Innholdsfortegnelse for January 2024 i Rooi Rose

redakteursbrief Dit bly altyd opwindend om iets nuuts raak te sien, te ervaar of aan te pak. Die begin van ‘n jaar is gewoonlik die tyd wanneer ‘n mens vuur en vlam is om weer nuwe lewe in alles te wil blaas. Soos dit maar gaan, hou ‘n mens nie aldag by jou nuwe voornemens nie. Jy kan óf net sommer opgee, want jy is nie meer lus nie óf dit kan weens omstandighede buite jou beheer wees. Hoe dit ook al sy, dis wonderlik om na iets nuuts te streef – dit gee jou sommer weer woema. Selfs al is dit iets eenvoudigs, soos om daardie deurmekaar kas reg te pak en onnodige huisware uit te gooi. Of om daardie souffléresep te probeer maak. Al misluk jou pogings, voel…

Ek knip my oë twee keer wanneer Stephanie Baartman by Paputzi's, ‘n gewilde restaurant in Linden, instap om seker te maak dit is sy. Sedert ek Stephanie verlede jaar laas gesien het, het sy nog meer kilogramme afgeskud. Sy dra ‘n fleurige mosterdgeel rok en die lang dreadlocks, waarmee ons haar deesdae as die geliefde karakter Lettie Adonis in die telenovelle Diepe Waters ken, het vir ‘n sjiek korter krulkop-haarstyl plek gemaak. Dit is inderdaad ‘n splinternuwe Stephanie wat voor my gaan sit. Maar al het haar voorkoms verander, het sy steeds dieselfde rustige aura wat haar omring. Stephanie praat die mooiste Afrikaans en haar herkoms is dan juis die invalshoek oor ‘n cappuccino. Sy is op Humansdorp in die Oos-Kaap gebore. Haar pa, Stefanus of Sonny Boy, soos almal…

Ons ontmoet vir ‘n gesels kort ná die Wêreldbeker en langs ons sit ‘n tannie wat in ‘n Springboktrui met ‘n Springbokserp én ‘n Springbokmus uitgevat is. Ons bespiegel of sy dalk Springboksokkies ook dra. “Ek is nie die wêreld se grootste rugby aanhanger of -kenner nie,” sê Waldemar, “en daar's nie trane om die braaivleisvuur as ons verloor nie, maar ek kyk as ons speel. Ek het selfs vir my in 2015 ‘n truitjie gekoop. “Ek kyk omdat ek ‘n Suid-Afrikaner is. Ek het selfs die net bal met groot entoesiasme gevolg. My vrou, Ira, se familie is baie sportief, maar die uwe was nooit ‘n ster op die sportveld nie. Ek het in standerd drie een keer probeer rugby speel en my duim verstuit. Dit was die laaste…

skoonheid As jy klaar jou onderlaag aangewend het, is dit baie belangrik om jou gesig se diepte en kleur terug te sit. Daarvoor gebruik ek die Willem Botha Beauty Contour, Blusher en Highlighter Powders. Willem vertel: Kom ons vat die langpad. Een van die lekkerste dele nog al die jare van my werk is dat ek die geleentheid kry om van ons land se mooiste dorpies te kan besoek en die inwoners te kan ontmoet. By my Masterclasses het ons ‘n opslaanwinkel met al ons produkte. Ná my vertoning doen ons as span soveel moeite om elke vrou spesiaal te laat voel. Maar weet julle wat ek elke keer opmerk? Vroue staan soms ure in ‘n ry sodat ek hulle kan help om net die regte onderlaagkleur te kies. Ons…

Vir hom en haar Die nuwe Philips One-tandeborsels het sagte hare wat in ‘n dinamiese patroon gerangskik is. Dié ontwerp help jou om tussen tande te kan borsel en deeglik skoon te maak. Die ingeboude tydhouer (timer) gons elke 30 sekondes om jou aan te spoor om na die volgende gedeelte van jou mond te beweeg. Met die laaste, langer gons laat weet die tandeborsel jou dat die aanbevole twee minute bereik is. Die tandeborsel is in twee verskillende kleure beskikbaar, maak van een AAAbattery gebruik, en nuwe borselkoppe kan teen R199 (vir twee) aangekoop word. Philips One in Midnight Blue/ Coral R329, www.sonicare.co.za Sê totsiens vir muskiete Raak op ‘n natuurlike manier van muskiete ontslae met ‘n produk wat essensiële olies, eerder as gifstowwe bevat. Die sproei bevat sitronella,…

geld Rykdom los alle probleme op, of ten minste die meeste probleme. Ryk mense, in die algemeen, leef langer, het beter onderwys, gesondheid, veiligheid, omtrent alles. Ryk mense is selfs gelukkiger as arm mense. Net so is ryk lande bykans op elke meetbare manier beter daaraan toe as arm lande. En anders as wat die meeste mense dink, is dit nie so moeilik vir lande om ryk te word nie. Daar is net een manier waarop lande kan ryk word en dit is deur rykdom te skep. Ekonome noem dit ekonomiese groei. Maar wat moet gedoen word om ‘n ekonomie te laat groei? Daar is drie dinge wat nodig is om ekonomiese groei te waarborg: Beskerming van privaat eiendomsreg, vrye handel en betroubare geld. Ek begin by vrye handel. Daar…

Muesliskywe met appelkose Maak 20 100 g botter 125 ml (½ k) strooisuiker 1 eiergeel 160 ml (⅔ k) meel 60 ml (4 e) bruismeel 15 ml (1 e) vlapoeier 125 ml (½ k) appelkooskonfyt, warm MUESLIBOLAAG 60 ml (¼ k) heuning 50 g botter 375 ml (1½ k) hawermout 250 ml (1 k) graanvlokkies 125 ml (½ k) droë klapper 125 ml (½ k) gedroogde appelkose, fyngekap 1. Voorverhit oond tot 180 ºC. Smeer en voer vlak reghoekige koekpan met bakpapier uit. 2. Klop botter, suiker en eiergeel saam in bak met elektriese klitser tot lig en donserig. Roer gesifte meel en vlapoeier in. Druk mengsel in voorbereide pan. Bak onbedek vir 15 minute of tot goudbruin. MUESLIBOLAAG 1. Verhit heuning en botter in pot tot botter smelt. Plaas oor in groot bak en roer orige bestanddele in. OPDIENING 1.…

Blokraai 1 & 2 van bl 114 & 115  BLOKRAAI 1 BLOKRAAI 2 Raaikettings 1 & 2 van bl 120 RAAIKETTING 1 Skuins na onder: 1. Jok; 2. Amos; 3. Kapel; 4. Netel; 5. Regie; 6. Liere; 7. Offer; 8. Silo; 9. Ets. Skuins na bo: 1. Jak; 10. Oman; 11. Koper; 12. Setel; 13. Legio; 14. Liefs; 15. Erfie; 16. Eelt; 17. Ros. RAAIKETTING 2 Skuins na onder: 1. Bel; 2. Etos; 3. Fetus; 4. Ruite; 5. Slank; 6. Etiek; 7. Egret; 8. Esse; 9. Eet. Skuins na bo: 1. Bef; 10. Eter; 11. Lotus; 12. Suile; 13. State; 14. Enige; 15. Kerse; 16. Kese; 17. Tet. Blokraaie 5 & 6 van bl 117 BLOKRAAI 5 BLOKRAAI 6 Blokraaie 3 & 4 van bl 116 BLOKRAAI 3 BLOKRAAI 4…

Lisa de Waal Halloooo! Long time no see, hear or speak … in rooi rose. Dankie aan die vele lesers wat gereeld gevra het wat van my en my losloperrubriek, Lisa de Waal, geword het. Ja, die ouer kat is inderdaad heelwat hoofstukke later weer terug. Om die missing links vinnig op te som. Ek is al meer as ‘n dekade gelukkig geskei en weer (en steeds) ‘n losloper – wel een met ‘n bietjie meer los vleis aan my bobene en arms. Maar verder is als nog min of meer vas en in plek, van my tande tot my hande, en meeste dele van my verstande. Ek is fiks, gesond, vol energie en ‘n kat vir sports – wat natuurlik potensiële romanse insluit, hoewel dit nie bo-aan my bucket…

Simon Rademan het amptelik in Januarie 1989 as couturier gekwalifiseer, wat hom vanjaar sy 35ste bestaansjaar in die bedryf laat vier, en al sal daar in Februarie ‘n volle 60 kersies op Simon se koek brand, is daar geen sprake van aftrede nie. Simon Rademan het sy eerste asemteug in Ceres geneem waar hy saam met sy broer en ouers langs die spoorlyn gewoon het. Simon se ouers was al twee doof, met die gevolg dat hy in ‘n wêreld sonder woorde grootgeword het en hy van kleins af geleer het om homself met gebare uit te druk. Jare later sou hy egter sy hande gebruik om dit wat hy in sy geestesoog kon sien, met materiaal uit te druk. Hy onthou hoe hy as klein seuntjie in 1969 die…

1. Gatineau Silk Toner R850, www.orleanscosmetics.co.za Om ‘n sysagte vel te hê, is nou makliker as ooit! Die nuwe Silk Toner van Gatineau bevat sy, katoensaad en allantoïen wat die vel herbalanseer, verfris en versag. Dit is alkoholvry wat dit vir sensitiewe veltipes geskik maak, en laat die vel onmiddellik sagter en bevogtig voel. 2. Eau Thermale Avène Hydrance Boost Concentrated Hydration Serum R399, Woolworths Die nuwe toevoeging tot die Hydrance-reeks bied aktiewe bestanddele wat hope voordele inhou, veral vir droë vel wat tydens die somer meer son ervaar. Die waterige jeltekstuur bevat hialuronsuur, vitamien B3 en natuurlik die ikoniese Avè Thermal Spring Water wat help om irritasie te verminder. 3. Mustela Very High Protection Sun Lotion SPF50+ R210, Dermastore Mustela, wat in 1950 in Frankryk gestig is, staan as…

kompetisie rooi rose is op soek na ‘n ma en dogter wat ‘n baie hegte band het. Vertel ons wat dit is, wat jul verhouding so spesiaal maak en julle het ‘n kans om ‘n oormaaken fotosessie deur Willem Botha, ‘n uitrusting vir elkeen deur Reandi Grey van Grey Creations, juwele van Jenna Clifford en ‘n geskenkpak van Montblanc te wen. Jul fotosessie sal ook in ‘n uitgawe van rooi rose verskyn. Gaan na www.rooirose.co.za en klik op die “wen”-skakel. Volg die maklike instruksies en siedaar! Wat moet julle doen? Stuur ‘n foto van die ma en dogter saam, beantwoord ‘n paar vrae en betaal ‘n inskrywingsbedrag van R100. Betaalopsie op die webwerf beskikbaar. Sluitingsdatum: 25 Januarie 2024 Bepalings en voorwaardes: Deelnemers moet ouer as 18 en Suid-Afrikaanse burgers wees.…

Behalwe dat al twee donkerkoppe is, het hierdie twee wynmakers nóg twee dinge gemeen: Albei van hulle kom uit families waar daar nog nooit vantevore met die wynbedryf skouers geskuur is nie, en albei se passie vir gehalte help die onderskeie wynplase waarvoor hulle werk om groot pryse in die wynbedryf huis toe te bring. DANIELA JANSEN, WYNMAKER BY SARONSBERG Daniela Jansen is sedert sy ses jaar oud was en haar ouers Somerset-Wes toe getrek het, ‘n volbloed-Kapenaar. Sy móés in die Kaap beland, want dit is hier waar sy haar passie vir wyn die heel beste kan uitleef. Hierdie passievolle wynmaker wie se oë saam met haar mondhoeke lag, was 14 jaar oud toe sy saam met haar ma gery het om haar broer vir ‘n naweekkuier tydens ‘n…

so sê hulle Ons het skaars van die lughawetrein afgeklim toe dit al begin. “Loop ons in die regte rigting?” Twee van my reisgenote frons met hul koppe oor die selfoon gebuig. “Dit lyk of ons van die hotel af wegbeweeg.” Die derde vat ons kwasi-kompas en gee ‘n paar verbete treë om te sien of die pyltjie in die rigting van die rooi vlaggie van ons bestemming skuif. Ons is op ‘n nuwe koers, in net mooi die teenoorgestelde rigting. Dit word ‘n refrein vir ons vakansie, die gekloek (en gestry) om die foon. My laaste buitelandse reis was na Afrikalande sonder selfoontorings om elke draai. Nadat vriende my na Suid-Korea en Japan saamgevra het, leer ek egter hoe jou foon jou flink deur die doeane help, en dis…

Hoe lank skryf jy al en wat is ‘n paar van die titels wat al uit jou pen verskyn het? My eerste Romanza, Leer my liefhê, het in 2013 verskyn. Daar is al ‘n hele paar titels, maar ek is die trotste op my twee reekse wat goed gedoen het. Die Liefde vir-reeks wat oor die wel en wee van die Parkers handel en dan die Harte-reeks, wat in Ridgway, Colorado, afspeel. Die Romanza-stoomboeke verkoop soos soetkoek. Sou jy sê dis ‘n moeiliker genre as ander om te skryf? Dit was vir my, want ek moes bietjie uit my gemaksone klim en my eie “wilde” kant ontgin, maar as die basiese liefdesverhaal werk, vloei die res gelukkig daaruit. Waar kom jou idees vir stories vandaan? Ek kry oral om my…

skoonheid HARE Ons sien ‘n duidelike neiging na eenvoudiger style, asook ‘n fokus op tekstuur. Hare wat glad teruggekam word is by vele vertonings gesien, met middelpaadjies, diep kantpaadjies en ook heeltemal terug, soos by Valentino en Akris. Dolce & Gabbana het die “balletcore”-neiging een stappie verder geneem en lae bollas met strikke beklemtoon. By Chanel het ons sagte middelpaadjies met los, sagte beach waves gesien, waar Zimmermann weer natuurlike krulle en tekstuur beklemtoon het. Benewens haarstyle en tekstuur, kan ons ook verwag om meer haarbykomstighede in die vorm van knippe, mooi haarrekkies en kopbande te sien. Maar as bykomstighede nie jou ding is nie, oorweeg dalk ‘n nuwe styl – retro-kuiwe, langer lae en selfs kort bobs wat die gesig raam, gaan hierdie jaar groot wees. En net soos…

VERSUS RUN PARTY 17 Februarie 2024 La Motte, Wes-Kaap www.entryninja.com SATURDAY NIGHT FITNESS 17 Februarie 2024 Kaapstad 19 Augustus 2024 Johannesburg www.quicket.co.za HI-TEX MAGOEBAS ULTRA 21-23 Maart 2024 Tzaneen, Limpopo www.entryninja.com WINELANDS WALK 11-15 April 2024 Stellenbosch, Franschhoek & Paarl www.lindakrielfitness.co.za THE GIANT'S CUP TRAIL RUNNING & HIKING EXPERIENCE 24-25 Mei 2024 Maloti Drakensberg World Heritage Site www.thegiantscuptrail.com TABLE MOUNTAIN BEAST 25 Mei 2024 Kaapstad www.energyevents.co.za SOX TRAIL RUN 9-11 Augustus 2024 Wilderness, Wes-Kaap www.entryninja.com 2024 Volgens Google Trend Data is hierdie ‘n paar van die neigings wat ons kan verwag om vanjaar te sien: Virtuele klasse en programme wat mense meer vryheid gee om oefening deel van hul besige lewe te maak. Die hoeveelheid soektogte vir die begrip “alkoholvry” het in 2023 met meer as 260% gestyg, terwyl “kafeïenvry”…

BEKENDES EN BLOMME ONS VOORBLADSTER SE GUNSTELINGBLOM Desiré Gardner het nie nodig gehad om lank te dink nie: “Definitief die Sint Joseflelie,” was haar antwoord op die vraag wat haar gunstelingblom is. Meer oor die Sint Joseflelie Die Sint Joseflelie (Lilium longiflorum) word ook die “Snow Queen” weens sy groot yswit trompetvormige blomme genoem. Dit ruik boonop lekker. Dit het sy oorsprong in die suidelike eilande van Japan, maar aard uitstekend in ons Suid-Afrikaanse toestande. Plant dit tussen Mei en Augustus in halfskadu waar dit verkieslik oggendson en middagskadu kry. Dit kan ook onder groter struike geplant word. Dit verkies grond wat goed dreineer. Maak die grond tot ongeveer 40 cm (of 20 cm as jy ‘n pot gebruik) los en werk kompos in. Jy kan ook sand in ‘n…

VEEARTS BEANTWOORD VRAE  ONS TREK Ons trek na ‘n ander provinsie toe en ons driejarige kat vlieg daarheen. Hoe maak ek dit makliker vir my kat en hoe keer ek dat hy by die nuwe huis wegloop? Mense het vir my gesê ons moet hom drie weke lank in die huis probeer hou. Verhuising is ‘n stresvolle tyd vir katte en dit is belangrik om hom so rustig as moontlik te hou. As jy jou kat gaan toelaat om ‘n buitekat te wees, sal jy hom binnenshuis moet hou vir minstens twee weke in een kamer en daarna twee weke in die huis voor hy buitetoe kan gaan. Voer soos gewoonlik en verskaf een rommelbak per kat, met een ekstra. Probeer om by jul normale roetines te hou. › Laat…