Innholdsfortegnelse for September 2023 i Rooi Rose

redakteursbrief Daar is seker nie 'n mens op hierdie aarde wat nog nie 'n droom gehad het nie. En ek bedoel nie droom terwyl jy slaap nie – 'n droom om iets te bereik, te bekom, iets te word, iets te vermag. Een van my grootste drome van kleins af was om by 'n tydskrif te werk. Ek het met sterre in my oë tydskrifte deurgeblaai en in my geestesoog bladsye en voorblaaie in my kop opgemaak. Maar drome sal altyd net drome bly as jy nie self iets doen en dinge laat gebeur nie. Ek het eendag 'n CV ingestuur, en die res is soos hulle sê geskiedenis. Maretha Botes skryf op bl 94 dat drome betekenis aan 'n mens se lewe gee. Dit is jou drome, groot én…

mense Leandie du Randt wag by 'n tafeltjie voor Tashas in Lynnwood met 'n kunspelsbaadjie wat soos 'n neonperswolkie om haar vou. Dis 'n grou weeksoggend in Pretoria en skarrelende mense verdwyn agter donker pofjasse en serpe. Nie Leandie nie. Sy dra die informeel-glansiyke trend soos 'n stylvolle ligpunt – die ene Hollywood-ster wat gou haar oggendkoffie kom drink voor sy haar doenlysie kafdraf. Die blonde bob is reguit gestryk; haar lippe is helderpienk. Daai gemak in haar eie vel; die sekerheid oor wie sy is en wat sy uit die lewe wil hê, is die ding wat 'n mens lank ná 'n ontmoeting met Leandie bybly. “Ek het nog altyd 100% selfvertroue gehad,” sê die aktrise, TV-aanbieder, skrywer en entrepreneur. “Dis omdat my ma, Elmarie, elke dag vir my…

Jy is 'n veteraanskrywer en jou boeke pryk dikwels onder die topverkopers. Hoekom skryf jy graag krimi's en hoekom dink jy hou lesers van krimi's? As joernalis kom jy agter hoe nuuskierig en leergierig mense werklik is, veral hoe intriges hulle fassineer, hetsy 'n romantiese gekonkel of 'n bloedige moord. Ek verkies moordintriges en probeer lesers kykies gee op dinge buite hul alledaagse omgang: persoonlikheidsafwykings, forensiese ondersoeke, outopsies, die verbeelde lewe van 'n speurder. Boonop is dit besonder bevredigend om te lees hoe skurke, anders as in ons Suid-Afrikaanse werklikheid, altyd hul verdiende loon kry. Wie is jy as skrywer én as mens? Wanneer ek my skryfhoed opsit, neem ek nie 'n ander persona aan nie. Elke skrywer skryf tog uit sy of haar eie ervarings, emosies en gedagtes. En…

mode STILIS ZOE VAN STAVEL STILIS-ASSISTENTE TYLA JOHANNESSEN/ZEENAT KHAN FOTO'S GARETH VAN NELSON/HMIMAGES FOTOGRAAF-ASSISTENT LAUREN FREDERICKS HARE EN GRIMERING HANNAH KRUYER-MARITZ/SHEWOLF SA MODEL MEGAN WI /20 MODEL MANAGEMENT VIND HIERDIE ARTIKELS BY: ALDO WWW.ALDOSHOES.CO.ZA BURBERRY INT.BURBERRY.COM COTTON ON WWW.COTTONON.COM COUNTRY ROAD, EN WITCHERY WWW.WOOLWORTHS.CO.ZA CRYSTAL BIRCH WWW.THEREALCRYSTALBIRCH.COM DESIGNER WAREHOUSE WWW.THEDESIGNERWAREHOUSE.CO.ZA FOREVER NEW WWW.FOREVERNEW.CO.ZA FOSCHINI WWW.FOSCHINI.CO.ZA G-STAR WWW.G-STAR.COM GUESS WWW.GUESS.CO.ZA H&M WWW.HM.COM/ZA JANGI ACCESSORIES WWW.JANGIACCESSORIES.COM LOVISA WWW.LOVISAJEWELLERY.CO.ZA MR PRICE WWW.MRP.COM POETRY WWW.POETRYSTORES.CO.ZA SCOTCH & SODA WWW.SCOTCH-SODA.CO.ZA STEVE MADDEN WWW.STEVEMADDEN.CO.ZA…

skoonheid Willem Botha is 'n man van vele talente. Nie net is hy 'n sanger, akteur en fenomenale fotograaf nie – hy maak ook vroue om die land heen mooi. By elke Willem Botha Beauty Masterclass word vroue met maklike raad geïnspireer om op hul beste te lyk, en rooi rose-tydskrifvoorblaaie (die grimering, hare én foto is deur Willem) is op elke geselligheid te bespeur om almal nog bietjie meer te wow! Willem sê: Ek begin 'n klas gewoonlik eers met 'n 30 minute-musiekvertoning waarna ek dan met die grimeerklas begin. Die laaste jaar en 'n half was ongelooflik om te sien hoe vroue én soms mans in hul massas opdaag. Hierdie was my derde Masterclass wat ek op Upington aangebied het. Dié keer by die prentjiemooi African Vineyard Wedding…

kos Vanieljekolwyntjies 24 porsies 125 g botter, saggemaak 5 ml (1 t) vanieljegeursel 150 g strooisuiker 3 eiers 500 ml (2 k) bruismeel 60 ml (¼ k) melk 1. Voorverhit oond tot 180 °C. Voer muffnpan met 12 gaatjies met papierhouertjies uit. 2. Gebruik elektriese klitser wat op lae spoed gestel is om bestanddele saam in bak te klop tot gemeng. 3. Verhoog spoed tot medium en klop totdat kleur ligter raak. 4. Skep mengsel in papierhouertjies. Bak vir 30 minute of tot sosatiestokkie wat ingedruk word skoon uitkom. 5. Laat staan in pan vir 5 minute voor dit na draadrak verplaas word om af te koel. Suurlemoensandkoek 8 porsies 200 g botter, saggemaak 1 ½ e suurlemoenskil, plus 1 ekstra teelepel 250 ml (1 k) strooisuiker 3 eiers 310 ml (¼ k) bruismeel 60 g rysmeel 60 ml (¼ k) suurlemoensap 10…

Daar is baie dinge wat belangrik in 'n verhouding is en daar is baie dinge wat tot groot probleme in 'n verhouding kan lei. Dink net hier aan konflik oor geldsake, skoonfamilie, kindgrootmaak en natuurlik seks. Seks vorm 'n groot deel van 'n gelukkige en vervulde verhouding en daarom is eerlike kommunikasie altyd noodsaaklik, vertel dr Elmari Craig, 'n bekende seksuoloog en verhoudingsterapeut. “Daar is gelukkig vandag baie hulp beskikbaar as daar probleme is, maar niemand kan gehelp word as hulle nie daaroor praat nie,” maan sy. Daar is al baie na die vyfliefdestale verwys en paartjies gebruik dit om hul verhoudings op te kikker. Dit help immers as jy weet wat jou geliefde se hart vinniger laat klop en wat hom of haar gelukkig maak. Die vyf sekstale is…

Sy lyk vandag anders, dink Martin. Haar pienk Pick 'n Save-pet is laag oor haar voorkop getrek, asof sy daarmee haar brein bymekaar wil hou. Miskien wil sy sommer net vir die wêreld wegkruip. Die vet weet, hy ken die gevoel en het dikwels sulke dae. Hoewel die supermark lugverkoel is, het 'n paar bruin krulle uit haar pet ontsnap en dit knoets nou natgesweet saam in haar slanke nek. Hy kyk na die tyd op sy foon. Haar skof is amper verby. Die tou van mense krimp meteens 'n hele twee meter toe 'n ma met haar swetteijoel kinders betaal en wegbeweeg. Martin kyk die klein voorstedelike sirkus agterna en stuur 'n dankgebedjie op dat die gillende kleuters nie syne is nie. Noudat hy nader aan haar staan, kom…

Dis 'n Saterdagoggend negeuur. Ek wag in 'n straat hoog teen die Melville-koppies vir Marida se man en hul driejarige seuntjie, Daniël, om eers die pad te vat voor ek die hekklokkie lui. Marida het gewaarsku: “Daniël is baie vas aan my. Hulle twee moet eers weg voor ons ongestoord sal kan gesels.” Tog sluit Mark Fitzpatrick oomblikke later die gietysterhek van die Queen Anne-huis oop. Die seunljie op sy heup het fyn, lang blonde hare. Hy is duidelik die prins van dié feetjiehuis. Ons twee kliek dadelik en hy gaan trek sy cowboystewels aan toe ek sê ek dink sy voete gaan koud kry. En sonder enige gekerm oor sy ma, is hy en sy pa weg om pizzas by 'n kwekery te gaan maak. Ek stap deur die…

Watter raad het jy vir jong sangers wat graag sukses wil behaal? Skryf soveel as moontlik, en kry sangopleiding. Ontwikkel jou talent en beskou jou stem en stembande as spiere. Enige spier moet oefening kry om op sy beste te presteer. Wat is die vreemdste versoek wat jy al van 'n aanhanger gekru het? Ek kan nie daaroor praat nie, maar ek het dit vriendelik van die hand gewys. Wie is ju as sanger én as mens? Soos wat dit die geval met enige muntstuk is, het ek twee kante. Daar is die oordrewe kant wat mense op die verhoog sien, en dan is daar die stil, rustige, teruggetrokke mens van die verhoog af. Kry jy nog verhoogvrees? Nee, maar daar is wel sekere vertonings waar ek meer opgewonde as…

skoonheid LIPPE Plaas al die aandag op jou lippe met helder reënboogkleure soos pienk, rooi, koraal en selfs pers. Speel met verskillende teksture tot jy een kry wat goed op jou lippe voel. WENK Die toonbeeld van Franse sjiek is onteen-seglik perfekte rooi lippe. Die res van jou grimering moet onopgesmuk wees so amper asof jy van 'n stappie vergeet het, maar dit is deel van die sjarme. OË Kies pigmentryke oogskadu's, oogpotlode en vloeibare oogomlyners as jy jou voorkoms 'n kleurryke, speelse aanslag wil gee. Moenie by tradisionele kleure vashaak nie, en probeer vir 'n slag iets nuuts. WENK As oogskadu in 'n helder kleur vir jou effens te uitdagend is, probeer eerder 'n oogpotlood in dieselfde kleur en gebruik dit slegs op die boonste of onderste ooglede. Jy…

1. Die nuwe Tree Hut Brightening Sugar Face Scrub (R385.72) bevat pynappel- en papajaensieme, en alfa-hidroksisure (AHA's) wat saamwerk om van 'n dowwe wintervel ontslae te raak. Dis ideaal vir enigiemand wat pigmentasie en 'n onegalige vel wil takel, en danksy die natuurlike olies in die formule sal dit ook nie jou vel uitdroog nie. Beskikbaar by www.medhealthsup.com 2. Kate Spade Chérie (60 ml EDP R1 045, Dis-Chem) is 'n vars geur wat vir die eerste rukkie vrugtig is, met note van framboos en rooibessie. Ná 'n rukkie raak dit sagter, en die middelnote van jasmyn en pronkertjie kom sterker deur. Dis 'n gesofistikeerde en sprankelende geur. 3. Youngblood Nourishing Detox Masque (R895, SL Trading) is 'n masker vir diegene wat met 'n olierige vel sukkel, maar iets soek wat…

Die werklikheid van die dood is iets wat nooit maklik is om oor te praat of waaroor ons wil dink nie. As hierdie aspek van ons lewe egter nie hanteer word nie, kan die uitkoms baie nadelig vir ons geliefdes en afhanklikes wees. Die erns van 'n opgedateerde (en getekende!) testament, asook optimale boedelbeplanning is seker een van die belangrikste beplannings wat in enige huishouding gedoen moet word. Dit is vir my kommerwekkend hoeveel individue en gesinne ek elke dag teëkom wat geen testament in plek het nie. Ek dink ons vergeet soms dat hierdie letterlik die dokument en beplanning is wat sal verseker dat jou gesin ná jou afsterwe versorg word. Daar is sekere komponente van 'n finansiële portefeulje wat gelukkig die voordeel bied dat jy 'n begunstigde mag…

Jy kan kwalik Kathleen Wolmarans se limonadestalletjie by Johannesburg se groot markte miskyk. Nie net omdat haar hare pienk is nie, maar omdat klante altyd meters lank toustaan. Het jý al kom-kommer-en-gemmer- of pynappel-en-kruisement-limonade op jou tong geproe? Kat was 30 jaar lank in die korporatiewe wêreld voordat sy dit in 2017 op die ingewing van die oomblik verlaat het. “Jy kan maar sê my rooi knoppie is finaal gedruk. Ek het skielik besef dat, tensy ék 'n verandering maak, die spertye, projekte, eindelose administrasie en reisreëlings wat ek moes hanteer net sou toeneem. My maag was permanent op 'n knop getrek en saans as ek probeer slaap het, het my kop geraas.” Die dag toe hierdie gewaarwording haar tref, is sy met enkele persoonlike goedjies in 'n kartondoos as…

Blaauwklippen se malbec Blaauwklippen is Stellenbosch se oudste wynplaas en hulle is baie in hul noppies met hul jongste malbec. Die Blaauwklippen Malbec 2021 het 'n goue medalje by verlede jaar se Malbec Challenge gewen en is nou vir die publiek beskikbaar. Met aromas van donkersjokolade en sweempies mineraliteit en tabak ondersteun dit die volronde geure van moerbei, cassis en bessies. Die wyn kos R250 per bottel by die landgoed en is ook by uitgesoekte winkels beskikbaar. Vir meer inligting, besoek www.blaauwklippen.com Eet by Clico Die Clico Boutique Hotel & Restaurant het 'n nuwe al frescoeetgedeelte in die hart van Rosebank begin. Die nuwe eetplek by hul hotel word 400 Degrees at Clico genoem. Sjef Dario De Angeli's se passie vir goeie kos is duidelik in die spyskaart en dis…

Die juwelier Murdocks is al in 1897 in Kaapstad gestig en die naam is gelykstaande aan 'n lang geskiedenis in juweliersware met deskundige ervaring. Murdocks verbind hulle daartoe om 'n leeftyd van diens en juweliersware van bostaande gehalte te lewer. Hul klassiek-kontemporêre winkel is in die hartjie van die bedrywige V&A Waterfront, Kaapstad, geleë – 'n ware toevlugsoord vir enigiemand wat lief vir winkels is. Hulle is trots daarop om 'n omvattende reeks tradisionele sowel as moderne, fyner juwele en 'n versameling horlosies aan te bied. Hierdie spesiale Namibiese natuurlike 2,72 karaattoermalynsteen is pienk en in roosgoud geset, en verteenwoordig herkoms en Afrikawortels. • murdocks.co.za Bepalings en voorwaardes: Alle pryse vir rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Wen Stuur jou…

As jy 'n liefhebber van diere én plante is, kan die versorging van al twee in jou huis makliker gesê as gedaan wees. Veral as jou vierpotige vriend van die bedorwe en nuuskierige soort is, wat daarvan hou om aan plante te knibbel en knaag. Hoewel dit in die algemeen voorgestel word dat huisplante buite die bereik van troeteldiere geplaas moet word, is dit veiliger om seker te maak dat die groenigheid wat in jou huis is wel vir katte en honde veilig is. ORGIDEE 'n Pragtige opsie vir mense met 'n hand met 'n plant. Die orgidee is klassiek en het gedeeltelike lig en warm, vogtige lug nodig om te oorleef. Maak ook seker om in die koel maande die plant weekliks water te gee, en tydens die warm…

hekel Afkortings dsl – dubbelslag gs – glipsteek herh – herhaal kb – kortbeen ks – kettingsteek ks-sp – ketting-steekspasie Ib – langbeen vlg – volgende rooirose BÊREPATROON  WAT HET JY NODIG? 4 balle AFRICAN EXPRESSIONS Freedom (50 g) in kleur 5030 (75% wool, 25% acrylic) 6 mm-hekelpen AANWYSINGS Gebruik draad deurgaans dubbel Maak 5 ks, gs in 1 ste ks om ring te vorm. Rdte 1 | 3 ks, 11 Ib in ring (12 Ib). Rdte 2 | 3 ks (tel as Ib), 1 Ib in dies st, 2 Ib in elke Ib rondom (24 Ib). Rdte 3 | 3 ks, 1 Ib in dies st, 2 Ib in elke Ib rondom (48 Ib). Rdte 4 | 3 ks, 1 Ib in dies st, 1 ks, slaan 1 Ib oor, *2 Ib in vlg Ib, 1…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 BLOKRAAI 6 LEIDRADE DWARS 5. Gulsig (11) 7. Strem (4) 8. Muurholtes (5) 10. Besoedel (11) 12. Vee-ruimtes of nekversierings (5) 13. Spook (4) 15. Beeldskrifte (11) AF 1. Misluk (4) 2. Trilpopulier (3) 3. Een en 'n half dosyn (6) 4. Nie in die dorp nie (10) 6. Kreefdig (10) 9. Pos (3) 11. Protea-agtige struik (6) 13. Rusbank (4) 14. Bekom (3) LEIDRADE DWARS 1. Gauteng of Mpumalanga (9) 6. Baie in die mond (5) 7. Soldaat (5) 9. Wegskram (4) 10. Lak (6) 12. Velkwaal (6) 14. Bondel druiwe (4) 17. Raai, raai,… (5) 18. Eetbare skaaldiere (5) 19. Spioen (9) AF 2. Dra dit aan die vingers (5) 3. Vuil kol (4) 4. Aanteken (6) 5. Heilige beeld (5) 6. Skat (7) 8. Ligging (7) 11. Jou lidmaatskap opsê (6) 13. Pasiënt (5) 15. Koers (5) 16. Botterbroodjie (4)…

VEEARTS BEANTWOORD VRAE HONDSDOLHEID Dis Wêreldhondsdolheiddag op 28 September. Wat is hondsdolheid en hoe belangrik is inentings daarteen? Dr Johannie du Plessis van die Lytteltondierehospitaal: Hondsdolheid is 'n ernstige siekte wat van diere na mense oorgedra kan word. Dit word deur 'n virus veroorsaak wat die sentrale senuweestelsel van mense en warmbloedige diere aantas. Sodra simptome in mense en diere sigbaar is, is dit gewoonlik dodelik. Ongeveer 55 000 mense sterf jaarliks daaraan en ongeveer 95% van die sterftes kom in Afrika en Asië voor, waarvan 40% kinders van 15 jaar en jonger is. Die virus kan aan mense deur besmette diere se speeksel, meestal deur byt- en krapwonde of direkte kontak met slymvliese (oë, mond en oop wonde) oorgedra word. In 99% van die gevalle waar mense dit opdoen,…

Die groen rusbank wat ná tannie Ann se dood na ons toe gekom het, trek nou al vir hoeveel jaar van blyplek na blyplek saam met my, van stad na dorp na ander provinsies en weer terug. Tannie Ann was my peetma en Ma se oudste suster. Self het sy nie kinders gehad nie. Sy het op Newcastle in die ou Natal gewoon en op haar bo-arm was 'n geboortevlek. Eers jare later, ná tannie Ann se dood in 'n hospitaal in Benoni, het ek oor daardie donker vlek op haar regterarm gewonder: Was dit nie 'n Kainsmerk nie? Maar dit kon tog nie wees nie. Tannie Ann was 'n sagte, liefdevolle mens. Haar eerste man, 'n polisieman, het haar glo mishandel. Haar tweede man was 'n Engelsman, 'n Brit,…

As jy iets gedoen wil hê, vra vir 'n besige mens. Dié stelling is waar bewys toe die internasionaal gesogte modeontwerper Hendrik Meyer-Vermeulen (41) tussen vlugte en intemasionale modeskoue gou op sy foon vir my 'n opgedateerde curriculum vitae tik, voor ons mekaar ontmoet. Dié Suid-Afrikaanse seun, wat die modewêreld aan sy voete het, het steeds die Vrystaatse vlaktes in sy hart. Die Hendrik Vermeulen Couture-handelsmerk is gevestig en hy is wêreldbesit. Hendrik en sy man, Jean-Daniel MeyerVermeulen, woon die afgelope twee jaar voltyds in Montreaux, Switserland, en ek het hom vinnig te siene gekry toe hy vir die Kaapstadse Modeweek in sy geboorteland gekuier het. Hy was die eerste SA ontwerper wat 'n tweede uitnodiging na die Mosambiekse Modeweek ontvang het. Daama het Rome en New York gevolg en…

Vandat sy kan onthou, wou sy geskryf het en was maar van altyd af aan stories verslaaf. Haar ma het gereeld vir haar gelees en soms sommer haar eie stories opgemaak. Toe sy self kon begin letters saamflans, het sy begin skryf. “Ons het maar 'n beskeie lewe gelei, dis maar net 'n mooi manier om te sê ons was vrek arm. Een Kersfees het ek 'n A4-boek as geskenk gekry, van daai met die spiraalrugkant. En daarin het ek as laerskoolkind toe my stories begin neerskryf.” Sy was in nege skole vanaf graad een tot matriek, maar ten spyte van hierdie nomadiese lewe, of dalk weens dit, was lees en stories skryf Chanette se behoud. “Op 16 het ek 'n sprokie geskryf, Tant Mollie en die stoute feetjie. Die…

1. Diptyque L'eau Papier 50 ml EDT R2 375, Skins Cosmetics 'n Interressante, skoon geur met poeieragtige note van muskus, hout en sesame 2. Maison Lancôme Patchouli Aromatique 100 ml EDP R3 400, Edgars Met aromatiese note van patsjoelie, hout, vetiver en salie – dis luuks, tog moeiteloos 3. Jimmy Choo Rose Passion 100 ml EDT R1 949, Dis-Chem Topnote van frangipani en jasmyn, middelnote van klappermelk en orgidee, en basisnote van vanielje en sandelhout 4. Nuxe Prodigieux Néroli Le Parfum 50 ml R1 135, Woolworths Lieflike vars geur met note van suurlemoen, verbena, bergamot, laventel en lemoenbloeisel 5. Jo Loves Green Orange & Coriander 100 ml EDT R2 650, ARC Vars en vrolik, met note van bitterlemoen, swartpeper, koljander en tonkaboon 6. Lush Rose Jam Body Spray R445, Lush…

Deesdae is kunsmatige intelligensie op almal se lippe. Die onlangse verskyning van ChatGP het opnuut vrese laat ontstaan dat tegnologie en kunsmatige intelligensie (KI) die wêreld gaan oorneem en beheer. Die Israeliese intellektueel en skrywer prof Yuval Noah Harari het onlangs bepleit dat omvattende regulasie nodig is om te verseker dat kunsmatige intelligensie nie in 'n monster ontaard nie. Volgens Jorgan Harris, 'n kliniese sielkundige van Brackenfell, vergelyk tegnologie en KI met die volgende scenario. “Daar is 'n ou wat hengel. Hy maak toe 'n wurm aan sy hoek vas en gooi sy lyn in die water. 'n Vis sien die sappige happie en hap na die wurm om dit in te sluk. Soos wat die vis na die wurm hap, maak die wurm sy mond nog groter oop as…

kos Gekruide lamsvleis met blomkoolpuree 4 porsies BRANDRISSIE-GREMOLATA 125 ml (½ k) vars platblaarpietersielie,  fyngekap  125 ml (½ k) vars mentblare, fyngekap  1 lang, rooi brandrissie, fyngekap  1 knoffelhuisie, fyngedruk  10 ml (2 t) suurlemoenskil, fyngerasper GEKRUIDE LAMSVLEIS MET BLOMKOOLPUREE 5 ml (1 t) fynkomyn 5 ml (1 t) vinkelsade 3 ml (½ t) paprika 1 knoffelhuisie, in kwarte gesny 15 ml (1 e) olyfolie 800 g lamstuk 800 g blomkool, grofgekap 30 g botter 60 ml (¼ k) room 250 ml (1 k) bronkorstakkies BRANDRISSIE-GREMOLATA 1. Meng bestanddele in klein bakkie. GEKRUIDE LAMSVLEIS MET BLOMKOOLPUREE 1. Braai speserye in pan oor matige hitte en roer vir 1 minuut of tot geurig. Maak speserymengsel en knoffel met stamper en vysel fyn. 2. Verhit groot braaipan oor matige hitte. Meng speserymengsel, olie en lam in middelslagbak en geur na smaak.…