Innholdsfortegnelse for August 2021 i SA Hunter/Jagter

Teen die tyd dat julle hierdie uitgawe van ons tydskrif te lese kry, is dit reeds ou nuus dat die derde golf van Covid-19-infeksies wat ons land getref het, groot verwoesting saai. Mediese dienste, hospitale en ander frontlinie-werkers is oorweldig en oorwerk, en wanneer dinge ooit weer kalmer gaan raak, is maar ’n raaiskoot ten beste. Dis ook duidelik dat die nuutste mutasie van die virus meer aansteeklik en ook meer dodelik as die vorige mutasies is. Soos ’n vriend van my (wat self ook sleg siek was weens die virus) onlangs opgemerk het: “Hulle kap in ons bos!” Ook die jagbedryf het nie ongeskonde gebly nie. Die sluit van Gauteng se grense op 27 Junie vir ’n aanvanklike twee weke het ’n groot klomp jagters se planne sleg deurmekaargekrap,…

REUSE-SPOORWEGPROJEK IN KENIA SAAI VERWOESTING Die grootste spoorwegprojek in Kenia se geskiedenis is besig om groot konflik tussen mens en dier in dié Oos-Afrikaland te veroorsaak. Hierdie projek, wat poog om ’n spoorweg vir die vervoer van beide passasiers en vrag vanaf die kusstad Mombasa tot by die grensdorp Malaba te bou, loop deur verskeie nasionale parke en bewaringsgebiede. Dit is hier waar die spreekwoordelike pap op die grond val. Van die probleme wat die konstruksie van die spoorweg teweeggebring het, is ernstige besoedeling, vloede waar natuurlike riviere en spruite verkeerdelik geblok of opgedam is, asook gronderosie in gedeeltes van die Tsavo Nasionale Park. Gedeeltes van die spoorweglyn is op verhoogde stilte gebou ten einde diere toe te laat om onderdeur te beweeg. ’n Onbeplande nagevolg van hierdie konstruksiemetode was…

Die meeste boogjagters jag vanuit ’n skuiling en hoewel daar niks mee skort nie, kom daar tog ’n dag wat ’n jagter die skuiling moet verlaat en die uitdaging aanvaar om ’n bok te voet plat te trek. Dít is die hoogtepunt van enige jagervaring. Om ’n bok te bekruip en met ’n boog te skiet is gewis nie maklik nie, maar vir die jagter wat dit regkry, is dit ’n wonderlike ervaring. Die groot uitdaging is by verre om naby genoeg aan ’n teikendier te kom om dit oor ’n relatiewe kort afstand met ’n pyl te kan tref. FAKTORE VIR SUKSES Dit is so dat sommige boogjagters die bokke oor afstande van 65 tree en verder kan skiet. Die meeste gemiddelde boogskuts soos ek moet egter heelwat nader…

Daar is ’n goue reël wat alle 4x4-skole wêreldwyd vir hulle studente leer: “So stadig as moontlik, so vinnig as nodig, behou momentum.” Daarmee saam is daar ’n paar reëls wat jou hierdie jagseisoen uit die moeilikheid gaan hou as jy dit wel toepas. As jy nie die plaas ken nie, stop die voertuig voor jy oor ’n hindernis ry. Loop dan oor die hindernis om jou lyn en roete te bepaal. Op dié wyse kan jy oor die hindernis kom met die kleinste risiko van gevaar of skade aan die voertuig. Moenie die koppelaar laat gly nie; gebruik eerder ’n laer rat sodat die voertuig stadig oor die hindernis beweeg. Skakel eerder vroeër oor na 4x4-laespoed-bestek as wat jy ’n hindernis binnegaan, vassit en dan eers wil oorskakel. In…

VUURWAPENEIENAARS MOET NOU SAAMSTAAN. AANLOOP In die kennisgewing wat op 21 Mei 2021 in die Staatskoerant gepubliseer is, gee die Minister van Polisie kennis van die voorneme om die Wet op Beheer van Vuurwapens (Wet 60 van 2000) te wysig. Op daardie stadium was die konsepwysigingswet egter nog nie in die Staatskoerant gepubliseer nie en slegs beskikbaar op die Siviele Sekretariaat van die Polisie se webwerf. Verskeie individue, groepe en organisasies het dadelik hewig en met heelwat emosie op hierdie kennisgewing gereageer. SA Jagters het nie onmiddellik gereageer nie en lede in kennis gestel dat die konsepwysigingswet nog nie “amptelik” gepubliseer is nie. Hulle het hul lede laat weet dat hulle effens later kommentaar sou lewer wanneer daar geleentheid was om die konsepwysigingswet en die implikasies daarvan te bestudeer. PROSES…

In August 2020, during Covid-19 lockdown, I received a message on our .404 Jeffery WhatsApp group about a beautiful 10,75x68 Mauser custom rifle. It was up for sale and included an RCBS die set, along with a significant number of RWS and Stewart cases. An RCBS Berdan primer decapping tool and 150 old Kynoch cartridges also formed part of the package. Built on a Swedish Mauser action made by Husqvarna, and fitted with an original octagonal Mauser barrel, the rifle also sported a truly beautiful Claro walnut (Juglans hindsii) stock. Before WWII, Husqvarna built many sporters using surplus Mauser 98 actions, as well as commercial Fabrique Nationale (FN) actions. To make a long story short, I bought the rifle. SOME BACKGROUND ON THE 10,75 The 10,75x68 Mauser is the smaller…

I think it is fair to say that the most unsung British gun-maker of all time must be Webley & Scott. Although primarily known as a maker to the trade, implying that they made guns and rifles of all sorts on behalf of various other makers, an estimated 10% of their total production prior to World War II was sold bearing their own name. A look through the Webley & Scott ledgers will no doubt read like a who’s who of the British gun trade during its heyday. There is probably not a single British gunmaker who did not deal with them at least once at some point. THE BEGINNING Webley & Scott Ltd resulted from a merger between Philip Webley & Son and W&C Scott & Son in 1897.…

Dis seker nie belangrik of dit die linker- of regterbeen, en of dit die dy- of ribbebeen is nie, maar Eenbeen ís dit. Miskien het ’n vorige eienaar slegs een been gehad – wie sal weet? Eenbeen is die plaas waar ons ’n week lank naby die natuur kon leef. Dis diep in die Kalahari geleë, sowat 30 km oos van Van Zylsrus (die hoofstad van die agter-Kalahari). My groot vriend en medejagter, Riaan Dames, het die jagtog gereël en al Donderdag op die plaas opgedaag. Met ’n vernuftige oog het hy ’n geskikte kampplek opgespoor. ’n Groot kameeldoringboom met lekker wydgespreide takke vir baie skaduwee en wat op ’n gelykte staan, is as kampboom uitgesoek. Die tente is net buite die radius van die boom opgeslaan – nie onder…

Dis snaaks hoe sekere dinge met tyd in ’n mens se hart inkruip en sommer goeie vastrapplek kry. Een so ’n ding wat behoorlik in my hart ingekruip het, is my Tikka T3 in 6,5x55 Sweedse Mauser. In vergelyking met van die ander gewere wat ek besit of in die verlede al besit het, is die Tikka niks spesiaals nie, maar ons twee se verhaal saam in die veld vertel ’n drastiese ander storie! Ons pad saam het in 2014 begin toe ’n kollega my laat weet het van ’n klompie boedelwapens wat in ’n Pretoriase geweerwinkel te koop was. My kollega was glad nie ’n geweerman of jagter nie. Hy kon dus nie eintlik vir my sê wat alles beskikbaar was nie, net dat daar glo ’n “ses-vyf, of…

“Waar op dees aarde is die Ghaap”, vra ’n vriend my nou die dag toe hy na my jagplanne vir die res van die seisoen verneem. Sy klaarblyklike onkunde oor die Ghaap was te verstane. Min mense weet van hierdie juweel in ons land met sy vriendelike mense, unieke landskap en pragtige jagveld. Die Ghaapplato, of Ghaap se Berg soos die plaaslike mense dit ken, strek rofweg van Griekwastad in die suide tot Kuruman in die noorde en van Postmasburg in die weste tot Daniëlskuil in die ooste. ’N UNIEKE LANDSKAP Moenie berge verwag nie – die hoogte bo seespieël is maar gemiddeld ’n paar honderd voet bo die res van die omgewing. Die landskap is uniek, met ’n reuse-dolomietfondasie (dink ondergrondse water) en kalksteenklippe en was blykbaar miljoene jare…

’n Kenia-beroepsjagter wat later koeëls in Suid-Afrika kom maak het, het my vertel hoe ’n familielid per ongeluk ’n olifant met ’n .22 LR doodgeskiet het. Natuurbewaring wou nie die storie glo nie. Om sy bas te red, het hy dit toe weer in die wildbewaarders se teenwoordigheid gedoen – op ’n ander olifant natuurlik. Sedertdien het ek ook van ander gevalle uit ewe betroubare bronne verneem. David Sutherland van Sutherland Hunting Academy was ’n beampte by Suidoos-Transvaal Natuurbewaring toe ek hom leer ken het. Dave het ’n hekel in die .458 Winchester Magnum omdat dié kaliber, soos hy dit stel, hom ’n paar keer sy waardigheid met olifante moes laat prysgee. Ekself het van kleintyd af op die plaas groot Brahman-, Hereford- en Bonsmara-osse vir slagdag sonder probleme met…