Innholdsfortegnelse for December 2022 i Rooi Rose

Ek kyk nou die dag na my vol dagboek wat met werksdinge oorloop én my persoonlike lysie van dinge waarby ek graag nog vanjaar wil uitkom. Ek wonder hoe ek ooit alles gedoen gaan kry, want die dae is só besig. Voor 'n mens jou oë uitvee, is nóg 'n week verby, en as jy weer sien, is dit sommer al 'n ander seisoen! Praat jy met ander mense, vertel hulle dieselfde storie - dat tyd verbysnel en baie dinge agterweë bly. Hier staan ons immers weer aan die einde van 'n jaar. 'n Jaar wat dalk met goeie voomemens begin het, wat dalk sommer vroeg al daarmee heen was. Daar is nog heelwat dinge op my persoonlike doenlysie wat nog wag om afgetik te word, maar daar is gelukkig…

Corli Botha kom saam met die somerbries by die deur ingewaai, haar wange blosend. Sy was nog nooit voorheen so gelukkig, bemind en tevrede soosjuis nou nie. Die pragtige Ontbytsake-sjef en kookboekskrywer wat in 2016 die werklikheidsprogram Koekedoor gewen het, straal behoorlik ná haar onlangse verlowing aan haar geliefde, Waldo Prinsloo, en oor die vooruitsig van hul troue in Januarie. Daar was 'n tyd, skaars vier jaar gelede, wat dit ná die verbrokkeling van haar huwelik vir Corli gevoel het asof die stukke van haar lewe in skerwe voor haar lê. andag glo sy daar is altyd hoop. “Ek was gebroke en het nie geweet waar om te begin om die stukkies op te tel nie. Ek het op my kinders en my werk probeer fokus, en elke dag gevat…

Hierdie maand gesels ons oor vellies, gospelmusiek, hoop en verlies. Cordelia oor hoop ná verlies Cordelia dra haar nuwe enkelsnit “Hoop” op aan almal wat naby haar was en wat sy aan die dood moes afstaan. “Anker” is die sangeres se derde enkelsnit en volg haar groot treffer “Mal in jou kop”, waarvan sy onlangs ook 'n dansweergawe uitgereik het. Sy is ook in 2016 vir 'n HuisgenootTempo-toekenning vir Popalbum van die Jaar, asook vir Maroela Media se Album van die Jaar benoem. Sy was voorts in die kykNET-reeks Sterlopers en die fliek Gebore Talente te sien. Dewald Gouws en Hemelbesem Dis Dewald, een van Suid-Afrika se gewildste Afrikaanse gospelsangers, se doelwit om vir mense “die ligter, liefdevoller kant” van geestelike musiek te wys. In sy jongste enkelsnit “Die Evangelie”…

mode STILIS AMY STEENKAMP STILIS-ASSISTENT TYLA JOHANNESSEN FOTO'S GARETH VAN NELSON/ HMIMAGES FOTOGRAAF-ASSISTENT KYRA WELSH HARE EN GRIMERING MARLOU SIMS MODEL CELÉ D/THE CIRCLE MODEL MANAGEMENT PLEK THE LOG CABIN…

Is jy lus vir 'n paar uur se pret en plesier en om te leer hoe om altyd op jou beste te lyk? Hannon reis die land vol en wil graag ook in jou dorp kom kuier. Waar moontlik klim rooi rose saam op die bus om in elkeen se hande te beland. Op 27 Augustus het verskillende generasies van vroue by die Curro-skool op Secunda bymekaargekom waar almal aan 'n ander era se mooimaak en mode blootgestel is. Hannon het gewys dat skoonheid saam met verskillende ouderdomsfases verander, maar dat jy as vrou op enige ouderdom steeds die mooiste weergawe van jouself kan wees. Almal is met hope mooimaakwenke en 'n rooi rose onder die arm daar weg. Skoonheid kan ook vir 'n goeie doel aangewend word en Hannon…

Sê kaas! Kerstyd beteken lekker kos en baie foto's … Maak seker jou glimlag is ekstra blink. HEERLIKE HEUNING Heuningbostee is van die Cyclopia-plant afkomstig wat in die Wes-Kaap se fynbosboom groei. Dit word dikwels met rooibostee (wat ook 'n fynbosspesie is) vergelyk omdat dit eenders proe, maar heuningbostee is effens soeter met unieke veldgeure en hope gesondheidsvoordele. Dis propvol antioksidante wat help om diabetes te behandel, inflammasie te verminder, bloeddruk te verlaag en HDL-vlakke (hoëdensiteit-lipoproteïen, wat goeie cholesterol is) op te stoot. Dit kan ook gebruik word om van 'n hoes tot menopousale simptome te behandel. Dit reguleer verder jou spysverteringstelsel. Cape Fynbos Tea se Honeybush Tea is die eerste heuningbostee wat die CANSA Smart Choice Seal of Recognition ontvang het, en is teen R60 per boks (20 teesakkies)…

aktueel Selfs al dink jy jy is iemand wat glad nie tegnoslim is of selfs van tegnologie hou nie, word 'n mens daagliks daarmee gekonfronteer. Van die rekenaarstem wat jou bel en vra of jy 'n lening wil uitneem, die Facebook-advertensies oor 'n vakansie wat jy gegoogle het tot die skool se toep wat sê dat skoolfondsstate uitgestuur word. Tegnologie groei met 'n spoed en dit wat 'n paar jaar gelede onmoontlik gelyk het, is nou moontlik. Dit raak jou persoonlik en ook alle vlakke van die samelewing, soos kerke. As 'n mens na die geskiedenis kyk, sal jy sien dat innovering en godsdiens nog altyd 'n interessante verhouding gehad het. Kyk maar net wat het kerkleiers met Galileo Galilei gemaak. Toe hy saam met Copernicus gestem en gesê het…

Yolanda Bukani het 33 jaar gelede in die skilderagtige klein dorpie Alice in die Oos-Kaap haar eerste lewenslig aanskou. As enigste kind het sy sorgeloos aan die oewer van die Boesmansrivier in Kenton-on-Sea grootgeword. Sy het groot toekomsdrome gekoester en hoewel sy 'n stil en ingetoë kind was, was sy 'n rabbedoe en het sy haar stempel op die sportveld afgedruk. Sy het in atletiek uitgeblink, in die 100 m-naellope op provinsiale vlak deelgeneem en ook van graad 10 tot 12 vir die eerste span netbal gespeel. Haar sportprestasies is met talle toekennings bekroon. Die entrepreneur in haar het ook op skool kop uitgesteek. “Ek het lekkergoed aan my skoolmaats en vars groente aan bejaardes, wat nie by die winkels kon uitkom nie, verkoop. Ek wou van kleins af iets…

Glip hierdie boek in jou Kerskous en leer meer oor vonkelwyn. Sparkling Wine for Modern Times deur Zachary Sussman en Punch-redakteurs is dié gids vir alles wat jy oor vonkelwyn wil weet, kompleet met bottel-aanbevelings, kleurryke infografika en geillustreerde gidse. Hierdie toeganklike boek verken die mens se fassinasie met vonkelwyn en plaas elke streeksuitdrukking binne die wyer wyntydsgees. Vir enigiemand wat al ooit gewonder het hoekom borrels tot verjaardae en vakansiedae beperk is, is Sparkling Wine for Modern Times jou goeie gids om die hele jaar vonkelwyn te geniet. Teen R344 aanlyn by www.exclusivebooks.co.za of in takke landswyd beskikbaar.…

As jy weet hoe om vir dié plante te sorg, sal dit jou jare se plesier verskaf. ANTHURIUM Waar kom dit vandaan? Dit kom natuurlik in die tropiese reënwoude van Sentraal- en Suid-Amerika voor, maar dié wat ons ken, is hibriede daarvan. Sorg só vir jou anthurium Die plante, wat ook as flaminkplante bekend staan, floreer in woudtoestande. Hulle is dus sensitief vir koue en het temperature van tussen 15 °C en 32 °C nodig. As dit buite groei, sal temperature laer as 15 °C dit beskadig. Dit aard ook nie goed in winderige toestande nie. Binnenshuis het dit 'n konstante warm temperatuur nodig, weg van 'n koue trek. Dit doen goed in helder direkte lig, maar nie in direkte sonlig wat die blare sal brand nie. As dit nie…

In Delia Owens se roman, Where the Crawdads Sing, word 'n moord gepleeg. Die Zambiese owerhede het kort ná die rolprent uitgereik is, laat weet dat hulle Delia en haar eksman wil ondervra oor 'n moord op 'n stroper in 1995. Albei het 'n teenstropingsprojek in Zambië bestuur. In Guardians of the Galaxy het Chris Pratt glo sy kostuum “geleen” en nooit weer teruggegee nie. Sy verduideliking was dat hy dit wou aantrek wanneer hy siek kinders in die hospitaal besoek! Dallas Buyers Club met Matthew McConaughey se begroting was so skraal dat daar feitlik nie geld vir grimering was nie. Toe wen die fliek 'n Oscar vir beste grimering!…

Lizzy het 'n sertifikaat om te bewys sy het 'n graad van 'n aard. Net-net gemaak. BA Tale. Nou nie juis iets wat in 'n goue raam in die voorportaal uitgestal word nie. Maar met BA Mansoek behaal sy meer sukses. Daarin slaag sy cum laude. Sien, toe Lizzy sewe en 'n half maande oud was, het sy haar eerste skoonheidskompetisie gewen. Mejuffrou Baba Benoni. “'n Tjek van R50,” het haar ma by die jaloerse familie gespog. “Selfs 'n foto in die vemiet-koerantjie.” En Lizzy het nog nie ophou wen nie. Was twee keer Mejufirou Aartappel by die skou, tweede prinses vir Mejuffrou Vaalrivier en nou die grote! Finalis vir joolkoningin! “Ek werk my as af,” kla sy by haar ma. “Vir elke liefdadigheidsorganisasie onder die son, vir weggooihonde en…

My eerste liefdesteleurstelling was nie my eie een nie. Dit was Doepie s'n. Doepie wat'n ruk in die woonstelletjie agterin ons erf gewoon het. Ma het gereeld loseerders ingeneem. Doepie was pas klaar met matriek en het as 'n teller in die Volkskas-bank in ons dorp se hoofstraat begin werk. Dit was die jaar toe ek 13 geword het. Ek, 'n enigste kind en knaend na geselskap op soek, het graag by Doepie gaan rondhang wanneer hy daar was. Hy het dikwels vir ons plate op sy Sanyo-musieksentrum gespeel. Neil Diamond. Nana Mouskouri. Simon and Garfunkel. Doepie het so vier of vyf langspeelplate gehad. Een middag toe ek daar kom, sit Doepie op die bank, sy das halfmas om sy nek, met Sanyo se luidsprekers waardeur die Staccatos sing: “Don'tyoufeel…

mense Op 22 Februarie 2022 het Hunter Roux van Niekerk sy eerste lewenslig aanskou. Dié klein knapie met die groot oë en spesiale geboortedatum het op presies die regte tyd sy opwagting in hul lewe gemaak. Só sê sy ma, die TV-aanbieder en -vervaardiger Janina Oberholzer, oor haar en haar man, Ryno, se eersteling. Hier waar ons in 'n gesellige Pretoriase restaurant sit en gesels, is die geluk oor haar seun amper tasbaar. Janina, elegant aangetrek, haar hare in 'n hoë poniestert vasgebind en bloedrooi lipstiffie aan, haal haar selfoon uit haar handsak en deel trots 'n foto van haar oogappel: “Is hy nie net die mooiste ding nie?” Vandag draai haar lewe om Hunter en voel die aanloop tot sy geboorte byna onwerklik. Die reis na ouerskap was vir…

Anton Goosen het in 1980 op toer veldskoene aangeskaf en dit vir jare gedra. Met veldskoene se toenemende gewildheid is hy gevra om 'n reeks skoene, genoem na Sonja Herholdt se “Jantjie”, te bemark. 'n Reeks vir vroue, naamlik Katryntjie, gaan volg. Sy ongemaklikste oomblik op die verhoog was toe die veters van sy Kudu-skoene agter die verhoog gebreek het en hy dit met elektriese draad moes vervang. Dit het toe 'n hele skets op die verhoog geword met die slotsin: “Jy kan die elektriese veters inplug, dan kry jy die beat.” Hy dink daar is dalk vandag te veel sangers met die oorskakeling na digitale verspreiding toe CD's ophou bestaan het. Maar op die ou einde sif die mark homself en as 'n liedjie die tyd deurstaan, was dit…

skoonheid 1. S&S CLEARLIFT LUNCH TIME FACE LIFT “ClearLift Laser Facelift-behandelings maak van 'n kragtige Pixel Q-Switch-lasertoestel gebruik. Hierdie doelgerigte ligterapie stimuleer die vervaardiging van kollageen onder die vel se oppervlak,” sê dr Saumya T Gautam, die mediese estetikus wat my behandeling gedoen het. “Nuwe kollageen is die sleutel tot 'n jeugdige gloed en fermer vel. Soos ons ouer word, neem die vervaardiging van kollageen dramaties af en dit lei tot fyn lyntjies, plooie, kringe onder die oë en ander tekens van veroudering. Geen naalde of verdowing is tydens die prosedure nodig nie, want jy sal amper geen pyn ervaar nie en geen hersteltyd is daarom nodig nie. “ClearLift word die ‘middagetegesigsontrimpeling’ genoem omdat dit net 20 minute neem om die behandeling te voltooi. Daarna kan jy met jou daaglikse…

Pynlike seks is ongelukkig iets waaroor pasiënte daagliks in my spreekkamer kla,” sê dr Jireh Serfontein, 'n algemene praktisyn en seksuoloog van Pretoria. “Al toon studies dat een uit vyf vroue in hul leeftyd dié probleem aan eie lyf sal voel, is ons SuidAfrikaanse gemeenskap in wese konserwatief, en daarom bly dit 'n taboe onderwerp. Duisende vroue wat met pynlike seks worstel, het nie die vrymoedigheid om hulp te soek nie. “Ek sien soms ouer vroue vir wie seksuele omgang al dekades lank seer is. Party sê hulle het aanvaar dat die eerste keer vir 'n maagd pynlik is en het geglo dit sou mettertyd beter word, maar toe dit nie gebeur nie, het hulle eenvoudig nie geweet wat om daaraan te doen nie. Ander vroue ervaar dié probleem ná…

Die somer is hier, maar baie van ons voel hierdie tyd van die jaar sommer uitgeput en glad nie lus om fees te vier nie. 'n Dag by die see of langs die swembad met ietsie kouds is dalk net wat ons nodig het om in die regte luim te kom. Hierdie verfrissende drankie is nie net alkoholvry nie, dit is ook propvol bestanddele wat jou gesondheid en bui 'n hupstoot sal gee. Dié ysteemengsel, wat van vlierblom en sitroengras óf hibiskus en roos gemaak word, het 'n goeie skoot koilageen (3 000 mg), superkruie (soos brandnetel, hermoeskruie en haagdoringbessie) en vitamien C in. Dis geskik vir diabete, bevat geen kafeïen nie, en is glutenvry. Die belangrikste natuurlik dit proe heerlik! The Wellness Blend Collagen Sparkling Tea R31,99, Faithful to…

Prof Anita beskryf tegnologie as onstuitbaar - 'n mens kan niks doen om die groei daarvan te keer nie. “Ek dink nie ons besef waarheen dit ons nog kan vat nie en ek dink hier kan die kerk 'n belangrike rol speel. Die kerk kan ons help om sin van 'n nuwe bestaan te maak. Ons het 'n verantwoordelikheid as akademici om met die kerk te gesels oor wat besig is om te gebeur en hoe hulle daarop kan reageer.” Prof Johan stem saam en sê dat godsdiensleiers, en veral akademici, 'n sleutelrol moet speel in die gesprek oor die etiek en filosofie van kunsmatige intelligensie en dit moet altyd 'n benadering wees wat om mense sentreer. Prof Anita sê digitale tegnologieë is meer as net uitvindsels. “Dit het te…

Al die vleisdisse kan by kamertemperatuur genuttig word. Varkrihstuk mct heuning-en-suurlemoen glaseersel 6 PORSIES WENK Begin hierdie resep 'n dag voor die tyd. 2 kg varklendeskyf, met ses ribbes 30 g seesoutvlokkies 60 ml (¼ k) olyfolie 30 ml (2 e) suurlemoensap 15 ml (1 e) heuning 30 ml (2 e) vars tiemieblare 2 selderystingels, grofgesny 1 knoffelbol, huisies geskei 15 ml (1 e) komynsaad 125 ml (½ k) groente-aftreksel 25 g botter 1. Sny varkvet elke 5 mm in ruitpatroon met klein, skerp mes. 2. Druk vleis met papierhanddoek droog. Vryf helfte van seesout in vet, werk goed in. 3. Blaas vleis met haardroër tot dit droog voel. Plaas vetkant na bo op bakplaat wat met bakpapier uitgevoer is. Verkoel vark, onbedek, oornag of vir 24 uur. Laat rus by kamertemperatuur vir 20 minute voor braai. 4. Voorverhit oond tot 240 °C.…

Wees eerlik met jou kinders, Beantwoord hul vrae totdat hulle die situasie verstaan. Baie kinders dink dis hul skuld. Jackie Laubscher van Kimberley sê sy het 'n oop verhouding met haar dogters, Marolene en Marné. “Ek verwag dieselfde van hulle. Ek glo hoe oper jou verhouding met jou kinders is, hoe meer vertroue het julle in mekaar.” Erken dat jy ook foute in die verbrokkeling van jul verhoudina gemaak het. Maak tyd om regtig na jou kinders te luister. “Hoe was jou dag? Wat het bu die skool gebeur?” Moenie jou kinders met geskenke probeer omkoop nie. Hou kommunikasiekanale oop. Verduidelik aan hulle wat gebeur het. Kinders weet baie meer as wat ons besef. Stel reels vas wat vir julle as gesin werk. Moenie alle dissipline oorboord gooi omdat jy…

Elizabeth Taylor is as die laaste van die groot Hollywoodsterre bestempel. Sy is in 2011 op die ouderdom van 79 oorlede. Haar pa was 'n kunshandelaar en haar ma 'n verhoogaktrise. Haar eerste rolprent was Lassie Come Home 0943), maar dit was 1944 se National Velvet wat van haar 'n ster gemaak het. Taylor het in een van die grootste rolprentflops ooit gespeel, Cleopatra 0963), wat MGM feitlik bankrot gemaak het. Sy was ses keer getroud, twee keer met Richard Burton. Nadat sy van Burton geskei het, het sy erken haar lewe het alle betekenis verloor en dat die mans ná hom “net goed genoeg was om die deur vir haar oop te hou”. Richard Burton is as Richard Walter Jenkins gebore. Hy is sewe keer vir 'n Oscar benoem, maar het nooit gewen nie. Taylor het twee Oscars…

mense WILLEM SÊ: “Die ‘Selfie’ Lip Gloss is die perfekte neutrale kleur om tydens die somer in jou handsak te hê.” Op 'n heerlike sonskyndag wag ek by 'n kuierplek op SteUenbosch vir die vrou wat 20 jaar gelede deur Amerikaanse soldate in Irak as hul gunsteling-pinup-meisie aangewys is. Sy is geklee in 'n kameelkleurige toppie en 'n nousluitende romp in slangvelmotief, en haar heuningbruin hare is in 'n kort poniestert vasgebind. Ek loer af na haar voete met “kort, boheemse stewels”, maak sy self die sin klaar en lag alte lekker vir haar eie stuitigheid. Die 38-jarige Minki is 'n mooi wat jy moeilik kan beskryf: fyn van postuur met rondinge op die regte plekke, 'n perfekte vel wat jou aan 'n romerige cappuccino herinner, en 'n glimlag wat…

VAKANSIETYD IS LEESTYD! Desember is die maand van somer, son en ontspan hopelik met 'n boek! Hier is vier boeke wat van geskiedenis en fiksie tot reisverhale wissel. Wieg JOAN KRUGER Litera, R379.50 Dié boek wat deur een van rooi rose se vorige redakteurs, Joan Kruger, geskryf is, word as 'n biografie, wat soos 'n roman lees, beskryf. Dit begin in die jaar 1700 in Amsterdam wanneer 'n 21-jarige meisie inderhaas met 'n wewenaar, wat haar pa kon gewees het, trou. Marie (Maria) Buisset is 'n vlugteling en weeskind uit Sedan, Frankryk, wat tydens die ergste Hugenootvervolging gebore is, Sy voer 'n pionierslewe in die verre voorpos waar sy die stammoeder van die Du Plessis-familie in Suid-Afrika word. Sy werk as vroedvrou en reik uit na die weerloses en vernielde…

mense Mens se lewensreis word 'n binnereis na selfontdekking wanneer jy te midde van die daaglikse gejaag en die rolle wat jy aangeneem het, tot stilstand ruk en wonder wie jy is en waarheen jy werklik op pad is. Zarine Roodt, wat haarself as 'n soeker en 'n memoiresskrywer sien, is ook 'n retraîtes-leier en opgeleide labirintfasiliteerder. Sy kan eerstehands oor dié universele vraagstuk getuig. Volgens haar is baie mense onbewus dat die lewensbetekenis waarna hulle smag binne-in hulself lê. Haar tweede boek, 'n Dagreis ver, wat vroeër vanjaar deur Naledi gepubliseer is, beskiyf haar staptog in 2018 op die Portugese Camino as aanloop tot haar 60ste veijaardag. Enkelreis, ook memoires, handel oor die labirinte wat sy in Engeland besoek het op die vooraand van haar 50ste veijaardag en hoe…

skoonheid VIR DIE KERSKOUS…

“Baie ma's vind dit moeilik om met hul dogters oor seks te praat,” sê dr Jireh. “Wanneer jou dogter begin menstrueer, is dit 'n gulde geieentheid om die kwessie van pynlike seks aan te roer. Julle gaan in elk geval besluit of sy doekies of tampons gaan gebruik en moedig haar aan om tampons of selfs 'n menstrual cup te kies. “Die meeste van my pasiënte met primêre vaginisme - vroue wat nog nooit in staat was om pynvrye seks te hê nie besef met die terugkykslag hulle kon tampons nie verduur nie. Vir hierdie vroue is enige vorm van vaginale penetrasie pyniik,” sê sy. Dr Jireh noem dat as jou dogter gemaklik met tampons is, leer sy meer van haar anatomie en raak sy gemakliker met haar geslagsdele. “Sy…

fiksheid NEEM JOU FIKSHEID NA DIE VOLGENDE VLAK GEWIGTE BO! Baie vroue voel geïntimideerd om gewigte op te tel. Die wanopvatting bestaan dat jy spiere bou wat jou manlik sal laat lyk, en daar is 'n vrees om seer te kry of 'n gek van jouself te maak. Die optel van gewigte is kragoefeninge omdat dit jou dwing om teen weerstand te werk om spiere te bou. Die hoeveelheid spiere wat jou liggaam kan bou, hang onder meer af van hoe swaar jy optel, hoe gereeld jy optel en natuurlik jou dieet. Jy wil jou spiere tot die punt van moegheid oefen - dis wanneer dit begin werk en wanneer spierweefsel afbreek. Jou liggaam reageer deur die weefsel te genees, wat die spier laat groei, dit sterker maak en uithouvermoë…

Dr Melodie vertel dat passievolle onderwysers omgee-uitputting of compassion fatigue beleef wanneer 'n kind in hul klas swaarkry. “Hulle gee om vir kinders en word geraak as hulle sukkel om die mas akademies of sosiaal op te kom, geboelie word of angstig of depressief is. Dit geld ook vir siekte, dood, verhoudingsprobleme, middelmisbruik of finansiële nood in die ouerhuis. Spieëlneurone werk in twee rigtings. (Lees gerus die kassie oor omgee-uitputting.) “Ten spyte van dié uitdagings word daar van onderwysers verwag om hul werk deeglik en met 'n glimlag te doen. Vir vermoeidheid, apatie, hopeloosheid en ander tekens van uitbranding is daar nie plek nie.” verduidelik sy. “Daar is min begrip vir kwessies soos onderwysers wat in twee geskeur is omdat hulle voel wanneer hulle slegs die vakinhoud onderrig, verloor hulle…

Wanneer jy 'n bestaande onderneming koop, is daar talle uitdagings en besluite. Buiten die feit dat jy harder as ooit werk sodat die onderneming 'n sukses kan wees, is jou gewilligheid om te leer en aan te pas nóg sleutelfaktore wat dit kan maak of breek. Een só 'n onderneming is Jan Pierewiet met hul leerprodukte. Twee skoonsussies het onlangs die handelsnaam oorgekoop, en herbou dit nou om hul eie, unieke stempel te dra. Min wetend dat 'n wêreldwye ekonomiese stilstand net ná die aankoop sou kom, het hulle die uitdaging vindingryk en optimisties aangepak. Meer oor die Janne Die eerste gedagtes wat by jou opkom wanneer jy aan die kusdorp Hermanus dink, is son, see, vakansie- en walvistyd. Dit is egter ook hiér waar die “Janne” (kort vir Jan…

Die verskil tussen Cap Classique en vonkelwyn, is dat vonkelwyn 'n kunsmatige produk is, waar 'n stilwyn in 'n druktenk geplaas word en koolsuurgas (CO2) ingepomp word. Die wyn word dan uit die druktenk - onder dieselfde druk - gebottel. Cap Classique ondergaan 'n natuurlike tweede gistingsproses in die bottel, waar die borrels natuurlik ontwikkel. Suiker en gis word by die basiswyn gevoeg sodat bottelgisting kan plaasvind. Ná die gis-kontaktyd word die gis na die nekvan die bottel gedraai (remuage), waarna dit verwyder word en die finale kurk en draadjie opgesit word (disgorgement). Cap Classique is duurder as vonkelwyn omdat die proses langer én die bottel duurder is, want dit moet die druk weerstaan en verpakkings-koste is hoër. In 1971 is SA se eerste vonkelwyn as Methode Cap Classique, die…

Die malvalekkers sal tot twee weke in 'n lugdigte houer in die yskas hou en kan twee dae voor die tyd gemaak word. Grenadella-malvalekkers PORSIE 24 4 grenadellas 30 ml (2 e) gelatienpoeier 250 ml (1 k) water 500 ml (2 k) strooisuiker 30 ml (2 e) vodka Rooi en geel voedselkleursel 120 g droë klapper METODE 1. Verwyder grenadellas se pulp. Gebruik polsknoppie om pulp in voedsel-verwerker vir 15 minute te verwerk om sap van sade los te maak. Giet deur fyn sif en druk saad om sap uit te kry. Jy het 60 ml se sap nodig. 2. Plaas sap in koppie, sprinkel gelatien oor, roer om te meng (die mengsel sal verdik). 3. Roer water en suiker in middelslag-pot oor matige hitte sonder om te kook tot suiker oplos. Bring tot kookpunt, roer gelatienmengsel en…

Die meeste mense is soms skrikkerig as hulle take moet aanpak. Hulle weet wat hulle wil hê en wat die regte stappe is om te neem, maar val vas in 'n fase van beredenering wat hulle daarvan weerhou om hul plan deur te voer. Só sê die professionele leefstylafrigter Berdine Bronkhorst. “Die skrywer Napoleon Hill het onderhoude met die suksesvolste mense gevoer en in die jare twintig die boek Think and Grow Rich geskryf. Een van sy gevolgtrekkings was as 'n mens 'n idee het van wat jy wil doen, sal jy slegs daarmee begin as jou idee 'n brandende begeerte word. “'n Normale begeerte word 'n brandende begeerte as jy meer tyd bestee aan dit wat jou idee is in teenstelling met hoe jy daar uitkom. Verander jou begeerte…

Dit maak die proses maklikervir kinders. Irene sê kinders pas makliker en vinniger by hul nuwe omstandighede aan. Dit bied di voordeel vart konsekwensie. As reëls in albei huishoudings ooreenstem, weet kinders wat van hulle verwag word. Daar is 'n gesonde voorbeeld om te volg. Irene voeg by dat ouers hul kinders kan help om 'n patroon te vestig wat hulle in die toekoms kan help om gesonde verhoudings te vestig. Dit verseker 'n kind wat geestelik an emosioneel gesond is. Irene benadruk dat kinders wat aan konstante konflik tussen ouers blootgestel word, geneig is om wangedrag te wys en kwessies soos depressie of angstigheid te ontwikkel. Gedeelde ouerskap is nie iets wat net gaan gebeur nie. Dit is 'n vaardigheid wat jy en jou eks sal moet aanleer. Neem…

Het jy al gehoor jy moet met jou plante praat? Daar steek glo waarheid daarin. Studies het getoon plante reageer op vibrasie, soos musiek of wanneer jy praat. Op die TV-program Mythbusters het hulle in een kweekhuis 'n klankbaan gespeei met iemand wat praat, en dit met 'n stil kweekhuis vergelyk. Dit was weliswaar nie 'n baie wetenskaplike studie nie, maar die plante in eersgenoemde het glo beter gegroei. Een van die vroegste studies oor die invioed van klank op plante is in 1962 deur dr TC Singh, hoof van botanie aan die Universiteit van Annamalai in Indië gedoen. Hy het blomplante aan klassieke musiek blootgestel en gevind hulle het 20% beter gegroei as die kontrolegroep sonder musiek. Hy het ook met behulp van luidsprekers Indiese klassieke musiek oor landerye…

WAT HET JY NODIG? 3 balle Elle Cotton (83 m per bal) in Taupe 4 mm-hekelpen 5,5 mm-hekelpen Grootte Pas kop van 57 cm Aanwysings Maak 4 ks, gs in lste st om ring te vorm. Rdte 1 1 ks, 6 kb in ring, moenie rdte sluit nie. Rdte 2 2 kb in elke kb rondom, plaas merker in laaste st (12 kb). Skuif van hier af met elke rondte merker in laaste steek. Rdte 3 1 kb in lste kb, 2 kb in vlg kb, *1 kb in vlg kb, 2 kb in vlg kb, herh van * rondom (18 kb). Rdte 4 | 1 kb in 1ste kb, 1 kb in vlg kb, 2 kb in vlg kb, *1 kb in elk van vlg 2 kb, 2 kb in vlg…

Sy moes ingesluimer het, want sy ruk wakker toe Dawid kom lê. Gewoonlik draai hy na haar toe vir 'n nagsê-drukkie. Nie vanaand nie. Hy kry nie sy lê nie. Dieselfde onrus wat hulle alhei treiter. Klik. Klik. Die badkamerskaal. Elke aand Klik. Klik. Die badkamerskaal. Elke aand hierdie tyd weee die kind haar. Die flegmatiese Dawid trap nie maklik uit sy ewewig nie. Daarom was sy uitbarsting daardie dag aan tafel vreemd. “Anna Maria, eet jou kos! Hoe lank wil jy nog sit en knaag aan daai drie ryskorrels?” Sy oë ysig. “Kyk hoe lyk jy, jy gaan nog deur jou eie gat val!” Grootoog kyk Anria na haar pa. Toe sak haar kop op haar arms. Skok en pyn ruk deur die brose lyfie. Eers het Helen haarself…

VEEARTS BEANTWOORD VRAE OUJAARJOLYT Wat kan ek doen om Oujaarsaand beter vir my diere te maak? — Miné Toerien van Pretoria Desember-vieringe kan tonne pret vir ons mense wees, maar die vuurwerkgeluide kan vir baie diere vreesaanjaend wees Hier is wenke om hulle te help: Maak vir hulle 'n plekkie reg waar hulle veilig en gemaklik voel, soos 'n donker kamer of krat. Dit is belangrik om seker te maak dat deure en vensters mooi toe is sodat daar nie enige ontsnaproetes is nie. 'n Mens kan selfs blindings laat sak of gordyne toemaak om die flikkerligte te blokkeer. Skep 'n ontspanne atmosfeer met rustige musiek om hulle kalm te hou. Dit is vir baie honde kalmerend om aan ietsie te kou. 'n Kalmeermiddel soos CalmEze kan oor die toonbank…

Jou dierekind moet ook mos spoggerig vir die feesmaal lyk. Die Dog's Life Bow Tie kos R50, www.petplus.co.za Hierdie oulike speelding vir honde maak geluide as daarop gedruk word. Die Rosewood Super Soft Festive Bear, R712, www.petplus.co.za Die speelding vir katte is te dierbaar! Die Koala Catnip Cat Toy kos R139,50, www.canineandco.co.za Kry jou en jou hond in 'n feestelike bui met dié oulike bandana. Die Xmas Pixel Reindeer Bandana begin by R49 en is in verskillende groottes beskikbaar, www.takealot.com…

mond tot mond Op 'n snerpende herfsoggend terwyl ons met behulp van 'n koppie sterk koffie verbete probeer wakker word - was dit nog donker buite die kombuisvensters toe huisvriende van ons se jongste knaap van ongeveer 12 jaar oud bieg dat hy nog nie sy huiswerk gedoen het nie. Die mannetjie moes daardie dag ál vier verse van “À Une Passante” foutloos voordra. Sy tydsberekening was vrot. Die laaste druiwe in die Sancerrewynstreek is die vorige dag geoes en ná die groot pars was sy ouers (én sy ouers se vriendin) behoorlik voos. Die nostalgiese gedig wat Charles Baudelaire neergepen het nadat hy 'n elegante vrou vlietend sou opmerk net om te besef, in die oomblik wat sy verdwyn, dat hy vir haar lief kon wees… was nie noodwendig…