Innholdsfortegnelse for Desember 2019 i Rooi Rose

HIERDIE TYDSKRIF is al ons Kersfees 2019-uitgawe. Dis moeilik om te glo dat hierdie veelbewoë jaar sowaar al sy laaste paar treë gaan gee. In ’n uiters moeilike jaar op byna elke gebied vir ons Suid-Afrikaners, moes ons oral vure doodslaan, droogtes oorleef en onverkwiklike politieke gebeure probeer verwerk. En sluk en sluk aan die gal wat opstoot oor narighede en gemeenhede wat ons op geen manier kon beheer nie. Deesdae is ons danksy ’n menigte aanlynplatforms aan ’n wye front ingelig oor wat wêreldwyd op enige gegewe oomblik aan’t gebeur is. Ons word in volkleur en walglike geur gebombardeer deur die donker kant van die lewe. Elke uur. Elke dag. En dit terwyl ons skaars oogkontak maak met dié wat langs en saam met ons lewe en op ons…

‘Skielik was daar ’n menigte engele uit die hemel wat God prys en sê: Eer aan God in die hoogste hemel, en vrede op aarde vir die mense in wie Hy ’n welbehae het!’- (Lukas 2:13, 14.) Ja, dis presies waaroor Kersfees vir ons gaan,” sê Minki Joubert (35) en gaan sit op die mat in hul woonkamer om na Elise se piepklein uitknipseltjies te kyk. Miniatuur-patroontjies word met ’n ewe klein skêrtjie uitgeknip en Mamma moet kyk. Mamma kyk en deel die nodige lofprysings uit. “Elisehartjie dra die allerkleinste goedjies aan huis toe – heuningblomme, vere, stukkies papier ... In ’n huis waar drie sussies van ses en jonger bly, kan jy jou indink hoeveel goetertjies daar oral is! “Toe ons klein was, het ek en my broer, Ben,…

Wees op die uitkyk na die nuwe Hollywood-magnaat! Sy is kort, pragtig en talentvol! Haar naam: Reese Witherspoon. Die meisie uit die suide is stil-stil besig om ’n produksiemaatskappy te vestig wat TV-reekse maak wat vroue (en mans) graag wil sien! Vir dekades, selfs eeue, was mans die besluitnemers in Hollywood. Maar diversiteit is die nuwe wagwoord en Reese gebruik die geleentheid om saam met topaktrises soos Meryl Streep, Nicole Kidman (Big, Little Lies), Jennifer Aniston (Morning Show) en Kerry Washington (Little Fires Everywhere) reekse te vervaardig waarin vroue die hoofrolle speel, voor én agter die kamera, en waarna vroue, en selfs mans, graag wil kyk. Dié keer gesels ons met Reese oor Morning Show, die nuwe reeks wat sy vir Apple se stroomdiens gemaak het. Reese en Jennifer Aniston…

Dawid speel teenoor Anna-Mart van der Merwe in Poppie Nongena (wat 30 Januarie 2020 uitgereik word). Hy vertolk die rol van haar karakter (Magriet Swanepoel) se man, Jan. Hy is baie beskeie oor sy rol, maar kan nie uitgepraat raak oor die fliek nie. “Jan is ’n tipiese staatsamptenaar met ’n amper voorspelbare, konserwatiewe lewensuitkyk. Een van daardie mense wat skuil agter ’n opmerking soos ‘dis die wet’ die oomblik wanneer hul empatie bevraagteken word. “Poppie Nongena is ’n baie belangrike fliek – dis goed dat mense blootgestel word aan die werklikheid van destyds. Ons ly dikwels aan ’n gerieflike geheueverlies as dit by apartheid kom. Ons besef nie waardeur mense destyds gegaan het nie, of wat die gevolge van die wet was nie. Dit het nie net mense se…

My lewe het eintlik op dertig begin! My loopbaan het uiteindelik vlamgevat, ek is tevrede met die mens wat ek is, en ek het die regte mense in my lewe. Ek staan nou op 32 - hoewel ek 23 in my hart voel - maar ek is gelukkiger as ooit. Ouderdom is regtig net ’n syfer!” sê die sprankelende vermaakpersoonlikheid Leani van Niekerk. Haar geliefdes en vriende noem haar Laans. Haar bewonderaars ken haar as Leah. Haar jongste album, Kyk na My, is pas uitgereik en TV-kykers kan uitsien na nog ’n seisoen van die werklikheidsreeks Boer soek ’n Vrou op kykNET. Sy wou eintlik ’n advokaat word en het in 2007 ’n B.Com.-graad in regte aan die Universiteit Stellenbosch behaal. Op skool het sy moderne danslesse en sangonderrig gekry,…

‘Om my pad van onder af op te werk in soveel kombuise het my baie geleer’ Vra enige koskenner: ’n Michelinster word nie sommer in enige restaurantkombuis losgekook nie. Wat nog te sê in ’n restaurant wat skaars nege maande gelede sy deure geopen het. Maar dis presies wat Jean Delport (31) reggekry het by Interlude, ’n restaurant in Leonardslee Gardens naby Horsham in Wes-Sussex, Brittanje waar hy die hoofsjef is. Volgens die Michelin-gids beteken een ster “baie goeie kookkuns”, en die anonieme beoordelaars was dit eens dat Jean, wat in Bloubergstrand gebore en getoë is, en sy span hierdie veertjie in hul hoed verdien. Jean, wat in Suid-Afrika nooit enige kostoekennings gekry het nie, is beskeie oor sy groot prestasie. Hy is opgelei by Zevenwacht, dieselfde sjefskool waar Jan-Hendrik…

Marinda van Wyk Ek sou my tyd beter benut, meer gedissiplineerd wees, meer stap en oefen, minder eet, minder bang wees en twyfel en meer waag. Ek sou vanjaar die Tankwa Camino gaan stap het, maar het om verskeie redes onttrek. As ek nou terugkyk, moes ek dit net gedoen het. Daar verander iets in jou menswees as jy iets aanpak wat jy nooit gedink het moontlik is nie. Ek sou trotser gewees het op myself pleks van ’n bietjie spyt. Martha Poller Ek sou vir seker met meer dissipline geskryf het. Ek sukkel met daardie ding van “gaan sit en skryf!” As ek in Januarie al ’n vaste werksmetode gehad het, was die boek waarmee ek steeds sukkel vir seker al op die rak. Maar ja, spyt is ’n…

AARDS & VROLIK Die kombinasie van geel en oranje klink vreemd, maar kyk net hoe prettig - en nie vreemd nie - lyk dit. Jy het dalk reeds van die skakerings in jou grimeertassie, maar jy wend dit net anders aan. Pleks van ligbruin op jou ooglid en donkerder bruin in die vou, gebruik jy die donkerder kleur as ’n strepie bo jou wimpers. Vir ’n veiliger, natuurliker voorkoms Kies aardse kleure, soos ’n ligte mosterdbruin en baksteenbruin. (Dior Backstage Eye Palettes se Shimmer Orange en Matte Brick of Red Copper is goeie keuses.) Vir ’n meer glansryke weergawe Kies ’n geelgoud skakering en ’n rooierige koper omlyner. Wat het jy nodig? • Onderlaag of getinte bevogtiger as jy dekking verkies. • Wenkbroujel as jy welige wenkbroue soos ons model…

• Jy het baie gewig verloor, of 'n kind groei nie normaal nie. • Jy eet net ’n paar soorte kosse, kom wat wil. • Enige druk om ander kos te eet maak jou angstig en ontstel jou. • Jy het 'n abnormale vrees dat jy sal stik of naar word. • Jy het geen belangstelling in kos nie. • Jy voel met etenstyd altyd “te vol” of “het maagpyn” en kan nie nog eet nie. • Jy is nie bekommerd oor gewig of liggaamsbeeld nie. • Baie lyers kla van spysverteringsprobleme, soos hardlywigheid en sooibrand. • Baie lyers is koulik, lusteloos, voel en word soms flou, slaap sleg, en voel dikwels duiselig en moeg. • Vroue begin maandstondes oorslaan en hou mettertyd op menstrueer. • Lyers se naels word…

GEURIGE WASGOED Nou kan jou wasgoed skoon én geurig wees. Clover Perfume Deluxewasgoedversagmiddel beskerm die kleure van jou wasgoed, maak stryk makliker, versag kreukels en help om jou klere langer hul vorm te laat behou. En daarmee saam ruik jou wasgoed heerlik en weelderig. ’n 800 ml-houer kos sowat R46. BOTTERGEUR Butro Oil is ’n mengsel van Clover Butro en sonneblomolie en kan tot 180 dae buite die yskas gehou word. Dis in ’n gerieflike spuitbottel beskikbaar en geskik vir kook, braai en bak, en is halaal en kosjer. Dis ’n heerlike nuwe alternatief vir olie en die 750 ml-bottel het deurskynende stroke sodat jy maklik kan sien hoeveel oor is. Sowat R90 vir 750 ml. SWANGERSKAP EN BORSVOEDING Gedurende swangerskap verhoog ’n vrou se behoefte aan voedingstowwe, en ’n…

Almal het gesê slim Arend Stofberg en mooi Lettie Vermaak is bestem vir mekaar – nes twee skoene, perfek geskoei en nommerpas tesame! Ja-nee, dié twee sal gewis trou sodra Arend klaar geleer het. Intussen werk Lettie in die dorp se Handelshuis. Van Maandag tot Saterdag sit sy in ’n kantoortjie en maak seker dat die boeke klop. Die dorpskêrels probeer by haar kuier, maar sy sê nee dankie, haar hart behoort net aan Arend. Later gee die kêrels moed op. Toe sit Lettie stokalleen op ’n Saterdagaand terwyl die jongklomp langarm dans by die Landbousaal. Sy blaai deur ’n modeboek wat sy op die Handelshuis se rak kry, kyk na trourokke en droom van eendag as Arend háár van die rak afhaal vóór sy dalk ’n oujongnooi word. Toe…

Toe fisika hom pootjie, los hy sy argitekstudie, word bankkassier en verwerf eindelik ’n meestersgraad in Afrikaans en Nederlands. Daarna volg onder meer popmusiekjoernalis, restaurantresensent en uitgewer. Veelsydig ja, maar boeke besorg aan Kerneels Breytenbach die meeste roem en pryse. Sy jongste aflewering heet Hond se Gedagte. As ’n gebore Joburgse boykie saai jy flink en wyd. Sou die 1969-matriekseun van Alberton dit kon voorspel? Nooit! Hy was te skaam en teruggetrokke. Vertel van die sonverduisteringsage in jou troepietyd. Ek het op 31 Julie 1962 deur die takelwerk van my skooltrui na die sonsverduistering geloer, en my regteroog beskadig. Toe ek in 1970 by SAGD aanmeld, was daar te veel kamplotelinge - almal met plat voete, asma en oogprobleme is van diensplig vrygestel. Van waar jou wye belangstellingsveld? Het jy…

Die Portugese kultuur is pure passie en vind uiting in kos en musiek. Dié kragkombo kan nou beleef word in een van Jozi se kleurryke ou buurte wat wemel van interessante siele en blink staaltjies. The Spot Pombo’s in Albertskroon is al jare ’n restaurant met ’n kroeg maar het ’n gedaanteverwisseling ondergaan. Dit spog nou met lewendige musiek en dansplek. ’n Verskeidenheid plaaslike talent kry kans om op te tree en daar is ook jam sessions. Die tradisionele Portugese spyskaart is steeds gewaarborg. Die gesellige kuierplek in 5de straat 57 is die grootwordhuis van eienaar Luis Pombo. As een van vier kinders van Portugese immigrantouers het hy opgegroei in die 1950 - 1970’s toe Albertskroon se kosmopolitiese geur lekker begin prut het. Sy pa het sy eie groente en…

DAGDROME IN SUBURBIA – FRANCOIS VAN COKE. DIE KAAPSE ROCKER SE STER BLY SKYN SEDERT HY DIE MUSIEKTONEEL AS VOORSANGER VAN FOKOFPOLISIEKAR GETREF HET. IN SY DERDE SOLO-ALBUM MET TIEN SNITTE NEEM HY BESTEK VAN SY LEWE. DIE TITELSNIT SAAM MET DIE GEWILDE GROEP SPOEGWOLF EN NUWE STER TASCHÉ WORD OOK DAAROP GEHOOR. 40 JAAR (1979-2019) LIEDJIEBOER INNI LANGPAD – ANTON GOOSEN. BETYDS VIR DIE KERSKOUS IS HIERDIE VERSAMELALBUM WAARMEE DIE MUSIEKIKON SY SUKSES OOR VIER DEKADES VIER. DIT BEVAT NUWE OPNAMES EN MINDER BEKENDE EN ALTERNATIEWE WEERGAWES VAN OU SONGS. DAAR IS OOK ’N DUET SAAM MET PIET BOTHA. AS SANGER/LIRIEKSKRWYER IS HY PURE AFRICANA. DATE NIGHT – CORNE LOUW. NADAT DIE TITELNSNIT, DEUR LOUW, HUGO LUDIK EN VAUGHAN GARDINER, LANK BO AAN TREFFERPARADES GEBOER HET, VOLG DIE GELYKNAMIGE…

Minki van der Westhuizen “Dis vir my ’n groot hoogtepunt om op so ’n gewilde en geliefde tydskrif se voorblad te verskyn en die skiet daarvan is altyd opwindend. Ek is mal daaroor dat dit ’n span vol sterk en bekwame vroue is wat mekaar respekteer en inspireer; almal professioneel en passievol oor hul werk. Dit was lekker om by ons huis te kon skiet, die dogtertjies was ook tuis en op hul gemak. Ek is so opgewonde oor hierdie voorblad en artikel, want ons vier Jesus se geboorte en die eintlike rede waarom ons Kersfees hou.” Die skrywer van vandeesmaand se wenbrief ontvang ’n HANNONgeskenkpak van R4 682. Wanneer dit by skoonheid kom, is HANNON ’n vertroude naam. Sy reeks gehalteprodukte strek van grimering soos Colour Blend-lipstiffies, Candy Sugar-lipglanse,…

Marinda van Wyk (57), tuisteskepper Ons is opgewonde oor ons eerste Kersfees op die platteland. Tradisies is vir my belangrik. Dit hou herinneringe aan die verlede lewendig. Kerstradisie beteken die normale “Kersfeesvleise,” koue slaaie en –vorms sodat daar vir die volgende paar dae moeiteloos geëet kan word. En natuurlik is dit nie Kersfees sonder trifle nie! Ons vieringe begin al Oukersaand: terwyl die vleise buite op die Dover-stofie kook, kuier ons om die braaivleisvuur met “tapas” van die rooster af. Ná maande se harde werk om ’n nuwe tuiste te skep, wil ons net agteroorsit, die stilte inadem en familie en vriende uit die stad trakteer. Martha Poller (65), skrywer Omdat dit so warm is hier, oorweeg ek glad nie ’n warm ete nie. Ek maak gewoonlik sommer vier of…

Kos maak is ’n liefdestaak, sê Minki, en “pak dit oor die feestyd met hierdie gesindheid aan!” Karen Dudley van The Kitchen in Woodstock beskryf dit so mooi: “Wanneer ek vir iemand ’n liefdestoebroodjie aanbied, moet ek eers bepaal wat sy of haar gemoedstoestand is. Het hulle vertroosting nodig? Inspirasie? Koestering? Moet dit warm of koud wees? Knarsend of aards? Soms is beskeie grondboontjiebotter op ’n saadbroodjie die beste doepa. Soms is iets eksoties nodig. Liefde gaan daaroor dat jy fyn luister na iemand se behoeftes. Partykeer gee ek straks te veel liefde! Maar wat, ’n liefdestoebroodjie bind my – vir daardie oomblik – met ’n spesiale band aan die ontvanger.”…

‘KLEINTYD HET EK DIE LUUKSE VAN VERLATENHEID GEKEN’ Jy soek verniet na artikels oor Dawid Minnaar op die Internet, kom ek agter toe ek navorsing doen oor die veteraan-akteur wat ons in die jare negentig in gewilde televisiereekse soos Torings en Konings leer ken het. Ek pols hom oor sy byna onsigbare Internetspoor tydens ons onderhoud in ’n gewilde koffieplek in Melville, Johannesburg. Ja, erken hy, hy beskerm sy privaatheid “jaloers” en het geen behoefte daaraan dat sy lewe “uitgebasuin” word nie. “Ek sou myself nou nie ’n kluisenaar noem nie, maar ja, ek is baie privaat.” Maar moet dié versugting na ’n lewe weg van die kollig nie met stugheid verwar nie. Hy praat graag oor dinge wat hom na aan die hart lê: sy grootwordwêreld in Namibië (’n…

Vir wie word hy kwaad? “Myself! Ek kan myself baie frustreer!” Is hy ’n perfeksionis? “Nee, ek sal nou nie so sê nie.” Wat anders maak hom kwaad? “Die misbruik van mag, die uitbuiting van kunstenaars. Hulle is reeds in so ’n moeilike posisie in ons land, en dan is daar sg. ‘werkgewers’ wat hulle boonop uitbuit. Ek het nog altyd ’n probleem gehad met gesagsfigure wat dit doen. Mense wat dink hulle is beter as ander, irriteer my ook. Dis sommer net vervelig.”…

Interlude is ses dae per week oop. Op sy dag af geniet Jean dit om “gewone” kos te maak, soos lasagne. “Dis my comfort food ná ’n week van uittoets en proe aan fynproewergeregte.” Hy braai ook graag, maar gee toe dat ’n braai in Engeland nie heeltemal dieselfde as ’n egte Suid-Afrikaanse braai is nie. Maar sy dag af is ook dikwels die dag waarop hy navorsing oor nuwe geregte doen. “Ek het ’n klein biblioteek met duisende kookboeke. My vrou sug al as ’n nuwe een in die pos opdaag. Maar ja, kookboeke is my stokperdjie en seker ook my groot indulgence.” As hy die kans kry, is hy – tipies Suid-Afrikaner – mal daaroor om rugby of krieket op televisie te kyk. “En natuurlik ook sokker! Ek…

MODERNE PATRONE Moenie nou veilig speel met jou uitrustings nie. Jy kan verskeie patrone meng en pas, selfs jou skoene hoef nie eens te pas nie! Oorweeg moderne skoene met luiperddrukwerk saam met ’n rok met ’n ander patroon. POFMOUE IS TERUG  Moue is vanjaar indrukwekkend en kom in verskeie style – van romanties tot modern. Die grootste styl was die herlewing van die jare tagtig se pofmoue en skouers. Moenie bang wees om jou van kop tot toon in die tagtigerjare te klee nie, gaan groot! VAN WINTER NA SOMER Ons het nog lank nie die einde van dieredrukwerk gesien nie. Dit is meer bekend as ’n wintertendens, maar vanjaar het dit gemaklik na lente- en somerreekse oorgeskuif. Jy hoef nie by bykomstighede te hou nie, wees ook op…

Sowat vierhonderd gaste het op 14 September vanjaar op die Monte Bello-landgoed naby Bloemfontein saamgekuier vir ons jaarlikse Kansatee in samewerking met Spar. Die tema vir vanjaar was “Blom in Volkleur” en die gasvroue het uitgehaal en gewys en die onthaalsaal in ’n kleurryke blomtuin omskep. Die gewilde televisieaanbieder Rozanne McKenzie was die seremoniemeester wat die dag gelei het, en skrywer Madelein Rust het ons meer vertel van die pad wat sy met kanker gestap het en hoe dit haar lewe verander het. André Schwartz het die dag op ’n hoë noot afgesluit met sy bekoorlike stem en met liedjies wat ons almal ken en kon saamsing. Dankie aan elke borg, gasvrou en helper wat bygedra het tot hierdie suksesvolle dag. Dit het ons in staat gestel om weer ’n…

VYEBLATJANG MET EENDLEWERPATEE EN MOSBOLLETJIES VYEBLATJANG GENOEG VIR 375 ML • 15 ml (1 e) botter • 1 ui, geskil en in ringe gesny • 125 ml (½ k) suiker • 1 kaneelstokkie • 1 steranyspeul • 125 ml (½ k) rooiwyn • 125 ml (½ k) lemoensap • 500 g droëvye, in kwarte gesny • 5 ml (1 t) korrelmosterdsaad 1 Smelt die botter in ’n groot kastrol oor lae hitte. Braai die uie daarin tot goudkleurig en sag. 2 Gooi die suiker en speserye by en roer tot die suiker gesmelt is. 3 Voeg die rooiwyn en lemoensap by en laat kook vir 5 min. Voeg die vye by en kook vir sowat 20 min. oor lae hitte tot sag. 4 Skep in ’n gesteriliseerde glasbottel wat dig…

Jy het reeds ’n lang loopbaan as akteur gehad voordat jy vir die titelrol in Poppie Nongena gekies is. Waar het alles vir jou begin? Ek was in wat nou graad 9 is toe ek my maatskappy begin het. Dit was in die tyd toe die TV2 vorm aangeneem het. In die begin was daar net TV1 en dít en TV2 en 3 was eintlik net een stasie. Ek is dus al van skooldae in dié bedryf en werk steeds daar. Ek is bevoorreg. Jy is bekend daarvoor dat jy nederig is, en het al gesê dat toneelspel net ’n werk is. Wat bedoel jy daarmee? Nee, toneelspel is nie net ’n werk nie. Dis ’n roeping. Wanneer jy toneelspeel, verteenwoordig jy soveel verskillende mense, jy speel soveel verskillende karakters…

WONDERSMID Jessica Townsend (H&R) Dié Aussie se skrywes val in die klas van Harry Potter. Lesers het Morrigan Crow ontmoet in die aangeprese debuutboek, Nevermoor: The Trials of Morrigan Crow. Wondersmid, die opvolg, is die knap Afrikaanse vertaling deur veelbekroonde kinderboekskrywer Jaco Jacobs. Morrigan het aan haar dodelike vloek ontsnap en is nou lid van die Wondergenootskap, maar haar ontvangs is lou, want sy is ’n seldsame Wondersmid en word as gevaarlik beskou. Lede verdwyn, Morrigan se nuwe vriende word afgepers en opgesweep en die bose Ezra Stuim is vasbeslote om haar weg te lok. Uitgewersprys: R240 rooi rose: R192 IEMAND WAT VERDRINK EN ANDER VERHALE (Lapa)  Marita van der Vyver, Fanie Viljoen, Nathan Trantraal, Nanette van Rooyen en Zelda Bezuidenhout lewer bydraes tot dié bundel kort jeugverhale, en word…

’N BIETJIE MENSLIKHEID Geklee in ’n reënjas en waterskoene, durf ek vieserig die stortreën aan en hardloop na die hoenderhokke met die emmertjie mielies vir my oggendtakie. By die hekkie vang my oog twee stokkiesbeentjies wat effens beweeg. Die Farisieër en Skrifgeleerde in my laat my anderpad kyk. Maar ek hou nie rekening met my Barmhartige Samaritaan-gene nie en raap tog maar die lewelose modderbolletjie op en hardloop huis toe. Daar spoel ek die bondeltjie skoon, draai hom in ’n doek toe en blaas met ’n haardroër droog. Toe sit ek die bondeltjie vere op ’n handdoek waaronder ’n warmwatersak is. ’n Paar uur later begin hy beweeg en maak piepgeluidjies. Onthou nou, ’n mamma-gans voel vere vir ’n laatlammetjie (of is dit gansie?) en sodra die meeste van die…

vir vroue 1 Vertroetel ’n sensitiewe vel met Essential Earth Remedies se Absolut Rose Healing Balm (R640) wat van suiwer roosbottelolie gemaak is. En as jy in Johannesburg is, gaan loer in by hul Essential Earth Remedies Skincare Apothecary in Cedar Square vir nog natuurlike velsorgprodukte en geneesmiddels, of koop aanlyn by essentialearthremedies.co.za/ 2 Die stylvolle Oxford-horlosie van Rotary (R6 950) is gemaak van vlekvryestaal en met roosgoud bedek. Twaalf diamante dui die ure aan. 3 Teepot met koper handvatsel (R499, Poetry). 4 Lancôme La Nuit Trésor L’eau de Parfum (R1 350 vir 50 ml, Edgars, Foschini, Truworths en Woolworths). 5 Stila After Hours Eye Shadow Palette (R865, Woolworths). 6 Elizabethjapon (R599, Poetry. 7 Dot Dash-sonbril met pienk raam (R349) en met skilpaddopraam (R199, uitgesoekte Billabong-winkels. 8 Amazone Skinny Toi…

Het jy dit geniet om ’n joernalis te speel? Dink jy joernaliste kry dit reg om ’n goeie onderhoud met iemand soos jy te voer? Dis ’n goeie vraag! Ek dink ek het in die tien episodes agt onderhoude moes voer. Dit was senutergend! Jennifer het van die begin af hierdie ongelooflike nuusleserstem gehad. Toe ek haar vra hoe sy dit regkry, het sy gesê sy het net na baie YouTube-video’s gekyk. Sy was regtig goed. En toe moes ek ook my eie nuusleserstem kry. Die beste onderhoude wat joernaliste al met my gevoer het, was wanneer hulle hulle vir ’n paar minute in my skoene kon plaas en hulle kon indink hoe ek die onderhoud ervaar, en waar ek in my lewe is. As jy deernis en empatie het…

Vra jy wat dit is van toneelspel wat hom prikkel, antwoord hy: “Ek hou daarvan om deur my werk die menslike kondisie te ondersoek. Daarom skrik ek ook nie vir donker, komplekse rolle soos dié van Eugène Marais nie. Dit was ’n voorreg en ’n uitdaging om Eugène te kon speel, maar ja, ook ’n reuse-verantwoordelikheid. Hy is ’n ikoniese figuur aan die Afrikaanse firmament. Daar behoort eintlik ’n hele reeks oor sy lewe gemaak te word - Die Wonderwerker het maar net ’n grepie daarvan belig.” Die fliek was nie sy eerste kennismaking met Marais nie. Dawid was ook ’n paar jaar gelede by die Markteater te sien in Prophet of the Waterberg, ’n toneelstuk oor Marais. Ter voorbereiding vir Die Wonderwerker, het hy soveel moontlik oor Marais gelees,…

Het jy al gesien hoe daai los draadjie in die gloeilampie wikkel wanneer dit geblaas het? Dit is wat soms gebeur.” Net ná haar verlowing het die radio- en TV-persoonlikheid Lynette Francis in haar blog geskryf: “Ek het innig lief. Onmiskenbaar. Die soort liefde wat my laat weird goed doen. Dieper as muisneste. ’n Malfunctioning in my brein wat my laat kop verloor. En ek verloor nie maklik kop nie, trust me!” In ’n koffiewinkel in Randburg gloei sy so dat ’n mens vrees die makrolletjies gaan smelt! “Ek kwyl oor daardie man.” Aan haar ringvinger is drie diamante omring met kleiner diamantjies. Dit verteenwoordig gister, vandag en die toekoms saam. Sy maak ’n video-oproep na Skotland en stel hom voor. ’n Innemende, vriendelike man, en, sy is reg, hy…

‘Kan die ekonomie asseblief net draai. Kan die politici wêreldwyd ophou strooi praat en aanjaag’ - Margit Meyer-Rödenbeck MARGIT MEYER-RÖDENBECK ‘Omhels deernis’ Ek het gehoop 2019 is rustiger en kalmer, maar dit was willer as ooit! Dit is meestal my eie skuld, want ek pak te veel dinge aan!” sê die veelsydige vermaakpersoonlikheid Margit Meyer-Rödenbeck. Sy woel op die oomblik met ses produksies en tussendeur behartig sy produksies vir haar en haar man, Jurgen Human, se teater, Die Boer-teater. En dan leer sy ook nog graad vier saam met hul tienjarige dogter, Luca. “Sy neem aan als deel: van verspring tot koor, klavier, redenaars, netbal en nog wat. Die energie en voortvarendheid is onblusbaar en ek bewonder dit.” Vanjaar het vrot afgeskop – weens faktore buite Margit se beheer. Op…

VEELSYDIG Die Antarès-reeks van Michel Herbelin is elegant en veelsydig. Belê gerus in ’n klassieke styl, maar nóg beter, wissel die voorkoms met verskeie aanknipbandjies af. Daar is ’n kleur vir elke smaak. ANTARÈSHORLOSIE (R14 950 VIR STEL MET BANDJIE) LUXCO IMPORTERS. OP DIE SPOOR Nuut aan die Beach Cult-front is ’n reeks wat deur Suid-Afrikaanse nagsafari’s geïnspireer is. Jy kom nie aldag diere soos jagluiperds op nagsafari’s teë nie, en dié reeks is ’n ode aan die wilde diere van die nag en hul misterieuse bedrywighede. EENSTUK (R990; S-L) BEACH CULT. LUUKS Jimmy Choo was nie verniet een van prinses Diana se gunsteling-handelsname nie, want sy ontwerpe gee onmiddellike glans aan enige voorkoms. Die sexy maar stylvolle ontwerpe het verseker dat hierdie luukse modehuis sedert 1996 ’n gewilde naam…

Fluweelsagte DEKKING CHANEL ULTRA LE TEINT VELVET (R832) voel veerlig op jou vel, maar het ’n mat, fluweelagtige afwerking. ’n Mat onderlaag wat lank aanbly, voel dikwels swaar op ’n mens se vel, maar dié een voel lig en natuurlik. Psst: Chanel-aanhangers, dit is die ou Perfection Luminiér Foundation met ’n nuwe naam en ses nuwe skakerings. Olie vir SONBESKERMING Met CLARINS SUN CARE BODY OIL MIST UVA/ UVB 30 (R460) kan jy jou hare en vel teen die son beskerm. Die droëolie, wat glad nie olierig voel nie, bevat plantbestanddele, en beskadig volgens Clarins nie die koraalriwwe nie. Wend 15 minute voor sonblootstelling aan en elke twee uur daarna, of nadat jy geswem, gesweet of jou afgedroog het. Aanspuit-PROBIOTIKA As jy rooi rose gereeld lees, behoort jy teen dié…

‘Dit was vir my ’n lewensveranderende ervaring. Die talentvolle span het vir my soveel selfvertroue gegee - hare, grimeerwenke en styladvies ... Dankie vir die fantastiese wenke en geleentheid’ NAAM: MEL JOHNSTONE-ROBERTSON OUDERDOM: 44 BEROEP: TUISBLYMA Mel het gevoel sy het ’n nuwe voorkoms nodig nadat sy vroeër vanjaar besluit het om haar werk in juweliersware-ontwikkeling te laat vaar om na haar agtjarige twee-ling om te sien. Sy het ook besluit om aan haar gesondheid aandag te gee, en ’n vars, nuwe voorkoms is net wat sy nodig gehad het in dié nuwe fase in haar lewe. MODE GESELLIGHEID Die treffende swart en wit uitrusting is ideaal. Die wit tydlose BLOES (FOREVER NEW, R599) val sag oor haar halslyn. Ons het die bloes ingesteek vir ’n meer moderne voorkoms. Die…

Ons drie susters is mollig. Ons is in ons veertigerjare en dra nommer 18’s. In 2011 het my dogter verloof geraak aan iemand wat uit ’n ‘hoër stand’ as ons is, as ek dit so kan stel. Sy het ’n baie mooi troue beplan – nie groot nie, mflfli. Almal in daardie familie is SSSSS - slank, stylvol, sjarmant, suksesvol en slim. Ons begin gesels oor mooi lyk vir die troue, wat by vroue mos op dieet neerkom. “Foto’s jok nooit nie,” het ons gelag. “As jy op die troue rietskraal lyk, dan is dit hoe jy áltyd is. Maar ons – of ten minste ek – was ook doodernstig … en vir seker ’n bietjie minderwaardig teenoor die nuwe skoonfamilie. “Ek het ’n paar keer vantevore dieet, en elke…

• Volg jou hart en jou passie en moenie dat ander jou van stryk bring nie. • As jou werk jou gelukkig maak , het dit ook ’n uitwerking op jou gesin. • Beperk jou reeks tot produkte wat werk, maar probeer gedurig nuwe idees in die werkswinkel. • Dis belangrik om met ’n goeie sakeplan te be- gin. • Die herwinning is ’n bonus. • Besluit wat vir jou belangrik is en grond jou besluite daarop. • Moenie verwag dat iemand jou op die skouer gaan klop of prys nie. • Gehalte is uiters be- langrik. • Wees aanpasbaar en geniet die reis - sukses kom nie oornag nie. • ’n Onderneming groei as kopers gaaf is en terugvoer gee, wat ons help om die produk te verbeter .…

OLIVE, AGAIN Elizabeth Strout (Penguin) Pulitzerpryswenner Elizabeth Strout is suiwer leesplesier! Soos haar landgenoot Anne Tyler, boul die Yank jou uit met haar universele, nuansryke mensdramas. Strout skil haar karakters subtiel af en trek menswees se lae weg. Ná haar juweelroman My Name is Lucy Barton, wat lank by jou bly spook, keer sy terug na die karakter wat lesers en kykers (dit was ook ’n bekroonde TV-minireeks) oorrompel het. Olive Kitteridge is in haar gelyknamige boek in 2008 bekend gestel. In Olive, Again is dié reguit vrou van ’n kusdorpie in Maine ouer. Sy navigeer nou die tweede helfte van haar lewe met gepaardgaande veranderinge en lesse vir haarself en ander. Dit sluit ’n tweede huwelik, vervreemde seun en die pyn en plesier in haar omtes in. Uitgewersprys: R290…

Local is lekker Vier trots Suid-Afrikaanse vakmanskap en produkte by 2019 se laaste KAMERS/Makers. Die skou beleef ’n skitterjaar en rekordverkoopsyfers en verskuif vir oulaas binneland toe. Plaaslike entrepreneurs sal hul kreatiwiteit van 3 - 8 Desember in Irene uitstal. Die skou by Cornwall Hill College is daagliks van 09:00 - 17:00 oop. Kaartjies kos R70 by plankton.mobi en R100 by die ingang en sluit ’n geskenkpak in. Daar is afslagpakkette beskikbaar, ook vir studente en pensioentrekkers. Kyk by www.kamers.co.za en info@kamersvol.com of volg sosiale skakels. Bacchus & beelde Wyn en kunste is ’n keurige kombinasie wat nou saam langs die beeldskone Kaapse kus beleef kan word. By die Benguela Cove-wynlandgoed in Walkerbaai net buite Hermanus pryk reuse-beelde geskep deur meesterbeeldhouer Anton Smit. Penny Streeter (OBE) wou die landskapsdrama met…

In haar jong dae, die dertiger- en veertigerjare in Hollywood, was Hedy Lamarr as rolprentster en vir haar vele affairs bekend. Sy is dan ook in die sestigerjare met ’n ster in die Hollywood Walk of Fame vereer. Maar sedert haar dood in 2000 het sy bekend geword as uitvinder, en is vereer vir haar pionierswerk in kommunikasie wat vandag die basis van Wi-Fi, GPS en Bluetooth vorm. Sy is ook al “die Moeder van Wi-Fi” genoem. Ironies dat dié beeldskone ster se geniale brein ná haar dood eers erkenning gekry het. Sy en George Antheil het reeds in die Tweede Wêreldoorlog ’n stelsel van “frequency hopping” tussen radiogolwe uitgevind wat hulle gedink het die Amerikaners teen die Spilmoondhede sou help. Die Amerikaanse weermag het die uitvindsel gebruik, maar dit…

Een van die aksente van Kersfees val tradisioneel op nederigheid in die lig van die beskeie geboorte van ’n koninklike kind wat “die gestalte van ’n dienskneg aangeneem het” en bereid was om sy lewe met ’n krip as wiegie te begin. Om “aan jouself te sterwe” is maar ’n moeilike saak. Maar partykeer pluk die lewe jou (met ’n goeie skoot humor) in die bek. Boonop op sfl ’n manier dat dit onmoontlik is om te glo dat dit toevallig kan wees. Die volgende storie het twee hoofstukke. Dit begin by ’n Bybelstudiegroep waar ’n genooide spreker met ons praat oor die verpligte bereidheid om álles wat jy besit prys te gee. Ek voel erg geïrriteer deur sy fundamentalistiese trant, my aandag dwaal. Op die gasvrou se klavier staan…