Innholdsfortegnelse for October 2023 i Rooi Rose

redakteursbrief Dapperheid beteken nie noodwendig jy moet 'n katjie uit 'n brandende huis red, uit 'n vliegtuig of van 'n brug af spring nie. Dapperheid is ook nie die afwesigheid van vrees nie. Vir my is dapperheid ook wanneer jy jou mening in geselskap lug waar jy weet daar van jou verskil gaan word. Ek dink dis dapper om jou standpunt, waaroor jy sterk voel, oor te dra ten spyte van kritiek wat wag en die wete dat jy dalk ongewild gaan wees. Dapperheid is om ten spyte van jou vrese innerlik sterk te wees. Dit is om uitdagings, risiko's en probleme aan te pak en die sukses daarvan reeds te visualiseer. Om 'n positiewe uitkoms te visualiseer, gee jou hoop, en hoop laat jou vorentoe beweeg. Ons voorbladster Illse…

mense Charlie Brown was sy held op hoërskool. Hy kon met die strokiesprentkarakter identifiseer, die randeier wat altyd aan die kortste ent trek. Leon was intens ongelukkig op hoërskool. “Die kort antwoord is: Dit was 'n rugbyskool en ek het nie ingepas nie.” Dit was eers op Stellenbosch, waar hy in die jare sewentig tale en drama gaan swot het, dat hy besef het hy is nie vreemd nie, nie weird of 'n alien nie. Dáár het hy letterlik sy stem gevind. En het sy loopbaan − eers as 'n radiostemkunstenaar en akteur onder die leiding van groot geeste soos Cobus Robinson en Babs Laker – vlamgevat. Vandag, 50 jaar later, sit ons in Leon en sy lewensmaat, Werner Klopper, se meenthuis in Ferndale, Randburg. Wolfgang, die tweejarige worshond, is…

Wat is die vreemdste versoek wat jy al van 'n aanhanger gekry het? Toe ek destyds in die boy band Hi-5 was, het 'n vrou my tydens een van ons vertonings met haar bra gegooi, wat op my kop beland het. Ná die vertoning het sy gevra of sy die bra kon terugkry, maar ek moes daarop vir haar teken. Jy is ook 'n TV-aanbieder en het al jou buiging as akteur gemaak. Jy is dus veelsydig. Wat geniet jy die meeste? Sang is steeds nommer een met TVaanbieding in die tweede plek, omdat ek myself daarin kan uitleef en dus spontaan kan wees. Om akteur te wees, is nie my sterkste punt nie. Iets wat ek in die bedryf geleer het, is: “Fake it until you make it.” Hoe…

VELSORG Die beste manier om te verseker dat jou vel stralend en gesond op jou troudag lyk, is om jou roetine eenvoudig te hou. Gaan vir behandelings wat jou velkwessies teiken en werk met 'n terapeut wat produkte kan voorstel wat die beste resultate belowe. Jy kan gesigmaskers en voedende produkte by die huis gebruik, maar moenie oorboord gaan met aktiewe bestanddele nie. Fokus op produkte wat bestanddele, soos hialuronsuur en peptiede bevat, en maak seker jy gebruik daagliks 'n goeie sonroom om pigmentasie en sonskade te vermy. Die laaste ding wat jy op jou troudag wil hê is 'n rooi en sensitiewe vel wat afdop! LYFSORG Fokus op bevogtiging en produkte wat jou gaan help ontspan. 'n Lyfskrop kan wondere verrig om van dooie vlokkies ontslae te raak en…

Raak ontslae van ongemak FEMOXIL se vaginale setpille help vroue met die simptomatiese verligting van vaginale infeksies. Die aanwending en gebruik van FEMOXIL is vinnig, maklik en doeltreffend. Vermy die ongemaklikheid van doktersbesoeke of om vir oor-die-toonbank-hulp by die apteek te vra, en kry dit direk op die rakke. FEMOXIL is geformuleer om vinnige verligting te bring vir die jeuk, irritasie, teerheid/rooiheid, swelling, pyn en droogheid van die vagina wat deur intieme infeksies veroorsaak word. Sommige vroue ondervind ook pyn en ongemak tydens blaaslediging, seks, ligte bloeding buite maandstonde, afskeidings en onaangename reuke. Die gebalanseerde formule wat uit aalwynsap, teeboomolie, origanum-, laventel- en malvaafreksels bestaan, word vir die behandeling van bakteriële, virale en fungusinfeksies van die vagina aanbeveel. FEMOXIL help om die natuurlike pH-balans tot 4-4,5 te herstel en skep…

So 'n rukkie gelede sê my man een aand vir my: “Hierdie ChatGPT-ding gaan nog jou werk oorvat. Dit kan artikels skryf en selfs taalfoute regmaak. Ek sê mos al lankal daar is nie meer 'n toekoms in die media nie …” Kyk, ek is “opstroppelis” van nature en al weet ek ek doen nou nie eintlik werk wat vir my 'n Nobelprys gaan besorg nie, is dit darem ook nie enigeen wat artikels kan skryf en teks kan redigeer nie. Die plooie om my oë wys boonop ook dat ek dit nie van gister af doen nie en daarom het ek dadelik vir hom in plein Afrikaans vertel watter nonsens hy praat. Ek moes egter ChatGPT op die proef gaan stel om te sien of daar enigsins mededinging is…

Jogurt-en-kekererljieslaai in flessies 4 porsies 500 ml (2 k) gewone jogurt 125 ml (½ k) dille, fyngekap 2 knoffelhuisies, fyngemaal 125 ml (½ k) suurlemoensap 2 x 400 g-blikkie kekerertjies, gedreineer en afgespoel 80 ml (⅓ k) rosyntjies, gedroog 150 g geroosterde soetrissies, gedreineer en fyngesny 1 rooi-ui, fyngesny 2 Mediterreense komkommers, fyngesny 70 g amandelvlokkies, gerooster 10 ml (2 t) harissapasta 10 ml (2 t) olyfolie 1. Meng jogurt, dille, helfte van knoffel en 2 e suurlemoensap in bak. Geur na smaak en hou eenkant. 2. Meng kekerertjies, rosyntjies, soetrissies, ui, komkommer en helfte van amandels in ander bak. 3. Meng harissa, olie en orige knoffel en sap in klein bakkie. 4. Skep jogurtmengsel in vier 375 mlkonfytflessies. Skep slaai bo-op, gevolg deur 1 e harissaslaaisous en orige amandels. Vervang die kekerertjies met enige ander bone van jou keuse. Jy…

Wat beteken dit om eensaam te wees? Die woordeboek beskryf eensaamheid as iemand wat alleen of sonder vriende of geselskap is, maar eensaamheid is in werklikheid 'n baie intense emosie, en vir meeste mense, ongelooflik pynlik. Irene Haasbroek, 'n multidissiplinêre praktisyn van Kimberley, sê dis belangrik om te besef dat eensaamheid egter slegs 'n emosie is. “Eensaamheid is 'n interne emosie en nie noodwendig 'n weerspieëling van jou werklike situasie nie, al voel dit vir jou só.” Ons lewe vandag met soveel tegnologie om ons wat mense eintlik aan mekaar moet verbind, tog voel baie mense toenemend meer eensaam en sonder verbintenis. Wat veroorsaak daardie leë gevoel? Omstandighede wat daartoe aanleiding kan gee: › Sosiale angstigheid of om deur ander beoordeel te word | Is ander se menings oor jou…

VEEARTS BEANTWOORD VRAE MONDHIGIËNE Moet honde se tande geborsel word? Ja, net soos by mense, kan plaak op hul tande opbou. Die plaak kan tandvleisontsteking veroorsaak wat dan kan lei tot infeksie en inflammasie van weefsel om tande. As dit nie behandel word nie, kan hul tande sleg word en uitval. Slegte tande en inflammasie in die mond is gewoonlik baie pynlik, en in sekere gevalle sal honde ophou eet. Langdurige inflammasie in die mond kan ook tot ander sistemiese probleme lei. Die ideaal is om jou hond se tande twee keer per dag vir omtrent 30 sekondes aan elke kant te borsel. Maak hulle van kleins af daaraan gewoond, maar ouer honde kan ook leer. Dit mag hulle dalk net langer vat om daaraan gewoond te raak. Die beste…

so sê hulle Of jy my gaan glo, weet ek nie — en of ek nou 'n ongeskrewe reël oortree deur die storie met jou te deel, dié kan ek ook nie met sekerheid sê nie, maar ter wille van my mede-woordliefhebbers, sal ek wel die eienaardige gebeurtenis met jou deel … Nie te lank terug nie, het ek besluit om net voor dagbreek 'n fles met koffie in 'n rugsak te pak en die grondpad op vriende se plaas te vat om die dag te gaan inwag. Ná 'n hele ent se voetslaan, het ek 'n lekker plat klip ontdek en my sit in die wonderskone stilte gekry. Ewe skielik en uit die niet, het ek 'n Babelse verwarring gehoor. Uit die veld geslaan, het ek die toegegroeide veldpaadjie…

Die aand voor my onderhoud met Jan Blohm droom ek dat hy iemand in sy plek stuur om my te woord te staan. “Régtig? Ek wou juis my vriend Ruhan Janse van Vuuren gevra het om dit namens my te doen,” spot hy, maar lyk ook halfernstig. Ruhan het pas saam met hom by Blohmhuis ingestap. Ruhan was een van die beeldhouers wat die Mandela-beeld by die Uniegebou in Pretoria geskep het. “Hy't my beslis inspireer om beeldhouwerk aan te pak, ek brag heeltyd met hom. Hy't net oor my pad gekom, dit was maar divine intervention, soos dit my hele lewe nog is. Dinge gebeur net.” Ons sit in die agterplaas by die Blohmhuis, 'n imposante grys gebou met rooi afwerkings, in die Strand. Onder is 'n kunsgalery met…

mense Odelle de Wet se 40ste verjaardag wink in Februarie, maar 40 is g'n vloekwoord vir die aktrise nie. Nee daar's ook nie sprake van “life begins at forty” vir hierdie rietskraal en jogafikse Odelle nie. Sy het lankal die holte vir haar voet stewig op moederaarde gevind. “Toe ek jonk was, het ek altyd gedink dit moet lekker wees om ouer te word, want mense neem jou dan ernstig op. Ek het ook gedink ek wil eendag 'n ma vir almal op aarde wees, 'n soort van Mother Earth.” Sy beplan ook nie 'n groot feesviering of partytjie vir die Groot 40-geleentheid nie. “Dalk 'n braai, of 'n wegbreek na die wildtuin saam met my kêrel, Donovan. Of wie weet, dalk gaan hardloop ek 'n marathon?” lag sy en…

skoonheid Willem vertel: Dit bly altyd vir my die grootste voorreg en lekkerte om in my grootwordwêreld te kan optree. Ek voel trots om te kan sê ek kom van die Suid-Kaap af. Natuurlik is dit ook vir my prentjiemooi. Jo-Ann en Lisa van Leolan Academy in Mosselbaai het 'n Masterclass bespreek om geld vir hierdie ongelooflike skooltjie vir kinders met spesiale behoeftes in te samel. Hierdie Masterclass was ekstra spesiaal juis omdat ek geweet het die geld gaan aan kinders wat dit so nodig het. Melissa Ascencao was my model vir die dag. Sy is self 'n ma en ons het sommer dadelik gekliek. Sy het daardie aand vir my 'n boodskap gestuur en vertel dat haar man uit die veld geslaan was, en hy het gesê sy lyk…

Jenna Clifford is 'n wêreldbekende juwelierontwerper, bekroonde entrepreneur en internasionaal erkende mentor. Die een ding wat onbekend van Jenna is, is dat sy 'n diepgewortelde passie vir kos het. Sy bestee die meeste van haar vrye tyd in die kombuis. As deel van haar eie huisware-handelsmerk is dit haar doelwit om 'n gevoel van samehorigheid, liefde en gedeelde ervarings te kweek waar familie en vriende saamkom om heerlike kos te geniet. Mosselresep 2 porsies 1 ui, gesny 30 ml (2 e) klapperolie 2 vars brandrissies 5 ml (1 t) vars gerasperde knoffel 40 g sitroengras, fyngesny 5 ml (1 t) vars gerasperde gemmer 80 g-pakkie Thaise groenkerriesmeer 800 g mossels 125 ml (½ k) witwyn 1 blikkie klapperroom 50 g vars koljander vir versiering 20 g eetbare blommetjies 1. Braai ui in olie tot goudbruin. 2. Voeg brandrissie, knoffel, sitroengras, gemmer…

dekor Hul huis wat hulle in 2017 op die Ierse dorpie Castleconnell gekoop het, was in 'n straat met die naam Belmont Hill geleë. “Toe ons die huis op Franschhoek sien, het dit ons onmiddellik aan ons Ierse huis laat dink, en ons het geweet dit sal 'n gepaste naam vir die gastehuis wees. Die woord ‘belmont’ beteken ‘mooi berge’ wat nog meer gepas was aangesien dit in die hartjie van die Franschhoekse vallei is,” vertel JeanMarié Stander. The Belmont het dieselfde houtvloere, hoë plafonne en Dado-kroonlyste wat in hul Ierse huis was, wat 'n onmiddellike teken was dat hierdie huis spesiaal is. Die gastehuis is binne slegs drie maande in 'n boetiek-gastehuis omskep wat na aan CJ en Jean-Marié se hart lê. 'n Kombinasie van nostalgiese elemente en die…

Sommige groentesoorte verkies hierdie tyd tussen winter en hoogsomer, en die lekkerte is dat jy nie 'n groot tuin nodig het om dit te kweek nie. Party is so mooi dat jy dit in jou blombedding kan plant. Hier is 'n paar wat jy gerus kan probeer. 1 | KROPSLAAI Slaai is een van die groentesoorte wat die vinnigste groei. As dit gereeld natgelei word, sal die slaai ook nie bitter wees nie. Afhangende van die variëteit vat dit 30 tot 70 dae om volwassenheid te bereik, maar die losblaarsoorte kan nog gouer geoes word omdat jy die blare van die buitekant af gebruik. Slaai verkies 'n koeler klimaat waar dit in volson groei, maar daar is soorte wat in warm somers groei. Koop saailinge by jou kwekery of saai…

“E mmy, hierdie is Einstein se ruimtetydformule, die elegantste formule wat nog geskryf is. Hy het net hierdie manier gehad om komplekse teorieë tot die basiese af te breek en dit verstaanbaar te maak.” Sy onthou haar pa se stem asof hy nog by haar is. Hoe hy wiskunde vir haar afgebreek het en verstaanbaar gemaak het; hoe dit haar so opgewonde soos vir hom gemaak het. Haar briljante wiskundige van 'n pa, wat haar na sy gunsteling-vrouewiskundige, Emmy Noether, genoem het. Nou is sy self 'n wiskundige en hy weet dit nie eens nie. Hy het nooit gesien wat sy bereik het nie. Nadat hy verdwyn het, is daar orals na hom gesoek, koerante het oor hom geskryf, sy gesig was kort-kort op TV, maar niemand se soektogte het…

Hierdie oulike uitrusting lyk sag en gemaklik. Die Country Road Enzo Australian Cotton Heritage Sweat is teen R499 by www.woolworths.co.za verkrygbaar. Dierekinders kan ook snoods dra! Die Pet Snood kos R219,99 en is in verskeie groottes beskikbaar. Kry dit by www.dearpet.co.za Die oulike bak vir honde kos R239. Soek vir die Pet Club Premium Dog Bowl op www.superbalist.com Die Sherpa Round Pet Bed lyk soos die tipe bedjie waarin katte of honde lekker kan droom. Dié een van 40 cm kos R259,99 by www.mrphome.com…

mense Op 'n snerpend koue dag in die hartjie van die winter, gesels ons via WhatsApp-video en praat eers oor die weer, soos dit ware Afrikaners betaam. “Dit reën heerlik hier by ons,” sê Illse, “jy kan mos sien ek het my glas rooiwyn hier langs my. “Ek is 'n winterbaba: Hoe meer reën, sop, kaggels, rooiwyn en selfs storms, hoe beter,” verklap die aktrise, wat enkele dae tevore haar 58ste verjaardag gevier het. Illse erken sy was die laaste jaar besiger as in 'n lang tyd. “Ek het drie groot projekte gedoen. Eers die rolprentweergawe van die verhoogproduksie Melk & Vleis, daarna die rolprent #lovemyselfie en ek het pas klaar geskiet aan Suidooster waarin ek die besoekende karakter Rita vertolk. Rita is 'n storm-en-drang-karakter, niks is eenvoudig aan haar…

Wat beskou jy as die grootste mite rondom skrywer-wees? Die mite is dat skrywers skatryk is, maar geld is die laaste ding waaraan 'n Afrikaanse skrywer dink wanneer hulle agter hul rekenaar inskuif. Skrywers is uitsonderlike mense. Skaars wesens. Hulle is baie keer ietwat eksentriek met 'n aweregse uitkyk op die lewe. Ek vermoed dit is al manier hoe ons oorleef met so baie karakters en stories in ons kop. 'n Skrywer leef 'n 1 000 lewens deur die karakters en verhale wat hulle skep. Des te meer niefiksieskrywers en joernaliste. Tog is elke liewe skrywer wat ek ken doodnormaal en grotendeels ruimhartig. Bor watter eienskappe behalwe talent dink jy moet 'n skrywer beskik? Ek kan net namens myself praat. Ek is 'n hardekoejawel, maar paradoksaal ook ongelooflik aanpasbaar en…

mode VIND HIERDIE ARTIKELS BY: ARTHO WWW.ARTHOEKSTEEN.COM COUNTRY ROAD, WITCHERY EN WOOLWORTHS WWW.WOOLWORTHS.CO.ZA COTTON ON WWW.COTTONON.COM CRYSTAL BIRCH WWW.THEREALCRYSTALBIRCH.COM FOSCHINI WWW.FOSCHINI.CO.ZA H&M WWW.HM.COM/ZA JANGI ACCESSORIES WWW.JANGIACCESSORIES.COM KIRSTEN GOSS WWW.KIRSTENGOSS.CO.ZA LOVISA WWW.LOVISAJEWELLERY.CO.ZA POETRY WWW.POETRYSTORES.CO.ZA STEVE MADDEN WWW.STEVEMADDEN.CO.ZA ZARA WWW.ZARA.COM/ZA STILIS TYLA JOE STILIS-ASSISTENT ZEENAT KHAN/ZOE VAN STAVEL FOTO'S GARETH VAN NELSON/HMIMAGES FOTOGRAAF-ASSISTENT LAUREN FREDERICKS HARE EN GRIMERING KELLY TAYLOR MODEL MORGAN GULLAN/BOSS MODELS…

1. Diego dalla Palma Gummy Mask Pink Clay + Superfood (R695, www.orleanscosmetics.co.za) is 'n masker wat nuwe lewe aan 'n verouderde vel gee. Hialuronsuur verskaf bevogtiging en pienk Brasiliaanse klei, goji- en chiasaad help om jou vel te voed, reinig en verfris. 2. Een produk waaroor ek hierdie maand besonder opgewonde is, is die nuwe toevoeging tot die Maison Francis Kurkdjian Aqua Cologne Forte-reeks. Francis Kurkdjian beskryf dit as iets wat ruik soos geluk, lewenskragtigheid en energie – iets wat jou in 'n goeie bui sal sit. Dis wonderlik vir mans en vroue. Maison Francis Kurkdjian Aqua Media Cologne Forte EDP 70 ml R4 225, Skins Cosmetics 3. Die nuwe Chanel Le Vernis 23-reeks bevat 24 skakerings – iets vir elkeen se smaak, bui en persoonlikheid. My persoonlike gunstelinge is…

Die doel van die detoksifikasieprosesse in die liggaam – waarin die lewer 'n hoofrol speel – is om ons DNS te beskerm. “Ons liggame is gerat om chemikalieë en ander gifstowwe uit die omgewing teen te werk, asook om interne toksines – wat byvoorbeeld tydens die metabolisering van estrogeen of streshormone kan vorm – doeltreffend te hanteer,” sê Anita. “Wanneer die gifstoflading egter te groot raak, kan dit die DNS beskadig. DNS-skade word met kanker verbind. Dis waarom die regte voedingstowwe 'n beduidende verskil kan maak en 'n pasiënt se detox pathways |'n hupstoot kan gee.” ANITA SE SES LEEFSTYLWENKE: 1 | Sekere kossoorte bevat gifstofbinders, sulforafanvoorlopers wat beskermende gene aanskakel, en Bvitamiene wat die ontgifting van hormone ondersteun. Sluit daagliks twee tot drie porsies van dié kossoorte in. Hierdie…

Charlene Lackay (néé Truter) is 'n opregte pêrel uit die Boland. Hierdie donker- én slimkop maak 'n impak; of dit nou in die Afrikaanse taal en kultuur is, of in die korporatiewe wêreld. Toe talente uitgedeel is, het Charlene beslis in die kort ry gestaan, want daar is sowaar min mense wat op soveel uiteenlopende plekke kan presteer. Boonop is albei haar voete vas op die grond en is sy, te midde van alles wat sy bereik, 'n doodgewone mens wat haar seëninge een vir een met groot dankbaarheid tel, haar passies uitleef, en haar gesin en elke geleentheid wat haar pad kruis met nederigheid geniet. Charlene moes reeds ná matriek geweet het waar haar sterk punt lê toe sy die regte studierigting gekies het en haar BA-graad cum laude…

“Omhels jou andersheid.” Dit is Terry-Ann Adams (30), wat met albinisme gebore is, se mantra. Hierdie oud-Tukkiestudent is onlangs as een van Mail & Guardian se top-200- jong Suid-Afrikaners aangewys vir die verskil wat sy met haar aktivisme maak. Sy beskou dié benoeming as 'n platform wat ten gunste van ander met albinisme en outisme gebruik kan word. “Sosiale media, soos Twitter/X, help ook baie om wanopvattings die nek om te draai.” Dit het vir haar 'n lewenstaak geword om bewusmaking oor albinisme te bevorder. En van onlangs af ook oor outisme omdat sy pas hiermee gediagnoseer is. Die mites en onkunde oor al twee is verstommend, sê sy. Gelukkig is mense deesdae baie meer ingelig. Nege jaar gelede is sy as een van Loslitdag se ambassadeurs vir gestremdheid aangewys.…

Die pad na die einde van die reënboog is nie gelyk en geteer, soos 'n mens wil glo nie. Dis effens uitgewas ná die reën en het hier en daar 'n slaggat met water in. Soms wil jy omdraai en die gelykpad gaan soek, maar dan, net voor jy wil tou opgooi, is die laaste stukkie geplavei. Dis donker toe ons op die regterkantse heuwel van die wêreldbekende Knysna Heads opkruie. Ons volg die rooi ligte van ons gasvrou se motor in die donker stegie al tussen die digte fynbos uit. Dis ysig, maar ek draai my ruit tog effens af om die seelug te ruik en die branders te hoor breek, al kan ek dit nie sien nie. Op 'n effense hoogtetjie doem die verligte huis voor ons op;…

WAT HET JY NODIG? ✤ AFRICAN EXPRESSIONS Harmony (50 g) 100% Merino ✤ Altesaam 600 g in kleure van jou keuse ✤Vir die projek is gebruik: 2000 (room), 2029 (ligbruin), 2125 (blou), 2279 (groen) ✤ 5,5 mm-hekelpan GROOTTE sowat 91 cm x 91 cm STEEKVERDUIDELIKINGS V-steek: 1 lb in aangeduide steek, 1 ks, 1 lb in dieselfde steek Gedraaide kb-rand: *1 kb, steek pen deur volgende steek en trek lus deur en op tot gelyk met kb, met albei lusse op die pen, draai die hekelpen kloksgewys in die rondte, sit draad om pen en trek deur albei lusse, herh van * af. Hekel die steke losserig sodat daar plek is vir die steke om te draai en hekeldraad deur lusse te kan trek. Dit verg klein bietjie oefening om…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 BLOKRAAI 6 LEIDRADE DWARS 6. Grens (4) 7. Serp vir die nek (6) 8. Hoog aangeskrewe (7) 9. Halfdosyn (3) 11. Snelheid (5) 13. Regeer (5) 15. Huid (3) 16. Podium (7) 19. 'n Sterk begeerte hê (6) 20. Stormagtig voortgaan (4) AF 1. Insnydings (4) 2. Donateur (7) 3. Deurhaal (5) 4. Verspot (3) 5. Ontbreek (6) 10. Hoogliggend (7) 12. Oorsedig (6) 14. 'n Seisoen (5) 17. Begin (4) 18. Telefoneer (3) LEIDRADE DWARS 1. Los (3) 3. Operasiemes (7) 8. Sakelys (6) 9. Aanstellery (4) 10. Sterrekundige (11) 12. Betaling (11) 14. Groot dorp (4) 16. Met 'n etsnaald kras (6) 17. Verbond tussen state (7) 18. Water ophou (3) AF 2. Inhoudsmaat vir skepe (11) 4. Water vloei daaruit (5) 5. Stuk materiaal (3) 6. Proefneming (11) 7. Nie eerlik nie (6) 11. Twaalf in 'n jaar (6) 13. Bosluisvöel (5) 15. 365 in 'n jaar (3)…