Innholdsfortegnelse for September 2024 i Rooi Rose

redbrief Dit was nog altyd 'n doring in my vlees wanneer iemand hom- of haarself lofbetuigings toesing, of dit nou gegrond is of nie. Tog is dit ook nie 'n slegte ding as jy jou goeie eienskappe ten toon stel nie - ek dink dit hang net af hóé jy dit doen. Ek is tans besig om 'n biografie van een van die rykste mense in die wêreld te lees. Dis ontsettend interessant en 'n mens be- wonder die man vir wat hy bereik het, maar ek sal nou nie sê nederigheid is een van sy sterk punte nie. Baie van sy werk- nemers kon dit nie saam met hom uithou nie en ek wonder of hy eendag spyt hieroor gaan wees Ek dink amper nie so nie. Geld en…

Nicola Hanekom se liefde vir drama het al begin toe sy klein was. Sy onthou ’n boek wat ’n groot indruk op haar toe gemaak het. “In die kinderboek Sindy gaan sirkus toe was Sindy my heldin en ’n besoek aan die sirkus self was betowerend. Ek het begin gimnastiek doen, wat ook ’n soort opvoering is. In standerd agt het ek ’n teaterstuk hy die teater met die naam van Sky en Zek gaan kyk. Dit was ’n tweemanvertoning en dit het my na ’n ander wêreld weggevoer.” Vir Nicola het dit ’n lewenslange liefde en verhouding met die verhoog beteken. Sy beantwoord vrae oor haar lewe en loopbaan. Vertel ons meer van die bekroonde Mirre en Aalwyn? Dis kompleks, maar op die oppervlak vertel dit ’n storie van…

mense Ek merk eerste 'n klein mensie met 'n in- drukwekkende bos krulhare op. En dan die vlekkelose vel. Sy bestel 'n haselneutlatte met hawermelk en verduidelik die dokter het aanbeveel dat sy suiwel uitsny, want sy't met volwasse aknee begin sukkel. "Op stel dra jy heeldag swaar grimering en dan het die hormone ook amok begin maak, maar ná twee maande kan ek beslis die verskil sien," sê die aktrise. "En dit was nie maklik nie, want ek's mal oor roomys, kaas en melkskommels, maar ten minste kry jy deesdae suiwelvrye roomys." Vashti, 'n hele 1,59 meter lank, dra 'n roomkleurige skouer- lose slooprok en lyk jonger as haar 29 jaar. Op 48 kg is sy gewis 'n veergewig en verklap dat sy nogal maklik gewig verloor. "Dis in…

Die New Advantage Day Cream SPF15 (R214), Night Cream (R214) en Moisture Boost Filler Serum (R279) bied die vel met 'n stormloop van oomblikke en blywende vog, en is so ontwerp om die ongemak van 'n droë, geïrriteerde vel te verlig. Met 2% hialuronsuur en keramiedes, bevat hierdie bevogtigende trio Bio-Active Rooibos se werking van antioksidante asook gevorderde, aktiewe plantdeeltjies. Hierdie sluit in aftreksel van die herlewingsplant, 'n wonderbaarlike plant uit die woestyn wat met net 'n paar druppels water dit self kan laat herleef, en aftreksel van die elektriese madeliefie bekend as die natuurse botoks omdat dit die vel sigbaar glad en ferm maak. Dit word deur dermatoloë onderskryf; dit is vir sensitiewe velle geskik. Dis geskik vir veganiste en word deur Beauty Without Cruelty onderskryf.…

1 NUXE Huile Prodigieuse Or Florale R555, WOOLWORTHS Die ikoniese NUXE se veelsydige droë olie is nou in 'n shimmer- weergawe van die Florale-geur beskikbaar net betyds vir lente Dit ruik heerlik en het 'n roos- goue afwerking wat ideaal vir velle met 'n koel ondertoon is. Gebruik dit op jou gesig om te beklemtoon, en op jou lyf of in jou hare om ekstra glans te gee. 2 Hello Sunday The One For Your Hands R119, CLICKS Hello Sunday The One For Your Lips R99,99, CLICKS Innoverende sonroomformules is my gunsteling! Hierdie reeks het iets van alles, maar my gunsteling is die lip- en handeroom wat albei SPF bevat, saam met bestanddele soos hialuronsuur, squalane, galambotter en vitamiene. Dis lig, word vinnig opgeneem en dis ideaal om in jou…

In hul veertigerjare bereik baie vroue nuwe hoogtes in hul loopbaan. Hulle het meer vertroue in hul kundigheid en voel hulle word gerespekteer. As alles goed gaan, vaar hulle finansieel beter. Hul kuikens is waarskynlik on-afhankliker of uit die nes. Die stres verbonde aan die voortdurende opweeg van gesinseise teen werksverpligtinge verslap. Al werk hulle dalk steeds baie hard, kan hulle die vrug van hul arbeid met meer oorgawe geniet. 'n Vrou se laat dertigerjare tot vroeë vyftigerjare is egter ook die tyd wanneer perimenopouse meestal opduik. "Menopouse en perimenopouse is normale verskynsels, maar die effek wat dit op vroue se prestasie in die werkplek het, bly 'n taboe onderwerp," sê meesterlewensafrigter Judy Klipin van Johannesburg. "Hierdie ingrypende hormonale oorgange gaan dikwels gepaard met simptome soos gloede, vergeetagtigheid, slaaptekort, angs…

Voel altyd goed Transformeer jou gesondheid met Rawbiotics en handhaaf 'n gebalanseerde mikrobioom. Het jy geweet die bakterie in jou derms beïnvloed jou kosdrange? Sekere bakterie floreer op spesifieke voedingstowwe en hulle stuur 'n sein na jou brein wat jou lus vir sekere kosse beïnvloed. As jy vir iets soets of suikerig lus is, is dit dalk 'n teken dat jou derms uit balans is. Deur 'n probiotika in vloeistofvorm, soos Rawbiotics, by jou daaglikse roetine te voeg, kan jou help om 'n gebalanseerde mikrobioom te handhaaf en goeie dermgesondheid verseker. Vind Rawbiotics aanlyn of by jou naaste handelaar. www.rawbiotics.co.za Soete drome Ons slaapgehalte is belangrik dit is iets waarmee almal kan saamstem. 'n Goeie matras is noodsaaklik, maar die bed self kan ook tot jou algehele welstand bydra. Jou…

Paprikahoender-entamatie-pasta ✤ 4 porsies 400 g pennepasta 15 ml (1 e) olyfolie 1 ui, fyngekap 3 knoffelhuisies, fyngemaak 3 ml (½ t) brandrissievlokkies 5 ml (1 t) paprika 15 ml (1 e) suiker 500 g hoendermaalvleis (kan ook hoenderwors se vleis gebruik) 250 ml (1 k) marinarasous 30 ml (2 e) vars tiemieblare OPDIENING 200 ml (¾ k) cheddarkaas, gerasper 60 ml (¼ k) pietersielie, varsgekap 1. Kook water met sout in pot. Voeg pasta by en kook vir 10 tot 12 minute tot sag. Dreineer en plaas oor in bak en bedek. Hou ½ k van pastawater opsy. 2. Verhit olyfolie in pan oor matige hitte. Voeg ui by en braai vir 5 minute tot sag. Voeg knoffel, brandrissievlokkies, paprika en suiker by en braai vir 2 minute. 3. Voeg hoendermaalvleis by en roer. Breek in klein stukkies terwyl…

Veuve Cliequot het hul La Grande Dame 2015 in samewerking met die Italiaanse kunstenaar Paola Paronetto uitgereik. Paronetto het die besonderse geskenkbokse ontwerp en dit word in Frankryk van 60% hemp, 20% katoen en 20% vesels gemaak. Die boks is juis so ontwerp dat dit weer gebruik kan word. La Grande Dame 2015 bevat 90% pinot noir met ’n tikkie chardonnay (10%). Die cuvée kan vir tot meer as 15 jaar verouder word. Dit het varsheid en mineraliteit in die boeket met ligte blomgeure soos jasmyn en akasia wat na die vrugtige note van peer en Clementine-nartjies ontwikkel. Die mondgevoel is subtiel en syagtig. Veuve Clicquot se La Grande Dame is aanlyn en by uitgesoekte winkels beskikbaar.…

Dis met ons lewe vervleg, byna so deel van ons bestaan soos om asem te haal. Volgens ’n 2022verslag van Statista, bestee die gemiddelde intemetgebruiker twee en ’n half uur per dag op sosiale media. As jy nie jou foon in jou hand - of binne bereik het nie, oorval ’n angstigheid jou. Watter belangrike inligting, foto’s en nuus verbeur jy in jou foonlose oomblikke? TikTok, Facebook, Instagram, X, Snapchat. Sommige van ons het sommer al hierdie toeps afgelaai en blaai gedurig van een na die ander. Ons hou tred met familie en vriende se doen en late, aanvaar uitnodigings na sosiale byeenkomste, leer ken mense met dieselfde belangstellings. Dus, nie alles daaromtrent hoef tot die duistemis verdoem te word nie. Maar dalk het jy al agtergekom hoe moeg en…

Patrick Watson is tans Suid-Afrika se mees innoverende en veelsydige landskapsargitek. Sy projekte is kreatief en hy gebruik meestal inheemse plante, kleure, die landskap en ruimte om visuele en emosionele ervarings te skep. Hierdie lieflike hardebandboek bevat 23 tuine en landskappe met voortreflike foto’s en kunswerke. Dis ’n moet-hê-verwysing vir professionele landskapsontwerpers, -argitekte, -fotograwe en alle aspiranttuiniers. Dit word deur Penguin Random House uitgegee en kos R650.…

✤ Die vervaardigers van Palm Royale wou ’n derde reeks van Apple+ kry, maar dis geweier. Ricky Martin in die knap Palm Royale-swembroekies, het dekades gelede erken hy is eintlik gay. ✤ Die draaiboek vir Furiosa: A Mad Max Saga (2024) was goedgekeur en gereed om verfilm te word toe die regisseur, George Miller, besluit het om eers Mad Max: Fury Road in 2014 te skiet. ✤ Bad Boys: Ride or Die was so gewild toe dit in Suid-Afrika uitgereik is, dat slegs Barbie meer geld verdien het. Dit het sewe miljoen rand binne drie dae verdien. ✤ Will Smith, wat een van die hoofrolle van Bad Boys: Ride or Die vertolk, word drie keer in die fliek deur Martin Lawrence deur die gesig geklap. ✤ Dit was om met…

BLOKRAAI 1 BLOKRAAI 2 BLOKRAAI 3 BLOKRAAI 4 ANTWOORDE Woordoku 7,2&3 van bl 117 WOORDOKU 1 WOORDOKU 2 WOORDOKU 3 Raaikettings 1&2 van bl 119 RAAIKETTING 1 Skuins na onder: 1. Lag; 2. Omen; 3. Tereg; 4. Nuwer; 5. Gewig; 6. Liere; 7. Stamp; 8. Etos; 9. Eet. Skuins na bo: 1. Lot; 10. Amen; 11. Gerug; 12. Newel; 13. Gewis; 14. Riete; 15. Grate; 16. Emoe; 17. Pst. RAAIKETTING 2 Skuins na onder: 1. Jag; 2. Orig; 3. Kiele; 4. Groei; 5. Eende; 6. Doele; 7. Eelte; 8. Siel; 9. Erf. Skuins na bo: 1. Jok; 10. Arig; 11. Giere; 12. Gloed; 13. Eenoë; 14. Idees; 15. Ellie; 16. Eter; 17. Elf. BLOKRAAI 5 LEIDRADE DWARS 1. Verdoemenis (7) 4. As waar aanvaar (3) 6. Bruikbaar (4) 7. Skaapwagter (6) 9. Welwillend (8) 11.…

Lisa de Waal My drie vriendinne, Marie, Joyce en Santie, dring aan dat ek en my moonboot ons nie sit en verknies oor die Rus, iewers aan die ander kant van die planeet nie. Nikolai se paspoort en visum is steeds nie reg vir reis nie. 'n Tweede besoek aan Suid-Afrika is nog op ys. "Ek is bly jou oogklap is darem weer af ná jou asblikongeluk," merk Marie op. "Dis tyd dat jy weer met albei oë na die magdom van ouer Boeretalent in jou geboorteland kyk." "Die Rus is net soooo romanties," kerm ek. "Hy kook selfs aanlyn vir my kos." "Twak! Local is baie lekkerder," knip Santie my kort. "Dan eet jy darem elke naweek regte gebraaide skaaptjoppies pleks daarvan om aanlyn na Russian-wors te kyk." "Ek…

so sê hulle Ek dink nie ek het die beste reputasie as dit by vriendskap kom nie; daarvoor is die wag voor my mond te lui. My lui sekuriteitswag wat die uitvloei van woorde uit my mond beheer, is darem fluks om vir vergifnis te vra wanneer ek die dag oortree. Een van my vreemdste ervarings was toe 'n paartjie wat graag by ons aan huis kom kuier het, ons soort van as vriende afgedank het. Ek het so ewe voor hul huis stilgehou om 'n vinnige koffie te drink, toe die elektroniese hek my onvriendelik bottoe bly aangluur. Daar was darem die kort boodskappie ná my vele onbeantwoorde oproepe wat aandui dat die vriendskap sy sperdatum bereik het. Eina! By nabetraging besef 'n mens die afdanking was dalk ten…

Ons het hom jare gelede as Bart in 7de laan leer ken, maar Neil Sandilands is deesdae net so bekend vir sy internasionale rolle, soos die FX-reeks The Americans, NCIS, News ofthe World, The Flash, The 100 en Sweet Tooth waarvoor hy vir sy rol as General Douglas Abbott vir ’n Emmy-toekenning benoem is vir uitmuntende ondersteunende spel in ’n kinder- en gesinsreeks. Hy was in plaaslike reekse soos Die ballade van Robbie de Wee, DesertRose en Die groot niks te sien, waarin kykers ook sy musikale kant kon ervaar. Hy was onlangs terug in Namibië om die tweede seisoen van laasgenoemde dokumentêr te verfilm. “Dis ’n juweel. Dis amper nie werk nie, maar ’n beloning vir jare lange deursettingsvermoë. Verbeel jou, iemand vra jou om soos jy is, die…

BRILRAME ✤ Dis gewoonlik 'n moeilike keuse om die regte brilraam te kies wat by jou pas. ✤ Proporsie is belangrik. 'n Klein gesig moenie 'n te groot brilraam hê nie, en 'n groot gesig sal vreemd met 'n te klein raam lyk. Dis ook belangrik om jou unieke gesigstruktuur in ag te neem, want 'n bril moet jou gesigvorm balanseer. ✤ As jy 'n hoekige gesigvorm met 'n sterk prominente kakebeen het, dra brilrame wat die sterk lyne van jou gesig versag. Probeer ovaalvormige en selfs geronde brilraamvorms waaronder die bekende druppelvormige brilraam val. Vermy brilrame met hoekige en vierkantige ontwerpe, want dit sal jou gesig korter, voller en meer vierkantig laat lyk. ✤ 'n Lang, maer gesigvorm het groter rame nodig. Brilrame wat effens wyer as jou wangbene…

✤ Lees op oor die menopouse sodat jy begrip vir die persoon se ervaring het. Jy kan iemand nie voldoende ondersteun tensy jy verstaan waarmee hulle te make het nie. ✤ Wees tegemoetkomend ten opsigte van aspekte soos lugreëling of 'n venster wat kan oop- en toemaak. ✤ Beoefen geduld en tree empaties op. As 'n kollega brain fog - 'n benewelde brein beleef, na woorde soek of ooglopend in die greep van 'n gloed is, weerstaan die versoeking om oor te neem en te "help". Vra liewer op watter manier jy van hulp kan wees. ✤ Onthou dat menopouse net so natuurlik en voorspelbaar as ander tekens van veroudering is. Daar is geen rede om dit te vrees of as 'n taboe onderwerp te beskou nie.…

Grenadella-suurlemoen-enklappertertjies ✤ 12 porsies 250 ml (1 k) droë klapper 1 eierwit, liggies geklop 30 ml (2 e) strooisuiker 30 ml (2 e) swaar room 125 ml (½ k) suurlemoensmeer 30 ml (2 e) grenadellamoes 1. Voorverhit oond tot 150 °C. Smeer muffinpan met 12 holtes. 2. Meng klapper, eierwit en suiker in bak. Druk mengsel ferm en gelyk oor onderkant en kante van panholtes. 3. Bak vir 20 minute of tot ligbruin. Laat heeltemal afkoel en verwyder van pan. 4. Klop room met elektriese klitser tot sagte pieke vorm. Vou suurlemoensmeer in. 5. Verdeel suurlemoenmengsel tussen klappertertjies. Plaas grenadellamoes bo-op. Aarbei-en-klapper-koek ✤ 8 porsies VANIELJEVLA 80 ml (⅓ k) strooisuiker 30 ml (2 e) koekmeel 30 ml (2 e) mielieblom 250 ml (1 k) melk 5 ml (1 t) vanieljegeursel 4 eiergele 300 ml klapperroom BROSBROOD 250 g botter, versag 250…

BEKENDES EN BLOMME ONS VOORBLADSTER Melinda Viljoen vertel dat hulle gelukkig genoeg is om ’n tuin te hê. “Ek glo ons sal altyd 'n tuin hê. Wanneer ons trek en 'n nuwe tuiste soek, is die tuin net so belangrik soos die huis self. Ons bestee amper meer tyd buite as binne, daarom is dit vir ons belangrik dat ons net plante en bome rondom ons sien as ons in ons tuin is. Die perspektief en vrede wat dit vir ons gee, is van onskatbare waarde.” Sy het as kind gesien hoe haar pa hul huis se groot grasperk in 'n plantparadys omskep het. "Daar was ’n klippaadjie wat tussen 'n verskeidenheid plante deurgevleg het en ’n bruggie met 'n dammetjie. Ons het tot ’n ‘kliptuin’ agter die huis gehad.…

Die Hazendal-spoghotel, die jongste toevoeging tot die Hazendal-wynlandgoed van 325 jaar oud in die Bottelary Heuwels, se hele aanslag is toe ’n kunstige een, sou ons uitvind. Die kos, die wynproeë, die versameling antieke motors, die blommerangskikking in jou kamer, die ontbyttafel se koue buffet-aanbieding en selfs die varsgebak in die deli, is kuns. Hoewel alles binne luuks en kontemporêr is, is een van Stellenbosch se oudste wynplase ook met sorg en kundigheid tot haar volle glorie gerestoureer. Dit spreek erfenis in murg en been; van die laaste witwasmuurtjie van die ou kraal, tot die bronsstandbeeld van Angus Taylor op die historiese dorsvloer neffens die deli. Die herehuis met haar gewel in die Rococo-styl staan trots op dieselfde werf as ’n moderne reghoek waar bruide amper op die water loop.…

✤ Die TV-reeks van agt episodes is deur Scott Turow se veelbesproke hofdrama geïnspireer. ✤ Dit was tevore ’n rolprent in 1990 met Harrison Ford in die hoofrol. ✤ Jake Gyllenhaal is vir ’n Oscar benoem as beste byspeler vir sy rol as die gay cowboy, wat op Heath Ledger in Brokeback Mountain verlief raak. ✤ Jake se suster is die bekende aktrise Maggie Gyllenhaal. ✤ Die draaiboekskrywer David E Kelley is met Michelle Pfeiffer getroud. ✤ Hy het al 12 Emmytoekennings vir beste draaiboekskrywer ontvang. ✤ Hy het bekendheid met L.A.Law (vanaf 1986) en Ally McBeal verwerf. ✤ Hy het net 167 episodes van die trefferreeks The Practice geskruf. ✤ Hy het as prokureur begin voordat hy draaiboeke geskryf het. ✤ Ruth Negga, wat Rusty Sabich (Jake Gyllenhaal) se…

RAAIKETTING 1 LEIDRADE SKUINS NA ONDER 1. Skater 2. Voorteken 3. Op goeie gronde 4. Meer onlangs gemaak 5. Swaarte 6. Ou Griekse tokkelinstrumente 7. Lig bots teen 8. Sedelike gesindheid van die mens 9. Smul SKUINS NA BO 1. Beskikking 10. Slotwoord van gebede 11. Onbevestigde berig 12. Mistige wolk 13. Sonder twyfel 14. Moerasgrasse 15. Visbene 16. Australiese loopvoël 17. Uitroep om aandag te trek RAAIKETTING 2 LEIDRADE SKUINS NA ONDER 1. Wild opspoor en agtervolg 2. Bemoeisiek 3. Bodems van skepe 4. Groter word 5. Swemvoëls 6. Punte in netbal 7. Harde plekke op die vel 8. Gees 9. Deelagtig word SKUINS NA BO 1. Spekskiet 10. Ongesteld 11. Groot roofvoëls 12. Blos 13. Siklope 14. Gedagtes 15. Groot albaster 16. 'n Verdowingsmiddel 17. Stekelvinvis ANTWOORDE Sudoku 1, 2 & 3 van bl 118 SUDOKU 1 MAKLIK SUDOKU 2 MEDIUM SUDOKU 3 MOEILIK…

Almal hou van 'n storie met 'n gelukkige einde. Veral as die heldin van die storie soos Aspoestertjie van ouds bo haar omstandighede uitstyg en aan die einde van die verhaal saam met 'n gawe prins in 'n goue koets na haar happily ever after wegry. Die storielyn van Tracy Smit (Melinda Viljoen), wat eers 'n ontkleedanser was en later 'n groep skollies gehelp het om ambulanse te kaap, het die verbeelding van duisende Binnelanders-kykers aangegryp. Maar gelukkig het die wiel gedraai, Tracy het vir haar misdade geboet en is vandag op 'n goeie plek en op die reguit pad. Sy is uiteindelik by die man wat haar hart verower het (dr Tertius Jonker, gespeel deur Reynardt Hugo) en boonop mamma van die allerfraaiste dogtertjie Leah, (gespeel deur Liebe Viljoen).…

ENDORSED BY BEAUTY WITHOUT CRUELTY Dis veral waar in Suid-Afrika waar strawwe klimaatstoestande in die winter en somer tot droë, afskilferende en geïrriteerde vel lei wat versnelde veroudering tot gevolg het. Wat moet 'n goeie vogroom dus bevat†? 'n Ryk, romerige tekstuur en daardie lekker gevoel soos die room insink asook 'n lys van bewese bestanddele om die vel gebalanseerd en stralend regdeur die jaar te laat lyk. As jou vel droog en gedehidreer is, of as jy ouer word en jou vel se natuurlike lipiede begin verminder, is dit belangrik om vogrome te soek met bestanddele wat waterverlies voorkom en die vel se vogversperring herstel. Dit sluit in: • Antioksidante help om die vel se natuurlike verdediging en herstelprosesse te versterk. • Keramiede, velherstellende molekules wat die krakies tussen…

Die heerlike lente is hier! Dis verreweg my gunstelingseisoen van die jaar. Die son begin al hoe vroeër kop uitsteek en die nuwe blomme maak hul verskyning. Ek het omtrent 'n lekker bedrywige paar weke agter die rug en het die laaste maand amper in elke provinsie met my Masterclasses gaan kuier. En so ook vir die eerste keer 'n draai in die kleine Colchester in die Oos-Kaap gaan maak. Ek was by Parkview Lodge vir die bekendstelling van hul pragtige nuwe trouvenue. My mooie model vir die aand was Sonelda Nel, 'n laerskool-onderwyser, wat self baie lief vir grimering is. Skoonheidswenk Party vroue glo dis nie altyd nodig vir blosser nie, maar ek is mal daaroor, want dit sit kleur in jou gesig. Dit laat jou ook stralend en…

✤ Soveel mense met fyn, reguit hare sukkel met hare wat plat teen hul kopvel lê. Om meer volume te kry, beveel ek 'n volumestileer-middel, soos 'n jel of mousse, aan. Moenie dit net aan die haarpunte aanwend nie, maar masseer dit in die kopvel in. ✤ Die manier hoe jy jou hare droogmaak, is net so belangrik. As jy jou hare koponderstebo droogblaas, lig die hare weg van die kopvel en maak die volumestileer-middel soos 'n silinder droog wat elke haartjie vir die hele dag ophou. Eers wanneer jou hare amper heeltemal droog is, kan jy jou kop teruggooi en die laaste afronding met 'n borsel doen.…

In Make work work for you verskaf Judy die volgende wenke vir vroue wat menopouse of perimenopouse ervaar: ✤ KRY HULP | Vra jou algemene praktisyn of ginekoloog uit oor behandelingsopsies. Die wetenskap is aan ons kant; daar is baie maniere om die hormonale oor-sake van menopouse sowel as die simptome te behandel. ✤ PRÁÁT | Hoewel ons opgevoed is om te swyg oor dit wat in ons liggame gebeur, moet ons daaroor praat. Maak van menopouse 'n normale gespreksonderwerp. Hou op om mans (en ander vroue) teen die werklikheid van menopouse te beskerm. Wanneer jy 'n gloed ervaar of wanneer jou brein momenteel tot stilstand kom, sê reguit en sonder verleentheid iets, soos: "Ek het net 'n menopouse-oomblik." ✤ STEL VAS WATTER STEUN JY NODIG HET OM JOU WERKSOMSTANDIGHEDE…

geld Hoe weet jy waarin om te belê en hoe neem jy die risiko's en voordele in ag om sinvol te beplan wat om met maandelikse spaargeld te doen? Met die verstaan van beleggings en begrippe wat daarmee verband hou, kan jy aan 'n sinvolle finansiële portefeulje begin bou. Daar is vier hooftipes beleggings, wat aandele, effekte, kontant en eiendom insluit. Aandele verwys na 'n enkele belang in 'n maatskappy, terwyl effekte 'n mandjie van aandele in verskeie maatskappye behels. Eiendomme kan fisieke beleggings wees, maar daar is ook aandele wat in eiendom gekoop kan word. Die algemeen aanvaarbare norm is dat 50%-75% van 'n finansiële portefeulje uit aandele sal bestaan en dat die oorskot as kontant en eiendom opgeneem word. Kontant beslaan gewoonlik die kleinste deel van 'n algehele…

Ten volle tweetalig en nog nie eens in die skool nie, het Lynette de Jager as toergids vir groepe oorsese besoekers opgetree wanneer sy hulle die Boesmantekeninge op hul toeristeplaas tussen Bethlehem en Fouriesburg gaan wys het. Dit was tóé al duidelik dat hierdie blondekop nie net een lewensnoot op 'n keer speel nie. Nee, sy speel in vol akkoorde. Begin jy met dié Kaapse skoonheid gesels, besef jy gou dat 'n groot deel van haar hart steeds soos jare gelede eerder in die berge stap en dat sy steeds sonder moeite 'n bak krummelpap kan verorber. Miskien het die feit dat sy op drie haar eerste perd gekry en op ses haar eerste uithourit van 45 km voltooi het, daartoe bygedra dat die ritmiese galop met haar voete in…

Vier kos en wyn ✤ 1-8 September | Franschhoek vier Cap Classique, Franschhoek, www.franschhoek.org.za ✤ 6-8 September | Blomme & Bubbles-fees, Paternoster, www.paternosterwinelounge.co.za ✤ 28-29 September | Fijnwyn innie Lente, Pretoria, www.fijnwyn.co.za Alette se beskuit bly bobaas Alette Venter het meer as 25 jaar gelede in haar kombuis met haar ouma Deborah se resep begin beskuit bak. Haar vriendin, Rina, het haar aangemoedig om haar beskuit te begin verkoop en só het sy en Rina uit haar kombuis in Boskruin, Randburg, begin bak. Met haar man, ’n oudskoolhoof, se aftreegeld het hulle groter gegaan en vandag bak haar span amper 20 000 pakkies beskuit per dag. Alette’s Rusks se nuwe With Love and Butter™ -reeks is in beperkte voorrade in Butter Bran, Baked Muesli en Honey & Almond beskikbaar. Kry…

Ons het pas in ’n nuwe huis ingetrek en ek wil baie graag begin tuin maak. Ons het ’n jong hondjie. Watter plante is giftig vir diere en moet ek liefs vermy? Dit is uiters belangrik om bewus te wees van die plante in jou omgewing en hul potensiële gevaar vir troeteldiere. Lelies, sagopalms, tulpe, oleander, en herfskrokus (Colchicum autumnale) is almal pragtige plante, maar hulle kan ernstige gesondheidsrisiko's vir honde en katte inhou. Dit is noodsaaklik om hierdie plante buite bereik van troeteldiere te hou en om onmiddellik ’n veearts te besoek indien blootstelling plaasvind. Voorkoming is die beste manier om jou geliefde diere veilig te hou.…

brei WAT HET JY NODIG? ✤ 2 balle CHARITY Chunky (100 g) in Mermaid Tale OF enige Chunky-breidraad en kleur van jou keuse ✤ 5,5 mm-sirkelnaald ✤ 4 merkers ✤ 1 knoop GROOTTE Pas 2 tot 4 jaar. AANWYSINGS Stel 75 ste op. Ry 1 | *r1, aw1, herh van * tot laaste st, r1. Ry 2 | *aw1, r1, herh van * tot laaste st, aw1. Ry 3 |*r1, awl, herh van * tot laaste st, r1. Ry 4 | *aw1, r1, herh van * tot laaste 7 ste, heg 4 ste aweregsgewys af, aw1, r1, aw1. Ry 5 | r1, aw1, r1, stel 4 ste op, f7, m1, r1, plaas merker, r1, m1, r9, m1, r1, plaas merker, r1, m1, r21, m1, r1, plaas merker, r1, m1, r9,…

VEEARTS BEANTWOORD VRAE HONDSDOLHEID 28 September is Wêreldhondsdolheidsdag. Is hierdie siekte steeds 'n groot probleem en hoe belangrik is inentings? Hondsdolheid, beter bekend as rabies, is 'n ernstige en dikwels dodelike siekte wat deur die hondsdolheidsvirus veroorsaak word. Die siekte kan alle soogdiere, insluitend mense, aantas. Die belangrikheid van inenting teen hondsdolheid kan nie genoeg beklemtoon word nie. Inenting speel 'n kritieke rol in die voorkoming van die verspreiding van die virus. Honde is die grootste bron van menslike hondsdolheidbesmettings in Suid-Afrika. Jaarlikse inenting van troeteldiere is noodsaaklik om ’n buffer teen die siekte te skep en om menslike besmettings te voorkom. Inenting help om ’n immuniteitsversperring in die dierlike bevolking te bou, wat uiteindelik die risiko vir mense verminder. Dit is veral belangrik vir troeteldiere wat dikwels buite rondbeweeg.…