jongste kosredakteur nog by SARIE. Op 26 stel jy jou eerste kookboek, VOORSKOOT, bekend, en nou nog een. Waar kry jy die energie? Ek glo nie aan stilsit nie. In die week werk ek by SARIE. Naweke werk ek aan my ander kosdrome. Dan sal ek onder meer saam met vriende resepte om die etenstafel toets vir my resepteboeke. 2 Watter soort geregte maak jy in jou nuwe resepteboek? Dit is ingedeel in tien hoofstukke, elk met sy eie bestanddeel wat my lewe verander het. Daar is alles van die nederige ui, lam en hoender – en wat is ’n kookboek sonder sjokolade? ’n Moetmaak is die hoemoes wat ek onlangs by…

Dis maar net vier jaar sedert Mervyn Gers begin het met sy “funksionele kuns” – stylvolle borde, bakke en bekers wat beslis nie in ’n kas sal stof vergader nie, maar elke aand op tafel gebruik kan word. As hy deesdae soms vir homself vra: ‘’Hoekom wil ek nóg ’n bord maak?’’, besef hy keer op keer dit gee sin aan sy lewe – en maak mense gelukkig. ‘’Ek hoop kos lyk mooi op my breekware en dra by tot die geluk en samesyn van ander . . .’’ Want sewe jaar lank, voor hy met die pottebakkery begin het, en selfs nog daarna, het hy met depressie geworstel en was slaap al wat hy wou doen. Maar sedert hy twee jaar gelede met aandagafleibaarheidsindroom (ADD) gediagnoseer is en daagliks…

B Blink Regentstraat 71 Seepunt 021 434 0541 C Consol Glass Osbornestraat Wadeville Johannesburg 011 874 0000 Information@consol.co.za D Downings Hiring Supply Victoriastraat 81 Somerset-Wes 021 852 5405 F Family Farmstall Hoofstraat 506 Noorder-Paarl 021 872 4854 G Game 0861 4263 2273 www.service@game.co.za Gister Brightstraat 6 Chelsea House Somerset-Wes 021 852 4827 I Interior Trading Sirkelsentrum Hoofstraat Somerset-Wes 021 851 7251 M Memory Lane Hoofstraat 155 Audas Estate Somerset-Wes 021 852 3550 Mervyn Gers Ceramics Dorsetshirestraat 4 Paardeneiland Kaapstad 021 510 2385 Moroccan Warehouse 021 461 8318 Mr Price Home 0800 212 535 www.mrpricehome.com N Nerf-Af De Villierslaan Durbanville-gholfbaan Durbanville 084 946 6326 P Pick & Pay Allumweg 2 Kensington Johannesburg 011 856 7000 Plascon 0860 204 060 www.plascon.co.za S Strand Trading Post Hoek van Hoof- en Aerodromestraat Strand 021…