Innholdsfortegnelse for December 2024 i Rooi Rose

redbrief Om tuis te voel, waar jy jou ook al mag bevind, is ’n wonderlike gevoel. Om geborge te voel en om iewers te behoort, is die derde van die vyf behoeftes op Maslow se behoeftehiërargie. Dis ’n primêre menslike behoefte. Ek is op my gelukkigste wanneer ek by my huis is. Gooi daarby saam my man, my kat en my wonderlike vriende en familie en die prentjie is vervolmaak. Dís waar ek wil wees. Ek was ’n ruk gelede ’n paar dae van die huis af weg. Ek was steeds tussen wonderlike mense en het die mooiste blyplek gehad, maar toe ek weer voet aan wal by my eie huis sit, kon ek voel hoe ek dit gemis het. Wat ’n voorreg om ’n huis te kan hê waar…

Ek klop aan Elsabé se deur in ’n veiligheidskompleks aan die buitewyke van die skone Stellnbosch. My vrees om laat te wees, bring mee dat ek onbetaamlik vroeg opdaag, maar Elsabé, nog in haar kamerjas, is min gepla. “Kom in, kom in,” nooi sy hartlik. Ons raai dat ons mekaar meer as 30 jaar laas gesien het, maar die petite mensie met haar kenmerkende blou oë en skouerlengte blonde hare, is onmiskenbaar Elsabé. Die onderwerp van ouderdom kom ter sprake en Elsabé sê kamma gebelgd: “’n Koerant het nou die dag gesê ek’s 70, maar ek’s 69.” Sy meen dis nie die einde van die wêreld nie, maar reg is darem reg. Die huis met sy antieke meubels, unieke tapisserieë, skilderye en sagte Persiese tapyte het ’n ouwêreldse gevoel, maar…

boeke Jy word beskryf as ’n avonturier, skrywer en dromer. Jy’t teologie geswot, en woon en werk in die Echo-gemeenskap, Pretoria. Waar kom jou soeke na avontuur en jou liefde vir skryf vandaan? Hoe meer jy in 'n gemeenskap leef, hoe meer het jy afsondering in die natuur nodig. Elke nou en dan voel ek ek gaan mal word as ek nie wegkom nie. Die natuur is ’n buitengewone goeie terapeut, veral die see en riviere. Én skryf, veral fiksie. Ek het 'n klein houthuisie met ’n enjin wat op die Wilgerivier buite Frankfort dryf. Ek kan wegry tot waar daar net water, bome, voëls, die gespat van visse, en nou en dan ’n otter is. Dis my gunstelingskryfplek. Wat was die vonk agter Daka? As kind sou ek dikwels…

HELDER SOMERKERSFEES Eenvoudige, klassieke grimering is tydloos, maar dit beteken nie dat ons nie nou en dan 'n bietjie kleur kan inbring nie. Helder kleure kan stylvol lyk mits dit reg gedoen word. Kies een fokuspunt en speel rond met wat gemaklik voel. 'n Helder lipstiffie is die maklikste manier om 'n kleur in te bring sonder dat dit oorweldigend voel, maar moenie bang wees om te eksperimenteer met oogskadu en maskara nie 'n blou maskara is speels én mooi. Vir iets subtieler, kyk na die blush blindnessneiging, wat helder, doelbewuste blosser aanwend. Dit het 'n slim manier om jou vel lewendiger en helderder te laat voorkom, en hoe meer ons probeer om die son te vermy, hoe meer kan blosser daardie subtiele idee van 'n sunkissed-voorkoms gee. Roomformules lyk…

Wenke om jou haarkleur te verander HANNON ΒΟΤΗΜΑ Voorkomskenner en aanbieder van Glam Guru op kykNET 1. Navorsing en konsultasie: Doen eers navorsing oor verskillende haarkleure en -style wat vir jou mooi is. 'n Professionele haarkapper se insette kan help om te weet watter haarkleure jou velkleur en gelaatstrekke die beste sal komplementeer. 2. Begin geleidelik: As jy onseker is oor 'n drastiese verandering oorweeg 'n subtiele oorgang. Jy kan byvoorbeeld ligte sonstrepe of donker kontrasstrepe probeer voordat jy jouself aan 'n volledige kleurverandering verbind. 3. Toets dit uit: Voordat jy summier 'n permanente haarkleuropsie kies, probeer eers 'n tydelike of semipermanente kleur wat vinniger uitwas. Dit gee jou die geleentheid om te sien hoe die kleur op jou lyk sonder die langtermynverbintenis. 4. Velkleuroorweging: Sekere skakerings mag jou vel…

Onmiddellike verligting Warm gloede is 'n algemene simptoom van menopouse, en kom voor as 'n skielike warm gevoel wat jou vel rooi maak en jou onmiddellik laat sweet. Dit kan op enige tyd voorkom, maar kan veral jou slaap ontwrig as jy dit saans ervaar. Manna Hot Flush Gel kan gebruik word sodra jy begin warm gloede ervaar, maar kan ook voorkomend gebruik word. Smeer dit voor jy gaan slaap aan die agterkant van jou nek, agter jou ore, onder jou arms of onder jou voete. Die natuurlike bestanddele sluit peperment, laventel, malva, en ander essensiële olies in. Die formule is anti-allergies, anti-inflammatories, antisepties en sal nie jou vel irriteer nie. Manna Hot Flush Gel R203, Clicks Rawbiotics KIDS maak elke dag 'n gesonde avontuur 'n Gesonde balans van dermbakterieë…

Fiksheidshorlosies kan om verskeie redes jou vel irriteer. 'n Stywe band skep wrywing teen jou vel, wat 'n veluitslag of irritasie kan veroorsaak as jy dit die hele dag dra. Die onderkant van jou horlosie en band bied ook die ideale warm, donker en vogtige omgewing vir bakterieë om te floreer, wat verdere knoppies en uitslae kan veroorsaak. En as jy dit nie ná oefening afhaal nie, vererger dit. Hoe voorkom jy dit? Moenie jou horlosie te styf dra nie, en gee jou vel kans om elke nou en dan asem te haal. Probeer om dit onmiddellik nadat jy geoefen het af te haal, en vee dit gereeld met 'n antibakteriese lappie skoon. As wrywing jou grootste probleem is, sprinkel 'n klein bietjie mielieblom of baba- poeier op jou pols…

aktueel Twintig jaar gelede het die 52-jarige Henk Roos se toekoms duister gelyk. Hy is in 2003 met 'n ernstige harttoestand genaamd kardio-miopatie gediagnoseer en moes dringend 'n nuwe, gesonde hart kry. Sy seun, Jeandré, was toe twee jaar oud en sy dogter, Chané, was nege maande. "Ek het in daardie stadium gedink ek gaan nooit my kinders sien grootword nie,” vertel Henk. Die gemiddelde wagtyd vir 'n hartoorplanting is twee jaar of selfs langer. "Ek het gevoel hoe my liggaam elke dag agteruitgaan. Ek was besig om 'n wedloop teen tyd te hardloop om te sien of ek gaan leef of sterf." Maar in Julie 2004 het hy die langverwagte oproep gekry: Daar was 'n skenkerhart van iemand wat breindood verklaar is en hy moes hom na die Netcare…

Dr Adé Maré maak reg wat in jou mond verkeerd is sodat jou hart óók kan lag. Eintlik is sy 'n spesialis in die self- vertroue-besigheid, want as jou tande eers onder haar hande deurgeloop het, kyk jy weer die wêreld waterpas in die oë! Mooi postuur. Lang, donker hare. Blas vel. Viets. En natuurlik 'n sneeuwit-maar-warm-glimlag. Duskant 50 lyk dr Adé Maré tevrede en in beheer. Sy ís, want sy doen waarvoor sy gemaak is, en sy doen dit bitter goed! As plaasmeisie wat kaalvoet tussen die beeste skool toe geloop het, het sy en haar twee sussies geduik, grotgekruip, geabseil, perd gery, motorfiets gery… Hulle was besig! Met 'n radiografis-ma en 'n ortopediese chirurg-pa, is hospitaalgange en spreekkamers nie vir haar vreemd nie. Tog het sy gegril toe…

Smul by Steenberg Die Steenberg-wynlandgoed in Kaapstad bied nie net wyn, akkommodasie en spoggerige onthaalplekke nie, maar spog met twee uithaler-restaurante, Tryn en Bistro1682. Ek het onlangs by Bistrol682 ingeloer en heerlike tapasgeregte geniet, van geroosterde pampoen-en-patat-sop met bokmelkkaasmouse, vistaco’s met saffraanaïoli tot Weskus-mossels met ’n klappersalsa. Die kos was nie net heerlik nie, maar die diens ook voortreflik met ’n kelner wat sy kos en wyn ken. Onthou gerus dié landgoed vir die feestyd asjy die Moederstad besoek, jou mense wil bederf of net nie kans sien vir die groot kook nie. Besoek www.steenberg.com Nuwe baadjie vir De Krans De Krans Wines wat op Calitzdorp in die hart van die Klein-Karoo geleë is, is een van Suid-Afrika se toonaangewende vervaardigers van portwyn. Hulle is egter nie net bekend vir…

’n Filosofieprofessor het ’n lesing vir studente gehou. Voor hom was 'n glasfles, ’n klompie klippe, nog ’n paar kleiner klippies, sand en water. Hy het die glasfles tot bo met die groter klippe volgemaak en gevra: “Is die fles vol?" Die studente het “ja” geantwoord. Toe gooi hy van die klein klippies in. Hy het die fles geskud sodat hulle die oop gedeeltes tussen die groter klippe kon volmaak. "Is die fles nou vol?" “Ja" was die antwoord. Toe het hy sand in die fles gegooi. Dit het al die oop spasies wat daar nog was volgemaak. Maar hy kon nog water ook ingooi. Die water het oral ingesypel en die fles tot bo volgemaak. Die professor het verduidelik wat dit alles beteken. Die fles is jou lewe. Die…

Lisa de Waal Vreemd hoe vinnig vriendinne kan verander wanneer jou visnet vol (ouer) manne is wat ’n romantiese belangstelling in jou toon. My drie besties begin my wragtig verdink dat ek dalk toutjies trek of truuks doen, om soveel gesoute Moby Dicks op Flikvlooi se webtuiste nader te lok. “Het jy nog steeds daai valerige foto op jou profiel?” wil Joyce weet. Die drie het my vir ’n sjampanje-ontbyt by die Westcliff Hotel genooi - voor almal kwansuis met vakansie gaan. Maar ek vermoed dis eintlik meer om oor my vangste uit te vis as enigiets anders. “Hoe bedoel jy vaal?” vererg ek my. Ek neem ’n stewige sluk sjampanje. “Ek was nog nooit Lisa de Vaal nie.” “Moenie jou so vinnig wip nie,” wip Marie haar. Haar wange…

so sê hulle Dit voel reeds of die dae van Covid ’n leeftyd gelede is, al het ons toe gewonder of die lewe en die wêreld ooit weer dieselfde gaan lyk en voel. Gaan daar ooit weer tyd vir vakansie wees? Gaan ek ooit weer my geliefdes ’n stywe druk kan gee? In Suid-Afrika het ons gewonder of ons ooit weer oop skoene sal kan koop of op ’n strand kan loop. Maar die inperking het ook sy voordele gehad. Vir die eerste keer in haar lewe, het die uwe nie aan Fomo gely nie. Ja, daai nuwerwetse toestand wat fear of missing out beteken. Dit was ’n heerlike, bevrydende gevoel om nie te wonder wie hou waar ’n partytjie waarheen jy nie genooi is nie. Die ironie is sy…

mense As vierjarige het Luca saam met Ma Margit op die planke in Liewe Heksie: Flower Power verskyn. Sy het twee jaar lank die rol van Matewis daarin vertolk. Dit was egter nie haar eerste kennismaking met die teater nie, want eintlik reis Luca al van babatyd af saam met haar ma. Vir die eerste ses jaar van Luca se lewe, het Margit Meyer-Rödenbeck, gesoute aktrise en teatermaker, die land met haar bekende vertoning Dowwe Dolla deurkruis en só is ’n jong Luca aan baie plekke en mense bekendgestel. Luca het selfs tydens een so toer geleer hoe om te spel en te skryf en het woorde op haar Hello Kitty-bordjie geskryf en uitgevee, vertel Margit. “Dit het vir Luca gevorm in die mens wat sy is,” gesels Margit een…

mense Flambojant, stylvol, betowerend en elegant. Dis maar net ’n paar woorde om die toonaangewende modeontwerper Stephen van Eeden se modeskeppings te beskryf. (Stephen het ons voorbladsterre, Suzette en Skye, se uitrustings ontwerp.) Maar die omvattendste woord is vir seker: Asemrowend. Stephen is nie net besig om hier ter plaatse sy stempel in die modebedryf af te druk nie, maar ook intemasionaal. Hy is boonop nie suinig met sy talente en entrepreneuriese inisiatiewe nie, want sy ondememing, Stephen van Eeden Atelier, bring met sy projek The Art of Collaboration die talente van toonaangewende skeppers (soos fotograwe, videograwe en stiliste) en handelsmerke in die internasionale mode-arena bymekaar. Maar soos die meeste modeontwerpers moes Stephen ook heel onder op die suksesleer begin om die soet smaak van sukses te proe. Stephen het…

Desember is my gunsteling-maand van die jaar. Dis wanneer ek kosbare tyd saam met my familie kan deurbring. Hierdie jaar was met soveel hoogtepunte gevul. Ons grimeerreeks het bo verwagtinge goed gegroei en ons het 'n nuwe baba, SKIN Willem Botha Beauty, bekendgestel. Ek het ook 'n jaar van heerlike mees- terklasse gehad en dorpies besoek waar ek in jare nie was nie. Ons het die mooiste Vrouedag op Bronkhorstspruit gehad. Dit was so spesiaal om te sien hoeveel moeite die vroue vir my klas gedoen het. My mooie model van die dag was Henli Botha wie se oë opgehelder het toe sy haarself ná die oormaaksessie sien. WENK Ons Desembermaande in Suid-Afrika kan verskriklik warm raak en die son bitter skerp. Dit is so belangrik om jou sonroom daagliks…

Allergieë is 'n groeiende kommer vir baie mense in Suid-Afrika. Dit beïnvloed alles - van hul daaglikse gemak tot hul lewensgehalte. Volgens die Allergiestigting van Suid-Afrika ly 'n derde van Suid-Afrikaners aan een of ander vorm van allergiese reaksie, met 40% van allergielyers wat kinders is. Bronwyn Ragavan, die handelsmerkbestuurder van Karvol verduidelik dat misverstande en wanopvattings oor allergieë tot verwarring kan lei. Een van hierdie mites is dat jy nie allergieë as 'n volwassene kan ontwikkel nie, maar dit kan wel op enige tyd kop uitsteek. Faktore, soos veranderinge in omgewing, dieet, stuifmeel in die lug, stofmyte en troetel-dierhare kan tot die aanvang van allergieë in volwassenheid bydra. Karvol help met die simptome van allergieë soos 'n toe neus en aanhoudende genies. Karvol Decongestant Inhalation Capsules R99,99, Meeste apteke…

Propvol antioksidante, vitamiene, minerale, vesel en superkosse - Rush is jou daaglikse oplossing vir 'n besige skedule. Daar is verskeie veganistiese happies beskikbaar wat slegs natuurlike en rou bestanddele bevat. Dit is ideaal vir kinders se kosblikke, jou gimsak, om werk toe te neem, voor en ná oefening, of enige tyd wat jy 'n hupstoot nodig het. Rush Nutrition is by meeste winkels en aanlyn beskikbaar. Vanaf R19,99…

Jy hoor dit waarskynlik nie: Die gedreun van alledaagse geraas. Motors op die snelweg, ambulanse in die verte, vliegtuie in die hemelruim, blareblasers, honde wat blaf. Dis dalk op die agtergrond, maar dit is dáár. Die Wêreldgesondheidsorganisasie (WGO) sê omgewingsgeraas is onder die topomgewingsrisiko's vir jou gesondheid. Die uitwerking van dié tipe geraas lei jaarliks tot die verlies van 'n geraamde een miljoen gesonde lewensjare wêreldwyd. Geraas - selfs die alledaagse dreuning in die agtergrond - veroorsaak verhoogde stresvlakke wat 'n negatiewe impak op jou gesondheid en produktiwiteit het. Chroniese stres lei onder meer tot verhoogde bloeddruk en angsvlakke, slaapversteurings, buierigheid, en kan selfs tot hartsiektes lei. Thomas Münzel, 'n kardioloog by die Johannes Gutenberg-universiteit in Mainz, Duitsland, verduidelik op die webwerf Brainfacts.org, dat wanneer jy geraas hoor wat jou…

kos ✤ As jy wil, kan jy hierdie resep met gort of rys pleks van koring voorsit Gebraaide lam met tamaties in tamaryn en borrie ✤ 6 porsies 1,5 kg lamsboud wat oopgevlek en ontbeen is, vet afgesny 30 ml (2 e) olyfolie koring en roketblare, om voor te sit TAMATIES MET TAMARYN EN BORRIE 60 ml (¼ k) groente-olie 10 ml (2 t) mosterdsade 10 ml (2 t) komynsaad 5 ml (1 t) brandrissievlokkies 2 knoffelhuisies, gesny 80 ml (⅓ k) vars kerrieblare, plus ekstra 10 ml (2 t) borrie 500 g klein ryp romatamaties, gehalveer 500 g trossie babatamaties 30 ml (2 e) tamarynpuree 30 ml (2 e) bruinsuiker takkies kerrieblare, gerooster 1. Verhit ’n liggies geoliede en bedekte ketelbraai tot matige hitte. Smeer olie oor lamsvleis. Geur met sout en peper. 2. Braai lam vir 5 minute aan elke kant…

Die binnenshuise versierder Rozanne de Villiers woon die afgelope twee jaar saam met haar man en twee jong kinders in ’n veiligheidskompleks, Romansbaai Beach & Fynbos Estate, op Gansbaai aan die Kaapse Suidkus. Hulle het onbelemmerde uitsigte oor Walkerbaai en kan selfs sien hoe die walvisse in die see baljaar. “Dis ’n magiese plek om in te woon. Meeste mense het katte of honde as troeteldiere en ons het ’n wye verskeidenheid wilde diere, soos sebras en bokke, en my seuntjie geniet dit om af en toe die sebras met die tuinslang af te spuit!” KOOP OF BOU? Hulle het aanvanklik oorweeg om ’n huis in die ontwikkeling te koop, maar toe hulle die erf met sy wonderlike uitsigte sien, het hulle besluit om te bou. Die huis het drie…

inspirasie Dis ’n storie van seerkry, mishandeling en molestering. ’n Soeke na aanvaarding en liefde. Dis ook ’n storie van opstaan, aanhou en deurdruk ten spyte van diep letsels. Dis ’n storie van vergifnis, geluk, genade en selftevredenheid waar ’n hart wat gesond geword het nou pleisters op jong siele plak en hulle leer om werkiik te leef. Wanneer jy met Felicia Richardson gesels, kan jy nie dink dat sy ’n kinderlewe van hel gehad het nie. Sy straal vrede, sagtheid, vroulikheid, maar ook selfvertroue uit terwyl sy jou reguit in die oë kyk en haar storie vertel. As iemand sê “ek verstaan waardeur jy gaan” is dit baie keer leë woorde. Maar hierdie donkerkop verstaan regtig, want sy was daar. Wie dan beter om jongmense moed te gee om…

Hoe kan ek water bespaar en steeds ’n mooi tuin hê? Die skep van ’n waterwyse tuin is ’n uitstekende manier om die natuurlike skoonheid te geniet terwyl die omgewing beskerm word. Inheemse plante bied ’n lae-onderhoudopsie wat die plaaslike ekosisteem ondersteun en water bespaar. Klippietuine en grondbedekkers is nie net esteties bevredigend nie, maar help ook om grondvog te behou en die behoefte aan water te verminder. Potplante en vetplante bied talle moontlikhede, en is ideaal vir gebiede met beperkte reënval. Die vermindering van grasperke en die gebruik van droogtebestande grasse kan ’n beduidende impak op waterbesparing hê. ’n Doeltreffende besproeiingstelsel, soos drupbesproeiing, is noodsaaklik om water te benut waar dit die nodigste is, en verminder terselfdertyd waterverlies deur verdamping. Hierdie benaderings tot tuinmaak is nie net prakties nie,…

✤ Frank Sinatra was ’n baie selfsugtige akteur wat geweier het om enige toneel twee keer oor te skiet. ✤ Toe sy ondervragingstoneel met Laurence Harvey per ongeluk uit fokus was in The Manchurian Candidate, wou Frank dit nie oordoen nie. ✤ Laurence is toe maar uit fokus in die toneel in die rolprent gewys. ✤ Gehore het aangeneem dit is omdat die karakter gebreinspoel is dat hy uit fokus was en resensente het dit aangeprys! ✤ Annette Bening het ses maande lank geoefen om die rol van die lesbiërkampioen-swemmer Diana Nyad te speel waarvoor sy ’n Oscar-benoeming ontvang het. ✤ Diana Nyad het vrou-alleen 177 kilometer tussen Kuba en Florida geswem. ✤ Nicole Kidman is as beste aktrise op die Venesiese rolprentfees vir haar gewaagde vertolking in Babygirl aangewys.…

blokraaie & speletjies RAAIKETTING 1 LEIDRADE SKUINS NA ONDER 1. Agteruit 2. Wil hê dat iets moet waar word 3. Voorbarige kinders 4. Mense dra dit om hul nekke 5. Hoenders 6. Maakjou keuse 7. Oorwinnings 8. Natriumchloried 9. Studente se sang SKUINS NA BO 1. Grassoort 10. Konserwatief 11. Enig in sy soort 12. Reeks 13. Bêreplek vir kos 14. Groots 15. Weerklanke 16. Honderdejare 17. Straat (afk.) RAAIKETTING 2 LEIDRADE SKUINS NA ONDER 1. Toon 2. Baie koud 3. Kook water daarin 4. Nagaap van Madagaskar 5. Voël met lang bene 6. Vermoedelik 7. Tussenpose 8. Kinderoppasster 9. Deksel se maat SKUINS NA BO 1. Vlug 10. Dun yskors op paaie 11. Dawidsharp 12. Vetgemaak 13. Baba se doek 14. Somme maak 15. Kook-aanwysings 16. Staat in Nevada,…

mense 'Sy skroom nie om my oor die vingers te tik as sy voel ek is te krities of konserwatief in my uitkyk, denke of manier van aantrek nie' Hoe het jou lewe die afgelope tyd verander? SUZETTE: Ek het in Februarie 2019 50 geword en kort daarna 'n nekoperasie ondergaan. Ek het besluit om vroeg as hoof van Cell C-stigting se vrouebemagtigingsprogram af te tree. Skye was in graad 11 en tot hoofmeisie verkies. Ek het vandat sy vier was voltyds gewerk en na gehaltetyd saam met haar uitgesien. Ná 'n verlowing van sewe jaar het ek en Mark (Weston) ook die einde van 2019 elope en in Nieu-Seeland getrou. Toe gebeur Covid! Vir my was dit 'n seën, want ek is 'n introvert en homebody. My sus het…

Geroep vir 'n tyd soos hierdie Farren Cloete NIEFIKSIE Lux Verbi, R260 In dié boek vertel Farren, die dominee van die VGKgemeente op Lambertsbaai, van die soet en die suur in haar lewe… "in die hoop dat iemand, al is dit net één van julle, hoop daarin sal vind”. Op haar wenslysie is die jeugprediker Ivor Swartz se Nogtans-geloof (Lux Verbi, R280), ’n gids oor hoe om in tye van swaarkry te leef. Laat sy liefde jou lei Milanie Vosloo DAGBOEK VIR VROUE Cum, R199 Milanie hoop dat jy met die daaglikse lees van dié boek God se stille teenwoordigheid in jou lewe sal ervaar en dat jy sal beleef hoe Hy jou met liefde en genade toeskulp. Milanie wens vir Antjie Krog se digbundel, Plunder (Human& Rousseau, R299), onder…

mode STILIS ZEENAT KHAN STILISASSISTENT ALEXANDRA BENJAMIN FOTO’S GARETH VAN NELSON / HABARIMEDIAIMAGES FOTOGRAAF-ASSISTENT LAUREN FREDERICKS/ HABARIMEDIAIMAGES HARE EN GRIMERING SJ/SUPERNOVÁ MODEL ELOISE SCAMREL/OUTLAWS MODEL MANAGEMENT VIND HIERDIE ARTIKELS BY: BASH AFRICA www.bashatrica.com/collections/water-friendly-eva BEACH CULT www.beachcult.co.za BIRKENSTOCK www.birkenstock.com/gb FOSCHINI www.bash.com/foschini H&M www.hm.com KIRSTEN GOSS www.kirstengoss.com LOVISA www.lovisajewellery.co.za LUXOTTICA www.essilorluxottica.com/en/ NICCI www.nicci.co.za PICK N PAY CLOTHING www.picknpayclothing.co.za SEAFOLLY www.seafolly.co.za THE GAYA COLLECTION www.thegayacollection.co.za YDE www.yde.co.za/home ZARA www.zara.com/za…

1 | Avon Far Away EDP, Far Away Infinity EDP R349 ELK, my.avon.co.za Dit is dalk nie nuut nie, maar steeds uiters gewild, en om goeie rede. Die oorspronklike parfuum is reeds in 1994 ontwikkel en bevat blomgeurnote van vanielje, muskus en jasmyn. Dit bevat 190 jasmynblomme om presies te wees! Dis ook Avon se topverkoper danksy die tydlose elegante gevoel wat jy kry wanneer jy dit aanhet. Die Infinity-weergawe is varser, met bergamot wat heel eerste verskyn, gevolg deur gardenia, jasmyn, patsjoelie en sandelhout. 2 | essence Wonder Full Primer 5-in-1 R79,95, CLICKS Ligte, veelsydige grimering is ideaal vir die somer, veral as jy beplan om met vakansie te gaan en jou tas lig wil hou. Hierdie primer bied soveel meer as net 'n voorbereidingslagie. Die ligte tint gee…

SARAA, die Suid-Afrikaanse Vereniging vir Rumatiek en Artritis, verskaf die volgende wenke ✤ Verminder stres. Sê nee wanneer nodig en gun jouself elke dag tyd om te ontspan, maar moet liewer nie ophou werk of alle aktiwiteite laat vaar nie. Beoefen streshan-teringstegnieke soos diep asemhaling of meditasie. ✤ Kry genoeg slaap met die nodige aantal ure, 'n gereelde slaaproetine en deur dagslapies te beperk. ✤ Oefen gereeld. Dit kan aanvanklik jou pyn vererger, maar gereelde oefening wat geleidelik toeneem, kan simptome verminder. Toepaslike oefeningsoorte sluit stap, swem, fietsry en water-aërobiese oefening in. ✤ Pas matigheid toe met aktiwiteite. As jy op jou goeie dae te veel doen, ervaar jy dalk meer slegte dae. Moet egter ook nie te min doen op dae wanneer jou simptome opvlam nie. ✤ Handhaaf 'n…

Die koop van 'n huis Wisselende ekonomiese omstandighede en hoë rentekoerse veroorsaak dat baie kenners van mening is dat dit nie tans die beste belegging is om eiendom in Suid-Afrika te koop nie. Hoë rentekoerse beteken dat groter bedrae geld aan verbandlening-paaiemente betaal moet word. Die koop en uitverhuring van 'n huis Mense neem rofweg aan dat as die huurinkomste meer as 10% van die totale eiendom se waarde per jaar is, dit tog die moeite werd is om so 'n eiendom te koop en dit dan uit te verhuur. As 'n huis van R3 miljoen rand dus vir minstens R25 000 per maand verhuur kan word, kan dit waarskynlik as 'n sinvolle moontlike belegging geag word. Verder neig eiendomsagentskappe ook om jaarlikse huurverhogings onder die heersende inflasiekoers te hou,…

Santa Topham van Vereeniging sê: “Ek is van daardie mense wat nie sonder tjoepstilte kan bestaan nie. Een dag 'n week klim ek uit my lewe uit en praat en luister na niks en niemand behalwe myself nie. Dis soos geestelike bed-opmaak. Ek stoei met chroniese pyn vir ses dae van die week. Op dag sewe moet ek net stilte hê. Vir my lê stilte in poele onder bome en die laag oor die aarde waar waters en oop grond is." Rentia Haasbroek, 'n opvoedkundige sielkundige van Durban, sê: "My grootste pyn op die oomblik is hoe almal in die mediese sentrum waar ek werk hul fone op luidspreker sit. Ek wil nie na iemand anders se musiek, Tiktok-byklanke, kerkdiens of Whatsappgesprekke luister nie." Shanda Luyt, 'n onderwyseres van Jeffreysbaai,…

Die koekmengsel het deurlugting van eiergele en witte nodig vir volume, aangesien dit sonder meel gemaak word. Wanneer jy eierwitte klits, gebruik skoon en droë klitsers en ’n skoon en droë bak. Enige olie of vog sal voorkom dat pieke vorm. Vou eierwitte liggies met ballonklitser in om volume te behou. Sjokoladerol met gekaramelliseerde piesang ✤ 12 porsies 100 g donkersjokolade, grofgekap 15 ml (1 e) water 6 eiers, geskei 200 ml (¾ k) strooisuiker 30 ml (2 e) kakaopoeier 80 ml (⅓ k) strooisuiker, ekstra 300 ml verdikte room 30 ml (2 e) bruinsuiker 5 ml (1 t) vanieljegeursel 3 (660 g) middelslagpiesangs, fyngesny in lengte 5 ml (1 t) kakaopoeier, ekstra 1. Voorverhit oond tot 180 °C. Smeer rolkoekpan. 2. Voer onderkant met bakpapier uit sodat 5 cm daarvan oor kante hang. 3. Roer sjokolade en water in…

Hoeveel keer het jy al voor die spieël gestaan en jouself krities bekyk - en elke foutjie, elke gewaande tekortkoming, raakgesien? Hoeveel keer het jy jouself al met iemand anders vergelyk en in jou oë tekort geskiet? Die meeste vroue wil graag hulself verbeter en dis goed so. Groei is ’n natuurlike, lewenslange proses. Die mens wat jy vandag is, verskil hemelsbreed van die een wat jy tien jaar gelede was. Dis egter ook goed, en selfs noodsaaklik, om soms meer bewustelik te kyk na wie jy is en wat jy wil verander. Hoe pak ’n mens dan verandering en groei aan? Die meeste van ons voel ons moet iets nuuts ontgin, nuwe boeke oor selfontwikkeling lees en dalk ’n kursus of twee volg om “beter” te word. Maar jou…

ROOI ROSE IS OP SOEK NA ’N MA EN DOGTER WAT ’N BAIE HEGTE BAND HET. Vertel ons wat dit is wat jul verhouding so spesiaal maak en julle het ’n kans om ’n oormaak- en fotosessie deur Willem Botha, ’n uitrusting vir elkeen deur Diaan Daniels Couture, ’n skildery (250 mm × 300 mm) vir elk van Portchie en 'n geskenkpak van Oscar de la Renta te wen. Jul fotosessie sal ook in 'n uitgawe van rooi rose verskyn. Gaan na www.rooirose.co.za en klik op die ma-en-dogter-skakel. Volg die maklike instruksies en siedaar! Wat moet julle doen? Stuur ’n foto van julle twee saam, beantwoord ’n paar vrae en betaal ’n inskrywingsbedrag van R100. Betaalopsie op die webwerf beskikbaar. Sluitingsdatum: 23 Januarie 2025 Bepalings en voorwaardes: Deelnemers moet ouer…

✤ Dakota Johnson is die dogter van Don Johnson. ✤ Hy is bekend vir sy rol in een van televisie se groot baanbrekerreekse Miami Vice. ✤ Sy koel uitrusting in die reeks het duisende jongmanne blou T-hemde by wit baadjies laat dra. ✤ Dakota se ouma is Tippi Hedren. ✤ Sy het in Alfred Hitchcock se The Birds gespeel waarin hy haar in 'n kamer opgesluit het saam met wreedaardige, paniekerige voëls wat haar werklik begin pik het. ✤ Dakota onthou dat haar ouma weke lank daarna getraumatiseer was. ✤ Dakota het ook die hoofrol in die drie eksplisiete weergawes van die skok-seksromans 50 Shades of Grey gespeel. ✤ Sy het $250 miljoen per rolprent hiervoor gekry. ✤ Sy en Jamie Dornan, wat die sexy meneer Grey gespeel het, was…

BLOKRAAI 1 BLOKRAAI 2 BLOKRAAI 3 BLOKRAAI 4 ANTWOORDE Sudoku 7,2 & 3 van bl 118 SUDOKU 1 MAKLIK SUDOKU 2 MEDIUM SUDOKU 3 MOEILIK Raaikettings 1 &2 van bl 120 RAAIKETTING 1 Skuins na onder: 1. Tru; 2. Wens; 3. Agies; 4. Serpe; 5. Kiepe; 6. Enige; 7. Seges; 8. Sout; 9. Ser. Skuins na bo: 1. Twa; 10. Regs; 11. Uniek; 12. Serie; 13. Spens; 14. Epies; 15. Eggo’s; 16. Eeue; 17. Str. RAAIKETTING 2 Skuins na onder: 1. Wys; 2. Ysig; 3. Ketel; 4. Lemur; 5. Reier; 6. Seker; 7. Reses; 8. Nêne; 9. Pot. Skuins na bo: 1. Wyk; 10. Ysel; 11. Siter; 12. Gemes; 13. Luier; 14. Reken; 15. Resep; 16. Reno; 17. Set. BLOKRAAI 5 LEIDRADE DWARS 1. Redenaarsverhoog (7) 4. Skaap se hare…

VEEARTS BEANTWOORD VRAE VAKANSIETYD Ons gaan met vakansie en gaan vir die eerste keer ons diere by 'n troeteldierhotel rnboek. Hoe maak ek dit maklïker vir hulle? Vakansietyd kan vir troeteldiere angstigheid en stres veroorsaak as hulle alieen agter moet bly, As huile nog boonop by ’n troeteldierhotel ingeboek word, kan die vreemde omgewing nog verder tot angs bydra. Daar is wel 'n paar goed wat jy kan doen om hul stresvlakke te verminder: > Moenie net die naaste of goedkoopste hotel kies nie, Besoek die hotei, hut webwerf of Facebook-blad en lees die resensies. Kyk na die geriewe, higiëne, speelplek, en dies meer. Party plekke het selfs kameras en 'n videostroom vir jou gemoedsrus. > Neem hul gunsteiingspeelgoed, -kombers of selfs 'n T-hemp van jou saam. Dít kan hulle…