Innholdsfortegnelse for June 2023 i Rooi Rose

redakteursbrief Ons het verlede maand Moedersdag gevier, en vandeesmaand is dit die pa's se beurt. Ons het by drie bekende pa's, Jannie Moolman, Bradley Olivier en Geon Nel, gaan inloer om te hoor hoe hulle die vaderskapsrol ervaar. Jannie is ’n splinternuwe pa en hy sê: “Lente se geboorte was die ongelooflikste ding in my lewe. Niks anders maak meer saak nie. Sy motiveer my om gesond te leef en fiks te bly sodat ek haar kan sien grootword.” Geon is die pa van die vyfjarige Nova en hy sê dat sy gewis sy hart se punt is. Vir Bradley is pa-wees die beste ding nóg. As hy ná ’n skof op die Binnelander-stel die kar se neus huiswaarts draai, begin sy hart al tjoklits klop, want tyd saam met…

Vir Bradley Olivier is pa-wees die beste ding nóg. As hy ná ’n skof op die Binnelanders-stel die motor se neus huiswaarts draai, begin sy hart al tjoklits klop, want tyd saam met sy bruinoog Kiara wink. Hy erken sy werk as akteur plaas hom in ’n bevoorregte posisie, want opnameskedules wissel en bied aan hom tyd om sy dogter te geniet. “Die ateljee se opset maak dit maklik om die balle tussen pa- en akteurwees in die lug te hou. Ek neem haar soms ook saam werk toe sodat sy kan sien waar ek werk en wat ons doen,” sê hy. Hy het pas sy 36ste verjaardag gevier. “Ja-nee, nóú kom hulle (die jare) aan!” sê hy laggend. Nie dat daar juis ’n plooi of vetrolletjie is om sy…

Dis skoolvakansie. Kweek ’n liefde vir lees by die kleingoed! Tiaan het baie vrae, maar sy ma is heeltyd besig met die baba. Al wat sy sê, is: “Husse met lang ore.” Dié prenteboek is vir voorlees of vir kinders wat pas begin lees het. SAARTJIE DIE SPINNEKOP MET SEWE BENE RIANA SCHEEPERS LAPA, R150 Die idee vir hierdie geïllustreerde boek het gespruit uit die behoefte wat die skrywer gehad het om kennis aan kinders oor te dra oor wesens, soos insekte, wat hul omgewing deel. ’n Avontuurstorie is rondom die oulike Saartjie geskep. Kinders leer respek vir die natuur en dat nie alle spinnekoppe skadelik is nie.…

mode VIND HIERDIE ARTIKELS BY: ANHA WWW.ANHA.CO.ZA BYCARA WWW.BYCARA.CO.ZA COUNTRY ROAD, WITCHERY EN WOOLWORTHS WWW.WOOLWORTHS.CO.ZA CRYSTAL BIRCH WWW.THEREALCRYSTALBIRCH.COM DIESEL WWW.DIESEL.CO.ZA FOREVER NEW WWW.FOREVERNEW.CO.ZA FOSCHINI WWW.FOSCHINI.CO.ZA H&M WWW.HM.COM/ZA JANGI ACCESSORIES WWW.JANGIACCESSORIES.COM LOVISA WWW.LOVISAJEWELLERY.CO.ZA POETRY WWW.POETRYSTORES.CO.ZA RUFF TUNG WWW.INSTAGRAM.COM/RUFFTUNG TRUWORTHS WWW.TRUWORTHS.CO.ZA YDE WWW.YDE.CO.ZA ZARA WWW.ZARA.COM/ZA…

Goed vir jou spysverteringstelsel Eco Diva Good Gut Glow R365, www.ecodiva.co.za Hierdie poeier is propvol superkosse en probiotika, en kan daagliks in jou smoothies ingemeng word. Kiko Vitals Prebiotic + Probiotic R429, www.kikovitals.com Wanneer ons pre- en probiotika saam gebruik, word dit sinbiotika genoem. In hierdie produk bevat dié kombinasie verskillende stamme van bakterieë wat jou spysvertering verbeter, en dra ook tot jou kardiovaskulêre gesondheid by. NeoVita Probi-Tum Probiotic Gummies R140 (60), Clicks ’n Maklike (en lekker!) manier om te verseker dat jy jou daaglikse dosis inkry. Plaaslik en heerlik Al Fruit Waters is die perfekte toevoeging tot jou alkoholvrye skemerkelkie. Kies uit drie geure - mandaryn, suurlemoen en pomelo - en vind hope lekker resepte wanneer jy bit.ly/AlSparklingSummer aanlyn volg. Die drankies is suiker- en kalorievry, en bevat geen…

geld Die grootste foute wat beleggers ten opsigte van beleggingsportefeuljes maak, het dikwels twee dinge gemeen: emosie en strategie. In welvaartbestuur is een van die velde waarin ons spesialiseer, die bestuur van aftreeportefeuljes. Ons vind dit is juis in hul aftreefase dat baie mense die fout begaan om dit emosioneel te benader. Die werklikheid van aftrede is dat dit ook ’n nuwe beleggingsfase inlei – wat moontlik 30 of selfs 40 jaar kan duur. Die gemiddelde individu tree vandag op 65 af, terwyl die lewensverwagting enigiets tussen die ouderdom van 86 en 94 jaar is. (Daar word gereken die langslewende, getroude paartjie sal maklik tot die ouderdom van 94 leef.) Dit is dus ’n redelike lang beleggingstermyn. Met inagneming van die termyn, moet die strategie vir die beleggingsportefeulje wees om…

“Ek het eintlik twee keer uitgekom. Die eerste keer was in 2011 toe ek 24 jaar oud was en vir my ouers, familie en vriende vertel het ek is gay en die tweede keer was toe ek in 2019 dit aan die publiek bekend gemaak het en openhartig in die media daaroor gesels het. “Ek het saam met my ouers die oggend koffie gedrink toe ek vir hulle vertel het ek is gay, maar my ma het nie mooi gehoor toe ek gesê het ‘ek is gay’ nie. Sy het gehoor ek sê ‘ek skei’ en het dadelik gesê maar sy het nie eens geweet ek is getroud nie. Toe ek haar reghelp, het dit eintlik die ys gebreek en ons het lekker oor die misverstand gelag. Ek verwag altyd…

WYNMAKER BEANTWOORD VRAE Thys Loubser is die rooiwynmaker by Robertson Winery wat verlede jaar hul 80ste verjaardag gevier het. Thys vier vanjaar 30 jaar as wynmaker. “Om toekennings te wen, is bevredigend,” sê Thys, “maar die ware prys is in die wete dat kliënte werklik die produk geniet en om te hoor jou wyn is uitverkoop.” Wat dink jy dra by tot die sukses van die kelder om 80 jaar te kon vier? Ons kultivar-samestelling is baie goed oor wit en rooi versprei; ons grond, ligging en klimaat is baie gunstig en ons het genoeg water. Op meeste plase is dit al geslagte wat saam boer. In agt dekades het ons net drie uitvoerende bestuurders gehad. Ons span bestaan uit drie wynmakers, een wingerdboukundige en goed opgeleide kelderwerkers. Ons bly…

V erbeel jou jy sit in ’n tuin waar die blomme in die maanlig “skyn” terwyl lieflike geure jou omgewe. Omdat ons nie in die donker die hele kleurspektrum kan waarneem nie, sal wit of ligkleurige blomme en blare in die maanlig uitstaan en as dit boonop tussen donkerkleurige loof is, sal dit lyk of dit in die lug sweef en tot die betowering bydra. Dit is ook so dat ons sintuie in die donker verskerp en daarom sal so ’n tuin met sy waarneembare blomme en reuke jou bekoor. Enige grootte tuin kan ’n maanligtuin word, selfs ’n klein patiotuin kan in ’n sprokieswêreld omskep word. Ons het gaan uitvind hoe jy self so ′n tuin kan skep. Idees vir jou sprokiestuin Die bekende en gewilde tuinboukundige JJ van…

brei rooirose BÊRE-PATROON Afkortings aw – aweregs aw2tes – aw 2 steke tesame r – regs r2tes – r 2 steke tesame Maklik en mooi Hierdie mus word sywaarts gebrei. (Neutrale kleur mus) WAT HET JY NODIG? 1 bal AFRICAN EXPRESSIONS Adore (100 g) Kleur 8286 (20% Kid Mohair, 80% Merino) 6,5 mm-breinaalde Aanwysings Stel 36 ste losweg op. Ry 1 | r. Ry 2 | r. Ry 3 | r34, draai. Ry 4 | r. Ry 5 | r32, draai. Ry 6 | r. Ry 7 | r30, draai. Ry 8 | r. Ry 9 | r28, draai. Ry 10 | r. Ry 11 | r26, draai. Ry 12 | r. Ry 13 | r24, draai. Ry 14 | r. Ry 15 | r oor al die steke. Ry…

BLOKRAAI 1 BLOKRAAI 2 BLOKRAAI 3 BLOKRAAI 4 ANTWOORDE Blokraai 1 & 2 van bl 114 & 115 BLOKRAAI 1 BLOKRAAI 2 Sudoku 1, 2 & 3 van bl 119 SUDOKU 1 MAKLIK SUDOKU 2 MEDIUM SUDOKU 3 MOEILIK BLOKRAAI 5 LEIDRADE DWARS 1. Versuim om in die hof te verskyn in (7) 4. Seeleeu (3) 6. Taamlik (4) 7. Nie so naby nie (6) 9. Gesteldheid (8) 11. Grondslag (8) 13. Adders (6) 14. Swaaihou (4) 16. Einde (3) 17. Sitrusvrugte (7) AF 1. Sonder kos bly (3) 2. Agting (6) 3. Bekrompe van gees (8) 4. Dryfveer (4) 5. Seksklub (7) 8. Om iets draai (8) 9. Bondeltjie druiwe (7) 10. Vromes (6) 12. Muur (4) 15. Skenk (3) BLOKRAAI 6 LEIDRADE DWARS 1. Nie in staat om te praat nie (4) 4. Oorwinning (4) 8. Gesprek met God (5) 9. Verdigte suurstof (5) 10. Noag se skip (3) 11. Hen…

Deur DANA SNYMAN “Ek dink ons kole is nou reg.” Flip hou sy hand met die palm na onder bokant die braaiplek en laat sak dit stadig tot naby die vuur. Dieper die huis in sing Bok van Blerk. “Oukei, engel!” roep hy. “Ek sit nou die wors op!” Hy beduie na die botteltjie in my hand. “Is jou bier nog orraait?” Ons staan by die braaiplek in sy lapa. Dit is al donker. Die Petzllampie op Flip se voorkop se ligkol wieg heen en weer. Ons het klaar oor rugby gesels, ons is nou by politiek en die land. Hoe ons president ons teleurgestel het. En wat gaan met Eskom gebeur? Makkie, sy vrou, is in die kombuis besig met die pap en die sous, die broodjies en die slaai.…

Eerste dinge eerste, soos die Engelse sê. Geon Nel verduidelik met die intrapslag hoe ’n mens sy naam uitspreek en dis nié soos dit gespel word nie. “Dis nie Geon soos in Deon nie, dis Ghe-on, soos in ghoema. Moenie my vra hoekom nie, maar ek verkwalik my ouers,” sê hy laggend. Nou weet ons hoe om sy naam te sê, maar hoekom het dit so lank gevat om ons ore te bereik? Dis maar eers met die uitsending van die kykNET-reeks Nêrens, Noord-Kaap dat dié akteur behoorlik onder die kykers se aandag gekom het. En op 41 is hy immers nie meer ’n groentjie nie. “Ek wens ek het ’n antwoord gehad, maar dis maar hoe dit in die bedryf werk. Dalk omdat ek nie jou tipiese chocolate box…

Jy is omtrent veelsydig – aktrise en sangeres. Sou jy moet, watter een sal jy kies? Dis ongelooflik moeilik. Ek doen albei al my hele lewe lank en elkeen bring vir my op verskillende maniere vreugde. Hoe sal jy jou persoonlikheid – as aktrise en sangeres – beskryf? My gedagtes werk oortyd. As aktrise reis ek na elke werklike oomblik en as sangeres is ek bang, maar pak dit tog aan. Hoe kom jy met ander sangers oor die weg? Heel goed! Ons sien mekaar nie daagliks nie, maar geniet mekaar. Almal is ook maar net mense met hul dinge. Dink jy nie daar is te veel nuwelinge nie? Nee. Te veel talent is nie ’n slegte ding nie. Almal verdien ’n plekkie in die son en ek dink die…

EDP en EDT – wat's die verskil? Die verskil tussen Eau de Parfum en Eau de Toilette het te make met die konsentrasievlakke van die bestanddele, wat die lewensduur van jou parfuum sal beïnvloed. ’n EDP het ’n hoër konsentrasie van olie-gegronde bestanddele (15-20%) en is dus meer intens en dit beteken dat die reuk langer op jou vel sal hou. Dis natuurlik ook duurder. ’n EDT is minder gekonsentreerd (5-15%) en het ’n korter geurlewe, maar dit kan van vel tot vel verskil. EDT's is gewoonlik goedkoper as EDP's. ’n Eau de Cologne is ook ’n weergawe wat ’n mens dikwels sien, en dit bevat 2-4% van die oliekonsentrasie. Parfuum is 'n persoonlike keuse. Vertrou jou intuïsie eerder as die jongste neigings Kies die regte geur vir jou Daar…

1. Sisley se Ecological Compound (R4 200, ARC) help om die mikrobioom van die vel te balanseer terwyl dit die natuurlike verdedigingsmeganismes versterk. Dit dra dan by tot die optimale aktiwiteit van die vel se funksies om dit op die duur sterker, beter bevogtig, gebalanseerd en meer soepel te laat. Dis ideaal om elke dag voor jou bevogtiger of sonroom te gebruik. 2. Jane Wurwand, die stigter van Dermalogica, het 'n paar jaar terug ’n boek, Skin in the Game, geskryf. Dit gaan nie net oor skoonheid nie, maar ook oor hoe jy jou pad in jou loopbaan kan vind, en hoe jy jou ware, unieke doel kan ontdek. Skin in the Game: Everything You Need is Already Inside You, R954, Takealot 3. Die oorspronklike White Tea Eau de Toilette-reeks…

Hoender-en-preie-pastei 6 porsies 500 ml (2 k) hoenderaftreksel 625 g (2½ k) hoenderfilette 60 g (¼ k) botter 1 groot prei, fyngesny 2 selderystele, punte afgesny, fyngekap 30 ml (2 e) meel 10 ml (2 t) vars tiemieblare 125 ml (½ k) melk 250 ml (1 k) room 10 ml (2 t) volgraanmosterd 1 skilferkorsdeegvel 1 eiergeel, liggies geklits 1. Bring aftreksel in pot oor hoë hitte tot kookpunt. Voeg hoender by en kook verder. Verminder hitte en laat hoender vir 10 minute of tot gaar prut. Laat staan hoender in sous vir 10 minute. Verwyder van pot en sny grofweg. Hou 1 k van sous opsy. Gebruik die res vir iets anders of gooi weg. 2. Verhit botter in pot. Braai preie en seldery. Roer gereeld tot preie sag is. Voeg meel en tiemie by en kook vir 1 minuut.…

dekor Liana Cahay en haar twee laerskoolkinders woon die afgelope jaar saam met hul hond, Coco, in ’n dubbelverdiepinghuis aan die buitewyke van Somerset-Wes. Hul naaste bure is die paar eekhorings wat in die ou reusebome op die erf bly. Liana sê ná haar skeisaak wou sy iets kleiner as hul vorige huis kry, waar sy en haar kinders weer kon tuis voel. Hul vorige huis was baie groot en het verskillende ruimtes binne en buite gehad. “Ons is verskriklik gelukkig in die kleiner ruimte, ons slaap nader aan mekaar en as ek bo is en die kinders speel onder, voel hulle nie bang of ver van my af nie. Ons mis wel die swembad van die vorige huis,” vertel sy. “Ons het tans ’n pragtige uitsig oor die hele…

• Ontspan saam met jou kinders. Gee vir hulle positiewe aandag en toon belangstelling in dit wat vir hulle belangrik is. • Aanvaar jou kinders se ontwikkelingsvlak, fisieke eienskappe en basiese temperament. Vermy etikette. • Bied vir hulle ’n voorspelbare en veilige omgewing om in groot te word. • Pas reëls verstaanbaar en konsekwent toe. • Straf moet op ’n redelike manier toegepas word en hulle moet die gevolge van hul keuses dra. • Vermy lyfstraf te alle tye aangesien dit ’n kind se selfbeeld kan skend. • Waak daarteen om enige wrokke teen kinders te koester. • Moedig jou kinders aan, kommunikeer vertroue en koester realistiese verwagtinge. Fokus op die poging eerder as die suksesvolle voltooiing van die einddoel.…

reis ‘Daar is soveel fasette aan fynbos en dit laat ′n means in verwondering oor die natuur … Meer as 32 jaar gelede het die Lutzeyer-gesin ’n plaas van 123 ha gekoop en vyf selfsorghuisies opgerig. Vandag is Grootbos Privaat Natuurreservaat nie net Suid-Afrika se voorste botaniese reservaat (die grootste in die Suidelike Halfrond) nie, maar ook een van die mees bekroonde reservate in die wêreld, wat nou sy eie botaniese galery huisves. Die 3 500 ha-fynboshemel is net voor De Kelders in Walkerbaai geleë, as jy van Stanford se kant af ry. Die vyfsterakkommodasie bestaan uit twee lodges, die heeltemal nuutgeboude Garden Lodge en Forest Lodge, en privaat villas. Gaste geniet hul etes met die mooiste uitsig oor die fynbos en baai, terwyl die land se voorste wyne op…

In die rolprent Candyman moes die akteur Tony Todd sy mond werklik vol bye stop. ’n Hele paar het hom gesteek! Cher wou nie in die vervolg op Mamma Mia! gespeel het nie, maar is deur die hoof van Universal Ateljees gedwing om dit te doen. Cleopatra met Elizabeth Taylor, wat in 1963 uitgereik is, is steeds een van die grootste flops ooit. Dit het die ateljee wat dit befonds het na bankrotskap gedryf en het twee jaar geneem om te voltooi. Toe Jason Statham ’n toneel vir The Expendables 3 moes verfilm, het hy byna in die Swartsee verdrink toe hy in modder vasgesit het.…

Dis die manier waarop die man teen die deurkosyn leun wat Ragel se innerlike verskrikker-verklikker se alarm laat loei. Ek hou nie van hom nie, oordeel sy summier. Dit nog voordat hy sy mond oopgemaak het. Die arrogante wyse waarop hy na haar kyk laat die haartjies in haar nek orent staan. “Ragel van Reenen, jy het ’n alte mooi vroumens geword,” vly hy waarderend. Dit doen niks vir Ragel nie. Hy ken haar naam en dit maak haar bang. Toe laat sak hy ook nog sy oë teen haar lyf af, haar nek, haar bors, haar heupe … Asof hy ’n voorraadopname maak. “Bietjie rond om die heupe, nè? Seker ’n soet tand.” Hy lag. “Ek hou van ’n mollige meisie, makliker om haar lekker vas te vat, jy…

VEEARTS BEANTWOORD VRAE HONDE EN DEPRESSIE Kan honde depressief wees? – Johan Nienaber van Randburg Honde kan, nes hul eienaars, aan aftakelende toestande ly en soms kan depressie vir jare ongediagnoseerd wees en dit kan langdurige skade aanrig. Let op gevaartekens soos dié: › Geskiedenis kan ’n rol in ’n diagnose speel. Die verlies van ’n ander vierbeenvriend, eienaar, of familielid kan ’n impak op diere se emosionele welstand hê. › ’n Verandering in eetlus, energievlakke, of enige algemene gedragsveranderings buite die normale. › Hulle mag verminderde belangstelling in speelgoed of speletjies toon wat hulle voorheen geniet het. › Herhalende gedragspatrone kan ook vorendag kom, soos om in sirkels te stap, of om obsessief aan hulself te lek of krap. › Troeteldiere wat voorheen mishandel is, of wat aan skeidingsangs lei,…

mense NES COKE “Ek is nie altyd skougehalte nie en as ek soggens opstaan, het ek lae bloedsuiker. Dan maak ek vir myself ’n lekker koppie koffie en ek voel sommer klaar beter. Ek sorg dat ek ’n lekker ontbyt eet, want die lewe lyk soveel beter op ’n vol maag. Daar is dinge wat ’n mens nié kan beheer nie, maar neem beheer oor die dinge waaroor jy kan! “Luisteraars verwag Coke as hulle die radio aanskakel, ek kan nie vir hul Fanta gee nie — hulle soek vrolikheid.” “Hallo skat,” roep ’n stem wat soos warm karamel klink vanuit die huis, toe ek een Maandagmiddag aan Amore Bekker se voordeur klop. Dis dieselfde ryk stem wat RSG-luisteraars 20 jaar met inspirerende stories meegevoer het; wat mense op die…

Jy is baie veelsydig en skryf kinder- en jeugboeke asook romans vir volwassenes, tydskrifverhale en rubrieke. Wat is vir jou die moeilikste en die maklikste? Kinderboeke en volwasse verhale verg dieselfde mate van dissipline en hoeveelheid werk. Kinderboeke is juis moeiliker, omdat die wêreld teen ’n geweldige tempo verander – die uitdagings van die hedendaagse kind ook. Hulle is intelligent, leef in ’n wêreld van onmiddellike bevrediging en ’n storie moet hulle dadelik aangryp. Vir grootmense gaan die skryfproses vir my so effens makliker, behalwe dat die woordtelling soveel meer is en ek met mense moet gesels, wat ervarings soortgelyk as my karakters beleef. My groot uitdaging is altyd of ek mense se stories met genoeg deernis aanbied. Of ek deur my karakters en vertelling reg laat geskied aan wat…

mense Klein Lente Ivy lê rustig in Ma Melissa se arms terwyl haar pa, die gewilde tenoor en eens operasanger Jannie Moolman, skaars sy oë van sy piepklein dogtertjie kan afhou. Lente is tydens ons onderhoud drie weke oud. Stroopsoet, gelukkig, gekoester en volmaak. ’n Prentjie van ’n kind met diepblou oë en ’n bos swart hare. Salig onbewus van die bewondering wat sy uitlok. Nie ’n “ê” kom uit haar mond nie. ’n Mens kan sien die kleinding kraai ná ’n lang wagtyd koning in hul huis op Hartbeespoort. Pa Jannie dra ’n gemaklike kleurryke Josefbroek en Ma Melissa, ’n tandarts van beroep, is informeel en sommer kaalvoet in ’n swart kortbroek en toppie geklee. Reg vir aksie. Die jeugdige Jannie, wat al sy 55ste rit om die son…

Die kompleksiteit van ’n parfuum het alles te make met hoe die note ontwikkel. Die topnote is dit waarmee jy heel eerste sal kennis maak wanneer jy die parfuum aanhet, daarom is hierdie note gewoonlik lig, vars en aan die soeter kant. Die middelnote help om die geur te laat hou en gee ook 'n dieper intensiteit. Dit word ook die hart genoem omdat dit die oorwegende karakter van die parfuum uitbeeld. Die basisnote anker die parfuum, en dis dikwels hierdie note wat die langste sal hou omdat dit dieper, swaarder geure soos hout en muskus kan bevat.…

Dit was Desembertyd by ’n vakansieoord en ek het dié dag heerlik in die son gebak. Te lank, want ek het bloedrooi gebrand en die volgende dag was daar ’n wit vlekkie op my gesig. Dit was vreemd, maar ek het dit aan die sonbrand toegeskryf en gedink dat dit gou weer sou verdwyn. Ek het ’n ligte vel en het nog nooit voorheen velprobleme gehad nie en het selfs in my tienerjare net nou en dan ’n puisie gehad. Die vlekkie het vir ’n lang ruk nie groter of kleiner geword nie en die tyd het verbygegaan. Toe ek weer sien, het dit amper oornag groter geword. Ek het vandag ’n groot wit vlek op my gesig en vlekke op my hande en heupe. Die vlek op my gesig…

Om buigsaamheid, soepelheid en mobiliteit te verbeter, maak atlete en aktiewe individue dikwels staat op verskeie vorme van strek. Dit behels die verlenging of buiging van ’n spier of tendon om verhoogde eiastisiteit te bevorder. Een metode is om ’n aktiewe strek te beoefen, waarin jou eie spiere gebruik word om weerstand te gee, en dit skep dan die strek. As jy joga beoefen, is jy vertroud met hierdie tipe aktiewe strek omdat hierdie posisies dikwels vir ’n paar sekondes gehou word. Om joga-posisies te hou, vereis krag in sekere spiere terwyl ander, opponerende spiere gestrek word. Dit werk egter saam met enige tipe oefening, en kan veral voordelig wees voor en ná koue buitelugaktiwiteite, soos draf. Probeer dit die volgende keer wat jy die moed bymekaar skraap om die…

RAAR WYNE ’N MOET VIR JOU VERSAMELING Vin de Classique, die vervaardiger van die Vrede-wynreeks, het ’n raar versameling wyne bekendgestel wat uit ’n 1975-pinotageblok kom en gemaak is om vir 20 tot 25 jaar te verouder. Die Perron X-versameling (met oesjaar 2021), waarvan slegs 452 eenhede beskikbaar is, bestaan uit vier 750 ml-bottels en een Magnum (1,5 l), en is só ontwerp dat een bottel elke jaar geniet kan word. Elke bottel is individueel genommer, die etiket is met die hand opgeplak en verseël, en dit rus in ’n pragtige houtboks. Die druiwe kom van die plaas Skoonheid in die Polkadraaiheuwels buite Stellenbosch en die 1975-blok is deel van die Old Vines Project wat ’n spesiale erfenisseël dra. Die naam “Perron X” bring hulde aan die kruising (“X”) van…

kos Warm sjokoladebanoffeepavlova 4 porsies 2 eierwitte 215 g versiersuiker 80 ml (⅓ k) kookwater 15 ml (1 e) kakaopoeier OPDIENING 250 ml (1 k) soutkaramelnageregsous 2 piesangs, dungesny 300 ml dubbeldikroom 50 g Crunchie-sjokolade, grofgekap 1. Voorverhit oond tot 180°C. Voer groot bakplaat met bakpapier uit. 2. Klits eierwitte, versiersuiker en water met elektriese menger vir 10 minute of tot ferm pieke vorm. 3. Sif kakao in meringuemengsel in en vou deur. Sit vier gelyke dele van die mengsel op plaat. Gebruik agterkant van lepel om dammetjie in middel van heuweltjies te maak. Bak vir 25 minute of tot ferm. OPDIENING 1. Verhit karamelsous volgens instruksies op pakkie. Bedien pavlova reguit uit oond met warm sous, piesang, room en stukkies Crunchie bo-op. WENK Hou die pavlova krakerig. Dit is baie belangrik om die suiker een…

Nataniël het gesê: Lewe eenvoudig. Hoe minder goeters jy het, hoe minder worries het jy … en hoe lekkerder slaap jy! lemand wat saam met hom stem, is Becca Ehrlich. Sy is ’n pastoorsvrou met drie meestersgrade en ’n doktorsgraad in teologie. Sy het verlede jaar as eksperiment dieselfde rok vir 100 dae gedra. Die doel hiervan was om aan haarself te bewys dat ’n mens baie minder nodig het as wat jy dink. Baie van ons het tydens die Covid-pandemie tot dieselfde slotsom gekom. Becca sê een van die belangrikste lesse wat sy geleer het, was dat ons baie minder “dinge” nodig het. Sy het in die drie maande gekyk wat werk vir haar en wat nie. Sy het ook besef dat gehalte belangrik is, en dit geld nie…

* Gillian Anderson het jare lank die rol van Dana Scully in The X-Files gespeel. * Toe David Duchovny as Fox Mulder in ’n episode vir haar vra wie sy eintlik sou wou wees, het sy geantwoord: Eleanor Roosevelt. Dis die rol wat sy toe jare later in The First Lady vertolk het! * Twee aktrises in die reeks het reeds Oscars gewen: Viola Davis en Ellen Burstyn. * Twee akteurs is ook al vir Oscars benoem: Michelle Pfeiffer en Jackie Earle Haley. * Die regisseur van The First Lady, Susanne Bier, beplan om in 2023 ’n rolprent saam met Michelle Pfeiffer te maak: Chasing Montana. * Pfeiffer is met die TV-draaiboekskrywer David E Kelley van Big Little Liesfaam getroud. * Gillian Anderson en Ellen Burstyn (wat Franklin D Roosevelt…

Jou hond sal snoesig en stylvol in mosterdgeel met die Pooch Puffer wees. Dit kos R339,99 en is in verskeie groottes by www.dearpet.co.za beskikbaar. Die Autumn and Winter Star Pattern Sweater is vir katte en honde geskik en is in verskeie groottes beskikbaar. Dit kos R185 via www.takealot.com. Die Dog's Life Bambi Jacket is te skattig! Dis van sagte flennie gemaak en is teen R285 by www.petplus.co.za beskikbaar. Dié gemaklike katpakkie kan ook as ’n winter-harnas gebruik word as die halsband aangeheg word. Die Winter Cat Vest/Harness se pryse wissel vanaf R249 tot R349. Kry dit by www.catandi.co.za.…