Innholdsfortegnelse for August 2022 i Rooi Rose

Geluk word as ’n toestand van tevredenheid beskryf. Daar is natuurlik baie dinge wat ’n mens gelukkig kan maak (of so dink jy). Meer geld is gewoonlik nie te versmaai nie. Goeie gesondheid. Slim en soet kinders. Die perfekte huweliksmaat. Wonderlike werksomstandighede. In ’n perfekte wêreld sou dit so wees, maar dis nie die realiteit nie. Om geluk in alledaagse dinge te ervaar, is vir my kosbaar. ’n Vriendin bring nou die dag vir my ’n bos blomme. Beter sou ek self nie kon kies nie, want dit is absoluut my smaak. Dit het my gelukkig gemaak. Ek gaan stap verlede week om die blok en ‘n pragtige hond kom uit die bloute na my toe aangehardloop, spring teen my op en begin vooruit te loop met ’n kyk in…

Sandra Prinsloo het ‘n paar jaar gelede gesê as sy moet raai, het sy al meer as 150 rolle vertolk, maar vermoed dis heelwat meer. Veelsydig is sy gewis: Een oomblik is sy ‘n sterwende klein seuntjie met ’n dun stemmetjie, dan ’n eensame ma voor ’n naaimasjien, en voor jy kan sê “encore!” huil jy saam met die vernielde Susan in Kamphoer. Daar is natuurlik geen tekort aan goeie herinneringe nie. Sandra sê dis baie moeilik om een rol wat haar gunsteling was óf wat die naaste aan haar eie persoonlikheid is, uit te sonder. “Elke rol het maar iets van jouself in, jy delf diep in jou psige om die rol geloofwaardig te maak. Ek probeer egter om altyd so ver as moontlik weg van my eie persoonlikheid…

Hierdie maand val die kollig op vroue agter mikrofone wat oor grense verhuis en dink; skeppende mense wat na behoeftiges en kinders uitreik en nuwe talente ontdek het. JEANETTE PRETORIUS SE KINDERPRODUKSIES Jeanette se kinderproduksie Bee-Bee die By het tydens die grendeltyd ontstaan toe sy haar dogtertjie met graad R-huiswerk moes help. Bee-Bee die By het pas haar tweede enkelsnit “Buffel en bobbejaan” vanaf haar gelyknamige vollengte album uitgereik. “Ek het besef dat daar ’n leemte in die mark vir opvoedkundige musiek met ’n moderne klank vir kinders is. Omdat ek self ’n ma van twee is, verstaan ek kinders se behoeftes ook nou beter.” Deesdae toer sy landwyd met haar karakter Bee-Bee die By, haar eie country optredes en ook as deel van die groep Heuning saam met Hansie…

NIE-INFLAMMATORIE-SE AKNEE ✻ Witkoppies kom as klein, harde wit of geel knoppies voor. Daar is gewoonlik nie rooiheid nie en dit gebeur as dooie selle en olie onder ’n dun lagie vel vasgevang word. ✻ Swartkoppies is amper dieselfde as witkoppies. Die enigste verskil is dat daar nie ’n dun lagie vel oor is nie en kom die olie en dooie selle in aanraking met suurstof wat dit donker laat voorkom. INFLAMMATORIESE AKNEE Dit word veroorsaak deur die groei van ’n bakterie wat natuurlik op die vel voorkom, naamlik Propionibacterium acnes: ✻ Papules is ’n kleinerige knoppie wat rooi en effens geswel voorkom. Gewoonlik kan jy nie ’n witkoppie sommer sien nie. ✻ Pustules is wanneer die witkoppie sigbaar is en die gedeelte rooier en meer geswel is. Die versoeking…

Wanneer laas was jy by die ginekoloog? vra ek nou die dag vir ’n vriendin. “Seker nege jaar gelede met my tweede kind se geboorte!” vertel sy. Ons vroue is dikwels geneig om onsself en ons gesondheid af te skeep. ’n Mens het so baie ysters in die vuur en jy moet so baie vir soveel mense doen dat jy in die proses van jouself vergeet. En daar is baie siektes waarvoor vroue in hul pasoppens moet wees. Volgens die Wêreldgesondheidsorganisasie is kardiovaskulêre siektes die grootste oorsaak van vrouesterftes. ’n Artikel op journomed.com noem dat daar elke vier minute ’n vrou met borskanker gediagnoseer word, terwyl ’n vrou elke ses minute daaraan sterf. Ongeveer 56% van meisies is anemies, terwyl een uit elke vyf vroue aan polisistiese ovariumsindroom ly. Ongeveer…

Jou aftrede is ’n tyd in jou lewe waar jy nie finansieel van ander mense afhanklik wil wees nie. Statistiek wys egter dat slegs 6% Suid-Afrikaners finansieel onafhanklik kan aftree, wat beteken dat 94% van die bevolking hulle na die staat of familielede sal moet wend om hulle op hul oudag te onderhou. Richus Nel, gesertifiseerde finansiële beplanner van PSG Wealth, sê daar is egter planne te make as jy nie genoeg vir jou aftrede voorsien het nie. Ek het die somme gemaak en gaan met aftrede finansieel sukkel. Wat staan my te doen? Algemeen aanvaarde finansiële onaf-hanklikheid is wanneer jou beleggings, vaste en sakebates volhoubaar vir 75%-80% van jou laaste na-belaste verdienste kan voorsien (tot by afsterwe). In elke scenario sal jou finansiële plan aandui wat finansieel moet gebeur…

Van jongs af het Nicolene Elhadad, ma, entrepreneur en franchise-afrigter van Durbanville, daarvan gedroom om die uithoeke van die aarde te verken en ’n beduidende impak op die wêreld te maak. “Ek is aan die oewer van die Zambezirivier gebore en het in die Kaapse wynlande grootgeword. Ek is een van 24 nefies en niggies en in wese ’n familiemens. “My ouers se egskeiding het my lewe op sy kop gekeer – dit het my vroeg-vroeg geleer om te besluit wat vir my belangrik is en dit na te jaag.” Ná skool het Nicolene as skoonheidsdeskundige gekwalifiseer en vier jaar lank op Celebrity Cruises se skepe gewerk. “Dis ’n ongelooflike manier om die wêreld te sien! Die uiteenlopende kulture en tradisies wat ek teëgekom het, het my vooroordele uitgedaag. Ek…

Thaise gebraaide rys ❖ 4 PORSIES 500 g (2½k) bruin-en- rooi-rysmengsel vir mikrogolf 30 ml (2 e) olyfolie 4 eiers 4 salotte, dun gesny 30 ml (2 e) Thaise rooikerriepasta 2 knoffelhuisies, fyngedruk 300 g tofu, verkrummel 150 g gemengde Oosterse sampioene, in 1 cm-skywe gesny 1 rooi soetrissie, dun gesny 37,5 ml (2½ e) sojasous 15 ml (1 e) lemmetjiesap 250 ml (1 k) basiliekruidblare 1. Berei rys voor volgens aanwysings op pakkie. 2. Verhit helfte van olie in kleefvrye braaipan oor matige hitte. Breek eiers in pan en krap eier vanaf rand na binne en bak in omeletvorm 3. Braai vir 3 minute of tot gaar. Rol omelet in pan op en skuif versigtig op bord. Sny in 1 cm-skywe. 4. Verhit res van olie in wok oor…

BLOM(ME) VAN DIE MAAND SWAARDLELIE Die swaardlelie verteenwoordig herinnering, kalmte, integriteit, ’n sterk karakter, egtheid en verliefdheid. Dis inderdaad soos ’n swaard wat die hart met liefde deurboor. Dis ook bekend as die blom van die gladiators. In antieke Rome het die gladiators tot die dood toe geveg en die wenner is met swaardlelies oorlaai. Die blomme is in ’n verskeidenheid kleure te kry. Spesifieke kleure beteken: > Rooi = liefde > Pienk = deernis > Wit = onskuld > Geel = vreugde > Pers = sjarme en welwillendheid PAPAWER Dit word by geleenthede gedra om dié te onthou wat hul lewens in die Eerste Wêreldoorlog verloor het. > Rooi = plesier > Wit = troos > Geel = sukses en rykdom DOEN DIT IN AUGUSTUS Die weer is nog…

❖ Kyk vir leer-of ander handvatsels by handwerkwinkels. Of koop ’n stukkie leer of kunsleer en sny self handvatsels. Maak gaatjies aan weerskante soos die vier gaatjies op ’n knoop, en werk dit met ooreenstemmende of kontrasterende kleur hekeldraad vas. ❖ Die patroon is vir hierdie spesifieke basis geskryf, maar jy kan enige basis van jou keuse vir so ’n bêremandjie gebruik. Let net op of die steke mooi in die rondte inpas. As dit te wyd is en gaan plat lê, kan jy in een of twee van die eerste paar rondtes eweredig hier en daar twee steke tesame hekel. As daar te min steke is, sal die rand intrek. Hekel dan twee steke in een van die vorige rondte se steke eweredig rondom. ❖Jy kan enige patroonsteek van…

VEEARTS BEANTWOORD VRAE HOEKOM NOU? ANSIE SWANEPOELvan Benoni My kat is sewe jaar oud en sy piepie nou skielik op my bed. Daar was geen veranderinge in die huis nie. Wat kan die oorsaak wees? DR TANYA HAARvan die Lyttelton-dierehospitaal Daar is ’n paar dinge waarna jy kan kyk. Sandboks: Katte is baie kieskeurig oor hul sandboks. Maak seker die sandboks word gereeld skoongemaak, is op ’n maklik bereikbare plek en die kat hou van die tipe sand. Gedragskwessies: ’n Kat wat angstig is, kan maklik roetines vergeet en probleme met blaasbeheer ondervind. Moontlike faktore is ’n nuwe troeteldier, die verlies van ’n troeteldier, ’n nuwe kind in die huis, verandering in eienaars se werksure, opknappings by die huis of selfs ’n gas in die huis. As jou kat op…

Vir ’n oomblik was dit doodstil rondom die kersverligte kombuistafel... Messe, vurke, glase net só, terwyl ons almal versigtig na mekaar loer – daardie onderlangse blik om seker te maak jou ore verloën jou nie. En dan hoor ons dit weer. Duideliker die keer. Die oerklank wat elke Afrikaan immer diep in sy viscera sal herken. Die diep umph-umph-steun van ’n leeu net voor hy brul... ’n Geluid wat gerusstellend aan die orde van die dag is as jy in een van Afrika se wildtuine vakansie hou. Maar die hel weet, nie as jy tydens ’n donderstorm in die donker kombuis van ’n klein kasteeltjie in die middel van die Franse platteland vir ete aansit nie! Steeds het ons effens versigtig onderdeur die twee enorme kandelare na mekaar gekyk-kyk. Toe…

Terwyl ek in die voorste sitplek –sonder ’n veiligheidsgordel van ’n dag oud – van ’n rammelende bus tussen Nkhata Bay en Lilongwe in Malawi sit, dink ek aan my ma se voorsate wat behalwe vir boer, veral twee spesifieke nerings gehad het: sirkusmense en sendelinge. Iewers in die Rens-stamboom se hoër Europese takke, was die stigters van Circus Renz. Dié sirkus, met ene Ernst (!) Jacob Renz aan die stuur, het in 1842 in Berlyn ontstaan. Nie ’n hierjy-sirkus in ’n stowwerige tent nie. Nee, Circus Renz se eerste tuiste was dieselfde statige gebou waar Johan Strauss II in 1867 sy Aan die mooi blou Donau in Berlyn gedebuteer het. My oupagrootjie, Bernardus Rens, het glo soms die “nar” in sy naam na vore gebring. My ma Winnie, wat…

TV-kykers het Marisa Drummond aan die begin van haar loopbaan as die komieklike Ester in die situasiekomedie Hester en Ester Bester leer ken. Sy was ook die superfeeks en fortuinsoeker Kimberley in die sepie Isidingo. Sy het weer haar komedieskoene aangetrek vir haar rol as die stylvolle Wilma de Bruin, medeeienaar van ’n aanlyn maatsoekagentskap in die komedie Elke skewe pot. En wie sal ooit die nare booswig Alexa, ’n professor wat studente vir haar oordeelsdagkultus verwerf het, in die hospitaalsepie Binnelanders vergeet? Marisa het die vermoë om seepglad van die een karakter na die ander oor te skakel. Nadat sy die afgelope ses jaar hoofsaaklik haar gewig as mederegisseur by die sepie Getroud met rugby ingegooi het, het sy onlangs die kans aangegryp om een van die hoofrolle, Cobie,…

Die antwoord behoort “nee” te wees, maar vir die meeste van ons is die versoeking net te groot. Jy loop die risiko om die inflammasie te vererger, letsels te veroorsaak en die inhoud net dieper in die vel in te druk. Hier’s wat jy eerder kan doen (en nie moet doen nie!): ✻ Gebruik ’n plakker of pleister (sien “behandel’’) om te verseker dat die merkie skoon bly en sodat jy nie heeltyd daaraan vat nie. Hierdie plakkers het dikwels ook bestanddele soos niasienamied, teeboomolie en salisielsuur wat genesing versnel. ✻ Gebruik ’n salf or serum spesifiek vir aknee. ✻ Maak seker jy was gereeld jou kussingslope. ✻ Wees geduldig. Aknee is nie permanent nie, en in die meeste gevalle kan jy meer skade verrig as enigiets anders, wat moontlik…

SUPERSLAPERS Navorsing het bewys dat sekere mense gene het wat sorg dat hulle slegs vier tot ses uur se slaap benodig. Die studie wat in Maart vanjaar deur die Universiteit van Kalifornië gepubliseer is, verwys na die sogenaamde “elite-slapers”. Hulle toon glo ’n groter weerstand teen neurodegeneratiewe toestande en daar is vyf gene wat Familial Natural Short Sleep (FNSS) meebring en elite-slaap kan aktiveer. Hul breine kan in ’n korter tydperk die nodige take verrig as ander wat meer ure daarvoor nodig het. Volgens die studie wissel die hoeveelheid slaap wat jy benodig van mens tot mens en verskil op grond van genetika. Die slaapgehalte bly ook belangriker as die hoeveelheid slaapure. Jy kan swak slaappatrone met behulp van natuurlike hulpmiddels verbeter: BLY GESOND Vir ‘n gesonde immuunstelsel, maak Efferflu…

Jy sien al waar jou skilderye gaan hang en waar jou ouma se laaikas gaan staan. Dis opwindend om ’n mens se eerste eiendom te koop. Die snuffel op die internet, die besoeke aan die verskillende huise of woonstelle en dan daai ingenome gevoel as jy uiteindelik jou handtekening ewe spoggerig op die kontrak aanbring. Die proses kan egter nogal vreesaanjaend wees vir mense wat dit vir die eerste keer doen, maar die vrees is eintlik onnodig, sê Adri Herbst, ’n eiendomsfinansieringspesialis by Ooba, ’n verbandvergelykingsfirma. “Eerste kopers dink dikwels dat die proses moeiliker is as wat dit regtig is. As die regte dokumente ingedien word, hul kredietrekord goed is, en as hulle die eiendom kan bekostig, verloop die proses vinnig en vlot. Dis wel belangrik dat eerste kopers nog…

Elke keer wanneer ek die skoonheidsalon besoek, sien ek haar. ’n Pragtige meisie met laggende oë en ’n warm glimlag. Soms is sy doenig by die ontvangs, ander kere is sy besig om vir iemand ’n pedikuur te gee. Mathilda lyk soos enige meisie van haar ouderdom. Sy’s keurig gegrimeer, dra ’n denim met ’n geblomde T-hemp en het blonde ligstrepe in haar hare. Dat sy nie kan praat nie, sal jy nooit raai as jy haar sien nie. Dis ‘n sonnige dag in Groot-Brakrivier, ’n dorpie op die Kaapse Tuinroete. Ek kuier by Mathilda en haar gesin in hul huis wat hoog teen die kop met ’n lieflike uitsig oor die see lê. Pa Cassie, winkelbestuurder van die plaaslike Spar, het koffie gemaak, terwyl Mathilda en haar sussie, Bianca,…

Errieda du Toit is vir vele die Huiskok van RSG-faam, vir ander inhoudsvervaardiger vir Kokkedoor, Koekedoor, In die Sop en Master-Chef SA, en vir ander kookboekskrywer met tien kookboeke op haar kerfstok. Haar skrywes in koerante en aanlyn het al vele mense met tien duime in tuiskokke van formaat omskep. SAAM is haar uitsonderlike kookboek oor die kos wat ons die meeste geniet en die kultuur waarmee resepte in gemeenskaps-resepteboeke gedeel word. Errieda het haar in 150 boeke verdiep wat oor 100 jaar uitgegee is. Die spesiale band met die resepte is duidelik te siene op die omkrulblaaie vol kosvlekke uit dié versamelings. In dié resepteboek vier Errieda ons verhouding met die nederige gemeenskaps-boeke en die invloed daarvan op ons kos- kultuur en die kenmerkende gees van samewerking. Daar is…

Veroudering is maar ’n derduiwel wat aan jou gemoed en denke knaag. Plooie, maagveljies en daardie hardnekkige grys hare herinner jou daagliks dat die jare aanstap. Dit is egter wat tussen jou ore aangaan, wat bepaal hoe goed jy jou jare werklik dra. Kenners is dit eens dat jy in beheer is van hoe jou brein verouder en dat jy glad nie maar net hoef oor te gee aan “die ouderdom” soos wat soms geglo word nie. Volgens dr Melodie de Jager, stigter van die Mind Movesinstituut, is ’n mens geneig om te dink dat sekere knelpunte soos min slaap, vergeetagtigheid, angstigheid, onvaardige vingers, en val met ouderdom verband hou. Sy sê dit het eerder veel meer met die brein as met ouderdom te doen. Prof Ignatius Gous van Unisa,…

Wen In hierdie boek van Jane Griffiths is al die inligting wat jy nodig het om jou eie kruie te kweek. 3 lesers kan die boek gratis ontvang. Stuur jou naam, van, adres en telefoonnommer met JANE in die onderwerpreël voor 18 Augustus 2022 na rooirose@hsm.co.za…

❖ Die laaste rolprent wat op videokasset oorgeplaas is voordat DVD’s oor-geneem het, was A History of Violence (2005). ❖ Die kat wat Marlon Brando in The Godfather (1972) vashou, was ’n rondloperkat wat toevallig op die stel beland het. ❖ In The Revenant (2015) moes verfilming tydelik gestaak word omdat die kameras weens die erge koue gevries het! Die akteurs het ook te veel geklappertand om te kon toneelspeel. ❖ Die bekende reël in Taxi Driver (1976), “You talkin’ to me?” is deur Robert de Niro geïmproviseer. ❖ Akteur Shia LeBeouf het glo vreemd op die stel van Fury (2014) opgetree. Hy het blykbaar vir weke nie gestort nie om sy karakter beter te verstaan……

Gill Taylor het haar eie luukse leefstylhandelsmerk Petite French & Co van stapel gestuur. Sy wou nog altyd ’n onderneming gehad het wat haar liefde vir diere weerspieël en haar Franse bulhond, Sophie, het as inspirasie gedien. Haar gehalteprodukte sluit van oulike bakkies wat kan in- en uitvou tot ’n spoggerige reddingsbaadjie in. Hier is die Rubber On-the- go Collapsible Bowl, R149, www.petitefrench.com As jy ’n geskenk vir ’n diereliefhebber soek, is hierdie stelletjie vir twee net die ding. Drinking for 2 Pet Set, R239, www.superbalist.com Veelkleurige kouse is in en as jy gek na katte is, is so ’n paar ideaal vir jou. Unisex Custom Cat Socks, R249,99, www.seapanda.co.za…

Dit het fyn beplanning geverg om ’n dag en tyd vir ons gesels te reël, want Leah van Niekerk se dagboek bars uit sy nate. Vertonings, fotosessies, TV-opnames, oudisies... Sy’t kwalik tyd om ’n rustige maaltyd te geniet. Dis half ironies dat Leah ’n Bybelse naam is wat in Hebreeus afgemat of uitgeput beteken. Maar dis allermins hoe ek haar sal beskryf. Die pragtige jong vrou wat by ’n koffiewinkel in Durbanville opdaag, is energiek, gulhartig en spontaan. “Ja, my lewe is dol en dit gaan maar rof by tye, maar ek’s terdeë bewus van hoe vinnig dinge kan verander en jy letterlik met jou vingers sit en speel.” ‘Ek sal nooit weer kla dat ek te veel werk het nie’ ’n Paar dae tevore het sy die oggend kwart…

TEMAS VAN DIE MAAND Dís Vrouemaand en ons fokus op vroueskrywers. Lees meer oor ’n nuwe spanningsriller, oor wenke om met integriteit te leef, ’n fantasieverhaal vir jong volwassenes en ’n beroemde roman wat in al 15 tale, en nou ook in Afrikaans, vertaal is. Blinde mol of wyse uil? SUSAN COETZER Lux Verbi (NB-Uitgewers), R192Dié boek, geskryf deur die gewilde aktrise, skrywer en motiveringspreker Susan Coetzer, gaan oor die groot behoefte aan mense met integriteit – daardie eienskappe wat van hulle veelsydige, standvastige en betroubare uile maak. Staatmakers. Dit word as humoristies, diepgaande en eerlik bestempel, met prettige vraelyste aan die einde van elke hoofstuk. Die tienduisend dinge MARIA DERMOÛT (AFRIKAANSE VERTALING DEUR ENA JANSEN) Protea Boekhuis, R295De tienduizend dingen (1955) is die skrywer se beroemdste boek. Dit word…

Raadpleeg ’n dokter In ernstige gevalle wanneer jou aknee aanhoudend pynlik is, of vererger, is dit belangrik om ’n dermatoloog so gou as moontlik te sien. Hulle sal die oorsaak kan diagnoseer en die beste moontlike medikasie of oplossing kan voorskryf – dikwels in die vorm van isotretinoïen (Accutane), antibiotika of ’n voorbehoedmiddel. Dit kan help om op die dag van jou afspraak jou velsorgprodukte saam te neem en ook ’n dagboek van jou dieet (wat jy natuurlik voor die tyd al moet begin). Aknee is iets wat almal een of ander tyd in hul lewe ervaar, party mense net vroeër of later as ander. Vir sommige mense is dit gou oor en verby, maar vir baie mense veroorsaak dit jare lange pyn. Dit het nie net ’n fisieke impak…

MOOI VAN BINNE Die Nutrafy-reeks van The Harvest Table is ’n reeks aanvullings wat spesifiek vir die vel gemaak is en hoe om dit van binne af te voed en gesond te hou. Die vier verskillende formules is onderskeidelik vir droë, olierige, onegalige en kombinasieveltipes. Met soveel uitdagings in die lewe is daardie ekstra hulp baie welkom. Die bestanddele sluit onder meer kollageen, probiotika, hialuronsuur en sink in, asook spesifieke bestanddele om elke veltipe verder aan te help. En omdat dit smaakloos is, is dit maklik om dit daagliks by ’n gladdejantjie, sap of enige koue skommeldrankie in te meng. The Harvest Table is ‘n familie-onderneming in KwaZulu-Natal. Alle produkte is vry van vullers, preserveer- en bymiddels. Beskikbaar teen R695 elk by www.harvesttable.co.za MEER AS NET GRIMERING Deesdae is ’n…

Mindful eating (om bewustelik of aandagtig te eet) is een van ons hedendaagse gonswoorde as dit by gesonde eetpatrone kom. Maar wat beteken dit werklik? Xenia Ayiotis, lid van The Centre for Mindful Eating, was haar lewe lank in ’n stryd met kos gewikkel. Sy het as 13-jarige tiener met haar eerste dieet begin. Ná 30 jaar het sy amper elke dieet beproef. Dit maak nie saak hoe sy gelyk het nie, sy het haar lyf gehaat. Haar lewe het om kos gedraai. “Ek was ’n kompulsiewe eter. Ek het geëet as ek hartseer, kwaad of gefrustreerd was. Selfs as ek gelukkig was.” Ná elke dieet het sy net weer gewig aangesit. Net voor haar 40ste verjaardag het sy besluit genoeg is genoeg. Sy sien nie weer kans vir die…

Jy wou nog altyd graag ’n kruietuin gehad het, maar weet nie waar en hoe om te begin nie. Ons het by die kruieghoeroe Jane Griffiths gaan kers opsteek. Ligging Die ideale plek vir jou kruie is ’n bedding of kol wat noord front, want die meeste kruie verkies agt uur se son per dag. Sommige kruie soos roket, koljander en selfs basiliekruid kan met minder son klaarkom. Jane se raad is om omliggende bome se onderste takke af te saag vir meer lig, om mure daar naby wit te verf en ligte paadjies tussen die kruie te maak om die lig te weerkaats. Jy hoef nie ’n groot tuin te hê om jou eie kruie te geniet nie, want die meeste groei ook in potte. Die grond Gesonde grond…

As ons Suid-Afrikaners aan wildreservate dink, is ons geneig om aan die noorde te dink. Daar waar die Krugerwildtuin en ander natuur-reservate is, maar eintlik hoef Kapenaars nie so ver te ry om wild te kyk nie. Die Wildehondekloof Privaat Wildreservaat, ’n plaas van 4 000 hektaar met ’n luukse wildlodge, is 40 km vanaf Oudtshoorn aan die voete van die Swartbergpas geleë. Ons het nie eintlik enige verskoning nodig om die pas te ry nie en ons stop kuier-kuier by plekke vanaf Prins Albert se kant af. Met die kattebak vol olywe, olyfolie en wyn, ry ons met die kronkelende pad oor die Swartbergpas. Ons staar met verwondering oor die vlaktes toe ons die motor bo-op die pas afskakel en uitklim. lewers onder in die vlaktes, versteek tussen Karookoppies…

AFKORTINGS kb – kortbeen kb2tes – werk twee kortbene tesame (Steek pen deur die volgende steek en trek ‘n lus op, steek pen deur die volgende steek en trek ’n lus op, sit draad om pen en trek deur al drie lusse op die pen.) ks – kettingsteek gs – glipsteek Wat het jy nodig? ❖ Classic Yarns Dolce T-Shirt Yarn (100 g) of T-Shirt Yarn van jou keuse 2 balle in donkergrys of kleur van jou keuse ❖ 8 mm- en 10 mm-hekelpen ❖ Houtbasis ❖ Bruin leerhandvatsels (20 cm) ❖ Merker Grootte 45 cm x 35 cm x 23 cm Basis Basis (3 cm dik) kan gekoop of bestel word by Lelani van Negosie Craft and Gifts teen R40 plus posgeld. Kontak haar op 072 865 5119 of…