Innholdsfortegnelse for July 2024 i Rooi Rose

Terwyl ek besluit om oor herinneringe te skryf, lees ek toevallig ’n rubriek van Stephan Joubert wat juis oor herinneringe gaan. Hy sê dat dít wat in die verlede gebeur het, belangrik is, maar om daarop te hamer, is soos om ’n ou golf te ry wat jare gelede reeds verby is. Hy haal Filippense 3:13 aan wat lui: “Ek maak my los van wat agter is en strek my uit na wat voor is.” Hierdie woorde het my weer nuwe insig gegee, want wie is nou nie soms geneig om by die “goeie ou dae” vas te steek nie? Ons moet nuwe herinneringe maak. Al voel dit of die lewe verander het en dinge moeiliker gaan, kan ons steeds baie goeie herinneringe bymekaarmaak, ons ingesteldheid moet net reg wees.…

Ons sit skaars twee minute of ’n tannie loer oor my skouer. “Ek het jou op die teevee gesien,” koer sy en staar droomverlore in Emo se oë. Hy gee vir haar ’n Colgate-glimlag en groet vriendelik. En dis maar die eerste van vele kere dat iemand by ons tafel stop en elke keer is Emo ewe hartlik. “Ek het ’n bitter sweet loopbaan,” erken hy. “Ek het iewers iets baie moois gehoor en ek probeer dit uitleef. It’s nice to be important, but it’s just as important to be nice.” Hier aan die suidelike punt van Afrika het Emo geen bekendstelling nodig nie, maar dit blyk dat hy inderdaad van Thabazimbi tot in Thailand ’n huishoudelike naam is. En dis nie sommer net praatjies nie. Vra gerus vir Henriëtta…

Langs die voetpaadjie van die aftreeoord lê ’n tuintjie. Verruklik in rooi en blou blomme getooi. Ek sien onthouklippe, blou bottels, skulpe, houtskywe, roesbruin klippers en Hollandse Delft-ornamente. Ek sien onthouklippe, blou bottels, skulpe, houtskywe, roesbruin klippers en Hollandse Delft-ornamente. En ek weet: Dis die versinnebeelding van die skrywer Annelie Botes se boeiende verbeeldingswêreld. Ineengevlegte tablo’s wat jou vasgryp, en vashou. Deur die uitkykvenster van die sonstoep waai sy glimlaggend vanuit haar rolstoel. Die vrou wat ek op die sonstoep tegemoet loop, dra ’n bont sigeunerrok. ’n Aardse mens. Eerlik en openlik tot in haar murg. Toe Chris, alias die Gryse, met ’n houtskinkbord met fyn koppies, ’n bypassende teepot en southappies inkom, straal sy erbarming teenoor Annelie behoorlik. Hy noem haar Myta, en sê hy weet sy wil sélf…

✢ Dermalogica se Pro Dermaplaning, vanaf R450, www.dermalogica.co.za is ’n vorm van oppervlakkige afskilfering met behulp van ’n chirurgiese lem om dooie velselle en fyn haartjies te verwyder. ✢ Dermalogica se Hydraskin Treatment R1 250, www.dermalogica.co.za behandel algehele velgesondheid deur jou vel diep te reinig. Dit verminder die voorkoms van plooie, maak jou veltekstuur gladder, balanseer velkleur en verminder bakterieë wat aknee veroorsaak. ✢ Brow Lamination is soos ’n karteling vir jou wenkbroue, maar waar die haartjies reguit gemaak word en opgeborsel word. ✢ Lash lift en tint krul jou wimpers van die wortel af sodat jy die volle lengte kan sien sonder om vals wimpers te gebruik.…

Wen Een leser kan ’n Willem Botha Beautygeskenkpak ter waarde van R3 050 wen. Dit sluit die volgende in: ✢ 1 x 12 Color Eyeshadow Palette ✢ 1 x 9 Piece Brush Set ✢ 1 x Liquid Matte Lipstick ✢ 1 x Lip Gloss ✢ 1 x Contour Powder ✢ 1 x Highlighter Powder ✢ 1 x Blush Powder Stuur ’n e-pos met jou naam, van, adres en telefoonnommer met “Willem Julie” in die onderwerpreël voor 25 Julie 2024 na rooirose@habarimedia.com. *Slegs een inskrywing per persoon Die geheim lê daarin om jou grimering opwaarts aan te wend. Omdat Zilia se oë bietjie afwaarts neig, het ek juis met donkerder kleure slegs aan die buitekant van haar oë grimeer. Ek gebruik eerder my warm bruin kleur (Safari Cheek) in ons WBB…

Vele Suid-Afrikaners geniet dit om te kampeer. Dit kan egter moeilik wees om tydens sulke vakansies jou hare se blonde kleur en toestand te onderhou. Sonstrepe vergeel, want dit word meer poreus en neem onsuiwerhede uit die lug en water soos ’n spons op. ’n Platinum sjampoe sal enige vergeling van die hare uitskakel. Gebruik dit net met elke tweede haarwas, maar wanneer jy kamp en daar moontlik baie yster in die water is, kan jy dit elke keer gebruik. Só sal jou blonde kleur mooi silwer blond bly, selfs al is jy in die gramadoelas.…

Namate die winter aanbreek en die versoeking om te hiberneer al hoe sterker word, is dit tyd om teen die winterblues terug te veg! Dis maklik om in ’n roetine van knus komberse, warm drankies en eindelose naweekflieks te verval, maar om aktief te bly hou soveel meer voordele in. Probeer hierdie eenvoudige maar bereikbare wenke gedurende die winter: ✢ Begin jou dag met ’n verfrissende vroegoggendstort. Dit sal jou nie net wakker maak nie, maar dit sal ook sirkulasie ’n hupstoot gee, wat jou energievlakke verhoog. ✢ Probeer binnenshuise oefensessies, soos joga, dansvideo’s of seifs ’n sitkamer-hindernisbaan. Raak kreatief en geniet dit terwyl jy aktief bly. ✢ Pak die natuur aan en gaan op ’n staptog - dit sal wondere vir jou gemoed en energie doen. Bron: Shower to…

Liezl gee wenke: • Onthou alles is tydelik. As jy buierig, huilerig en moedeloos voel, byt vas, dit sal verbygaan. Die teenoorgestelde is ook waar. Wanneer jy voel dat jy op die kruin van sukses ry, onthou, dít is ook van verbygaande aard. • Neem verantwoordelikheid vir jou eie gesondheid en geestesgesondheid. Die twee loop hand aan hand en soos wat jy ouer raak, gaan die prys wat jy betaal as jy jou gesondheid afskeep, al hoe groter word. • Jy het altyd ’n keuse. Al voel dit partykeer asof die lewe ’n mens rondgooi, kan jy kies hoe jy die uitdagings gaan benader en hanteer. • Vóél jou emosies. Laat jouself toe om elke emosie in jou lyf te ervaar in die oomblik, en laat dit dan toe om…

‘Ons is die herfsmiddag die enigste voertuig daar. Stilte …’ Ons gids by Qwabi in die Waterberg, Darian de Bruin, het ons nie verniet skaars ’n halfuur vroeër oor namiddagtee en versnaperinge by die lodge gewaarsku “dis wild daar buite die hekke” nie. En willer as die wiltyn is dit gewis! Ons groepie sit doodstil en kyk hoe die drama uitspeel. Pappaleeu is kwaad; seuna is dikbek en wil ’n vloermoer gooi, maar gaan kla by Mammaleeu en sy stap oor en klap parmantig in Pappa se rigting. Maar hy is nie verniet die koning van die diere nie. Hy brul uit sy maag uit en wys tande. Almal se parmantigheid is skoon vergete. Die twee wyfiewelpies klim ’n boom en lê soos wafferse jagluiperds met hul koppe op hul…

so sê hulle Om om verskoning te vra, is nie iets wat mense geredelik doen nie, en ek wonder hoekom. Ek het my teorieë, maar later meer daaroor. Vir eers net die feit, meeste mense sal liewer tien dode sterf alvorens hulle die woorde: “Ek is jammer”, sal uiter. En natuurlik bedoel ek nie net in ’n onbenullige situasie, soos ek is vyf minute laat vir ’n afspraak of ek het per ongeluk melk op jou tafeldoek gemors nie. Ek bedoel wanneer komplekse emosies betrokke is. ’n Tyd gelede het ek en ’n goeie vriendin ’n taamlike intense gesprek gehad oor ’n voorval waartydens ek gevoel het sy’t my nie ondersteun nie. Haar reaksie, nou maande later: “Ek weet, maar ek het mos later vir jou gesê jy was nie…

mense Die vorige dag het die swart Suidooster plek-plek aan 100 km per uur gevat, maar David, wat skaars twee maande gelede Kaapstad toe verhuis het, is geensins ontmoedig nie. “Nee man, dit ís mos die Kaap van storms. Ek’s mal oor ’n Kaapse winter, it’s the place to be,” sê die akteur wat eintlik maar net terug by die huis is. “Ek was twee jaar in Johannesburg vir Binnelanders. Ek mis wel die mense. Ek was nogal close met Luandri Reynders (wat sy eksverloofde Karen gespeel het), Reynhardt Hugo (dr Tertius) en Kate Roothman (dr Nicolette). Ek en Kate het gereeld saam gaan rotsklim. “En ek sal my en Luandri se koffie-en-beskuit-kuiers op stel baie mis asook die intense somerstorms van die Hoëveld. Wat ek nié sal mis nie,…

Die modefoto’s is by die Arum Lily Log Cabins in Wolseley geneem. Dis die perfekte plek om die platteland te geniet met uitsigte oor die berge. Die huise is by ’n plaasdam geleë en word deur boorde omring. Dit is veral ’n knus vertoefplek as jy ’n winterwegbreek wil geniet. Vind meer uit by www.book.nightsbridge.com/15926 of 082 923 6430 VIND HIERDIE ARTIKELS BY: ALDO WWW.ALDOSHOES.CO.ZA EDGARS WWW.EDGARS.CO.ZA FOREVER NEW WWW.FOREVERNEW.CO.ZA FOSCHINI WWW.FOSCHINI.CO.ZA H&M WWW.HM.COM LEGIT WWW.LEGIT.CO.ZA LOVISA WWW.LOVISAJEWELLERY.CO.ZA ME&B WWW.MEANDB.SHOP POETRY WWW.POETRYSTORES.CO.ZA WOOLWORTHS WWW.WOOLWORTHS.CO.ZA ZARA WWW.ZARA.COM/ZA…

Vir my grimering op my troudag wou ek op produkte fokus wat vog bevorder, ’n gesonde gloed en glansende vel. Ons het geen poeier gebruik nie, maar eerder op ’n velsorgbenadering gefokus voordat enige grimering gebruik is. Ons het tyd geneem om dit aan te sit en te laat intrek. Dit het verseker dat my grimering natuurlik en vir langer vars lyk sonder dat dit begin skilfer. Ek het ook die vorige aand my vel behandel met…

skoonheid 1. Lalapanzi Satin Pillowcase R225, www.mylalapanzi.com Ons vel kry kans om te herstel as ons slaap, en die tipe kussingsloop waarop jy slaap, kan ’n groot verskil maak in hoe doeltreffend jou vel kan herstel. Lalapanzi, wat “rest easy” in Shona beteken, is in 2020 deur Sonia Coram in die Tuinroete gestig. Dié kussingslope is van satyn gemaak, wat verskeie voordele vir jou vel en gesondheid inhou. Dis hipoallergenies, voorkom dat jou vel getrek word en plooie vererger, dat jou hare koek en dat jou velprodukte net verdwyn (soos met normale kussingslope wat dit absorbeer). Dit keer ook dat jou vel onnodig vog verloor. Dit is boonop wonderlik vir mense met aknee omdat satyn minder bakterieë huisves. 2. Lumi Glo The Glo Bright Serum R395, www.lumigloskin.com ’n Veeldoelige serum…

Ons weet almal hoe skadelik dit vir ons gesondheid is om oorgewig te wees, maar om gewig te verloor, bly ’n opdraande stryd. Bewustheid van die verband tussen chroniese spanning, die oormatige vrystelling van die streshormoon kortisol en ekstra gewig kan lig op dié saak werp en suksesvolle ingrepe kan ’n gesonder lewe moontlik maak. “Sowat 80% tot 90% van alle chroniese siektes word aan stres- en angsverwante faktore verbind,” sê dr Faryal Luhar, ’n naturopatiese mediese praktisyn wat in SuidAfrika en die Midde-Ooste praktiseer. “Stres is nie noodwendig nadelig nie; dis noodsaaldik vir oorlewing en spoor ons tot aksie aan. Dis wanneer ons sukkel om spanning doeltreffend te hanteer en in ’n langdurige stresreaksie vasgevang word dat die gevaarligte begin flikker.” Sy verduidelik dat streshormone, met kortisol as die…

WANOPVATTING Dit moenie by hoë temperature gekook word nie. FEIT Jy het dalk gehoor dat ekstrasuiwerolyfolie (EVOO) nie geskik ís om teen hoë temperature te gebruik nie, maar eintlik kan dit temperature tot ongeveer 190 °C hanteer - perfek om jou gunstelinggeregte in te soteer, bak en braai. WANOPVATTING Ekstrasuiwerolyfolie verbeter met ouderdom. FEIT Dit het nes ander kookolies ook ’n beperkte raklewe. Dit is beter om dit binne twee jaar ná bottelering te gebruik, en sodra dit oopgemaak is, binne ’n paar maande. WANOPVATTING Ingevoerde EVOO is beter as plaaslik. FEIT Sommige ingevoerde olies ís uitstekend, maar Suid-Afrika is geseën met sy eie florerende olyfoliebedryf en ons ekstrasuiwerolyfolies het al wêreldwyd toekennings gewen. Besoek www.evoosa.co.za…

geld Onlangs het die goudprys weer nuwe hoogtes bereik en daar is ’n paar redes vir dié styging. Voor ek egter daarby uitkom, eers die volgende: Goud is ’n merkwaardige metaal. Die mense bewonder goud al duisende jare lank. Goud was/is steeds gesien as ’n manier om rykdom te bewaar: Dit is ’n simbool van mag, word vir juwele gebruik, word as geld gebruik en was selfs al aanbid - dink maar aan die goue kalf. Maar as ’n mens mooi daaraan dink, lê die werklike waarde van goud nie in die feit dat dit so skaars is nie of in die aanwendingwaarde van goud nie. Dit het immers nie veel intrinsieke waarde nie. Die werklike waarde van goud is dat die mens goud as waardevol beskou. Die bekende ekonoom…

my storie Angeli Marais is ’n gebore entrepreneur wat op tienjarige ouderdom haar eerste onderneming begin het. Dis waarskynlik die feit dat sy eers op driejarige ouderdom hare op haar kop begin kry het, wat haar liefde en belangstelling vir hare geprikkel het; ’n liefde wat baie jare daarna tot groot sukses sou lei. Dit is heeltemal normaal vir dogtertjies om met Barbiepoppe te speel, maar Angeli het veel meer met hulle gedoen as net mooi aangetrek. Hulle was haar eerste amptelike “kliënte” wat gewillig stilgesit het, terwyl hul hare gedoen word. As kind moes Angeli se ma gedurig na haar nuwe besigheidsidees luister, wat sy dan ook kort daarna laat realiseer het. Tydens haar brugjaar ná matriek het Angeli ’n modelagentskap vir dogters tussen vyf en 15, Flawless South…

Vier kos en wyn ✢ 5-6 Julie | Food and Wine in the Wild, Krugerstasie, Kruger Nasionale Park, www.krugerstation.com ✢ 13-14 Julie | Franschhoek Bastille-fees, Franschhoek, www.franschhoekbastille.co.za ✢ 27Julie | Pick n Pay se wyn-en-kos-fees, Chris Saunders Park, Umhlanga, www.webtickets.co.za Heuninglekkerte I Love Uju is ’n opwindende nuwe handelsmerk in die lekkergoedbedryf, wat in suiwer heuninglekkergoed spesialiseer. Uju beteken heuning in Zoeloe. Hul lekkergoed word van die beste bestanddele gemaak met ’n klem op suiwer en plaaslik. Dis vegetaries, halaal en bevat nie verfynde suiker, gelatien, gluten, suiwel of kunsmatige preserveerof kleurmiddels nie. Die produkte is reeds in meer as 100 winkels landwyd in geure, soos heuning, gemmer, amandel, rooibos, roosmalva, chai en drop beskikbaar. Vind meer uit by www.iloveuju.com of www.iloveuju.com/retailers/ Snoep sonder die skuldgevoel Lancewood se nuwe DIPde’lite-reeks is…

BEKENDES EN BLOMME ONS VOORBLADSTER “Ons is bitter lief vir die natuur en alle plante en blomme, daarom is daar altyd ’n natuurelement in die rolprente wat ons maak,” vertel Donnalee Roberts. En hulle is nog liewer vir hul eie tuin. Donnalee en haar man, Ivan Botha, het net voor die Covid-inperking in hul huis ingetrek en in daardie grendeltyd gedroom en beplan hoe hulle die tuin hul eie wil maak. Met behulp van twee ondernemings in die Kaap, het hulle al die elemente waarvan hulle hou in die tuin ingebring. “Ons tuin is vir ons ’n veilige hawe en van ons mooiste herinneringe speel in ons tuin af. Ons het byvoorbeeld elke verjaardag van ons vierjarige seuntjie in ons tuin gevier en ons het in Mei sy boetie se…

+ Qwabi bied ’n winterpakket vir Suid-Afrikaners vanaf R9 680 per nag aan. Babohi het nege Deluxe-kamers (Renoster); 10 Premiumkamers (Buffel); vyf suites (Luiperd) en een presidensiële suite (Leeu). Dis net vir volwassenes. Bespreek by reservations@newmarkethotels.com of 021 427 5900 + Die spabeddens is breed genoeg vir groot mans ook. Bederf jou geliefde met ’n paartjiemassering. + Foto’s is met die Canon EOS R10 geneem. Dit is baie lig, skaars opvallend in ’n rugsak en neem goeie foto’s in selfs swakker ligtoestande in die reservaat.…

✢ Henry Cavill speel in The Ministry of Ungentlemanly Warfare “indirek” James Bond, oftewel Gus March-Phillips, op wie Bond se karakters gegrond is. ✢ Ian Fleming het in die Britse geheime diens gewerk. ✢ Hy het Bond na ’n voëlkundige, James Bond, genoem. ✢ Ná Ian dood in 1964 het skrywers, soos John Gardner, nog 14 Bondromans geskryf. ✢ Ian Fleming se laaste roman was The Man with the Golden Gun. Casino Royale was sy Bond-debuut. ✢ Toe Ian sy eerste Bondroman aan sy meisie, Clare Blanchard, gewys het, was haar raad om dit liewer te verbrand! Hy het geweier en ’n legende is gebore.…

WAT HET JY NODIG? Duimhandskoen ✢ Schachenmayr Bravo DK (50 g) (Kleur 00002) ✢ 3,75 mm-breinaalde ✢ Wolnaald Bont vingerlose handskoen met duim ✢ Schachenmayr Print DK (50 g) (Kleur 02094) Donker vingerlose handskoen sonder duim ✢ Schachenmayr Bravo DK (50 g) (Kleur 08329) ✢ OF enige DK-breidraad van jou keuse GROOTTE Pas gemiddelde vrouehand. Stel 2 of 4 ste minder op vir kleiner handskoen. AANWYSINGS Duimhandskoen (maak 2) Stel 44 ste op en werk in 2×2-rif vir 16 rye. Gaan voort in ks vir 6 rye. Ry 23 | r20, rVa, r1, rVa, r21. Ry 24 en elke alt ry | aw. Ry 25 | r20, rVa, r3, rVa, r21. Ry 27 | r20, rVa, r5, rVa, r21. Ry 29 | r20, rVa, r7, rVa, r21. Ry 31 |…

BLOKRAAI 1 BLOKRAAI 2 BLOKRAAI 3 BLOKRAAI 4 ANTWOORDE Blokraai 1 & 2 van bl 114 & 115 BLOKRAAI 1 BLOKRAAI 2 Raaikettings 1 & 2 van bl 120 RAAIKETTING 1 Skuins na onder: 1. Ark; 2. Roes; 3. Aspek; 4. Eiers; 5. Eland; 6. Snoep; 7. Keper; 8. Koei; 9. Trs. Skuins na bo: 1. Ara; 10. Rose; 11. Kepie; 12. Seëls; 13. Krank; 14. Snoek; 15. Depot; 16. Peer; 17. Ris. RAAIKETTING 2 Skuins na onder: 1. Olm; 2. Ouer; 3. Siter; 4. Setel; 5. Rosig; 6. Reëls; 7. Sfeer; 8. Sure; 9. Fel. Skuins na bo: 1. Oos; 10. Luis; 11. Meter; 12. Retor; 13. Reses; 14. Liefs; 15. Gleuf; 16. Sere; 17. Rel. BLOKRAAI 5 LEIDRADE DWARS 6. Pienk wyn (4) 7. Soort tropiese Amer. voël…

RAAIKETTING 1 LEIDRADE SKUINS NA ONDER 1. Noag se skip 2. Oksideer 3. Gesigspunt 4. Paastyd is hulle van sjokolade 5. Massiewe antiloop 6. Gulsíg 7. Verhewe rif op materiaal 8. Vroulike renoster 9. Transponeer (afk.) SKUINS NA BO 1. Suid-Amerikaanse papegaai 10. Pienk wyn 11. Klein insnyding 12. Plak dit op briewe 13. Siekerig 14. Blinklyfvis 15. Voorraadplek 16. ’n Somervrug 17. Kamma RAAIKETTING 2 LEIDRADE SKUINS NA ONDER 1. lep 2. Pa of ma 3. Dawidsharp 4. Plek waar iets gevestig is 5. Bleekrooi 6. Skryflyne 7. Hemelbol 8. Stowwe met ’n pH van minder as 7 9. Hewíg SKUINS NA BO 1. … wes, tuis bes 10. Parasitiese insek 11. 100 cm 12. Redenaar 13. Rusperiode 14. Eerder 15. Groef 16. Wondplekke 17. Relatíef (afk.) ANTWOORDE Sudoku…

VEEARTS BEANTWOORD VRAE EIENAARDIG! My kind wíl graag ’n slang as troeteldier aanhou. Watter tipes is die veiligste om aan te hou? Slange as troeteldiere klink dalk ’n bietjíe ongewoon vir meeste van ons, maar passievolle slangliefhebbers beskryf hul koudbloedige reptiele as interessante troeteldiere, Maar hoe om hulle aan te hou en te versorg, kan ’n groot uitdaging en verantwoordelikheid wees. Vir die beginner is dit dalk sinvol om eers die kleiner en minder aggressiewe spesies te oorweeg. Dit is ook nie ’n goeie plan om ’n slang in die bos te gaan probeer vang nie, maar eerder ’n slang te kies wat in aanhoudíg deur verantwoordelike en gelisensíeerde telers geteel is. Hier is ’n paar van die gewildste slange: Bruin huisslang Die slange is inheems, makliker om te hanteer…

mense Donnalee Roberts en haar man, Ivan Botha, ’n regisseur, akteur, vervaardiger en teksskrywer, se jongste projek is in die finale redigering toe ons mekaar ontmoet. Ek brand van nuuskierigheid oor Een keer om die son, hul eerste dramareeks, wat 25 Junie op kykNET begin. Dit het van ons voorste akteurs, soos Jacques Bessinger, Joanie Combrink, Albert Maritz asook Donnalee self in. Donnalee en Ivan het die vervaardiging en regie behartig en was ook hoofskrywers saam met hul skryfspan, Liani Jansen van Rensburg, Retief Scholtz en Tina Kruger. “Die idee is om gesinne weer voor die TV te laat kuier, soos toe ons kinders was. Daar is karakters vir elke generasie en ’n gesin wat jy op Oujaarsaand ontmoet en dan vir 12 maande saam om die son reis. Ons…

Jy’t ’n lang én indrukwekkende lys van kinder- en jeugboeke agter jou naam. Jy skryf ook gedigte, rympies, nie-fiksie, radio- en televisiedramas. Waar kom die liefde vir skryf vandaan? My Afrikaansonderwysers het my skryftalent op skool raakgesien en aangemoedig. Ek sou egter nooit kon droom dat ek eendag voltyds sou skryf nie. Ná skool was skryf eerder ’n stokperdjie. Nou is dit die beste werk in die wêreld. Hoekom is kinderboeke en stories vir tieners bo-aan jou lys? Dis vir my heerlik om die grense van kinders en tieners se verbeelding te toets. Ek skryf egter ook vir die kind wat steeds in my en ander mense agterbly en wil glo dat daar nog goeie dinge in die wêreld is. Hoe voel jy oor al die toekennings en pryse wat…

skoonheid VELSORG Afhangend van jou doelwitte, is dit noodsaaklik om vroeg te begin sodat jou vel in die beste toestand moontlik op die dag van jou troue sal wees. Om vroegtydig ’n dermatoloog of estetikus te besoek, sal jou ’n idee kan gee oor wat nodig is en hoe om dit te bereik. Dis die beste om ses maande tot ’n jaar vooruit behandelings, soos afskilferings, laser- en mikronaaldbehandelings, uit te toets. Retinol moet ook ’n paar maande vooruit begin gebruik word om sensitiwiteit uit te skakel en jou selomset te versnel. Dermaplaning, wat die verwydering van fyn haartjies en dooie vel is, is ’n fantastiese manier om gladde, glansende vel te verkry. Dit help nie net dat die produk beter opgeneem word nie, maar ook dat grimering gladder en…

Die beplanning van ’n troue kan bruide uitgeput en gestres laat voel. Aanvullings kan help om stresvlakke te verminder, hormone in balans te hou, inflammasie onder beheer te hou, en jou liggaam ekstra voeding te gee wat ’n gesonder vel, hare en naels sal weerspieël. PROBEER:…

“Naturopatiese medisyne kyk na die individu in geheel,” sê dr Faryal. “As ’n pasiënt gewigstoename ervaar, wat aan verhoogde kortisolproduksie toegeskryf kan word, kan ons ná kliniese evaluering ’n paar strategieë oorweeg.” Dr Faryal sit dit as volg uiteen: • Watter eise word aan die persoon gestel - fisiek, geestelik, emosioneel, finansieel of op ander vlakke - wat ’n langdurige stresreaksie in stand hou? Is die oorsaak dalk moeilike huislike of werksomstandighede? Van my pasiënte was dapper genoeg om uit toksiese omstandighede te tree. Dis egter nie altyd moontlik nie. • As jy nie jou omstandighede kan verander nie, kan jy altyd jou reaksie daarop verander. Hier kom positiewe en negatiewe stressors - die stimuli waarop ons reageer - ter sprake. Party mense beskou ’n huwelik as ’n positiewe stressor:…

As’n onderwyseres by’n bekende hoërskool in Kaapstad, het sy nou al’n paar kinders gevang wat selfs in haar klas gesit en vape het. “Dit maak nie saak wat ons doen nie, dis die een stryd wat’n mens nie kan wen nie. Hoe meer jy vapes wegvat, hoe meer kry hulle nuwes. Dis te goedkoop en te maklik bekombaar. Hulle koop dit sommer in hul skoolklere by die kafee af in die straat. Dit pla die winkeliers glad nie om dit aan kinders te verkoop nie,” vertel dié radelose onderwyseres. Die 18-jarige Annimieke Harrison van die Noord-Kaap was self op’n tyd een van die tieners wat by die skool gevape het. Vandag vertel sy haar storie om tieners teen die gevare daarvan te waarsku. Of hulle ooit gaan luister, is’n ander…

Romerige polenta met beesvleis in wyn ✢ 4-6 porsies BEESVLEIS IN WYN 400 g beeslies sout en peper 30 ml (2 e) olyfolie 2 uie, fyngekap 3 knoffelhuisies, fyngedruk 1 wortel, fyngekap 1 selderystingel, fyngekap 70 g tamatiepasta 45 ml (3 e) appelkooskonfyt, opgehoop 500 ml (2 k) beesvleisaftreksel 250 ml (1 k) rooiwyn of port 60 ml (¼ k) rooiwynasyn 2 lourierblare ROMERIGE POLENTA 1 l (4 k) volroommelk 2 lourierblare 250 ml (1 k) kitspolenta 45 ml (3 e) botter, gekap 250 ml (1 k) mascarpone of roomkaas sout en peper BEESVLEIS IN WYN 1. Geur beeslies met sout en peper en bedek met 1 e olyfolie. Braai beeslies in groot pot vir 3 minute aan elke kant. Haal uit en plaas opsy. 2. Voeg orige olie in…

Die Sandton Hotel spog met ’n splinternuwe sjef en dit beteken ook ’n vernuwende spyskaart. Tony Kocke is die nuwe uitvoerende sjef by die hotel. Kocke het al vele pryse gewen en het al by tophotelle gewerk. Hy glo daaraan om slegs vars plaaslike produkte te gebruik en om outentieke geure te vier. Die dis waarvoor hy die bekendste is, is sy gewilde eendbors met ’n sousie van port en suurkersies. Die hotel is in Benmorestraat 5, Benmore Gardens, Sandton. Bel 011 395 4777 of besoek @atsandtonhotel op Facebook of @sandtonhotel op Instagram.…

Suzanne Reeve (39), wat die afgelope agt jaar wortel in Surbiton, Surrey, in Engeland geskiet het, het vier jaar gelede reeds gevoel sy wil haar lewe meer betekenis gee voordat die groot 40 aanbreek. “Ek het gedink hoekom moet ’n mens net een loopbaan in jou lewe hê? Ek was 15 jaar in die finansiële korporatiewe bedryf en het na ’n nuwe uitdaging gesoek.” Sy het in 2020 tydens die inperkingstyd en Covid-pandemie by UCL (University College London) onderwys begin studeer en is deesdae ’n laerskooljuffrou vir graadeenleerders. “Ek is nie een oomblik spyt oor hierdie radikale verandering in my loopbaan nie. Ek het beslis my nis en roeping gevind. Ek het ook geleer niks is permanent nie en dat dit nooit te laat is of jy té oud is…

Ons het pas in ons huis met ’n baie klein tuin ingetrek. Kan ek ’n kleinerige boom plant en wat sal jy aanbeveel? En watse plante sal onder die boom aard? Jy kan beslis. My keuse sal Dias cotonifolia (pompom-boom) of Indigofera Jucunda (rivierverfbos) wees. Plante wat onder die bome sal aard, is: Agapanthus Nana, Clivias, Gaura-skoenlapperplant, Alstroemeria Indica (inkalelie) en salievariëteite soos Salvia Greggii en Salvia Mystic Spires. In ’n droër tuin kan jy selfs klein aalwyne plant, soos die Aloe Little Jokers, Twice as Nice en Bushwhackers en ’n verskeidenheid vetplante tussen spoelklippe of gebreekte klip.…

✢ Magpie is deur Agatha Christie geïnspireer en is ’n huldeblyk aan haar. ✢ Susan Ryeland herinner aan Miss Marple wat op haar beurt die model vir Murder, She Wrote se Jessica Fletcher was. ✢ Die speurder Atticus Pünd is natuurlik op Hercule Poirot gegrond. ✢ Dié karakter verskyn in drome of as hallusinasies in Susan Ryeland se gedagtes en help haar om die moord(e) op te los. ✢ Daar verskyn eksters (magpies) in elke episode. Dit stem ooreen met die episodenommers. Drie dus in nommer drie, ensovoorts. ✢ Timothy Spall, wat briljante spel in die ware moordreeks The Sixth Commandment speel (kyk daarna op Showmax) sou oorspronklik Atticus Pünd gespeel het, maar was besig met dié reeks en moes toe aan Magpie onttrek. ✢ Magpie Murders is in The…

Lisa de Waal Ek weet nie wanneer laas een van julle loslopende ouer dames laas gesoen is nie - en ek praat nie nou van deur jou broer of ’n verlangse neef met ’n krapperige snor nie. Ek praat van ’n behoorlike romantiese soen met al die trimmings en fanfare. Die tipe wat jou tone (met liddorings en al) laat omkrul. Die tipe soen wat jou hart, soos ’n July-resiesperd laat galop, nie weens hartprobleme of menopause nie, maar weens opwinding en pure genot, soos toe jy ’n tienermeisie was. Laat ek by die begin begin … My Russiese skoondogter, Kira, se Russiese pa, Nikolai Dimiti, het ’n verrassingsbesoek aan Johannesburg gemaak om sy tien maande oue kleinseun, Aleksei, te kom ontmoet. En hy het my, die “nog nie oor…