Innholdsfortegnelse for June 2025 i Rooi Rose

Daar is vir my ’n paar vereistes waaraan mense moet voldoen voor ek hulle merkwaardig noem. Ek bewonder mense wat 100% net hulself kan wees sonder om hulle te bekommer oor wat die wêreld van hulle dink. En ek bedoel nou nie onbesonne dinge aanvang sonder om te blik of te bloos nie, maar jou lewe te lei volgens dit wat jy wil en kan doen. Baie van ons is altyd bewus van wat die “mense” gaan dink of sê. Daardie denkwyse beperk jou. Jy is soveel vryer en die kans vir sukses is groter as jy net jou instinkte volg en die res van die wêreld se moontlike menings opsy skuif. Nog ’n merkwaardige eienskap vir my is deursettingsvermoë, as mense net nie tou opgooi nie. Selfs al word…

Wanneer jou jongste kind begin skoolgaan as jy al meer as 60 trippies om die son gehad het, kyk mense jou dalk skeef aan. Dit is seker die kind se oupa, fluister hulle. Nie in dié gewilde sanger, akteur en skrywer Steve Hofmeyr se geval nie. Hy bevind hom deesdae in dieselfde uitgelese geselskap as die rolprentsterre George Clooney en Robert de Niro wat op ’n gevorderde ouderdom weer fluks moes doeke omruil. Steve en sy vrou, Janine, se skattige laatlammetjie, Romy-Lee, is nou sewe jaar oud en sy verskil ’n hele 29 jaar van sy oudste dogter, Charissa. Jy sien Steve oral – van sy Facebookblad as aktivis tot en met optredes op verhoë wat oor die land heen vol sale trek. Wanneer hy die week se nuus op…

Dalk ’n Springbok-losskakel of ’n kolwer vir die Proteas, maar die kunste, erken André Velts, was glad nie op sy horison nie. “Ek het darem op skool in Knysna vir die eerste span rugby gespeel, maar ek was maer en klein. Kom ons sê maar net ek het beperkte talent getoon,” lag hy. Dit weerhou hom nie om te droom dat die tweejarige Simon dalk eendag die groen en goud kan dra nie. “Hy’s nes sy pa linkshandig so dis altyd voordelig op die rugbyveld. Maar wat hy ook al kies om te doen, ons sal hom ten volle ondersteun.” As regisseur van vyf rolprente, 36 TV-reekse sowel as telenovelles en sepies is dit baie duidelik waar die 45-jarige André Velts se talent en passie vandag lê. “Wanneer mense my…

1 | NUXE The Exceptional Day & Night Cream, R1 895 VIR 75 ML, WWW.ORLEANSCOSMETICS.CO.ZA Een produk wat dag en nag werk om jou vel te verbeter? NUXE het die uitdaging aangepak om twee produkte in een te kombineer en om ’n ultra-doeltreffende teenverouderingsproduk te skep. Met ander woorde, ’n room om gedurende die dag jou vel te beskerm, glad te maak, en helderheid te verbeter. Die aand is dan die ideale tyd vir herstel, vernuwing en om vog in stand te hou. Die formule bevat Alfa [3R]-tegnologie (wat alfalfaekstrak, hialuronsuur en geel daglelie kombineer), en niasinamied, wat saamwerk om die vel se selomset te bevorder, skade te genees, jou vel te verhelder en versterk, en vele meer. Dit is jou alles-in-een-oplossing tot ’n gelukkige vel, met ’n lieflike en…

Konflik tussen tieners en hul ouers is niks vreemds nie, en een van die kwessies wat vir plofbare tye kan sorg, is geld. Een opname toon dat 80% van tieners meen as hulle geld het, moet hulle dit kan spandeer net soos hulle wil sonder hul ouers se insae. In ’n opname wat deur LendingTree en Qualtrics in 2022 gedoen is, het een uit vier ouers gesê dat hulle gereeld met hul tieners oor geld stry. Geld kan duidelik ’n twispunt in verhoudings wees. Maar is dit so vir almal? En hoe hanteer ouers en hul kinders dié kwessie? Hildegard Havenga (16) sê hoewel die geldkraan ook in haar ouerhuis styf kan toedraai, het haar ouers nog nooit gesê “daar is nie geld nie”. Haar ma, Therêse, sê op haar…

Tokara se beste Tokara se Director’s Reserve word bestempel as ’n “meesterlike uitdrukking van Tokara se wingerde”, en waar cabernet sauvignon, petit verdot, merlot, cabernet franc en malbec ontmoet. Die wyn het lae van donkerkersies, kakao, gedroogde swartbessies en subtiele note van tabakblare en grafiet in die boeket met 'n mondgevoel van sappige swartkersies en ryp pruimskil. Tokara se Director's Reserve is inderdaad 'n spogwyn wat ook as een van 2024 se top-50-wyne ter wêreld aangewys is. Dis die ideale Vadersdaggeskenk of geskenk aan jouself! Dit kos R485 per bottel. Meer inligting by www.tokara.com Vier kos en wyn ❖ 6-16 Junie | Fynarts-fees, Hermanus, www.webtickets.co.za ❖ 27-29 Junie | Tulbagh Kersfees in Winter, Tulbagh, www.tickets.tixsa.co.za/event/christmas-in-winter ❖ 28 Junie | Pick n Pay se wyn-en-kos-fees, Chris Saunders-park, Umhlanga, www.webtickets.co.za Skink ’n…

(8 stafies - perfek vir kosvoorbereiding) Bestanddele: 80 g gladde neut- of saadbotter 125 ml (½ k) melk 240 g Macro Mixes-sjokoladeproteïenpap 100 g Macro Mixes- suikervrye donkersjokoladestukkies 5 ml (1 t) klapperolie (opsioneel) Metode 1. voer klein vierkantige of reghoekige bak met bakpapier uit. 2. Meng neut- of saadbotter en melk in groot bak tot glad. 3. Voeg Macro Mixes-sjokoladeproteïenpap by en meng tot dik deeg vorm. 4. Druk mengsel ferm in uitgevoerde bak. Maak bokant glad met slaplemmes of lepel. 5. Piaas in vrieskas tot hard. 6. Smelt Macro Mixes- suikervrye donkersjokoladestukkies met klapperolie (as gebruik) in mikrogolfoond of oor dubbele kookpot tot glad. 7. Sny proteïenstafies in agt stukke en doop en bedek dit met gesmelte donkersjokolade, en plaas op vel bakpapier. Jy kan ook minder sjokoiade…

BEKENDES EN BLOMME ONS VOORBLADSTER “Ek het eers twee jaar gelede, toe ek 40 geword het, ewe skielik spreekwoordelike ‘groen vingers’ gekweek!” vertel Marijke Coetser, ons voorbladster hierdie maand. “Werner hou daarvan om die gras te sny, en so een keer per maand het ons hulp om die tuin netjies te hou. Ek geniet dit om in die tuin te werk, en ek het gevind ná ’n lang en bedrywige dag, help dit my ontspan om met plantjies te werk. Dan plant ek plantjies oor, herrangskik die plantjies op die stoep en gooi hulle nat.” Wat die tuin self betref, hou Marijke van baie groen. “Dit moet ’n tropiese gevoel gee met groen orals waar ek kyk! Dit maak my kalm en gee my rustigheid as ek tussen my groen…

Jy het met Ekstra dun vir meer gevoel (1989) gedebuteer - dis kortverhale wat teen die agtergrond van Suid-Afrika in die jare tagtig afspeel. Hierna het verskeie romans in Afrikaans en Engels uit jou pen verskyn waarvan Ek wens, ek wens seker die bekendste is. Jou jongste roman Hemel en aarde en ons het verlede jaar verskyn. Hoe en waar het jy begin skryf? As laerskoolkind was die dorpsbiblioteek in Bellville vir my ’n towerpaleis, en ek het al op 12 begin om stories te probeer skryf soos dié wat ek lees. Dit het jare gevat voordat ek iets gepubliseer gekry het - ’n tydskrifverhaal toe ek 19 was - en toe nog tien jaar voor my eerste boek verskyn het. Wat was die vonk vir jou outobiografie Landuit -…

Sudoku 1, 2 & 3 van bl 118 SUDOKU 1 MAKLIK SUDOKU 2 MEDIUM SUDOKU 3 MOEILIK Raaikettings 1 & 2 van bl 120 RAAIKETTING 1 Skuins na onder: 1. Nok; 2. Aard; 3. Tsare; 4. Enige: 5. Snoet; 6. Kilo’s; 7. Steen; 8. Ergo; 9. Een. Skuins na bo: 1. Nat; 10. Oase: 11. Krans; 12. Drink; 13. Egoïs; 14. Eelte; 15. Toere; 16. Sege; 17. Non. RAAIKETTING 2 Skuins na onder: 1. Val; 2. Adem; 3. Tesis; 4. Lenig; 5. Ruwer; 6. Sweer; 7. Etter; 8. Soda; 9. Rem. Skuins na bo: 1. Vat; 10. Adel; 11. Leser; 12. Minus: 13. Siwwe; 14. Geëts; 15. Retor; 16. Rede; 17. Ram. Blokraai 1 & 2 van bl 114 & 115 BLOKRAAI 1 BLOKRAAI 2 Blokraaie 5 & 6 van…

“Ek hou van ’n man wat sy man kan staan; Ek hou van ’n arm wat ’n slag kan slaan; ’n oog wat nie wyk, wat ’n bars kan kyk; en ’n wil wat so vas soos ’n klipsteen staan.” Hierdie strofe uit Jan FE Cilliers se gedig “Trou” het voorin my standerdvyf-klaswerkboek gestaan. Wanneer ons Afrikaans-onderwyser mnr Nieuwoudt by die klas ingestap het, sou hy lukraak iemand kies om op te staan en die gedig hardop voor te dra. En teen daardie tyd moes ons dit reeds gememoriseer het. Onlangs ontvang ek ’n e-pos van die dogter van my destydse koshuismoeder, mev Lötter, met die hartseer nuus dat haar ma oorlede is. En heel onverwags bedank sy my vir my briefies van dank wat ek gereeld aan haar ouers…

Op die afdraaipad na waar die Steyns langs die Vaaldam bly, hou ek ’n oomblik stil. Skakel die enjin af, draai die ruite oop. Saligstil. In die verte lê ’n paar seiljagte op die spieëlgladde water. Hier kan ’n mens asemhaal. Vir Gerhard (49) en sv vrou, Zelri (34), ’n gewese mev Suid-Afrika-finalis, was dit een van die maklikste besluite om op die oewers van die Vaaldam nes te skop. Ver genoeg uit die stadsgewoel vir sielsvrede, maar naby genoeg as hulle moet ry vir werk. Vir hul twee dogters, Zaniq (5) en Zardi (9), is dit ’n paradys. Hulle is in ’n laerskool in Vereeniging, so 40 minute se ry van waar hulle bly. Maar die ryery pla nie. Die gesin se beker loop oor. Wat wil jy méér…

Die berge roep! Die Stonewood Mountain Cabin is ’n luukse tweeslaapkamerselfsorgeenheid wat in die Mount Bain- privaat natuurreservaat in Bainskloof geleë is. Dit is heeltemal onafhanklik van Eskom en het alles om jou winterwegbreek in die berge wonderlik te maak: ’n reusekaggel, bordspeletjies, hangmatte, boeke, ’n houtdek reg om die huis en hope stappaaie. Daar kan ses mense slaap teen R5 000 vir twee nagte www.stonewoodmountaincabin.com VIND HIERDIE ARTIKELS BY: AYANA www.ayana.co.za BIRKENSTOCK www.bashatrica.com/collections/womens-clogs COTTON ON www.cottonon.com FOREVER NEW www.forevernew.co.za/collections/new-in FOSCHINI www.bash.com/foschini LOVISA www.lovisajewellery.co.za LUXOTTICA www.essilorluxottica.com/en/ MR PRICE www.mrp.com QUEENSPARK www.queenspark.com SWAROVSKI www.swarovski.com/en_GB-ZA/ WOOLWORTHS www.woolworths.co.za ZARA www.zara/com/za/ STILIS ZEENAT KHAN STILISASSISTENTE JOHNE AUCAMP, MEGAN BAGULEY FOTO’S GARETH VAN NELSON/HABARIMEDIAIMAGES FOTOGRAAF-ASSISTENT LAUREN FREDERICKS HARE EN GRIMERING NICOLA LOOTS MODEL LINDI HINGSTON/BOSS MODELS…

Wenke om deur die dag volume in jou hare te behou HANNON BOTHMA Voorkomskenner en aanbieder van Glam Guru op kykNET 1 | Kies die regte sjampoe en opknapper: Gebruik formules wat geformuleer is om jou hare van die kopvel af weg te lig. Volumeprodukte moet altyd lig wees en nie so bevogtigend dat dit jou hare te sag maak nie. 2 | Blaas onderstebo droog: Gooi jou kop onderstebo terwyl jy droogblaas om natuurlike volume by die kopvel te skep. Gebruik jou vingers om die hare van die kopvel weg te lig terwyl jy droogblaas. 3 | Borselgrootte: Hoe groter ronde borsel jy gebruik, hoe minder volume gaan jy hê. Die groot borsel sal hare net gladder maak. Blaas hare heeltemal droog en gebruik ‘n kleinerige ronde borsel om…

'n Natuurlike benadering YouFemism is daaraan toegewyd om vroue te help om die wêreld van hormonale gesondheid te navigeer. Dit is ’n natuurlike alternatief vir hormoonvervangingsterapie (HVT), en bied ’n sagte dog kragtige oplossing vir die bestuur van hormonale wanbalanse. Vroue wat warm gloede, nagsweet, buierigheid, pynlike of onreëlmatige menstruasie ervaar, angs en selfs uitdagings wat met toestande soos endometriose geassosieer word, kan verligting daarmee vind. Hierdie room, wat met ’n noukeurig gekose mengsel van botaniese uittreksels en terapeutiese essensiële olies gemaak word, werk harmonieus saam met die liggaam om balans te herstel. R399, besoek www.youfemism.co.za vir meer inligting 'n Sterker pelviese vloer Pelviese gesondheid is noodsaaklik vir algehele welstand, maar dit is nie altyd ’n gegewe nie. Terapie om die pelviese vloer te versterk, is ’n kragtige, nie-indringende oplossing vir…

As ’n trotse Suid-Afrikaner voel dit amper asof ’n mens nie patrioties is wanneer buitelandse beleggings as deel van ’n finansiële portefeulje oorweeg word nie. Behalwe dié sentiment is konserwatiewe beleggers versigtig om geld oorsee te belê, aangesien dit veiliger voel om in ’n bekende omgewing soos jou eie land te belê. Benewens die persoonlike, emosionele sentimente is daar ook ander ekonomiese werklikhede en faktore om te oorweeg, soos inflasie en geldeenheidsterkte. Suid-Afrika se inflasiekoers is heelwat hoër as dié van ander ontwikkelde en ontwikkelende lande, wat onder meer tot gevolg het dat die rand as geldeenheid wisselvallig is. Die rand se waarde word verder direk deur ander geldeenhede se prestasie, plaaslike en internasionale politieke verwikkelinge, asook die stand van finansiële markte beïnvloed. As ’n mens om jou na alledaagse…

Rogan josh is ’n tradisionele gereg wat van die Kashmir-vallei in Indië afkomstig is. Dit word met rooivleis (gewoonlik skaap of bok) gemaak wat stadig kook in ’n tamatiesous met aromatiese kruie soos kaneel en kardemom Rogan josh met lamsvleis ❖ 4-6 porsies KERRIE 250 ml (1 k) koljander 1 rooi brandrissie, gekap 10 ml (2 t) komynsaad, gerooster en fyngedruk 10 ml (2 t) paprika 5 ml (1 t) gemaalde swartpeper 5 ml (1 t) borrie 30 ml (2 e) garam masala 5 ml (1 t) sout 30 ml (2 e) tamatiepasta 2 kaneelstokkies 3 kardemompeule 3 gedroogde lourierblare 4 naeltjies 1 ui, gekap 600 g lamsblokkies 2 knoffelhuisies, gekap 5 ml (1 t) gemmer, gekap 1%%% én 125 ml (4½ k) water 200 ml (¾ k) jogurt RAITA 250 ml (1 k) jogurt 125 ml (½ k) komkommer, fyngekap 15 ml (1 e) ui, gekap 5 ml (1 t)…

Rudolph Jordaan en Jacques OosthuizenJordaan woon in Rondebosch, Kaapstad, aan die voet van Tafelberg. Hulle het hul huis in Rondebosch verlede jaar gekoop en opgeknap. Rudolph is al 16 jaar ’n binnenshuise versierder en het die afgelope 13 jaar sy eie dekorpraktyk, House of Apax. Jacques neem al 13 jaar lank foto’s as stokperdjie, maar het dit twee jaar gelede as voltydse beroep begin beoefen. Hy is veral mal oor dekorfoto’s en met Rudolph se binnenshuise versiering, werk hulle gereeld saam. Hul huis is in die jare sestig gebou en die voorste helfte is simmetries gebou met kamers en badkamers. Wanneer jy by die voordeur instap, lei die reguit gang met boë jou na die oopplanwoonruimte wat op ’n ruim agtertuin uitloop. “Die oop gevoel skep ’n veilige en beskutte…

Ons leef in ’n wêreld van “overshare” waar mense hul privaat lewe, hul doen en late, prestasies, seges en selfs verborge geheime maklik op sosiale platforms deel en aan die groot ldok hang. “Overshare” word egter nie net tot sosiale platforms of smaakmakers beperk nie - selfs tydens intieme gesprekke gebeur dit dikwels dat mense sekere onderwerpe, geheime of sake met ander deel wat hul reputasie skade kan berokken, hulle in ’n swak lig kan stel en op die koop toe moontlik onnodige vooroordele kan ontlok. Dr Hannetjie van Zyl-Edeling, ’n voorligtingsielkundige van Johannesburg, sê om geheime uit te lap of oor sekere onderwerpe en sake te praat wat jy liefs nie met ander mense moet deel nie, is soos om van die boom van kennis van goed en kwaad…

AL VAN ’N HOODOLA GEHOOR? DIS ’N MUS EN SERP EN BALAKLAWA ALS IN EEN SKEPPING Afkortings r - regs rs - reksteek (elke ry regs) rVa - regs voor en agter in dieselfde steek 1x1-rif - r1, aw1 in díe rondte WAT HET JY NODIG? ❖ 3 balle African Expressions Inspire (lOOg elk) ❖ 10 mm-sirkelnaald (80 cm) ❖ 3 merkers BREI-INLIGTING ❖ Die breidraad wat gebruik is, is 100% merinowol en lieflik luuks en sag, maar die hoodola kan met enige ander breidraad gebrei word met ’n spanning van 10 ste oor 10 cm. ❖ Die patroon kan ook vir enige dikte breidraad aangepas word as jy volgens die aangeduide mates brei. Werk dit uit volgens die spanning en breinaalde vir die spesifïeke breidraad. VOORBEELD Vir DK-breidraad: 50 ste ÷ 10…

Leah kyk na die verligte skoolsaal. “Blink soos die kindergesiggies,” fluister sy die woorde uit haar kinderdae. Die Porsche se enjin luier geruisloos terwyl sy by die stopstraat wag om regs te draai. In die laatmiddagsonstrale tou die motorligte in die laning af tot voor die vaalwit gebou. Daar is reeds baie motors in die parkeerterrein. Hiluxdubbelkajuitbakkies en Toyota Fortuners blyk die gewildstes te wees. In haar handspieëlljie maak Leah seker haar lipstiffie is perfek, terwyl sy skuinsweg die gaste dophou. Sy herken niemand nie. Dit is tyd, sy haal diep asem, maak die motordeur oop en neem haar palmhandsakkie met Swarovski-kristalle en swaai haar slanke bene uit. Haar minirok kleef net genoeg om haar perfekte figuur te beklemtoon, maar nie te styf om soos “’n ou ooi in lamsklere”…

RAAIKETTING 1 LEIDRADE SKUINS NA ONDER 1. Vors 2. Karakter 3. Russiese keisers 4. Alle 5. Vark se bek 6. Kilogramme 7. Kopklip 8. Derhalwe 9. …, twee, drie SKUINS NA BO 1. Vogtig 10. Woestynfontein 11. Hoë, baie steil rotswand 12. Vloeistof inneem 13. Selfsugtige mens 14. Kallusse 15. Reise 16. Oorwinning 17. Kloostersuster RAAIKETTING 2 LEIDRADE SKUINS NA ONDER 1. Tuimel 2. Inasem 3. Verhandeling 4. Soepel 5. Growwer 6. Onder eed verklaar 7. Wondvog 8. Drink dit saam met whiskey 9. Briek SKUINS NA BO 1. Kuip 10. Die edeles as klas 11. Boekwurm 12. Aftrekkingsteken 13. Gebruik hulle om growwe en fyner stowwe te skei 14. Het met suur graveer 15. Redenaar 16. Dryfveer 17. Manlike skaap…

VEEARTS BEANTWOORD VRAE GEVEERDE VRIEND Ons bejaarde ma wil graag ’n voëltjie as troeteldier hê. Wat moet sy weet? Voëls kan goeie huismaats word, maar die geheim is om die regte tipe te kies. Onthou net: • 'n Beginnervoëieienaar moet besef dat sommige tipes ’n baie lang lewensverwagting het. • Dit is belangrik om een by 'n gerespekteerde handelaar of teler te koop. Die voël moet goed gesosialiseer wees. • 'n Gebalanseerde dieet is belangrik en voornemende eienaars moet navorsing oor die spesifieke dieet-behoeftes van die spesies doen. • Die tipe hok of blyplek is ook belangrik afhangende van watter voël gekies word. Daar moet veral ’n veilige oefengedeelte wees sodat die voël darem sy vlerke kan oopmaak en veilig kan rondbeweeg. Voëls kan ook maklik die prooi word van…

Vandat my en Marie se vriendskap herstel is, speel ons en Santie en Jovce weer soos van ouds elke Saterdag brug. Ek is steeds verleë dat ek konserwatiewe Marie van owerspel met my (gewese) Rus, Nikolai, verdink het. Owerspel is dalk ’n te sterk woord. Ek en Nikolai het nooil tot trou gekom nie en dankie tog, ook nooit by die full monty nie. Tyd en afstand was die grootste struikelblokke wat my bewaar het van boedel oorgee aan die uitlander, wat gedurig honger was. En ek praat nie non van my spesialisgereg wat beesstert is nie; ek praat van my eie sagte vleis. Ek, wat al “langer in die tand”-Lisa de Waal is, moet erken ek is heimlik trots dat die aantreklike Rus my om my hand gevra het.…

Vroeg op ’n Maandagoggend antwoord Marijke Coetser haar foon. Sy en haar man, Werner, is pas klaar geoefen en sit in hul motor buite die gim naby hul huis in Randburg. Hul twee kinders, Layla (6) en Juwan (14), is by die skool, en daar is ’n bietjie tyd voor hul besige dag gaan begin. Fiksheid en oefening is deel van hul lewe, soveel só dat Marijke selfs ’n fiksheidstoep ontwikkel het en programme vir ander (minder gemotiveerde) mammas skryf. Werner moes natuurlik vir sy rol in Getroud met rugby, waar hy sedert 2016 die rol van Blitz Vermeulen vertolk het, seker maak dat die spiere bly bult. Getroud met rugby het in 2022 klaargemaak, maar die Coetsers praat met breë glimlagte oor hul tyd by dié sepie. Marijke vertel:…

’N KOMPLEKSE TOESTAND Die verandering van velkleur kan vele oorsake hê, maar wanneer dit die pigment beïnvloed, kan dit oor die algemeen gesien word as ’n tipe pigmentasieversteuring. Daar is twee hoofklassifikasies van velpigmentasie: hiperpigmentasie, waar pigment “oorloop”, en hipopigmentasie, waar pigment verminder. Albinisme, melasma, ouderdomsvlekke, vitiligo, Addisonsiekte, en postinflammatoriese hiperpigmentasie is die algemeenste velpigmentasieversteurings. Tegnologie en wonderlike innovasie en vordering in die formulering van produkte en bestanddele maak dit egter nou moontlik dat ons hierdie toestande meer akkuraat kan identifiseer en behandel, maar eers moet ’n mens weet wat presies plaasvind en waarom dit voorkom. HERKEN DIE TEKENS Melasma VOORKOMS | Dit kan lyk soos bruin vlekke met ’n kantvoorkoms. Dit kan enige plek voorkom, maar word meestal op die gesig gesien, veral op die voorkop, wange, bolip en…

Ek sal nooit vergeet toe ek en my bestuurspan by CO Productions my heel eerste Masterclass in Bloemfontein beplan het nie. Dit was in 2021, kort nadat ons ná Covid weer optredes kon doen. Ons het geen idee gehad wat om te verwag nie. Ek het nog met sterre in my oë gesê dat dit wonderlik sal wees as ons minstens tien kaartjies kon verkoop. Tot my verbasing het ons 100 gaste gehad en vier jaar later, by dieselfde Monte Bello-venue in Bloemfontein, het ons my grootste uitverkoopte Masterclass nog beleef. Ek het met dieselfde opgewondenheid na al die mense voor my gekyk, en kon nie glo hoe gelukkig ek is om my droom te kan uitleef nie. My mooie model van die dag was Louwrinda van Niekerk. WENK Ek…

Sy lyk te jonk om die ma van ’n tiener en ’n tweedejaarstudent te wees. Ek ontmoet Izél du Plessis in haar lieflike kantoor met groot glasvensters wat uitkyk oor ’n gedeelte van Lynnwood, ’n boomryke woonbuurt in Pretoria. Haar kantoor is slim uitgelê; dis deel van haar huis, maar apart. Toe Izél tien jaar gelede in blinde vertroue haar pos by die gesiene maatskapy Deloitte bedank het, was dit juis omdat sy haar kinders en gesin eerste wou stel. Sy het ’n middeweg gevind om haar werk en haar gesin te kombineer. Sy straal as sy oor haar gesin gesels. Sy en haar man, Pieter du Plessis, is hierdie jaar al 32 jaar getroud. “Ek is gelukkig om ’n wonderlike lewensmaat te hê. Hy is my vennoot op die…

Mikrogoirsjokoladekoek niel eie sous + 4 porsies 200 ml (¾ k) bruismeel 125 ml (½ k) strooisuiker 30 ml (2 e) kakaopoeier 30 g botter, gekap 160 ml ( k) melk 3 ml (½ t) vanieljegeursel 57 g Bounty-sjokoladestafie, fyngekap 60 ml (¼ k) bruinsuiker 10 ml (2 t) kakaopoeier 250 ml (1 k) kookwater 30 g botter, fyngekap OPDIENING skeppie vanieljeroomys of vars room geklop 1. Sif meel, strooisuiker en kakaopoeier saam in bak. 2. Smelt botter in diep mikrogolfbak in mikrogolf op hoog vir 1 minuut. 3. Voeg gesifte meel, strooisuiker en kakaopoeier by botter. Voeg melk en vanieljegeursel by en klits tot glad. Roer gekapte sjokoladestafie in. 4. Meng bruinsuiker en ekstra kakaopoeier saam in beker en voeg by kookwater. Sit ekstra botter by en meng alles goed saam tot botter smelt. 5. Skink stroopmengsel versigtig en eweredig oor poedingmengsel. 6. Plaas…

Met die eerste intrapslag in The Chocolate Factory in Bedfordview, voel ek kompleet soos die karakter Charlie in die Britse skrywer Roald Dahl se boek Charlie and the Chocolate Factory. Hierdie reusewinkel is enige sjokoladeverslaafde se droom. Daar’s sjokolade te kus en te keur vir elke geleentheid, of dit nou vir Paasfees, Moedersdag, Valentynsdag of Kersfees is. En daar’s sjokolade vir elke smaak, of jy nou van karamel, melksjokolade, Amarula, neute, truffels, sjokoladelikeur, aarbei, of nougat met sjokoladeomhulsels hou. Die Chocolate Factory het verlede jaar geopen en het ’n moderne ateljee waar lesse vir alle ouderdomsgroepe aangebied word in hoe om sjokolade in verskillende vorms en geure te maak. Die aangrensende moderne koffiewinkel spog onder meer met ’n verskeidenheid sjokoladedrankies en sjokoladelekkernye op die spyskaart. Nie ver hiervandaan nie, is die…

Ons is vroegoggend uit die Kaap op pad. Die leersitplek van die nuwe Ford Ranger Platinum is gemaklik en my stomende cappuccino koel in die houer langs die deur af. Die musiek is strelend en die ruim kajuit amper ’n kokon. Ons raak opgewonde toe ons die wit duine, die see en die Weskus-fynbos langs die R27 gewaar. My eerste kennismaking met Yzerfontein se bekende 16 myl-strand was ’n paar jaar gelede met Blake Family Wines se bekendstelling van hul 16 Mile Beach-wyn. Die Swemgat-witversnit op my tong het die belofte gehou van lang staptogte, branders wat gulsig aan my tone lek en ’n briesie in my hare wat al die spinnerakke van stres en stad wegwaai. Dis ons eerste kuier op dié kusdorpie en te oordeel aan die hoeveelheid…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 BLOKRAAI 6 LEIDRADE DWARS 6. Koppie (4) 7. As prys gee (6) 8. Van die hand sit (7) 9. Kofia (3) 11. Listige plan (5) 13. Argentynse dans (5) 15. Behoeftig (3) 16. Bewervilt (7) 19. Tekens wat getalle voorstel (6) 20. Bemoeisiek (4) AF 1. Voordeel (4) 2. Deeltjie (7) 3. Keel (5) 4. Wakker maak (3) 5. Roer (6) 10. Werkplek (7) 12. Kleinerige dolfynsoort (6) 14. Geleenthede (5) 17. Siekerig (4) 18. Halfdosyn (3) LEIDRADE DWARS 1. Huur van grond (3) 3. Verstreke (2) 5. Wand (4) 8. Verspot (6) 9. Vlug van beweging 10. Wellustelinge (6) 11. 3-tyd dans (4) 12. Moelikheid (11) 14. Nok (4) 16. Spelers speel drie of vyf in tennis (6) 17. Wat verkies is (7) 18. Skamerig (3) AF 2. Vitamiengebrek (11) 4. Moeilikheid en geraas (5) 5. Pruttel (3) 6. Slegs (11) 7. Koop pille daar (6) 11. Draai (6) 13. Voorgeskrewe hoeveelheid pille (5) 15.…