Innholdsfortegnelse for October 2024 i Rooi Rose

Die laaste paar maande sien ek vir een of ander rede heeltyd nuwe motors op die paaie raak. In my verbeelding sien ek myself agter die stuur van 'n splinternuwe motor met leersitplekke, 'n ingeboude GPS en so tikkie meer luuksheid as wat my tien jaar oue motor het. Ai, hoe lekker is dit om te droom. Dan skop die werklikheid in - daar is niks fout met my motor nie en ek het nie 'n nuwe een nodig nie. En 'n nuwe motorpaaiement gaan beteken dat iets anders ingeboet moet word. So vir nou is dit maar net 'n begeerte, maar ook iets om na toe te werk. Sou ek wel eendag genoeg vir 'n nuwe voertuig gespaar het, hoekom dan nou nie dié begeerte 'n werklikheid maak nie?…

mense Eendeweer het die Wes-Kaap in 'n wurggreep. Die wind waai wild en die reën tik-tik teen die ruite, maar hier by Dorpstraat nr 50 op Stellenbosch is dit sake soos gebruiklik. Terwyl Bertus Basson met 'n bakkie waterblommetjies vir die fotograaf poseer, loer ek na die spyskaart van Eike, een van dié sjef. sakeman- en TV-aanbieder se agt restaurante. Op die viergangspyskaart, wat jou R900 uit die sak sal jaag, is swaardvis met waterblommetjies, kappertjies en makada-mianeute, gesmoorde koedoe, biefstuk met beesstert-en-worteljus en geroosterde koningklip met Saldanha-mossels en gerookte blaarslaai. Geregte vir 'n smulpaap. Dis tyd vir gesels en Bertus soek die enigste sonkol. “Ons is beslis stiller in die winter, die mense kruip weg vir die koue, maar ons gebruik die tyd om aan nuwe idees te broei,…

Daar's nie 'n kans wanneer jy in Kingfisher-rylaan in Fourways, Sandton, ry dat jy Diaan Daniels se reuse-advertensie, Diaan Daniels Couture, op die muur van sy onderneming kan miskyk nie. Wanneer ek by sy kantoorvertoonkamer-boetiek instap, voel ek kompleet soos Aspoestertjie in 'n regte egte sprokie wat haar droomtabberd vir 'n swierige bal moet uitsoek. Die kleurskema is room, sagte pienk en die sofas in die vertoonkamer is mosgroen, wat 'n rustige atmosfeer skep. Die mure en plafon is stylvol met kunsblomme getooi en in die middel van die vertrek hang 'n enorme lig wat met stringe kristalle vanaf die plafon gemonteer is en onder met nog stringe kristalle versier is. Die oog vang ook dadelik die twee paar goue hoëhakskoene weerskante van die spieël wat nommerpas vir Aspoestertjie sou…

Somer is weer terug in volle glorie. Ek is weer aan die gang en op die pad met my Makeup Masterclasses. Ek het in die Kaap 'n draai gaan maak vir 'n klas wat uitverkoop is. Dit was vir my so lekker om die sangeres Leah as my model te kon gebruik. Nie net is sy 'n ambassadeur van Willem Botha Beauty nie, maar sy is ook een van my beste vriendinne. Met haar aansteeklike glimlag en mooi oë is dit 'n droom om haar te grimeer. Die geheim met haar is egter dat jy dit nie moet oordoen nie. Soveel keer probeer 'n mens te veel en te donker grimering aansit. Dis nie altyd nodig nie. En hoe mooi is haar sagpienk lipkleur nie? Ek het die Kiss Me-lipstiffie…

gesondheid Ek is 'n kankeroorlewende, 'n baie dankbare een. Vanjaar, 30 jaar gelede, het ek opgemerk dat my regterbors anders begin lyk. Dit het geleidelik gebeur, maar ek het opgelet dat die tepel begin intrek en die vel op 'n gedeelte van die bors het die voorkoms van 'n lemoenskil begin kry. Ek het 'n knop op my maag gehad van spanning, maar het nietemin 'n afspraak by my dokter gemaak. Hy het my ondersoek en 'n naaldbiopsie gedoen. Die uitslag was negatief. Ek was natuurlik verlig, maar my dokter het nogtans aanbeveel dat hy onder narkose 'n deegliker ondersoek doen. Die tekens was immers sigbaar. Dit voel soos gister toe ek ná die operasie in die saal bykom en hy vir my kom sê dat dit wel kanker is…

geld Tyd is geld. As tyd sinvol aan beleggingsbesluite bestee word, kan geld met verloop van tyd 'n mate van sekuriteit aan families oor geslagte heen verseker. Belastingvrye spaarplanne is in 2015 deur die Suid-Afrikaanse regering geïnisieer as motivering om te spaar, hoofsaaklik op grond van die groot belastingvoordele wat daarmee saamgaan. Die rente, dividende en kapitaalwinste wat op beleggings verdien word, en as belastingvrye spaarplanne geklassifiseer word, is belastingvry. Dit is belangrik om te verstaan dat 'n belastingvoordeel dus eers in die toekoms verkry word. Die volgende finansiële beleggings is onder meer van die instrumente wat gebruik kan word om bydraes tot goedgekeurde belastingvrye spaarplanne te lewer: 1 | 'n Belegging in 'n vastetermynbankrekening 2 | 'n Geldmarkrekening 3 | Effektetrustfonds 4 | 'n Fonds op die effektebeurs Vir 'n belegging om…

my storie Dr Juanita Killian verkoop nie wonderwerke nie, sy verkoop wetenskap. Sy verkoop nie skoonheid nie, maar gesondheid. Sy vra die regte vrae om die brein en spysverteringskanaal te verstaan, sodat sy die vel, oftewel die geskenkpapier wat 'n mens se binneste toedraai, op sy beste kan laat lyk. Hierdie pragtige donkerkop met die spierwit glimlag is 'n plaasmeisie wat op Louwna, 'n klein dorpie in Noordwes, saam met haar ma en jonger sussie ná haar pa se dood grootgeword het. Hier waar haar ouers die vulstasie en algemene handelaar op die dorp gehad het, het sy in die stofpaaie rondgehardloop en die plattelandse lewe ervaar. Dis ook hier waar haar oë van die drome vir eendag begin blink het. Ná haar hoërskool-koshuisjare op Vryburg het sy aptekerswese by…

Vier pinotage Dis Pinotagedag op 12 Oktober en net die dag om die heerlike wyn te geniet. Pinotage is 'n druifvariëteit wat in 1924 in Suid-Afrika deur prof Abraham Izak Perold van die Universiteit Stellenbosch ontwikkel is. Suid-Afrika spog vandag met vele pinotagewyne wat al telkemale bekroon is en ook internasionaal gewild is. Simonsig maak al sedert 1970 pinotage en het 'n paar heerlike wyne beskikbaar, soos hul Simonsig Pick of the Bunch Pinotage 2022. Dis 'n sagte en vrugtige pinotage met 'n voorgestelde handelsprys van R150. Kry dit by www.simonsig.co.za of by toonaangewende wynhandelaars Vier kos en wyn ✢ 5 Oktober | Woordfees-straatsoiree, Stellenbosch, www.quicketco.za ✢ 5 Oktober | Pick n Pay se kos-en-wyn-fees Wanderers-klub, Johannesburg, www.pnpwineandfoodfestival.co.za ✢ 25-27 Oktober | Wine on the River, Robertson, robertsonwinevalley.com Die geure van…

Mishandeling, afstanddoening en verwaarlosing is die grootste redes dat kinderhuise soos Jakaranda en Louis Botha, wat 'n tuiste vir sowat 300 kinders tussen 3 en 18 jaar oud bied, vol bly. Om hierdie kinders se seer en teleurstelling beter te maak, kort jy mense wat aanhou lag, aanhou om hierdie kinders te probeer ontwikkel, en aanhou in hulle glo. Charlene Grobler is op Langebaan gebore en het grotendeels in Amanzimtoti grootgeword. “Ek het reeds in standerd 8 vir my ouers gesê ek wil met kinders werk. Ná skool het ek my graad in maatskaplike werk aan Tukkies voltooi en net daama by die Jakaranda-kinderhuis aansoek gedoen. Ek wou só graag daar werk, so toe ek op pad lughawe toe voor die vakansie 'n oproep kry om vir 'n onderhoud te…

Die RAYMONP WEIL-handelsmerk snoer al die elemente van uitnemendheid, waarvoor die Switserse luukse horlosiebedryf bekend is, saam. Presisie, gehalte, betroubaarheid, edelheid en die tegniese aard van die materiale is die standaarde wat dié handelsmerk in Genève kombineer om sy modelle te skep. Hierdie kundigheid verleen aan RAYMOND WEIL-horlosies hul egtheid. Preslsie en aandag aan die kleinste besonderheid is die goue draad regdeur die skeppingsproses, Elke kunswerk is uit inspirasie gebore; presiesheid is die noodsaaklike voorwaarde om uitnemendbeid te bereik. Sedert 1989 is Picot en Moss die enigste amptelike verspreider vir TAG Heuer in Suid-Afrika. Ons gevestigde kleinhandelverspreiding sluit drie toegewyde TAG Heuer-boetieks in Johannesburg, Kaapstad en Durban in. Picot en Moss besit die enigste Switserse gesertifiseerde dienssentrum in Suid-Afrika wat horlosieherstelwerk en alle vlakke van instandhoudingsdienste bied. Ons eksklusiewe reeks…

Met die lente in die lug, en my voet weer uit die moonboot, voel ek daagliks minder bevredig deur die koue kubervryery met my skoondogter se pa, ene Nikolai in Moskou. Hoe lank kan 'n (ouer) vrou haar honger stil met aanlyn geselsies en kookklasse? Om nie eens van die soene te praat nie! Proe net mooi na niks. Dit terwyl al my vriendinne twee-twee ingehaak loop, asof hulle op pad na Noag se ark is. “Hoe lyk jy so down?” wil Marie tydens ons brugspeel-aandjie weet. “Sy visum is steeds nie uitgesorteer nie,” brom ek. “Lyk of hy op die vroegste eers Desember sal kom kuier.” “Dalk eers Desember 2025,” sê Santie die ene uilspieël. “Of dalk nooit … Jy weet van uitstel kom afstel.” “Hy sál weer kom…

'n Onbelangrike, maa stubborn memory wat an my vaskleef issie dag wat ek my ID moes lat maak. Ek kan nog sien hoe giddy ek was dai dag. Nie oorie associated freedom wat kom mette ID document ie, offie step toward maturity nie. In my plek het jy mature wanne jy ag jaa oud wôd. Tien, sestien het jou downward spiral al begin. It wassie prospect daavan om inne epic lyn te staan virre paa uur. Die dreaded lyne van home affairs. Vi my wassit niks om bang voo te wiessie. Instead wassit 'n opportunity om te vedwyn in sound. Sône die constant expectation dat ieman - 'n parent offe sibling - jou iets gan vra. Wan ek het altyd avoid om pause te druk op my imitation Walkman, my…

Ek het Sandi Schultz as dokter Jennifer Adams in die sepie Binnelanders leer ken. Daama het ek haar toe weer in Trackers, die aksiereeks wat op 'n spanningsverhaal van Deon Meyer gegrond is, gesien. Toe kom Diepe waters, die kykNET-telenovelle wat nou al twee jaar kykers weeksaande voor die kassie vasgenael hou. Sandi lyk nie meer soos die Sandi wat ek destyds op haar hospitaalrondtes deur die Binneland-kliniek gevolg het nie. Dis amper of sy in Diepe waters té jufferagtig, té veel van 'n feeks, té kwaai onder die gladgekamde pruik is. Maar kykers kan nie genoeg kry van die feeks se sluwe spel wat lewens deurmekaar krap nie. Toe ek Sandi op 'n sonnige winterdag in 'n beskeie buurt-restaurant in Westdene, Johannesburg, met haar oranjerooi prinseskrulle, skildpadraambril en 'n…

1 | ENOUGH. Blue Light Elixir R490, WWW.ITS-ENOUGH.COM Het jy geweet dat blou lig nie net deur digitale toestelle uitgestraal word nie, maar ook deur die son? Ongeveer 25% van sonlig bestaan uit blou lig, met die son wat ongeveer 6,3 milliwatt (mW) per vierkante sentimeter uitstraal. In vergelyking, straal digitale toestelle ongeveer 30 mikrowatt (μW) per vierkante sentimeter uit. Terwyl die intensiteit van digitale toestelle aansienlik laer is en nie sal veroorsaak dat jy brand nie, kan langdurige blootstelling op nabye afstande (soos heeldag voor die rekenaar sit) tot aansienlike kumulatiewe blootstelling lei wat veroudering en pigmentasie vinniger laat plaasvind. Tradisionele sonskerms is ontwerp om UV-straling te blokkeer of te absorbeer en bied nie voldoende beskerming teen blou lig nie. Breëspektrumsonskerms met ysteroksiede kan 'n mate van beskerming bied,…

Sterk bene Vascafem, in samewerking met die Nasionale Osteoporose-stigting van Suid-Afrika (NOFSA) begin op 20 Oktober 2024 rondom Wêreld-osteoporosedag 'n bewusmakingsveldtog om veral vroue van die gevare rondom osteoporose bewus te maak, en inligting te verskaf. Osteoporose is 'n ernstige siekte wat miljoene mense wêreldwyd raak. Een uit drie vroue en een uit vyf mans kan moontlik met die siekte gediagnoseer word. Hierdie siekte veroorsaak 'n afname in beendigtheid, wat die risiko vir beenfrakture verhoog. 'n Gesonde dieet ryk aan kalsium en vitamien D3, gereelde oefening, sowel as 'n goeie aanvulling kan help om beengesondheid te bevorder. Vascafem bevat die nodige kalsium om jou bene te help ondersteun, terwyl vitamien D3 'n kritiese rol in die opname van kalsium in die liggaam speel. Vascafem is beskikbaar by Dis-Chem, Clicks, apteke…

aktueel Facebook het 'n normale deel van die alledaagse lewe geword. Jan en alleman kuier saam en deel hul daaglikse doen en late. Só is sosiale media 'n manier om te sosialiseer, maar dit het ook 'n skadukant. Talle huweliksmaats was al aan die ontvangkant weens aanlyn flirtasies en ontrouheid. Op 'n aanlyn forum vertel Susan* dat haar man op 'n dag vergeet het om uit sy Facebook-rekening te teken. Aangesien sy gedrag reeds 'n geruime tyd vreemd was, het Susan besluit om van naderby ondersoek in te stel. Tot haar skok het sy op boodskappe afgekom wat hy aan 'n ander vrou gestuur het. Hy het onder meer aan die vrou belowe dat hy van plan is om Susan, sy wettige vrou, binnekort te verlaat. Hy wou net eers…

Vishappies met ertjies en kruisement ✢ 4 porsies 1 kg ferm visfilette sonder vel, grofgekap 30 ml (2 e) vars pietersielie, gekap 10 ml (2 t) suurlemoenskil 15 ml (1 e) suurlemoensap 1 knoffelhuisie, in kwarte gesny 125 ml (½ k) koekmeelblom 2 eiers, liggies geklop 250 ml (1 k) panko-broodkrummels groente-olie vir braai 500 ml (2 k) bevrore ertjies 15 ml (1 e) olyfolie 30 ml (2 e) vars kruisementblare gekap 1. Smeer 'n vierkantige pan van 20 cm × 30 cm met olie uit. 2. Meng vis, pietersielie, skil, sap en knoffel saam in voedselverwerker tot glad. Geur goed. Gebruik slaplemmes en druk mengsel sodat dit orals gelyk is in voorbereide pan. Keer uit op bakplaat wat met bakpapier uitgevoer is en sny agt stukkies van 20 cm lank. Sny elke sny dwars in helfte om 16 vishappies te maak.…

WAT HET JY NODIG? KOMBERS ✢ Chunky-hekeldraad in kleure van jou keuse. Elke vierkant is sowat 15 g ✢ 5.5 mm-hekelpen BAL EN DOBBELSTEEN ✢ 1 bal elk Elle Family Knit DK in 6 kleure van jou keuse vir albei ✢ 1 bal wit Elle Family Knit DK ✢ 3.5 mm-breinaalde ✢ 3.5 mm-hekelpen ✢ Sponsvierkant van 12 cm × 12 cm VROLIKE BAL Ek het hierdie patroon op die internet raakgeloop en kon dit nie weerstaan nie. Dit lyk ingewikkeld, maar dit bly pret om dit aanmekaar te sit. Jy kan minder steke opsit en die stringe korter brei vir 'n kleiner balletjie. Die string sal na binne krul en dis wat jy wil hê. Jy hoef dit nie toe te werk nie. Jy kan die kort kante aan…

BLOKRAAI 1 BLOKRAAI 2 BLOKRAAI 3 BLOKRAAI 4 ANTWOORDE Sudoku 1, 2 & 3 van bl 118 SUDOKU 1 MAKLIK SUDOKU 2 MEDIUM SUDOKU 3 MOEILIK Raaikettings 1 & 2 van bl 119 RAAIKETTING 1 Skuins na onder: 1. H.b.s.; 2. Oeps; 3. Praal; 4. Gleuf; 5. Kruik; 6. Skerf; 7. Sterk; 8. Steë; 9. Eta. Skuins na bo: 1. Hop; 10. Berg; 11. Spalk; 12. Saers; 13. Luuks; 14. Fiets; 15. Krete; 16. Fret; 17. Kea. RAAIKETTING 2 Skuins na onder: 1. Ver; 2. Odes; 3. Leser; 4. Leier; 5. Sluik; 6. Esels; 7. Etiek; 8. Eeue; 9. Kru. Skuins na bo: 1. Vol; 10. Edel; 11. Reses; 12. Seile; 13. Reuse; 14. Riete; 15. Kliek; 16. Seur; 17. Keu. BLOKRAAI 5 BLOKRAAI 6 LEIDRADE DWARS 6. Vakwoord (4) 7.…

voorbladstorie 'Dis lekker om met volle oortuiging te weet waaroor jy passievol is' Simoné Pretorius is selfs nog meer petite in lewende lywe as op die kassie. Waar ons by 'n WCafe vir koffie ontmoet, hare 'n cortado met hawermoutmelk, sit sy met 'n stylvolle oorgroottrui en haar bene in swart jeans wat sy onder haar invou. Behalwe vir haar liggaamsbou, is daar verder niks “kleins” aan Simoné nie. Alles wat sy sê en die manier waarop sy leef, spreek van haar sonderlinge doelgerigtheid en die ems waarmee sy haar drome aanpak. “My hartsbegeerte is om eendag vir God te kan sê ek was getrou in dit wat Hy van my gevra het. Ek was 'n getroue dienskneg en 'n goeie ma; ek het vrug gedra as iemand wat lief…

DIE VLV-KOOKBOEK Resepte van toe en nou VROUE-LANDBOUVERENIGING VAN KAAPLAND (2023, HERDRUK) Human & Rousseau, R350 Marie se volkoringbroodjie 5 ml (1 t) koeksoda 15 ml (1 e) heuning 4 × 150 g-pakke volkoringmeel 5 ml (1 t) sout 500 ml (2 k) karringmelk 5 ml (1 t) bakpoeier Voorverhit oond tot 180 °C. Meng koeksoda en heuning met bietjie warm water. Voeg res van bestanddele by en giet mengsel in gesmeerde broodpan. Bak vir 45 min of tot gaar. Die VLV-Kookboek - met staatmakerresepte van die Kaaplandse VLV-lede ter viering van hul 90ste verjaardag - het in 2019 verskyn. Estelle du Plessis, VLVK-president, sê die hersiene uitgawe is bewys dat die moderne vrou steeds 'n regte, egte resepteboek in gedrukte vorm op haar kombuisrak verkies. Die volkoringbroodjieresep kom van Magda van der Merwe, De…

skoonheid aknee Aknee is een van die algemeenste veltoestande ter wêreld en kan op verskillende dele van jou liggaam ervaar word, op verskillende ouderdomme en onder verskillende omstandighede. Dit gebeur wanneer porieë verstop word met oortollige olie, dooie velselle en 'n bakterie met die naam Propionibacterium acnes (P. acnes), Daar is verskeie faktore wat tot aknee kan bydra en dit bepaal die tipe aknee wat jy kan ervaar. Ontsteekte aknee kan deur die voorkoms (en gevoel) van 'n rooi, opgeswelde knop wat pynlik en warm voel geïdentifiseer word. Dit het nie 'n wit koppie soos nie-inflammatoriese (komedonale) aknee nie, en lê baie dieper onder die vel. Komedonale aknee lê dus nader aan die oppervlak van die vel en vertoon as wit koppies. Albei tipes aknee kan gedurende puberteit voorkom, maar…

Grimeerwenke om jou oë groter te laat lyk HANNON BOTHMA Voorkomskenner en aanbieder van Glam Guru 1| Verbloem donker kringe: Gebruik 'n verbloemer reg onder jou oë om enige donker kringe te bedek. Donker kringe kan jou oë kleiner laat lyk, so deur hierdie gedeelte onder jou oë op te helder, skep jy die illusie van groter oë. 2| Beklemtoon die binneste hoeke: Wend 'n ligte kleur oogskadu of aksentverligter (highlighter) op die binneste hoeke van jou oë aan. Dit sal help om die oë te verhelder en dit meer oop en wakker te laat lyk. 3| Gebruik ligte oogskaduskakerings: Kies ligte oogskadukleure op jou ooglede. Ligte kleure weerkaats lig en skep die illusie van groter oë, terwyl donker kleure die oë kleiner kan laat lyk. 4| Oogomlyner: Fokus eerder op die buitenste…

inspirasie Karen se liefde vir duik het met 'n verjaardagpresent begin. Sy was saam met haar ouers in die Oos-Kaap met vakansie toe hulle vir haar 'n skubaduikkursus as verjaardaggeskenk gegee het. Karen was van kleins af avontuurlustig, en het nie op haar laat wag nie, min wetende dat sy amper 20 jaar later 'n Guinness-wêreldrekord sou opstel. Maar waarom diepduik? Karen sê die donker dieptes het haar nog altyd bekoor. “Min mense verstaan dit, maar dit is hoe ek aanmekaargesit is. Dis wat my laat tick.” Om 'n wêreldrekord op te stel, is nie maklik nie. “Daar is geweldig baie voorbereiding en beplanning wat in só 'n ekspedisie ingaan. Dit het Karen jare geneem om genoeg ondervinding in diepduik op te bou. Dit is nie iets wat oornag gebeur…

kos Kaaskoeknagereg met grondboontjiebotter ✢ 4 porsies SJOKOLADEFUDGESOUS 100 g donkersjokolade, grofgekap 10 g botter 60 ml (¼ k) room KAASKOEK 125 g koekies met sjokoladebrokkies 125 ml (½ k) growwe grondboontjiebotter 80 ml (⅓ k) room 125 g roomkaas, saggemaak 30 ml (2 e) versiersuiker 125 g grondboontjiebroslekker grofgekap SJOKOLADEFUDGESOUS 1. Meng bestanddele in klein pot. Roer oor lae hitte tot glad en laat afkoel. KAASKOEKKOPPIES 1. Druk koekies fyn of verwerk dit tot fyn krummels. Verdeel krummels tussen vier opdienglase. 2. Meng grondboontjiebotter en room in pot. Roer oor lae hitte tot glad. Koel af. 3. Gebruik elektriese klitser en meng roomkaas en suiker saam tot glad. Roer grondboontjiemengsel in. 4. Skep vulsel in glase en sit vir 20 minute in yskas. 5. Gooi sjokoladefudgesous oor kaaskoekmengsel en plaas stukkies gondboontjiebroslekker bo-op. Wenk Jy kan gladde grondboontjiebotter gebruik pleks…

reis Die koning en koningin is toe inderdaad boere van Moorreesburg met uitsonderlike smaak en as jy daar in hul “kasteel” kuier, begin die strand letterlik aan die einde van die stoep. Na regs is dit sewe tree voor jy op die openbare houtloopvlak is. En vandaar sewe keer sewe en jy staan op die nat sand, met branders wat aan jou tone lek. Die spierwit dubbelverdiepinghuis met reuse-stapeldeure en wit hortjies is nie omhein nie en het kuierplek voor en agter om die swembad - afhangend van die weer én jou bui. As julle eerder in die warm swembad neffens die hangstoele wil kuier, is die binnehof net die plek. As jy deel van die blou uitspansel wil wees, kuier jy voor. Maar wag, voor ek te liries raak…

VEEARTS BEANTWOORD VRAE DEMENSIE Kan katte en honde ook demensie kry? Ja, troeteldiere kan wel demensie ontwikkel, hoewel dit minder algemeen is as by mense, Demensie by honde en katte is dikwels bekend as kognitiewe disfunksiesindroom by honde en seníele demenste by katte. Hierdie toestande kan voorkom soos troeteldiere ouer word, en dit beïnvloed hul vermoë om te dink, te leer, en hul omgewing te verwerk. Kenmerke hiervan sluit veranderinge in gedrag in, soos verwarring, disoriëntasie, en verhoogde angstigheid. Honde mag ook probleme ondervind met die herroeping van herinneringe, die herkenning van eienaars, en die handhawing van 'n normaie slaap-wakker-patroon. Katte se eet- en skoonmaakgewoontes kan ook verander, en huile kan meer aggressief of teruggetrokke raak. Dit is belangrik om enige gedragsveranderinge by troeteldiere noukeurig te monitor en om met…