Innholdsfortegnelse for September 2022 i Rooi Rose

Ek het lank gereken dat ek nie ’n kreatiewe streep het nie. Ek kan dan skaars ’n stokmannetjie teken! Op skool het my pa altyd my biologiesketse vir my geteken en was dit nie vir die tannie langsaan nie, sou my naaldwerkpogings die grap van die jaar gewees het. Ek probeer hard om soms my kos soos MasterChef-kandidate voor te sit, maar helaas … Toe ek met ’n huppel in my stap ’n blommerangskikkingskursus bygewoon het en die aanbieder my treurige poging bykans heeltemal verander het, was ek platgeslaan. Geen spoor van kreatiwiteit in my lyf nie, het ek gedink. Tog was ek nog altyd deur tydskrifte gefassineer en ek kon vir ure daardeur blaai, kyk hoe als uitgelê is en dagdroom hoe ék sekere bladsye anders bymekaar sou sit,…

As ’n breë glimlag ’n paar skepe kon laat seil, sou Mila Guy se aansteeklike glimlag sekerlik ’n hele vloot skepe laat vaar. Wanneer die fyne Mila by my voordeur instap, glinster haar groot bruin oë meer as gewoonlik en ja, daar’s ’n geldige rede daarvoor: Mila is smoorverlief. Die gelukkige ridder van haar hart wat haar soos ’n feeijie op ’n pienk wolkie laat sweef, is niemand anders as die akteur en skrywer Bennie Fourie nie. Sy lag wanneer sy oor hierdie omwenteling in haar lewe begin praat. “Bennie was ses jaar lank my buurman in ’n woonstelblok in Linden waar ek en ’n paar vriende woon. Ek en Bennie het ook sowat ses jaar saam aan die komediereeks Hotel gewerk. Ons ken mekaar dus jare en omtrent soos…

VATVAS DANSORKES – KITAARVERLANGE Dansmusiek is om op te dans. Hoewel dié orkes hul musiek met ‘n bietjie van ’n boereorkes-aanslag beskryf, is dit nie só tradisioneel nie, vertel lede van die bekroonde orkes wat al onder meer ’n Ghoema, Aitsal-en ’n Sama-toekenning ontvang het. Die groep, wat in 2017 gestig is, het ook vroeër vanjaar ’n Afri Indie-toekenning vir die beste boereorkes vir hul snit “Kam in die kous” ontvang. Dit word as skoffelmusiek beskryf, wat selfs mense met twee linkervoete oor die vloere sal laat gly. “Kitaarverlange”, wat onlangs uitgereik is, gaan oor mense wat nie meer met ons is nie, maar wat ons nooit sal vergeet nie. CANDY BENSON–7 DAE IN DIE SOMER Ondanks die harde klap wat Covid die blonde Candy Benson toegedien het, is sy…

Reuke kan ons na ons kindeijare terugneem of selfs aan mense laat dink. Dis maklik om te verstaan hoekom die parfuum wat ons dra so ’n sterk invloed op ons gemoed kan hê en ook hoe dit iemand oor ons laat voel. Dink bietjie aan die keer toe jy iemand vir die eerste keer ontmoet en daardie persoon se reuk iets verklap het nog voordat julle mekaar leer ken het. Soms ruik jy iets en dit vat jou na ’n spesiale geleentheid in jou lewe terug of jy onthou iets wat onbenullig voel, maar tog ’n impak op jou gehad het. Reuk word verskillend deur individue ervaar. Iets wat jou kalm en rustig laat voel, kan dalk vir iemand anders die teenoor-gestelde beteken. Dit hang alles van jou persoonlike ervaring…

Oogsorg begin reeds van geboorte af. Pas ná geboorte moet ’n pediater of dokter die baba se oë vir moontlike probleme ondersoek. Vroeggebore babas se oë, veral as daar oogsiektes in die familie voorkom, moet deur ’n spesialis ondersoek word. Laat ’n huisdokter of pediater ook gereeld jou baba en kleuter se oë ondersoek soos hy of sy groei. Hou jou kind dop As ouer kan jy na die volgende tekens dat jou kind sigprobleme het, oplet. As jy enige van die volgende waarneem, moet jy jou kind na ’n oogspesialis neem: › Vryf gedurig die oë › Erge ligsensitiwiteit › Swak fokus › Kan nie ’n bewegende voorwerp volg nie › Abnormale stand of beweging van die oë vanaf ses maande › Chroniese rooiheid of tranerigheid › Wit in…

Agter toe deure in ’n geheime Moskamer™ in die hartjie van Pretoria is die een wonderwerk op die ander aan’t gebeur. Hóé dit gebeur is so goed soos ’n staatsgeheim. Die produk? Truffels wat sjefs laat swymel. ’n Stukkie hemel op aarde. Swartgoud. Daar is immers al die jare nog gesê dit is in elk geval onmoontlik om truffels sonder grond of boom te groei. Dié wat wel probeer het, het in hul pogings gefaal. Vir Nita en Helga was dit ’n reuse-uitdaging, want die wêreld se slimste mense het gesê dit kan nie gedoen word nie. Eers net die swart wintertruffel (Tuber melanosporum) en toe waaragtig die wit wintertruffel (Tuber magnatum) ook. Die eg-Suid-Afrikaanse Kalahari-truffel is reeds in die twee blondines se visier. Ten tyde van ons onderhoud knipoog…

Om tyd te bespaar, kan jy ’n julienneskiller of’n V-snyer met ’n juliennehegstuk gebruik om die wortels in lang stukkies te sny. Bros sout-en-peper-hoender met gai lan ❖ 4 PORSIES 10 ml (2 t) seesout 10 ml (2 t) swartpeperkorrels 5 ml (1 t) brandrissievlokkies, gedroog 4 x 200 g-hoenderborsfilette, met vel 400 g gai lan (Chinese broccoli), skoongemaak en grofgekap 15 ml (1 e) oestersous 10 ml (2 t) sesamolie 1 wortel, vuurhoutjiegroottes gesny 125 ml (½ k) boontjiespruite 125 ml (½ k) vars koljanderblare 2 sprietuie, dun gesny 15 ml (1 e) lemmetjiesap 10 ml (2 t) sesamsaad, gerooster 1 suurlemoen, in skywe gesny 1. Meng sout, peper, brandrissie en hoender in bak. 2. Verhit groot braaipan met olie en braai hoender in sarsies daarin. Braai vir sowat…

1 | Plant saadjies in eierdoppe as jy binnenshuis plantjies kweek. Dit verskaf kalsium en as die plantjie sterk genoeg is, kan jy dit met dop en al plant. 2 | Strooi koeksoda om jou tamatieplante. Dit sypel in die grond in, verlaag die suurgehalte en sorg vir soeter tamaties. 3 | Kram tuinmateriaal (by tuinsentrums te kry) onder ’n pallet vas, vul dit met potgrond en plant jou groente in die oop rye. 4 | Hou die water waarin jy groente kook en laat dit afkoel. Maak jou plante daarmee nat vir ekstra voedingswaarde. 5 | Maak eierdoppe fyn en strooi dit om plante vir kalsium in die grond en om peste weg te hou. 6 | Maak jou eie onkruiddoder deur 3,5 liter asyn, 1 koppie sout en…

Liewe Vrou. Suster. So loop ek ’n kennis raak wat ek lanklaas gesien het Sy is werklik pragtig. ’n Mens kan ’n kiekie van haar neem en net so in ’n tydskrif gebruik. En ek vermoed sy sal met geen moeite in ’n leotard pas. A1 is sy oor 45. Ons gee mekaar ’n stywe druk en sy sê: “Jy lyk maer. Welgedaan.” Ek vermoed ek het iets soos “dankie” geprewel. A1 was dit nie noodwendig vir my ’n kompliment nie. A1 het sy dit so bedoel. A1 verstaan ek waar sy vandaan kom. Maar dit maak my hartseer. En gefrustreerd. Dat dit die wêreld is waarin ons lewe. Dat hoe jy lyk soveel gewig dra. ’n Prestasie is. ’n Klop op die skouer. ’n In-die-maag-skop-skrywe van Camille Rainville het…

Dis die Dinsdag ná ’n langnaweek. Ons ontmoet by ’n koffiewinkel op sy pragtige tuisdorp, Stellenbosch. Die 41-jarige Tim Theron lyk nie ’n dag ouer as toe ek hom meer as ’n dekade gelede ontmoet het nie. “Jy lyk goed,” groet ek, “moet iets in die water wees.” Altyd wys om ’n onderhoud met ’n kompliment te begin, veral as dit die waarheid is. Hy grinnik verleë. “Ek weet nie so mooi nie. Ek het juis nou die dag ’n eksistensiële krisis beleef. Ek het gaan kyk of my seun, Mighael, al slaap en toe sien ek hoe lank hy geword het. En meteens besef jy hoe die tyd eintlik vlieg. “Ja, ek is fiks, sterk en gesond. En hot” voeg hy moedswillig by. “Ek maak darem nog nie ‘ou…

Die Covid 19-pandemie het groot dele van die wêreldbevolking getraumatiseer. In ons almal is iets wat stukkend is. Jy het dalk nie iemand aan die dood afgestaan, jou werk verloor of iets anders wat bitter sleg is oorgekom nie, maar die manier van lewe waaraan ons gewoond was, werk nie meer nie. Ons leef in ’n nuwe normaal waarvoor ons nie gevra het nie. Dit maak ons bang en kwaad en onseker. Ek loop die skrywer en joemalis Johannes de Villiers, blinkoog en vol energie, by ’n boekbekendstelling in Bloemfontein raak. Voor ek hom ontmoet, wonder ek wat hy nou in Bloemfontein maak. “Hy hoort mos op Stellenbosch waar hy ’n suksesvolle jogaskool het. Of by sy nuwe, luukse retraitsentrum in die Overberg?” wonder ek hardop. “Nee, hy bly nou…

1. Nuxe Crême fraiche de beauté 3-in-l (R560, Woolworths) is veeldoelig en kan as ’n bevogtiger, masker of om grimering sagkens te verwyder, gebruik word. Dit het ’n ikoniese, skoon reuk. 2. Catrice Night Recovery Eye Balm (R113,95, DisChem) is propvol hialuronsuur en avokado-olie wat help om die vel om jou oë fermer te maak en teen fyn plooie en slaaplyntjies te beskerm. MY TOP-PRODUKTE HIERDIE MAAND 3. Dose & Co se nuwe Beauty Collagen (R699, Edgars) bevat hialuronsuur én vitamien C. Jou daaglikse dosis om jou vel, hare en naels te verbeter. 4. Jy kan my met enige Lush-produk omkoop en nie net omdat dit ongelooflik ruik nie, maar omdat dit sensories is en my gelukkig laat voel. Die Happy Happy Joy Joy Conditioner (vanaf R175, eksklusief aanlyn op…

Propvol “Açaí-poeier, wat ‘n bietjie soos onversoete donkersjokolade proe, is laag in natuurlike suiker, maar hoog in vesel, wat ideaal vir die spysverteringstelsel is,” sê Leanne Rohrs, stigter van Be Bright. Sy voeg ook by dat dit ’n uitstekende aanvulling vir alle ouderdomme is omdat dit immuunversterkende eienskappe het. Verder bevat dit antioksidante wat voordelig vir die voorkoms van jou vel is, jou hare en naels kan versterk, energievlakke verhoog asook help om inflammasie in gewrigte te verminder. Açaí-poeier is ’n superkos wat ryk is aan vitamiene A, Bl, B2, B3, C en E, asook kalsium, sink, magnesium en koper. Die donkerpers daarvan is ’n aanduiding dat dit ryk aan anthocyanins is. Dis ’n antioksidant wat vrye radikale beveg. En as dit nie genoeg was nie, is dit ook vol…

Dit kan soos ’n doodsvonnis voel as jy met kanker gediagnoseer word en dit kan voel asof jou lewe uitmekaar val. Adri Jansen van Nieuwenhuizen (62), besturende direkteur van Pink Trees for Pauline,’ n organisasie sonder winsbejag, het 17 jaar gelede gedink haar lewe is verby toe sy hoor sy het borskanker. Genadiglik kon sy behandeling kry en is sedertdien kankervry. Maar nie almal is so gelukkig nie. Die doelwit van Pink Trees for Pauline is om vir mense met kanker en hul gesinne geld in te samel. Die projek is op so ’n manier ontwikkel dat dit in soveel gemeenskappe as moontlik volhoubaar is. Dit dra ook tot die bewusmaking van hierdie siekte onder lede van die publiek by. Kanker het immers al aan soveel mense se voordeur geklop.…

❖ Koekstruif is die lekkerste wanneer dit die vorige dag gemaak is. Dit sal vir drie dae in die yskas hou. Koekstruif met aarbeie en bokmelkkaas ❖ 6 PORSIES KRAKERIGE NEUTE 70 g geblansjeerde amandels 15 ml (1 e) olyfolie 30 ml (2 e) esdoringstroop 22,5 ml (1½ e) wit sesamsaad BESSIESTROOP 500 g aarbeie, geskil en gehalveer, plus ekstra om voor te sit 55 g strooisuiker 30 ml (2 e) suurlemoensap VULSEL 150 g sagte bokmelkkaas 500 g roomkaas, teen kamertemperatuur 200 g Griekse jogurt 110 g strooisuiker 5 ml (1 t) vanieljegeursel 10 ml (2 t) suurlemoenskil KRAKERIGE NEUTE 1. Voer oondbak met bakpapier uit. Meng alle bestanddele saam in kleefvrye pan. Roer oor matige hitte vir 3 minute of totdat sesamsaad goudbruin is en stroop gekaramelliseer is.…

Katinka se pa het ’n plofbare humeur en haar ma is ’n komplekse siel met ongewone geite. So verwag sy byvoorbeeld dat Katinka elke aand vir haar Creme Soda na haar kamer toe bring. Spesifiek in ’n bottel; nie die blik-weergawe nie. ’n Servet moet om die bottel gevou wees, want die sensasie van koue glas gee haar glo die horriepiep. Slegs vir hierdie een episode per dag is Katinka in Olga se heiligdom toegelaat. Vandat sy kan onthou, slaap haar ouers in aparte kamers. Olga se kamer ruik na dagga en Vera Wang-parfuum. (Haar man voorsien die dagga, terwyl hy ook ’n paar ander ongeoorloofde klante het.) Olga is vasgeskroef aan dagga en aan lees. Die boekrak langs haar bed hou die lading geskrifte en andersoortige lektuur in plek.…

Dis ’n tipiese wintersdag in Kaapstad, maar in Rolanda se huis is dit snoesig warm. Sy maak binne minute vir ons ’n heerlike kaggelvuur. Twee Burmese katte, Satski en Sneeuleeu, haal manewales uit en maak seker die besoeker weet dis húl tuiste. “Sneeuleeu is die tiener in die huis,” vertel Rolanda wat in die kombuis besig is om tee te maak. “Jozua en Charlotte is allergies vir diere en Burmese is hipo-allergenies.” Die huis waar Rolanda, haar man, Jozua Malherbe, en vyfjarige dogter, Charlotte, reeds drie jaar woon, het die gevoel van ’n vergete era. “Hulle noem dit mid-century. In die vorige bedeling het die kabinetsministers hier gebly. Dis groot ruim huise met lekker tuine.” “Ek het maar ’n sterk nostalgiese streep,” verklap sy. “Ons het ’n ruk lank hier…

Ons laat die kollig in September op ongewone en selfs omstrede temas val – stories wat mense se tonge laat klap. Tien voor een ADELE VORSTER Protea, R325 Hierdie debuutroman wat heelwat opspraak verwek, is die verhaal van ’n 40-jarige eetverslaafde,’n vetsugtige vrou wat haar lewe in oënskou neem. Kos vertolk ’n belangrike rol in haar lewe en sy beskryf dit selfs as haar “minnaar”. Die boek is in die vorm van SMS’e, e-posse en dagboekinskrywings oor jare gepubliseer. Dit is ook ’n liefdesverhaal, bevat donker humor, ontboesemings en jeugtrauma. Dit bied voorts ’n kykie op iets waarmee baie vroue sukkel en mee kan identifiseer – eetverslawing. Wen 3 lesers kan dié boek wen. Stuur jou naam, van, selfoonnommer en adres met die woord TIEN in die onderwerpreël voor 15…

STIUS MIA SMITH STILIS-ASSISTENT ZEENAT KHAN FOTO’S GARETH VAN NELSON/HMIMAGES FOTOGRAAPASSISTENT LAUREN FREDERICKS/HMIMAGES HARE EN GRIMERING SJ TAUTE/BIRD ON A WIRE MODELLE LISA P/FANJAM CHELCY/ ICE MODELS…

Is jy lus vir ’n paar uur se pret en plesier en om te leer hoe om op jou beste te lyk? Hannon reis die land vol en wil graag ook in jou dorp kom kuier. Waar moontlik klim rooi rose saam op die bus om in elkeen se hande te beland. Op 22 Junie, ’n bitter koue dag, het vroue by Copper Leaf Golf Estate in Centurion om keurig gedekte tafels aangesit om alles van mooimaak en mooi voel te leer. Hannon het vroue uit die gehoor ’n oormaaksessie gegee ter demonstrasie van hoe maklik dit is om elke dag op jou beste met HANNON-produkte te lyk. Elke mens het geïnspireerd met mooimaakkennis én ’n rooi rose-tydskrif weggestap. Op 2 Julie het ma’s, dogters en kleindogters by die Allen…

KRY KRAG! Met ’n verskeidenheid aanbiedinge in Kaapstad (Claremont, Somerset-Wes, Milnerton en St. Georges Mall) sowel as Johannesburg en Port-Elizabeth, bied Ignite Fitness ’n plek om krag te bou – verstandelik en fisiek! Stel jou voor: lewendige musiek, groot ruim oefenruimtes en interessante toerusting en beligting. Vanaf R200 per maand. Besoek www.ignitefitness.com vir meer inligting. Bespreek jou gratis dagpas: ignitefitness.com/book-a-free-pass MOOI METALE Hierdie “gym bunny bling” van Galaxy & Co is ontwerp om saam met jou te beweeg. Dis met 18 kar-goud bedek, wat beteken dat die juwele water-, swembad- en sweetbestand is. STAAN & ROEI SUP Kaapstad bied inleidende lesse in Stand Up Paddle (SUP) aan en verhuur ook die roeiplanke uit vir gebruik op die kanale rondom die V&A Waterfront, of selfs langer vir jou vakansie. Dis ook…

Mamma, kan jy asseblief kom speel? Asseblief, net ’n rukkie? Jy werk net heeltyd agter jou rekenaar, jy wil nooit saam met my speel nie.” Ons almal weet hoe dit voel wanneer jy ná ’n veeleisende dag tuiskom. Jy wil net op die bank gaan sit en vir ’n paar minute doelloos deur Instagram blaai en dalk ’n glas wyn drink. En dit is juis dan wanneer jou kind vir ’n bietjie speeltyd kom vra. Die waarheid is dat dit dalk in daardie oomblik die laaste ding is wat jy wil doen, maar in die werklikheid is dit juis wat jy moet doen, meen kenners. ✦ DIE BELANGRIKHEID VAN SPEL Die konsep van spel word reeds vir eeue in die onderwys en akademie bespreek. Die Duitse onderwyser Friedel Froebel (1782-1852)…

Die bekende Jan Braai, oftewel Jan Scannell, vertel dit was hope pret om die boek Jan Braai – Braaibroodjies en burgers te skep. “Om vir die lekker deur die boek te blaai en na die mooi foto’s te kyk, behoort pret te wees; om die resepte in die boek te maak, behoort pret te wees; om die kos te eet wat jy uit die boek maak, behoort éérs pret te wees. “Een van my langtermyndrome was om ’n boek te publiseer wat uitsluitlik aan dié twee prettige sterre van die braaivuur gewy is. Ek is dus verheug om die finale produk met mense te deel. Braaibroodjies en burgers se bestanddele is eenvoudig – dinge wat jy in enige supermark kan koop. Die voorbereiding is vinnig en maklik. Geniet dit.” Die…

IDEES TOTSIENS MUSKIETE Dit raak warmer en ons wil weer buite kuier, maar saam met somer kom muskiete. Plant hierdie plante om jou patio om hulle weg te hou. Kneus die blare om die geur vry te stel en vryf dit oor jou bene of klere:…

Wat het jy nodig? ❖ ELLE Cotton On Seriously Chunky (100 g) ❖ 250 g elk of 500 g vir albei ❖ 6 mm-hekelpen ❖ 20 cm x 20 cm-trapklip vir piramide-deurstop ❖ stopsel ❖ groot koffieblik met klippies in vir gewig vir ronde deurstop Piramide-deurstop Maak 5 ks, gs in lste ks om ring te vorm. Rdte 1 | 4 ks (tel as dsl), 3 Ib in ring, (1 dsl, 3 Ib) 3 maal in ring, gs in 4de ks aan beg (3 Ib per sy en 1 dsl per hoek). Rdte 2 | 4 ks, 2 Ib in dies st (bokant van dsl van vorige rdte), *1 Ib in elke Ib van een sy, (2 Ib, 1 dsl, 2 Ib) in dsl in hoek, herh van * rondom,…

VEEARTS BEANTWOORD VRAE NAT OF DROË KATKOS? My kat kry net droë kos. My vriendin glo katte moet nat kos ook kry. Is dit waar? – Petro van Reenen, Brackenfell Droë katkos is ’n volledige dieet. Dit bevat al die voedingstowwe wat katte vir ’n gesonde lewe benodig. Nat kos is gewoonlik ook volledige diëte, maar het ’n hoër waterinhoud. Nat kos kan nuttig wees om katte te kry om daagliks meer water in te neem. Sommige katte verkies om minder water te drink en sommige siektes veroorsaak dat katte ’n hoër waterbehoefte het. In hierdie gevalle kan dit voordelig wees om nat kos by hul dieet te voeg. Katte kan ook baie kieskeurig wees met hul kos en dit kan bepaal watter kossoort jy jou kat voer aangesien hulle…

Dit was sonder twyfel aan ’n Amerikaanse outeur te wyte dat die befoeterde professor in die middel van die Auvergne deur ’n modderige weiveld vol Charolais-beeste moes ploeter. Leica in die een hand. Fran Lebowitz het, op ’n vraag wat haar gunstelingdier is, geantwoord: “My favourite animal is steak.” Onafwendbaar moes daar dus ’n foto van ’n stewige vleisbees geneem word – die perfekte beeld neffens die carpaccio-resep in Delectáble. In die stadium was ons al naby aan die einde van ons Franse avontuur wat die produksie en skiet van kos en ander foto’s, wat ons vir die kookboek nodig sou hê, behels het. ’n Boek wat oor maande, selfs jare, al om die ander maand ligweg bespreek is wanneer ons ses vriende in mekaar se kombuise kuier. Rondom borde…