Innholdsfortegnelse for July 2022 i Rooi Rose

Ek weet nie van jou nie, maar ek vind dit soms baie moeilik om te luister. Wanneer iemand te veel praat, verloor ek belangstelling. Wanneer iemand nonsens praat, verdwyn my aandag. Wanneer iemand in ’n luidrugtige stemtoon praat, vind ek dit moeilik om in te neem wat hy of sy sê, want dit voel of hulle op my skree. Nie almal van ons kry dit reg om altyd na die regte dinge te luister nie. Hoe luister jy? Dwaal jou gedagtes wanneer jou vriendin oor haar kinders spog of jou wederhelf oor die dag se gebeure mor? Luister jy dalk eerder aandagtig as jou buurvrou oor jul ander buurvrou skinder? Wanneer spits jy jou ore en wanneer slaan jou ore toe? Luister jy na die regte dinge? Of luister jy…

Dis ’n perfekte laatmiddag in Kaapstad. Ek wag in Kloofstraat by Café Paradiso vir Nicole wat pas uit Johannesburg op die lughawe geland het. Minute later maak sy haar opwagting. “Jammer dat jy moes wag, ” maak sy verskoning. Sy’s in ’n langbroek, hemp en denim-baadjie met interessante geborduurde insetsels geklee. “Ek het dit in 2019 by ’n vintage-winkel in Londen gekoop toe ek vir vriende gaan kuier en ’n agent gaan sien het, ” vertel Nicole, wat ook agente in Kaapstad, Johannesburg en Los Angeles het. “Dis waar, ja, maar moet asseblief nie dink ek dink ek is famous nie, ” lag sy halfverleë. Sy was weliswaar al in ’n Kanadese rillerprent, ’n Disney-fliek én in ’n National Geographic-dokumentêr te siene, maar sy benadruk: “Ek is rêrig nie famous…

Sangers raak nooit uitgesing oor die hart en die liefde nie. Of dit nou verlore liefde of romantiese liefde of naasteliefde is. Met dié onlangse uitreikings is dit weereens ’n groot tema. GRACE DE LA HUNT: SPREAD YOUR LOVE Binne agt dae nadat Grace (28) haar jongste enkelsnit uitgereik het, kon dit op altesaam 28 radiostasies landwyd gehoor word. Die liedjie gaan oor geluk, liefde en empatie. Twee musiekvideo’s word bekend gestel waarvan die een ‘n animasievideo is, wat ‘n boodskap van hoop in ’n onvolmaakte wêreld bring, en die ander een via Jacaranda FM se aanlyn platforms. THERENÉ: SNOEIMYTOT LIEFDE Hierdie ma van vier volwasse dogters se snit herinner volgens kenners aan gospelmusiek, sowel as Koos Du Plessis se “Gebed”. Sy is ’n opgeleide remediërende onderwyser wat gebaretaal bemeester…

Een kleur van kop tot toon Speel met die “Tonal”-modeneiging deur een kleur te kies en jou hele uitrusting om dit te bou. Tekstuur kan ’n bietjie afwisseling bring. Oorgroot baadjies Van leerjasse tot pofferbaadjies – die oorgroot voorkoms is beslis in. Dra dit saam met ’n leerbroek vir ’n modieuse voorkoms…

Die Nasionale Stokvel-vereniging van Suid-Afrika (Nasasa) reken die plaaslike stokvelmark is ongeveer R50 miljard in jaarlikse bydraes werd. Tog kies min mense om op dié manier hul geld te laat groei. Volgens Sifiso Nkosi, groeibestuurder by FNB-kontantbeleggings, is die wanpersepsie dat stokvels slegs vir ’n sekere ras-of inkomstegroep bedoel is, deel van die rede waarom stokvels steeds nie ten volle benut word nie. “Dit is ’n effektiewe manier van spaar. Dissipline (om ’n bydrae te maak) is inherent deel van die kollektiewe doel van ’n stokvel, ” sê Sifiso. Tradisioneel was ’n stokvel ’n spaarskema waarvolgens lede ooreengekom het om ’n vasgestelde bedrag vir ’n gemeenskaplike doelwit by te dra. Die spaargeld is dan op roterende basis aan lede uitbetaal. Hoewel die beginsel van vertroue en dissipline vandag dieselfde is,…

Liesl Morgan vier steeds jaarliks twee verjaardae: haar geboortedag en twee weke later die dag van haar aanneming. Liesl het al die satyn én die skuurpapier van die lewe ervaar en Hartelief is ’n uitvloeisel hiervan. Soms is ’n ondememing nie net ’n bron van inkomste nie, maar ook ’n hartsaak en terselfdertyd terapie. Liesl het nooit haar biologiese ma ontmoet nie omdat sy verongeluk het toe Liesl maar agt maande oud was. Sy was vier jaar oud toe haar biologiese familie gevra het om haar te leer ken. Dit was nie altyd vir Liesl maklik om tussen twee huise gedeel te word nie en soms was haar emosies ’n warboel. Die feit dat maats by die skool boonop nie met haar wou speel nie weens die letsel van die…

Italiaanse lamskcnkels met gort ❖ 4 PORSIES ½ k pêrelgort 2 e olyfolie 800 g lamskenkels 1 ui, dun gesny 2 selderystingels, gekap 2 wortels, grofgesny 1 rooi soetrissie, ontpit en gekap 4 knoffelhuisies, fyngekap 2 t vinkelsaad 1 t gerookte paprika 2 vars lourierblare 80 ml tamatiepasta 400 g-blik gekapte tamaties 3 k beesvleisaftreksel 2 e pietersielieblare, gekap 80 ml parmesaankaas, gerasper roketblare, om voor te sit 1. Spoel gort in sif onder koue lopende water af. Dreineer goed. 2. Verhit helfte van olie in prutpot van 4,5 liter op hoë verstelling. Kook lamsvleis in sarsies vir 15 minute of tot goed bruin. 3. Verhit oorblywende olie in prutpot op matig. Braai ui, seldery, wortel en soetrissie vir 5 minute of tot groente sag is en roer gereeld. Voeg…

Wat is nou mooier as ’n pot of vensterbak met trosse helderkleurige malvas? En boonop is dit ’n baie maklike plant om te kweek en sal dit jou maande lank met blomme beloon. TWEE SOORTE Geraniums > Geraniums kom natuurlik in Europa en Noord-Amerika voor. > Hulle is gehard en kan ryp weerstaan. > Die stamme is sag en kruidagtig. > Dit groei wyd en laag, en word dikwels as grondbedekker gebruik. > Die blom bestaan uit vyf ewe groot blomblare. Pelargoniums > Pelargoniums kom so te sê eksklusief in Suidelike Afrika voor. > In Suid-AFrika is daar omtrent 200 inheemse spesies. > Hulle is semi-gehard en sensitiewer vir ryp. > Die blomme bestaan ook uit vyf blomblare, maar dis asimmetries gerangskik met twee groter blare bo en drie kleineres…

Die eerste keer wat ’n mens iets aanpak, is nie noodwendig maklik nie, vreesaanjaend wel. Daar was die eerste taxirit op my eie tot in die hart van ’n nog onbekende Parys toe ek oortuig was dat my uitgemergelde sinne my verlaat het. ’n Enorme passasiersvliegtuig het onderstebo oor die Al- hoofweg gevlieg. Dit was die jaarlikse lugskou by Le Bourget – hoe op aarde moes ek dit weet? En toe die aankoms by die klein hotelletjie op die regterbank van die Seine. Die eerste keer op my eie in ’n onbekende hotclkamcr. Om alleen die vensters oop te gooi en ’n paar goedjies in die badkamer uit te pak. En dan die eerste tree in ’n wêreldstad. Aanvanklik versigtig en selfbewus, later met verwondering en meer ligvoetig. Langsaam begin…

So ’n paar weke gelede het ek ’n bril gekry. Eintlik om die waarheid te sê, het ek twéé brille gekry. “Om beter te kan sien, my kind, ” het die wolf vir Rooikappie gesê. Ek giggel in my binneste oor die wolf se woorde, toe ek my nuwe geraamde vensters gaan oplaai. Soos miljoene ander het ek die brille gekry omdat my sig langsamerhand versleg en ’n bietjie hulp nodig is vir meer duidelikheid van alles, ver en naby. Hier waar ek voor my rekenaarskerm sit, rus die bril vir “alles naby” voorwaar ook nou op die brug van my ncus. Woorde lyk deesdae kraakvars op ’n wit bladsy, ook wanneer ek ’n boek lees. Stories ontvou bykans met selfs nog verbeeldingryker beelde – sonder steumis of pouses om…

Sy hou op die kop twaalfuur by die Plaas-kombuis in Blackheath, Randburg, stil waar ons ontmoet. Lourensa lyk stylvol in ’n mosgroen bloes, ’n langbroek en deftige skoene. In die werklike lewe is sy nog kleiner en fyner as wat sy op die kassie lyk, maar soos ons hierdie dinamiese joemalis en TV-aanbieder die afgelope paar jare leer ken het, is sy nie iemand wat jy op haar baadjie moet takseer nie. Kyk, hierdie vrou ken haar storie, veral wanneer dit by aktuele en politieke kwessies kom. Lourensa voer weekliks met gemak onderhoude met vername politieke swaargewigte, rolspelers, besluitnemers, nuusmakers en ingeligte joemaliste. A1 het sy die vorige aand (soos elke Woensdagaand op kykNET) haar gespreksprogram, In gesprek met Lourensa Eckard, seepglad genavigeer, lyk sy vandag douvars en gefokus. Wat…

As daar een woord is wat die Afrikaanse taal beslis kort, is dit ’n raakvatbegrip vir die Engelse woord entertainer. Dis asof’n vermaakkunstenaar in sy geval net nie heeltemal werk nie, want hy is nie sommer net ’n musikant nie, maar een wat dit regkry om gehore te betower. Hy is ’n briljante pianis, musikant en storieverteller, wat in flambojante kostuums op die verhoog verskyn en die gehoor vir ’n uur of wat in die palm (of is dit dalk palms) van sy hande hou. Só laat hy elkeen van die harde werklikheid ontsnap. Enige van sy vertonings bly vir dae, selfs weke, in jou gedagtes. Dit maak van Rocco de Villiers ’n entertainer van formaat; iemand wat al ’n wye verskeidenheid instrumentele albums opgeneem het, verskeie verwerkings van bekende…

Pas jou roetine aan Die winter is nie goed vir ’n mens se hare nie. Die hare kan brosser en droër voel, gesplete punte is meer opsigtelik en jou hare is heeltyd staties. Die koue en droë lug veroorsaak dat die buitenste gedeelte van die haarskag effens lig en wanneer jy weer binnenshuis is waar dit warmer is, ontsnap die vog. Dít maak dit ook moeiliker vir enige vog om geseël te bly. Hoe gemaak? Dit is noodsaaklik om in die winter anders oor jou haarsorgroetine te dink. Omdat jou hare bloot nie dieselfde in die winter as in die somer reageer nie en ander elemente moet verduur, moet jou keuse van sjampoe en bevogtiger eerstens aangepas word. Gebruik ’n meer bevogtigende sjampoe en hou jou verhelderende sjampoe vir elke…

’N GOEIE BALANS Kiko Vitals is ‘n nuwe aanvullingsreeks deur Kerri-Lee Taylor wat spesifiek vir vroue gemaak is. Die aanvullings fokus op die bron van vroue se welstand deur drie hoofpilare te teiken, naamlik hormonale balans, dermgesondheid en die vel. Die bestanddele is alles 100% natuurlik, veganisties en glutenvry, en die verpakking is herwinbaar. Die Hormone Balance-aanvullings help om simptome van polisistiese ovariële sindroom, PMS, menopouse, endometriose en aknee te verlig, terwyl Bloat weer help om daai opgeblase gevoel en krampe te verlig. Kiko Vitals Hormone Balance (60’s) R490 en Bloat (60’s) R480, www.kikovitals.com WAT IS MSM? Metielsulfonielmetaan is ’n natuurlike anti-inflammatoriese oplossing vir diegene wat op soek is na ’n alternatiewe manier om inflammasie en pyn te hanteer. Dit word in die algemeen vir seer en stywe gewrigte gebruik, wat…

Mynie Steffens bely in haar eie woorde dat sy ’n selferkende braaiverslaafde is en kook al sedert sy tien jaar oud was, op die vuur! “Alles smaak soveel beter as dit op die vuur gaargemaak word, ” sê sy. “Ek soek altyd enige moontlike verskoning om ‘n indmkwekkende dag lange braai te reël.” Danksy die ervaring wat sy met reis en braai tydens haar TV-kosmaak- program Speel met vuur op Via opgedoen het, asook deur spyseniering vir private braaigeleenthede, het Mynie besluit om haar idees verder te voer. Die result aat is hierdie kookboek van braaiproespyskaarte – die beste braaivermaak nog. Mynie nooi jou om pret te hê elke keer as jy braai, met alles van spyskaarttemas en smaaklike (dikwels onkonvensionele) resepte, tot gepaste musiekspeellyste en prettige feite! Sy was…

HOU JOU TUIN IN ’N GOEIE TOESTAND MET ONS IDEES BLOMME VAN DIE MAAND RIDDERSPOOR EN WATERLELIE Die ridderspoor is in verskeie ryk kleure te kry. Pienk ridderspore simboliseer wispelturigheid en wit verteenwoordig geluk, maar oor die algemeen beteken ridderspore positiwiteit en liefde. Volgens die Griekse mitologie het dit geblom waar Ajax se bloed tydens die Trojaanse oorlog gevloei het. Die ridderspoor hou glo slange weg en help teen skerpioensteke. In Engeland het mense die blomme in hul bad- water gegooi om hulle teen spoke en towery te beskerm. Inheemse Amerikaners gebruik die blomme vir kleurstof. Die waterlelie simboliseer reinheid en wederge-boorte. Die blomme hou net ’n paar dae voor hulle onder die water verdwyn, wat dit nog spesialer maak. INTERESSANT HET JY GEWEET Die natuur sorg vir interessante feite…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 BLOKRAAI 6 ANTWOORDE Blokraai 1 & 2 van bl 122 & 123 BLOKRAAI 1 BLOKRAAI 2 SUDOKU 1 MAKLIK SUDOKU 2 MEDIUM SUDOKU 3 MOEILIK WOORD–SUDOKU VOLTOOI DIE ROOSTER SODAT ELKE RY DWARS, ELKE KOLOM AF EN ELKE 3x3-KASSIE DIE LETTERS VAN DIE WOORD BEVAT WOORDOKU 1 | Vlak: Maklik VYFKANTIG WOORDOKU 2 | Vlak: Medium VOLKSRAMP WOORDOKU 3 | Vlak: Moeilik VRAGSKUIT ANTWOORDE Blokraaie 3 & 4 van bl 124 BLOKRAAI 3 BLOKRAAI 4 SUDOKU VOLTOOI DIE ROOSTER SODAT ELKE RY DWARS, ELKE KOLOM AF EN ELKE 3x3- KASSIE DIE NOMMERS 1 TOT 9 BEVAT SUDOKU 1 | Vlak:Maklik SUDOKU 2 | Vlak: Medium SUDOKU 3 | Vlak: Moeilik ANTWOORDE Blokraaie 5 & 6 van bl 125 BLOKRAAI 5…

Ek ontmoet die beeldskone vrou met die swart hare in ’n sjiek styl by The Whippet in die bedrywige Johannesburgse voorstad Linden op ’n koel herfsoggend. Die afgelope vyf jaar het kykers vir Marlee van der Merwe as Kristien du Toit-Smith in die kykNET-sepie Getroud met rugby leer ken. Ander glansryke rolle in haar repertoire sluit die bitsige Alexia in die reeks Sterlopers, die uitspattige Magenta in die musiekblyspel Rocky Horror Picture Show en meer onlangs Lana in die fliek Elsa en Magriet op skou in. Haar vermoë om uiteenlopende karakters te vertolk, wat in baie opsigte van haar verskil, spreek van ’n talent waaraan sy al jare slyp. “Ek is eintlik net ’n normale mens. Iemand wat daarvan hou om ná werk huis toe te gaan na my man…

Wen 3 lesers kan dié boek wen. Stuur jou naam, van, selfoonnommer en adres met die woord KANKER in die onderwerpreël voor 21 Julie 2022 na rooirose@hsm.co.za Wilderness to Wellness – ’n joemaal vir vroue met kanker MARISKA FORD EN KARIEN BASSON Self uitgegee, R385 Mariska Ford en Karien Basson het dié hardeband-kankerjoernaal geskryf toe hulle besef het dat daar níe veel hulp vir vroue met kanker is nie. Hulle wou ‘n verskil maak en het besef hoe kragtig joernaalterapie is. Mariska het ’n agtergrond in sielkunde en joernalistiek, en ís ’n opgeleide verpleegkundige. Karien is ‘n prokureur met ’n belangstelling in vroue se gesondheid en welstand. Hulle het baie navorsing gedoen en albei het kursusse in traumaberading voltooi. Mariska sê hulle hoop hierdie boek maak ‘n verskil aan vroue…

MOOI MET MIN Daar is maar net iets aan ’n klassieke Franse handelsmerk. Dink aan ’n elegante Franse vrou met ’n mooi vel en minimale grimering – dis NUXE. Die nuwe teenverouderingsprodukte in die Merveillance Lift-reeks fokus daarop om jou vel sterk en gesond te hou deur mikro-algeolie (chlorella vulgaris) te gebruik. Dis ’n bestanddeel wat miljarde selle in ’n enkele druppel kan hou en besonder vinnig kan vernuwe. Dit sorg vir ’n voller, sterker en gladder vel met minder plooie. Die perfekte verskoning om nie grimering te dra nie. Die nuwe NUXE Merveillance Lift-reeks is vanaf R575 by Woolworths beskikbaar. SKOONHEIDSLAAP IN ’N BOTTEL ’n Bevogtiger wat jou vel sommer oornag kan transformeer, is die Environ Focus Care Youth+ 3DSynergé Filler Crème (R1 195, www.deluxeshop.co.za). Dis vol hialuronsuur, peptiede…

Die troostante en verhoudingskrywer Elize Parker kan uit haar hart raad gee oor wat om te doen as jou man sy werk verloor omdat sy dit self al beleef het. (Haar troostante-rubriek op Netwerk24 is al vier miljoen keer gelees.) “Vandag verstaan ek wat ek destyds verkeerd gedoen het, ” erken sy nou. In haar huwelik van 16 jaar was sy dikwels die broodwinner weens haar voormahge eggenoot se herhaaldelike afleggings. “Dit het tot huwelikspanning gelei en hom verslae en gebroke gelaat” Sy sê aflegging kan ’n man laat voel hy is nie meer in heheer nie. Sy het destyds haar bes gedoen om haar man geestelik en emosioneel te ondersteun, en het self ingespring om met verskeie vryskuten vaste betrekkings die pot aan die kook te hou. Haar man…

WYNMAKER BEANTWOORD VRAE KIARA SCOTT WYNMAKER van Brookdale-landgoed Hoe gou moet ek ‘n bottel wit-en rooiwyn drink nadat ek dit oopgemaak het? Dit hang af van die samestelling van die wyn en hoe dit gemaak is, maar drie dae is ’n veilige gemiddeld. Wat is die beste manier om wyn te verouder as ek nie ‘n verkoelde wynkamer het nie? Lê die bottels op hul sy neer in ‘n koel omgewing waar die temperatuur nie baie wissel nie, en hou dit weg van direkte sonlig. Kombuise is nie die beste plek daarvoor nie, maar ’n koel motorhuis kan ideaal wees. Maak die glas ‘n verskil aan die wyn? Ja, dit is baie belangrik, want die vorm van die glas kan die wyn se aroma na vore laat kom en die…

“Nee! Net nie dit nie.” Marissa gooi die inhoud van haar handsak op die sitplek langs haar uit. Krap daardeur. Sy het sowaar die stuk papier waarop sy die inligting neergeskryf het, op haar tafel gelos. Danksy die reën was die middag- verkeer al klaar chaoties toe sy hierheen gery het. Sy sal nie nou kan teruggaan kantoor toe nie en sy móét die boek vandag in die hande kry. Dit is die enigste bron wat sy kon opspoor met inligting oor hoe ander lande munisipale belasting hanteer. Die minister se raadgewende komitee dring aan dat ’n vergelykende studie in die beleidsdokument ingewerk word. Nog ’n komitee, nog ’n kommissie, nog, nog, nog minder tyd vir haarself. Op die sesde vloer van Unisa se biblioteek kom Marissa voor ’n keuse…

VEEARTS BEANTWOORD VRAE LEK SONDER OPHOU BERTUS OOSTHUIZEN van Sasolburg My tienjarige hond het ’n lekgranuloom. Sy lek sonder ophou en haar been lyk nou al baie sleg. Wat kan ’n mens doen sodat sy daarmee ophou? DR RENE SMIT van die Lyttelton-dierehospitaal ’n Lekgranuloom of akrale lekdermatitis is ’n selfgeïnduseerde velbesering wat veroorsaak word as die hond onophoudelik op een plek lek, gewoonlik op die ledemate. Die oormatige lek veroorsaak haarverlies, inflammasie, infeksie, verdikking van die vel en ulseratiewe sere. Dit veroorsaak dat die plek meer jeuk, en die hond meer lek. Dis ’n frustrerende siklus! Dit kan moeilik wees om te behandel omdat daar verskillende oorsake vir die gelek is. Velinfeksies, allergieë, artritis, angstigheid, spanning en selfs verveeldheid kan tot die obsessiewe gelek lei. ’n Nie-giftige bitter oplossing…