Innholdsfortegnelse for November 2023 i Rooi Rose

Ek glo nie daar is enigiemand wat al net goeie of net slegte ervarings beleef het nie. Die lewe is nou maar eenmaal een van balans waar die goeie én die minder goeie ons almal se pad kruis. Wanneer die minder goeie ervarings gebeur, voel dit soms of dit net nooit tot ’n einde kom nie. Die dag wanneer die wiel egter draai en ons terugkyk, voel dit nie meer so erg soos toe ons midde-in die situasie was nie. Albei ervarings is nodig. As jy ’n slegte tyd ervaar, voel dit dikwels of jy ’n berg uitklim. As jy terugkyk, het jy amper moed opgegee, maar tog vasgebyt en nou kan jy terugstaan en jouself op die skouer klop dat jy daardeur is. Dan verander die slegte ervaring sommer…

Nico Panagio het feitlik geen bekendstelling nodig nie. Hy was die afgelope twee jaar in Legacy as speurder Marco Andino te sien. Die romantiese komedie Semi-Soet, waarin hy die hoofrol teenoor Anel Alexander gespeel het, is verlede Kersfees internasionaal op Netflix beskikbaar gestel. Maar vir vele is hy egter steeds 7de Laan se George Kyriakis. Sedert Oktober is hy ’n kuberkraker in die nuwe kykNETdramareeks, Straat, wat wegkruip vir boewe wat hom wil doodmaak. Nico en sy vrou, Christi, is al die afgelope 23 jaar saam, waarvan hulle 17 jaar getroud is. Hulle het twee dogters, Evah (12) en Shay (10). Christi het verlede jaar as die aanbieder van die VIA-reeks Houvrou of trouvrou? na die kassie teruggekeer nadat sy vir meer as vyf jaar ’n tuisblyma was. Nico het…

Wanneer en hoe het julle mekaar ontmoet? Ons het as studente in Pretoria oudisies vir die operette “Seringtyd”, die verhaal van Frans Schubert, gedoen. Ons kry toe die hoofrolle teenoor mekaar: Francois as die baron en ek as die diensmeisie. Volgens Francois het die rolle daarna omgedraai! Waar tree julle oral op? By skole, saam met kore, by kleuterskole se oupa- en oumadae, menige kindergeleenthede en Saterdae se damesoggende. Ons het ook ’n geestelike program/aanbieding by kerke: Ons Paassangdiens en “Somer-Kersfees”. Het julle ooit ’n verleentheid op die verhoog beleef? Ons het een keer sonder optreeklere by ’n geleentheid opgedaag. Francois het ’n hemp en broek uit die pastorie gekry en ek het klere by een van die organiseerders gekry. Ons klank het al vir onverklaarbare redes opgepak, ’n skoen…

Wen Een leser kan ’n geskenkpak ter waarde van R3 050 wen. Dit sluit die volgende in: ✚ 1 × 12 Color Eyeshadow Palette ✚ 1 × 9 Piece Brush Set ✚ 1 × Liquid Matte Lipstick ✚ 1 × Lip Gloss ✚ 1 × Contour Powder ✚ 1 × Highligter Powder ✚ 1 × Blush Powder Stuur ’n e-pos met jou naam, van, adres en telefoonnommer met “Willem November” in die onderwerpreël voor 23 November 2023 na rooirose@habarimedia.com. *Slegs een inskrywing per persoon Willem vertel: Ai, ons bly darem in ’n mooi land en Suid-Afrika het vir seker die mooiste vroue in die wêreld. Ek het die laaste jaar die geleentheid gehad om met my Willem Botha Beauty-grimeringreeks in verskeie lande te gaan werk – om die grimering sowel…

Vars en veilig vir die hele gesin Jy mag dalk al hierdie bottels iewers by ’n mark of ’n gesondheidswinkel raakgesien het, en met lente in die lug, is dit dalk tyd om dit te probeer. Die SANIC-reeks is ’n natuurlike oplossing vir elke kamer in jou huis. Dit is ’n veeldoelige poeier wat op matrasse, rusbanke, matte, troeteldierbeddens, klere, tekkies en selfs gordyne gebruik kan word. Dit help om bakterieë en stofmyte te beveg, neutraliseer reuke en absorbeer vog terwyl dit vuilheid lig en die materiaal vars laat ruik. Dis vry van chemikalieë en bleikmiddels. Beskikbaar by Faithful to Nature, R239 elk Moet ek vlos? Die kort antwoord is ja – absoluut! Om daagliks jou tande te vlos, kan help om mondgesondheidsprobleme te voorkom en dra ook tot jou…

G etroude paartjies hoor dikwels die vraag: “Wanneer begin julle met ’n gesin?” “Ons wil nie kinders hê nie,” is nie noodwendig die antwoord wat familielede wil hoor nie, maar dis ’n uitkyk wat al hoe algemener word. “Ons onderskei deesdae tussen ‘kindervry’ en ‘kinderloos’,” verduidelik Lidalize Grobler, ’n opvoedkundige sielkundige van Pretoria. “Kinderloos verwys na mense wat kinders sou wou hê, maar nie kan nie – ongeag die rede – terwyl kindervry dui op ’n pertinente besluit om nie kinders te hê nie. Dan is daar ‘nog-nie ouers’, wat beplan om in die toekoms kinders te hê; mense wat onseker is of hulle wel kinders gaan kry; en ambivalente mense wat nie seker is of hulle kinders wil hê nie.” Hierdie nuanses maak dit moeilik om navorsingsresultate te interpreteer,…

kos Varkkotelette met tamatie-en-brandrissiekonfyt 8 porsies TAMATIE-EN-BRANDRISSIE-KONFYT 30 ml (2 e) olyfolie 5 ml (1 t) komynsaad 5 ml (1 t) mosterdsaad 5 ml (1 t) borrie 1 cm- vars gemmer, geskil en fyngerasper 4 knoffelhuisies, fyngekap 5 vars lang rooibrandrissies, sade verwyder en fyngesny 1 stingel sitroengras, punte afgesny en fyngesny 1 kg ryp pruimtamaties, gekap 125 ml (½ k) strooisuiker 80 ml (⅓ k) witwynasyn 15 ml (1 e) vissous VARKKOTELETTE 8 varkkotelette 1 knoffelhuisie, gemaal 15 ml (1 e) olyfolie TAMATIE-EN-BRANDRISSIE-KONFYT 1. Verhit olie in pot oor matige hitte. Voeg sade, borrie en gemmer by. Wanneer mosterdsade begin braai, voeg knoffel, brandrissie en sitroengras by. Braai en roer tot knoffel begin verkleur. 2. Voeg oorblywende bestanddele by en bring tot kookpunt. Verlaag hitte en laat prut. Roer nou en dan vir 2 uur of tot konfyt verdik. Gooi in warm…

✤ ILNE NIENABER BENADIE Die geliefde aktrise Ilne Nienaber Benadie wat kykers onder meer in sepies soos Egoli, 7de Laan, Villa Rosa en meer onlangs as Elana in Binnelanders leer ken het, het op 26 Desember 2021 saam met haar man, Marcus, en hul twee spruite, Hugo (10) en Mila (7), na Oakville, Ontaria, in Kanada verhuis. “Dit was ’n gewigtige besluit. Ek en my man het eintlik al drie jaar voordat die emigrasieproses begin het, die droom gekoester om in Amerika te gaan woon. Maar dinge het anders verloop toe Marcus by Deloitte se Workday-stelsel begin werk het en die geleentheid dit toe voorgedoen het om eerder in Kanada te gaan werk. “Ons het eers navorsing oor Kanada gedoen en onder meer uitgevind die land is baie gesinsgeoriënteerd, het…

Dis “mooi weer en warm” soos die lugwaardin voorspel het, toe ons die helder lig buite die Vic Falls-lughawe in die noordwestelike kant van Zimbabwe binnestap. Ons bestuurder wag met ’n verkoelde bussie in die parkeergedeelte en gee koue water aan toe ons inklim. Ons vertel hom van die “weervoorspelling” en hy lag en sê dit sal in die nag koud word. Ek kyk hom verbaas aan en vertel van Amanda Strydom se liedjie “Verspreide donderbuie” met die koortjie: “Op die radio sê die weerman dit sal koud word in die nag; en verspreide donderbuie word oor die hele land verwag …” “Geen reënbuie hierdie tyd van die jaar nie, net miljoene sterre wat vlak bo jou kop hang,” gesels hy liries oor sy land voort. Die uur se ry…

voorblad Terwyl ek vir haar by ’n koffiewinkel in die V&A Waterfront sit en wag, onthou ek ons eerste ontmoeting ’n paar jaar gelede. In haar kort denimbroekie en met haar wilde bos hare het Christia Visser die koppe behoorlik laat draai. Intussen is sy getroud én het sy ’n jaar of wat gelede mamma geword. “Ek dra steeds ’n kort denimbroekie,” keer sy vinnig, “en ek is steeds die sorgvrye mens van destyds, maar ek het beslis as mens gegroei. Ek's nou standvastiger en het beter insig in wie ek is. “Die jonger Christia was beslis ’n bietjie roekeloser, maar ek het nie skielik oud geword omdat ek ’n ma geword het nie. Dis nogals iets waaroor ek en Thomas gereeld praat, dat ons nooit ons inner child moet…

mense Die tuin vloei tot teen die randsteen. Daar is nie hoë mure wat die grysgeverfde huis van die straat af weghou nie. Die rooi pilaar op die voorstoep pas by die dubbelgrootte voordeur en verklap so ’n bietjie van Ruda en haar man, JP, se kreatiwiteit. Hul lus vir die lewe. En dis hier – agter haar rooi voordeur in een van Johannesburg se oudste kunstenaarsbuurte – waar Ruda Landman op haar gelukkigste is. Die Landmans het hul huis in Melville 42 jaar gelede gekoop. Toe al twee haar ouers kort daarna in een jaar oorlede is, het “ons met my bietjie erfgeld dit reggekry om die vloerruimte te verdubbel” en glasvensters en -deure ingesit waardeur die son vandag in geel kolle skyn. Dit het haar, JP (politieke ontleder…

mense Die Cintaine Schutte wat ek as joernalis oor die jare leer ken het, is ’n rustige mens. Wat jy sien, is wat jy kry, en sy is beslis nie iemand met giere en geite nie. Sy's ambisieus en gedrewe, maar haar voete is stewig op moederaarde geplant. Sy's 'n mooi vrou met lewendige donker-bruin oë en ’n vlekkelose vel wat deur ’n helderoranje jas beklemtoon word. “Dis my ma s'n,” verklap sy laggend en met verwysing na my beskrywing: “Ja, ek dink dis nogal ’n raak weerspieëling van my. “Hoe ouer ek word, hoe gemakliker raak ek in my vel. Jy't nie eintlik veel van ’n keuse nie, het jy? There's no turning back.” Cintaine vertel dat rooi rose ’n dag voordat president Ramaphosa die grendeltyd aangekondig het, ’n…

kos Sensasionele somerslaai op twee maniere ✤ 4 porsies SLAAI 1 pakkie roketblare 1 pakkie roketmikrokruie 1 rooi-ui of sprietuie of albei 6 kersietamaties 6 vars aarbeie, gesny 6 bababeet, gesny 1 avokadopeer, in stukkies gesny 200 g hoenderborsies of 8 krapkloue eetbare mikroblomme JENNA SE GEHEIME SOMERSLAAISOUS 125 ml (½ k) rooiwynasyn 125 ml (½) olyfolie 90 ml (6 e) bruin- of witsuiker, of 5 e rou heuning 5 ml (1 t) Dijonmosterd 4 knoffelhuisies, fyngedruk Himalaya- growwe sout, na smaak growwe swartpeper, na smaak OPSIONEEL mentblare, fyngekap vars gemmer, gerasper soet basiliekruid, fyngekap SLAAI 1. Was groente en vrugte goed. 2. Berei hoender of krapkloue volgens jou voorkeur voor. Braai of bak hoender tot heeltemal gaar en sny in stukkies op. Kook krap tot gaar, laat afkoel, of koop dié wat reeds gaar is. 3. Meng roketkruie, dungesnyde rooi-ui, kersietamaties, aarbeie en bababeet. 4.…

Daar is heelwat tuinstyle waaruit jy kan kies. Dit hang grootliks van jou smaak en jou ligging af. Mandie Odendaal, die algemene en produksiebestuurder by Garden World, gee meer inligting oor twee soorte tuine. DIE FORMELE TUIN Die formele tuin gaan basies oor balans, simmetrie, reguit lyne, geometriese vorms en fokuspunte. Formele tuine is tipies rondom staatsgeboue, paleise en openbare plekke uitgelê, maar het mettertyd ook vir huistuine gewild geraak. Jou tuin hoef nie eens baie groot te wees om ’n formele tuin te skep nie. Dit kan bloot twee geometriese blombeddings weerskante van ’n reguit paadjie wees. Dit skep ’n gevoel van orde in ’n deurmekaar wêreld. ’n Formele tuin gee dus ’n gevoel van orde. ’n Tipiese element is die simmetriese liniêre manier waarop die voetpaadjies en tuinbeddings…

D ie dag toe haar seun, Kobus, laat weet sy vrou is swanger, daardie dag gaan koop Cathy die wiegstoel. Want – ’n ouma moet ’n wiegstoel hê. Sy het dit al lankal in die oog gehad, moet sy erken. Toe haar vriendinne oor kleinkinders en babas begin praat het, en breipatrone uitgeruil het, het sy geluister en gehoop en die wiegstoel gesien – van donkerbruin hout met ’n sagte kussing op. En nou het sy ’n rede om dit te koop. Sy is stilweg opgewonde oor die moontlikhede wat in die wiegstoel opgesluit lê terwyl sy hekel- en breipatrone op die internet begin navors. Toe gaan werk Kobus in Londen. Cathy is weke lank platgeslaan oor die twee kinders se vertrek. Maar Kobus hou haar getrou op hoogte van…

so sê hulle Ek het nooit gedink so iets sou ooit met my gebeur nie. Ek is basies ’n luierige ou. Ek het dekades laas ’n nege-tot-vyf-job gehad, en my laaste nege-tot-vyf-job was ’n ramp Die tipe werk wat ek nou al jare lank doen – ek kan deur die week laat slaap en werk gewoonlik slegs naweke – pas my al ’n geruime tyd heel goed. Wat my naweekwerk soveel aangenamer maak, is dat ek op die job mag wyn drink! Nie slegs mag ek wyn op die job drink nie – dit word van my verwag om wyn te drink terwyl ek “werk”. Dit is deel van my job description. Dit is my werk – om Koos Kombuis te wees. Om op ’n verhoog te sit en rymende…

Jy het ’n lang loopbaan as akteur gehad en Dieper as drome is jou eerste debuutroman. Hoekom nou eers? Ek was maar redelik besig met ander dinge, soos die maak van dokkies en TV-insetsels. Ek het verder in rolprente en TV-reekse gespeel, en het ook ’n musiekkroeg in Ellington's Saloon in die ou tronk in Bellville begin. Die skrywery kom eintlik al lankal aan. Ek het my eerste tikmasjien in graad 3 gekry – ek het kort goedjies soos gediggies en stories geskryf. Dit was eintlik altyd meer van ’n tydverdryf en lekker stokperdjie. Toe het ek sowat tien jaar gelede ernstig begin navorsing doen oor die diamanten goudstormloop wat die ganse geskiedenis van Suid-Afrika soos handomkeer verander het. Jy is ook ’n vertaler en het al verhoogstukke geskryf en…

mode VIND HIERDIE ARTIKELS BY: ALDO WWW.ALDOSHOES.CO.ZA BEACHCULT WWW.BEACHCULT.CO.ZA JANGI ACCESSORIES WWW.JANGIACCESSORIES.COM LOVISA WWW.LOVISAJEWELLERY.CO.ZA MILADY'S WWW.MILADYS.COM MR PRICE WWW.MRP.COM MIU MIU WWW.MIUMIU.COM PICK N PAY WWW.PNP.CO.ZA SHADES OF JADE WWW.SHADESOFJADE.CO.ZA STEVE MADDEN WWW.STEVEMADDEN.CO.ZA SUNGLASS HUT ZA.SUNGLASSHUT.COM TDW FACEBOOK.COM/TDWEMPORIUM YDE WWW.YDE.CO.ZA ZARA WWW.ZARA.COM…

1. L'Oreal Paris Glycolic-Bright Serum R350, Edgars Hierdie nuwe wonderserum is tans deel van my daaglikse roetine, en ek kan nou al sê dat dit vir nog ’n hele ruk gaan wees. Die hoofbestanddeel is die 1%-glikolsuur wat help om donker vlekke, pigmentasie en ouderdomsvlekke te verlig en verminder, en ook die voorkoms daarvan te voorkom. Jy kan gladder, meer egalige en glansende vel sonder sensitiwiteit of irritasie verwag. 2. Ex Nihilo Blue Talisman 50 ml R4 710, Skins Cosmetics As ’n mens net na die bottel kyk, weet jy sommer klaar dat dit spesiaal is. Dis ontwerp sodat dit soos ’n hipnotiese juweel kan lyk en die parfuum is sprekend van Ex Nihilo se kundigheid. Daar is topnote van bergamot, gemmer, mandaryn en peer, en die hart en basisnote…

Sjokoladepankoek ✤ 20 porsies 750 ml (3 k) strooisuiker 250 g botter, fyngekap 500 ml (2 k) water 80 ml (⅓ k) kakaopoeier, gesif 5 ml (1 t) koeksoda, gesif 750 ml (3 k) bruismeel 4 eiers, liggies geklits SJOKOLADEBOTTERROOM 125 g botter 375 ml (1 ½ k) versiersuiker 80 ml (⅓ k) kakaopoeier 30 ml (2 e) melk 1. Voorverhit oond tot 180 °C. Smeer pan met botter en voer met bakpapier uit. 2. Kook suiker, botter, water, kakao en koeksoda saam in pot oor matige tot lae hitte tot suiker oplos en botter smelt. Bring tot kookpunt. Verminder hitte tot laag en laat liggies vir 5 minute prut. Giet mengsel in bak en laat by kamertemperatuur afkoel. 3. Voeg meel en eiers by sjokolademengsel. Klits met elektriese klitser tot glad en mengsel ’n dowwer kleur raak. Gooi…

Praat ’n mens met Tanya le Grange dan kan jy jou amper nie indink dat daar ooit ’n dag is wat sy nie positief en borrelend is nie. Sy kies om die mooi in elke dag raak te sien en dit gee haar energie om ander mense te bemagtig sodat hulle na hul geestelike welstand kan omsien. Tanya, wat in Kaapstad woon, bied landwyd seminare, spanbousessies en werkswinkels oor positiwiteit, geestelike welstand en bemagtiging aan. “Ek werk met vroue en mans, maar ek geniet dit veral om met vroue te werk,” vertel Tanya, wat haarself ’n voorvegter vir vroue-bemagtiging en -opheffing noem. “Daar is net iets spesiaals aan vroue, hul vroulikheid en hul sorgsaamheid. Dis baie bevredigend om met vroue te werk en te sien hoe daardie liggie weer by…

tuin Badkamers is dikwels die kleinste vertrek in die huis met die minste ruimte B om te versier. Dis nie aldag moontlik om meubels en dekorartikels in te bring om die ruimte mooi te laat lyk nie, en stoom kan ’n badkamer maklik muwwerig en bedompig maak. Die regte plante kan egter help. Baie badkamers kry nie aldag genoeg lig en vars lug nie. Kies dus plante wat goed in ’n vogtige omgewing aard, meestal van min lig hou en wat sal help om die lug vars te hou al wissel die temperatuur. Dié plante sal met min moeite pragtig lyk. Lugplante (Tillandsia) Lugplante (spesifiek epifitiese lugplante) kom in tropiese gebiede van Suid-Amerika voor waar hulle hulself hoog aan bome se takke heg. Anders as ander plante het hierdie plant,…

BLOKRAAI 1 BLOKRAAI 2 BLOKRAAI 3 BLOKRAAI 4 ANTWOORDE Blokraai 1 & 2 van bl 114 & 115 BLOKRAAI 1 BLOKRAAI 2 Raaikettings 1 & 2 van bl 120 RAAIKETTING 1 Skuins na onder: 1. Bog; 2. Area; 3. Divas; 4. Genot; 5. Gloed; 6. Erker; 7. Teler; 8. Nene; 9. Rok Skuins na bo: 1. Bad; 10. Orig; 11. Geveg; 12. aanlê; 13. Soort; 14. Teken; 15. Deler; 16. Reno; 17. Rek RAAIKETTING 2 Skuins na onder: 1. Bel; 2. Adem; 3. Reier; 4. Netel; 5. Rebus; 6. Reiki; 7. Leuen; 8. Rite; 9. LSD Skuins na bo: 1. Bar; 10. Eden; 11. Leier; 12. Meter; 13. Rebel; 14. Luier; 15. Skuil; 16. Iets; 17. Ned BLOKRAAI 5 LEIDRADE DWARS 5. Willoos maal (11) 7. Die trekpas gee (4) 8. Skoenriem…

VEEARTS BEANTWOORD VRAE KATTEKRUID Wat doen kattekruid aan katte? Kattekruid, ook bekend as catnip, is ’n aromatiese plant wat bekend is vir sy uitsonderlike invloed op katte. Wanneer 'n kat in aanraking met kattekruid kom, kan dit ’n reeks reaksies ontlok. Een van die algemeenste reaksies is dat ’n kat opgewonde raak en begin speel. Hulle kan hulself omdraai, spring, en met groot entoesiasme met voorwerpe speel. Dit is ’n wonderlike manier om katte “te aktiveer” en hulle oefening te gee. Daar is egter ook katte wat kalmer as gevolg van kattekruid word. Hulle kan begin rol of selfs begin lek. Dit is belangrik om te onthou dat nie alle katte op kattekruid reageer nie. Ongeveer 50% tot 70% van katte het ’n sensitiewe reaksie daarop, terwyl ander onverskillig bly.…