Innholdsfortegnelse for January 2025 i Rooi Rose

Dis die maklikste uitweg om net op te gee wanneer jy moeg geprobeer is, en dinge net nie wil uitwerk nie. Hoeveel keer het ons almal nie al so gevoel nie? Tot hier toe en nie verder nie – ek kan nie meer tyd en energie hierop of daarop bestee nie, dit gaan tog in elk geval nie werk nie. As jy op moed-verloor se vlakte is, sien jy alles behalwe sukses raak. Maar as 'n mens volhard, kan 'n probleem soms in 'n suksesverhaal eindig. Twee van my gunsteling-voorbeelde van volharding is die stories van die skrywer JK Rowling (Harry Potter-reeks) en die glanssjef Jamie Oliver. JK Rowling het aan die Harry Potter-reeks begin skryf in 'n tyd wat haar ma baie siek was, en sy ook nie finansieel…

Suster Naomi Koster moes al verskeie groot uitdagings oorkom: Die verwydering van ’n gesonde eierstok; die verbale en fisieke mishandeling van ’n ekskêrel; ’n verlowing wat skeefgeloop het; en ’n vergiftiging wat ’n hartoorplanting genoodsaak het. Maar haar ridder op ’n wit perd, Louis Koster (gespeel deur Germandt Geldenhuys), het dinge sagter kom maak - al wend hy hom tot die swartmark vir organe om sy vrou se lewe te red. Lesers het vir Je-ani ook al in ander TV- en fliekrolle gesien waaronder Posbus 1 en Parlement, Parlement. Sy het gasrolle in Pad na jou hart, Villa Rosa en Getroud met rugby 6 vertolk. Op die verhoog is sy nie net as aktrise aktief nie, maar ook as vervaardiger en teksskrywer, en sy maak haar buiging in onder meer…

STILIS ZEENAT KHAN STILISASSISTENT ALEXANDRA BENJAMIN FOTO’S GARETH VAN NELSON/HABARIMEDIAIMAGES FOTOGRAAF-ASSISTENT LAUREN FREDERICKS HARE EN GRIMERING NICOLA LOOTS MODEL ANITA OLCKERS/BOSS MODEL MANAGEMENT VINO HIERDIE ARTIKELS BY: EDGARS www.edgars.co.za/collections/new-collection FOREVER NEW www.forevernew.co.za/collections/new-in FOSCHINI www.bash.com/foschini H&M www.HM.com LOVISA www.lovisajewellery.co.za LUXOTTICA www.essilorluxottica.com/en/ NICCI www.nicci.co.za POETRY www.poetrystores.co.za/z/new THE FIX www.bash.com/the-fix/ladies YDE www.yde.co.za/home ZARA www.zara/com/za/…

✤ Droë veltipes sal meeste baat vind by chemiese formules wat daagliks gebruik kan word - dit help om die dooie selle te verwyder sonder om die vel verder uit te droog. ✤ Aknee-veltipes moet fisieke formules vermy om mikroskeurtjies en letsels te voorkom. Chemiese afskilferaars werk dieper in die vel, en kan dus help om olieproduksie te reguleer en bestaande letsels te genees. ✤ Ouer velle sal by al twee tipes formules baat vind. Dit geld ook vir kombinasie veltipes, omdat die vel neig om meer gebalanseerd te wees ten opsigte van olieproduksie. ✤ Olierige veltipes vind ook tot 'n mate by albei baat, maar sal die meeste voordele uit chemiese formules put omdat dit die olieproduksie sal reguleer en dooie velle maklik verwyder. ✤ Sensitiewe velle moet baie…

Vyf velsorgwenke vir reisigers HANNON BOTHMA Voorkomskenner en aanbieder van Glam Guru op kykNET Pak reisgrootte produkte in: Belê in reisgrootte weergawes van jou velsorgprodukte om te verseker dat jy jou velsorgroetine onderweg kan handhaaf sonder om die vloeistofgrense vir lugreis te oorskry. Jy kan dit selfs in kleiner botteltjies uitgooi of sommer produkmonsters inpak. Bevog binne en buite: Lugreis en klimaatsveranderinge kan jou vel uitdroog. Drink gedurende jou reis baie water om van binne af gehidreerd te bly. Gebruik ’n goeie vogroom om jou vogvlakke gedurende ’n lang vlug aan te vul. Beskerm jou vel teen UV-strale: Selfs as jy die meeste van jou tyd binne deurbring terwyl jy reis, kan UV-strale steeds vensters binnedring en jou vel beskadig. Smeer ’n breëspektrumsonbeskermingsmiddel aan voor jy buitentoe gaan. Smeer dit…

“As dosent het ek dikwels vir my studente gesê as ek die oorsake of ’n kuur vir tinnitus kon vind, ek 'n ryk, beroemde oudioloog sou wees," skerts Peta. Daar is soveel moontlike oorsake. Hoewel party mense reken tinnitus is nie aan ’n spesifieke oorsaak gekoppel nie, word die volgende as moontlikhede beskou: ✤ Allergiese reaksies, byvoorbeeld ’n onverdraagsaamheid teenoor gluten en mononatriumglutamaat (MSG). Ander probleemvoedsels wat geïdentifiseer is, sluit rooiwyn en graangegronde alkoholiese drank soos bier in. ✤ Sommige mense beweer dat voedsel ryk aan salisilate (salicylates), soos die kunsmatige versoeter aspartaam, aan tinnitus gekoppel word. Dié uitkyk is omstrede. ✤ Blootstelling aan harde klank of geraas. ✤ Vergroeisels of gewasse. ✤ Kop- en/of nekbeserings. ✤ Oorinfeksies. ✤ Was wat in die oorkanaal opbou. ✤ TMJ of temperomandibulêre gewrigsindroom,…

Tussen sweet, kieme en vuil toestelle is die gimnasium eintlik vuiler as wat ’n mens dink. Jy kan ook nie altyd 100% seker wees van hoe doeltreffend hul ontsmettingsmiddels en seep is nie. Jy moet dus liewer iets van jou kant af doen. Noodees is ’n handelsmerk wat nie net higiëne ernstig opneem nie, maar ook die omgewing soveel moontlik in gedagte hou. Dit maak gebruik van plantgegronde bestanddele en verpakking wat oplosbaar en bioafbreekbaar is, en dus die impak van enkelgebruikplastiekprodukte heelwat verminder. Die On-The-Go-handwaspoeier verander in ’n luukse skuim sodra dit in kontak met water kom, en verseker dat jou hande behoorlik gewas kan word. Die pakkie self sal dan ook heeltemal in water oplos, en bevat geen plastiek of bestanddele wat die waterstelsels sal besoedel nie. noodees…

Pizzarolletjies met pepperoni ✤ 4 porsies 500 ml (2 k) bruismeel 3 ml (½t) koeksoda 5 ml (1t) sout 50 g koue botter, gekap 200 ml (¾ k) karringmelk, min of meer 30 ml (2 e) passatasous of tamatiepasta 30 ml (2 e) braaisous ½ rooi-ui, fyngesny ½ groen soetrissie, fyngesny 100 g pepperoni, gekap 125 ml (½ k), gedreineerde pynappelstukke 80 ml (⅓ k) gedreineerde kalamata-olywe, gesny 250 ml (1 k) mozzarella of kaas van jou keuse 1. Voorverhit oond tot 200 °C. Smeer vlak 22 cm-koekpan met olie. 2. Sif meel, koeksoda en sout saam in bak. Vryf botter in. Voeg genoeg karringmelk in mengsel om sagte, taai deeg te maak. 3. Keer deeg op meelbestrooide oppervlak uit. Knie liggies tot glad. Rol deeg in 30 cm x 40 cm-reghoek. 4. Meng souse en smeer oor deeg. Strooi ui, soetrissie,…

Marius en Gerna Grobler van Piet Retief, Mpumalanga, bring die afgelope jaar vakansies in hul moderne strandhuis in ’n veiligheidskompleks op Yzerfontein deur. Die huis word ook af en toe uitverhuur. Die egpaar het die erf twee jaar gelede gekoop en toe hul droomhuis daar gebou. Die huis het vier en suite-slaapkamers, ’n oopplankombuis, eetkamer en woonvertrek, ’n swembad en buitebraai met ’n groot dek wat op die see uitkyk. Daar is ook ’n gaskaggel tussen die woonvertrek en eetkamer, wat tydens koeler aande teen die kus baie gebruik word. Die huis is volledig met sonkrag toegeras en jy kan dus ontspan, want jou ys sal nie tydens beurtkrag smelt nie! PERFEKTE LIGGING Gerna vertel: “Ons het ’n 180°-uitsig oor die see. Dit is stil en rustig met die mooiste…

Depressie is nie ’n nuwe siekte nie, en dit is ook nie iets wat slegs 'n handjie vol mense raak nie. Volgens die Wêreldgesondheidsorganisasie (WGO) het depressie die afgelope tien jaar met 18,4% toegeneem. Teen 2030 sal dit waarskynlik wêreldwyd die grootste siekte wees. Uit statistieke weet ons ook dat depressie die oorsaak van meer as 90% van selfdoodgevalle is. Ons behoort oor dié psigiese siekte te praat met die gemak waaroor ons oor siektes soos kanker of diabetes praat. Tog is depressie 'n siekte wat steeds met skaamte en skande omgewe word. Depressie word baie name genoem. Die swart hond, die dief in die nag, die “verskriklike siekte”. “This terrible disease." het Virginia Woolf in haar laaste brief aan haar man geskryf voordat sy met klippe in haar jas…

Kirstenbosch - The most beautiful garden in Africa Kirstenbosch is wêreldwyd bekend as die tuiste van unieke flora in ’n beeldskone omgewing. Die tuin is kort ná Uniewording gestig en trek vandag nog mense na sy botaniese rykdom. Die boek vertel hoe die tuin tot stand gekom het en van terugslae en suksesse. Dit bevat ook besonderhede van nuwe uitbreidings. Die skrywer Brian J Huntley is ’n internasionaal erkende natuurbewaarder met meer as 50 jaar se navorsings- en bestuurservaring in talle Afrika-ekostelsels van Sub-Antarkties tot by die ewenaar.…

BLOKRAAI 1 BLOKRAAI 2 BLOKRAAI 3 BLOKRAAI 4 ANTWOORDE Sudoku 1,2 & 3 van bl 118 SUDOKU 1 MAKLIK SUDOKU 2 MEDIUM SUDOKU 3 MOEILIK Raaikettings 7 & 2 van bl 720 RAAIKETTING 1 Skuins na onder: 1. Beg; 2. Ysel; 3. Lelik; 4. Liewe; 5. Drang; 6. Erger; 7. Tepel; 8. Rowe; 9. Sel. Skuins na bo: 1. Byl; 10. Esel; 11. Gelid; 12. Liere; 13. Kwart; 14. Enger; 15. Gepos; 16. Rewe; 17. Lel. RAAIKETTING 2 Skuins na onder: 1. Weg; 2. Adep; 3. Gelek; 4. Larwe; 5. Keëls; 6. Leser; 7. Kieue; 8. Elwe; 9. Sen. Skuins na bo: 1. Wag; 10. Edel; 11. Gelak; 12. Pêrel; 13. Kweek; 14. Elsie; 15. Seëls; 16. Ruwe; 17. Een. BLOKRAAI 5 LEIDRADE DWARS 1. Deskundiges (7) 4. Met ander woorde…

VEEARTS BEANTWOORD VRAE HARTSAKE Hoe weet ek of daar fout met my hond se hart is? Die hart is ’n belangrike orgaan. Sg funksie is om bloed, wat suurstof- en voedingstofryk is, na al die selle in ’n dier se lyf te pomp. As die hart nie meer goed werk nie, is dit gewoonlik as gevolg van die hartspier of -kleppe wat nie meer aoed werk nie. Die algemeenste simptome van hartprobleme in honde is: > Moegheid of gebrek aan energie - honde met hartsiektes word vinniger moeg as hulle gaan stap en hulle slaap ook meer as gewoonlik. > ’n Hoes wat nie in 'n paar dae opklaar nie. > Moeilike asemhaling - hulle haal vinniger asem en met meer inspanning. > Verhoogde, rustende asemhalingstempo. > Geswelde buik of…

Vir 'n loopbaan wat darem nou al 'n ruk lank duur, was ek seker nie te dikwels in die moeilikheid by die werk nie. Dis nie my toedoen nie. My ouers het ons met 'n Calvinistiese werketiek grootgemaak, en dis gewoonlik iets waarteen 'n werkplek nie te veel het nie. Maar waar ek drooggemaak het, was dit die einste oorywerige pligsbesef om goed gedoen te kry wat my in die gemors laat beland het. Veral in die media, waar ek begin het, is tyd nogal 'n probleem. Die drukpers wag vir niemand nie. Dit blyk egter dat ek al klaar lieg om my verkeerde optrede te vergoeilik. Ja, in 'n redaksiekantoor is daar die druk van 'n saktyd en 'n klomp goed wat gelyk bymekaar moet kom. Dis algemene kennis.…

Eerste op die agenda, soos dit ware SuidAfrikaners betaam, is rugby. Ons hét darem enkele dae voor die onderhoud die Argentyne ’n deeglike loesing toegedien en die Castle Lager-rugbykampioenskap gewen. Gershwin bevestig hy’s ’n Springbok- én ’n Stormer-aanhanger in murg en been. “Ongelukkig kon ek nie Saterdag die game gekyk het nie, want ek was MC by die Nasionale Sanlam-spelfees, maar dis mos maar die storie van ’n akteur se lewe. Jy loop al die groot dae mis. Ek werk gereeld op my verjaardag,” sê die 31-jarige Gershwin. “Ek het selfs twee jaar gelede my dogtertjie, Raeesah, se geboorte misgeloop!” Op dié belangrike dag was hy besig om die kortfliek Die blokke te verfilm. “Ten minste het ek ’n jaar later die toekenning as beste akteur vir die fliek by…

WAT IS AFSKILFERING? 'n Afskilferaar (of skroproom) behoort deel van jou basiese velsorgroetine te wees. Die tipe afskilferaar en hoe gereeld jy dit gebruik, hang grootliks van jou veltipe af en wat jy uiteindelik wil bereik. Daar is twee tipes afskilferaars - fisiek en chemies. Fisieke afskilferaars gebruik korrels (soos suiker of sout) wat dooie velselle en enige ander opbou op die vel afskrop. Chemiese afskilferaars gebruik sure, soos alfa-hidroksisure (byvoorbeeld glikol- en melksuur) en beta-hidroksisure (soos salisielsuur) wat diep in die porieë werk om sebum en vuilheid te verwyder, en die bande wat die dooie selle bymekaar hou, op te breek en op te los. Sommige verkies die een bo die ander, maar die waarheid is dat albei voordelig kan wees vir die meeste veltipes, solank dit reg gebruik…

Dis ’n nuwe jaar met nuwe drome en soveel dinge om na uit te sien. Ek kon behoorlik herlaai en sien sommer baie uit na alles wat die nuwe jaar gaan bied. Ek is reeds bespreek vir talle Masterclasses en kan nie wag om op jul dorp te kom kuier nie. Dié jaar wil ek regtig vir elke vrou wys dat jy ook soos ons mooiste rooi rose-voorbladsterre kan lyk. Ek het onlangs op Burgersfort met een van my klasse gaan kuier en die vroue se gees was aansteeklik. Dis vir my altyd so lekker om op die platteland te gaan kuier. My model vir die dag was Minette Gouws, ’n ma van twee, wat self lief vir grimering is. WENK Wanneer jy, soos Minette Gouws, ’n lekker sonbruinvoorkoms gedurende…

1. Oscar de la Renta 2. Diaan Daniels Couture 3. Portchie 4. Willem Botha Beauty ROOI ROSE IS OP SOEK NA ’N MA EN DOGTER WAT ’N BAIE HEGTE BAND HET. Vertel ons wat dit is wat jul verhouding so spesiaal maak en julle het ’n kans om ’n oormaak- en fotosessie deur Willem Botha, ’n uitrusting vir elkeen deur Diaan Daniels Couture, ’n skildery (250 mm x 300 mm) vir elk van Portchie en ’n geskenkpak van Oscar de la Renta te wen. Jul fotosessie sal ook in ’n uitgawe van rooi rose verskyn. Die tyd raak nou min, gaan na www.rooirose.co.za en klik op die ma-endogter-skakel. Volg die maklike instruksies en siedaar! Wat moet julle doen? Stuur ’n foto van julle twee saam, beantwoord ’n paar vrae en betaal ’n inskrywingsbedrag…

Superwater Ons weet almal hoe belangrik water vir ons gesondheid is, maar tussen die plastiekbottels wat die planeet besoedel en die chemikalieë wat by kraanwater gevoeg word, hoe suiwer is ons water nou eintlik? Die MAYU Swirl optimaliseer die opname van kraan-, gefiltreerde of gebottelde water op ’n baie slim manier. Dit herstel die natuurlike eienskappe en struktuur van drinkwater tot sy soet smaak en gladde tekstuur. Hierdie tipe water kan tot beter bevogtiging lei, wat help om ’n droë vel te voorkom, slaap te verbeter en hoofpyne, wat deur ontwatering veroorsaak word, te voorkom. Die innoverende Vortex-tegnologie balanseer onder meer die pH-vlakke om hidrasie te verbeter. MAYU Swirl Structured Water Carafe 1.5 l R4 999, www.luxehub.co.za Goeie dermgesondheid Het jy geweet dat jou derms se gesondheid ’n belangrike rol…

Versekering dien as 'n vangnet vir onbeplande gebeure. Die doel van versekering is om jou so na as moontlik te plaas aan die posisie voordat die verlies gelei is. Oningeligte keuses rakende versekering kan daartoe lei dat te min aan noodsaaklike versekering betaal word en te veel aan onnodige versekering spandeer word. Die ideaal is om die billikste prys vir die regte versekering te betaal. Wanneer jy besluit of iets verseker moet word, kan ’n mens jouself afvra of die moontlike verlies aan die onderliggende bate wat oorweeg word, die volgende beïnvloed: ✤ Het dit 'n impak op my daaglikse lewensgehalte? ✤ Het dit 'n impak op my vermoë om inkomste te verdien? ✤ Het dit 'n impak op my gesin? ✤ Het dit 'n impak op my aftredebeplanning? Daar…

Hier is Helen se wenke, veral vir die wêreld van werk: ✤ As jy bang voel, beteken dit jy is op die regte pad. ✤ Verbind jou tot lewenslange leer. Belê in aanlyn kursusse en webinare en lees wyd om jou kennis uit te brei. ✤ Gebruik jou vermoë om diep te dink in jou eie belang, deur byvoorbeeld 'n blog te begin. ✤ Ontwikkel 'n sterk aanlyn teenwoordigheid deur die kundige gebruik van sosiale media en professionale netwerkplatforms soos LinkedIn. Dis 'introvertvriendelike' maniere om te netwerk en jou kundigheid te deel. ✤ Netwerk op klein skaal. Fokus op een-tot-eenontmoetings of kleiner groepe waar dieper, betekenisvolle verhoudings bewerkstellig kan word. ✤ Oefen om in die openbaar te praat. Hoewel dit teen 'n introvert se grein mag gaan, bou dit selfvertroue…

BEKENDES EN BLOMME ONS VOORBLADSTER Milan Murray, ons voorbladster, is nie skaam om met haarself te spot nie. Sy sê: “Ek is onder my vriende bekend as iemand wat selfs ’n plastiekplant kan laat vrek! Tog is plante vir my baie belangrik in my huis, en ek doen my bes om soveel as moontlik groenigheid om my te hê. "Ek het met ’n groot tuin grootgeword. Ek onthou wawiele en flikflakke op die grasperk, wilgerbome en ’n bedding vol dahlias. Ons het onlangs as gesin na ’n nuwe huis getrek en het ’n klein oase in ons agterplaas. "Dis klein, maar ruig - ons noem dit ons Balituin. Ek het vir my ’n meditasiehoekie tussen die bergbamboes ingerig en kan die berg net-net van daar af sien.” Milan erken sy…

Die Switserse joernalis wat saam met ons op die Rovos Rail reis, leun oor en verklaar: “Die Rovos Rail is beslis die luuksste trein in die wêreld. Die Orient Express kan nie kers vashou nie.” Ons het pas uit Capital Park, Rovos Rail se tuisstasie in Pretoria, vertrek. Die rooi tapyt op die stasie is opgerol, die kristalsjampanjeglase versamel en die oorblywende komkommerbroodjies (sonder korsies), in een bordjie gepak. Dis ’n groot jaar vir die eienaar van Rovos Rail. Rohan Vos is die eienaar en hy en sy vrou, Anthea Vos, het hul vier kinders, Tiffany, Bianca, Brenda en Shaun, so saam met Rovos Rail grootgemaak en selfs lokomotiewe se enjins na die kinders genoem. Rovos Rail vier vanjaar sy 35ste verjaardag met elf Afrika-roetes. Joe Mathala, die operasionele bestuurder…

✤ In die berugte reeks Monsters: The Lyle and Erik Menendez Story het Erik Menendez rasend in die tronk geraak toe hy agterkom dat die reeks suggereer dat hy en sy broer, Lyle, ’n verhouding gehad het. ✤ Die vervaardiger Ryan Murphy het sy skouers opgetrek en gesê: "Dis maar moeilik om jouself en jou storie op televisie uitgebeeld te sien.” ✤ Alfred Hitchcock het gesê dat alle regisseurs meestermanipuleerders is wat gehore verlei en mislei met die oogpunt waaruit hulle hul stories vertel. ✤ Hy het ook berug geraak vir sy uitlating: “Alle akteurs is beeste en moet so hanteer word." ✤ Op die stel van een van die Pirates of the Caribbeanrolprente het die veelbesproke Johnny Depp 440 000 pond op 500 jasse uitgegee! ✤ Daar was nie…

✤ Gebruikjou inisiatief en hekel blokke in jou eie patroonsteke en groottes en las dit aan mekaar soos ’n legkaart. ✤ Ek het ’n swart inkopiesak van Woolies as voering gebruik, maar jy kan ookjou eie materiaalvoering maak. ✤ Meet die sak en sorg dat jou gehekelde vooren agterkant breed en lank genoeg is vir sak voor jy die twee kante aan mekaar vaswerk. Dis maklik om dit met ekstra ry of twee langbene langer of breër te maak. ✤ Die grootte van elke blok is op die skets aangedui asjyjoueie patroonsteke wil gebruik. ✤ Gebruik kleure soos jy dit verkies, daarom word kleurwisselings nie in patroon aanqedui nie. ✤ Maak albei kante van sak dieselfde as jy verkies.…

RAAIKETTING 1 LEIDRADE SKUINS NA ONDER 1. Turkse eretitel 2. Dun yskors op paaie 3. Aaklig 4. Dierbare 5. Sterk begeerte 6. Kwaad word 7. Uiteinde van ’n melkklier 8. Korsies op wondplekke 9. Hokkie in byekorf SKUINS NA BO 1. Kap hout daarmee 10. Skilder se driepoot 11. Soldate in ’n reguit ry 12. Tokkelinstrumente 13. Twee agstes 14. Meer bekrompe 15. In die posbus gegooi 16. Smal stroke seil 17. Vel aan die oor RAAIKETTING 2 LEIDRADE SKUINS NA ONDER 1. Soek 2. Volgeling 3. Veeg met die tong gegee 4. Jong wurm wat uit eier kom 5. Konusse 6. Boekgebruiker 7. Asemhalingsorgane van visse 8. Natuurgeeste 9. Japannese munt SKUINS NA BO 1. Huiwer 10. Suiwer 11. Geduik in rugby 12. Juweel in 'n oester 13. Teel 14. Langpoot-watervoël 15. Plak hulle op briewe 16. Oneffe 17. Voor twee ANTWOORDE Woordoku 1, 2 & 3 van bl 119 WOORDOKU 1 WOORDOKU 2 WOORDOKU 3…

Hier is ’n splinternuwe jaar op hande en so ook ’n splinternuwe ouer en wyser Lisa de Waal. Ek het ná ’n dekade of wat as ’n kuis enkellopende, geskeide vrou dit weer in 2024 die diepsee in gewaag en my vangnet uitgegooi. Enkellopende vroue soos ek se voordele van die afgelope skrikkeljaar is egter nou verby. Gedurende ’n skrikkeljaar, is dit kwansuis sosiaal aanvaarbaar vir hubare vroue om voor op die wa te wees, ’n man op ’n romantiese afspraak uit te vra en hom selfs te nooi om in die eiland tot voor by die kansel af te stap en trou aan jou te belowe, deur dik en dun. (Die dik en dun, sluit ook die skaal in. Hy belowe ook om nie ontrou te raak wanneer ’n…

Die Van der Merwe-gesin van die Paarl het 'n WhatsApp-groepie. Daar is Pa Schalk en die twee kinders, Steph en Lua. Ook Ma Milan, beter bekend as die aktrise Milan Murray. "Die groepie se naam is Appelbesem," sê Milan met 'n glimlag. "Die woord bestaan natuurlik nie, maar wanneer een van ons 'appelbesem' op die groep roep, beteken dit die ander moet dadelik 'n foto stuur van waar hulle nou is met een voorwaarde: Jy moet in die foto wees. Dis 'n manier vir ons om in te check en seker te maak dit gaan goed met die ander." Vir Milan, wat einde Oktober 2024 haar 50ste verjaardag gevier het, is daar drie dinge wat vir haar belangrik is in haar lewe - haar beroep, haar onderneming, maar bowenal haar…

Vier maande gelede wou Nathan Trantraal net rus. Hy was pas klaar met praatjies wat hy tydens die Open Book Festival in September by die Homecoming Centre in die Kaap gelewer het, en daarna het gesprekke by die Woordfees gevolg. Dit alles om sy grafiese roman, getiteld Die man wat die kinnes vang, wat in April 2024 bekendgestel is, in die openbare oog te hou. Dit is nie Nathan se eerste tree in die literêre wêreld nie. In 2008 is sy eerste grafiese roman, Stormkaap, gepubliseer. In 2013 volg sy eerste digbundel, Chokers en Survivors, waarvoor hy die Ingrid Jonker-prys vir digkuns en ’n ATKY-Woordveertjie gewen het. Met dié het hy “een van die opwindendste jong stemme op die Afrikaanse literêre toneel” geword. Ná Chokers het Nathan dit sy doelwit…

✤ Afskilfering help om kollageensintese te stimuleer wat die vel se tekstuur verbeter en jou vel vir langer ferm en jonk laat lyk. ✤ Met chemiese of fisieke afskilfering word die dooie, dowwe vel verwyder wat die meeste velskade huisves. Dit lei tot helderder, gesonder en gladder vel, en help om porieë skoon te hou. ✤ Wanneer jy van dooie selle ontslae raak, maak dit fyn lyntjies en plooie minder sigbaar omdat lig van nuwe vel af, teenoor dowwe vel, beter weerkaats. ✤ Dit help om die voorkoms van pigmentasie te verminder omdat dit fisiek van die selle wat pigment bevat ontslae raak. ✤ Serums en bevogtigers kan ná afskilfering meer optimaal werk omdat dit beter opgeneem kan word. Dit help veral vir diegene met aknee, en dis waarom baie…

1 | Gloei Moonlighter Multi-use Highlight Balm R390, www.gloei.beauty Gloei het onlangs ’n nuwe verligter (highlighter) bekendgestel, en ek is mal daaroor! Ek is reeds ’n groot aanhanger van die blossers, en die verligter is iets wat ek nou daagliks gebruik. Die formule is sysag en glad, en werk wonderlik saam met jou grimering, of sommer op sy eie as jy ekstra glans op jou vel soek. Dis met kremetartolie en aalwyn geformuleer om ekstra voeding te gee, en het drie verskillende skakerings wat jy op jou wangbene, oë, brug van die neus en bors kan gebruik. 2 | Lumi Glo The Glo Refresh Cleanser R300, www.lumigloskin.com Lumi Glo se jongste reiniger is ’n moet-hê vir die somermaande. Sweet, sonroom en grimering kan alles tot verstopte porieë en dowwe vel…

My boodskap vir my medelandsburgers is om net jou hand vir die persoon langs jou uit te steek en jy sal verbaas wees om te sien waar die nood regtig is' Die afgelope paar jaar het Dankie, Lottoland en Lottoland help 'n dorp duisende mense se lewe in Suid-Afrika verander. Eersgenoemde het sewe suksesvolle seisoene agter die rug en laasgenoemde se derde reeks kom eersdaags ten einde. Agter dié suksesvolle programme staan twee toegewyde vroue - Maryke Haywood, die bemarkingshoof van Lottoland Suid-Afrika, en Annemie Lombard, die regisseur en inhoudsvervaardiger van Homebrew wat die reekse vervaardig. Maryke en Annemie werk nou saam. Dié reekse is 100% Annemie se babas wat sy grootgemaak het. Lottoland is 'n internasionale maatskappy met die SuidAfrikaanse tak wat 'n lisensiehouer van die Wes-Kaapse Raad van…

Royco maak dit maklik Pasta smaak nie net heerlik nie, maar dis boonop ’n weeksaand-wenner en Royco se nuwe reeks van pastasouse maak kosmaak nou nog makliker en vinniger. ’n Mens het nie altyd die tyd, krag of lus om ure voor die stoof deur te bring nie en jy kan die nuwe pastasouse net by pasta voeg vir ’n heerlike dis. Die reeks bestaan uit Tomato & Basil, Creamy Tomato, Creamy Cheese, Bolognaise en Creamy Mushroom. Elke pakkie sous is van die beste bestanddele gemaak en bevat geen preserveermiddels, MSG of kunsmatige geurmiddels me. Vind meer uit by www.facebook.com/RoycoSouthAfrica of @royco.za op Instagram Vier kos en wyn ✤ 25 Januarie 2025 | Hemel-en-Aarde Pinot Noir & Chardonnay Celebration, Nidderdale-landgoed, Hermanus, www.quicket.co.za ✤ 25-26 Januarie 2025 | Delheim-oesfees Stellenbosch, www.delheim.com ✤…

✤ Sorg dat jou produk se gehalte van die beste in die mark in vergelyking met jou mededingers is. Gehalte is belangriker as kwantiteit. ✤ Bou ’n goeie ondersteuningsnetwerk op. Jou vriende en familie is wat jou deur moeilike tye trek, en glo my daar is baie uitdagings wat gaan kom. ✤ Maak foute, en probeer weer. Ek het baie bakflaters gemaak, maar altyd vasgebyt om te kyk of ek my produk kan verbeter. ✤ Moenie probeer om alles altyd self baas te raak nie, stel die beste mense vir die taak aan. ✤ Sorg dat jy jou vinger altyd op die finansiële pols hou - die somme moet werk. ✤ Probeer om ’n goeie verhouding met jou personeel op te bou en te handhaaf. Skep geleenthede vir groei vir…

Kan ’n mens ou vrugtebome wat verwaarloos is weer herstel? Om ou vrugtebome te herstel, is ’n proses wat deurdagte snoeiwerk vereis. Dit is moontlik om appel- en peerbome te vernuwe deur die regte snoeitegnieke toe te pas, maar ander soorte, soos perskes en nektariens, word nie aanbeveel vir vernuwing nie. Voordat jy begin, moet jy eers bepaal of die boom die moeite werd is om te red en of dit struktureel gesond is. As die boom ernstige strukturele of gesondheidsprobleme het, kan dit sinvoller wees om ’n nuwe boom van dieselfde variëteit te plant. Die herlewing van ou vrugtebome is ’n lonende proses wat geduld en noukeurige aandag aan detail vereis. Die eerste stap is ’n deeglike beoordeling van die boom se gesondheid en potensiaal vir herstel. As die…

✤ Sophie Belinda Turner is 28 jaar oud. ✤ Kykers sal haar herken uit die berugte en gewilde reeks Game of Thrones. ✤ Sy het eintlik naam gemaak in die Britse TV-reeks in 2013, The Thirteenth Tale. ✤ Turner was selfs in die X-Men-fliekreeks. ✤ Sy het haar professionele debuut reeds op driejarige ouderdom gemaak en was deel van die Playbox Theatre Company. ✤ In die Prime-reeks Joan het die draaiboekskrywer gesorg dat Joan ook as die doodgewone huisvrou soos sy aanvanklik was, uitgebeeld word. ✤ Daarna wys dit hoe sy in die meesterbrein agter juweel-diefstalle ontwikkel het. ✤ Die reeks is op Anna Symon se boek I am What I am: The True Story of Britain’s Most Notoríous Jewel Thief gegrond. Die boek is op die waarheid gegrond. ✤…