Innholdsfortegnelse for August 2024 i Rooi Rose

redbrief Dit waarvan ’n tweede nie bestaan nie, is uniek. Dink aan al die mense in jou lewe. Ook aan jouself. Daar is iets aan elke mens wat hom of haar laat uitstaan. Of dit nou iemand se spitsvondigheid is of iemand wat vol draadwerk is! Om jou uniekheid uit te leef, is bevrydend. Dis amper soos daardie uitdrukking wat lui: Dans asof niemand kyk nie. Dit is die dapperheid om jouself te wees ongeag of ander daarvan hou of nie. Jou uniekheid kan ’n impak op die wêreld rondom jou hê. Jou talente of perspektief kan iets nuuts skep ten voordeel van ander of dit kan ander beter perspektief oor iets gee. Hoe lekker is dit wanneer jy met iets unieks vorendag kom? Dalk het jy ’n briljante nuwe…

mense Daar’s nie ’n kans dat jy die aktrise Lorraine Burger op sosiale media gaan raakloop nie. Die kans is nog skraler dat jy haar by ’n openingsgeleentheid gaan sien waar sy in ’n ontwerpersuitrusting pronk. Sy hou glad nie van die kollig nie, en is eintlik mediasku, bieg sy. Ons gesels op ’n verfrissende herfsdag by die Plaaskombuis-restaurant in Northcliff. Anders as die prim en proper Annetjie van admin, die karakter wat haar sedert 2016 so geliefd onder Binnelanders-kykers gemaak het, dra sy nie ’n konserwatiewe snyerspakkie nie, maar is informeel in jeans en ’n geborduurde bloes geklee. “My lewe is baie vervelig in vergelyking met Annetjie s’n,” sê sy nederig. Sy was voorheen op Facebook en sy kan goed verstaan hoekom baie akteurs op sosiale platforms is om…

Die hekwag by ’n meenthuiskompleks in Boskruin, Randburg, verduidelik ek moet net die motor voor my volg; dis Craig Urbani wat daar vóór parkeer. Craig het nog kans om sy gimsak en sleutels in die kombuis neer te sit, voor hy my innooi. Hy maak vir my koffie. Hy drink tee. “Ek het al my dosis koffie vanoggend gedrink.” Die eenuurson val deur die oop skuifdeure op die leerbank. Hy sit in ’n sonkol. Ontspanne in ’n kortbroek, T-hemp en plakkies, ver verwyderd van die Teatro-verhoog, Montecasino, waar hy aand ná aand staande as kaptein Von Trapp toegejuig is. Hy voel oorweldig deur die sukses van The Sound of Music. “Dit was ’n wonderlike rolverdeling; die moderne verwerking van ’n klassieke liefdesverhaal wat my oorrompel het. Ek kon met my…

Wen Een leser kan ’n geskenkpak ter waarde van R3 050 wen. Dit sluit die volgende in: ✤ 1 x 12 Color Eyeshadow Palette ✤ 1 x 9 Piece Brush Set ✤ 1 x Liquid Matte Lipstick ✤ 1 x Lip Gloss ✤ 1 x Contour Powder ✤ 1 x Highlighter Powder ✤ 1 x Blush Powder Stuur ’n e-pos met jou naam, van, adres en telefoonnommer met “Willem Augustus” in die onderwerpreël voor 22 Augustus 2024 na rooirose@habarimedia.com. *Slegs een inskrywing per persoon Almal soek ’n lipstiffie wat heeldag moet hou. Die WBB Liquid Matte Lipstick is een van daardie wat jy nie sommer afkry nie. Maar nie almal is mal oor die mat gevoel nie. Ek hou nogal daarvan om ’n lipglans oor dit aan te wend vir…

Broeke wat jou groter laat lyk as wat jy is, is die tipe met ’n rek om die middel en wat los hang. Nousluitende langbroeke of jeans, veral in ’n donker kleur, is ’n goeie keuse. Baie mense is huiwerig om stywe broeke te dra, maar deesdae se materiale rek, is gemaklik en ondersteun jou terwyl jy soos normaalweg buk en buig. Kombineer ’n noupassende langbroek met ’n hemp of bloes in jou gunstelingkleur wat nie te styf sit nie, want die reël van styl sê dat as een kledingstuk noupassend is, moet die ander losser pas. As jy selfs nog skraler wil lyk, kan jou broek en hemp dieselfde kleur wees. Die hoogte van jou skoenhak sal jou ook langer en skraler laat lyk. Net ’n effens hoër hak,…

Kortliks, ja. As jy heeltemal stop en nie beweeg nie (al is dit net om te gaan stap), kan dit veroorsaak dat jy jou lyf in ’n swakker posisie plaas as waarin jy voorheen was. Dit stel jou nie net bloot vir beserings nie, maar maak dit ook weer moeiliker om in ’n roetine te kom. Die grootste voordeel van oefen terwyl jy seer is, is dat jou bloedtoevoer na die seer gedeeltes verhoog sal word en tydelike verligting gee, maar maak doodseker dat jy wel net seer en styf is, en nie ’n ernstige besering opgedoen het nie.…

✤ Jy kan ook 1 kg vleis vir hierdie resep koop, maar die bene en aftreksel sorg vir ’n geurige toevoeging tot hierdie resep en jy kan die tuisgemaakte aftreksel vir toekomstige resepte hou. Vleispasteitjies ✤ 8 porsies VULSEL 8 kg vleisbene (genoeg vleis aan, jy wil tot 1 kg se gekookte vleismassa hê) 8 wortels, gekap  6 uie, in kwarte gesny 1 bossie seldery, grofgekap 1 bossie pietersielie  2 lourierblare  4-5 tiemietakkies botter, om mee te braai 250 g spek, fyngekap 2 uie, gekap 2 knoffelhuisies, gemaal 3 ml (½ t) wonderpeper (Allspice)  125 ml (½ k) rooiwyn DEEG 500 ml (2 k) water  90 g botter  knypie sout  500 ml (2 k) bruismeel 1. Voorverhit oond tot 200 °C. Pak bene uit in twee groot oondbakke. Rooster vir 30 minute tot bruin. 2. Kook in groot…

dekor Sofie Leemans, ’n aanlyn sielkundige wat van die huis af werk, woon die afgelope 18 maande in dié pragtige huis in Houtbaai, Kaapstad. Sy het vriende en familie wat gereeld oorbly sedert sy uit België na Suid-Afrika geëmigreer het en wou daarom ekstra ruimte hê. “Ek was gedurende die Covid-pandemie in Houtbaai vasgekeer en het besef ek hou baie van die atmosfeer hier. Aanvanklik wou ek meer na die Skiereiland gaan en ek het op ’n huis in Scarborough verlief geraak. Dit het egter deur die mat geval en ná ’n routydperk het ek besluit Houtbaai pas my beter: Dis redelik naby aan die stad en vriende, steeds stil en met pragtige uitsigte met ’n kleindorpse gevoel. Dit was vir my ideaal.” Sy het haar huis einde 2021 gekoop,…

BEKENDES EN BLOMME ONS VOORBLADSTER Mandi Baard sê hulle het ’n tuin en ’n lekker groot grasperk waar die kinders en hondekinders na hartelus kan speel. “Ons het ook ’n groot grasperk gehad toe ons kinders was en die hele buurt se kinders het altyd by ons kom ‘tuinkrieket’ speel. ’n Groot tuin met groen gras vul my altyd met heimwee en ek dink dis ’n spesiale voorreg vir enige kind om ’n groot grasperk te hê. “Ek is ook mal oor ’n tikkie groen in die huis en die atmosfeer wat ’n huisplant skep. Ek is veral gek oor ’n gerbera. “Dit was die blomme by ons troue. Dit is sulke vrolike blomme wat ’n tuin sommer net opkikker. “Dan het ek baie beslis ook spesiale herinneringe van krismisrose…

✤ Bespreek jou kajuit aan boord vir een van die volgende NCLskeepsvaarte: Suid-Afrika tot Madagaskar van Kaapstad (Desember 2024); Madagaskar en Mosambiek van Port Louis, Mauritius (Januarie 2025); Suid-Afrika, Madagaskar en Mosambiek van Kaapstad (Januarie 2025); Namibië, Kaap-Verdiese eilande, Angola en die Ivoorkus van Kaapstad (Maart 2025); Madagaskar en Réunion van Port Louis, Mauritius (Maart 2025); Suid-Afrika tot Madagaskar van Kaapstad (November 2024, November 2025 en Februarie 2026) en Kanarie-eilande, Namibië en Senegal van Kaapstad (Maart 2026). Bespreek by www.ncl.com, 021 200 6586 of deur jou reisagent. ✤ Verskeie vlugte is van Kaapstad en Johannesburg direk na Mauritius, Réunion en Madagaskar beskikbaar. Vlieg ’n dag of twee vroeër en verken die eilande voor jy aan boord gaan. Daar is heerlike uitstappies vir NCL-gaste, maar soms is daar twee wat jou…

✤ The Idea of You is glo gegrond op die lewe en romanses van die popster en akteur Harry Styles. Hy het glo ’n voorliefde vir ouer vroue gehad. ✤ Nicholas Galitzine het so dikwels gay-rolle gespeel waarin hy gedurig kaal was, dat hy later op sosiale media daarvoor om verskoning gevra het. ✤ Bewonderaars het glo op die internet gesê dat hulle nie Nicholas in The Idea of You herken het mét sy klere aan nie! ✤ Prime Video het met Red, White & Royal Blue, die veelbesproke rolprent met Nicholas in die hoofrol, die grootste sukses in 2023 behaal, en dit het in die gewildste plek geboer. Daar is daarom besluit om ’n vervolg daarop te maak. ✤ In Nicholas se debuutrolprent The Beat Beneath my Feet in…

RAAIKETTING 1 LEIDRADE SKUINS NA ONDER 1. Wiel in ’n masjien 2. Die … kry (vies word) 3. Van manskappe voorsien 4. Dronkaard 5. Lusvormige knoop van lint 6. Hulle sit aan vir ’n maaltyd 7. Ophou 8. Stukke 9. Halfdosyn SKUINS NA BO 1. Seeleeu 10. Stad in Frankryk 11. Onderwerpe 12. Rottangs 13. Klein otteragtige pelsdier 14. Moerasgrasse 15. Ring van blomme 16. Suidoos-Asiese gereg 17. Kaasgedeelte van ou dikmelk RAAIKETTING 2 LEIDRADE SKUINS NA ONDER 1. Turkse goewerneur 2. Dun yskors op paaie 3. Soepel 4. 1 000 ml 5. Wondvog 6. In ’n hoër mate 7. Praat 8. Onmeetlike tydruimtes 9. Graansoort of seevis SKUINS NA BO 1. Kap hout daarmee 10. Skilder se driepoot 11. Begaafde persoon 12. Gewrigte 13. Met motor agteruit gery 14. Spelleiding van toneelspelers 15. Redenaar 16. Stad in Nevada, Amerika 17. Afrikaanse radiostasie ANTWOORDE Sudoku 1, 2 & 3 van bl 126 SUDOKU 1 MAKLIK SUDOKU 2 MEDIUM SUDOKU 3 MOEILIK…

Swart stewels, swart kouse, swart noupassende rokkie en ’n kort swart leerbaadjie met ’n luiperdmotiefvoering. En lang swart hare. Natasha van der Merwe het die perfekte rock chick-voorkoms. Sy lag lekker. “Jy kan seker die afleiding maak dat ek van swart hou. En vra vir enigeen, ek is mál oor leopard print. Ek het rokke, rompe, skoene, ’n jas, ’n handsak, the works in leopard print. En natuurlik sequence, ek is soos ’n kraai,” spot sy. “Ek hou van alles wat blink. En ek is verslaaf aan oorbelle, ek het seker 300 pare, as dit nie meer is nie. “Ek en Suzie het soort van dieselfde smaak,” sê sy met verwysing na die karakter wat sy in die Suidooster-sepie vertolk. “Soms is haar informele drag bietjie te mak vir my…

skoonheid 1. Bioderma Pigmentbioreeks, vanaf R295, Clicks Kry jou vel reg vir die somer en raak van dowwe vel, pigmentasie of donker vlekke ontslae. Die Bioderma Pigmentbio-reeks is ’n volledige roetine om die vel af te skilfer, selomset te versnel en sodoende vir ’n glansende vel te sorg. Dit help ook om die voorkoms van donker vlekke en pigmentasie te verminder danksy bestanddele soos glikolsuur, salisielsuur, niasinamied en vitamien E. 2. Kalahari De-Age Hydration Mask, R509, www.franckglobal.com Hierdie oornagmasker is die ideale oplossing vir ’n droë vel weens koue weer, droë lug of die nagevolge van ’n verkoue. Met bestanddele soos avokado-, en kasterolie, Pentavitin en candelilawas, bevogtig dit jou vel oornag. Die tekstuur is luuks en dik. Ek gebruik dit saans ná my serum en nagroom, en kan definitief…

Vrees jy dat jy, nes jou ma en ouma, aan ’ n beroerte gaan sterf, of soos verskeie van jou familielede gedoem is om artritis te verduur? “Jare lank was die algemene siening dat ons gesondheid grootliks deur ons genetika bepaal word,” sê Anita Hamilton-Williams, ’n funksionele medisyne-gesondheidsafrigter en Nutrigenomics-praktisyn van Kaapstad. “Baie mense het gereken 70% van ons gesondheidstoestand is te wyte aan oorerwing, en dat die impak van faktore, soos ons omgewing of leefstylkeuses, slegs 30% behels.” Die goeie nuus, sê sy, is dat dié perspektief die komplekse verband tussen genetika, leefstyl en omgewing oorvereenvoudig. Ons kan baie doen om langer en gesonder te leef. “Die keerpunt het gekom met die kartering van die menslike genoom, een van die grootste internasionale wetenskaplike samewerkingsprojekte nog. Hierdie poging om die…

Het jy geweet dat hoe meer kollageen jou liggaam het, hoe meer is jou liggaam in staat om te vervaardig en te behou? Om net kollageenaanvullings alleenlik te neem, is nie genoeg nie, en kan nie verlore kollageen vervang nie. Om daagliks kollageen in te neem, kan help om natuurlike kollageenvervaardiging ’n hupstoot te gee, maar daar is ook aanvullende bestanddele wat sal help dat dit beter opgeneem word en doeltreffender ondersteuning sal bied. Vitamien C is die sleutelbestanddeel vir beter absorpsie en help ook om hialuronsuurvervaardiging te verbeter, wat tot kollageenvervaardiging bydra. Be Bright se Luminate Collagen bevat 100% gehidroliseerde tipes 1 en 3 kollageenpeptiede, asook vitamien C, sink en hialuronsuur om vir jou daagliks ’n alles-in-eendosis te gee. Dis wonderlik vir jou vel en hare, maar help ook…

geld Soms hoor ’n mens gereeld die refrein: “Mense voor profyt”. “Besigheid” stel meer in die maak van geld belang as in mense se welstand. Maar is dit so? Is wins vandag belangriker as mense en het dit daartoe gelei dat mense vandag slegter daaraan toe is? Dalk moet ons eerder vra wat “rykdom” werklik beteken. Is rykdom gelyk aan geld, aan luukse huise en motors, aan weelderige oorsese vakansies, of is rykdom iets anders? Myns insiens is rykdom eerder die volgende: ’n Lang en gelukkige lewe; ’n gesonde lewe wat in veiligheid gelei word; geluk en voorspoed – maar rykdom is nié geld, weelde en prag en praal nie! Of dalk is geld, wins, ’n lang en gelukkige lewe en alles wat goed is, een en dieselfde ding? Vandag…

#SheOwnsHerSuccess Vroue maak 51% van die populasie in Suid-Afrika op, maar slegs 44,3% van die werkende arbeidsmag, en is dikwels in laer posisies in organisasies. Momentum Insights toon, in samewerking met AskAfrica, dat vroue 20,7% direkteure is en 29,5% in uitvoerende bestuursposisies is. As Suid-Afrika hul finansiële doelwitte wil bereik, moet vroue se behoeftes 'n prioriteit gemaak en aktief aangespreek word. By Momentum sien ons hierdie as 'n behoefte met vele vlakke. Dis waarom ons daarop fokus dat vroue persoonlik ontwikkel, professioneel en in sport. Ons verbintenis tot hierdie saak is duidelik in ons aanstelling van Jeanette Marais as ons eerste vroulike hoof uitvoerende beampte. Die #SheOWnsHerSuccess-veldtog, wat al sesjaar aan die gang is, bemagtig vroue m et die gereedskap en wenke om finansiële sukses te behaal. Dit vier die…

M&M-koekies ✤ 48 porsies 250 g botter 310 ml (1¼ k) plus 15 ml (1 e) ekstra versiersuiker 10 ml (2 t) vanieljegeursel 500 ml (2 k) koekmeel 125 ml (½ k) rysmeel 80 ml (½ k) mielieblom 230 g mini-M&M’s of ander sjokolade met soet lagie bedek 30 ml (2 e) melk 1. Klits botter, versiersuiker en vanieljegeursel in bak tot vaal en donsig. Roer gesifte koekmeel, rysmeel en mielieblom saam met M&M’s in twee sarsies by mengsel. Gooi melk in en roer tot goed gemeng. Verdeel mengsel in helfte. Knie elke helfte op oppervlak wat met meel bestrooi is. Rol helftes in 25 cmrolle en draai in bakpapier toe. Plaas vir 1 uur in yskas tot ferm. 2. Voorverhit oond tot 160 °C. Smeer twee bakplate. 3. Sny koekdeegrolle in 1 cm-stukkies. Plaas koekies 3…

Dis ’n all-in-one vir Corlette (40) en Charlise (21) van Pretoria. Charlise verduidelik: “Ons het dit alles. Dis baie moeilik om te beskryf. Mense wat dit (die tipe verhouding met ’n ma) het, sal verstaan wat jy bedoel as jy sê jou ma is jou all-in-one. Baie keer het ek my ma nodig, dan is sy my ma. As ek ’n vriendin nodig het, is sy my vriendin. Ander kere het ons net nodig om ’n glasie wyn saam te drink en te chill. Dan is sy my bestie.” So bietjie soos aarbeie en room. Kaas en wyn. Die een vul die ander met unieke aromas en geure aan. (Charlise meen as jy dit nie verstaan nie, dan weet jy nie wat húlle weet nie!) Vandag is hulle boonop sakevennote…

Die meeste van ons moet maar deesdae sente omdraai, maar dis nie te sê jy moet die tuin afskeep nie. Trouens dis wanneer jy kreatief kan begin dink. Ek het gaan snuffel vir ’n paar idees om jou tuin mooi en interessant te maak. ✤ Gebruik interessante potte en houers om plante in te plant. Kyk met ander oë na goeters in die motorhuis en die huis. Wat van ’n ou geroeste gieter of ’n teepot wat getjip het? Vra rond vir ’n ou kruiwa, vul dit met potgrond en plant kleurryke blomme soos kappertjies wat oor die rand kan hang. Baie motorbandplekke gooi die beskadigde bande uit. Verf dit in jou gekose kleur en stapel dit twee-twee opmekaar. Selfs ’n droë boomstomp kan as “blombak” dien. ✤ Houtplanke (pallets)…

Wenke • Gebruik oorskiet van vorige projekte, want die speelgoed gebruik nie baie brei- of hekeldraad nie. • Druk kattekruid saam met die stopsel in die muise - jou kat sal dit nie kan weerstaan nie. • Jy kan die muis se stert hekel as jy verkies. Maak 'n string kettingsteke so lank as wat jy die stert verkies en maak kortbene in elke kettingsteek tot die einde. • Maak die gekrulde speelgoed vir jou kat so lank as wat jy verkies. • Die balle in die trektou is opsioneel - jy kan net knope in die string maak. • Hekel die trektou so lank of kort soos jy verkies. • Druk 'n ronde klokkie saam met die stopsel in die bal. Afkortings gs – glipsteek kb – kortbeen ks – koussteek lb…

SPEEL SAAM NET VIR DIE PRET! BLOKRAAI 1 BLOKRAAI 2 BLOKRAAI 3 ANTWOORDE Woordoku 1, 2 & 3 van bl 125 WOORDOKU 1 WOORDOKU 2 WOORDOKU 3 Raaikettings 1 & 2 van bl 127 RAAIKETTING 1 Skuins na onder: 1. Rat; 2. Olel; 3. Beman; 4. Sater; 5. Strik; 6. Eters; 7. Staak; 8. Ente; 9. Ses. Skuins na bo: 1. Rob; 10. Ales; 11. Temas; 12. Latte; 13. Nerts; 14. Riete; 15. Krans; 16. Saté; 17. Kês. RAAIKETTING 2 Skuins na onder: 1. Beg; 2. Ysel; 3. Lenig; 4. Liter; 5. Etter; 6. Erger; 7. Uiter; 8. Eons; 9. Rog. Skuins na bo: 1. Byl; 10. Esel; 11. Genie; 12. Litte; 13. Getru; 14. Regie; 15. Retor; 16. Reno; 17. RSG. BLOKRAAI 4 BLOKRAAI 5 LEIDRADE DWARS 1. Kwaad…

VEEARTS BEANTWOORD VRAE KATHAAR-ALLERGIE My kinders wil graag ’n kat hê, maar my man is allergies vir kathare. Ek het gehoor daar is sekere katrasse wat beter vir sulke mense is. Is dit waar? ’n Allergie tot kathaarproteïne kan omtrent tot hareklowery lei en die besluit om ’n kat te kry baie bemoeilik. Sekere mense het ’n allergie vir die proteïen “Fel d 1”, wat in katspeeksel voorkom. As katte hulself lek, versprei die proteïen op die pels se haarskagte. Verskeie katrasse is bekend daarvoor dat hulle minder van dié proteïen in hul speeksel het. Siberiese, Bengaalse, Siamese, Devon- en Cornish Rex-katte is almal laeallergeenrasse. Sfinkskatte kan totaal haarloos wees, wat ook die allergeenlading drasties verminder. Omdat hulle haarloos is, moet hulle egter gereeld gebad word om velolies gebalanseerd te…

so sê hulle Dit is nie altyd lekker om debatte te lees wat soms tussen ateïste en gelowiges gevoer word nie, hoofsaaklik omdat sulke debatte, pleks van die vrugbare en rustige gesprekke wat ’n mens sou verwag, alte dikwels in vyandige en venynige propaganda ontaard. Soms is ateïste én gelowiges aan hierdie onverklaarbare onverdraagsaamheid skuldig. Met hierdie rubriek wil ek nie tot die debat toetree nie. Ek wil net graag ’n paar persoonlike redes gee oor hoekom ek myself nie as ’n ateïs kan beskou nie. Ja, ek is gelowig! Of my geloof die regte een is, daarvan is ek nie heeltemal seker nie en ek sal niemand aanvat of veroordeel wat van my verskil nie. Dit is nou maar eenmaal hoe ek voel, en wat ek dink, en my…

Anoniem is jou 50ste boek. Baie geluk! Hoe het dit gebeur dat jy begin skryf het? Ek het kleintyd al vir myself stories vertel en, nadat ek leer skryf het, vir myself stories neergeskryf. Op 16 is ’n sprokie wat ek geskryf het op Siembamba voorgelees en in matriek het ek ’n kortverhaal geskryf wat later in Huisgenoot verskyn het. Daarna het die lewe gebeur en daar was maar altyd stories in my kop. Twintig jaar later, in 1995, het ek egter besluit dis nou of nooit. My eerste boek en ’n novelle wat ek vir ’n tydskrif gestuur het, het in 1996 verskyn. Waar kom jou idees vir stories vandaan? Elke boek ontstaan uit ’n ander prikkel of stel prikkels. Hierdie prikkels kom soms uit doodgewone dinge, ander deur…

VELSORG 1 Maak seker dat jy vog inseël deur jou serum of bevogtiger aan te wend nadat jy jou gesig gewas het, terwyl jou vel steeds bietjie klam is. PROBEER | Environ Focus Care Moisture+ Super Moisturiser R590, deluxeshop.co.za 2 Komkommerskyfies of teesakkies is wonderlik om powwerigheid onder jou oë te verlig, maar ’n oogmasker, soos GloPotion Hyaluronic Acid Gel Eye Mask (R60,99, Clicks), werk selfs beter. Hou dit in die yskas en gebruik dit om jou oë te verhelder, bevogtig en streel, of voordat jy grimering aansit. 3 Om jou vel ’n sigbare hupstoot te gee, vries melk in ’n ysbakkie en draai ’n blokkie in ’n moeseliendoek toe. Masseer dit dan oor jou vel. Dit help om sirkulasie te bevorder en dooie velletjies sagkens te verwyder. 4 As…

HAARKLEUR ✤ Die haarkleur wat jy in ’n boks by ’n supermark koop, is nie noodwendig van ’n swakker gehalte as dié wat jou haarkapper in die salon gebruik nie. Die probleem is ’n verkeerde kleurkeuse – iemand wat natuurlike swart hare het wat haar in ’n blondine wil omskep of ’n spierwit gryskop wat ’n rooi haarkleur wil probeer, sal in ’n fiasko eindig. Gelukkig kan alle kleurfiasko’s reggemaak word – verkieslik dan deur ’n professionele kleurspesialis. ✤ Die veiligste haarkleur wat jy self tuis kan probeer, is ’n kleur wat nie meer as twee skakerings ligter of donkerder as jou natuurlike haarkleur is nie. Vra jou haarkapper wat jou natuurlike kleurdiepte is. Op die internasionale kleurkaarte val almal se haarkleur op ’n bepaalde nommer wat van nommer 1…

“Funksionele medisyne is ’n integrerende benadering tot gesondheidsorg wat daarop fokus om die hoofoorsake van siektetoestande te identifiseer en te hanteer,” verduidelik Anita. “Dis op die individu gerig. Wat vir een mens werk, werk nie noodwendig vir ’n ander nie. Dit neem die persoon in geheel sowel as hul leefstyl in ag, eerder as om net geïsoleerde simptome te behandel. Hierdie benadering help kliënte om hul omgewing en leefstyl te optimaliseer sodat hulle op die duur gesonder kan leef en ook beter kan verouder. ’n Kombinasie van dieeten leefstylaanpassings kan wondere verrig. In my praktyk gebruik ek genetiese toetsing en die toepassing van nutrigenomika – die interaksie tussen voedingstowwe en genetika – om veral chroniese siektetoestande en lewensfases, soos menopouse en perimenopouse, te hanteer.” Anita HamiltonWilliams: www.myhealingspace.co.za…

Vier kos en wyn ✤ 2-3 Augustus | Stellenbosch-wynfees, Stellenbosch-stadsaal, www.plankton.mobi/ ✤ 3 Augustus | Honeybee Expo, Macnut Farm, KwaZulu-Natal, www.webtickets.co.za ✤ 31 Augustus | Fijn-brandewyn, Pretoria, www.topwinesa.com/www.fijnwyn.co.za ✤ LaruLicious het heerlike houtbokse vol lekkernye tydens hierdie maand se fotosessies met Mandi Baard én ons ma-endogter-wenners verskaf. Die span het hul vingers afgelek! LaruLicious se lekker kos LaruLicious op Krugersdorp bied ’n groot verskeidenheid van spysenieringskeuses. Hulle spesialiseer in alledaagse peuselhappies en die lekkerste buffet- en aansitetes. Laruchelle Germishuys, die eienaar van LaruLicious, het haar passie vir kos by haar ma en ouma geërf en dit verder ontwikkel. Saam met haar span, Callista Swart en Arnel Bredenham, streef hulle daarna om elke geleentheid so perfek as moontlik te maak. Hul unieke kosopsies word in houtbokse voorgesit, wat weer gebruik kan…

✤ Toe Steven Spielberg die biografiese rolprent The Fablemans vir sy susters gewys het, het hy erken dat hy nog nooit so senuweeagtig in sy lewe was nie. ✤ Michelle Williams, wat die rol van Steven se ma in The Fablemans gespeel het, is toegelaat om Steven se ma se oorspronklike juwele te dra. ✤ Claire Foy (wat onder andere Koningin Elizabeth in The Crown gespeel het), het ’n monoloog 120 keer oorgedoen in Women Talking voordat die regisseur Sarah Polley tevrede was. ✤ In die oorspronklike Spider-man in 2022 het dit Tobey Maguire 156 probeerslae geneem om die toneel reg te kry waar Kirsten Dunst as Mary-Jane haar kos van ’n skinkbord af verloor en hy dit moes vang. ✤ Toe Viggo Mortensen ’n helmet moes skop in The…

fiksie H aar selfoon lui. Weer daai alewigknaende fiemiesvrou. Asof sy wat Klara is, gratis advies nodig het. En asof sy tien hande het wat almal gelyktydig knip en stik. “Ja, ek verstaan julle is haastig, maar hier lê lappe tot oor my ore. En nee, ek het nog nie jou dogter s’n klaar nie; onthou dit het baie detail.” Om vir ander mense klere te maak, is nie regtig lonend nie, dink sy. Nie as jy die stres en die min slaap en die risiko van foute insluit nie. Klara het egter nie ’n keuse nie. Werk op die platteland is skaars en sy is gedwing om ’n ekstratjie vir hul kinders se studiegeld êrens uit te krap. Dié dat sy nou op ’n Saterdagmiddag sit en swoeg en…

Sedert my Russiese skoondogter se eenlopende pragpa, Nikolai Dimiti, se besoek aan Suid-Afrika, het my lewe ’n algehele gedaanteverwisseling ondergaan. Ek is nie meer Lisa de oor-die-wal-kat nie. O nee, ek is getransformeer na Lisa de Spring Chicken – en wel met die klem op spring. Daar is ’n nuwe veerkragtigheid in my. ’n Huppel in my stap. ’n Lus vir die lewe in elke sel van my lyf. Ek is ’n nuwe vrou. En wie moet ek daarvoor bedank? Nie enige bank nie. Nee, ek is nuutgemaak deur die Rus se salwende hande op my. Elke deeltjie van my lyf wat hy soos ’n padkaart op soek na ’n eindbestemming bestudeer het, tintel steeds. Die liefde het nou maar eenmaal die manier om ’n (ouer) vrou te restoureer. My…