Innholdsfortegnelse for June 2024 i Rooi Rose

redbrief Aanvaarding is nie altyd maklik nie. Ons hoef ook nie alles net te aanvaar nie – soms is reg, reg en verkeerd, verkeerd. Maar wanneer jy wel ’n situasie kan lees en dit aanvaar vir wat dit is, voel jy sommer ligter. Ek het byvoorbeeld nou die dag tot die slotsom gekom dat ’n sekere iemand wat ek ken, wat altyd haar eie beuel (onnodig) blaas, nie gaan verander nie. Eerder om opgewerk daaroor te raak, neem ek dit nou met ’n knippie sout, en wanneer die gesprek verby is, dink ek nie eens weer daaroor nie. Ek het aanvaar dat sy ’n manier moet kry om haar eie tekortkominge te verberg. Dink ’n bietjie hoe jy op ’n slim manier sekere dinge ook kan probeer aanvaar sonder om…

Dit is Vrydagoggend 8 Maart. En Stephanus Johannes Ewan Strydom se 41ste verjaardag. Tienuur – om presies te wees – ontmoet ons mekaar op Zoom. Hy’s agter sy skootrekenaar in sy gesinshuis op Bloubergstrand in die Kaap – vriendelik en oopgesig in ’n grys T-hemp. “Verjaardae is altyd spesiaal. Ek het vanoggend koffie, ’n verjaardagkoek met kersies, selfgemaakte kaartjies van my seuns, en die mooiste briefie van Adrienn in die bed gekry. Toe is Kean (11) en Dominic (9) skool toe en ek en Vroulief gim toe. Ek werk nie vandag nie en wanneer dié twee by die huis kom, gaan ons branderplank ry. Dis wetsuits aan en jol in die water. “Om tyd saam met my seuns deur te bring, is vir my ’n gróót geskenk. Gesinstyd is vir…

Ons ontmoet ’n dag voor Valentynsdag vir ’n gesels en sommer met die intrapslag gooi ek hom by die diep kant in. Is hy ’n romantiese man? wil ek weet. “Ek wil so glo, ek’s ’n mannetjie wat vinnig iets aanmekaar slaan,” antwoord hy met die finesse van ’n diplomaat. “Ek gaan beslis my twee luitenante inspan,” sê hy met verwysing na sy seunskinders. “Shiloh sal vir Mamma blomme in die bed neem, en ek sal waarskynlik vir haar ’n boek koop. “My vrou, Tammy, is baie lief vir lees. En Soul sal vir haar ’n kaartjie gee. “So ja, ek dink ek’s op my manier heel romanties,” beaam hy en vertel van die dag toe hy sy vrou die jawoord gevra het. “Ons was by ’n wildreservaat en ek…

’n Bevogtigende gesigmasker kan wondere vir jou vel in die koue maande verrig. Dit verhoog jou vel se voginhoud. ’n Masker een tot twee keer per week sal voldoende wees.…

kies en keur 1. Black Opal Stay The Day Setting Spray R325, Superbalist As jy iemand is wat elke dag grimering dra, wil jy natuurlik hê dat dit so lank as moontlik moet hou. ’n Setsproei (setting spray) is dus belangrik, maar sommiges kan jou vel droog en styf laat voel. Hierdie sproei verskaf ’n poeieragtige afronding wat help om grimering in plek te hou en langer vars te laat lyk. Dit bevat bevogtigende bestanddele wat verseker dat jou vel nie droog raak nie. 2. Chanel Les 4 Ombres Rivage Palette R1 310, Chanel Lumière de L’océan Highlighter R1 440, Beskikbaar by ’n Chanel-boetiek As jy aan die kleur blou dink, wat kom eerste in jou gedagtes op? Dis die vraag wat Chanel vra, want die amptelike kleur vir die…

Jou gesondheid is regdeur die jaar belangrik, maar in die winter kan dit moeilik wees om gesond te bly. Vermy ’n verkoue en al die nare simptome wat daarmee gepaardgaan deur eerstens jou waterinname te verhoog. Omdat jy dalk minder dors is in koue weer, is ’n mens geneig om minder water te drink. Voeg dan ook die volgende aanvullings by: ✤ Sink ✤ Vitamien C en D ✤ Genoegsame proteïen in jou dieet ✤ Probiotika…

geld Die begrotingsoorsig bevat inligting oor waar en hoeveel die minister beplan om gedurende die komende finansiële jaar te bestee, sowel as inligting oor waar en hoeveel belasting hy beplan om in te vorder. Verder verskaf die begrotingsoorsig baie inligting oor wie en hoeveel mense die verskillende soorte belastings betaal. Maar voordat ek meer inligting oor belastingbetalers verskaf, eers die volgende. Daar is ongeveer 62 miljoen mense in SuidAfrika. Van hierdie 62 miljoen ontvang sowat 18 miljoen mense ’n maandelikse sosiale toelaag – hoofsaaklik in die vorm van ’n kinder- of ouderdomspensioen. Verder is daar ongeveer 10 miljoen mense wat die “Covid grant” ontvang. Hierdie toelaag word sedertdien steeds betaal. Daar is dus sowat 28 miljoen mense wat elke maand ’n toelaag van die staat ontvang. Verder is daar ook…

Sit oorkant mekaar en luister régtig na jou maat. Moenie dit wat jou maat sê, oordeel nie. Julle is twee unieke mense en jul ervaring van die wêreld verskil. Een se ervaring is nie belangriker as die ander persoon s’n nie. Dit gaan nie oor reg of verkeerd nie, maar hoe elkeen sy of haar wêreld ervaar. Caron benadruk dat paartjies moet onthou dat hulle twee individue is. Dit gebeur dikwels dat ’n persoon sy of haar individualiteit in ’n verhouding verloor, en eers weer terugkry wanneer die verhouding beëindig word. Die hartseer hiervan is dat die persoon weer sy of haar individualiteit opgee, sodra hy of sy in ’n volgende verhouding is, wat gewoonlik nie langer as drie jaar neem nie. En meestal met dieselfde tipe mens. Sy sê…

Roomkaasrandkoek ✤ 6 porsies 250 ml (1 k) suiker 125 ml (½ k) melk 5 ml (1 t) vanieljegeursel 5 eiers 385 g kondensmelk 250 g roomkaas, by kamertemperatuur 250 ml (1 k) room 1. Voorverhit oond tot 160 °C. Kry solank gietvorm (koekpan sal werk) gereed. 2. Plaas suiker in pan oor matige hitte. Kook tot dit donkerkaramel vorm. Hou oog daarop om te keer dat dit vasbrand. 3. Werk vinnig terwyl jy die gietvorm met oondhandskoen vashou en karamel ingooi. Draai dit in rondte om onderkant en kante van gietvorm te bedek. 4. Plaas melk en vanieljegeursel in pot oor matige hitte en verhit dit tot jy klein borrels rondom kante van pot sien vorm. Plaas opsy om vir 5 minute af te koel. 5. Klop eiers tot lig en donsig. Voeg geleidelik melkmengsel…

BEKENDES EN BLOMME ONS VOORBLADSTERRE Annatjie van Jaarsveld erken dat sy nie ’n hand met ’n plant het nie, “maar gelukkig woon ons in die lowergroen KwaZulu-Natal – daar is ’n bos rondom ons en ek is mal oor die wilde plante. Dit laat my aan die Tuin van Eden dink. Dit is ongerep en ek is bitter lief daarvoor. “Die kinders is mal daaroor om in die bospaadjies te gaan stap en is verwonderd oor die natuur, van insekte tot slange.” Annatjie vertel haar ma is ’n tuinmaker van formaat en ken al die plantname. “Ek bewonder haar daarvoor.” Sy is wel lief vir orgideë en dit staan hul hele huis vol “al sukkel ek om dit aan die lewe te hou”. MEER OOR ORGIDEË Dit is in ’n…

✤ As jy vroegoggend uit Parys terugvlieg huis toe, oorweeg ’n lughawehotel die vorige aand om die stres te verminder. Die meeste plekke sal jou bagasie vir ’n paar uur hou dat jy nog vir oulaas die stad kan geniet voor jy die metro lughawe toe neem. Geniet dan jou laaste aand met ’n laterige ete en goeie nagrus voor jy die volgende oggend die tien minute na die lughawe stap. ✤ Laai jou vlug se instapkaart op jou foon af, of neem ’n skermskoot net vir ingeval jy nie internettoegang het nie. ✤ Laai die stadsplan op Google-kaarte op jou foon af en gebruik dit wanneer jy van lyn af is. ✤ Die Parys-metro is jou vriend. Solank jy kophou met watter uitgang jy by elke stasie moet gebruik…

✤ Camila Mendes het aandag getrek toe sy een van die hoofrolle in die trefferreeks Riverdale in 2017 begin speel het. ✤ Archie Renaux is van Britse afkoms. ✤ Hy het so in die rolprente Morbius teenoor Jared Leto en nou Upgraded beïndruk, dat hy ’n lekker rol in die soveelste vervolg op Alien naamlik Alien Romulus losgeslaan het. ✤ Hierin word hy ook deur die mees afgryslike monster nog in rolprentgeskiedenis gekonfronteer. ✤ Die kreatuur se werklike naam is ’n xenomorph. ✤ Marisa Tomei, wat die rol van Ana se katterige en gemene skeermesbek-baas speel, het ’n Oscar vir haar spel in My Cousin Vinny teenoor Joe Pesci gewen. ✤ Sy het haar debuut in een van die wêreld se oudste sepies, As the World Turns, wat in 2010…

BLOKRAAI 1 BLOKRAAI 2 BLOKRAAI 3 BLOKRAAI 4 ANTWOORDE Blokraai 1 & 2 van bl 114 & 115 BLOKRAAI 1 BLOKRAAI 2 Raaikettings 1 & 2 van bl 120 RAAIKETTING 1 Skuins na onder: 1. Wan; 2. Open; 3. Liter; 4. Etser; 5. Etuis; 6. Esels; 7. Eties; 8. Eelt; 9. Ral. Skuins na bo: 1. Wol; 10. Apie; 11. Nette; 12. Neste; 13. Reuse; 14. Riete; 15. Slier; 16. Sela; 17. Stl. RAAIKETTING 2 Skuins na onder: 1. Rek; 2. Uier; 3. Tepel; 4. Netel; 5. Roset; 6. Relik; 7. Rites; 8. Kerm; 9. Leo. Skuins na bo: 1. Rut; 10. Eien; 11. Keper; 12. Retor; 13. Leser; 14. Lelik; 15. Titel; 16. Klere; 17. SMO. BLOKRAAI 5 LEIDRADE DWARS 5. Sluikware (11) 7. Volgeling (4) 8. Ou afgewerkte perd (4) 10.…

RAAIKETTING 1 LEIDRADE SKUINS NA ONDER 1. Plat mandjie om graan te suiwer 2. Begin 3. 1 000 ml 4. Hy graveer met suur 5. Versierde houers 6. Kunstenaars se drie-pote 7. Sedekundig 8. Harde knop op die vel 9. Reieragtige voël SKUINS NA BO 1. Skaap se hare 10. Saki is een 11. Seëns 12. Voëls se blyplekke 13. Groot persone 14. Moerasgrasse 15. Slinger 16. Musiekteken in die Psalms 17. Stemloos (afk.) RAAIKETTING 2 LEIDRADE SKUINS NA ONDER 1. Langer maak 2. Koei se melkorgaan 3. Dier se speen 4. Prikkelplant 5. Kokarde 6. Oorblyfsel van ’n vroeër tyd 7. Kerkgebruike 8. Sanik 9. Leeu (sterreteken) SKUINS NA BO 1. OT Bybelboek 10. Herken 11. Verhewe streep op sterk kleremateriaal 12. Redenaar 13. Boekwurm 14. Aaklig 15. Boek se naam 16. Geleenthede wat herhaal kan word 17. Senior mediese offisier (afk.) ANTWOORDE Sudoku 1, 2 & 3 van bl 119 SUDOKU 1 MAKLIK SUDOKU 2 MEDIUM SUDOKU 3 MOEILIK…

VEEARTS BEANTWOORD VRAE AKTIEWE HONDE Hoeveel oefening het honde regtig nodig? Oefening hou baie voordele vir jou troeteldier in. Nie net is dit goed vir jou dier se fisieke gesondheid (hart, longe, spiere en gewrigte) nie, maar dis ook goed vir hul emosionele en verstandelike gesondheid. Die tipe oefening gaan van jou hond se ouderdom, gewig en algemene gesondheid afhang. As jou hond enige mediese toestand het, is dit altyd beter om eers met jou veearts te gesels. Dis ook belangrik om te weet waarvan jou hond hou. Om met jou hond te gaan stap, is ’n maklike en goeie manier om vir hulle oefening te gee, maar dis nie die enigste manier nie. Party honde hou daarvan om bal te speel, ander weer verkies om te swem. Die meeste…

Pierre Breytenbach is al twee jaar lank ’n aanbieder op Die GROOT ontbyt, die ontbytprogram wat elke weeksoggend op kykNET uitgesaai word. Dis net een aspek van sy werk. Sy loopbaan as akteur het al soveel draaie deur die jare geneem. Op die kassie het hy kykers al laat proes van die lag, of laat kook van woede, afhangend van die karakter wat hy vertolk. Die een rol wat hy egter bo al die ander uitsonder en ernstig opneem, is die een waar hy pa vir sy drie kinders is. Ek ontmoet vir Pierre by ’n koffiewinkel net duskant Die GROOT ontbyt se studio in Lynnwood Manor, Pretoria, by een van Lynnwood Bridge se gesellige restaurante. Onthou, Pierre is nie net grappies nie, het een van sy kollegas vir my…

mode VIND HIERDIE ARTIKELS BY: ALDO WWW.ALDOSHOES.CO.ZA MARKHAM HTTPS://BASH.COM/MARKHAM COTTON ON WWW.COTTONON.COM/ZA G-STAR WWW.G-STAR.COM/EN_ZA H&M WWW.SUPERBALIST.COM/BRAND/HM LEVI WWW.LEVI.CO.ZA MR PRICE WWW.MRP.COM/HOME PRINGLE SCOTLAND WWW.PRINGLESCOTLAND.COM WOOLWORTHS WWW.WOOLWORTHS.CO.ZA ZARA WWW.ZARA.COM/ZA/EN/SEARCH MODEREDAKTEUR AMY STEENKAMP STILIS ZEENAT KHAN STILIS-ASSISTENT ZOE VAN STAVEL FOTO’S GARETH VAN NELSON/ HABARI MEDIA IMAGES FOTOGRAAF-ASSISTENT CLINTON KULUSE/ HABARI MEDIA IMAGES GRIMERING JACQUI VILJOEN/ BIRD ON A WIRE MODEL DUTOIT B/FANJAM…

Ons is veral ná Covid gewoond daaraan om gereeld handontsmettingsmiddels aan te smeer. Hou wel in gedagte dat meeste van dié middels alkohol bevat wat jou vel uitdroog. Dit kan gedurende die wintermaande hande meer skade as goed doen om ontsmettingsmiddels daagliks te gebruik. Smeer slegs aan wanneer dit noodsaaklik is en volg dit met ’n voedende handeroom op.…

✤ Wanneer jy in ’n restaurant is, moenie jouself met ’n servet of spyskaart koel waai nie. Skaf eerder ’n Chinese waaier vir jou handsak aan, wat jy dan altyd byderhand het. ✤ Sit jou selfoon weg en beslis nie gesig boontoe op die tafel tussen gaste sodat jy jou boodskappe kan dophou nie. Die res van jou gaste sal dink hulle is nie jou prioriteit nie. ✤ Jy mag jou lipstiffie aan tafel aansit as jy tussen goeie vriende en familie is wat jou ken. ✤ As jy ’n broodrolletjie neem, moenie die hele rolletjie met botter smeer en dan daaraan hap nie. Breek ’n stukkie van die rolletjie af, smeer dit met botter en sit die klein gesmeerde happie dan in jou mond. ✤ Los jou soplepel in…

Die meeste leefstylsiektes kan met ’n gesonde lewenstyl voorkom word. 1 | Eet gesond. 2 | Handhaaf ’n gesonde gewig. 3 | Moenie rook nie. 4 | Gaan gereeld vir roetine-ondersoeke om bloedsuiker, bloeddruk en cholesterol te toets – jaarliks as jy ouer as 40 is. Laat ook gereeld toetse doen vir prostaat- en testikulêre kanker. 5 | Neem medikasie wat die dokter voorskryf getrou. 6 | Moenie straf drink nie. Alkohol kan baie probleme veroorsaak, soos hoë bloeddruk, verskeie kankers, sielkundige probleme en ongelukke. 7 | Beheer stres. Balanseer werks- en gesinsverantwoordelikhede. 8 | Oefen. Kry minstens 30 minute se fisieke oefening daagliks in. 9 | Weet wat jou risiko’s is. Wees bewus daarvan hoe jou leefstyl en omgewing jou gesondheid beïnvloed en wat jou familiegeskiedenis is rakende gesondheid.…

Het jy geweet? Dis Wêreldjenewerdag op 8 Junie en jy kan dit in die gerief van jou eie huis vier. Volgens Whitley Neill Gin, is jenewerkroeë by die huis nou baie in. Jazz Adams, die Wes-Kaapse verkoopsbestuurder vir Whitley Neill Gin, vertel die geheim lê in die geur, garnering en tonikums wat die botaniese bestanddele van ’n jenewer komplementeer. Hier is sy wenke vir ’n jenewerkroeg: ✤ Hou ’n klein versameling van jenewer aan, maar met verskillende profiele. Jy hoef nie baie verskillende soorte te hê nie, fokus liewer op gehalte. ✤ Belê in elegante glasware en stylvolle kroegtoebehore. ’n Mengfles is noodsaaklik. As jy nie ’n kroeg in jou huis het nie, kan jy ook net ’n trollie of ’n glaskabinet gebruik. ✤ Hou altyd garnering, soos sitrusvrugte (suurlemoene,…

Dit word sogenaamde quiet quitting genoem: om by die werk die minimum te doen onder die dekmantel van ’n werklewe-balans. Vandag is dit ’n wêreldwye neiging in die nadraai van die pandemie en ’n gevolg van die massas wat tydens Covid-19 by die huis gewerk en tot die besef gekom het dat daar meer aan die lewe is as die meedoënlose gejaag na perfeksionisme in die werkplek. Dié neiging was eers goed bedoel. Vind jou vrede, hou op jaag, stel persoonlike grense, en die gedagte dat daar meer aan die lewe is as die gejaag na wins en resultate. Maar kenners meen dinge het begin handuit ruk en werknemers gee werksetiek prys in hul soeke na balans. ’n Amerikaanse ingenieur in kunsmatige intelligensie (KI) het quiet quitting (stille onttrekking) onder…

Ek is mal oor die lowergroen fyn blaartjies van die Peace in the Home-plantjie, maar ek kan dit nie aan die lewe hou nie. Dit groei net ’n rukkie, dan gaan dit dood. Wat doen ek verkeerd? Dit lyk of ek nie “peace in the home” het nie. Peace in the Home (Soleirolia) word ook Baba se Trane genoem. Hier is ’n paar wenke om die plant gelukkig te hou. ✤ Jou plant het medium tot helder lig nodig, maar geen direkte sonlig nie. ✤ Die plant moet klam bly, maar maak seker dit is nooit sopwaternat nie, want die plant se fyn stammetjies vrot maklik. ✤ Goeie dreinering is van die uiterste belang. Wanneer die boonste 1 cm van die plant droog is gee die plant water totdat die…

WAT HET JY NODIG? ✤ Kartopu Melange (100 g) ✤ 2 balle beige (k855) ✤ 1 bal elk bruin (k4001), groen (k439), mosterd (k1854), rooi (k2117) ✤ 7 mm-hekelpen ✤ Dik wolnaald GROOTTE Sowat 25 cm × 200 cm KLEURWISSELING Wissel kleure af soos aangedui in diagram of soos verkies. STEEK-VERDUIDELIKING Langbeen aan begin van ry. Jy kan 3 ks vir die eerste langbeen van die ry maak, maar een manier om rye langbene te maak sonder die groot opening tussen die eerste en tweede langbene van ’n ry, is om die eerste langbeen as volg te maak: 1 | Trek die lus op tot so lank as wat ’n langbeen is. 2 | Hou die lus op die hekelpen met jou voorvinger vas en moenie laat los tot die…

Lisa de Waal Vandat my oudste vriendin, Marie, en Koos Kerkbasaar ’n nuwe item is, lyk sy net elke week (tot my misnoeë) jonger. Die mondhoeke wat altyd so gedroop het, is nou die ene smiles. Intussen het my ander twee enkellopende vriendinne, Santie en Joyce, ook elkeen reggekom met ’n doenlike ouer man wat hulle op ’n aanlyn dating site ingekatrol het. Die twee het ook (tot my verdere misnoeë) ’n jaar of tien afgeskud vandat hulle die vrygeselle bevriend het. Almal het nuwe mansmaats, net nie ekke nie. Ek wat ouer Lisa van Staal is, sit aand ná aand droëbek tuis met my linnekas vol rolle toiletpapier en kanne Oros … Met niemand om dit mee te deel nie. “Jy wou my mos nie kom help pannekoek bak…

so sê hulle Asse kind wassie African proverb “It takes a village to raise a child” altyd ’n source van comfort. Al wassie reality soe annes. Wan toe ek ’n kind was, was my village die Cape Flats. En vi meeste mense is dai nie die soot village wat jy wil hê moet jou kind grootmaak ie. Dai is een vannie baie riedes hoekom ek mense se mythologising van hulle ou hoods en ghettos nooit kon vestaanie. Ek het maa net nooit dai ghetto patriotism gehad ie. It issie norag om jou traumas te pickle en preserve in nostalgia omdat jyrit survive hettie. Jy hoefie thankful te wies vi cruelty nie, jy hoefie dankie te sê dat ’n belt jou die veskil tussen reg en vekeed geleer et ie. Nieman…

Waar kom jou liefde vir reis, avontuur en stories vertel vandaan? Dis seker in die DNS. My pa het my aan die natuur en daarmee gepaardgaande avontuur blootgestel, my ma aan stories. Later het die lees van boeke oor vêr plekke die reis genoop. Hoe pak jy nuwe boeke aan? Ek “pak” nooit nuwe boeke aan nie. Die boek pak homself aan … as ek genoeg gereis het. Jou ma was die skrywer Margaret Bakkes. Jou pa, Cas, ’n gerekende geskiedkundige. Loop skrywersink deur die are van die familie? Ek rapporteer slegs oor die waarheid en dit wat beleef is. Ek is nie slim genoeg om fiksie uit te dink nie. Gegewe my afarmbroer Christiaan (’n skrywer met ’n stapel boeke oor die natuur en avontuur agter die blad), en…

skoonheid VELSORG Verander jou reiniger As jou vel droog en styf voel nadat jy jou gesig gewas het, is dit ’n goeie idee om jou gesigwas te verander. Kies iets wat meer bevogtigende bestanddele, soos hialuronsuur bevat, en probeer ’n roomformule eerder as om iets met skuim te gebruik. Jy kan ook ’n miselwater inkorporeer om te verseker dat jy al jou grimering doeltreffend verwyder sonder om jou vel van kosbare natuurlike olies te stroop. Probeer: Stadig met aktiewe bestanddele Aktiewe bestanddele, soos retinol, glikol en salisielsure, is wonderlik om verskeie redes, maar kan tot sensitiwiteit bydra wanneer jou velversperring beskadig is, of wanneer jou vel ekstra droog is. Maak eerder seker dat jou vel sterk en gesond is voordat jy dit weer gebruik, en maak staat op bestanddele wat…

skoonheid Wen Een leser kan ’n geskenkpak ter waarde van R3 050 wen. Dit sluit die volgende in: ✤ 1 x 12 Color Eyeshadow Palette ✤ 1 x 9 Piece Brush Set ✤ 1 x Liquid Matte Lipstick ✤ 1 x Lip Gloss ✤ 1 x Contour Powder ✤ 1 x Highlighter Powder ✤ 1 x Blush Powder Stuur ’n e-pos met jou naam, van, adres en telefoonnommer met “Willem Junie” in die onderwerpreël voor 20 Junie 2024 na rooirose@habarimedia.com *Slegs een inskrywing per persoon Soms is minder regtig meer. Gebruik die WBB-onderlaag en smeer net ’n bietjie aan. Dit maak alles mooi genoeg toe en só voorkom ’n mens ekstra fyn lyntjies. Te veel onderlaag lê juis klem op daardie fyn lyne. Om verhoudings en vriende langs die pad…

Dis belangrik om ’n ordentlike rugsak vir ’n staptog te hê, veral in die winter wanneer jy dalk meer pakplek vir warm klere mag nodig hê. Dit is waar die Thule AllTrail-reeks inkom. Die reeks is onlangs vernuwe en sluit ’n innoverende bevogtigingstelsel in. Die bevogtigingsreservoirs gebruik die gepatenteerde Retrakt™-stelsel, ’n strooitjie waarmee jy ’n sluk water kan neem en dan outomaties veilig terug in plek klik. Dit is gerieflikheidshalwe gelyk met die skouerband, danksy magnetiese verbindingspunte. Die reeks is in drie kleure en in verskeie groottes beskikbaar, om enigiets van jou selfoon tot jou reënbaadjie in te bêre. Vanaf R2 499, www.thulestore.co.za…

Beesstertsop ✤ 4-6 porsies 3 uie, fyngesny olyfolie vir braai 4 baba-uie, gehalveer 3 wortels, geskil en fyngekap 2 preie, fyngekap 600 g beesstert 250 ml (1 k) rooiwyn 1 blikkie gekapte tamaties 2 k beesvleisaftreksel 2 tiemietakkies 4 roosmaryntakkies 1. Verhit olyfolie in pot oor matige hitte. Voeg uie by en braai vir 20 minute tot gekaramelliseerd. Haal uit pot en plaas opsy. 2. Verhit nog olyfolie in selfde pot. Voeg baba-uie, wortels en preie by. Braai tot bruin. Verwyder en plaas opsy. 3. Gooi bietjie meer olyfolie in pot. Voeg beesstert by en braai vir 10 minute. 4. Voeg rooiwyn by en laat prut tot vloeistof amper heeltemal weg is. Voeg tamaties en beesvleisaftreksel by. 5. Voeg gekaramelliseerde ui en tiemie by. Verlaag hitte, bedek en prut vir 90 minute. 6. Voeg groente by, geur na smaak…

Natasha sê om aktief ’n werk-lewe-balans na te streef, is ’n harmonie wat almal nodig het vir fisieke en geestelike welstand. Sy gee praktiese wenke: ✤ Moet nooit toelaat dat jou werk voorkeur oor enigiets anders kry wat vir jou belangrik is nie. ✤ Wees trots op jou rol en prestasies. ✤ Pas selfliefde toe. As jy nie na jou gesondheid, geestelike en emosionele welstand omsien nie, sal dit nie moontlik wees om balans te skep nie. ✤ Klein gebare van omgee kan moraal bou. Maak vir jou kollega ’n koppie koffie, gee erkenning aan spanlede, bedank dié wat iets ekstra doen, en stel belang in jou kollegas se stokperdjies en lewe buite die kantoor. ✤ Bespreek geestelike gesondheidstoestande met jou mensehulpbronbestuurder wanneer jy voel werksomstandighede raak vir jou te…

Met die Olimpiese Spele wat op 26 Julie 2024 in die stad begin, is menige SuidAfrikaner se vlugte en verblyf bespreek en die dae word sekerlik met ’n rooi merkpen op ’n kalender iewers in die waskamer afgemerk. Dit voel soos gister wat die uittog na Frankryk onderneem is om die Wêreldrugbybeker-toernooi te gaan ondersteun. Ons kom een koue oggend ná vele roltrappe van diep onder die grond, aan die voete van die Arc de Triomphe, uit. Vir ’n oomblik is ek asemloos en hang ek tussen niks en iets. Herinneringe spoel oor my dat my oë traan. Ek het in 2020 nie gedink ek sou ooit weer reis nie. Ek het foto’s van die Eiffeltoring en die straatjies van Parys beloer toe die reisbeperkings ingestel is, selfs toe dit…

✤ Die stoeier en akteur John Cena het ’n sensasie veroorsaak toe hy naak op die verhoog by vanjaar se Oscarseremonie verskyn het. Hy het net ’n koevert strategies voor hom gehou. ✤ Dit het Emma Stone vier jaar geneem om ’n ateljee te oortuig om die berugte Poor Things te vervaardig. ✤ Sy het toe ’n Oscar vir haar spel gewen. ✤ Ná Barbie se sukses is ’n vervolg op pad … ✤ Die liedjie “I am Ken”, wat Ryan Gosling by die Oscars gesing het, was eintlik as ’n grap geskryf. ✤ Ryan het gevra dat die liedjie ingesluit moes word. Die choreografie daarvan is ’n huldeblyk aan Marilyn Monroe se “Diamonds are a Girl’s Best Friend”.…