Innholdsfortegnelse for November 2022 i Rooi Rose

redakteursbrief Ons almal behoort gaaf teenoor die omgewing te wees, maar in praktyk gebeur dit nie altyd nie. Die omgewing is ons “huis” en verskaf aan ons alles wat nodig is om te kan lewe - van kos en water tot die lug wat ons inasem. As elkeen net iets kleins bydra, kan dit ’n reuseverskil maak. Dis nie moeilik om net ’n bietjie meer bewustelik oor die omgewing te dink nie. Ek het nie ’n JoJo-tenk nie, maar ek vang reënwater in ’n drom op en kan my klein kruietuin vir weke daarmee natgooi sonder om water uit die kraan te tap. Só spaar ek water. As jy elke keer wanneer jy winkel toe gaan jou eie inkopiesakke saamneem, word dit later ’n gewoonte en het jy nie meer…

“My gunstelingtitel is ‘mamma’,” sê Rolene. “Ek geniet ma-wees ongelooflik baie.” Rolene en D’Niel verkies om nie hul seuntjies (twee en vyf) se name in die media te noem nie en plaas slegs foto’s wat die kinders van agter wys. “Ek het gekies om in die kollig te wees, maar my seuns moet die vryheid hê om mettertyd self daaroor te besluit. “Om seuntjies groot te maak, is nie maklik nie! Dr Emerson Eggerichs se boek Mother & Son: The Respect Effect het my lewe verander. Hy sê liefde is belangrik, maar respek is die sleutel tot jou seun se hart. “Vroue kyk na die wêreld deur ’n liefdeslens. Ons floreer wanneer ons geliefd en spesiaal voel. Mans beskou die wêreld deur ’n lens van respek. Hulle gedy op erkenning.…

WOORD Ek het nogal ’n intense verhouding met woorde. Daar is Afrikaanse woorde wat vir my so lelik is dat ek weier om dit te sê. En dit is woorde vir gewone dinge en nie eers taboe woorde nie. Dan is daar ander woorde wat my laat skaam kry. Ek sê hulle ook nie graag nie, maar ek sal as ek moet, soos makrolletjie (die Afrikaans vir macaroon). Ek dink ons moes harder daar probeer het … Daar is stapels en stapels woorde wat vir my pragtig is: pampoen, idillies, wolk, krisis … Maar my gunstelingwoord is karmosyn. BOEK As jy my môre vra, gaan ek iets weer anders sê. Maar vir vandag dink ek Christopher Hitchens se Mortality. SKRYWER In fiksie is dit SJ Naudé en in niefiksie is…

Hy sê: "Soms kan jy net die kaarte speel wat aan jou uitgedeel is. Ek het ’n wonderlike dokter, dr Russel Raath, van die pynkliniek by Jacaranda-hospitaal. My God is groter as die paar hekkies in die pad. Dit berei jou op die ewigheid voor. Soms moet ’n mens jou gat sien voor jy God sien.” Hy is ook diep dankbaar vir sy aanhangers se ondersteuning, want hulle dra hom. Die eerste keer toe iemand Thys vir sy handtekening gevra het, was hy uit die veld geslaan. “Dit is ’n lekker gevoel, want dit beteken dat iets wat jy doen, werk en dat iemand luister. En toe het Lydia Winchester in my lewe gekom. Wat ’n voorreg! Thys is nou deel van die tweemangroep Bosveld Broers met Johan du Toit.…

mode…

1. SKNLogic Retinol 0.5% Booster R280, salonne landswyd, is ’n vinnig absorberende retinolformule wat help om die voorkoms van fyn lyntjies, plooie en pigmentasie te verminder. 2. Bioderma Atoderm Intensive Eye R305,95, Clicks, is ’n produk wat spesiaal vir jou ooglede bedoel is, en as jy soos ek uiters sensitiewe oë het, het ’n mens soms iets nodig wat meer spesifiek te werk gaan. Gebruik dit as ’n reiniger om grimering te verwyder of om droë ooglede te behandel en sensitiwiteit te streel. 3. Pure Beginnings Sensitive Roll On Deodorant R6A,95, Dis-Chem is ’n natuurlike en organiese reeks van vel-, lyf-, tiener- en babaprodukte wat bewaring en biodiversiteit hoog ag. Die bestanddele word eties van landelike gemeenskappe in Suid-Afrika verkry. 4. Skin Republic Ceramide Face Mask R54,99, Clicks, het eenvoudige…

MAGTIGE MAGNESIUM ’n Studie wat in die mediese joernaal Nutríents gepubliseer is, het bevind dat pasiënte met prikkelbare dermsindroom (PDS) lae vlakke van magnesium gehad het. Hulle het ook bevind dat hierdie mineraal ’n primêre rol in die ontwikkeling van PDS kan speel. Magnesiumaanvullings kan dus grootliks simptome van PDS verminder asook jou slaapgehalte verbeter. Dis ook voordelig om jou stresvlakke te verminder, gereeld te oefen en jou dieet aan te pas om meer anti-inflammatoriese kosse in te sluit, meen Vanessa Ascencao, ’n voedingskonsultant en ’n gesondheids- en welstandskenner. Probeer om meer pampoen- en chiasaad, groen blaargroentes, amandels en kasjoeneute, salm, piesangs, avokado’s, borrie, gemmer en olyfolie in te neem. Probeer BetterYou Magnesium Oil Body Spray R224,95, www.wellnesswarehouse.com Bron: Natroceutics Superkos … koffie? Hierdie koffie is nie jou tipiese boeretroos…

Is jy na ’n nuwe oefening op soek? Pilates is nie net wonderlik om spiere (wat jy nie eens geweet het jy het nie!) te aktiveer nie, maar is ideaal vir enige ouderdom omdat dit lae impak is en jou toelaat om gemaklik te beweeg. The Pilates Differersce Studio is ’n Pilates-en-barre-studio op Plettenbergbaai wat ook aanlyn klasse aanbied. Die studio bied ook die Pilates Suspension Method (afkomstig van STOTT Pilates in Amerika). Dis ’n metode wat oefeninge van tradisionele en kontemporêre Pilatestoerusting kombineer en meer as 500 verskillende nuwe oefeninge skep. Dis veilig en doelftreffend vir alle vlakke en vermoëns wat beteken dat enigiemand daarmee kan begin. Pilates help om jou… ❖ stres te verminder ❖ energievlakke op te stoot ❖ maagspiere en kern sterk te hou ❖ postuur…

As jy gedink het skaapboerdery is net vir die manlike geslag bedoel, dink weer. In 2011 het Annelie en haar jongste dogter ná vyf jaar in São Paulo, Brasilië na Pretoria teruggekeer. “My man was die hoof van die First Rand-bankgroep in Suid-Amerika (Brasilië) as internasionale bankier. Hy moes daar aanbly en ek en my jongste moes terugkom sodat sy hier matriek kon voltooi het. Ons oudste het in daardie stadium in die VSA studeer.” Annelie en Charles is 36 jaar getroud. “Ons het as studente aan die Puk ontmoet. Ons het baie waaghalsige sakebesluite geneem, die meeste oor dinge waarvan ons niks geweet het nie. Ons het saam geleer en saam probeer.” Met Annelie se terugkeer na Pretoria het Charles grond met baie weiding in ’n pragtige landelike omgewing…

kos Geroosterde beesvleisen-koolslaai-rolletjies 4 PORSIES 80 ml (⅓ k) mayonnaise 80 ml (⅓ k) jogurt 1 k rooikool, fyngesnipper 1 k groenkool, fyngesnipper 1 wortel, gerasper 1 klein ui, dun gesny Hand vol babaspinasie of blaarslaai 250 g geroosterde beesvleis, gesny 4 volgraanbroodrolletjies, in helfte gesny 1. Meng mayonnaise en jogurt saam in bak. 2. Meng kool, wortels, ui en babaspinasie of slaaiblare saam. Geur goed na smaak. 3. Sit koolslaai en beesvleis op rolletjies om toebroodjies te maak. WENK Gebruik gerus gesnipperde ham of kalkoen as jy meer daarvan hou. Broccolipizza 2 PORSIES 1 kg broccoli 2,5 ml (½ t) seesoutvlokkies 60 g (¼ k) cheddarkaas 40 g parmesaankaas, gerasper 1 eier, liggeklits 130 g tamatie-passata 100 g bocconcini- of mozzarellakaas, in skywe 60 ml (¼ k) vars basiliekruidblare…

Prof Jonathan sê omdat die een tipe afpersing soomloos in die volgende een kan oorgaan, is dit nie maklik vir die slagoffer om te besef wanneer professionele hulp ingewin moet word nie. “Nabye vriende of familie behoort in staat te wees om hul eie ongemak oor die situasie en blote gesonde verstand te kan gebruik. Tekens van depressie soos neerslagtigheid, huilerigheid, onttrekking, verswakte konsentrasie, slaapprobleme, te min eet of ooreet en negatiwiteit tree gewoonlik prominent na vore by gevalle van emosionele mishandeling. Die persoon mag ook angssimptome ontwikkel soos slaapprobleme, rusteloosheid, episodes van paniek, verhoogde sweetrespons, versnelde hartklop en vermeerdering in kompensatoriese gedrag soos skoonmaak of oefen.” Suzanne voeg by: “Wanneer jy in jouself begin twyfel, wanneer jy jouself isoleer en mense vermy kan rooi ligte flikker. Jou vriende en…

Smee hegte verhoudings met ander. Vriendinne se waarde moenie onderskat word nie. Wees aktief sodat die nodige neurocKemikalieë vrugestel kan word. As jy jou kennis verbreed, gee jy ookjou gemoed ’n hupstoot. Vrygewigheid. Om te gee, bevoordee! die ontvanger sowel as die gewer. Wees tevrede. Leef gebalanseerd. Leef eenvoudiger en vermy negatiewe mense. Dis ook voordelig om te mediteer, in die buitelug te kom, jou met mense te omring wat nie jou stresvlakke verhoog nie en nie-veroordelend teenoor ander op te tree. Die publikasie Psychological Science meen mense wat gesellig, stabiel, hardwerkend en pligsgetrou is, is in die algemeen gelukkiger as ander. Vir baie mense is ware geluk die vermoë om gebalanseerd te leef. Verrig goeie dade sonder om dit aan die groot klok te hang. Omring jouself met lekker…

’n Paar Grease-feite: Betty Rizzo (Stockard Channing) dans in ’n toneel met liefdesbyte op haar nek. Jeff Conoway (Kenickie) was persoonlik vir elkeen verantwoordelik! Olivia Newton-John het die leerbaadjie wat sy in die slottoneel gedra het vir $405 000 verkoop en die geld aan liefdadigheid geskenk. Die skooldanstoneel is in die somer geskiet. Daar was geen lugverkoeling nie en al die vensters was toe. Verskeie akteurs en ekstras het flou geword. Elvis Presley is gevra om in Grease te speel, maar het geweier. John Travolta was vies vir die regisseur Randal Kleiser omdat daar geen nabyskoot van hom aan die einde van sy liedjie “Sandy” was nie.…

A nnabet vee oor die diep goudbruin grein van die eikehouttafel. Die tafel van haar kleintyd, van haar grootwordjare, van die laaste paar jaar wat sy haar ma hier op die plaas versorg. Hoeveel keer het sy nie hierdie tafel gestof, geolie en afgevryf nie. Om telkens, soos die jare verbygaan, die hout se glans te sien verdiep. Die merke en duike ken sy. Elkeen van hulle het sy deur die laaste jare probeer aívryf, inviyf, wegvryf. Maar soos met die lewe, bly sekere dinge en gebeurtenisse maar net eenvoudig by jou. Kan jy hulle nie afgeskud, deurgewerk of weggeleef kry nie. “Is Ma seker Pieter wil hierdie stel hê? Daar is tien stoele. Én die buffet.” “Natuurlik is ek seker.” Haar ma klik vererg haar tong waar sy in…

mond tot mond Dit was in 1812, in die omgewing van Lyme Regis aan die Dorsetkuslyn in Engeland, wat die 11-jarige Mary Anning ’n fossielagtige seemonster van omtrent ses meter lank ontdek het. Die geraamte, nou bekend as die ichthysaurus, was in die steil en ongenaakbare kranse teen die Engelse Kanaal ingebed. Sy kon met vars en nuwe oë na ’n bekende omgewing kyk - en iets magies sien … Die stuk geskiedenis wat op my lessenaar beland het, het my lank laat nadink oor hoe ons, as ons onsself sou toelaat, deur ons kinders en die jongmense om ons, met ’n varser blik die wêreld rondom ons sou kon waarneem. En moontlik beter daaraan toe kan wees. Dit was jare gelede wat ons saam met ’n paar vriende op…

Van kleintyd af, het ek ’n voorliefde vir sonderlinge, raar en eienaardige mense. In Latyns noem jy hulle ’n rara avis, ’n vreemde voëltjie. Dit het seker met my ma begin toe ek as kind in die bôrdinghuise van Kloofstraat in Kaapstad grootgeword het. In ’n stadium was sy ’n totale hippie - met daai lang kleurryke rokke, die reuk van wierook in ons kamer en The Beatles wat kliphard op die grammofoon gespeel het. Dit was inderdaad die dae van goud, wierook en mirre. Ek voel nog hoe die vloer skud, sy my optel en met my langarm dans. Jong, dan is daar gelag en gesing. Haar vriende was ’n verskeidenheid van mede-hippies, sterk vroue wat hoogs eksentriek was. Ek onthou een, vreeslik elegant, wat pyp gerook het, en…

Terwyl ek op ’n reënerige dag vir Deon wag en myself in ’n kombers op die restaurant se stoep toewoel, onthou ek die laaste keer dat ek met die akteur gesels het. Dit was kort ná die uitreiking van die rolprent Paw-Paw vir my Darling waarin hy die rol van Vleis Beeslaer vertolk het. Vleis was ’n man wat heeldag ’n frokkie gedra en saans sy brannas en Coke geniet het. Hy lyk vandag aansienlik aantrekliker in sy seegroen trui en serp. “Those were the days,” onthou hy met ’n grinnik. “Is dit nie tragies dat die Rhodes Memorial-restaurant waar ons ontmoet het, intussen afgebrand het nie? En nou het hulle al die bome daar afgekap, was dit regtig nodig?” Ons laaste gesels was ’n hele paar jaar gelede, maar…

Hierdie maand het ons ’n lekker allegaartjie van boeke wat wissel van ’n opwindende avontuur vir kinders, essays met ’n verskil tot bekendes wat oor onderwerpe van depressie tot braai skryf Kodachrome TOM DREYER Protea Boekhuis, R275 Hierdie essays word as volg beskryf: “Soos die oomblik wanneer jy ’n 3D-bril opsit of ’n towersampioen eet. Alles lyk opeens anders, die wêreld is op sy kop gedraai, oral knetter moontlikhede.” Die uitgewer beskryf dit as “’n versameling skitterende flitse wat die heelal op sy kop draai”. Blink dinge soos badeendjies, meerminne, Noorderligte, monsters, vampiere, salmanders en ander vang sy oog. Anemone en jellievisse “hang soos vetkrytsterre in ’n weerkaatsing van die hemel”. Daar is nuwe skryfsels sowel as bydraes wat in koerante en tydskrifte verskyn het. My eerste Afrika-avontuur RIAAN MANSER (VERTAAL DEUR…

TEKSTUUR Vir dun en min hare As jou hare besig is om volume te verloor, of jy dalk net dun hare het wat voel of dit altyd plat lê, kan die regte produkte ’n groot verskil maak aan hoe dik jou hare voel. Dun hare kan ook ’n gevolg van ’n swak dieet en stres wees. Vir diegene wat van nature dun en fyn hare het, is produkte wat bevog en die haarfollikels opplomp die eerste benadering. Verder is produkte wat jou hare versterk ook goed omdat dit sal keer dat jou hare onnodig breek en nóg dunner lyk. Gebruik stileringsprodukte wat help om volume en die illusie van volheid te gee, soos ’n mousse, droë sjampoe of sproei. Vermy egter olies en produkte wat silikoon bevat omdat dit jou…

Wanneer ons sê dat veroudering ’n normale deel van die lewe is, bedoel ons dat die faktore wat veroudering aanvoer met tyd gebeur. Dis belangrik om te weet dat tot 80% van alle soorte veroudering deur sonblootstelling en verwante radikale skade vererger word. Beskerm jou vel teen die skadelike effek van die son en vertraag die tekens van veroudering met hierdie kombinasie van Lamelleprodukte: 1. Lemelle Dermaheal Foaming Cleanser ’n Sagte, pH-gebaianseerde skuimende jelreiniger wat doeltreffend skoonmaak sonder om die funksie en balans van die vel te benadeel. Dit verwyder ook grimering. Geskik vir olierige, kombinasievel met vroeë en gevorderde veroudering. 2. Lamelle Dermaheal Cellular Repair Cream ’n Matige ryk bevogtiger wat daaglikse velhergenerasie bevorder en inflammasie wat verouderde vel veroorsaak - streel. Geskik vir normale of kombinasievel met vroeë…

Om tieners se nstuurlike ”uitgestelde” slaapritme (delayed sleep-wake phase disorder) by vroeë skooltye aan te pas, is daar drie opsies; 1 | Helder ligterapie (bright iight therapy) kan die ritme help aanskuif. Dié tegniek moet liefs met die hulp van ’n kenner toegepas word omdat dit ’n protokol met spesifieke skuiwe behels wat vir elke individu verskil. As dit nie korrek toegepas word nie, kan dit ondoeltreffend wees of selfs die toestand vererger. Die persoon word soggens toenemend vroeër aan helder lig blootgestel, byvoorbeeld deur die gebruik van SAD-ligte van 5 000 tot 10 000 LUX, en saans vroeër aan donkerte. 2 | Chronoterapie behels die ingrypende verandering van ’n individu se slaapskedule en kan as ’n laaste uitweg toegepas word - altyd deur 'n kenner. Mense met ’n geneigdheid…

Daar is aansienlike gesondheidsvoordele daaraan verbonde om gereeld kompressiekouse te dra. Dit help nie net om die bloedvloei deur die are in jou bene te verhoog nie, maar ook om spatare te voorkom, veral by diegene wat vir lang tye aaneen sit of staan. Dis ook ’n algemene wanopvatting dat kompressiekouse slegs vir mense met gesondheidsprobleme bedoel is, of slegsvir wanneer jy vlieg. Die Everyday Milkteds Compression Socks word van ’n garingmengsel van melkproteïene gemaak en is in ’n reeks kleure beskikbaar wat vir elke dag se dra geskik is. Dit is bewys dat die tipe ondersteuning en kompressie moegheid, swelling en spatare heip voorkom en verlig. Dit kan ook gedra word tydens herstel ná ’n operasie, gedurende swangerskap, tydens sportaktiwiteite of wanneer jy reis om trombose te help voorkom.…

Neem jou eie herbruikbare inkopiesakke saam wanneer jy winkels toe gaan. Daar is deesdae oulike materiaaloortreksels op die mark vir slaaibakke of bakkies met oorskietkos. Gebruik dit in die plek van kleefplastiek wanneer jy ’n slaai of poeding na ’n braai saamneem, of jou oorskiet vir die volgende dag bêre. Vermy gekoopte, gebottelde water en gebruik herbruikbare waterbottels vir sport, gim of gaan stap. Koop liewer los groente en vrugte wat jy kan weeg en sit dit dan sommer los in jou winkelmandjie, of hou herbruikbare sakke vir dié doel in jou handsak. So vermy jy die groente of vrugte wat in kleefplastiek verpak is of waarvan die verpakking weggegooi moet word (byvoorbeeld druiwe of appelkose in ’n plastiekhouer). Verruil sjampoebottels vir stafies. Sommige vervaardigers van ekovriendelike skoonheidsprodukte verkoop sjampoe…

soet Wortelkoek met suurlemoenroomkaas 12 PORSIES 3 eiers 295 g bruinsuiker 250 ml (1 k) groente-olie 750 ml (3 k) wortels, grofgerasper 250 ml (1 k) okkerneute, gekap 375 g (1½ k) bruismeel 2,5 ml (1½ t) koeksoda 10 ml (2 t) gemengde speserye VERSIERSEL 100 g botter, saggemaak 250 g (1 k) roomkaas, saggemaak 10 ml (2 t) suurlemoenskil, gerasper 875 ml (3½ k) versiersuiker 1. Voorverhit oond tot 180 °C. Smeer diep ronde koekpan van 22 cm. Voer basis met bakpapier uit. 2. Klits eiers, suiker en olie in bak met elektriese menger tot dik en romerig. Sit mengsel in bak en meng eers wortels en okkerneute en dan gesifte droë bestanddele by. 3. Gooi mengsel in pan. Bak koek vir 1 uur. Laat staan in pan vir…

Daar is soveel wat jy kan doen om ’n ekovriendelike tuin te skep. Ons het idees gaan soek en ’n paar kenners vir riglyne gevra. Jou tuin het sy eie ekostelsel wat uit nie-lewende (abiotiese) en lewende (biotiese) komponente bestaan wat onderling van mekaar afhanklik is en mekaar gedurig beïnvloed. Sodra die ewewig versteur word, ontstaan probleme, veral met peste en plae, sê Annelize Cilliers van Plantland in Akasia. Wat plante betref, gee sy die volgende raad: > Plant pasmaats, want die regte metgeselle kan insekte en plae afweer, die grond verryk en groente en vrugte selfs beter laat smaak en groei. Dille sal byvoorbeeld die groei en geur van blaarslaai, uie en kool verbeter. > Plante kan ook skadu verskaf aan ander plante, soos tamaties wat skaduwee aan gewasse…

Loer jy na die webwerf of brosjure wat met jou bespreking per e-pos arriveer, kry jy ’n goeie idee van die bederf wat op jou wag. Die stigters en eienaars van die Canvas Collective Afrika-ervaring, Samara Stern en Dez Lundy, is nie net ’n oulike verliefde paartjie wat ook mal is oor reis nie. Hul fyn oog sorg waarlik dat daar alles moontlik is wat jy vir ’n luukse wegbreek nodig het. Dis duidelik dat hulle elke klein besonderheid deeglik deurdink het en ’n ervaring saamgestel het wat goed genoeg vir enige vyfsterwegbreek sou wees. Daar is oral vars omgeploegde lande en rooi en groen trekkers en mense wat saai en in die geil grond woel. Die rit van twee uur uit Kaapstad het só gou verbygegaan omdat jy amper…

hekel WAT HET JY NODIG? HANGMANDJIE ❖ 2 balle Elle Cotton On Seriously Chunky (100 g) in room en wit beskikbaar ❖ Ongeveer 20 m tou (5 cmdeursnee - by ysterwarewinkels te kry) ❖ 5,5 mm-hekelpen ❖ S-haak om dit mee op te hang NUTTIGE HOUER ❖ 1 bal Elle Cotton On Seriously Chunky (100 g) ❖ Vrugtefles of glasbottei ❖ Kers ❖ 4-5 groot krale (opsioneel) ❖ 5,5 mm-hekelpen ❖ S-haak om dit mee op te hang Aanwysings HANGMANDJIE Maak glyknoop, hou die tou in jou linkerhand en die pen met die glyknoop agter die tou sowat 2 cm van die tou se punt af. Bring die pen vorentoe en onder om die tou, haak die hekeldraad, bring dit op en maak kb bo-op tou. Herhaal nog nege keer…

VEEARTS BEANTWOORD VRAE TEM VLOOIE Moet ’n mens regtig jou diere elke maand teen vlooie en bosluise beskerm? — Lisa van der Walt van Stellenbosch Dit is belangrik om te onthou dat jou troeteldier deur vlooie en bosluise geteister kan word selfs wanneer hulle binnenshuis is. ’n Byt kan tot groot ongemak en gesondheidsprobleme lei. Met Suid-Afrika se huidige klimaat is ons winter nie meer koud genoeg om bosluise en vlooie dood te maak nie en daarom is dit nou nodiger as ooit om ’n proaktiewe benadering te volg. Die veearts-goedgekeurde antiektoparasiet-produkte is baie veilig en het minimale newe-effekte. Onthou net dat honde en katte nie dieselfde produkte kan gebruik nie en dat die behandeling volgens gewig gegee moet word. As jy onseker is, raadpleeg gerus jou veearts om die…

mense WILLEM SÊ: “Die Willem Botha Beauty Contour Powder in Sculpt bring die wangbene uit en gee definisie aan die gesig.” Rolene Strauss is die toonbeeld van ’n vrou wat “alles” het: Skoonheid, intelligensie, loophaansukses, die liefde van haar nahymense en die agting van die breë publiek. As Mej Suid-Afrika en Mej Wêreld het sy gesogte krone gedra. Tog het sy tot onlangs met gebrekkige selfvertroue geworstel. In haar sinvolle selfhelpgids, Herontdek jou selfvertroue: Sewe stappe na ’n nwwe jy, praat Rolene openhartig oor selftwyfel as haar metgesel. Sy was ’n vrolike, geborge, plattelandse kind wat op 16 met die eise van die internasionale modelwêreld te doen gekry het. Aanvanklik was modelwerk vir haar suiwer pret, maar kort voor sy Parys toe is vir ’n kontrak van drie maande, het…

As ’n mens met ’n taalghoeroe praat, dan dink jy mooi oor hoe jy die taal gaan besig nog voor jy met die onderhoud begin. Jy wonder of jy dalk moet Hoog-Hollands toe neig, want jy wil darem nou nie onnosel lyk voor iemand van so ’n statuur nie. Maar nee, Suléne Pilon is glad nie soos die prentjie wat ’n mens van streng, stoere Afrikaanse hekwagters het nie. Sy praat ’n lekker Afrikaans, praat geensins hoogdrawend nie en erken dat sy soos die res van ons ook in Afrikaans swets. Sy is juis by prof Gerhard van Huyssteen van die Noordwes-Universiteit se Vloekprojek betrokke en sy en Gerhard beplan om binnekort iets oor van die vloekkonstruksies te publiseer. “Die projek gaan oor klomp dinge wat met taaltaboes te doen…

Skepe, die see en vrede is hierdie maand die temas. MULLER BRANDT Veg vir Afrikaans Met “Moedertaal", sy eerste Afrikaanse enkelsnit en die uitreiking van sy debuutalbum Brand die skepe, wat onlangs uitgereik is, wil die musikant en liedjieskrywer Muller Brandt graag emosie by luisteraars ontlok. Hy sê: “Afrikaans word meer as ooit bedreig en ons kan nie agteroor sit en kyk terwyl ons taal van ons af weggevat word nie. Ons moet baklei en vir ons moedertaal opstaan.” BELIA LOURENS Skepe Belia Lourens het pas haar eie stempel op die gewilde “Skepe” uit die pen van Jo Black, Johan Vorster en Appel afgedruk. Aangesien sy op Gansbaai gebore is, hou die see, waar sy baie persoonlike belewenisse gehad het, ’n besondere betekenis vir haar in. Dis haar gunstelingplek, want…

Asjy kan, moenie jou hare elke keer droogblaas nadat jy gewas het nie dis boonop makliker in die somer. Probeer ook om jou hare so min as moontlik te krul of reguit te maak om onnodige skade te vermy. Laat die produkte spesifiek tot jou haartipe eerder die werk vir jou doen. En onthou om jou hare uit te spoel nadat jy geswem het om van chemikalieë (wat die kleur en toestand van jou hare benadeel), ontslae te raak en ook nadat jy in die see was (die soutwater kan jou hare droog laat voel en lyk). Gebruik ’n haarsproei wat jou hare en kopvel teen die son beskerm, soos Coola Suncare Scalp & Hair Mist Organic Sunscreen SPF30 R8S0, Skins.…

skoonheid Is jy lus vir ’n paar uur se pret en plesier en om te leer hoe om altyd op jou beste te lyk? HANNON reis die land vol en wil graag ook op jou dorp kom kuier. Waar moontlik klim rooi rose saam op die bus om in elkeen se hande te beland. As ons ’n geselligheid in die platteland aanbied, weet ons al dat daar uitgehang gaan word. Op 30 Julie het generasies vroue in Modimolle vir mooimaakinspirasie opgedaag. Dit is deur die Van Heerden-apteekgroep aangebied. Skoonheidsinspirasie is by ’n geleentheid deur HANNON en rooi rose op 6 Augustus in Vanderhijlpark gebruik om geld vir Brandon Moolman in te samel. Hy is ’n jong sportman wat ’n tragiese ongeluk beleef het en nou in ’n rolstoel is. As…

Hier is Tanya Muir se aanbevelings: Gebruik die uur voor jy bed toe gaan om jou biologies op die oorgang van wakkerheid na slaap voor te berei. Skakel die skerms af, verdoof die ligte en doen iets rustigs soos om te lees, te strek of ’n warm bad te neem. Die ideaal is om jou brein te leer om jou slaapkamer slegs met slaap te assosieer. Doen sover moontlik huisen leerwerk elders en moenie TV-stelle, seifone of rekenaars in die slaapkamer toelaat nie. Wat kan werk, is om ’n huisreël te hê dat alle toestelle saans op ’n sekere tud afgeskakel word. Kry jou sirkadiese ritme in ’n roetine deur elke dag dieselfde tyd wakker te word én te gaan slaap. Navorsers stel voor dat jy selfs oor naweke nooit…

STYLVOL MOOI EN PRAKTIES Lisa Raleigh se nuwe Body Kind Athleisure-reeks is mooi, prakties, gemaklik en geskik vir elke vrou. Die groottes wissel van XS tot XXL, die materiaal is uiters duursaam en dit skyn nie deur soos baie oefenklere soms doen nie. Beskikbaar in ’n wye reeks kleure, patrone en style. Besoek Lisa se splinternuwe winkel in die Nicolwaywinkelsentrum in Bryanston. Hier te sien: Body Kind All Season Jacket R1 199, www.lisaraleigh.com FIETSRYERS, HIERDIE IS VIR JULLE! Jy het dalk al gehoor van die wonders van die Wattbike, maar kan dit voordelig vir jou wees? Absoluut. Die Wattbike het ’n waaieren magneetinstelling wat dit die ideale hulpmiddel maak wat deur rehabilitasieterapeute gebruik word. Stasionêre siklus-ergometers plaas beperkte spanning op gewrigte en spiere terwyl oefeninge uitgevoer word. Die Wattbike se…

Volgens die WWF is ’n groen vakansie een waar jy natuurlike hulpbronne bewaar, plaaslike gemeenskappe en hul ekonomie ondersteun en ’n positiewe impak op die gebied wat jy besoek, maak. Hul wenke: Respekteer die plaaslike omgewing. Bly op voetpaadjies en moenie plante of diere uit hul omgewing verwyder nie. Dra ’n sakkie saam om jou vullis in te sit en gooi dit in die naaste asblik weg. Doen navorsing voordat jy ’n vakansieplek bespreek. As jy nie aanlyn enigiets kan opspoor nie, kan jy bel en ’n klompie vrae vra. Gebruik hulle gryswater en son- of windenergie? Gebruik hulle plaaslike produkte, arbeid en diens? Herwin of hersirkuleer hulle papier, plastiek of kosreste? Hoe dra hulle positief tot hul gemeenskap by? Gebruik water spaarsamig. Dit is in groot dele van die…

Eg Suid-Afrikaans Oktober is Internasionale Pinotage-maand, maar elke maand behoort eintlik pinotage te vereer omdat dit SuidAfrikaans is. Die Spier Signature Pinotage 2021 met sy donker en sappige vrugte en syagtige tanniene is pretensieloos en is ongeag die geleentheid ’n uitstekende keuse. Dis vir agt tot tien maande verouder. Dit proe heerlik saam met rooivleis, bobotie en ander Kaaps-Maleise kerries. Die wyn bied geure van swart kersie, bosbessies en subtiele wonderpeper. Die Spier 21 Gables Pinotage 2018 se druiwe is met die hand geoes en die wyn is vir 20 maande in eikehoutvate verouder. Dit spog met geure van gekaramelliseerde swart kersies, bosbessie en donkersjokolade en het goeie verouderingspotensiaal. Bedien saam met verouderde beesvleis, wildsvleis en sterk kaas. Beskikbaar teen onderskeidelik R85 en R150 aanlyn by www.spier.co.za KWV SE BRANDEWYN…

Prof Jonathan sê dis belangrik om soveel as moontlik kennis in te win. “Lees daaroor op en luister na potgooie. Praat met ’n vriend of vriendin of ’n objektiewe buitestaander. Gaan sien ’n berader of sielkundige wat jou kan help om jou brein stadig maar seker te herprogrammeer om nuwe neurale bane neer te lê,” sê hy. “Met kundige raad en leiding kan jy jou reaksie op die manipulasie verander en die oormaat skadelike slegvoelhormone (soos kortisol) wat jy tydens interaksie met die manipuleerder afskei, monitor.” Suzanne sê as jy vermoed dat jy ’n slagoffer van emosionele manipulasie is, het jy terapeutiese ingryping nodig. “Daar is nie noodwendig ’n generiese antwoord of ’n quick fíx nie. Dit is noodsaaklik dat jy ingelig moet raak en insig moet ontwikkel in die…

Hulle is sielkundig volwasse, maak ingeligte besluite, beskik oor skerp waarnemingsvermoë, stel vir hulself doelwitte en is bewus van hul sterk sowel as swak eienskappe. Hulle is optimisties, goed vir ander, positief, energiek, vol lewenslus, dankbaar, intellektueel nuuskierig, het selfvertroue, integriteit en is aanpasbaar. Hulle maak van geleenthede gebruik en werk goed saam met ander. Hulle reik na ander uit en gee en ontvang graag liefde. Jy sal volgens kenners ook gelukkiger wees as jy jou minder bekommer, meer sosialiseer, nie vereistes stel wat te hoog is nie, en die lewe met ’n selfversekerde glimlag aanpak.…

Gebruik tuisgemaakte afweermiddels soos bierlokvalle vir slakke, gebreekte eierdoppe of koffiemoer om jou plante om slakke weg te hou en beheer luise met water waarin jy knoffel geweek het. Deur nie gifstowwe te gebruik nie, help jy die natuur om die natuurlike balans tussen insekte en hul natuurlike vyande te herstel. Sy gee ook die volgende wenke: 1 | Maak jou eie organiese kompos in ’n spesiale komposhouer of slaan self een aanmekaar met ou pallets. Gebruik grassnysels, groenteskille, blare, opgeskeurde koerantpapier en karton, Keer die kompos so nou en dan om en binne ses tot 12 maande het jy lieflike, ryk, krummelrige kompos om in die tuin te gebruik. 2 | Kweek jou eie groente in ’n groentetuin, geligte beddings of potte. Nie net sal jy altyd vars en…

Dit voel soos gister. Janine staan voor die venster en kyk uit oor die grasperk wat agter hul huis uitstrek. Haar oë neem alles in, maar sien niks. Die swembad. Die klimraam. Die swaai, gemaak uit’n ou motorband, wat aan twee toue van ‘n boom se tak hang. Niks beweeg in die stilte nie. Daar is geen geluide nie, geen gelag, geen kinder-gegil nie. Dit voel soos gister, toe hulle nog… Sy draai om toe sy ‘n geluid agter haar hoor. Sybrand, een skoen aan sy voet, die ander nog in ‘n sokkie, hemp halfpad vasgeknoop en nog ‘n hemp in die hand. “Hoe laat is ons bespreking nou weer?” vra hy, duidelik nie in beheer van die oomblik nie. “Sewe-uur vir halfagt,” sê sy, maar sy sukkel om die…

As jy en jou hond weer gaan tennis speel, is hierdie polohempie ideaal. Die Polo Summer Leopard Shirt kos R280 en is in verskillende groottes beskikbaar, www.dogslife.co.za Somer is nie altyd ’n dier se maat nie. Gee hom of haar plek om af te koel met die Watermelon Pet Cooling Mat. Dit kos R169,99, www.mrphome.com Katte hou van ’n knus wegkruipplek. Kyk hoe oulik is die Cat’s Life Cat Cube en dis ook in ander kleure beskikbaar, R712, www.petplus.co.za Laat jou kat soos die koning van die huis met hierdie halsband voel. Die Kitty Cat Collars kos R380 en is in ’n verskeidenheid van kleure en patrone beskikbaar, www.kingsleyandgray.co.za…