Innholdsfortegnelse for April 2023 i Rooi Rose

Covid-19 het die meeste van ons se wêreld op sy kop gedraai. Sommige het die grendeltyd as 'n tyd van rus beskou – hulle het dinge gedoen waarvoor daar vroeër nooit tyd was nie, en ander het hulle weer bekommer oor die toekoms nadat hulle dalk hul werk of geliefdes verloor het. Dié wat wel die beste van die grendeltyd kon maak, het heel waarslgmlik geleer om meer bewustelik of aandagtig (die Engelse noem dit mindful) te lewe. Jy het geleer om die klein dingetjies raak te sien – al die dinge wat ons gewoonlik in die gejaagde lewe miskyk. Vir my was die absolute stilte, wanneer ek sommer om die blok gaan draf het, wonderbaarlik. Daar was geen motors wat by jou verbyjaag nie; dit was net jy, jou…

Rozanne McKenzie kom die trappe van Jacaranda 94.2 se gebou in Midrand afgehuppel. Sy is perfek gegrimeer en het 'n rooi bloes aan wat 'n kopknik in die rigting van Minnie Muis gee. “Ek kom nou net van 'n shoot af,” verduidelik sy terwyl ons na die ateljee stap waar sy en Rob Forbes elke weeksmiddag The Drive with Rob and Roz-program uitsaai. Buite die venster, 'n paar meter weg, is die N1-hoofweg bedrywig. “Die ideale plek om te sit as jy oor verkeer rapporteer,” merk Rozanne op. Rozanne beskryf haarself op sosiale media as 'n kranige CrossFitter, paaldanser en koek-eter – nie noodwendig in daardie volgorde nie. Daar is ook 'n hele paar ander dinge wat ek voor die onderhoud oor haar te wete gekom het: Soos dat sy…

Watter van jou treffers is jou gunsteling? Beslis “Sewe oseane”. Dit was een van die liedjies wat ek nie verwag het nie en Rudi Claase het dié liedjie vir my 'n maand voor my album in 2013 moes uitkom, gestuur. Ek het geweet dit was die liedjie waarvoor ek nog altyd gewag het. Ek voel bevoorreg dat ek dit as kunstenaar kon opneem. Wanneer het jy besef dat jy 'n sangtalent het? Ek het dit op skool besef toe ek in die laerskoolkoor gesing het (ek het ook musiek geneem). Toe die juffrou vra dat ek in die mikrofoon moes sing, het dit 'n vlammetjie by my aangesteek. Hoe beskryf jy jouself as sanger en as ma? Ek is 'n diep, humoristiese en privaat mens. Ek hou van stilte en…

LYFSORG Velsorg behoort meer as net jou gesig te behels. 'n Gesigmasker, verhelderende gesigskrop, ryk vogroom of sensoriese gesigolie sal altyd 'n tyd en plek hê, maar dis ook nodig om jou lyf met dieselfde aandag te versorg. Ons beweeg ook tans al nader aan winter, wat beteken dat voorkomende lyfsorg noodsaaklik is as jy droë vel en inflammatoriese toestande (soos ekseem) wil help vermy. Dis wel belangrik om te besef dat jy soveel meer uit lyfsorg as net ekstra bevogtiging kan kry. Limfdreinering is 'n neiging wat al vir 'n hele rukkie bestaan, en fokus op 'n masseringstegniek (met 'n lyfborsel of gua sha-steen) wat op die limfatiese stelsel van jou lyf werk. Die tegniek help om dit te stimuleer en limfatiese vloeistof na die limfknope (wat meestal in…

1. Vitaderm Superfood Moringa Powder (250 g), R150, www.vitaderm.co.za) vir jou smoothies. 2. JS Health Stress And Anxiety-tablette (R699,99 (60 tablette, www.vitagirlsa.co.za) kombineer vitamiene C en B5, grenadellablom en Ashwagandha om simptome van stres en angstigheid te verminder. 3. Earthsap All Purpose Cleaner Cream Scrub (R59,99, Wellness Warehouse) is 'n natuurlike alternatief wat nie die omgewing benadeel nie. Dis bioafbreekbaar en nie-toksies. Alte lekker! As daar nou een produk is om oor opgewonde te raak, is dit Neovita se vitamien-gomlekkers. Dis propvol vitamiene en minerale – alles wat jy nodig het om jou dag positief te begin en dit proe boonop heerlik. Die Luscious Hair Gummies (R179) bevat biotien, foliensuur en sink; Radiant Skin (R179) bevat vitamien A, C en Perilla-olie; en die Daily Women's Multivit (R159) bevat amla-aftreksel, rooibosbessie,…

menswees Kontak Hermann@drLiebenberg.com 0 11 262 6396 Jy weet jy moenie so baie koop nie, maar jy voel sommer ligter as jy 'n inkopiesak in die hand het. Of dalk is dit kos wat jou op 'n af dag beter laat voel of 'n glas wyn wat later 'n bottel word en jou van jou boelie van 'n baas laat vergeet. Ons verwys gewoonlik na die middels, mense of voorwerpe wat 'n mens gebruik om stres beter te hanteer, as emosionele of sielkundige krukke. Dit is niks vreemds nie, maar as jy sukkel om daaglikse uitdagings sonder ongesonde gewoontes te bowe te kom, moet jy gesonder hanteringsmeganismes aanleer, sê die sielkundige dr Hermann Liebenberg. Hy beskou “krukke” van watter aard ook al as oorlewingstrategieë wat diep gewortel is, nie net…

Gespikkelde koekies + 18 porsies 80 ml (⅓ k) botter, by kamertemperatuur 160 ml (⅔ k) witsuiker 3 ml (½ t) vanieljegeursel 1 eier 250 ml (1 k) meel 3 ml (½ t) koeksoda knippie sout 60 ml (¼ k) strooiversiersel, plus ekstra 125 ml (½ k) gespikkelde eiers, gekap 1. Voorverhit oond tot 180 °C. Voer twee bakpanne uit. 2. Verroom botter en suiker saam tot lig en donsig. Voeg vanielje en eier by en klop weer saam. 3. Sif meel, koeksoda en sout en klop op lae spoed tot goed gemeng. Meng strooiversiersel deur. 4. Skep lepels vol deeg en rol in balletjies. Rangskik op voorbereide plaat en druk plat om koekies te vorm. 5. Plaas ekstra strooiversiersel bo-op en bak vir 9-11 minute tot kante goud is en middel effens sag. 6. Verwyder uit…

Jy het dalk lus om jou bestaande tuin 'n bietjie op te kikker of jy het 'n kans om 'n nuwe tuin te beplan – 'n tuinpaadjie kan 'n reuseverskil maak. Dit kan jou tuinontwerp bepaal terwyl dit ook 'n groter doel dien. Natuurlik kan jy landskapsargitekte se hulp inroep om jou tuin vir jou uit te lê, maar jy kan dit ook self doen en dit hoefjou nie 'n fortuin te kos nie. Neem tyd om jou tuin goed te bekyk. Jy kan selfs 'n plan op papier teken om te bepaal hoe jy jou tuin gaan uitlê en waar jy jou tuinpaadjie(s) wil hê. Besluit of jy 'n natuurlike, formele of moderne tuinpaadjie wil hê. Jou tipe tuin en jou huis se bouslyl kan ook 'n bepalende faktor…

• Jy kan bus- of treinry van Londen na Cornwall en die rit duur tussen vier en ses uur. Motorhuur uit Londen maak dinge natuurlik baie makliker, want dan is jy nie afhanklik van treinskedules of onderworpe aan stakings nie. Ons het Great Western Railway (GWR) vir ons treinritte gebruik, busse vir tussen dorpies en verder daagliks omtrent 20 000 tree gestap om alles behoorlik in te neem. • Daar is ongelooflik baie om in Cornwall te sien en al is die dorpies baie na aan mekaar, maak nou paadjies en gure weer reistyd soms heelwat langer as wat jy verwag. • Die webwerf, visitcornwail.com, gee 'n goeie samevatting van alles wat jy kan sien en ervaar. Die streek is baie gewild: Bespreek dus vroegtydig sodat jy nie teleurgesteld is…

Dawid swaai die bakkie se neus in die rigting van die vallei en die voertuig dreun die steilte net buitekant GraaffReinet in derde rat uit. Hulle bereik die plato waar 'n Anglo-Boereoorloggedenkteken opgerig is, en Dawid verwissel behendig van rat. Voor hulle, vir so ver as die oog kan sien, lê die enorme Karoo-uitspansel uitgestrek. Anja staar nikssiende daarna. Die paar dae weg moes dinge verander. Maar nou… Sy sug onbewustelik. Sy het gehoop dat hulle êrens 'n aanknopingspunt sou vind. Dinge kon uitpraat. Dat die wye grasvlaktes en vaal klipkoppies iets in hulle sou losmaak. Ons sal tyd hê om soos van ouds ver ente te gaan stap. Onder die oop sterrehemel sal ons weer met mekaar begin praat, rêrig uit die hart uit praat, het sy haarself wysgemaak.…

Soms val die dobbelsteentjie só dat 'n mens se pad wonderbaarlik kruis met dié van 'n algehele vreemdeling. Die herinneringe aan daardie kort kruising sit vir ewig in jou hart vasgebrand. Ek koerier op 5 Oktober 2020 'n boekpakkie vir 'n leser in Bloemfontein: Rynette Claassen. Omdat ek nie 'n diens soos groot verskaffers kan lewer nie, gebruik ek 'n blitsige koerier wat by die voordeur aflewer. Ek doen moeite met die opmaak van die pakkie: Strik 'n organza-lint om die boek, saam met 'n winkelveer, selfgemaakte bidkrale en 'n roosmaryntakkie uit ons tuin. Alles naastenby in dieselfde kleurskema. Vir Rynette se pakkie kies ek rooi. Ek kiy laataand op 6 Oktober 'n oproep van 'n onbekende nommer. Ek huiwer om te antwoord, want laataandbellers neig tot dronkverdriet. Nietemin antwoord…

mense Gerrie Pretorius laat my aan 'n ouwêreldse held dink, soos die hoofkarakter in 'n Barbara Cartlandliefdesverhaal. Die aantreklike edelman met die Colgateglimlag wat sy aanstaande in 'n koets oplaai… en hulle leef lank en gelukkig saam. Hy lag lekker wanneer hy dié beskrywing hoor. “Dankie vir die kompliment, maar ek weet nie of ek dit verdien nie. Ek is eintlik maar soos Sloet Steenkamp, skuil bedags en vlug snags,” spot hy goediglik. “My koets is meestal my Toyota-bakkie en my kasteel is 'n daktent. Die prinses sal dus braaibroodjies moet kan maak.” Maar ja, hy sou vir seker in 'n ander era kon geleef het, erken hy. “As ek kon kies, sal dit die big band swing-era wees: Die tyd van ouens soos Dean Martin en Frank Sinatra. Ek…

Net meer as 20 jaar gelede het 'n 21-jarige jong vrou op Idols se verhoog gestap. Dit was die eerste seisoen van die internasionale sangkompetisie in Suid-Afrika en Bianca le Grange was onseker of sy moes deelneem. Nietemin het sy die beoordelaars met haar weergawe van Whitney Houston se liedjie “The Greatest Love of All” beïndruk. “Behalwe Randall Abrahams,” vertel sy. “Hy't dit gehaat. Hy't glad nie van my gehou nie,” onthou die 41-jarige Bianca, wat uiteindelik die vierde plek in die kompetisie verower het. “Soms voel dit soos gister, maar dit was, as ek nou eerlik moet wees, 'n uitdagende 20 jaar.” As bruin vrou en kunstenaar in Suid-Afrika het sy baie “uphill battles” beleef, sê sy. “Ek moes my dinges af werk om te oorleef – die groot…

Die vinnigste en veiligste manier om jou vel te verbruin, is met 'n velverbruiningsmousse. Die Express Mousse 1 Hour Express van Skinny Tan kombineer die beste aktiewe seifverbruining en velvoedende bestanddele om die diepste kleur in die vinnigste tyd te lewer sonder om jou vel te beskadig. Dit bevat 95% natuurlike bestanddele, soos klapperwater en aalwyn, en lewer 'n intense skoot vog om jou vel te voed terwyl jy verbruin. Die mousse word met die Application Mitt aangesmeer en geen oranje of geel strepe sal agterbly nie. Ná slegs een uur kan jy dit afspoel vir 'n matige kleur, maar as jy twee tot drie uur wag, sal dit nog donkerder raak. Binne die volgende agt uur sal dit aanhou ontwikkel, sonder enige van die vreemde reuke wat ons gewoonlik…

1. Catrice Melting Kiss Gloss Stick in Strong Connection (R125,95, Dis-Chem) is die perfekte mengsel tussen 'n lipstiffie en lipglans, en gee net genoeg kleur om jou lippe 'n mooi skakering te gee. 2. REN Perfect Canvas Smooth, Prep & Plump Essence (R925, Woolworths) berei jou vel voor vir die produkte wat volg, terwyl dit porieë verklein, jou vel egaliger laat lyk en ekstra bevogtiging verskaf. Dit bevat hialuron- en poliglutamiensuur wat bevogtig, Bio-Ferment wat die vel voller laat lyk, en Marrubiumaftreksel wat die vel teen besoedeling beskerm. 3. Revlon PhotoReady Rose Glow Hydrating & Illuminating Primer (R269,95, Clicks) se formule laat jou vel glansend en sag voel. Dit werk wonderlik onder grimering, of soos ek dit dra – sonder grimering en ná my sonroom. 4. Die Gatineau Defi Lift…

Ons moet ongelukkig beplan wat in die geval van sterfte, siekte of ongesldktheid gebeur. Ons grootste bate is immers die vermoë om te werk en 'n inkomste te verdien. Wat gebeur as dit nie meer moontlik is nie? Elke mens, gesin en onderneming se risikobeplanning is anders. Risikodekking is ook nie 'n statiese produk nie, en moet aangepas word namate jou behoeftes, inkomste, verpligtinge en lewe verander. 'n Eenlopende jongmens se risikodekking sal byvoorbeeld wesenlik verskil van die dekking wat 'n individu met 'n ondememing en 'n gesin nodig het. Risikodekking kan uit die volgende komponente bestaan: > Lewensdekking > Dekking vir emstige siektes > Ongeskiktheidsdekking > Inkomstebeskerming > Besigheidsversekering (Dit kan baie omvattend wees en selfs voordele soos opvoedingsvoordele vir jou kinders en begrqfnisdekking insluit.) As jy skuld het,…

Magriet Groenewald leer van vars en bestaande entrepreneurs tot bekendes in die vermaaklikheidsbedryf – vir wie die blote gedagte aan sosiale media hul hare laat regop staan – hoe jou handelsnaam kan vlam vat wanneer jy jou unieke vingerafdruk daaraan koppel. Magriet het as een van ses kinders op 'n plaas buite Clocolan grootgeword. Hoewel sy baie lief is vir die plaaslewe, wil sy eerder wees waar die dinge gebeur. G'n wonder sy kan daarmee spog dat sy al vir die bekendste rooikop van alle tye, prins Harry, 'n perd opgesaal het nie! Hierdie gebore Vrystater het aanvanklik ingenieurswese studeer, maar het uiteindelik haar honneurs in bemarking aan Kovsies voltooi waar sy ook as junior dosent gewerk het. Hier het sy met slegs boekekennis gevoel dat sy niks van die…

Nuwe wyne van Bonnievale Pieter Rossouw se wynreeks, Gabriel & Gysbert, is 'n ode aan sy oupas na wie hy dié reeks genoem het. Die eerste twee wyne – albei uit die 2021-oesjaar – 'n chardonnay en 'n cabernet sauvignon, is onlangs bekend gestel. Die vrugte kom van die familieplaas buite Bonnievale. Sy oupas, Pieter Willem Gabriel en Dirk Gysbert Van Renen, was onderskeidelik 'n passievolle wingerdboer en 'n distilleerder vir Stellenbosch Farmers Winery. “Ek en my broer het hul name geërf, maar hierdie wyne gaan oor hulle en hul nalatenskap in Bonnievale.” Pieter het om die wêreld heen vir voorste wynkelders gewerk, voor hy in 2017 na Suid-Afrika teruggekeer het. Die Gabriel & Gysbert Kwartskop Cabernet Sauvignon is by www.gabrielgysbert.com teen R250 per bottel beskikbaar. ROODEBERG EN ROOIFLUWEELKOEK! Roodeberg…

Hulle noem dit nomofobie. Die vrees om sonder jou selfoon te wees, en dis inderwaarheid 'n vrees wat jou beetpak as jy jouself die dag by die werk of elders sonder jou selfoon bevind. Waar is die dae toe jy nog jou handsak kon neem en net geloer het ofjou sleutels en beursie daarin is? Deesdae maak jy nie net seker dat jy jou selfoon het nie, maar ook Ousus en Kleinboet moet hul selfone by hulle hê. Selfone is so deel van ons lewe dat jy jouself beswaarlik sonder ene kan indink. Martin Cooper, die Motorola-ingenieur, wat in 1973 die eerste selfoonoproep in die wêreld vanuit New York gemaak het, sou seker nooit kon raai dat die selfoon so sou ontwikkel het tot die slimfoon wat dit vandag is…

KENNER GEE RAAD TUINPAADJIES Craig de Necker van The Friendly Plant sê jy moenie net aan tuinpaadjies dink as 'n manier om toegang te verkry nie, maar ook 'n manier om verskillende dele van die tuin ten toon te stel. Wanneer jy op 'n paadjie stap, kan jy die natuur wat jou omring ten volle waardeer. Hy beantwoord 'n paar vrae. Watter verskil maak 'n paadjie aan 'n tuin? ‘n Tuinpaadjie laat jou toe om 'n reis deur die tuin te neem. Dit maak dit makliker om by die verskillende dele en kenmerke van die tuin uit te kom. Moet 'n paadjie by jou huis se boustyl en jou tipe tuin pas? Ideaal gesproke moet 'n pad nie net by die argitektoniese en tuin se styl pas nie, maar dit…

mense Toe die akteurspaar Anel en James Alexander vyf en 'n half jaar terug hul tasse gepak het om hul blink Hollywooddroom na te jaag, het hulle geen illusies gekoester nie. “Ek en James het nie weg van iets gehardloop nie, maar na iets toe,” sê Anel. “Ons wou eerstehands meer van die vermaaklikheidsbedryf in Amerika leer en brûe tussen Suid-Afrika en Amerika bou.” Anel en James het hul huiswerk deeglik gedoen. Hulle het Los Angeles twee keer verken voordat hulle die yslike sprong gewaag het en deur al die prosesse gegaan het om Amerikaanse bmgerskap te kry. “Ons het voor ons groot skuif wêreldwyd gereis, maar dit is inderdaad anders om op 'n plek te gaan woon as om daar vakansie te hou,” vertel sy. Van tamaai groot sakke…

Hoekom dink jy geniet mense dit om krimi's te lees? Ek dink lesers geniet dit om saam met die hoofkarakter die misdade op te los. Dis soos 'n raaisel waaraan die leser werk en daar is die vooruitsig dat die boef aan die einde van die boek sy moses gaan teëkom. Dis nie iets wat ons in die werklike lewe altyd sien nie. Waar kry jy die krag vandaan om te midde van 'n groot gesondheidsuitdaging, soos kanker, steeds te skryf en boekbekendstellings by te woon? My krag kom van Bo. Daar is dae wanneer alles te veel lyk, maar ek druk deur en doen wat gedoen moet word met die krag wat deur genade aan my gegee word. Wie is Madelein Rust? Ek is as mens en as skrywer…

mode VIND HIERDIE ARTIKELS BY: COUNTRY ROAD, WITCHERY EN WOOLWORTHS WWW.WOOLWORTHS.CO.ZA CRYSTAL BIRCH WWW.THEREALCRYSTALBIRCH.COM FOREVER NEW WWW.FOREVERNEW.CO.ZA FOSCHINI WWW.FOSCHINI.CO.ZA H&M STUDIO WWW.H&m.CO.ZA JANGI ACCESSORIES WWW.JANGIACCESSORIES.COM KIRSTEN GOSS WWW.KIRSTENGOSS.CO.ZA LOYISA WWW.LOVISAJEWELLERY.CO.ZA POETRY WWW.POETRYSTORES.CO.ZA STEVE MADDEN WWW.STEVEMADDEN.CO.ZA THAT SHOE LADY WWW.THATSHOELADY.CO.ZA THE DESIGNER WAREHOUSE WWW.FAVEBOOK.COM/TDWEMPORIUM THE FIX WWW.THEFIX.CO.ZA VOGUE EYEWEAR WWW.VOGUEEYEWEAR.COM/ZA ZARA WWW.ZARA.COM/ZA STILISTE TYLA JOHANNESSEN & ZEENAT KHAN FOTO'S GARETH VAN NELSON/ HMIMAGES FOTOGRAAF-ASSISTENT KYRA WELCH HARE EN GRIMERING YUSRA DAVIDS MODEL MELISSA MAGIERA BOSS MODELS…

Aromaterapie met SoiL-selfsorgarsenaal Die inaseming van essensiële olies is die vinnigste manier om die effek en voordele daarvan te ervaar. Wanneer jy die olies inasem, beweeg die molekules deur die reukkanale na die brein, spesifiek die limbiese stelsel en die amigdala, wat jou bui, geheue en emosies reguleer. Dit kan ook op jou vel gebruik word, maar moet liefs met draerolies, soos klapperof olyfolie, verdun word. Essensiële olies kan jou help om te ontspan, energie te gee en selfs pyn te hanteer, asook ons emosies en bui help balanseer. Maak nie saak wat jy probeer bereik nie, daar is waarskynlik 'n essensiële olie daarvoor. PROBEER DIT! SOiL is 'n plaaslike, volhoubare maatskappy wat al jare vir hul etiek en regverdigheid bekend is. Hulle is Fair For Life- en ECOCERT-gesertifiseer en…

“Ek wil daardie tyd nooit weer oor hê nie!” Só sê Leandi* oor die jaar toe haar dogter, Megan*, wat toe 14 was, haarself gesny het. Sy vertel: “Megan was tien toe ek en haar pa geskei is. Ek en my eks het steeds 'n goeie verhouding en hy is sover sy werk dit toelaat by haar betrokke. Ek het ná die egskeiding vir werk Johannesburg toe getrek en Megan is saam. “Dit het aanvanklik goed gegaan. Sy was gelukkig in die skool en het goeie maats gemaak, maar toe het sy met wiskunde begin agter raak. Ekstra klasse het nie gehelp nie. Sy het dit nie goed hanteer nie. Sy het erge maagpyn en kopsere ontwikkel. Dinge het stelselmatig vererger en sy het later geweier om skool toe te…

Dit maak nie saak wat jou fiksheidsvlak is nie, ordentlike skoene is uiters belangrik. Die nuwe Flex To Flow-tekkies van Under Armour het ten doel om enige tipe oefening te vergemaklik en verbeter danksy die Warptegnologie wat die skoene na die vorm van jou voet vorm. Slim! Dis geskik vir HIIT, crossfit, hardloop en selfs Pilates, en is gemaak van materiaal wat asemhaal en jou voete koel hou. Under Armour Flex To Flow R2 999, Under Armour-winkels…

• Onthou dat iets dalk vir jóú logies is, maar nie noodwendig vir jou kliënte nie. Deel selfs die eenvoudigste goed oor jou handelsmerk. • Jou sosialemediabeeld hoef nie foutloos te wees nie. • Jy mag maar 'n blaps maak wanneer jy 'n video maak en jou hare hoef regtig nie perfek te lyk nie. • Jy kan almal nie altyd help of tevrede stel nie. Moenie 'n slaaf van mense word wat deur vrees en angstigheid gedryf word nie. • Besluit of die dinge waaraan jy tyd gee vir jou geld inbring of net jou tyd mors. • Moenie geleenthede reg voor jou oë miskyk omdat jy te ver mik nie. • Die vryheid om vir jouself te werk, maak jou vir jou eie groei en ontwikkeling verantwoordelik. •…

Vyfgraneslaai + 6 porsies 80 ml (⅓ k) pêrelgort 80 ml (⅓ k) freekeh (sien wenk) 80 ml (⅓ k) bruinrys 80 ml (⅓ k) rooi quinoa, afgespoel 80 ml (⅓ k) koeskoes 3 lemoene 80 ml (⅓ k) olyfolie 30 ml (2 e) suurlemoensap 1 klein rooiui, fyngekap 70 g haselneute, fyngekap 200 g fetakaas, gekrummel 250 ml (1 k) platblaar-pietersielieblare 1. Kook gort, freekeh en rys in pot met kookwater vir 25 minute of tot sag. Spoel onder koue water af en dreineer goed. 2. Plaas intussen quinoa en 160 ml koue water in pot. Bring tot kookpunt. Verlaag hitte, laat prut en roer af en toe vir 15 minute of tot meeste van water ingetrek het. Verwyder pot van hitte. Bedek en laat staan vir 5 minute. 3. Plaas koeskoes en 80 ml kookwater in groot hittebestande bak.…

dekor Die Lattimer-gesin, Brandon, Monique en hul vier kinders, het drie jaar gelede 'n tuiste in De Zalze-wynlandgoed buite Stellenbosch gevind. Twee kinders is op universiteit en twee nog op skool, maar dis eintlik die vierbeenkinders wat die huis op horings neem. Twee honde, Carli en Fendi, en 'n kat, Daisy, maak van die Lattimers se huis 'n ware tuiste. Die vierslaapkamerhuis met sy ruim onthaalplek, oopplanwoonvertrekke en stoep wat oor Stellenbosch se wynlande en selfs Tafelberg uitkyk, is 'n ware weerspieëling van Monique se kreatiwiteit én hul leefstyl. Bitter min van die vierslaapkamerhuis in die tipiese volkskundige boustyl eie aan die Kaapse wynland is oor en die stylvolle en kontemporêre huis wat nou daar pryk, se opknappingswerk hou nog nie op nie. Monique vertel dat hul huis 'n ware…

In my intemetsoektog na die woord “middeljarekrisis” word ek met advertensies en foto's van spoggerige sportmotors in elke kleur en vorm denkbaar gebombardeer. “Midlifi crisis car,” staan daar nogals bo-aan die ry foto's. Ek raak nuuskierig en klik op “sien meer”. Dit blyk motors – dié wat plat, blink en vinnig is – is volgens Google bo-aan die wenslysie van mense wat die sogenaamde krisis trotseer. “Wat 'n cliché!” sê 'n vriendin wat onlangs 47 geword het. Haar man is ook in sy middeljare en nie een van hulle spog met 'n sportmotor, seilboot, nuwe lyf of jong blaar (of bokkie) aan hul sy nie. Sy lag. “Ek weet nie of ons dalk die uitsondering is nie!” En dan op 'n ernstiger noot: “Ons moes eerder ons denkwyses as ons…

reis In St Ives gekom, kan 'n mens skaars wag om elkeen van die naburige dorpies te voet te verken. “Mooi meubels,” kom dit van my sielsmaat, terwyl hy na 'n venster langs die busstop wys waarby ons eíFens leepoog met ons wieletjiestasse na ons Airbnb verbystap. Danksy treindrywers wat staak, het ons vyf en 'n halfuur se treinrit uit Londen toe sommer lamhoude van 'n halwe dag geword – en hy is halfverbaas dat die Skandinawiese meublement uit die jare vyftig nie my aandag trek nie. “Mooi meubels inderdaad,” kom dit vriendelik van 'n man wat van voor af aankom en só kiy 'n tradisionele Engelse kusdorp bekend vir skons en clotted cream 'n Suid-Afrikaanse geur. Vrystater Erasmus Cloete, “noem my sommer Rassie”, draai net so om en stap…

brei rooirose BÊREPATROON Afkortings aw – aweregs gl – glip Kerh – herhaal kn – kabelnaald ks – koussteek oorbl – oorblywende r – regs RK(V) – regte kant (voor) ste – steke tgso – trek glipsteek oor VK(V) – verkeerde kant (voor) vlg – volgende vmeer – vermeerder WAT HET JY NODIG? + 8 balle Afrícan Expressions Desire (100 g) (45% Merino Wool, 45% Kid Mohair, 10% Mulberry Silk) + 4 mm-naalde + 4,5 mm-sirkelnaald + Kabelnaald + Steekhouers of haakspelde (vir hals) GROOTTE 100 cm breed x 62 cm lank KABEL As die kabel in reksteek is soos die een op die foto, brei jy altyd 2-4 steke aweregs weerskante van die kabel sodat dit mooi uitstaan. Hierdie spesifieke kabel word die perdeskoen of horseshoe genoem. Die vleg van die kabel word altyd op 'n regs-ry gedoen. Doen dit só…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 LEIDRADE DWARS 1. Taamlik oud (7) 4. Gesigseinder (3) 6. Pienk wyn (4) 7. Onophoudelik babbel (6) 9. Treur oor (8) 11. Goed bekend met (8) 13. Elk op sy beurt (6) 14. Slegsê (4) 16. Versadig (3) 17. Redenaarsverhoog (7) AF 1. Baie droog (3) 2. 'n Bybelboek (6) 3. Duisternis (8) 4. Oomblik (4) 5. Met 'n sterk fokus op die dood (7) 8. Groot verandering (8) 9. Maak hare met hul netjies (7) 10. 'n Balsport met elf spelers per span (6) 12. Patroon (4) 15. Jong skaap (3) BLOKRAAI 6 LEIDRADE DWARS 1. Digreël (4) 4. Ma se pappa (4) 8. Feetjie (5) 9. Skare (5) 10. Pronkvoël (3) 11. Nukke (5) 13. Vadoekplant (5) 15. Geldstraf (5) 18. Oogpunt (5) 21. Uit gevaar help (3) 22. Tjoekie (5) 23. Naaldbome (5) 24. Edik (4) 25. Advies (4) AF 2. Na tiende (5) 3. Groot bote (5) 4. Toedraai…

VEEARTS BEANTWOORD VRAE KAN HONDE HIPERAKTIEF WEES? Francois Grobler van Roodepoort vra: Dr René Smit van die Lyttelton-dierehospitaal: Ja, en hulle kan om verskeie redes hiperaktief wees. Hul ras, ouderdom, 'n gebrek aan stimulasie, en moontlike angsverwante toestande kan 'n rol speel. Sekere honderasse is ook geneig om energieker te wees, soos Staffies, Skotse skaaphonde, Jack Russell-terriërs en Belgiese herdershonde. Jy kan help om jou hond se ekstra energie te bestuur deur sosialisering (byvoorbeeld 'n honde-speelskool), behoorlike opleiding en voldoende daaglikse fisieke oefening en breinstimulasie. Dis veral tydens die vormingsjare belangrik om hiperaktiewe gedrag te voorkom. As jou hond se energie met angs- of ander mediese toestande verband hou, raadpleeg asseblief jou veearts. - Lyttelton-dierehospitaal het ook 'n hondeskool in Centurion. Bel 012 664 5763 om jou hond vir 'n…

Kyk net die vrolike saliegroen bandana. Die Summer in Sagebandana kos R129,99 by www.dearpet.co.za Geruit en elegant! Hierdie dierebed sal vir jou hond én sy baas baie gelukkig maak. Die Designer Muffin Pet Bed kos R594 en is via www.superbalist.com beskikbaar. House of Chommies is 'n splinternuwe luukse leefstylwinkel in Tuine, Kaapstad, en dierekinders is ook daar welkom. Daar is selfs 'n binnehof waar hulle kan baljaar terwyl Ma en Pa iets vir hul beste vriend koop. Benewens Chommies se leefstylprodukte, is daar ook 'n eksklusiewe reeks vir honde. Die eksklusiewe produkte word in hul Chommieswerkswinkel gemaak. Dit sluit pragtige kraletjiehalsbande en leibande in. Meer inligting by www.chommies.co.za…