Innholdsfortegnelse for March 2025 i Rooi Rose

As ek siek is en dokter toe moet gaan, is dit een van die tye wat ek Afrikaans wil praat, want om in Engels te moet stotter oor wat my nou eintlik makeer, gaan my sommer nóg sieker maak! Ek lees nou die dag iets raak wat aktrise Marion Holm vertel. Sy het in die apteek se ry gestaan om te hoor wat sy kan aansmeer op die plekke waar muggies haar bygekom het. Toe weet sy nie wat muggies in Engels is nie! Sy sê as sy oorsee met hierdie dilemma was, sou niemand haar kon help nie. In Suid-Afrika (en in die apteek) was daar darem iemand wat kon vertaal. Die Afrikaanse taal is seker dié belangrikste ding wat ek wil bewaar. Ek het in Afrikaans grootgeword, werk…

D it is bedrywig in Kurt en Dunay se huishouding in Pretoria. Die egpaar se kroos, die tienjarige Kyrah en die agtjarige Kade, is volstoom aan die gang en energiek. Buiten hul skoolwerk is daar ook buitemuurse aktiwiteite. Kyrah neem deesdae perdrylesse en Kade is weer ‘n uitblinker in die swembad. “Die twee word so vinnig groot,” sê ma Dunay. “Ek wil die goue oomblikke van hul kindwees bewaar – al is die huis soms deurmekaar en raserig. Dis baie stil wanneer hulle nie hier is nie!” Kurt stem heelhartig saam. “Dit is al daardie eerstes, wat kosbare oomblikke is en wat ek ook wil koester, soos Kyrah se eerste perdryles en haar prestasie toe sy as beste nuweling aangewys is en Kade se eerste welslae in die Kansaswemmarathon toe…

STILIS ZEENAT KHAN STILISASSISTENT ALEXANDRA BENJAMIN FOTO'S GARETH VAN NELSON/HABARIMEDIAIMAGES FOTOGRAAF-ASSISTENT LAUREN FREDERICKS HARE EN GRIMERING NOMBUSO NGCOBO MODEL ANA CUNYA/BOSS MODELS VIND HIERDIE ARTIKELS BY: DIESEL www.diesel.co.za FOREVER NEW www.forevernew.co.za/collections/new-in FOSCHINI www.bash.com/foschini G-STAR RAW www.g-star.com H&M www.HM.com H&M Studio www.superbalist.com/brands/hm/women LEVI'S www.levi.co.za LOVISA www.lovisajewellery.co.za LUXOTTICA www.essilorluxottica.com/en/ POETRY www.poetrystores.co.za/z/new WOOLWORTHS www.woolworths.co.za ZARA www.zara/com/za/…

Sothys Limited Edition Basil & Strawberry Collection, WWW.ORLEANSCOSMETICS.CO.ZA ‘n Sensoriese reeks wat heerlik ruik én ‘n wonderlike bederf vir jou vel is. 1 | Complexion Beautifier R595 Hierdie verhelderende bevogtiger bevat ‘n ligte tint om jou vel se egaligheid te bevorder en ‘n mooi glans onder (of sonder) jou grimering te gee. 2 | Radiance Cleansing Foam R525 ‘n Ligte skuimreiniger wat van alfahidroksisure gebruik maak om jou vel te reinig en glad te hou. Akwa-aarbei-aftreksel help om die vel te balanseer, en basiliekruid-aftreksel tree as ‘n antioksidant op wat jou vel verhelder. 3 | Nourishing Body Elixir R675 Hierdie aromatiese olie kan oor jou hele lyf gebruik word, help om jou vel soepel en sag te hou, en los ‘n wonderlike vars reuk op jou vel. 4 | Bvlgari…

Beleggings kan in ‘n belegger se persoonlike naam óf dié van ‘n trust gekoop word. Dis belangrik om langtermyndoelwitte, belastingimplikasies, bykomende kostes en die beplanning van ‘n finansiële portefeulje in ag te neem. Persoonlike naam Jy kan beleggings in jou eie naam koop, en dit kan help om latere aankope te finansier. Wanneer daar byvoorbeeld ‘n residensiële eiendom gekoop word, is daar moontlike kapitaalwinsbelastingvoordele tydens die toekomstige verkoop daarvan. Verdere voordele van beleggings in jou persoonlike naam is dat jy totale beheer oor beleggingsbesluite het en daar is minder administrasie- en ander kostes. Die nadele van beleggings in jou naam is dat bates nie met byvoorbeeld likwidasie beskerm word nie. Dit vorm dus deel van jou boedel, met verdere belasting betaalbaar soos wat dit met afsterwe verdeel word. Boedelbelasting is…

Schané Fouché (32) is beslis nie iemand wat sommer oor koeitjies en kalfies gaan gesels nie - daarvoor is hierdie go-getter heeltemal te gefokus. Schané is die afgelope vier jaar die hoofbedryfsbeampte vir Mej Suid-Afrika waar sy haar drome en passie uitleef om ‘n verskil in ander se lewe te maak. Sy het al aan albei kante van die kompetisie gestaan en weet wat dit neem om aan die stuur van sake te wees, maar ook wat dit van jou neem om ‘n deelnemer te wees. Sy was self in 2016 ‘n mededinger vir die gesogte titel en het ‘n plek onder die topagtfinaliste behaal. “Dis waar my liefde vir die handelsnaam begin groei het. Daar tussen die ander deelnemers het ek dinge fyn dopgehou en was ek verwonderd oor…

Sy is met Miller-sindroom gebore, ‘n seldsame geenmutasie wat onderontwikkelde wangbene, ‘n kleiner onderkaak, ‘n verkorte, sagte verhemelte en dikwels ‘n gesplete verhemelte insluit. Hoewel haar lewe met dié toestand vele uitdagings bied, het sy nog nooit toegelaat dat die opdraandes haar onderkry nie. Haar lewe is veel eerder ‘n bewys van vasberadenheid en veerkragtigheid. Hanri is iemand wat beslis weet wat dit is om vanaf ‘n baie jong ouderdom daagliks uitdagings te trotseer. Min dinge het maklik vir haar gekom en sy glo vandag die rede vir haar gogetter-ingesteldheid is haar ouers, Mari Kruger (60) en Johan Kriel (60), wat haar van kleins af aangemoedig het om selfstandig te wees – om oplossings te soek wanneer dinge moeilik raak, en om te glo in wie sy is. Hanri, ‘n…

Baie geluk met Vuurvoël wat verlede jaar die gesogte kykNET-Rapport Herman Binge-filmprys gewen het. Hoe en waar het jy begin skryf? Van kleintyd af is my kop vol stories en gedigte. Ek het my eerste gediggie op agtjarige ouderdom geskryf. Smiddae ná skool het ek tussen my pa se groentebeddings geloop en stories vertel. Wat was die vonk agter Vuurvoël? Ek was besig om Irma Venter te lees en ‘n TV-reeks te kyk wat in die finansiële wêreld afspeel. In daardie stadium het ek aan ‘n digbundel gewerk, maar het van karakters in my kop bewus geword. Ek het na die rekenaar toe gegaan en dít wat in my kop gemaal het, begin neerskryf. Het jy geweet jou eerste boek gaan ‘n spanningsroman wees? Wat van dié genre boei jou?…

RAAIKETTING 1 LEIDRADE SKUINS NA ONDER 1. Buustelyfie 2. Karakter 3. Leërkampe 4. In die aande 5. Voorkant van die onderbeen 6. Kwaad word 7. Verhandeling 8. Smal strate 9. Met suur graveer SKUINS NA BO 1. Ronde speelding 10. Lawaai 11. Gebiede 12. Fabelagtige monsters 13. Onsin 14. Oorwinnings 15. Broeiplekke 16. Moerasgras 17. Halfdosyn RAAIKETTING 2 LEIDRADE SKUINS NA ONDER 1. Aanhê (klere) 2. Op ‘n keer 3. Insout 4. Land in Suid-Asië 5. Kerkgebruike 6. Versierde houers 7. Siklope 8. Pasgemaak 9. Stasie (afk) SKUINS NA BO 1. Met watte afvee 10. Water van bo 11. Vaslê 12. Strooisage 13. Rottangs 14. Valsheid 15. Skedelholte 16. Peper se maat 17. Griekse letter…

Ek was nog ‘n klein tjokker toe my oupa Gert gesterf het. Hy was my ma se pa en die enigste oupa wat ek geken het. Hy was ook my enigste pa-figuur, so nes my ma het ek en my broer hom ook Pa genoem. Daar is min dinge wat ek van hom kan onthou: Die belangrikste is die geborgenheid van sy teenwoordigheid en sy sin vir stiptelikheid. Ek onthou ook hoe hy my een middag op sy rug na die dokters se spreekkamer ge-abba het nadat ‘n staalbed my hakskeen oopgekloof het en hoe hy soggens al vieruur moes opstaan om sy dag se werk te begin. Een van sy gewoontes wat by my ingeprent is, is hoe hy gewoonlik tien minute voor ‘n afspraak alreeds opdaag en gereed…

Jan Scannell – beter bekend as Jan Braai – se Jan Braai vir erfenis het pas sy 14de seisoen op kykNET se kanaal 144 agter die rug. Die verfilming vir die 15de seisoen is onderweg en die eerste Saterdag in Julie weer terug op die lug. “Die 15de seisoen speel in Namibië af – die pragtige buurland van Suid-Afrika. In tipiese Jan Braai vir erfenis-styl is dit vol avontuur met plaaslike inwoners en tradisies en die heel beste kos en resepte op die vuur,” vertel Jan. Hy het nege braaiboeke op sy kerfstok, waarvan die jongste, Atmosfire!/Atmosvuur in Augustus verlede jaar verskyn het. Sy boeke dek van braaibroodjies tot burgers; braaiwenke vir kinders tot vegetariese braai-idees en Shisanyama. Hy erken om ‘n boek te skryf is harde werk, “want ek…

‘N BLIK OP GESKIEDENIS Sedert die vroegste tye is daar met haarkleur geëksperimenteer, maar dis eers aan die begin van die 20ste eeu wat hedendaagse haarkleur ontstaan het. In 1907 het Eugène Schueller die eerste sintetiese kleurstof vir kommersiële doeleindes geskep. Hy het dit Aureole genoem. Dit sou later L'Oréal genoem word, asook die maatskappy wat hy gestig het. Hierna het ligstrepies (highlights) vinnig gewild begin raak, asook die neiging na platinumblond danksy Jean Harlow; balayage in die jare sewentig; pienk en blou skakerings rondom 2014 en tuishaarkleur tydens die pandemie in 2020. Deesdae se produkte is veilig, werk sagkens op hare en hou natuurlik langer as die dae van henna en borrie. Kleur in die salon of tuis kan jou voorkoms in ‘n oogwink verander – of jy nou…

JOU MATRIEKAFSKEID IS ‘N GROOT GELEENTHEID WAT NET EEN KEER IN ‘N LEEFTYD GEBEUR. rooi rose gee saam met modeontwerper Diaan Daniels aan een gelukkige meisie die geleentheid om met haar droomuitrusting ter waarde van R20 000 weg te stap. Gaan na www.rooirose.co.za en klik op die “wen”-skakel. Volg die maklike instruksies en siedaar! Wat moet jy doen? Ontwerp jou eie matriekafskeidrok en laai ‘n skets van jou droomuitrusting en jou gekose kleur op ons webwerf. Jy kan op die skets verdere inligting verskaf sou jy wou. Hoe meer inligting ons het, hoe beter kan ons jou ontwerp verstaan. Let wel, dit moet ‘n skets wees en nie ‘n foto of prentjie nie. Laai ook ‘n vollengte-foto van jouself op waar jy die Maart-uitgawe van rooi rose vashou as bewys van…

Slaap beter ‘n Nuwe studie deur die European Society of Cardiology met meer as 90 000 individue het getoon dat diegene wat slaap oor naweke inhaal, ‘n 20% laer risiko gehad het om hartsiektes te ontwikkel. Die navorsing het ook getoon dat diegene wat genoeg in die week slaap, reeds ‘n voordeel het, en dat kompenserende slaap (soos laatslaap oor die naweek of ekstra middagslapies) tot algehele voordele kan bydra. Dit is belangrik om genoeg slaap in te kry, maar dis ook belangrik om te verseker dat die slaapgehalte voldoende is. Be Bright se nuwe Goodnite-kapsules is met natuurlike aktiewe bestanddele soos l-theanine, ashwagandha, magnesium, valeriaanwortelekstrak en kalsium geformuleer wat diep, herstellende slaap aanmoedig en jou help om verfris wakker te word. Be Bright Goodnite Capsules R295, www.bebright.co.za Goed vir…

Pastashakshuka 3 porsies 45 ml (3 e) olyfolie en ekstra 2 wortels, geskil en fyngesny 1 ui, fyngekap 2 knoffelhuisies, fyngemaak 15 ml (1 e) fynkomyn 3 ml (½ t) paprika 3 ml (½ t) cayennepeper 400 g-blikkie tamaties, gekap 10 g tamatiepasta 5 ml (1 t) suiker 250 ml (1 k) ditalini (of macaroni) 250 ml (1 k) groente-aftreksel 3 eiers 1. Verhit olie in groot pan oor matige hitte. Voeg wortels, uie en bietjie sout by. Braai vir 10-12 minute of tot sag. 2. Voeg knoffel, komyn, paprika, cayennepeper en bietjie sout en peper by. Braai vir 2 minute. 3. Voeg gekapte tamaties, tamatiepasta en suiker by. Verlaag hitte en roer pasta en aftreksel by. Bedek en laat vir 8 minute prut tot pasta net-net gaar is. 4. Druk 3 gaatjies in mengsel en kraak eier in elkeen oop. Bedek…

Herman en Wilna de Klerk en hul twee dogters woon in ‘n huis by die see saam met drie katte en twee Bostonterriërs. Die twee dogters wat op Stellenbosch swot, is Nina (21), wat met haar derde jaar in interieurontwerp besig is, en Mila (19), wat haar tweede jaar in LLB doen. Die lekker woonhuis is “in die langste straat op Yzerfontein waar ‘n groot erf my aandag getrek het, en in ‘n oomblik van impulsiwiteit het ek dit gekoop en my man telefonies daaroor ingelig,” vertel Wilna. Die koop is in 2018 deur en die huis is in 2019 klaar gebou. Toe die pandemie tref, was hulle reeds in hul huis met drie slaapkamers, ‘n kantoor en aparte woonstel ingeburger. “Ons geniet die ruimte. Die erf is 1 400…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 LEIDRADE DWARS 5. Prikkelplante (11) 7. Asyn (4) 8. Gedagte (5) 10. X-straalportret (11) 12. Present gee (5) 14. In veiligheid bring (4) 16. Sierstruik van die heidefamilie (11) AF 1. Hikkend huil (4) 2. Skryfstof (3) 3. Somber (6) 4. Plak dit op seerplek (8) 6. Draadloos (5) 9. Opborrel (3) 11. Hoë manstem (6) 13. Geboë (4) 14. Briewebesteller (4) 15. Skryf daarmee (3) BLOKRAAI 6 LEIDRADE DWARS 1. Besoldiging (10) 6. Rondkrap (5) 7. Houtbottels (5) 9. Musiekskrif (4) 10. Teenoor (6) 12. Dreunende weergeluid (6) 14. ‘n Sportspan afrig (4) 17. Hard getrek (5) 18. Trek dit oor ‘n bed (5) 19. Dominees (10) AF 2. Manier (5) 3. Vrolikheid (4) 4. Silwerkleurige, smeebare metaal (6) 5. Voorstelle (5) 6. Barmhartig (7) 8. 42 (7) 11. Uiteengegaan (6) 13. Standaarde (5) 15. Slaanding in tennis (5) 16. Uitroep van verbasing (4)…

VEEARTS BEANTWOORD VRAE OORINFEKSIE As ‘n hond sy kop skud, kan dit ‘n oorinfeksie wees? En hoe word dit behandel? ‘n Oorinfeksie is ‘n baie pynlike toestand. Baie honde sal hul kop skud of ore krap om die ongemak te verlig. Partykeer sal die buite-oor (pinna) rooi wees en warm voel met ‘n geel of swart uitskeiding. In chroniese gevalle kan die oorkanale as gevolg van chroniese inflammasie toeswel. Jou veearts gaan twee dinge doen om ‘n oorinfeksie te behandel. Eerstens gaan hy of sy in jou hond se ore kyk om die oorkanale en oordrom te evalueer en om te kyk of daar enige massas of poliepe in die ore is. Daarna gaan die veearts ‘n smeer van die oorinhoud vat en onder die mikroskoop evalueer. Afhangende van wat…

Die klein konferensiekamer in Pretoria waar Margaret Gardiner my ontmoet, is doodgewoon. Eintlik vaal. Maar in ‘n elegante, lospassende swart broekpak, haar hare los om haar skouers en haar grimering treffend ná ‘n dag vol fotosessies, vul Margaret die ruimte met ‘n ander wêreldsheid. Op 64 het sy steeds die tipe skoonheid, en intense teen-woordigheid, wat gewone sterflinge oorrompel. En tog is sy terselfdertyd toeganklik en pretensieloos. Margaret het Suid-Afrika in Augustus verlede jaar besoek om die kroningsaand van Mej. Suid-Afrika by te woon en om voorbrand vir die bekendstelling van haar eerste roman, Damaged Beauty: Joey Superstar, te doen. Die boek word in Maart deur Amazon in Suid-Afrika bekendgestel en sy is tasbaar opgewonde om Joey, ‘n super-model, se storie te deel. Margaret se eerste roman is ‘n uitvloeisel…

Anél Botha se storie – sy noem dit ‘n rags to riches-storie – begin in 1986 op haar geboortedorp Mafikeng (vandag deel van die Noordwes-provinsie. Soos die fyn steke van borduurwerk op satyn is haar lewe van kleins af met naald, gare en patrone vervleg. Sy kan nie help om sentimenteel te raak as sy oor dié deel van haar lewe praat nie. Dis immers waar die saadjie van Anél Botha Couture geplant is – al het niemand dit tóé al geweet nie. Anél (39) gesels met ons vanuit haar ateljee in Johannesburg. Sy en haar man, Graham Calver (42), en hul sewejarige seun, Adam, bly deesdae in dié geweste. Sy vat skaars grond ná ‘n warrelwind van ‘n week waartydens sy vir besigheid in China was. Tydens ons onderhoud…

Ek is een van daardie mense wat deur ander mense se stories geïnspireer word. Elke keer wanneer ek ‘n fotosessie doen, is ek mal daaroor om uit te vind wie die persoon werklik is. Voordat die fotosessie begin, bring ek immers ‘n uur saam met jou deur wanneer ek jou hare en grimering doen. Vroue deel in daardie uur hul mooiste verhale, en soms ook baie hartseer gebeure. Dis vir my belangrik, want dit voel dan of ek my model soveel beter verstaan as ons begin foto's neem. Elkeen van ons het ‘n storie wat ons gevorm het. Met my Masterclasses kry ek die geleentheid om duisende vroue te ontmoet, en ek het onlangs die lekkerste Masterclass by Rijke Craft-distilleerdery in Jongensfontein gehou. My mooie model vir die dag was…

Wenke vir vinniger en langer haargroei HANNON BOTHMA Voorkomskenner en aanbieder van Glam Guru op kykNET HANDHAAF ‘N GESONDE DIEET Volg ‘n gebalanseerde dieet wat ryk is aan vitamiene, minerale en proteïene. Dit sluit voedsel soos eiers, vis, neute, vrugte en groente in om jou liggaam van die nodige voedingstowwe te voorsien. MASSEER VIR GESONDE GROEI Masseer jou kopvel gereeld vir so drie minute op ‘n slag om bloedvloei te stimuleer en haargroei te bevorder. Gebruik jou vingerpunte om sagte, sirkelvormige masseerbewegings uit te voer. SNY JOU HAARPUNTE GEREELD Hoewel dit teenstrydig mag klink, help gereelde sny om gesplete punte en hare wat breek te voorkom, sodat jou hare langer en gesonder kan groei. BESKERM JOU HARE Beperk hittestilering, chemiese behandelings en hare wat styf in ‘n poniestert vasgemaak is.…

Suikervrye sjokoladeballetjies met amandels 20 porsies 100 g suikervrye donkersjokolade, fyngekap 140 g 100% amandelsmeer (geen suiker bygevoeg nie) 100 g suikervrye donkersjokolade, fyngekap 15 ml (1 e) amandelvlokkies, gekap en gerooster 1. Plaas sjokolade in glasbak oor middelslagpot wat oor pruttende water (moenie laat water onderkant van bak raak nie) staan. Roer tot gesmelt en glad. Verwyder bak van hitte. 2. Meng amandelsmeer in sjokolade tot glad en goed gemeng. Versprei mengsel op bakplaat wat met bakpapier uitgevoer is. Plaas dit vir 15 minute of tot ferm in yskas. 3. Skep lepels vol van mengsel op ander bakplaat wat met bakpapier uitgevoer is. Hou vir 10 minute in yskas. Rol in balletjies, plaas vir nog 20 minute in yskas of tot ferm. 4. Smelt ekstra sjokolade tot glad. Doop balletjies een vir…

Die magiese ligging en wonder van Tintswalo Atlantic-boetiekhotel aan die voet van Chapmanspiek-rylaan in Houtbaai, is nie verniet bekend as Kaapstad se geheime juweel nie. Dit het in die 37ste Readers’ Choice Awards van Condé Nast Traveller ‘n 12de plek in die kategorie tophotelle in Suid-Afrika ontvang. Die hotel, wat bekend vir sy unieke ligging is, word só deur Condé Nast Traveller beskryf: “Met panoramiese uitsigte oor die Atlantiese Oseaan, het hierdie boetiekhotel ‘n gunsteling geword vir gaste wat na ‘n onvergeetlike kustoevlugsoord op soek is.” Dié benoeming bly een van die reisbedryf se gesogste toekennings, wat uitnemendheid in gasvryheid, oorde, hotelle, vaarte en meer vier. Die afdraai is ‘n katspoegie voor die tolhek en ek wonder hoeveel mense al verbygery het juis omdat dit so goed met die klipperige…

WAT HET JY NODIG? 1 bal ELLE Aran (300 g) in Storm of kleur van jou keuse 5,5 mm-sirkelnaald (80 cm) vir snood 3,5 mm-dubbelpuntnaalde vir koord 4,5 mm-sirkelnaald (60 cm) vir mus 2 penknope (toggles) indien verkies Merkers SNOOD Met 5,5 mm-sirkelnaald, stel 101 ste op. Maak seker dat steke nie gedraai is op naald nie, glip eerste steek op regterkantste naald en trek laaste steek op regterkantste naald oor eerste steek (100 ste). Plaas merker aan begin van rondte en skuif dit elke paar rondtes aan om begin van die rondte aan te dui. Gaan voort in ks, werk 7 rdtes. Vlg ry | aw. Werk 3 rdtes in ks. Vlg rdte | r40, heg 2 ste af, r16, heg 2 ste af, r40. Vlg rdte | r40,…

Sudoku 1, 2 & 3 van bl 118 SUDOKU 1 MAKLIK SUDOKU 2 MEDIUM SUDOKU 3 MOEILIK Raaikettings 1 & 2 van bl 120 RAAIKETTING 1 Skuins na onder: 1. Bra; 2. Aard; 3. Laers; 4. Saans; 5. Skeen; 6. Erger; 7. Tesis; 8. Steë; 9. Ets. Skuins na bo: 1. Bal; 10. Raas; 11. Areas; 12. Drake; 13. Snert; 14. Seges; 15. Neste; 16. Riet; 17. Ses. RAAIKETTING 2 Skuins na onder: 1. Dra; 2. Eens; 3. Pekel; 4. Nepal; 5. Rites; 6. Etuis; 7. Eenoë; 8. Nuut; 9. Sta. Skuins na bo: 1. Dep; 10. Reën; 11. Anker; 12. Sepie; 13. Latte; 14. Leuen; 15. Sinus; 16. Sout; 17. Eta. Blokraai 1 & 2 van bl 114 & 115 BLOKRAAI 1 BLOKRAAI 2 Blokraaie 5 & 6 van…

Ek is ontevrede, want ek is onkant betrap. Net toe ek begin glo ek is uiteindelik genees van my twee 2024-verslawings, naamlik die soeke na Mister (ouer) Right en die drink van ‘n oormaat Cap Classique-bubbly, kom die twee katte weer gelyktydig terug om my te verlei. Ek was ene Moeder Lisa Teresa besig om in my sitkamer mentkruietee te drink en sopresepte vir my sopkombuisprojek vir haweloses te bestudeer, terwyl my drie besties, Marie, Joyce en Santie, my arm probeer draai het om hul Valentynsfeestafel met afrodisiacum, bubbly en enkellopende ouer mans by te woon. My arm was onbuigbaar soos die superheld, Man van Staal, se voorarm. My antwoord was nee. Punt. My finale antwoord soos op Wie word ‘n miljoenêr. Antwoord: A. Klaar met mans. B. Klaar met…