Innholdsfortegnelse for May 2024 i SA Hunter/Jagter

Beste lid en getroue leser, Ek rig hierdie skrywe aan u onder ietwat ongewone omstandighede en in my hoedanigheid as Hoof Uitvoerende Beampte (HUB) van die Suid-Afrikaanse Jagters- en Wildbewaringsvereniging. Weens omstandighede wat na my mening ongepas is om hier in enige detail te bespreek, en uit hoofde van my rol as HUB van SA Jagters en ook as Direkteur van SA Hunt Publishing (Edms) Bpk, is ek verantwoordelik vir die redaksie van hierdie uitgawe van SA JAGTER/ HUNTER. Daar is steeds sekere prosesse aan die gang wat die finale uitkoms sal bepaal. Ek sal wel in ’n toekomstige nuusbrief of hier in die tydskrif ons lede en getroue lesers inlig oor gebeure soos dit nodig geag mag word. Wat ander gebeure betref, word Meimaand algemeen beskou as die amptelike…

DOOIERUS Toe ek kind was, het daar in elke respektabele plaashuis ’n lugfoto ge-hang. So ’n skuins skoot oor die werf, met die woonhuis en die hoenderhok en die waenhuis en ’n paar omliggende lande. In swart en wit geneem, en agterna met die hand ingekleur om meer natuurlik te lyk. Die tonele so van bo was uit ’n ander wêreld. Die perspektief het my gefassineer. Dit was asof alles meer sigbaar was, duide-liker, meer logies, minder verstrengeld. Ek het besef ek het iets ontdek, ’n derde dimensie. Bo al hierdie plekke, al hierdie plase, was daar ’n hoër plek. En dinge lyk anders van daar af. In elke huis waar so ’n geraamde foto in die gang gehang het, het ek my gestaan en verkyk. En dan het hulle…

Een van die moeilikste besluite wat ’n nuwelinggeweerkoper moet neem, is watter geweer en kaliber om aan te skaf. Dit is ’n vraag wat nóg moeiliker is om te beantwoord! Ek kan nie ’n vrou vir ’n ander man kies nie, en ook nie ’n geweer nie. Daar is egter ’n paar oorwegings wat ’n mens kan deurwerk om rigting te gee. Begroting Bepaal eerstens die omvang van jou beskikbare fondse; dit sal onmiddellik help om die moontlike keuseveld af te baken. In die huidige produksieomgewing met CNC-masjiene is ’n goedkoop geweer nie noodwendig ’n swak geweer nie – dit gaan ook baie oor ontwerp en volume wat eenheidskoste bepaal. ’n Duur geweer is ook nie noodwendig ’n goeie geweer nie. Net so is ’n groot naam toenemend betekenisloos en…

KOSRUBRIEKKom kuier saam in KARLA SE KOMBUIS Lae sappige vleis, soet eiervrug, romerige witsous met ’n bros dakkie kaas – alles gebak tot stomende perfeksie. Dít klink mos nou soos ’n plan! Ek het altyd wildsmaalvleis in my vrieskas en het die pakkie koedoevleis só gekyk en net daar besluit dit gaan ’n Griekse kinkel kry. Moussaka is volgens die tydskrif National Geographic dié ikoniese Griekse gereg en word ook as die Grieke se nasionale gereg beskou. Moussaka het, interessant genoeg, sy wortels in die Turkse kookkuns. ’n Manuskrip uit die 13de eeu bevat ’n resep vir maghmuma’ of muqatt’a wat bestaan uit lae eiervrug, uie en geurige vleis. Die woord “moussaka” kom boonop van die Arabiese musaqqa wat “klam” beteken. Weergawes van moussaka kan gevind word in die kookkuns…

Ek het ’n vriendin, maar haar naam is nie Lisa soos Laurika Rauch se vriendin in die liedjie “Lisa se klavier” nie. Buiten ’n klavier, het my vriendin ook ’n plaas in Nieu-Seeland se Suid-Waikato-distrik. Ek het Karen, die vriendin met die plaas en die klavier, deur haar dogter, Billie-Jean, op ’n oueraand ontmoet. Dis maar moeilik om te glo, maar skoolhou het ook sy perks. Een van hulle is dat baie van die kinders in my wiskundeklas se ouers boere is hier op die Nieu-Seelandse platteland. So nou en dan is daar dus darem ’n uitnodiging om ’n draai op die plaas te gaan loop. Karen boer met sowat 600 melkkoeie op 450 hektaar, net suid van die klein dorpie Mangakino. Alhoewel daar geen natuurlike roofdiere is nie, is…

Buck-messe is alombekend vir hulle kwaliteit en vermoë om skerp te bly ondanks gereelde gebruik. Die Buck-storie begin in 1902 in die Amerikaanse deelstaat Kansas toe ’n grofsmid genaamd Hoyt Buck begin eksperimenteer het met messe wat hy self van ou vyle gemaak het. Buck het sy messe se lemme getemper om langer skerp te bly, en dit was gou duidelik dat hy op die wenpad was. Hoyt het sy messe met groot sukses vervaardig en verkoop. Sy seun, Al, het mettertyd by hom aangesluit. In 1945 is H.H. Buck and Son gestig en die besigheid is vanuit San Diego in Kalifornië bestuur. In 1961 is Buck Knives, Inc. geïnkorporeer en die derde generasie Buck, Chuck, het deel van die familieonderneming geword. Die Buck 110-knipmes is gedurende hier-die era bekendgestel…

The large-calibre British double rifle has always been a favourite weapon for dangerous game such as buffalo and elephant. They are still manufactured in small num- bers by a few rifle makers in Britain, Western Europe and elsewhere, and are very much considered specialist weapons for the pursuit of dangerous game. This particular rifle is chambered for the .450/.400 (3") Nitro-Express cartridges, and the entry for the rifle in the W.J. Jeffery & Co ledgers makes for interesting reading. Firstly, most reputable sources give the year of introduction of the .450/.400 (3") NE cartridge as 1902. Yet, according to the Jeffery ledgers, this rifle was finished on 27 February 1900! The ledgers further reveal that the rifle was made by Thomas Turner, a well-known Birmingham gunmaker, for Jeffery. It was…

TOERUSTING Die belangrikste toerusting vir enige jag is kortliks ’n geweer, ammunisie, teleskoop, verkyker, jagskoene, messe en ’n skietstok. Die heel belangrikste hier-van is beslis jou geweer en/of selfs jou boog. As jy ’n jaar gelede jou geweer in die hoek van die kluis binne-in die geweersak gebêre het en vergeet het om hom deeglik af te droog en ’n lagie olie te smeer ná jy laas jaar sopnat gereën het, is die kans goed dat hy nou al ’n redelike roeslaag binne en buite die loop ontwikkel het. Die belangrikste gedeelte wat jy roesvry en liggies geolie moet kry, is beslis die loop se binnekant en veral die kamer. Noudat jou geweer reg is vir aksie, is dit vir seker ’n goeie gewoonte om eers ’n draai op die…

Die artikel is voorsien deur Eksekuteurs vir Boedels en Testamente as trotse borg van ons Nasionale Presidentskietkompetisie in samewerking met die SA Jagters- en Wildbewaringsvereniging. By Eksekuteurs vir Boedels en Testamente waardeer ons die belangrikheid van noukeurige voorberei-ding. Net soos ons ons jagtogte noukeurig beplan, is dit ook belangrik om seker te maak dat ons geliefdes beskerm word, sou die onverwagte gebeur. Dít is waar die belangrikheid van boedelbeplanning en ’n testament wat met spesialiskennis opgestel is, ter sprake kom. In hierdie artikel navigeer ons die terrein van boedelbeplanning en beklemtoon hoe ’n goed opgestelde testament verseker dat jou jagtoerusting, gekoesterde herinneringe en bates naatloos oorgedra word. Kom ons vier die tradisies van jag terwyl ons ook die fondament van ons nalatenskap verseker, en só ook ons passie vir die…

FIREARM RESTORATION I have been tinkering with the workings of firearms for as long as I can remember – much of it without my dad’s knowledge of the fact that I had made a key for his safe! This systematically developed into an eye for perfection and trying to fill the gap between legitimate damage from use, such as the scratch from a barbed wire fence, and, unfortunately, a great deal of illegitimate damage from either abuse or well-intentioned, naive or inept repairs. This progressed to minor repairs and refinishing of stocks to making the odd screw and finally being able to rust-blue barrels. My own collection has grown commensurately with a distinct penchant for the British sporting gun. This collection is representative of all gauges from .410 to 12-bore,…

WENPRYS GEBORG DEUR: Stevenson Hamilton Die wenner van hierdie maand se Bokspog, Ettiene Erasmus, wen ’n produk beskikbaar op Stevenson Hamilton se webtuiste www.stevenson-hamilton.co.za ter waarde van R1 000. Baie geluk, Ettiene! Om jou prys te eis, stuur ’n e-pos na: admin@promark.co.za VEREISTES VIR BOKSPOG-FOTO’S: SA JAGTER/HUNTER publiseer geen foto’s van die volgende nie: • Kinders jonger as 10 jaar oud.• Oormatige bloed op bokke of op die grond.• Jagters met bloedbesmeerde gesigte.• Jagters wat bo-op ’n gejagte dier sit of handgebare toon – dis oneerbiedig teenoor die dier.• Foto’s met “plakkate” waarop die jagafstand verskyn.• Foto’s waarop drank verskyn.• Foto’s waarvan die resolusie/kwaliteit onvoldoende is. Foto’s moet verkieslik 1 MB groot wees. (Stel jou kamera op die hoogste resolusie/fotogrootte.)• Enige foto wat jag in die oë van die…