Innholdsfortegnelse for October 2022 i Rooi Rose

Daar is soveel dinge in die lewe wat mooi is – van mense, diere, dekor, kos, musiek en plekke tot gebare. Mooi is altyd iewers rondom ons. Iets wat altyd vir my mooi is, is goeie maniere. Dit maak my sommer warm onder die kraag as mense nie basiese hoflikheid toon nie. Vir my is die mooiste man op aarde die Amerikaanse akteur Owen Wilson met sy skewe neus en al. Ek dink dis juis die skewe neus wat hom vir my so aantreklik maak! Ander mense dink ek is laf om te sê hy is mooi, maar vir my ís hy mooi. Maar dink net hoe vervelig sou dit gewees het as ons almal van dieselfde “mooi” gehou het. Daar sou nie ’n verskeidenheid gewees het nie. Verskeidenheid gee…

Draai die horlosie 30 maande terug. Stellenbosch, Maart 2020: Toyota US Woordfees. Vier vertonings vir twee van die land se gewildste persoonlikhede: Coenie en Deon se talent in hul onderskeie rigtings is ongeëwenaar. Dié opvolg op Karoo Suite wat die land aan die gons gehad het, het tientalle uitverkoopte vertonings. Ek lees die feesprogram: “Deon Meyer en Coenie de Villiers se Karoo Suite het die afgelope drie jaar gehore op hul voete gehad. Hulle keer terug met ’n aangrypende opvolgproduksie: Karoo Suite 2: Karoonagte wat verwys na Deon se gelyknamige boek en Coenie se bekende lied. Dis Deon se nagverhale wat hy self op die verhoog vertel. Die musikant wat hulle bystaan, is die kitaar-maestro Mauritz Lotz. Dié multimediavertoning sluit beeldmateriaal van NASA en nagfotografie van National Geographic-fotograwe in, sowel…

JUANITA DU PLESSIS ‘Ska-Rumba’ vier 20 jaar Hierdie geliefde sangeres se trefferliedjie weerklink nou al twee dekades lank by braaie, partytjies, huwelike en feeste. Juanita het kragte met die immergewilde platejoggie Afrikaans wil Dans saamgespan, en vier nou haar groot deurbraak met ‘n Ska-Rumba 2022 Remix. ZANDRI BOTHA Skildery Groot dinge word van hierdie skoolmeisie (wat maar nog ’n graadelfleerder is) verwag, nadat haar enkelsnit “Skildery” bekend gestel is. Hierdie liedjie uit haar eie pen is volgens kenners nie ‘n tipiese tiener-borrelopskopliedjie nie en dit spreek van volwassenheid terwyl dit ook ’n metafoor vir die skoonheid van ’n vrou is. Zandri is ’n gewilde gas op radiostasies waar sy al talle musiekharte verower het. Hierdie maand val die kollig op bloedjong talent en goue oues FRIKKIE VAN BILION Plectrum Frikkie…

STIUS AMY STEENKAMP STIUS-ASSISTENT ZEENAT KHAN FOTO’S GARETH VAN NELSON/HMIMAGES FOTOGRAAF-ASSISTENT KYRA WELCH HARE EN GRIMERING MICHELLE MOOLMAN/BIRD ON A WIRE MODEL BIANCA/BOSS MODELS…

LEANDRI DE KOCK, SKOONHEIDSREDAKTEUR 1. Neutrogena Soothing Clear Micellar Jelly Makeup Remover, R129,95, Dis-Chem, is ’n ligte, maar doeltreffende grimeringverwyderaar wat ná gebruik nie jou vel styf en droog laat voel nie. 2. Neostrata Tri-Therapy Lifting Serum, R1 130, www.dermastore.co.za, Hierdie serum is ideaal vir ouer velle, maar dien ook as ‘n voorkomende produk om jou vel gladder, beter bevog en helderder te laat voorkom. Glukonolaktoon (’n polihidroksuur) help ook om selomset aan te moedig. 3. Maison Francis Kurkdjian 724 EDP 70 ml, R3 975, Skins Cosmetics, is ’n skoon, vars parfuum en ek kan nie genoeg daarvan kry nie! Die topnote sluit bergamot en metaalagtige fasette in, terwyl die hart meer blommegeure soos Egiptiese jasmyn insluit. Die basisnote is weer effens warmer danksy sandelhout en muskus. 4. Ek is…

✧ Ongeluk ✧ Motorkaping, grypaanval ✧ Huisroofof persoonlike aanval ✧ Huishoudelike geweld ✧ Boeliegedrag ✧ Om in ’n misdaadgeteisterde buurt of huis te bly ✧ Aanhoudende waarneming van misdaad, geweld of teistering ✧ Lewensbedreigende siekte ✧ Werkloosheid ✧ Chirurgie ✧ Dood van ’n geliefde ✧ Beëindiging van ’n verhouding ✧ Natuurrampe…

Salm met pesto ❖ 4 PORSIES 3 klein witwortels 30 ml (2 e) olyfolie 4 x 200 g-salmfilette, vel verwyder 1 suurlemoen, gehalveer 2 knoffelhuisies, in kwarte gesny 250 ml (1 k) geroosterde okkerneute 375 ml (1½ k) vars kruisementblare 375 ml (1½ k)vars pietersielieblare 60 ml (¼ k) suurlemoensap 125 ml (½ k) olyfolie, ekstra 15 ml (1 e) vars platblaarpietersielieblare 500 ml (2 k) gesnyde bronkors 1. Voorverhit rooster of oond tot matig. 2. Gebruik mandolien, V-snyer of skerp mes en sny witwortels in lengte in dun skywe. Meng witwortels met helfte van olie in groot bak, geur na smaak. Braai witwortels in sarsies sowat 2 minute aan elke kant of tot sag en gerooster. 3. Smeer salm met orige olie en geur na smaak. Braai salm en…

Anton en Johanna van der Merwe vertel dat hul huis in Tokai, Kaapstad, ontwerp is met ’n Skandinawies-geïnspireerde kontemporêre plaashuis in gedagte. Die skuurstylstruktuur versinnebeeld dit, maar wel met ’n vars perspektief, sê Johanna. Hulle het ’n houtkaggel as ’n fokuspunt laat bou, metaalvensters en -deure laat maak, ruimte vir ’n ingangskamer (mud room) geskep en lambrisering op fokusmure aangebring. Die Skandinawiese invloed kom sterk deur in die algehele estetika van sowel die buite- as binneversiering, terwyl besonderhede soos hul wynkelder dit aan sy ligging verbind, en terselfdertyd ’n gevoel van luuksheid byvoeg. Johanna beantwoord nog vrae: Vertel ons meervan die kreatiewe proses? Hoewel ek die argitektoniese en interieurontwerp vir die huis gedoen het, het Anton saam die projek hestuur en as my klankbord gedien vir elke visuele element wat…

Dit was in daai rowwe en absoluut onbekende eerste maande nadat Covid-19 ons getref het, wat ’n vriendin haar eers tot hars, en toe tot klei, gewend het. Sy het, net soos duisende ander Suid-Afrikaners, tuis en boonop sonder werk gesit nadat haar werkgewer sy deure moes sluit. Uit hars het sy die fynste juwele begin maak: oorbelle en hangertjies waarin die mooiste blommetjies uit ’n fyntuin gepryk het. Later, toe sy opgespeel was met die hars, het sy juwele uit klei begin maak. Gerol, gedraai, met vorms gedruk. Dit alles, vertel sy, het haar gedagtes op mooi dinge gefokus. Sy was heeldag op soek na mooi blomme wat sy kon pars vir die juwele, of nuwe idees om uit klei te maak, het kleure gemeng om nuwe, unieke kleikleure…

DOEN DIT IN OKTOBER ❯ Strooi ’n ruim skoot kompos oor al jou beddings. Kompos kondisioneer die grond en dien as deklaag, wat ’n voedende vogtige en onkruidvrye omgewing vir die plante skep. ❯ As dit jou plan was, is dit nou ’n goeie tyd om ’n grasperk aan te lê. Sny ook bestaande grasperke, maar aanvanklik nie te kort nie. Die effens langer gras verskaf voedsel vir sterker groei. Sny dit egter gereeld vir kompakte groei en om onkruid te beheer. Voed die grasperk maandeliks met organiese 5:1:5 of spesiale grasbemesting en maak dit gereeld nat. ❯ Trek gereeld bossies uit om te voorkom dat dit oorneem en saad skiet. ❯ Let op vir slakke wat jong plante vreet en sit organiese slakaas uit. ❯ Maak geute en pype…

✻ Clint Eastwood het in 2021 op 91-jarige ouderdom sy mees onlangse rolprent, Cry Macho, gemaak! ✻ Hy skree nooit “aksie!” voor hy ’n toneel verfilm nie. Toe hy destyds in cowboy-flieks gespeel het, het regisseurs soos Sergio Leone altyd “Aksie!” geskree, wat dan die perde met Clint op loop gesit het. ✻ Hy skryf dikwels die klankbane, wat uit klaviermusiek bestaan, vir sy eie rolprente. ✻ Quentin Tarantino van Once Upon a Time in Hollywood (2019)-faam was so lank arm en werkloos voordat hy Reservoir Dogs (1992) gemaak het, dat hy drie keer tronk toe is omdat hy nie geld gehad het om sy parkeerkaartjies te betaal nie.…

Die ooievaar, so glo Margariet, was onbeholpe en rigtingbedinges toe hy haar by die verkeerde adres kom aflewer het. Sy moes ’n ryk man se kind gewees het. En daarna ’n ryk man se vrou. “Jy moet groei waar jy geplant is,” word sy gewaarsku. Ja, toemaar, sy weet hoe bedroë Ikarus daarvan afgekom toe hy te na aan die son wou wees. “Ek sal beter pás in die vel van ’n rykmansvrou.” “Met daardie lyf van jou?” “Ja. In haar klere ook. Want rykmansvrouklere kom met etikette van groot name. Met goue goeters aan jou ore en om jou nek of pols,’n Louis Vuitton-handsak en ’n paar Jimmy Choo-killer heels aan jou nommeragtvoete word jy anders as ’n gewone vrou behandel.” Luuksheid is nie eksklusief vir maer vroue nie,…

VEEARTS BEANTWOORD VRAE OORINFEKSIE My hond kry elke nou en dan ’n oorinfeksie. Wat kan die oorsaak wees? – Jane Smit van Polokwane Honde wat oorinfeksie het, krap een of albei hul ore aanhoudend. Hulle kan ook hul koppe skud en selfs hul kop na een kant toe draai dat een oor laer as die ander hang. Geaffekteerde ore het dikwels ’n kenmerkende “gis” reuk. Honde se ooranatomie maak hulle meer vatbaar vir infeksie omdat die hare en humiditeit saam ‘n ideale omgewing vir ‘n infeksie skep. Sekere langoorrasse soos spanjoele, poedels en retrievers is meer vatbaar vir oorprobleme. Honde wat baie swem of bad het ook ’n hoër voorkoms van oorverwante toestande. Peste soos oormyte (Otodectis cyanotis) en swamme (Malassezia- spesies) floreer in geaffekteerde ore. Algemene veltoestande, soos velallergieë,…

Die lewe was eens eenvoudig of is dit wat ek my verbeel? Kinders het sonder toesig buite baljaar en moes eers ná donker vir aandete aanmeld. Hulle het touch rugby in die skemer gespeel. Die meisies het tougespring en hul wange het van pure lewenslus gegloei. Nie een van hulle moes ooit ’n skerm raadpleeg om hul eiewaarde te bevestig nie. Hulle het gewéét as mense van hulle hou – niemand het vir ’n emoji of ’nfriend request gewag om te dink hulle word geag nie. Vriende was régte mense met sproete en stukkende knieë, meisies het na sherbet geruik en sommiges het selfs linte in hul hare gehad. Dit was nie nodig om te tel hoeveel vriende jy het nie, want jy het hulle almal by die naam geken.…

Baie mense droom van ’n loopbaan as akteur, maar of jy nou in Hollywood of in Suid-Afrika is, dis ’n droom wat slegs vir ’n handjievol ’n werklikheid word. Ondanks talent is dit ’n steil bult om te klim, en nie almal het die deursettingsvermoë nie. “Ware woorde inderdaad,” grinnik die 41-jarige Daneel van der Walt. “Skaars ’n week of twee voor ek die rol in Nêrens, Noord-Kaap gekry het, het ek vir my agent ’n e-pos gestuur. Ek het vir haar gesê ek kan nie meer nie, dit breek my hart, maar iewers moet ’n mens sê genoeg is genoeg. “Ek het al baie gesê ek het ’n swart belt in verwerping. Ek het baie lank aan die deur geklop – baie, baie, baie oudisies gedoen…” Daneel is nou…

+ Rina Hugo sê sy het twee dae voor die grendeltyd nog opgetree en het sleg onder die virus deurgeloop. Haar stem het ook ‘n knou gekry en sy weet nie of en wanneer sy weer gaan optree nie. + Sy hoop sy is ’n lekker ouma. Sy sien haar kleinkinders, wat sy elke keer opsoen en -druk, gereeld. + Volgens Rina was baie van haar optredes spesiaal, soos die keer toe sy en Bles Bridges voor skares by Sun City opgetree het en toe sy twee jaar gelede genooi is om by die Vlaamse Sangfees in België op te tree en Afrikaans daar te sing. + Sy het jare lank poppe versamel totdat sy een aand ’n pop ontvang het wat ’n kunstenaar gemaak het – die lelikste pop…

LYFSORG Verbruin In plaas daarvan om jou vel aan die son bloot te stel, kies eerder ’n verbruiningsmiddel om jou ’n natuurliker gloed te gee. Die produkte vandag gee ook nie meer daardie oranje voorkoms nie en die meeste van hulle het geen eienaardige reuke nie. Gladder Dis een ding om jou velsorgroetine aan te pas om allerhande kwessies te hanteer, maar nie so maklik om dieselfde met jou lyfsorgroetine te doen nie. Dis soms ’n veel groter taak. Met somerklere op die horison wil ons hê dat ons lyf net so goed soos ons gesig moet lyk, maar kwessies soos droë of growwe vel, ingroeihare, Keratosis Pilaris, ekseem, selluliet en rekmerke maak die vooruitsig minder rooskleurig. Gelukkig is deesdae se lyfsorgprodukte vol van innoverende bestanddele en motiveer jou om…

Is jy lus vir ’n paar uur se pret en plesier en om te leer hoe om altyd op jou beste te lyk? Hannon reis die land vol en wil graag ook in jou dorp kom kuier. Waar moontlik klim rooi rose saam op die bus om in elkeen se hande te beland. Op 3 Augustus het die Wesrand-hoofdevereniging ongeveer 500 onderwyseresse met ’n middag vol vermaak bederf. Stefan Jansen was die gaskunstenaar en daama het Hannon sy towerstaf op die verhoog geswaai en gewys dat om mooi te lyk toe nou glad nie so moeilik is as wat ’n mens dink dit is nie. En met Hannon se kwinkslae is daar ook sommer terselfdertyd genoeg endorfiene van al die lag vrygestel! Hannon het ook op 23 Julie saam met…

Die sanger en TV-aanbieder Jo Black, wat al met groot treffers soos Voeljy die genade en Skepe naam gemaak het, het die afgelope paar jaar ’n paar mansvriende verloor wat selfdood gepleeg het. “Hierdie aktuele kwessie lê al ’n hele ruk baie swaar op my hart en daarom het ek besluit om ’n bewuswordingsveldtog rondom die simptome van selfdood en depressie te kweek sodat mense meer bedag op die simptome kan wees,” sê Jo. Volgens Jo is daar verskeie redes waarom Suid-Afrikaanse mans nie oor hul gevoelens praat wanneer hulle depressief is of gedagtes van selfdood het nie. “Dit is ’n macho- en tradisie-ding dat ’n man sterk moet wees. Die man is die rots van die huis, die broodwinner en daar kleef’n stigma aan selfdood. Seuns word grootgemaak met…

Koffiemousse-laagkoek ❖ 20 PORSIES KOFFIEMOUSSE 10 ml (2 t) gepoeierde gelatien 60 ml (¼) kookwater 30 ml (2 e) koffiekorrels 30 ml (2 e) warm water 60 ml (¼k) marsala 2 eiergele 110 g strooisuiker 500 g mascarpone 300 ml swaar room KOEK 200 g donkersjokolade (70% kakao), grofgekap 500 ml (2 k) water 250 g botter 550 g bruinsuiker 6 eiers 250 ml (1 k) haselneute, fyngemaak 500 ml (2 k) bruismeel 50 g kakaopoeier 15 ml (1 e) kakaopoeier, ekstra KOFFIEMOUSSE 1. Los gelatien op in hittebestande beker met kookwater en roer totdat gelatien oplos. Meng koffie met warm water in hittebestande beker. Voeg koffiemengsel by gelatienmengsel met marsala en roer om te meng. 2. Klits eiergele en suiker in bak met elektriese menger tot bleek en dik.…

“Wanneer jy jouself in ‘n klein ruimte bevind, kan jy elemente by die omgewing voeg wat die itíusie kan gee dat dit baie groter is as wat dit werklik is”- Tammy Holmes, eienaar en stigter van Ivy Decor & Design 1 Plak muurpapier om ’n ruimte in oopplan-woonvertrekke af te baken. As die eet- en sitkamer in een ruimte saamvloei, gebruik verskillende kleure op die mure om die afsonderlike ruimtes te skei en te definieer. 2 Volg ‘n “minder is meer”-benadering. Bestee jou geld aan goeie stukke wat vir die ruimte werk en wat in ander huise of vertrekke gebruik kan word. Goedkoper artikels wat volgens ’n tydelike tendens gekoop word, doen afbreuk aan styl en tydloosheid. 3 Wees bedag op die hoeveelheid en grootte van dekorartikels. Gebruik die regte…

Dis heerlik om hierdie tyd van die jaar nuwe groei in jou tuin te sien. Kleur en geur het beslis ’n kalmerende uitwerking op jou gemoed. Hou dit in gedagte en plant veral lekkerruikplante en -blomme naby jou patio, naby ’n deur of jou kamervenster wat jou ná ’n bedrywige dag sal help ontspan. Daar is hope plante en struike met verskillende geure om uit te kies en dit sal van jou persoonlike voorkeur afhang. Hier is ’n paar om te oorweeg. 1 | ROSE ’n Mens kan selde by ’n roosboom verbyloop sonder om af te buk en ook aan die blom te ruik nie. Daar bestaan glo 25 verskillende roosgeure en sommige rose bevat meer as een var die geure. In die algemeen het donkerkleurige rose ’n sterker…

Karen Blixen, die skrywer van die bekroonde boek, Out of Africa, het geskryf: “There is something about safari life that mákes you forget all your sorrows and feel as ifyou had drunk half a bottle of champagne – bubbling over with heartfelt gratitude for being alive.” Doen dit dan boonop in die styl en respekvolle aanslag van Singita-personeel – met die halwe bottel yskoue sjampanje terwyl die son sak – en jy kan voel hoe die dankbaarheid in jou are bruis. By Singita is dit baie gou duidelik dat die luuksheid, aandag aan detail,’n indrukwekkende wynlys en kos wat by enige Michelin-sjef s’n kan kers vashou, nie al is hoekom dit een van die wêreld se gesogste safari-ervarings bied nie. Dis ook die onderliggende bewaringsboodskap en unieke wild- ervarings wat…

rooirose BÊRE-PATROON WAT HET JY NODIG? ✻ African Expression JOY (50 g) ✻ Vierletterwoorde gebruik 2 balle en die res 3 balle ✻ Blou-1275 ✻ Beige -1286 ✻ Donkergeel -1117 ✻ Liggeel -1022 ✻ Wit-1001 ✻ Groen -1099 ✻ 5,5 mm-hekelpen MATES WOORDE 7 letters = 16 cm x 62 cm 5 letters = 16 cm x 54 cm 4 letter = 16 cm x 46 cm Hartjie = 16 cm x 17 cm Kruisies = 16 cm x 26 cm KOMBERSIE Met rand = 120 cm x 75 cm WOORDE GEBRUIK KOSBAAR; VREUGDE; PERFEK; LIEFDE; OULIK; SKAT Hoe om bobbelsteek te maak Jy maak die bobbelsteek aan die verkeerde kant van die werk. Jy hekel dus die woord agterstevoor. Werk in kortbene tot waar jy die bobbelsteek moet maak.…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 BLOKRAAI 6 ANTWOORDE Blokraai 1&2 van bl 114 & 115 BLOKRAAI 1 BLOKRAAI 2 SUDOKU 1 MAKLIK SUDOKU 2 MEDIUM SUDOKU 3 MOEILIK WOORDOKU 1 WOORDOKU 2 WOORDOKU 3 WOORD-SUDOKU VOLTOOI DIE ROOSTER SODAT ELKE RY DWARS, ELKE KOLOM AF EN ELKE 3x3-KASSIE DIE LETTERS VAN DIE WOORD BEVAT WOORDOKU 1 | Vlak: Maklik HOFKNAPIE WOORDOKU 2 | Vlak: Medium HEILDRONK WOORDOKU 3 | Vlak: Moeilik GORDYNKAP ANTWOORDE Blokraaie 3 & 4 van bl 116 BLOKRAAI 3 BLOKRAAI 4 SUDOKU VOLTOOI DIE ROOSTER SODAT ELKE RY DWARS, ELKE KOLOM AF EN ELKE 3x3- KASSIE DIE NOMMERS 1 TOT 9 BEVAT SUDOKU 1 | Vlak: Maklik SUDOKU 2 | Vlak: Medium SUDOKU 3 | Vlak: Moeilik ANTWOORDE Blokraaie 5&6 van bl 117 BLOKRAAI 5 BLOKRAAI 6…

Dit was eintlik te vroeg, net ná sonsopkoms, om my Charroux- buurvrou oor die keistene voor ons huis aangehardloop te sien kom. Haar arms oop om vir my totsiens te sê. Dis al jare lank ’n ou laai van my om aan die einde van ’n werkseisoen in die Bourbonnais op die rooi-oog- trein uit Vichy na Parys terug te reis. So ’n vroegoggend-wegglip, sonder om te groet, laat my toe om met relatief droë wimpers die wintermaande weg van Bagatelle aan te pak. Einde September 2019 was die klein lafhartigheid my egter nie beskore nie; Maryline het my styf vasgedruk, ongewoon vir hierdie Franse vrou, en in my truspieël het ek haar gesien adieu waai tot sy agter die Romeinse poort verdwyn het. En die res is geskiedenis ……

HAAR PYN WORD HAAR GETUIENIS In ‘n wêreld waar perfeksionisme, veral op sosiale media, hoogty vier, staan Karlien uit. Sy skroom nie om ’n foto te deel vanuit ’n deurmekaar kamer met ’n bed wat nog nie opgemaak is of waar haar kind met ongekamde hare sit nie. As jy gedink het Karlien is ’n blonde pop wat ligvoets deur die lewe fladder, dink weer. Sy is diep, filosofies en leef met haar hele lewe geanker in haar geloof. Ek wag vir haar by die Karoo Café in Lynnwood, Pretoria. Ek hou die voordeur dop, reg om vir haar te waai wanneer sy instap. Maar sy staan ewe skielik agter my. Sy het per ongeluk by die agterdeur ingekom. Dit is aan die begin van die skoolvakansie en tussendeur lui…

Lees hierdie maand meer oor Herman Lategan,’n toekomsgerígte rífler, ’n aweregse reisverhaal en ‘n top-krimiskrywer se roman Hoerkind – Die memoires van ’n randeier HERMAN LATEGAN Penguin, R280 Lategan se biografie word as “boeiend”, “verbasend openhartig”, “kompromisloos eerlik” en “hoogs vermaaklik” beskryf. Hy draai ook geen doekies oor sy persoonlike lewe of gaywees om nie. Hy was ’n brandarm, buite-egtelike kind wat op ses kinderhuis toe is en wie se ouers albei alkoholiste was. Sy stiefpa het hom geskiet en op 13 het hy in die kloue van ‘n pedofiel beland, om maar enkele van die dramas in sy lewe op te noem. Hy het op straat beland en was ’n dwelmslaaf. Vandag is hy ’n bekende en bekroonde joernalis en skrywer. Wen 3 lesers kandié boekwen. Stuur jou naam,…

Eg en onkonvensioneel. Dít is Bernice West, volgens haar verloofde, Jannes Erasmus, en ander hartsmense wat in Pretoria om ’n tafel by Vida e Caffê oor die krulkopsangeres se lewe en loopbaan saamgesels. Bemice, Jannes, sy ma, Rina, en Bemice se strooimeisie, Camey Fourie, is dié oggend op pad om na ’n moontlike trou-venue te gaan kyk. Haar stampvol dagboek beteken elke oomblik van Bemice se dag is kosbaar en omdat hulle so gereeld op die pad vir optredes is, kry sy en Jannes nie sommer ’n vry dag om mstig reëlings te tref nie. Dié dat hulle haar rooi rose-onderhoud ook nog tussendeur inpas. Kort ná die onderhoud het hulle laat weet hulle het op dié einste venue, Lunikhy Game Farm, hesluit. Hier gaan hulle onder die akasiabome op…

Weke lank het die pistool wat op hom gerig is, sy gedagtes en lewe oorheers. Dis nou al jare later en Pieter kan nog presies onthou wat daardie Sondag- aand gebeur het. “Dit was kort voor toemaaktyd by die pizzaplek wat ek bestuur het. ’n Laaste paar klante het in die winkel vir hul pizzas gewag. Drie mense het ingékom en die een het dadelik sy pistool uitgehaal. Ek was dadelik op autopilot’. Een het by die mense voor in die winkel gewag terwyl ek met die pistool na die kluis gedwing is. Ek het bly sê dat ek nie toegang tot die geld het nie omdat dit deur ’n skuiflaai na onder val en ék nie daardie een se sleutel het nie. Hy het my nie geglo nie en…

“My dogter is in matriek en sy wil nie meer ná skool gaan studeer nie. Sy het altyd gesê sy wil gaan swot en haar punte is puik, maar nou wil sy sommer dadelik ná matriek gaan werk. Sy dink sy kan as ’n eiendomsagent begin werk en sakke vol geld maak. Ek is raadop,” erken ’n ma van Fourways wat anoniem wil bly. Haar dogter is nie die enigste een nie en sy is nie die enigste bekommerde ouer nie. Dis asof jongmense vandag meer verward as ooit oor hul toekoms is. Het die pandemietyd daartoe bygedra? Prof Cara Jonker, ’n doscnt aan die Noordwes-Universiteit is ook ’n geregistreerde bedryfeielkundige en psigometris wat beroepsvoorligtingsdienste op Potchefetroom aanbied. Sy vertel dat dit wel haar ervaring is wanneer sy tieners met…

Só kan ’n sommelier jou wynervaring verbeter Die idee van ’n sommelier is ‘n nuwe een vir die meeste Suid-Afrikaners. Baie mense assosieer dié diens met deftige restaurante, hoofsaaklik in die wynlande. Deesdae is dit meer algemeen by restaurante regoor die land. Wikus Human is ’n gesertifiseerde sommelier, en is die hoofsommelier by Marble en Saint-restaurante in Johannesburg, en wenner van die Moët & Chandon Beste Jong Sommelier in 2017. Hy is deur die Suid-Afrikaanse Sommeliersvereniging (Sasa) as Beste Sommelier in Suid-Afrika vir 2021 aangewys. Hy sê as sommelier hou hy daarvan om mense se verhemeltes uit te daag. “My raad is om net te geniet wat in jou glas en op jou bord is – moenie daaroor dink nie.” As jy gaste onthaal, neem hierdie in ag: ❖ Kos…

Baie qeluk, julle is wêreldklas! Die FYN-restaurant in Kaapstad is ’n restaurant om te besoek, veral omdat hulle onlangs die lys van die wêreld se 50 beste restaurante gehaal het! Om 37ste op die lys te wees, is omtrent ‘n prestasie. Jy sal hulle in Parlementstraat in Kaapstad kry en natuurlik is besprekings daar noodsaaklik. Bel 021 286 2736 vir meer inligting of besoek www.fynrestaurant.com Kook met siel Elmarie Berry is ‘n bekende kosblogskrywer en haar eerste resepteboek se naam is Kosbaar. Sy wou ’n boek uitgee wat die siel voed en waarmee jy in die kombuis herinneringe saam met familie en vriende kan skep. Die boek bevat meer as 100 eg Suid-Afrikaanse resepte. Haar kos is danksy ’n Libanese ouma boerekos met ’n sterk Libanese invloed. Die boek bevat…

In die immergewilde Friends wat nou nog gekyk word, behoort die karakters tot ’n vriendekring wat vir hulle soos familie is. Deesdae vind al meer mense hul “familie” by vriende en familievervreemding is besig om toe te neem. Volgens Tarien Roux, ’n lewensafrigter, behels familievervreemding om tydelik of permanent kontak met familie te verbreek. “Dit kan geleidelik of skielik gebeur. Dit is gewoonlik die resultaat van onopgeloste langtermynkwessies.” Simone Vink, ’n kliniese sielkundige, voeg by dat dit ook net kan behels om minder tyd saam met familie deur te bring. “Dit behels om jouself fisiek, sowel as emosioneel, van jou familie te distansieer.” Mariette Joubert, ’n maatskaplike werker, sê party individue verwerp net sekere lede van hul familie en behou wel kontak met ’n ander deel van die familie. Hoekom…

KLOKKIES-VALSKATJIEPIERING (ROTHMANNIA GLOBOSA) Dis ’n kleinerige boom wat trosse welriekende roomkleurige blomme dra. KAAPSEKASTAIING (CALODENDRUM CAPENSE) Dit raak middelslag tot groot en groei vinnig. Sy blomme en blare ruik lekker. SALIEHOUT (BUDDLEJA) Daar is verskillende variëteite, maar die treursalie en die witolien se blomme het ‘n heerlike geur. VANWYKSHOUT (BOLUSANTHUS SPECIOSUS) Dis ’n klein tot middelslag- boom en dra lieflike blou- pers blomme in trosse. DROLPEER (DOMBEYA ROTUNDIFOUA) Die pragtige enkelstamboom spog met ‘n ronde kroon. Dit dra lieflike welriekende bloeisels in die lente. Dit is ook ryp- en droogtebestand.…