Innholdsfortegnelse for February 2020 i Rooi Rose

KAN DIT SOWAAR al Februarie, die liefdesmaand wees? Dis moeilik om te glo, maar die kaartjies en blomme en linte en winkelversierings dring hulle al aan ons op. Dit terwyl die koerantopskrifte en twiets om ons die nuus bly uitblaker dat “liefde” vir die ongelukkiges gevaarlik kan wees, dat dit kan seermaak, selfs die dood kan meebring. Hoe op aarde moet ’n mens dan nou weet wat ware liefde is, hoe herken jy dit, wonder mense nou al eeue lank. “Ware liefde”, mymer die Franse filosoof Alain Badiou as hy nadink oor hoe ons verlief raak en bly liefhê, “is ’n liefde wat uiteindelik triomfeer, soms deur pyn, oor die hindernisse wat tyd, afstand en die wêreld daarteen oprig.” Maar wat presies is die adrenalien wat daardie triomf voortdryf, veral…

Chanelle is binnekort te sien in kykNET se nuwe aksiereeks, Projek Dina . Sy vertel dat dit ’n aangename verrassing was om te hoor sy het die hoofrol van adjudantoffisier Ronel Oosthuizen gekry. “Met die oudisie het ek soos gewoonlik maar net my bes gedoen, huis toe gegaan en daarvan vergeet. As jy konstant wag vir die foon om te lui sal jy mal word!” Projek Dina is vir Chanelle ekstra spesiaal omdat die regisseur, Liesl Spies, in 1994 haar drama-onderwyseres was. “Toe was ek maar nog in standerd sewe. Ons kom al ’n lang pad saam, en dis werklik ’n eer om onder haar as regisseur te kon werk.” Sy beskryf haar karakter Ronel as ’n praktiese vrou wat skaars grimering dra. “Sy is lief vir haar man en…

Wat is haar idee van perfekte geluk? “As jy jou spesiale mens se hand vashou en dit voel soos huis.” Spinnekoppe is haar grootste vrees. “Ek is al twee keer lelik gebyt!” Vra jy oor haar grootste uitspattigheid, is die antwoord kort en kragtig: “Ek is die meeste van die tyd redelik uitspattig. Jy lewe mos maar net een keer.” Teenoor watter akteur/aktrise sou sy graag wou speel? “Meryl Streep, natuurlik. Wie anders?” En as daar ’n fliek is wat sy wens sy het gemaak, is dit belis Legends of the Fall .…

Dalk is dit die gesonde perspektief om nie die verwagting te hê om altyd al die balle in die lug te hou nie, meen die bedrywige Milan. “Nadat ek die boek Drop The Ball – Achieving More by Doing Less van Tiffany Dufu gelees het, het ek my hele ingesteldheid verander,” sê sy. “Ek dink elke vrou wat ’n sakeonderneming en kinders het, moet hierdie boek lees.” Partykeer moet jy net op iets spesifieks fokus en die ander goed so ’n bietjie opsyskuif en laat hiberneer, voeg sy by. “Daar’s seisoene vir dinge in jou lewe en soms moet jy jou toelaat om in seisoene te leef, dan is die druk net soveel minder,” sê sy. Milan het haar die afgelope drie dekades as aktrise gevestig met uitsoekrolle in Afrikaanse…

’n Paar interessante wetenskaplike feite oor die soen – uit 'The Science of Kissing' • Rooi lippe trek ’n mens aan soos wat ryp rooi vrugte ons aantrek. • Lippe is vol senuweepunte. ’n Groter gedeelte van ons brein word toegewy aan ons lippe as aan enige ander erotiese sone. • ’n Soen laat jou hartklop versnel, jou pupille vergroot, jou wange gloei, maak jou asemhaling onreëlmatig, vergroot jou bloedvate en meer suurstof word na die brein gestuur. • Die gemiddelde persoon onthou sy/haar eerste soen beter as die eerste keer wat sy/hy seks gehad het. • Ons neuse kan genetiese verskille in potensiële geliefdes optel. Tydens ’n soen is ons neuse gerieflik teen die ander persoon se vel gedruk – en ons kan hom/haar ruik. • Mans hou van…

Marthie Maré, ’n lewensgids wat fokus op persoonlike ontwikkeling deur kllënte se gesig- en breinprofiele te ontleed, verduidelik: In die diereryk word tande meestal net gewys om aggressie te toon. Kyk maar na die kwaaiste honderasse: hul lippe is losser en kan verder opgetrek word om ’n bek vol tande en tandvleis te wys, terwyl die kleiner, sogenaamde liefdevoller rasse meestal stywer bolippe het. Die mens is seker die enigste spesie wat tande wys om aan te dui dat hulle gelukkig is. Party mense wys net ’n skaam glimlag, terwyl ander weer ’n lekker uitbundige oopmond lag het. Lag is aansteeklik en ’n goeie manier om spanning te verlig. Navorsing het getoon dat die brein nie kan onderskei tussen vals en opregte lag nie. Jy kan jou letterlik in ’n…

Marc (37) is beslis ’n moderne metroman. Hy is mal oor die buitelewe, doen sy inkopies by naweekmarkte, en eet net organies waar moontlik. Hy probeer ook om soveel moontlik te herwin, en hou sy koolstofvoetspoor dop. Boonop kan hy kook! “Dis een van my gunstelingdinge om saam met vriende en familie te doen. Ek hou van vars, natuurlike produkte. My swak is ’n lekker kerrie – dit kom seker maar van my Durban-dae af. Hy lees graag, en stel veral belang in boeke wat te doen het met die sielkunde en neuro-linguistiese programmering, ’n sielkundige benadering tot kommunikasie en persoonlike ontwikkeling. Op die oomblik sal jy The Alchemist, The Monk who sold his Ferrari, The Way of the Peaceful Warrior en Freedom op sy bedkassie kry. En as jy…

PICHULIK SE 15DE REEKS, PLENTY, NEEM ONS NA ’N WOESTYN MET ’N KLEURPALET VAN NARTJIES, KOEJAWELS EN KRUISEMENT. DIE PATRONE IS GEÏNSPIREER DEUR DIE SANDKUNS WAT DIE WOESTYNWINDE SKEP, EN DIE JUWELE OMHELS OOK DIE VROULIKHEID VAN PÊRELS, WAT STEEDS ’N FOKUSELEMENT IN DIE REEKS IS. Span die SEILE Die nuwe Aquaracerontwerp van Tag Heuer is deur die skoonheid van die see geïnspireer. Die horisontale lyntjies simboliseer die houtdokke waar seilbote vasmeer. Tag Heuer is bekend vir sy funksionele horlosies wat geskik is vir ’n sportiewe leefstyl binne en buite die water. GROEN AQUARACER VAN TAG HEUER (PRYS OP AANVRAAG) PICOT & MOSS. ’n Tree in die REGTE RIGTING Die ontwerpe van Hannah Lavery weerspieël gehalte, duursaamheid en veelsydigheid. Die klassieke element is die natuurlike materiale wat sy gebruik. Haar…

SWART afskilferaar Die kleur van Chanel Sublimage Les Grains de Vanille (R2 440) kom van die natuurlike vanieljesaadjies wat sagkens afskilfer. Groter jojoba-mikrokorreltjies verwyder hardnekkige vuilheid en dooie velletjies. Die korrels is in ’n vars jel geset wat in jou vel insmelt wanneer jy dit aanmasseer, en skielik word jou afskilfertakie ’n heerlike, ontspannende en sensoriese ervaring wat jou vel sag, syagtig en helder laat. Vroulik en VRYGEESTIG  Lancôme Idôle Le Nouveau du Parfum (R1 020 vir 25 ml, R1 340 vir 50 ml en R1 590 vir 75 ml) vier die manier waarop ’n nuwe generasie vroue sterk en suksesvol is sonder om hul vroulikheid prys te gee. Dit is ’n viering van die idol in elke vrou. Die skoon, vars roosgeur het ’n tikkie jasmyn en sweempie patsjoelie…

BETAAL (IN RANDE!) OM OP TE HOU ROOK Sal jy ophou rook as iemand jou genoeg betaal? Blykbaar werk dit. Navorsers van die Norwich Mediese Skool in Engeland het gaan kyk hoe suksesvol dié benadering is. Die uitslag? Sowat 50% van die finansieel beloondes het ná ses maande werklik suksesvol permanent ophou rook, soos bevestig met bloedtoetsing. Beloning werk baie beter as ander rookstaakstrategieë soos nikotienkougom, wat ’n sukseskoers van net 6-8% het. Die oorsigondersoek het gekyk na die resultate van 33 ondersoeke op 21 600 mense. Die aanmoedigingsbedrag het gewissel van £35 tot £912 – sowat R600 tot R18 000. Met een van die skemas is die deelnemers niks betaal nie: hulle moes geld deponeer, wat hulle kon terugkry as hulle ophou rook het. Dit het ook goed gewerk.…

Cozette Laubser, geboorte-opvoedkundige en Paramana-doula van Johannesburg, bespreek verskeie pynbeheeropsies: Vir my beteken natuurlike geboorte die kraamproses begin spontaan en eindig ná die spontane lewering van die plasenta, sonder die gebruik van enige medikasie of instrumente. Die proses word deur die ma en baba gelei. Die vrou kan geluide maak, eet en drink, en rondbeweeg soos sy verkies – kortliks, sy kan doen wat sy moet om in die proses haar eie ritme te vind. Sodra daar mediese ingrepe is, is ’n vaginale geboorte nie meer heeltemal natuurlik nie. • NATUURLIKE PYNBEHEER Die belangrikste is endorfien, die liggaam se eie morfien, maar dit moet deel vorm van die cocktail of hormones wat natuurlik afgeskei word. Vir ’n groot persentasie vroue bring ’n waterbad teen liggaamstemperatuur enorme pynverligting. Die baba kom…

Zomorodi vertel in ’n TED Talk hoe die moderne werksomgewing verskil van dié van tien jaar gelede. Navorsing toon dat mense tien jaar gelede elke drie minute hul aandag van een ding na ’n ander verskuif het op kantoor. Nou gebeur dit elke 45 sekondes. Die gemiddelde mens kyk ’n yslike 74 keer per dag na sy e-pos, en verskuif sy aandag tot 566 keer per dag tussen take op die rekenaar. (Gaan dink mooi hoeveel keer spring jy in ’n gewone werksdag tussen e-posse, dokumente waaraan jy werk, nuuswebwerwe en sosiale media.) Die gevolg is voorspelbaar: hoe meer gespanne ’n mens word, hoe korter word jou aandagspan en hoe meer spring jy rond tussen goed op jou foon of rekenaar. En hoe meer jy rondspring, hoe minder kry jy…

DIE BIBLIOTEEK AAN DIE EINDE VAN DIE WÊRELD Etienne van Heerden (Tafelberg) ’n Meester kan saam met tyd versmelt om sy boog sekuur te bly span. Van Heerden se eietydse romanpyl tref volskoot en lewer repliek op ’n era van onvastigheid en onsekerheid. In sy landskap tas karakters na waarheid terwyl hulle deur moderne versugtinge en vervlakking gekonfronteer word. Prokureur Ian Brand se ondeurdagte twiet verander sy lewe in hel. Thuli Khumalo is studenteaktivis op ’n brandende kampus en Snaar Windvogel van Matjiesfontein is onder ’n plastiese profeet se skalpel. Inmiddels teiken ’n kruisboogmoordenaar die Moederstad se inwoners, heers fopnuus en raak lyne vaag. Van Heerden bevestig sy aansien as ’n seminale skrywer wie se werk lig werp op mens-wees teen die derde millennia. Uitgewersprys: R360 rooi rose: R288 THE…

MY HEART BELONGS IN AFRICA - HAYLEA HEYNS. DIE OUD-DURBANIET WAT HAAR EIE LIEDJIES SKRYF, HET ’N HOOFROL GEHAD IN DIE WESEINDE-PRODUKSIE VAN THE SOUND OF MUSIC, WAT INTERNASIONAAL GETOER HET. DIE TITELSNIT VAN HAAR DEBUUTALBUM IS ’N EIETYDSE BALLADE OOR HAAR LIEFDE VIR HAAR GROOTWORDPLEK. DIE VIDEO BEVAT GELIEFDES SE FOTO’S VAN GUNSTELINGPLEKKE IN AFRIKA. HAAR STRELENDE SOPRAANSTEM BEHOORT BYVAL TE VIND. NUWE DAG - RUDI MULLER RUDI IS LANKAL BEKEND IN DIE SUID-AFRIKAANSE MUSIEKBEDRYF. NÁ ’N LANG STILTE IS HY TERUG MET ’N GOSPEL-ALBUM. SY LEWENSUITKYK HET NÁ TRAUMAS ONHERROEPLIK VERANDER.HY HOOP OM MET SY AANSLAG DIE GRENSE VAN GEESTELIKE MUSIEK TE VERSKUIF. SY LIRIEKE VAL LIG EN MAKLIK OP DIE OOR.…

Trisa Hugo (63), gastehuiseienaar. Op sestig-plus raak dit ironies genoeg weer ’n uitdaging om jouself met jou nuwe skete, kwale en kreukelvel lief te hê en te aanvaar, knap nadat jy deur die jare so mooi geleer het om dit te doen. Nuwe uitdagings help – ek het met paalfiksheid begin waar jy noodwendig min klere moet dra omdat jy velkontak met die paal moet hê. Die innerlike prosesse om ’n mens positief te hou, selfliefde en aanvaarding, lei noodwendig na verdieping in spirituele groei ook sodat jy ook sagter kan kyk na almal om jou. Riana Viljoen (51), finansiële bestuurder. Sienings van selfliefde verskil. Party meet selfliefde aan “ek gun myself aftyd, salontyd, rustyd, bederfies”, ens. Ander sien dit weer as “ek laat niemand toe om my te misbruik…

Sy huiwer nie om te sê dat sy nou veertig is nie. “Hulle sê ’n aktrise moet nooit haar ouderdom verklap nie – ek dink dis ’n bogstorie. Acting is een van die min beroepe waar jou ouderdom altyd in jou guns kan tel. Hoe ouer ek word, hoe lekkerder word die rolle wat ek speel. Die rolle van ouer vroue het baie meer vleis om die bene, want die karakters het meer dimensies. Dis ook nie soos modelwerk waar jou jare teen jou tel nie.” Chanelle was tussen 2009 en 2014 ’n model vir Milady’s se klerereeks vir vroue met ’n voller figuur, en het nog nooit haar kurwes weggesteek nie. “Ek dink die manier waarop die wêreld na vroue kyk, het baie verander. Dit gaan nie meer oor…

Jy lyk ongelooflik kalm en “zen”. Praat jy ooit met jouself? Heeltemal te veel. Die gesprekke wat ek met myself het, hou heeldag aan, selfs terwyl ek slaap, en as ek wakker word, is dit steeds aan die gang! Dis my grootste uitdaging: om af te skakel; om net in die oomblik te leef; om te fokus op die mense wat om my is. Dis vir seker my grootste uitdaging as ’n mens. Hoor jy meestal kritiese stemme? Ja, ek is seker dis meestal gemors, maar ’n mens kan so maklik in negatiewe denke verval. Ek probeer hard om alles te aanvaar wat elke dag oor my pad kom. Selfs iets simpels soos die verkeer. Ek dink die manier waarop ’n mens slegte verkeer hanteer, is ’n goeie barometer van…

Trisa Hugo Suksesvolle liefdesverhoudings is iets waarna ’n mens eintlik net by nabetragting kan kyk om te weet of dit wel suksesvol is. Openbare lofsange oor groot liefdes van bekendes loop te dikwels op ’n egskeiding uit, so hulle raad is moeilik om ernstig op te neem. Twee mense wat mekaar ken en vertrou, kweek intimiteit waar private grappies ander uitsluit. Aanraking help ook met intimiteit. As jy jou ego eenkant toe kan stoot en nie altyd reg hoef te wees nie. Eerlikheid maak dit soveel makliker om die minste te wees. Eerlikheid, vertroue, ruimte en ondersteuning is sleutelwoorde. Riana Viljoen Ek dink nie daar is ’n suksesresep nie. Kyk maar net na die egskeidingsyfer. Iemand het gesê “pas jou geliefdes mooi op, want eendag gaan God hulle terugvra”. Dit…

Riana Viljoen ’n Glimlag waar die oë saamlag, is pragtig. Rachel McAdams en Julia Roberts se glimlagte is eg en vriendelik. Daar is ook die natuurlike haasbekkielaggie wat jou hart laat smelt. Jennifer Garner se kuiltjies is pragtig, wat haar hartlik en genaakbaar laat lyk. John Travolta se kenkuiltjie dui vir my op sterk manlikheid, maar dit lyk tog of daar ’n sagte kant is wat iewers skuil. Adele Botes Rachel McAdams het vir my ’n mooi glimlag en kuiltjies. Ek dink iemand met kuiltjies lyk vriendelik, gelukkig, toeganklik, en of hulle pret kan wees. Trisa Hugo Twee bekendes se glimlag is vir my baie besonders. Christina Storm se pragtige mond kan wissel van ’n sweem van ’n glimlag tot ’n wyebeklag, dit bly pragtig. Margaret Gardiner met daardie wye…

‘EK IS NIE ’N EILAND NIE, EN DAAR’S NOG PLEK VIR IEMAND IN ONS LEWE’ DORETTE POTGIETER Die aktrise Dorette Potgieter, wat ons in Januarie as June Spies, die wulpse ma van die verpleegster René (Simoné Pretorius) in die sepie Binnelanders sien, het ’n hegte verhouding met haar tienjarige dogter, Lia Luna Li. “Dis ’n keuse om ’n enkelma te wees, en ’n groot verantwoordelikheid, want jy alleen is ten volle verantwoordelik vir jou kind,” sê Dorette. “Jy moet jou eie behoeftes dikwels tweede stel.” Lia gaan elke tweede naweek na haar pa, die sanger Riku Lätti, toe. “Die reëls wat in my huis geld, geld nie noodwendig in Riku se huis nie. Lia voel altyd sy is met vakansie wanneer sy by Riku kuier omdat hy nie so streng…

NICOLA LUTHER IS DIE KREATIEWE HOOF EN EIENAAR VAN LUNAR, EEN VAN SUID-AFRIKA SE TOP-EKOMODE- EN LEEFSTYLHANDELSMERKE. MOEDER AARDE IS DIE FOKUS VAN LUNAR-REEKSE EN ONTWERPE WORD DEUR DIE NATUUR EN AFRIKA-LANDSKAPPE GEÏNSPIREER. DIE VERVAARDIGINGSPROSES WORD SO NATUURLIK MOONTLIK GEHOU EN ORGANIESE MATERIALE WORD IN GESOFISTIKEERDE STYLE OMSKEP. STATIGE somerrok ’n Rok met dun bandjies is ’n moet vir somervakansies. Hierdie linne-en-katoen-rok is koel en gemaklik. Die snit is vroulik en pas net so goed by sandale en ’n sonhoed as by ’n netjieser hakskoen. SUZIE-SOMERROK (R1 690; 32-38) LUNAR. ’n Eenstuk VIR ALMAL Jy kan nie verkeerd gaan met ’n vleiende eenstuk nie. Die patroon en kleur van hierdie ontwerp is asemrowend en perfek vir ’n besonderse somergeleentheid. VALERIE-SPEELPAK (R1 250; XS-XXL) JUDITH ATELIER. ’n Bloes MET VORM Een…

Blomme, blomme, blomme Ek hou van die oorspronklike Gucci Bloom en het gewonder of die nuwe GUCCI BLOOM AMBROSIA DI FIORI EAU DE PARFUM (R2 085 VIR 100 ML EN R1 635 VIR 50 ML) nie te soet vir my gaan wees nie. Soos die oorspronklike bevat die geur steeds jasmyn, Chinese kanferfoelie en soetemaling, maar die vanielje is deur Damaskusroos en iriswortel vervang. Die geur is soeter, maar nie oorweldigend nie, en jy ruik lank nog die roos (dit is as basisnoot gebruik en is die noot wat die langste hou). Die geur laat jou baie vroulik voel. - SUZANNE VINNIGE grimeerverwydering Ná ’n besige paar (laat) aande en meer ooggrimering as gewoonlik, was REN ROSE CENTIFOLIA™ EXPRESS MAKE-UP REMOVER (R340) ’n redding. Dit speel vinnig klaar met grimering,…

Linda Rautenbach Ek kan nie wag vir aftrede nie, tyd saam met my man is vir my so kosbaar dat ek soms negatief voel as ons ná ’n vakansie weer moet gaan werk. Maar ek dink dis ook omdat ons mekaar ruimte gun om te doen waarvan die ander een hou, en dit sal ons resep vir aftrede ook wees. Anthea van Heerden Aftrede kan negatief wees, veral vir mans wat skielik nie weet wat om met hulself aan te vang nie. Betrokkenheid in die gemeenskap en ’n goeie stokperdjie sal albei besig hou en help dat hulle mekaar se geselskap geniet. Chrisna Matthews Dit kan negatief wees as een of albei nie onafhanklik kan funksioneer nie. Hoewel paartjies gedeelde belangstellings móét hê, is dit ook noodsaaklik dat elkeen op…

Marinda van Wyk Ek voel nou minder sleg oor niksdoen as vroeër jare. Ons het mos grootgeword met die idee dat net lui mense niks doen nie. “Ledigheid is duiwel se oorkussing,” is gesê. Om niks te doen te hê nie beteken nie jy hoef verveeld te wees nie. Allermins! Daar is genadiglik ’n terugkeer na bewustelik lewe. Lees, raak stil in die natuur, kuier met vriende – hoe ook al: verwelkom die geleentheid om net te kan sit en te wees. Marlene Botha Ek dink dit kan goed wees om verveeld te wees. Dit wakker soms kreatiwiteit aan, en al ontspan ’n mens net is dit ook goed. In die dolle gejaag is ons te gewoond daaraan om altyd besig te wees. Martha Poller Ek voel altyd skuldig wanneer…

1 Elke huis kort ’n bietjie drama. Hierdie TREVISANO TEËLS (R725/m2 van Union) beslaan ’n groot gedeelte van Elzabe se pragtige huis. 2 Hierdie LAMP (R2 995 van Weylandts) is die moderne element in Elzabe se huis. Sy het ’n besondere voorliefde vir swart en skoon lyne. 3 Die RUSBANK (R11 995 by Klooftique) is gestoffeer in ’n besonderse skakering van groen fluweel en is ’n staatmaker-meubelstuk. Die bank vertoon dramaties teen die swart muur. 4 Hierdie MATERIAAL is Elzabe se pret-element vir stoffering en strooikussings. Sy glo ’n mens moet die lewe nie te ernstig opneem nie! Dié tekstielontwerp is Monkeying around/ Nightfall (R520 p.m. van Hertex). 5 Hierdie DEUR is op aanvraag deur Mitat vervaardig. Dit weerspieël Elzabe se passie vir religieuse kuns (R6 595). 6 Elzabe het…

Toe sy van die teerpad afdraai en Tsendze se bospaadjie vat, voel Nadine in haar noppies. Die wildtuin se bosgeure van warmgebakte gras, stof en gekneusde struike is ou bekendes. “Bingo!” wil sy amper uitroep, “Ek het dit gedoen! My eerste solo Kruger-vakansie met my eie tent en nuwe wiele!” Sy glimlag toe die neushoringvoël ewe gepas antwoord en sy geel snawel teen ’n takkie afvee. Shame, hy dink seker ek’s ’n weduwee, kry sy lag. Sy moes eers haar kampeernommer by Mopani-ruskamp ’n entjie verder gaan kry, en sy het sommer gou geloer hoe hul restaurant-spyskaart lyk vir die aande wat sy dalk nie wil braai nie. Hulle het net chalets, maar sy verkies hul boskamp by Tsendze. En hier is sy nou, weg van Pretoria se beskawing, en…

INDIEN JY VAN HIERDIE BOEKE (OF ELDERS IN ROOI ROSE) TEEN DIE ROOI ROSEPRYS VAN ’N 20% AFSLAG WIL BESTEL, KIES EEN VAN DIE VOLGENDE OPSIES: 1 E-POS JOU NAAM, TELEFOONNOMMER EN KEUSE(S) NA SHOP@GRAFFITIBOOKS.CO.ZA 2 BEL 012 548 3456 GEDURENDE KANTOORURE EN NOEM DAT DIT VAN DIE ROOI ROSE- BOEKE IS WAT JY WIL BESTEL. ONS SAL IN KANTOORURE TERUGBEL OF E-POS. 3 BESOEK GRAFFITIBOEKE.CO.ZA. EN KLIK OP DIE ROOI ROSE SKAKEL. BOEKPRYSE IS ONDERHEWIG AAN VERANDERING. LET WEL DAT HIERDIE PRYSE NIE POSGELD INSLUIT NIE.…

Cullinan is ’n klein kol op ’n kaart maar spog met ’n blink geskiedenis as die plek waar die wêreld se grootste diamant in 1905 ontdek is. Boonop is die myngat van die historiese dorpie vier keer groter as dié van Kimberley! Hierdie ryk verlede is ’n vrugbare teelaarde vir, wel, spoke en geeste, meen Mark Rose-Christie. Oudakteur, verhoogregisseur en toorkunstenaar Rose-Christie bedryf al byna twintig jaar die gewilde misterieuse spooktoere landwyd, insluitende spooketes en spooknaweke wat oop is vir die publiek of korporatiewe geleenthede. Hy het die idee op soortgelyke toere oorsee gekry. Cullinan is sy jongste toevoeging. Van die toere word per bus onderneem en ander, soos Cullinan s’n, per voet en/ of motor. Die spooktoer begin by die Cullinan Diamond Lodge in die hartjie van die myndorp…

Katoenfees in JOZI Die gewilde Cottonfest wat die plaaslike musiek- en modebedryf vier, keer in Februarie terug na Johannesburg se middestad. Dis ’n platform waar meer as honderd van Suid-Afrika se beste opkomende sterre in die twee bedrywe hul talente kan uitstal. Die mediavennote is weer mtvBase (kanaal 322) en YFM. Die fees by die Ou Parkstasie in Newtown (by Carrstraat en die Nelson Mandela-brug) word op Saterdag 1 Februarie gehou. Kaartjies kos R150 per persoon en is beskikbaar by Webtickets en Pick n Pay-winkels landwyd. STYL in Franschhoek ’n Stylvolle tuinpartytjie tussen wynlande! Franschhoek Vignerons se windmakerparty - Franschhoek Summer Wines - word op Saterdag 1 Februarie van 12:00 – 17:00 by Leopard’s Leap Family Vineyards gehou. Die streek se wynmakers wys hul kelderskatte vir die somer. Daar kan…

Deur haar lewe het Lee byna niks gedoen om haar foto’s te promoveer nie. Dat haar werk vandag nog bekend is, is te danke aan haar seun, Antony Penrose, wat haar werk sedert die tagtigerjare bestudeer, bevorder en bewaar het. Hy het ná sy ma se dood so sestig duisend foto’s, negatiewe, dokumente, joernale, kameras, liefdesbriewe en aandenkings in kartonbokse en trommels in die solder van Farley Farm ontdek. Hy besit die huis en wys vir toergroepe die werk van Miller en Penrose. Die huis is ’n bêreplek vir die private versamelings van sy ouers, hul eie werk, sowel as hul geliefkoosde kunswerke.…

OOR DINGE WAT PLA My hart bloei vir myself. Ek het vandag my laaste kuiken gehelp met die aanry van haar goedjies na haar eerste “eie” woonplekkie. Statistieke van die rampspoedige eindes van tweede huwelike het my laat besluit om eerder te fokus op die wel en wee van my twee kinders. Ek wou hul lewenspad so bultloos en slaggatloos moontlik voor hulle neerlê. My plan het gewerk. Albei is gelukkig, geliefd, selfstandig en selfonderhoudend. Maar my huis is leeg. Hier is nie eens ’n veer oor om te vertroetel nie. My skouers hang, maar ek weet my leë nes is nie al waaroor my klaagliedere gaan nie. Dit is die saamstel van my nuwe lewe wat soos ’n berg voor my lê. Ek wil ’n matertjie hê. Een om…

KREATIEWE DIREKSIE EN PRODUKSIE: SUZANNE KOTZÉ; STILIS: JUSTINE KROES; HARE EN GRIMERING: CHERYL PARKER VAN SUPERNOVA CREATIVE MANAGEMENT. NAELS: SORBET; MATERIAAL: HERTEX. Mense herken haar steeds op straat as Des van Egoli, maar Chanelle de Jager het sedert haar beginjare as sepie-aktrise haar vlerke veel wyer gesprei. Haar indrukwekkende CV wys ’n passie vir die vermaaklikheidsbedryf, met werk wat wissel van verhoogwerk tot rolprente soos Van der Merwe, Thys en Trix en die meer onlangse Stroomop, waarin sy ’n hoofrol vertolk het. Daar is ook talle rolle in plaaslike en internasionale televisiereekse soos Outlander, The Widow, Die Boekklub, Fynskrif en kykNET se nuwe aksiereeks, Projek Dina. Boonop is Chanelle ewe bedrewe agter die kameras – sy is onder meer betrokke by die vervaardiging van advertensies, en het haar eie rolverdelingsregiemaatskappy.…

Chanelle, wat voorheen getroud was, vertel dat die liefde haar onlangs weer verras het. “Ek het ’n wonderlike, eksentrieke en ongelooflike man ontmoet. Justin is van Leicester in die VK, en het al sy eie hartseer gehad en harde paaie geloop. Wanneer ek nie in die Kaap werk nie, is ek by hom, sy seuntjie SW, en ses honde op ’n plaas langs die Oranjerivier in die Noord-Kaap. Hier het ons ’n gastehuis, Rhodes Cottage, wat ons op AirBnB uitverhuur. Dis nou wanneer ons nie op die stoep sit en droom oor die volgende plaashuis wat ons gaan restoureer nie.”…

Brad Pitt is hier! Reg voor my! Ná al die jare wat ek onderhoude met bekendes voer, laat sekere sterre steeds my hart vinniger klop. Brad Pitt is een van hulle. Sy private lewe haal oral hoofopskrifte, maar hy gaan maar net stilletjies voort om fantastiese rolprente te maak. Ons het hom onlangs in twee gesien: Once Upon A Time in Hollywood , teenoor Leonardo diCaprio, en Ad Astra . Op 55 maak hy steeds vroue se knieë lam. Hy het ’n paar lagplooitjies om sy oë, maar sy lyf is nog dié van ’n jong man. En hy lyk baie gemaklik in sy lyf. Terwyl ons gesels, sit hy meestal doodstil, en maak geen onnodige handgebare nie. Ná sy morsige egskeiding van Angelina Jolie, het hy sy vriendskap hervat…

Met ’n vierde ATKV-Mediaveertjie in Elsa Winckler se hoed, is die liefdesverhale in haar kop nog nie opgedroog nie. Nog baie romantiese verhale speel hulle in hierdie Kapenaar se kop af. Sy doen elke dag wat vir haar die lekkerste is. Skryf. Nege tot vyf, Maandag tot Vrydag. En om met ’n prys beloon te word, is vir haar ’n voorreg en nog ’n veer in haar hoed. Haar skryflus het nogal by rooi rose begin! In 2008 het rooi rose en Lapa ’n liefdesverhaalwedstryd aangebied en Elsa was die wenner met haar verhaal Tussen jazz en rock. Nou staan haar boeke se verkoopsyfers digby 60 000! Dit was vir haar maklik om in die genre van die liefdesverhaal ’n plekkie te kry. “My ma was ’n ywerige leser, veral…

Vra maar wat mense van kuiltjies dink, en jy hoor woorde soos “sexy”, “oulik” en “sjarmant”. Maar pols jy die medici, kom jy tot jou verbasing agter kuiltjies word as ’n aangebore defek beskou. Die modiolus,’n kruisverbinding van spiere net bo en langs ons mondhoeke, beïnvloed die beweging van ons mond, gesigsuitdrukkings, ensovoorts. Wanneer een van hierdie spiere of - volgens party navorsers - ’n wangspier op ’n abnormale manier in die modiolus voeg, kan die trekkrag wat ontstaan ’n kuiltjie aan een of albei kante veroorsaak. ’n Kuiltjie of gleufie in jou ken is tegnies ook ’n abnormaliteit. Tydens tipiese fetale ontwikkeling heg die twee dele van die onderkaak gladweg. Wanneer hierdie hegting nie volledig plaasvind nie, is die uitkoms ’n kenkuiltjie of gesplete ken. En wat van laerugkuiltjies?…

‘Ek is op soek na iemand wat mooi is – van binne en buite. En sy moet gedryf word deur liefde, nie drama nie’ Sag op die oog, volwasse, gevat, energiek, slim, avontuurlik, empaties en ’n wêreldreisiger.” Só beskryf ’n persverklaring die nuwe man om wie se aandag vroue in die werklikheidsreeks The Bachelor gaan meeding. En, te oordeel na ons geselsie, is dit nie te ver van die kol nie. O ja, dié 37-jarige lyk nie net ’n bietjie soos Wolverine nie, dit is ook toevallig sy gunstelingsuperheld! Vertel ons meer van jou kinderjare … Ek het op ’n klein dorpie in KwaZulu-Natal grootgeword in ’n doodgewone, hardwerkende gesin. Ons het naweke saam aan die huis gewerk, wat dalk my voorliefde vir bou en restoureer verklaar. My pa is…

Goue juwele Jou klerekas groei saam met jou: Op skool wil jy dalk inpas, studente trek net aan om die dag se klasse te oorleef, en wanneer jy ouer word, speel jou werk en omgewing ’n groter rol in hoe jy aantrek. Tieners fokus dikwels op gemak en hou van die moeitelose stylvoorkoms, maar dit beteken nie jy hoef verslons te lyk nie. Goue juwele rond ’n voorkoms netjies af, veral vir deftiger geleenthede. Fyn ontwerpe is tydloos en sal baie jare lank staatmakers bly. Skouersakkie ’n Tiener behoort teen 16 ’n modieuse én praktiese handsak hê. Belê in ’n oulike skouersakkie wat by alles pas. Neutrale kleure soos bruin en swart is ’n veilige keuse, want dit pas by enige styl in. ’n Handsak met langer bandjies wat jy…

JOU GRIMERING 1 WAATLEMOENKLEUR LIPPE Ons vereenselwig die smaak van waatlemoen met somer, en kyk net hoe somers en vrolik lyk dié lipkleur. Gebruik dit saam met goue oogskadu en maskara wat ekstra volheid gee. Meng ’n beklemtoner soos MAC Strobe Cream met jou onderlaag vir ekstra glans. • Dior Lipstick Rouge in 028 (R655). • Palladio BUTTER ME UP! Sheer Color Balm ‘Bonbon’ (R99,95). 2 ’N VOORBEREIDINGSLAGIE Jy sal nie spyt wees oor die paar ekstra sekondes wat jy aan die aanwending van ’n voorbereidingslagie afstaan nie. Die room voel glad nie swaar nie en laat jou grimering langer aanbly. “As jou vel olierig is, is dit wys om veral in die somer ’n olievrye voorbereidingslagie te gebruik, of een wat jou vel mat laat lyk,” sê…

Senta is ’n besige ma en het nie regtig tyd om aan haar voorkoms aandag te gee nie. Sy hou daarvan om aktief te wees maar wil tog vroulik voel. “Namate ek ouer word, verander my styl om by my jare en leefstyl te pas, maar ek neem nie altyd die regte stylbesluite nie. Help!” Senta ‘’n Wonderlike ervaring! Ek het soveel nuwe idees en wenke gekry oor hoe om aan te trek vir my liggaamsvorm en my hare en grimering te doen. Baie dankie!’ -Senta MODE Senta se bo- en onderlyf is in proporsie. Baie vroue het ’n lang bolyf en kort bene of andersom, en die doel met klerekeuses is om die liggaamsproporsies te balanseer. Maar Senta is gelukkig en sy kan maklik modeneigings volg en avontuurlustig wees…

• Saadolie soos kanola-olie of pitolie soos olyfolie? Enige een. By pitolies word die olie uit die pit gepers, sonder chemiese inmenging en met min verhitting. By saadolies word die olie chemies onttrek, en kan transvette vorm. Transvette word aan hartsiektes gekoppel en daarom moet jy dit vermy. Maar in ons land mag geen olie of vet meer as 2% transvette bevat nie, en daarom is die kanola-olies wat jy hier kan koop veilig. Daarby bevat dit baie omega-3’s, wat anti-inflammatories is, jou bloeddruk kan verlaag en jou slagare teen skade kan beskerm. • Olyfolie bevat skwaleen – het olyfolie ekstra voordeel? Skwaleen ( squalene) is ’n anti-oksidant, en help beskerm jou hart op drie maniere: dit help plaakvorming op jou slagare keer, dit beskerm jou slagare teen skade, en…

KRY DIT HIER 1 ITALIAN-TAFELDOEK (VANAF R1 950 TOT R4 300) SAMESYN. 2 DELFT-LOPER (R1 440) MITAT. 3 DELFT-TAFELDOEK (VANAF R1 950 TOT R4300) SAMESYN. 4 DELFT-TAFELDOEK (R3 500) BABYLONSTOREN. 5 KAAPSHOLLANDSE TAFELDOEK (R3 500) BABYLONSTOREN. 6 BLOU TAFELDOEK (PRYS OP AANVRAAG) ISOBEL SIPPEL. 7 DELFT-TAFELDOEK (R3 800) EN SERVETTE (R999 VIR 4) ISOBEL SIPPEL.…

REËNBOOGSLAAI MET OOSTERSE SLAAISOUS GENOEG VIR 6 OOSTERSE SLAAISOUS • 15 ml (1 e) hoisinsous • 15 ml (1 e) heuning • 60 ml (1/4 k) sojasous • 60 ml (1/4 k) oestersous • 60 ml (1/4 k) olyfolie • 1 rooi brandrissie, fyngekap • ½ knoffelhuisie, fyngekap • 3 cm gem-mer, fyngerasper • 30 ml (2 e) gemengde sesamsaad SLAAI • ½ pers kool, dun gesny • 50 g bloubessies • 50 g swartbessies • 50 g vars kersies • 1 groot komkommer, met ’n groenteskiller in linte gesny • 4 selderystokkies, met ’n groenteskiller in linte gesny • 1 avokado, in skyfies gesny • ½ botterskorsie, geskil en in linte gesny • 4 middelslagwortels, in linte gesny • 100 g aarbeie, sommige heel en ander middeldeur gesny •…

Die dorpie waar hy grootgeword het, was maar karig. Daar was nie ’n Ster-Kinekor of ’n Ultra City of ’n Pick n Pay nie. Die omgewing was vaal op vaal, kon ’n mens laat dink aan Fifty Shades of Grey. Stories het daar so vinnig soos lig geloop. Hy en Miems was in standerd nege toe die ding gebeur het. Hulle huis was in Langstraat. Aan die een kant was oom Jors se slaghuis en aan die ander kant het Miems-hulle gebly. Haar pa was baie kwaai. Sy mag nie saans ná donker uitgegaan het nie. Hy en Miems was gemaklik met mekaar. Sy was slim, maar sy’t partykeer na hulle toe gekom en gevra dat hy haar met wiskunde moet help. As hy nou daaraan dink, wens hy dit…

Jaco Jacobs was pas mondig toe verskyn sy eerste kinderboek in 2001. Sedertdien ryg die kreatiewe Karookind leesstof vir jongmense uit. Sy 170+ boeke vir kleuters, kinders en tieners is met talle pryse bekroon. Baie word by skole voorgeskryf, en sy gewilde tienerboeke Suurlemoen! en Oor ’n motorfiets, ’n zombiefliek en lang getalle wat deur elf gedeel kan word was flieks. Hy woon in Bloemfontein saam met sy rose, vrou Elize, dogters Mia en Emma, drie honde, ’n kat en ’n grillerige dierasie. Hoe het jou Carnavon-wortels jou verbeeldingskrag geslyp? Die Karoo is ’n plek met wonderlike mense en stories. Ek het grootgeword met storievertellers en speelspeel verbeeldingsvlugte. Wat beteken stories skryf? Ek skryf eerstens vir die lekkerte, om my eie storiebrein te vermaak, maar dis ook ’n manier om…

Legendes vereer Profete moet in hul eie land geëer word. Die nuwe Suid-Afrikaanse Legendesmuseum in Pretoria bring hulde aan ons legendes se bydraes in radio / teater / musiek en die TV-bedryf. Die museum is die geesteskind van Shaun Mynhardt, en die FAK is ’n vennoot in die projek. Meer as duisend oorspronklike gedenkwaardighede kan hier besigtig word. Dit sluit SARI-, Artes-, Huisgenoot Skouspel-, ATKV en FAK-pryse in, asook goue en platinumplate, plakboeke, fotoalbums, plakkate en verhoogkostuums soos Mimi Coertse se swart balrok wat sy in Egoli gedra het, en Min Shaw se trourok met duisend pêrels. Die eerste goue plaattoekenning in Suid-Afrikaanse musiek vir Timothy van Four Jacks and a Jill (1966) is ook geskenk. Op die “Ons Onthou”- muur is geraamde foto’s van legendes wat gegroet het. Die…

Die Amerikaanse Lee Miller het eers naam gemaak voor die kamera as model en uiteindelik agter die kamera as fotograaf. Sy was in die twintigerjare ’n Vogue- model en het daarna bekendheid as ’n modefotograaf verwerf. In die Tweede Wêreldoorlog het sy van die eerste fotografiese bewyse van die Joodse volksmoord by die Dachau- en Buchenwald-konsentrasiekampe afgeneem. Hoewel sy twee keer getroud was, het sy in haar leeftyd veral bekendheid verwerf vir haar verhouding met die surrealistiese fotograaf en kunstenaar Man Ray. Ray was smoorverlief op haar en dit het hom jare geneem om hul gebroke verhouding te verwerk. Elizabeth Miller is op 23 April 1907 in Poughkeepsie, New York gebore. Haar pa, Theodore, was van Duitse afkoms en haar ma, Florence Miller (née Macdonald) het Skotse en Ierse voorouers…

‘Die gekrap MAAK MY MAL!’ Die meeste van ons besef nie dat ons troeteldiere ook met allergieë sukkel nie, sê dr. Guy Fyvie, voedingsadviseur vir Hill’s Pet Nutrition. “Omgewingsallergieë veroorsaak ’n onsigbare maar konstante probleem vir baie honde en katte,” verduidelik hy. Meer as 50% van honde se allergieë word veroorsaak deur stuifmeel, skimmelspore en stofmyte. Anders as by mense wys dit nie deur simptome soos ’n loopneus of ’n genies nie, maar eerder deur velprobleme. Die slegte nuus is dat dit boonop nie seisoengebonde is nie, maar die goeie nuus is dat klein veranderinge jou troeteldier se irritasie baie kan verminder. • As jou hond baie krap, jeuk, lek of homself skuur, kan dit ’n teken wees van ’n allergiese vel-irritasie. (By katte is die simptome van ’n velallergie…

@home 0860 834 834, home.co.za Adidas 021 442 6200 Afari Skincare afari.co.za African Extracts Rooibos africanextracts.com Asha Eleven ashaeleven.com Babylonstoren babylonstoren.com Benefit Cosmetics Edgars, Edgars Beauty, edgars.co.za, superbalist.com Berdoues Foschini Bioderma bioderma.co.za Black Betty 072 803 9456 Bvlgari 011 883 1325, picotandmoss.co.za Cartier 011 317 2600 Catrice Cosmetics Dis-Chem, takealot.com Cetaphil Clicks, Dis-Chem Chanel chanel.com Chateau Del Rei 021 886 8842, chillbev.co.za/chateau-del-rei Chick Cosmetics chickcosmetics.com Clarins clarins.co.za Clicks clicks.co.za Clinique clinique.co.za Converse 087 940 4600 Cotton On 021 552 9651, 021 981 9366 Della della.co.za Dermaceutic dermaceutic.co.za DermaFix dermafix.co.za Dermalogica dermalogica.co.za Dior 021 442 770 Dis-Chem dischem.co.za Dolce & Gabbana 011 326 7808 Eau Thermale Avène Clicks, Dis-Chem, Dermastore Esque Esque.co.za Esse esseskincare.com Essence Dis-Chem, takealot.com, Clicks Estée Lauder esteelauder.co.za Filorga 012 548 0725 Forever New forevernew.co.za Garnier 0860 102…

Ek onthou hoe ons as kinders dié woorde dikwels leedvermakerig gerymsing het: “’n Belofte is ’n belofte en mag nooit gebreek word nie.” Dit was gewoonlik vir ’n maatjie wat ’n skielik te bang was om die boom te klim, of die eier te gooi, en dit nadat sy belflflf het! Dis ’n hele paar dekades later en hierdie rympie steek steeds in my kop vas, want grootmense maak en breek beloftes met groot gemak - maak nie saak hoe klein en onskuldig flf lewensveranderend dit mag wees nie. Dit strek van “ek bel jou binnekort vir ’n koffie” en “ek belowe ek sal nie oorvertel nie” tot “ek sal jou altyd liefhê”. Beloftes, lyk my, ís gemaak om gebreek te word. Sielkundiges soos dr. Melissa Ritter, die bekende New…