Innholdsfortegnelse for January 2026 i Rooi Rose

Dit was seker maklik meer as 20 jaar gelede wat ek 'n onderhoud met die akteur Waldemar Schultz gevoer het. Hy het iets gesê wat ek tot vandag toe onthou: “Sorg vir jou siel.” As ek terugdink, het ek nie altyd 100% sy raad gevolg nie, maar dit was sulke belangrike vier woorde dat ek dit nooit vergeet het nie. Soos wat ek ouer geword het, het hierdie woorde meer betekenis vir my gekry. Ek het dikwels nie vir my siel gesorg nie, en ander mense toegelaat om my te ontwrig. Ander se negatiewe energie sou my ontstel en ek sou met angs rondloop. Jy verknies jou hoekom iemand nie jou SMS (daardie tyd nog SMS'e) antwoord nie. Het jy iets gesê wat hulle kon aanstoot gee? Of iemand by…

Ons begin by die belangrikste dinge eerste. Hoe gemaklik is hy met die titel Pappa Refentse? Die sanger glimlag van oor tot oor. “Baie, baie gemaklik. Dis eintlik scary hoe 'n mens se verwagtinge amper oornag kan verander. “Ek moet hoeka oor 'n paar weke my seun vir die eerste keer by die kleuterskool aflaai, dis 'n bittersoet vooruitsig. Daar gaan beslis skeidingsangs wees,” erken hy. Refentse en sy lewensmaat, Tané, het 'n jaar gelede ouers geword. Die koms van Arloh-Combrink Mohale Morake het gewis sy lewe omvergewerp, maar op 'n baie goeie manier. Arloh, verduidelik hy, is 'n Ierse naam wat “versterkte heuwel” beteken. “Ons het net daarvan gehou.” Combrink is sy oupa se naam aan sy ma se kant en Mohale is sy Sotho-naam. “Ek moet sê hy's…

POETS DIT BLINK Die vinnigste manier om dowwe vel te transformeer, is deur middel van afskilfering. Dink daaraan as polering – sonder een of ander skuurmiddel lyk 'n diamant dof. Fisieke afskilfering op jou vel verwyder dooie velselle soos dié wat net bo-op die buitenste laag van die epidermis sit en niks anders doen as om jou vel dof te laat lyk nie. Tydens die siklus van velselhernuwing beweeg selle op deur die epidermis om vir nuwe selle daaronder plek te maak, en land dan uiteindelik op die buitenste laag, waar hulle nie meer 'n funksie het behalwe om 'n versperring te wees nie. Omdat hierdie selle in wese uit keratien bestaan, moet hulle gereeld afgeskilfer word om te voorkom dat hulle in porieë vasgevang word, en sodat nuwe selle…

Wen Een leser kan 'n Willem Botha Beautygeskenkpak ter waarde van R3 050 wen. Dit sluit die volgende in: ✤ 1 x 12 Color Eyeshadow Palette ✤ 1 x 9 Piece Brush Set ✤ 1 x Blush Powder ✤ 1 Highlighter Powder ✤ 1 x Contour Powder ✤ 1 x Lip Gloss ✤ 1 x Liquid Matte Lipstick Besoek www.rooirose.co.za en klik voor of op 29 Januarie 2026 op die wen-blokkie om vir die prys in aanmerking te kom. *Slegs een inskrywing per persoon Gelukkige nuwe jaar aan elke rooi rose-leser! Mag 2026 'n wonderlike jaar vir elkeen van julle wees. Dis 'n jaar vir nuwe avonture, om nuwe drome na te jaag, en om elke geleentheid aan te gryp wat oor jou pad kom. Ek is so opgewonde om…

In die gejaagde wêreld met al sy uitdagings wat ons elke dag beleef, sal 'n stokperdjie nie net 'n verskil in jou lewe maak nie – kenners meen dit is eintlik noodsaaklik vir jou geestesgesondheid. Navorsing het al oor en oor bewys dat wanneer jy aktiwiteite doen waar jy jou verbeelding moet gebruik, jy die gedeelte in jou brein aktiveer wat vir jou emosionele regulasie, probleem-oplossing en besluitneming verantwoordelik is. Dr Vonetta Dotson, die skrywer van Keep your Wits About You: The Science of Brain Maintenance as You Age skryf dat 'n stokperdjie, soos kuns of musiek, jou brein uitdaag en ook die brein se vermoë om aan te pas en nuwe breinpaadjies te maak, versterk. Nog beter, wanneer hierdie stokperdjie jou in aanraking met ander mense bring, help dit…

Droë Januarie Dis die maand wat baie mense hier en oorsee op die waterkar klim, maar jy hoef nie net by water te hou as jy alkoholvry wil gaan nie. Daar is verskeie heerlike alkoholvrye drankies op die rakke. Vier kos en wyn ✤ 30 Jan-1 Feb | Delheim se oesfees (oestafel, -markdag, en -fees), Delheim-wynplaas, www.quicket.co.za ✤ 14 en 28 Januarie | Straatsoiree, Stellenbosch, www.webtickets.co.za Amandels vir almal The Almond Girl is 'n trots Suid-Afrikaanse handelsmerk wat amandels verkoop wat op 'n familieplaas buite Montagu in die Klein-Karoo gekweek word. Die plaas word nou al deur die derde geslag bestuur en het in 'n groot verskaffer van amandels ontpop. Hulle is trots op hul natuurlike, preserveervrye produkte. Daar is onder meer Nonpareil Premium, Confectionary Almonds, 70% Dark Chocolate Coated…

In die afgelope paar jaar het 'n interessante neiging wêreldwyd posgevat. Jongmense, veral dié onder 35, draai al hoe meer weg van alkohol. In 2023 het 'n Gallup-meningsopname bevind dat die hoeveelheid volwasse mense onder 35 wat hulself as iemand sien wat drank gebruik, met 10% gedaal het, van 72% in 2001-2003 tot slegs 62% in 2021-2023. Volgens navorsing van Statista in Amerika het hulle bevind dat Generasie Z sowat een derde minder bier en wyn drink as die generasies voor hulle. Maar dit is nie net data vanuit die VSA wat hierdie neiging staaf nie. Navorsing in 2023 van die International Wine and Spirits Record (IWSR) in Londen, bevestig dié bevindings. Die data van IWSR toon dat 'n redelike persentasie van jong verbruikers in verskeie lande, onder meer Suid-Afrika,…

Reeds met die intrapslag in China, op Beijing se bedrywige internasionale lughawe, besef ons die wanopvatting van die “rooi gevaar” van dié land waarmee ons ouer garde grootgeword het, is klaar en verby. Kapot. In stede word ons begroet deur 'n indrukwekkende en moderne kolos waar reisigers en toeriste wemel en verwelkom word, 'n legio handelsnaamwinkels 'n polsende atmosfeer skep en opkomende Chinese tennissterre op advertensieborde pryk. Netjies. Ordelik. Binne 'n japtrap is ons deur paspoortbeheer en ontmoet ons ons gids, Jack, wat stiptelik op sy pos is. Op pad na ons hotel naby die middestad, stapel die positiewe indrukke vinnig op: 'n mens verlustig jou in die sierlike bome en struike of geil lanings rankrose op die middelmannetjies en sypaadjies. Jy herken selfs verskeie bekende blomsoorte wat in Suid-Afrika…

BLOKRAAI 1 BLOKRAAI 2 BLOKRAAI 3 BLOKRAAI 4 Raaikettings 1 & 2 van bl 120 RAAIKETTING 1 Skuins na onder: 1. Tor; 2. Woed; 3. Arres; 4. Dikte; 5. Gerib; 6. Nasie; 7. Keëls; 8. Leke; 9. Res. Skuins na bo: 1. Twa; 10. Oord; 11. Rêrig; 12. Deken; 13. Strak; 14. Eisel; 15. Bieër; 16. Elke; 17. Ses. RAAIKETTING 2 Skuins na onder: 1. Sak; 2. Amok; 3. Gereg; 4. Nawel; 5. Netel; 6. Reier; 7. Meeue; 8. Ruig; 9. Sta. Skuins na bo: 1. Sag; 10. Amen; 11. Koran; 12. Kewer; 13. Getem; 14. Leier; 15. Leeus; 16. Ruit; 17. Ega. BLOKRAAI 5 LEIDRADE DWARS 1. Die rooi planeet (4) 4. Bondels druiwe (6) 7. 'n Huis beset (6) 8. Katoendraad (4) 9. Toesig (4) 11. Turkse tapyte (6) 12. Praat met (6) 13. Bene…

Die ontslape Britse koningin Elizabeth het 1992 as 'n annus horribilis beskryf. En sy het nié na 'n lastige aambei verwys nie, maar eerder die vele rampe wat die koningshuis daardie jaar getref het. Die uwe het vir seker nie 'n adellike haar op haar hoof nie, maar sy kan jou waarborg dat haar 2025 'n annus horribilis van formaat was. En laat ons een ding duidelik maak, die uwe is nié 'n klagat nie. Sy verduur die stampe en stote wat die lewe haar soms toedien met 'n braafheid wat soms haarself verbaas. Aan die einde van 2024 het my geliefde Billy-hondekind oor die reënboog gespring. Die pyn van sy verlies is onbeskryflik. Hy was my bestie, my bondgenoot, my alles. Selfs die kat kon nie ophou huil nie.…

Jennifer het 'n goeie jaar agter die rug. Een van groei en een waar sy haarself uitgedaag het. 'n Jaar van nuwe geleenthede en opwindende produksies. Buiten haar werk as mede-aanbieder op Die GROOT ontbyt op kykNET is sy 'n radio-omroeper by GROOTfm 90.5, lewer sy sportkommentaar vir Supersport Schools, besit sy 'n kinderteatermaatskappy, het sy in 'n eenvroustuk opgetree en was dit vir haar 'n groot voorreg om as aanbieder insetsels vir Bravo! te skiet. Om 'n afspraak met Jennifer te kry, kos mooi beplanning, want sy speel op verskeie verhoë van die lewe. Ek ontmoet haar by 'n koffiewinkel oorkant Die GROOT ontbyt se kantore in Lynnwood Manor in Pretoria. Sy getuig met dankbaarheid oor die jaar wat sy gehad het. Haar lewe het in die afgelope paar…

1 | Dermalogica NeuroTouch Symmetry Serum R2 999, DERMALOGICA Daar is altyd iets nuuts wat in die skoonheidswêreld opduik. Die nuwe Dermalogica NeuroTouch Symmetry-serum het 'n interessante benadering tot velsorg, waar bestanddele en wetenskap mekaar ontmoet. In hul woorde word hierdie olie-serum aangedryf deur neurowetenskap en menslike aanraking, en maak dit gebruik van aktiewe bestanddele soos adaptogeniese botaniese middels, 'n biomimetiese heksapeptied en CoQ10 om gesigsimmetrie sigbaar te herstel. Dit gaan gepaard met die NeuroTouch Sculptingtegniek wat geteikende masseringsbewegings insluit om die verstand-velverbintenis (mind-skin) te voltooi. Dis 'n mondvol, en dalk 'n buitengewone begrip, maar definitief 'n serum om te probeer as jy van wetenskaplike velsorg hou. 2 | FutureMe The Regenerating Serum R12 500 WWW.FUTUREMEWORLD.COM FutureMe se kragtige Regenerating Serum kombineer 'n harmonieuse mengsel van hul ikoniese FutureBlend™ met…

Meer as net water Elektroliete het die afgelope paar jaar al hoe gewilder geword weens die groeiende fokus op hidrasie en algehele welstand. Eens op 'n tyd is dit meestal deur atlete gebruik, maar vandag is dit deel van baie mense se daaglikse roetine vir beter konsentrasie, herstel en bevogtiging. Dit bevat minerale soos natrium, kalium, magnesium en kalsium wat help om belangrike liggaamsfunksies te reguleer. As jy sweet, intensief oefen of ontwater raak, verloor jou liggaam elektroliete, wat tot moegheid, spierkrampe of duiseligheid kan lei. As jy dit aanvul, word die balans herstel en energievlakke gehandhaaf. Vir vroue deur vroue Zoie Health se produkte is ontwikkel om vroue deur elke fase van hul lewe te ondersteun, hetsy fisiek, emosioneel of hormonaal. Dié Suid Afrikaanse onderneming is deur vroue begin…

Een manier om belasting doeltreffend te bestuur, sluit die potensiële betaling van voorlopige belasting in. Voorlopige belasting is 'n manier om belasting vooruit te betaal, wat die skuldlas op die belastingbetaler verdeel en só kapitale betalings om belasting te vereffen, oor tyd uitsprei. Enige maatskappy of natuurlike persoon wat inkomste verdien wat nie as besoldiging geklassifiseer word nie, word as 'n voorlopige belastingpligtige gesien. Voorlopige belasting behels dat 'n individu minstens twee betalings deur die finansiële jaar maak. Dié betalings word op grond van die individu se geskatte belasbare inkomste vir die betrokke finansiële jaar bereken. 'n Vrywillige derde betaling kan ook ná die belastingjaar gemaak word, voordat die belastingaanslag deur SARS aan die individu uitgereik word. Aan die einde van die finansiële jaar word die voorlopige belastingbetalings wat die…

Die bos pienk hare verklap sommer al met die intrapslag dat Lili Bouwer Niemann (69) haar in niemand se boksie laat druk nie. Sy heg waarde aan haar eie identiteit, veerkragtigheid en beslis, kreatiwiteit. Soos Miley Cirus sê: “Pink isn't just a colour. It's an attitude too.” Lili het met rooi rose gesels vanuit haar huis in Bantrybaai aan die hange van Leeukop, Kaapstad, waar sy en haar man Le Roux Niemann (71), 'n siviele ingenieur, deesdae woon. Douvoordag het sy reeds haar lyf in die ysige waters van die Atlantiese Oseaan gebaai – 'n ritueel wat haar verstand skerp hou, en haar lyf gesond – en wat maak dat sy so reg soos 'n roer is vir die dag wat voorlê. Die pienk hare was die gevolg van 'n…

Gestolde appelslaai ✤ 8 porsies 160 g (2 x 80 g-pakkies) groenpruimjellie 312 ml (1¼ k) kookwater 250 ml (1 k) yskaswater 15 ml (1 e) suurlemoensap 397 g (1 blik) kondensmelk 8 appels, geskil, ontpit en grofgerasper Maak jellie met kookwater aan in groot mengbak. Roer tot opgelos. Roer yswater by en plaas in yskas vir 30 minute om af te koel. Roer suurlemoensap en kondensmelk by. Roer gerasperde appel by kondensmelkmengsel en meng goed. Spoel vorm met koue water uit en giet appelmengsel daarin. Plaas in yskas tot gestol. Laat gestolde appelslaai 5 minute buite staan en keer dan versigtig op opdienbord uit. Sit koud saam met braaivleis op warm dag voor. Appel-en-kaneel-plaatkoekies ✤ 14 plaatkoekies 500 ml (2 k) koekmeel 20 ml (4 t) bakpoeier 2,5 ml (½ t) fyn kaneel (opsioneel) knypie sout 2…

ONS MAAK TUIN VAN A TOT Z KWEEK JOU EIE AARTAPPELS Ons was so opgewonde soos kinders toe ons ons eerste aartappels geoes het. En dis so maklik! Jy het nie eens 'n groot groentetuin daarvoor nodig nie. Enige houer wat ongeveer 50 cm diep is, kan gebruik word. 'n Groot potplanthouer kan gebruik word, of sakke wat spesifiek vir die kweek van aartappels ontwerp is en by kwekerye beskikbaar is. Ons het 'n ou houtkrat gebruik. Lifestyle-tuinsentrum maan daarteen om motorbande te gebruik omdat dit swaar metale kan afskei wat deur die aartappels opgeneem kan word. Jou aartappels groei met saadaartappels wat ook by kwekerye beskikbaar is, of gebruik die aartappels in jou groenterak wat al begin uitloop het. Een aartappel kan verskeie uitlopers hê en jy kan die…

Wenke ✤ Die patroonsteek gebruik baie hekeldraad, maar die eindproduk is dit werd. ✤ Die patroonsteek kan vir baie ander projekte gebruik word, soos babakombersies met 'n sagte hekeldraad, kussingoortreksels, kniekomberse, waslappe vir skottelgoed of jouself en potstaanders, om maar 'n paar voorbeelde te noem. ✤ Afkortings ks – kettingsteek lb – langbeen RK – regte kant sdop – sit draad om pen VK – verkeerde kant vlb – vooromlangbeen: sdop, steek naald voor van regs na links rondom balkie van aangeduide steek in vorige ry en trek lus deur, (sdop en trek deur 2 lusse) 2 keer WAT HET JY NODIG? ✤ Elle Cotton On Seriously Chunky (100 g) 3 balle Natural, 2 balle elk Sage en Silver of 7 balle in die kleur van jou keuse vir effekleurige matjie ✤ 6 mm-hekelpen HEKELINLIGTING…

RAAIKETTING 1 LEIDRADE SKUINS NA ONDER Kewer Hewig raas en tier Gevangeneming Omvang Met riffels Volk Houtbottels Oningeligtes Dit wat oorbly SKUINS NA BO 1. Grassoort 10. Plek waar mense vakansie hou 11. Werklik 12. Rooms-Katolieke geestelike 13. Wat kwaad en gespanne lyk 14. Ovum 15. Hy neem deel aan 'n vendusie 16. Europese elande 17. Halfdosyn RAAIKETTING 2 LEIDRADE SKUINS NA ONDER Daal Raserny Skottel Pitlose lemoen Prikkelplant Voël met lang bene Sterk swemvoëls Dig begroei Kort vir stasie SKUINS NA BO 1. Teer 10. Mag dit so wees 11. Heilige boek van Islam 12. Insek 13. Mak gemaak 14. Gids 15. Maanhare 16. Glasplaat vir 'n venster 17. Man met wie vrou getroud is…

Dis weer daardie tyd van die jaar. Desember. Ook vir 'n verskeidenheid baie geldige redes, as die silly season bekend. Ná 'n spanningsvolle jaar van swoeg en sweet op die werkplein, klim mense graag uit hul boksies. By jaareindgesellighede word daar luidrugtig fees gevier en alles word uitgehaal en gewys. Om een of ander rede word daar meer reëls gebreek en grense oortree as die res van die jaar. Selfs ouer eenlopende vroue, soos ek, maak hul bollas los (party ook hul bra's – nie ek nie), skop hul crocs of spykerhakke uit en doen buitensporig waaghalsige dinge, soos om 'n karaokekroeg te besoek en hartlik vals saam te sing. Baie ouer eenlopende dames dans skaamteloos op tafels, met hul oë doer in die verte gerig, asof hulle visioene het…

D is net ná halftien een weeksaand toe Donnalee Roberts op 'n WhatsApp-video-oproep vir ons rooi rose-onderhoud inskakel. Sy is reeds in haar pajamas, 'n Looney Tunes-pajamabroek en Miffylangmouhemp. Haar gesig is skoon gewas ná 'n dag van ma- én aktrisewees. 'n Mens sou maklik die indruk kon hê dat glansryke bekendes nie gesig wys in die media met 'n haar uit plek nie, maar Donnalee se ma het haar van kleins af geleer om haar grimering voor slaaptyd af te was, en hierdie mamma van twee het nie tyd vir voorgee nie. Sy het dan netnou nog haar kroos in die bed gesit! Haar man, Ivan Botha, het pas ná 'n dag op die stel van die tweede seisoen van die kykNET-dramareeks Een keer om die son by die voordeur…

STILIS ZEENAT KHAN STILISASSISTENT ALEXANDRA BENJAMIN FOTOGRAAF GARETH NELSON FOTOGRAAF-ASSISTENT KYRA WELCH HARE EN GRIMERING SAVINA DE NOBREGA MODEL CATHERINE ROSE VAN REES/TOPCO MODELS VIND HIERDIE ARTIKELS BY: AYANA www.ayana.co.za CRYSTAL BIRCH www.therealcrystalbirch.com FOSCHINI www.bash.com>foschini FOREVER NEW www.forevernew.co.za/collections/new-in LOVISA www.lovisajewellery.co.za/collections/new-arrivals H&M www.superbalist.com/h&M MALADY'S www.miladys.com/clothing WOOLWORTHS www.woolworths.co.za ZARA www.zara/com/za/…

Ons almal weet Suid-Afrika worstel met vele probleme en een van die probleme wat vererger in plaas van verbeter, is geslagsgeweld. Die kans is goed dat jy, wat hierdie stuk lees, of iemand wat jy ken, al mishandel of misbruik is. Die statistieke is onrusbarend. Een uit elke drie Suid-Afrikaanse vroue is al fisiek mishandel volgens die Raad vir Geesteswetenskaplike Navorsing (RGN). In Suid-Afrika het ons goeie wetgewing wat ons beskerm. Die regering het selfs 'n nasionale strategie teen geslagsgeweld en verskeie organisasies en steungroepe werk aan die voorkoming en bekamping van geslagsgeweld. Tog word hordes gevalle daagliks aangemeld en dan is daar ook hordes wat nooit aangemeld word nie, dikwels uit vrees. Basetsana Koitsioe is die tussentydse uitvoerende direkteur van die organisasie Lawyers Against Abuse (LvA) in Johannesburg. LvA…

Boereworstortillas ✤ 8 porsies 800 g boerewors ½ blaarslaai, gewas en baie fyn gekerf 1 rooi-ui, in dun skyfies hand vol vars koljanderblare, fyngekap 410 g (1 blikkie) pitmielies, gedreineer 250 g (1 pakkie) babatamaties, gehalveer sout na smaak peper na smaak 2 avokado's, in blokkies genoeg suurlemoensap sout rooipeper 250 ml (1 houer) suurroom 500 ml (2 k) tamatiesmoor 8 tortillas Braai wors in braaipan met bietjie water tot gaar en effens verbruin buite om. Plaas blaarslaai, uie, koljander, pitmielies en tamaties saam in mengbak. Sprinkel sout en peper bo-oor. Plaas avokadoblokkies in bakkie en sprinkel genoeg suurlemoensap bo-oor. Sprinkel sout en knypie rooipeper booor. Verhit braaipan tot warm. Plaas 2 tortillas op slag in braaipan. Maak vir net 10 sekondes aan elke kant warm. Vou tortillas toe in skoon vadoek om dit louwarm te hou. Smeer bietjie suurroom in middel van tortilla.…

Dis nie maklik om van duisende kilometers weg jou droomhuis aan die Weskus van Suid-Afrika in te rig nie. Gelukkig het Cara en Jeff Jones van Texas in Amerika besluit om 'n kundige in te roep om dit moontlik te maak. Wilna de Klerk is 'n binnenshuise versierder en die eienaar van Raspro Interiors op Yzerfontein. Cara en Jeff het saam met haar dié projek oor 'n afstand ontwerp. Dit was vir hulle belangrik om 'n neutrale basis te skep, maar hulle wou ook graag Afrika-elemente inbring om karakter te skep. Jeff is 'n afgetrede vlugkaptein vir American Airlines en Cara is 'n afgetrede binnenshuise versierder. Hul dogter, Hannah, is 35 jaar oud. Sy het in 2016 haar hart op Suid-Afrika verloor en haar in Kaapstad gevestig. Die Jones-egpaar het…

As ons in die lewe gekom het met al die kennis en wysheid nodig om suksesvol en gelukkig te wees in alles wat ons is en doen, sou die lewe nie veel sin gehad het nie. Dit sou boonop rasend vervelig gewees het. Dink aan wat die Amerikaanse filosoof Ralph Waldo Emerson gesê het: “Life is a journey, not a destination.” Dit wat tussen-in gebeur, is belangriker as die finale bestemming. Deel hiervan is die lesse wat ons by sekere bestemmings op ons reis leer. Vyf vroue deel insiggewende lesse wat hulle op hul lewensreise van persoonlike groei en leer opgedoen het. Wendy Petersen, die uitvoerende hoof van die Suid-Afrikaanse Olyfbedryfvereniging Die belangrikste les wat ek tot dusver geleer het, is om nie toe te laat dat mense jou in…

Onrus op Steynshoop is oor 'n verloop van vier dekades die 15de roman uit jou pen. Hoe, waar en wanneer het jy begin skryf? Ek het al 'n dagboek begin hou toe ek 12 jaar oud was. Opstelle op skool was my beste. Maar ek het eers in matriek fiksie begin skryf. Jy't eers beeldende kuns en toe Afrikaans geswot. Jy het in albei op tersiêre vlak klas gegee. Vandag is jy bekend as skrywer en kunstenaar. Het jy 'n voorliefde vir die een of die ander? Kunsmaak en skryf is twee baie uiteenlopende aktiwiteite. Albei is vir my noodsaaklik, maar skryf is moeiliker, omdat 'n mens met woorde werk. Skilder is so bevrydend voorverbaal. Hoekom het jy aanvanklik onder die skuilnaam Lettie Viljoen geskryf? 'n Jeugsonde. Ek het gedink…

Deborah hou tog nie daarvan om in die openbaar te huil nie. Dis amper so erg soos om te huil waar niemand jou sien nie. Al daardie trane en niemand wat jou jammer kry nie, alles verniet. Dis hoekom sy vandag haar ekstragroot sonbril van die bedkassie af gegryp het toe sy by die huis weg is. “Jy lyk soos 'n vlieg onder 'n mikroskoop met daardie lelike ding op jou oë,” het JeanPierre haar voorheen al ingelig. “Waar kom jy aan die monstruositeit?” By 'n verkeerslig vir R50 gekoop, juis toe sy die dag agter 'n sonbril wou wegkruip en haar Ray-Bans by die huis vergeet het. Maar hy hoef dit nie te weet nie. Die sonbril is iewers vervaardig waar oogkundiges nie betrokke is nie. Sy kan skaars…

VEEARTS BEANTWOORD VRAE SPIEKERIES Hoe gereeld moet honde gebad en geborsel word? Bad verwyder vuilheid, oortollige olies, allergene en soms selfs parasiete van die pels en vel. Gereelde baddens kan help om reuke te verminder en sekere veltoestande te bestuur. Oormatige bad kan egter natuurlike olies verwyder, wat lei tot droogheid, irritasie of selfs verhoogde olieproduksie. Gereelde kam of borsel verwyder los hare, voorkom koeke, en versprei gesonde olies. Volg altyd jou veearts se advies as jou hond 'n mediese toestand het en moenie jong hondjies te gereeld bad nie. Gebruik ook altyd sjampoe wat vir honde ontwerp is, en onthou hul tande moet ook geborsel word. Hoe gereeld jy jou troeteldier bad, hang af van: ✤ Die ras en pels | Honde met olierige pelse (soos basset- of Newfoundland-honde)…