Innholdsfortegnelse for April 2024 i Rooi Rose

redakteursbrief As daar iets is wat ons almal al ervaar het en wat ons heel waarskynlik nog telkemale gaan ervaar, is dit vrees en bekommernis. Daar is so baie vrese wat ons jaag. Vrees vir die onbekende, vrese soos: Gaan ek my werk behou, gaan ek genoeg geld vir my oudag hê, is daar 'n toekoms in Suid-Afrika, gaan my kinders goed daartoe af wees, en só kan die lys aangaan. Daar is al bewys dat meer as 85% van dít wat ons vrees nie gebeur nie. Tog is vrees wel in een of ander stadium 'n teenwoordigheid in jou lewe. Ek glo dat wanneer bekommernis en vrees 'n mens oorval, is dit beter om iets aan die situasie te probeer doen as jy kan. Dit maak nie saak hoe…

Dit voel of 'n mens in die son instap terwyl Portchie Viljoen se skilderye deur jou kop blaai. Sy enorme sitkamer is 'n warboel van kleur, kwaste, mini-lugballonne, skilderye en kussings vol kleurspatsels. Jou oë raak oorweldig en wil eintlik hensop. Boonop sit die bekende Stellenbosse skilder se vriende oor die sitkamer versprei. Iemand swot op 'n rekenaar terwyl 'n vriend met wit en blou kolle onder Portchie se wakende oog eksperimenteer. Dan groet geverfde katte, varkies en 'n blou boks vol reuse-kleurpotlode besoekers. “Ek verf met die spoed van wit lig,” erken die man, wat net so lief vir sy verfdoeke as vir mense is. Hy beduie: “Hierdie skilderye waarmee ek nou besig is, besweer my vrese, veral om alleen oud te word. Dit bars deur daardie grense wat…

Dis'n koel somersdag in die Kaap. Ons ontmoet in 'n teetuin vir ons gesels en Hannes, geklee in 'n swart hemp en swart broek, daag op met 'n klomp hemde oor sy arm vir die fotosessie wat ná die onderhoud plaasvind. Sy voete is vas op die grond, hy is sonder fieterjasies, en wat jy sien is wat jy kry … Dit mag soos 'n klomp clichés klink, maar dis moeilik om die TV-aanbieder en akteur anders te beskryf. Hy's regtig een van die bekendes in die bedryf wat nie 'n gram aanstellerigheid uitstraal nie. Dat hy reeds amper 30 jaar in die kollig is, sal jy nie sommer raai nie. Hy gesels land en sand met die kelnerin, die mense by die tafel langsaan –niemand is 'n vreemdeling nie.…

mode…

skoonheid Pasop om jou wenkbroue te donker en swaar in te kleur. Dit kan 'n harde voorkoms tot gevolg hê. Ek gebruik die kleur Teddy (koue bruin) in die WBBoogskadupalet om die wenkbroue mee in te kleur. 'n Dun kwassie (angled liner) sal die beste hiervoor werk. Willem vertel: April is my verjaardagmaand en hierdie jaar word ek 37. Ek moet sê ek is nie so groot op verjaardae nie. Ek hou meer daarvan om ander mense te bederf en spesiaal te laat voel. Dis ook my 20ste jaar in die vermaaklikheidsbedryf! Dis 'n ongelooflike voorreg om so lank al te kan doen waarvan ek hou. Ek het 'n draai in Durbanville gaan maak waar ons twee uitverkoopte dae van Masterclasses gehad het. Ek glo nie aan grimering opplak nie,…

As jy slanker wil lyk, pak daai oorgroot klere wat so los sit weg. Klere wat los sit, steek nie jou rolletjies weg nie, dit laat jou vormloos en groter vertoon. Skaf eerder 'n nousluitende, donkerkleurige langbroek of jeans aan. As jy dit in 'n rekbare materiaal kan kry, koop dit in 'n kleiner nommer sodat dit lekker styf kan sit en alles bymekaar hou. Dit sal jou onderlyf kleiner en fermer laat lyk. Kombineer dit met 'n helderkleurige bostuk wat effens losser om jou middel sit. Dit sal jou maag bietjie verbloem terwyl dit die aandag op jou gesig sal plaas.…

Donkersjokoladebrood met kersies en okkerneute 1 porsie 4 k koekmeel  55 g (¼ k) strooisuiker  10 ml (2 t) koeksoda  5 ml (1 t) seesout  8 ml (1½ t) fyn kardemom, gemaal 100 g koue ongesoute botter, gekap  430 ml karringmelk 1 eier, liggies geklits  100 g semi-soet donkersjokolade, gekap 75 g geroosterde okkerneute, gekap 115 g gedroogde kersies of bosbessies 1 eierwit  10 ml (2 t) strooisuiker, ekstra  10 ml (2 t) versiersuiker 1. Voorverhit oond tot 180 °C. Voer bakplaat met bakpapier uit. 2. Sif koekmeel, suiker, koeksoda, sout en kardemom in groot bak. Vryf botter met vingerpunte by mengsel tot dit soos growwe krummels lyk. Maak dammetjie in middel. 3. Klits karringmelk en eier in bak. Gooi in dammetjie. Sny vloeistof deur koekmeelmengsel met mes tot dit klonte maak. Voeg…

Die oorsprong van jou handskrif is in jou brein en nie in jou vingers nie, sê dr Denise Bjorkman, wat wêreldwyd as 'n kenner van lyftaal bekend is. Sy is al as spreker genooi om Scotland Yard en die Amerikaanse geheime diens hieroor toe te spreek. Sy het ook vir hulle in ondervragingstegnieke opgelei deur van forensiese lyftaal gebruik te maak. Sy is deur haar professor in sielkunde, Wynand Pienaar, aan die veld van semiotiek voorgestel toe sy aan haar doktorale tesis gewerk het. Die psigiater dr Fred Lichtigfeld het, terwyl sy haar prakties gedoen het, dit as 'n diagnostiese hulpmiddel vir persoonlikheids- of neuronversteurings by 'n aantal psigiatriese hospitale aanbeveel. “Hier het ek sekere skryfpatrone waargeneem en klasse by hom in psigiatriese hospitale bygewoon. “Grafologie maak deel van die…

My laventelplant het 'n paar jaar goed gegroei, maar dis nou erg bebos en lyk nie meer mooi nie. Kan ek dit net kort snoei of moet ek dit vervang? Wanneer is 'n goeie tyd om dit te snoei en hoe doen ek dit? 'n Laventelbos is 'n moet in elke tuin. Dit groei maklik en is ook waterwys. Dit verkies volson en groei pragtig teen 'n noordelike muur. Deesdae kry 'n mens 'n allemintige klomp variëteite laventel in skakerings van wit, pienk en pers. Om 'n laventelbos mooi kompak en langer te laat hou, moet jy dit twee keer per jaar snoei. Sny dit vroeglente so tweederdes af en in middelsomer in die helfte. Laventel moet nooit te veel water kry nie en hulle kla glad nie oor 'n…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 LEIDRADE DWARS 1. Kusstroke (7) 4. Vooroor buig (3) 6. Op die rug dra (4) 7. Toneelspeler (6) 9. Verskrik en veward (8) 11. Staande kapstokke (8) 13. Op gladde wyse (It. musiek) (6) 14. Duidelik word (4) 16. Koer (3) 17. Vrolik speel (7) AF 1. Oord by warmwaterbron (3) 2. Verkeersligte (6) 3. Indiwidu (8) 4. Skurk (4) 5. Hardgebakte buitekante van brode (7) 8. Volgens die reëls van 'n maatskappy (8) 9. Teenspoed (7) 10. Tot kwaad lok (6) 12. Seewier-produk (4) 15. Loer (3) BLOKRAAI 6 LEIDRADE DWARS 1. Kolossaal (9) 8. Geurigheid (5) 9. Spits (5) 10. Die uitspreek van klanke (11) 13. Vraatsugtige huisinsekte (11) 19. Gedaan (5) 20. Houtbottels (5) 21. Meer onnet (9) AF 2. Nimmer (5) 3. Lank en dun (5) 4. Vinnige wildsbok (5) 5. Artikels (5) 6. Swembyeekoms (4) 7. Houtwigge (4) 11. Skryfstof (3) 12. Suid-Amerikaanse papegaai (3) 13. Bene in…

VEEARTS BEANTWOORD VRAE KIESKEURIG My kat wil net water drink as 'n kraan loop. Is dit normaal? Katte kan om verskeie redes verkies om uit die kraan te drink, maar dit beteken nie noodwendig dat iets verkeerd is nie. Dis algemeen dat katte van lopende water hou. In die natuur is stilstaande water meer geneig om kieme en parasiete te bevat, wat 'n kat siek kan maak. Jou kat kan verkies om uit die kraan te drink omdat instink vir hom sê dat lopende water veiliger en dikwels kouer is. Jou kat mag ook dalk sy waterbak vermy as dit naby sy sandbak of kosbak is. Sommige katte hou nie daarvan om op dieselfde plek te drink en te eet nie. Om te drink en eet naby hul toiletplek is…

‘Ek dollie my graag op as ek kan, maar op die plaas dra ek nie grimering nie’ Dis 'n Donderdagmiddag by 'n pizzarestaurant in die voorstede van Johannesburg en die laaste ding wat 'n mens van 'n glansryke aktrise verwag om oor te gesels, is beeste. Maar die 30-jarige Kate Roothman, elegant in swart met fyn goue hangertjies om haar nek en haar blonde hare wat om haar skouers kartel, beduie passievol hoe sy en haar man, Willie Oberholster, onlangs die kalwers op hul plasie in Lanseria, net buite die stad, met verse vervang het en dat hulle binnekort met kunsmatige inseminasie (KI) wil begin om hul eie kudde op te bou. “Ek en Willie het albei op plase grootgeword. Dis deel van wie ons is en nou bou ons…

mense Jy hoef nie te soek na woorde om Jenna-Leigh Bilong te beskryf nie, want daar duik sommer meer as 'n dosyn op: bekwaam, toegewyd, innoverend, kreatief, hardwerkend, passievol, perfeksionisties, veelsydig, pligsgetrou, groothartig, doelgerig, nederig, gelowig en meestal vreesloos. Wanneer die onderwerp van vrese ter sprake kom, vertel sy egter: “Ek praat gereeld op 'n ligter noot daaroor. Ek is bang vir voëls en dat 'n voël in my sal vasvlieg. Daar was eenkeer 'n duif in ons huis en ek was buite saam met ons hond. Ek was té bang om in die huis in te gaan en het eers gewag dat my man, Ed, tuis is.” Sy onthou ook dat sy tydens die Covid-pandemie bang was haar geliefdes, soos haar man of haar ma, gaan iets oorkom. “Maar…

mode STILIS AMY STEENKAMP STILIS-ASSISTENTE ZOE VAN STAVEL FOTO'S GARETH VAN NELSON/HMIMAGES FOTOGRAAF-ASSISTENT LAUREN FREDERICKS & CLINTON KULUSE HARE EN GRIMERING HANNAH KRUYER-MARITZ MODEL FLAVIA/THE CIRCLE VIND HIERDIE ARTIKELS BY: BASH (FOSCHINI) WWW.BASH.COM CRYSTAL BIRCH WWW.THEREALCRYSTALBIRCH.COM FOREVER NEW WWW.FOREVERNEW.CO.ZA JANGI ACCESSORIES WWW.JANGIACCESSORIES.COM LOVISA WWW.LOVISA.COM LUXOTTICA WWW.ESSILORLUXOTTICA.COM OLD KHAKI WWW.OLDKHAKI.CO.ZA POETRY STORES 69WWW.POETRYSTORES.CO.ZA RETHREAD WWW.RETHREAD.STORE SUPERBALIST (VIR H&M) WWW.SUPERBALIST.COM THAT SHOE LADY WWW.THATSHOELADY.COM WOOLWORTHS WWW.WOOLWORTHS.CO.ZA…

skoonheid WAT IS DIT? Skin streaming of skin streamlining is bloot die vereenvoudiging van jou daaglikse velsorgroetine om slegs drie of vier produkte, wat doeltreffend aan jou vel se behoeftes voldoen, te gebruik. Dit sluit gewoonlik 'n reiniger, serum, bevogtiger en sonskerm in. Dit voorkom dat jy jou vel met klomp verskillende produkte bombardeer tot dit geen effek het nie (slegs twee of drie op 'n slag kan werklik die velversperring binnedring om hul towerkrag uit te werk), of waar dit moontlik jou vel kan irriteer (sommige kombinasies van aktiewe bestanddele kan negatiewe reaksies veroorsaak). Behalwe vir die feit dat jy 'n eenvoudiger, geteikende roetine volg, is dit ook meer kostedoeltreffend. In baie gevalle koop ons 'n produk omdat dit nuut is, die verpakking mooi is, of ons word deur…

skoonheid 1. Cetaphil Daily Advance Ultra Hydrating Lotion R439, Clicks Dis maklik om droë wintervel te voorkom as jy vroegtydig begin om jou roetine aan te pas. Cetaphil is 'n handelsmerk, wat al jare lank deur dermatoloë voorgestel word omdat dit eenvoudig, betroubaar en bekostigbaar is. Die Daily Advance Ultra Hydrating Lotion is 'n wenner in my boek, en kan vir jou gesig en lyf gebruik word, selfs al is jou vel uiters sensitief. Dit sluit spesiaal geformuleerde bestanddele, soos niasinamied (vitamien B3), pantenol (pro-vitamien B5) en gliserien in, wat jou vel vir tot 48 uur beskerm en bevog. 2. Dermalogica Pro-Collagen Banking Serum R2 199, Dermalogica Deesdae is daar honderde kollageenprodukte op die mark, maar soos met enigiets wat te goed klink om waar te wees, is dit gewoonlik…

Suid-Afrika is een van die vyf lande met die hoogste voorkoms van nageboortedepressie ter wêreld, sê Luricka Fick. Luricka, 'n voorligtingsielkundige van Johannesburg, sê hoewel daar toenemend minder stigma aan geestesgesondheidstoestande kleef, bly dié depressie 'n tameletjie. Baie nuwe mammas – én ma's wat reeds kinders het – vind dit uiters moeilik om te erken dat hulle nie die mas opkom nie. “Volgens navorsingstatistiek ervaar 31% tot 40% van SuidAfrikaanse vroue geestesgesondheidsprobleme ná die geboorte van hul baba, maar ek vermoed die ware syfer is 60% tot 70%. Enersyds bly die toestand dikwels ongediagnoseerd weens die plaaslike tekort aan gesondheidswerkers en 'n gebrek aan ondersteuning in plattelandse gebiede. Andersyds keer kulturele verwagtinge en sosiale nuanses dat ma's erken hulle cope nie. Hoe bieg ek dat ek sukkel om te oorleef…

geld In vorige artikels het ek gesê dat die ekonomie nie oor grafieke, markte, pryse en geld gaan nie, maar wel oor mense. I Verder word (ekonomiese) sukses nie net ten opsigte van geld gemeet nie; sukses sluit ook ander goed soos lewensverwagtings, 'n veilige omgewing, goeie gesondheidsorg, geluk en vele ander aspekte in. Daarom is die “grootste ekonomiese deurbrake” van alle tye nie noodwendig deurbrake wat direk met die ekonomie te doen het nie. Hier is 'n paar voorbeelde: Daar is deurbrake wat direk met die ekonomie te doen het. Dit sluit privaat eiendomsreg in wat seker een van die grootste ekonomiese deurbrake van alle tye moet wees. Die idee dat iemand iets kan besit, het verder tot nog 'n ekonomiese deurbraak gelei, naamlik vrye handel. En vrye handel…

Onder die groot bome en tussen honderde clivias, waar plaashoenders en kalkoene skrop met die klank van kabbelende watervoortjies op die agtergrond, is daar rus vir jou siel, bekoring vir die oog en heilsaamheid vir die maag. Die afgelope 332 jaar se spore is duidelik in die pragtige buitegeboue en opstalle met hul dik, wit mure te sien. Die afgelope 17 jaar onder Karen Roos se rentmeesterskap, is in die glasvensters, netjies uitgelegde tuin en al die fynere afwerkings, soos 'n olyfstoor met blikkie-verpakkings, 'n turksvydoolhof, 'n geurkamer, ruie laventelbosse en die Glaskas-teetuin vir etes tussen die plante te sien. Die geskiedkundige Kaaps-Hollandse plaas kruip salig teen die hange van die Simonsberg op en 'n mens kan goewerneur Simon van der Stel net bedank dat hy in 1692 aan die…

WAT HET JY NODIG? ❖ 2 balle Charity Chunky Print (100 g) in African Eagle ❖ 5,5 mm-sirkelnaald (60 cm) ❖ Merker GROOTTE Sowat 30 cm breed en 50 cm lank sonder omvou Geskik vir baba van 3-6 maande AANWYSINGS Slaapsakkie Stel 105 ste op. Maak seker dis nie gedraai op die naald nie, gl 1ste st op regterkantste naald en trek laaste st oor eerste st (104 ste). Rdte 1 | (r4, aw4) rondom. Herh rdte 1 nog 8 keer. Rdte 10 | r (dit is vir omvou). Rdte 11 | (r4, aw4) rondom. Herh rdte 11 nog 4 keer. Begin met kabel Rdte 1 | *r 4de st op linkerkantste naald, dan 3de, 2de en 1ste st en trek al 4 ste van naald af, aw4, herh van…

Blokraai 1 & 2 van bl 114 & 115 BLOKRAAI 1 BLOKRAAI 2 Raaikettings 1 & 2 van bl 120 RAAIKETTING 1 Skuins na onder: 1. Bef; 2. Airs; 3. Skole; 4. Eners; 5. Teken; 6. Pekel; 7. Retor; 8. Lens; 9. Lea. Skuins na bo: 1. Bas; 10. Eike; 11. Front; 12. Sleep; 13. Erker; 14. Sekel; 15. Netel; 16. Lone; 17. RSA. RAAIKETTING 2 Skuins na onder: 1. Pog; 2. Adep; 3. Deler; 4. Sadis; 5. Ketel; 6. Lepel; 7. Sisal; 8. Esau; 9. Eks. Skuins na bo: 1. Pad; 10. Odes; 11. Gelak; 12. Pedel; 13. Rites; 14. Sepie; 15. Lesse; 16. Laak; 17. Lus. Woordoku 1, 2 & 3 van bl 118 WOORDOKU 1 WOORDOKU 2 WOORDOKU 3…

Hill's Prescription Diet d/d Dog Food is 'n hipoallergeniese hondekos wat diere help met voedselintoleransies en wat velgesondheid ondersteun. www.hillspet.co.za (Prys op aanvraag) Efazol Liquid Skin Supplement is 'n aanvulling met vetsure, vitamiene en sink wat kan help in die bestuur van sekere veltoestande. www.canineandco.co.za Vanaf R162,92. Montego Xenpet Liquorice Root & Quercetin Allergy Chews bied verligting van die simptome van seisoenale en omgewingsallergieë. R185 via www.takealot.com. Die Regal Pet Skin Healing Shampoo is geformuleer om geirriteerde vel te streel. R99,95 by verskeie winkels…

Ek onthou bitter goed my eerste liefdesteleurstelling, 'n toestand van frustrasie en wanhoop en 'n oortuiging dat daar nooit in my lewe weer iemand gaan wees wat so gek is om gek te wees oor my nie. Vir dié ou wou ek as tiener sommer uit die huis wegloop. Hy was 'n kitaarspeler en het my hart se snare getokkel, maar my ma het hom met kitaar en al uitgesmyt nog voor hy naby my kon kom. Ek was verpletterd, in my geestesoog kon ek my saam met hom deur die land sien toer en op groot verhoë optree. Ná 'n groot bakleiery het my ma verduidelik dat sy 'n groter droom vir my het en dat alles vir my in plek sal val. Dit was moeilik om haar te…

Hoe lank skryf jy al en hoe het dit gebeur dat jy begin skryf het? Ek skryf sedert 2003. My eerste boek, Dis ek, Anna, het in 2004 verskyn. Ek was met die lees van my eerste boek (sou dit Sus en Daan in sub A wees?) betower deur woorde, wat soos krale ingeryg kan word om sinne met betekenis te maak. Ek vermoed my droom om skrywer te word, is reeds daar gebore. Dat dit jare later waar sou word, bly vir my 'n wonder. Is dit moeiliker of dalk makliker om jou eie storie te vertel as om 'n roman te skryf? My eie verhaal was natuurlik emosioneel uitputtend. Ek moes tot op die been sny en gebeure herroep wat ek eerder sal wil vergeet. Daarteenoor behoort 'n…

mode…

Dermastore se wenke wanneer jy veeldoelige produkte koop: Kies produkte met goed nagevorste, klinies-bewese bestanddele Maak seker dit stem met jou veltipe ooreen Soek produkte wat 'n behandeling en 'n vogroom bied Oorweeg produkte wat reeds 'n sonbeskermingsfaktor bevat Stel produkte stadig aan jou vel bekend tot jy dit daagliks kan gebruik PROBEER Hierdie produkte bevat veeldoelige bestanddele wat langer sal hou en meer waarde vir geld sal bied:…

VELSORG Baie mense ervaar rooiheid op hul vel. Dit kan met verloop van tyd ontwikkel of jy het eenvoudig 'n sensitiewe vel. Wat ook al die rede, die geringste blootstelling aan die son sal jou probleem onmiddellik aan die gang sit. Smeer dus as deel van jou oggendskoonheidsroetine 'n sonskerm aan wat die sonstrale sal afweer. 'n Poeieronderlaag met bestanddele teen rooiheid sal dit neutraliseer. Die kompakte poeieronderlaag sal jou 'n koeler gelaatskleur gee. ETIKET Hou suikervrye kougom byderhand wanneer jy uitgaan. Tussen al die kos en koffie kan jy jou asem in 'n kits vars maak en met meer selfvertroue gesels. Koop 'n mini-tandevlos en hou dit in jou handsak. Dis beter om gou in die restaurant se badkamer jou tande te gaan vlos as om 'n tandestokkie in…

Ḩandhaaf n balans BALANCE van Chemistry Natural Science help om jou korttermynfokus te verskerp, kognitiewe gesondheid te bevorder en jou bui te reguleer. Die formule is geskep om jou verstand en liggaam te herstel en daagliks te voed. Hierdie welstand-supervoedselmengsel bevat ook probiotika met verteringsensieme wat jou immuunstelsel sal versterk en jou spysverteringstelsel gelukkig sal hou. Dit help ook om energievlakke te verbeter, simptome van opgeblaasdheid te verminder, en spierstyfheid ná 'n harde oefensessie te verlig. Beskikbaar teen R675 op www.chemistrynaturalscience.co.za Migraine se nare simptome Algemene migraine-snellers mag dalk die oorsaak van migraines wees en nie die migraine self nie. Snellers, soos stres, aktiveer die sentrale senuweestelsel se bane, wat normaalweg outonome funksies soos hartklop en vertering hanteer. Die sneller dui aan dat 'n verandering plaasvind wat dan hierdie outonome…

Ons voel so skuldig oor verkeerde geldbesluite soos as ons verkeerd eet of nie oefen nie! Dit sê Therèse Havenga, die hoof van transformasie by Momentum Investo. Volgens Therèse is haar skuldgevoelens dubbeld so erg as sy nou en dan oortree, want sy werk vir 'n finansiële instelling. “Ek moet mos alles van gelddissipline en beleggings weet,” spot sy. Maar so dikwels sê ons vir onsself: “Net Maandag sal ek alles begin reg doen.” Die geldafrigter Marnita Oppermann sê wanneer ons oor geld skuldig voel, het dit dikwels te doen met spyt, skaamte of angstigheid oor besluite wat ons geneem het: oorbesteding, impulsiewe aankope of ondeurdagte beleggings. Sy meen daar is veral vier dinge wat daartoe lei dat ons skaam oor ons geldsake voel: › Ons vergelyk onsself met ander…

kos Macaroni-en-kaas 4 porsies 280 g macaroni 1 x 200 g-pakkie vetvrye spekstukkies, fyngekap 50 g botter 50 g meel 1ℓ melk 250 ml (1 k) kaas, gerasper 125 ml (½ k) pecorinokaas, gerasper 30 ml (2 e) volgraanmosterd 125 ml (½ k) ou broodkrummels 1. Voorverhit oond tot 180 °C. Smeer olie in diep 2ℓ -oondbak. 2. Kook pasta in kookwater tot al dente. Dreineer. 3. Braai spek in dieselfde pot. Roer tot bros. Dreineer op papierhanddoek. 4. Smelt botter in dieselfde pot. Voeg meel by. Braai en roer vir 1 minuut. Roer geleidelik melk in. Hou aan om mengsel te roer tot dit kook en verdik. Meng kase en mosterd in. 5. Meng pasta, kaassous en spek goed saam. Gooi in voorbereide oondbak. Gooi broodkrummels oor en stip met bietjie ekstra botter. 6. Bak vir 30…

BEKENDES EN BLOMME ONS VOORBLADSTER Kate Roothman vertel hulle het onlangs eers in 'n huis ingetrek waar hulle die geleentheid gaan hê om tuin te maak. “Dit is definitief iets waarin ek belangstel en sal vir seker die tuin met 'n paar van my gunstelingblomme wil inkleur.” Sy het sommer 'n hele klomp gunstelinge: Italiaanse ranonkels, anemone, pioenrose, tulpe, Yslandse papawers, leeubekkies en lisianthus. Sommiges hou sy van omdat hulle sag en kalmerend en byna magies is, en ander bloot omdat die kleure van die blomme mooi is vir haar. “Dit lyk altyd mooi in die tuin of in 'n vaas om kleur aan die huis te gee.” Om blomme te ontvang, is vir Kate pure vreugde. “Dis 'n mooi gebaar en laat my glimlag.” Meer oor pioenrose Dit kom…

RAAIKETTING 1 LEIDRADE SKUINS NA ONDER 1. Baba se morslappie 2. Houdings 3. Groepe visse 4. Dieselfde 5. Sein 6. In die … sit (moeilikheid) 7. Redenaar 8. Deel van 'n kamera 9. Suster van Ragel (Bybel) SKUINS NA BO 1. Lae mansstem 10. Akkerbome 11. Eerste gevegslinie 12. Agternatrek 13. Uitgeboude venster 14. Sny graan daamee 15. Prikkelplant 16. Salarisse 17. Kort vir ons land RAAIKETTING 2 LEIDRADE SKUINS NA ONDER 1. Grootpraat 2. Volgeling 3. Hy gee kaarte uit in kaartspel 4. Hy pynig ander uit wellus 5. Kook water daarin 6. Roer daarmee 7. Garingboom 8. Broer van Jakob (Bybel) 9. Gewese meisie SKUINS NA BO 1. Straat 10. Hooggespanne liriese gedigte 11. Geduik in rugby 12. Bode aan 'n universiteit 13. Kerkgebruike 14. Strooisage 15. Lerings 16. Sterk afkeur 17. Begeerte vir iets ANTWOORDE Sudoku 1, 2 & 3 van bl 119 SUDOKU 1 MAKLIK SUDOKU 2 MEDIUM SUDOKU 3 MOEILIK…

Ek was 'n hele paar volmane gelede mejufrou Lisa de Waal. Net dit, niks ander titels nie. Toe trou ek met ene Cornelius Kitaarman (ook baie volmane terug) en kry nog 'n van by, wat ek intussen weer soos 'n akkedisvel afgeskud het. Die eks het na Australië geëmigreer, maar ons seun, wat ek ook baie volmane gelede gebaar het, woon steeds om die hoek van my. Met Bennie se geboorte, het ek weer 'n nuwe titel bekom, naamlik dié van mamma. (Ai, dit klink tog soet in my ore en ek sal dit nooit soos 'n opgebruikte vel wil afskud nie.) Toe trou Ben laas jaar – nie met 'n plaaslike boerenooi, waarvoor ek my vere en trousseau reggeskud het nie. Nee, Boet kies toe van al die denkbare…