Innholdsfortegnelse for Oktober 2019 i Rooi Rose

MY DAE volg mekaar met gereelde gang op, met afgemete pas, met tye eenselwig, geroetineerd. Ek volg die nuus, ek volg die weervoorspelling, loer gou op Twitter, facebook, Instagram. Ry gou hiernatoe, daarnatoe, beplan, tref reëlings vir die dae, weke wat kom. Jy merk dae in jou kalender, so en so se verjaarsdag, die dag toe sy dit of dat behaal het, die geboorte van ’n kleinkind, die sterfdatum van ’n geliefde ... Maar belangrike dae gaan net so vinnig verby soos die gewone dae. Jy kan nie aan enige oomblik langer vashou as ’n ander een nie. Maar ek voel jy kan hulle in jou gedagtes merk. Daardie dag toe ... en in jou geheue ’n blink ster daarby plak. In hierdie dae waar ons so beïnvloed word deur…

Erna Joubert Die boekvoorlesing Botox, Barbies & Bietse . Ek is mal oor die beeldspraak, die mildelike gebruik van byvoeglike naamwoorde, die speel met woorde sodat ’n heel nuwe wêreld my insluk en deel van die verhaal maak. Anri Basson Ja! Ek het sommer al die eerste podsendings afgelaai en ek luister daarna wanneer ek reis. Ek hou van Tee en Taai Toffies , asook die Tussen Ons . Ek verkies die gesprekke waaruit ek iets kan leer. Marina Stain-Alberts Ja! My gunsteling is Tee en Taai Toffies. Dis regtig verfrissend om daarna te luister. Miskien sal ’n reeks wat oor gesondheid en fiksheid handel ook byval vind. Erna, Anri en Marina wen elkeen ’n paar Hi-Tec Ladies V-Lite OX Trail Racerstekkies en sokkies alles ter waarde van R1 058!…

“Sy is ’n besondere sterk vrou. Kanker sal die meeste mense negatief maak, en natuurlik het sy dae wanneer sy af voel, maar die meeste van die tyd is sy ’n klein vegter. Sy staan op en besluit dat dit haar nie gaan onderkry nie. Sy is steeds die vrou wat sy weet sy is. Sy is steeds die hardwerkende vrou. Die amazing mamma wat vroeg opstaan om te help met skooldingetjies. Die liefste vrou wat seker maak ons is ook oukei en gesond. Ek moet haar baie keer daaraan herinner om vir haarself ook ’n bietjie tyd in te ruim; om te lees of ’n goeie televisiereeks te kyk. Dit het haar eintlik baie sterker gemaak en sy gaan nog ’n groot rolmodel wees vir mense wat ook deur…

Leonardo DiCaprio is die ene teenstrydighede. Hy is ’n uber-ster met ’n rits toekennings so lank soos die Nyl. Niks wat hy doen, is nie toekenningswaardig nie. Hy is die manlike Meryl Streep, behalwe dat hy alleenlopend en sexy is. Hy is al dekades lank te sien aan die sy van een of ander model van ’n sekere liggaamstipe en haarkleur.Net wanneer jy dink jy kan hom daarvolgens klassifiseer, verbaas hy jou. Hy is aktief betrokke by omgewingsake en is ’n uitgesproke aktivis oor klimaatsverandering. In Once Upon a Time ... In Hollywood , Quentin Tarantino se jongste fliek, speel hy teenoor Brad Pitt en Margot Robbie. Net dít is genoeg om mense by die teaters te laat instroom. Maar moenie ’n tipiese, gewelddadige Tarantino-aksiefliek verwag nie. Die fliek speel…

Sy kunstenaarstreep het hy maar seker van sy ma, Rita, geërf, vertel Willie Esterhuizen. “My ma is op 86 ’n lyndanskampioen en het onlangs in Blackpool, Engeland aan ’n internasionale lyndanskompetisie deelgeneem en in die platinumafdeling gewen en ’n reuse-beker huis toe gebring. Sy het al daai fênsie kostuums, hoede en stewels vir die dansery en kap dit behoorlik uit op die dansvloer,” vertel hy trots. Die kreatiewe streep was van kleins af in sy bloed. Waar ander jong outjies brandweermanne of polisiemanne wou word, het Willie se kop van kleins af vermaaklikheidwêreld toe gestaan. Hy het in die Orban-laerskool in Westdene, ’n klipgooi van die statige SAUK-radiogebou in Auckland Park, skoolgegaan. “Ek het gereeld met blink oë na daardie hoë uitsaaigebou gekyk. Ek wou in graad sewe ’n omroeper…

“Ek sê graag vir my pasiënte jy is nie alleen nie – mense besef net nie dat jy alleen is nie! En dan voeg ek by die mens het ’n ingebore neiging om ander te wil help. Dit is belangrik vir óns wat gesond is om nuttig en goedhartig te voel. Daarom doen dit ons goed om dié wat siek is te help. Vir jou is hulp nou goed. Vrá dus met groot vrymoedigheid om enige soort ondersteuning wat jy op die oomblik nodig het. Anderdag is jy die een wat kan help. Kyk ook na die ondersteuningsgroepe. Daar is ’n hele aantal, soos Bosom Buddies en Reach for Recovery.” - Prof. Justus Apffelstaedt.…

GEE MY KRAG… Anti-oksidante uit vrugte en groente is noodsaaklik vir goeie gesondheid en immuniteit. Wanneer die lewe dol raak, kan ’n aanvulling soos Nativa Immune Complex se kombinasie van antioksidante, vitamiene, minerale, kruie en die aminosuur lisien, help om jou natuurlike immuniteit te versterk en vrye radikale te beveg. Een gelukkige leser kan ’n 900W Blender Pro Nutri-bullet ter waarde van R3 000 wen. SMS Nativa Immune Complex, jou naam, afleweringsadres gedurende kantoorure en IDnommer na 48409. Kompetisie sluit 31 Oktober 2019. SMS’e kos R1,50 en gratis SMS’e geld nie. Bepalings en voorwaardes op bl. 105. MELK MET WOEMA Die natuurlike heilsaamheid van melk kry nou ’n hupstoot. Clover Care is die eerste mediumvet vloeistofsuiwelmengsel in Suid-Afrika en bied jou soveel meer. Die melk bevat elf vitamiene en drie…

TANYA KAHN IS DIE MEDE-EIENAAR VAN DIE MEUBEL- EN DEKORWINKEL PILGRIMAGE SPACES. SY HET HAAR LOOPBAAN AS MODESTILIS AFGESKOP EN DAARNA GRAFIESE ONTWERP STUDEER. SY HET 15 JAAR IN DIE ADVERTENSIEBEDRYF GEWERK - EEN DAARVAN AS TENDENSVOORSPELLER IN LONDEN. OP VAKANSIES IN INDIË EN BALI HET DIE DEKOR EN MEUBELS VAN DIÉ LANDE HAAR BEKOOR, EN TOE SY EN HAAR MAN HUL HUIS WOU MEUBILEER, HET HULLE IETS VAN DIE KREATIEWE GEES VAN INDIË EN BALI GEMIS. PLAASLIK WAS DIE KEUSES BEPERK TOT MEESTAL MEUBELS WAT OP GROOT SKAAL VERVAARDIG WORD. TEKSTUUR EN VAKMANSKAP WAS AFWESIG. HULLE HET LATER HUL WINKEL, PILGRIMAGE SPACES, GEOPEN EN HUL FOKUS IS OP ONDER MEER HANDGEDRUKTE MATERIALE EN MEUBELS WAT MET TEGNIEKE SOOS HOUTSNEEWERK EN PERLEMOEN-INLEGWERK AFGEROND IS. TANYA IS VOORTDUREND OP SOEK NA…

QUINOA-EN-SAMPIOENRISOTTO MET KNORR BLUE CHEESE-SLAAISOUS Genoeg vir 4 olyfolie 1 ui, fyngekap 2 knoffelhuisies, fyngekap 340 g (2 k) quinoa 15 g droë sjiitake-sampioene 1 liter (4 k) sampioenaftrekstel of groenteaftreksel, kokend 350 g eksotiese sampioene, gesny Knorr Blue Cheese-slaaisous vir opdiening gebraaide salieblare, vir opdiening 1 Braai die ui en knoffel in ’n groot kastrol in ’n bietjie olyfolie tot deurskynend. 2 Voeg die quinoa by die ui en knoffel en meng met ’n houtlepel. 3 Gooi die aftreksel oor die quinoa, voeg die sjiitake-sampioene by en kook oor matige hitte totdat die quinoa al dente (ferm maar heeltemal gaar) is. Voeg nog ’n bietjie aftreksel by indien dit droogkook voor die quinoa gaar is. 4 Braai die eksotiese sampioene in ’n bietjie olyfolie terwyl die quinoa kook. Jy…

@home home.co.za Ackermans 021 900 1000 Aldo 011 555 2300 Almay Dis-Chem Atrium Plants atriumplants.co.za Billabong 021 851 3905 Bionike Dis-Chem Block&Chisel blockandchisel.co.za ByCara bycara.co.za Call It Spring 021 551 1527 Cartier 011 317 2600 Catrice Cosmetics Dis-Chem, Takealot.com Chanel chanel.com Clarins clarins.co.za Contempo 011 402 5513 Converse 087 940 4600 Coricraft coricraft.co.za Curativ 082 302 0106 Dior Edgars en Red Square Distinctive Spaces distinctivespaces.co.za Dolce & Gabbana 011 326 7808 Dr Hauschka tocara4.co.za, Wellness Warehouse, Wool-worths, faithful-to-nature.co.za, takealot Dynamic Vision Optometrists dynamicvisionsa.co.za Environ environskincare.com/za/ Esque esque.co.za Essence Dis-Chem, Takealot.com, Clicks Execuspecs 0860 109 289 Freckle Eyewear 011 390 1085, 011 390 1133 Guess 011 555 2300 H&M 021 826 7300 Joico 021 876 4113, joico.co.za Kare Design kare-design.com Katmeleon 079 894 4595 Kevin.Murphy kevinmurphy.com.au Knus.co 087 550 7600…

Jy sing nie net jou eie liedjies soos “Boer loop deur my are” nie. Bekendes soos Laurika Rauch en Karlien van Jaarsveld sing ook van hulle. Theuns Jordaan het jou toe jy nog nie so bekend was nie, gevra om ’n liedjie vir hom te skryf. Hoe het dit gebeur? Ek het die liedjie “Jasmyn Katryn” vir Theuns in ’n Polo in die parkeerterrein van die bekende kuierplek Presley’s gespeel. Hy het so baie daarvan gehou dat hy my gevra het om vir hom ook ’n liedjie te skryf en dis hoe “Sal jy bly?” ontstaan het. Dit was die begin van alles. Wat, buiten boer-wees, inspireer jou musiekgewys? Elke lied lê my na aan die hart. Maar daar is een liedjie wat ek nooit tydens optredes sing nie: “Lied…

TRONKHOND China Mouton (Protea) Stories oor Madiba agter tralies bly uitrol. Dié outobiografie bied ’n vars invalshoek oor menswees midde-in onstuimige tye. Teen die agtergrond van lewe in maksimumsekuriteitgevangenisse ontmoet ons hondemeester China Mouton. Gewapen met ’n knuppel en sy hond weer hy oproeriges tydens tronkgevegte af. Hy is ’n ongeslypte diamant en sukkel met gevoelens, maar grens oor ’n hond wat dooi. Op 16 is sy eerste pos op Robbeneiland. Hy is ook ’n bokser en merk gou ’n lang, breedgeskouerde en vriendelike gevangene op wat vaardig skerm. Nelson Mandela het saans deur sy tralies vir China afgedopte, hardgekookte eiers aangegee en dan eet hulle saam en gesels. Hy het die tiener aangepor om verder te leer. Later wankel China se huwelik onder stres en hy stoei met aggressie,…

’n Loopbaanverandering later in jou lewe kan soet sukses baar. Soos vir die Johannes-burger Paul Zwick wat tien jaar gelede die TV-produksiebedryf ná 32 jaar gegroet het om klassieke Franse cuisine onder die knie te kry. Hy het by ’n voorste gastronomiese skool in die Franse suide studeer en in Michelin-restaurante in Nice en Lyon meer van bakkuns geleer voor hy aan die beroemde E’cole Cordon Bleu in Parys gegradueer het. Ná nog vyf jaar in Frankryk en Switserland waar hy sjokoladekuns bemeester het, het hy huis toe gekom. Sy kunsbrode en verleidelike gebak word op Donderdae en Saterdae by Bryanston se organiese mark opgeraap. Op Bastilledag 2013 het hy Patisserie de Paris in Mackaylaan, Blairgowrie geopen. Die gewilde bakkery/patisserie/ restaurant kan honderd gaste bedien. Die bakkery huisves ook The…

Indien jy jou geregte ekstra geur wil gee, hoef jy nie verder as Clover Butro Oil te soek nie. Dié innoverende produk sal ’n romerige, ryk geur aan jou geregte gee. WAT IS BUTRO OIL? Clover Butro Oil is die nuutste produk in die Clover Butro-reeks en is ’n heerlike mengsel van sonneblom-en-botterolie. Dis perfek om mee te kook, en selfs te bak. Boonop gee dit jou alledaagse geregte ’n heerlike bottersmaak. Die sagte bottel en prop wat maklik oplig, maak dit gerieflik om Clover Butro Oil te gebruik, terwyl die 750 ml-bottel dit ’n kostedoeltreffende keuse maak. Clover Butro Oil se sonneblom-enbotter-olie het ’n raklewe van 180 dae en is ideaal vir die spens. Dis ook kosjer- en halaalgoedgekeur. • Met Clover Butro® • Met sonneblomolie • Ideaal vir…

Die skrywer van vandeesmaand se wenbrief ontvang ’n HANNONgeskenkpak van R4 682. Wanneer dit by skoonheid kom, is HANNON ’n vertroude naam. Sy reeks gehalteprodukte strek van grimering soos Colour Blend-lipstiffies, Candy Sugar-lipglanse, oogskadu oogomlyners en meer. Dan is daar ook velsorgprodukte, soos die Gentle Facial Wash, Neck and Burst Firming Creme, asook uitstekende haarprodukte. Besoek hannon.co.za vir meer inligting. • Baie dankie vir die gratis podsendings. Ek het eers na al die episodes van Botox, Barbies en Bietse geluister en nou geniet ek die Tussen Ons-podsendings. Dit word smaakvol aangebied. ’n Klapsoen vir die mens wat dit uitgedink het. - Marlene Kruger • Ek geniet Botox, Barbies en Bietse so baie. - Louise Ferreira • Ek kan nie wag vir die volgende episodes van Botox, Barbies en Bietse nie.…

OP 26 MAART 2014 PLAAS CRYSTAL-DONNA ROBERTS ’n foto van haar met geen grimering aan nie op Instagram. Op die papier wat sy vashou, staan: “No makeup selfie. Go to cansa.org.za & donate.” Die #nomakeupselfie-veldtog op sosiale media was gemik op die bevordering van kankerbewustheid. Min het Crystal op daardie dag geweet sy sou vier en ’n half jaar later ’n kankerpasiënt wees. Al is dit nie maklik om oor haar pad met kanker te praat nie, het Crystal tog besluit om haar storie met rooi rose-lesers te deel. “Op sosiale media is ons so geneig om altyd die goeie en glansryke te deel, soos my en Schalk (Cornelessen) se troue in 2015, of toe ek laas jaar by die Cannes-rolprentfees was, maar die slegte dinge deel ons dikwels nie en…

Angelique de Wet EIENAAR VAN DIE TOSCA-SALONGROEP orskanker het so ’n groot invloed op vroue se selfver- B troue, en deur dié foto’s wil ons vroue aanmoedig om mekaar te ondersteun en ook gereeld vir toetse te gaan. Ons wil graag dié boodskap deel: Ondersteun mekaar en weet daar is altyd hoop, want dít maak dit moontlik om aan te hou veg en te oorwin.” @ToscaSalon ‘Vroue is sterk en onafhanklik, maar daar is min dinge so sterk soos vroue wat saamstaan’ Diaan Lawrenson AKTRISE Ek dink borskanker raak almal. Dit kan vroue so maklik van hul vroulikheid en identiteit beroof. ’n Veldtog soos dié moedig vroue aan om hulle gereeld te laat toets, om hul borste gereeld tuis te ondersoek, om daaroor te praat en saam te staan.” @diaanlawrenson…

Trackers is ’n trots Suid-Afrikaanse produksie wat wemel van internasionale name – nie net voor die kamera nie, maar ook agter die skerms. Dié dramareeks van ses episodes, wat vanaf middel Oktober uitgesaai word, is op een van Deon Meyer se topverkoperboeke, Spoor, gegrond. Die reeks sal wêreldwyd uitgesaai word. James vertolk die rol van Lemmer, die hoofkarakter. James en sy vrou, Anel (die aktrise en vervaardiger van Semi-Soet en Sink), woon sedert 2016 in Hollywood. Ons het met hom gesels kort ná sy terugkeer na Hollywood nadat hy vyf maande in Suid-Afrika deurgebring het vir die verfilming van Trackers. Was dit jou eerste keer terug in die land? En hoe was dit om terug te wees? Dit was my tweede keer sedert ek en Anel in 2016 Hollywood toe…

‘Ek wil onthou word as ’n pa wat my kinders liefgehad het’ Tim Theron (39) wou van kleins af in die vermaaklikheidsbedryf werk, maar sy ouers was nie “superpositief” oor dié vooruitsig nie. “Toe gaan swot ek maar B.Com. bedryfskommunikasie, die naaste wat ek aan die vermaaklikheidsbedryf kon kry. Dis ’n kursus met allerhande mediagedrewe vakke, en ook film- en televisievakke.” Ná universiteit was hy ’n rukkie in die joernalistiek voordat hy sy kunstedroom deur Lagnes kon bewaarheid. Dié improvisasie-komediegroep het by kunstefeeste opgetree, en het ook hul eie reeks op kykNET gehad. “Ek hou baie van komedie, en die lekkerte van improvisasiekomedie is om saam aan ’n storie te bou.” Sedertdien het Tim al voor én agter die skerms naam gemaak met rolprente soos Klein Karoo, Mooirivier, Jagveld en…

1 Beige Die skakerings van hawermout, beskuit en naaswit is van die kleure waaruit jy in die beige-spektrum kan kies. Beige is een van die sjiekste kleure en skep dadelik ’n gesofistikeerde voorkoms. Belê in snyersitems wat by verskeie uitrustings pas, of dra dit laag op laag in verskillende skakerings. Ons hou van die veelsydigheid van die beige-familie omdat dit ook ’n neutrale basis vir helder en neonkleure is. ‘Hierdie reeks verteenwoordig ons strewe na ’n multifunksionele uitrusting - items wat deur die jaar gedra word, maar wat terselfdertyd by die seisoenale modes inpas’– Margot M MARGOT MOLYNEUX SE NOVA-REEKS HET STEEDS ’N KLASSIEKE GEVOEL EN FOKUS OP VORM, TEKSTUUR, AFRONDING EN NATUURLIKE MATERIALE. DIE NEUTRALE KLEURPALET VAN BEIGE, GEEL, BLOSPIENK EN OLYFGROEN DRA TOT DIE OMGEWINGSVRIENDELIKE VOORKOMS BY. 2…

Ná ’n mastektomie kan jou chirurg jou borste heropbou maar niks en niemand kan jou tepels vir jou teruggee nie. Maar jy kan altyd ’n plan maak. Ons hou van hierdie een: tepels van sagte silikoon wat met ’n spesiale velgom aan die bors vasplak en sowat vyf dae op sy plek bly. Hulle is beskikbaar in velskakerings van ligpienk tot sjokolade, en in drie verskillende groottes. Jy kan pasklaar stelletjies koop, of nommerpas vir jou laat maak. WENu van Cara du Plessis, die baasbrein agter Perky Pinks: As jy ’n dubbelmastektomie ondergaan, kontak ons voor die operasie sodat ons tepels so na moontlik aan jou eie kan maak. Meer inligting op www.perkypinks.co.za…

“Geluk is ‘n goeie ding, maar as jy dit sien as ’n doelwit wat bereik moet word, is mislukking gereeld jou voorland,” skryf Brock Bastian, ’n sosiale sielkundige aan die Universiteit van Melbourne. Die studie het bevind dat as jy te veel klem op geluk plaas, dit jou reaksie op negatiewe emosies en ervarings beïnvloed en veroorsaak dat jy slegter oor teleurstellings voel en langer daarop vashaak. Dit skep op die lange duur net meer spanning. Die oogmerk van die studie is nie om ’n strewe na geluk te veroordeel nie, maar eerder om te wys dat dit normaal en gesond is om soms teleurgesteld en ongelukkig te voel.…

Daleen* is reeds 19 jaar met Christo* getroud: Toe ek Christo ontmoet, was hy sjarmant, vriendelik en oënskynlik vol selfvertroue. Dit het my veilig laat voel. Hy was snaaks en soms ’n bietjie gek – eienskappe wat my later baie moedeloos sou maak! Sy werk in ’n tegniese veld het duidelike swart en wit gebiede. Dit werk perfek vir hom. Hy hou hom eenkant, maar kom goed met een of twee van sy kollegas oor die weg. Vir Aspies is ’n nuwe belangstelling amper soos ’n obsessie. Aanvanklik was Christo se volle aandag by ons verhouding, maar binne ’n jaar was daar probleme. Ons grootste struikelblok bly kommunikasie. Christo sukkel om duidelik te kommunikeer, tensy dit ’n onderwerp is wat sy belangstelling prikkel. In ’n gesprek wil ek iets graag…

Materiaal □ HOUTSKYF □ SKUURMASJIEN EN SKUURPAPIER □ DRAADBORSEL □ POTLOOD □ BOOR □ VERSINKBOOR □ TOU □ MATERIAALBAND □ MATSNYER □ KARBYNHAKE □ SKIETLOOD □ OOGBOUT □ WATERPAS Metode 1 Skuur die hout met 80 grein-skuurpapier af en borsel die stof met ’n draadborsel af. 2 Merk die 3 plekke op die hout waar die gaatjies moet kom - sowat 3 cm van die rand af en 120 grade uitmekaar. Boor die gaatjies. Die deursnee van die gaatjies hang van die dikte van die tou af, maar ongeveer 10 mm. 3 Maak albei kante van die gat met ’n versinkboor skoon. Dit lyk netjieser en gee die knope beter vashouplek. 4 Merk 3 stukke tou wat ewe lank is. Die lengte word bepaal deur die hoogte van die plafon…

Pretoria KANSA-tee in samewerking met SPAR Vanjaar is die 38ste bestaansjaar van hierdie merkwaardige geselligheid ten bate van KANSA. Dié projek, wat rooi rose na aan die hart lê, samel geld vir kankernavorsing in en bevorder ook die bewusmaking van kanker. Die gewilde en glansryke geleentheid gaan elke jaar van krag tot krag, alles danksy talentvolle gasvroue, uitstekende vermaak en borge. Kom kuier vanjaar weer saam in styl en maak ’n verskil! Die sprankelende radiopersoonlikheid, Amore Bekker, is ons gasvrou. Madiba se eertydse assistent, Zelda la Grange, en die bekende aanbieder Nadia Beukes is die gassprekers. Dewald Wasserfall, Leah en Appel gaan vir die vermaak sorg. Moenie die geselligheid misloop nie. JY KAN WEN! BRING ’N RAND OF TWEE SAAM VIR DIE LOOTJIES WAT JY OP DIE DAG KAN KOOP.…

DE ZEEKOE Wen ’n wegbreek van R20 888 vir twee mense by De Zeekoe-gasteplaas Op De Zeekoe-gasteplaas naby Oudtshoorn kan gaste unieke ervarings soos ’n bos-uitstappie saam met meerkatte beleef. In die restaurant word plaasvarsgeregte met vleis van vrylopende diere voorgesit. Gaan sit terug in die skemerkelkiekroeg, of geniet ’n massering in die Karoo Tranquility Spa. Die woeliges kan swem, staptogte aanpak, fietsry, op ’n kano gaan roei, of ’n piekniekmandjie kry om langs die rivier te geniet. Die prys wat gewen kan word, behels vier nagte se verblyf vir twee mense wat deel. Dit sluit ontbyt en aandete in, asook ’n meerkat-staptoer. Meer inligting by 044 272 6721; www.dezeekoe.co.za;e-pos: info@dezeekoe.co.za Om in te skryf VRAAG: SAAM MET WATTER DIERE KAN JY BY DE ZEEKOE GAAN STAP? OM IN TE…

Die Karooberge staan los van mekaar, tafelplat met skerp hellings van sowat 45 grade. Die middagwolke gooi vergeefs skadukolle teen die hitte, die plat grond grasloos en besaai met wit klippe. Koetskop se sinkstasiegebou staan tussen twee spoorlyne, met slegs ’n warm skaduvlek aan die oostekant. ’n Rooi Coke-teken pryk op die nok van die dak, die woord “SHOP” duidelik bo die oop winkeldeur, twee swaar houtbanke weerskante. Die jong boer en die fraai vrou sit in die skadu op een van die banke, maar nie naby aan mekaar nie. Hy is in kakie geklee met sy buitelughande op sy knieë, donkerbruin oprygstewels, swart breërandhoed langs hom. Haar donkerbruin hare is in ’n windverwaaide bolla opgebind, twee goue ringe aan haar linkerhand, roosrooi lippe en middernag naels. Haar roomwit slooprok…

Bekroonde skrywer Piet van Rooyen se nuwe spanningsroman, By die Brandende Berg, belig die tradisionele, tawwe volksheld binne die millenniumlandskap . Vertel meer van jouself Ek is ’n sertifiseerbare schizoid -persoonlikheidtipe, met eie geite. Die sielkunde eien dit ’n gebrek, maar dis ’n voordeel. My ouers se onbaatsugtige liefde bly ’n wonderwerk. My naastes aanvaar my vir wat ek is. Vertel van jou Boesmanverblyf. En glo jy aan die bonatuurlike? Ek het dié mees uitsonderlike tydperk met genade tussen leeus, mambas en dors-en-honger oorleef. Hul algehele afhanklikheid van die natuur en skepper daarvan; verbondenheid as bendegroep; en oorleefvermoë in uitmergelomstandighede bly my by. Die moderne mens het grootliks die driehoeksverhouding van mens, natuur en Skepper verloor. Laurens van der Post se: “the aboriginal trackers teaching us to track the spoor…

DIE OUDJOERNALIS CAROL CAMPBELL SE LIEFDE VIR DIE UNIEKE KARAKTERS VAN DIE KAROO HET IN 2013 TOT HAAR BLINKDEBUUT DIE KARRETJIEMENSE GELEI, UIT ENGELS DEUR KIRBY VAN DER MERWE VERTAAL. HY IS WEER DIE KNAP VERTALER VAN HAAR NUWE ROMAN, DIE SKILPAD SE LAASTE TRAAN, WAT STEEDS OP DIE KARRETJIEMENSE FOKUS. SY ZOEM IN OP DRIE VAN HUL KINDERS EN HUL GELOOF DAT ’N SKILPAD SLEGS ’N ENKELE TRAAN HET WAT OP DIE DAG VAN SY DOOD GESTORT WORD. VYF GELUKKIGE LESERS KAN ELK ’N KOPIE VAN DIE SKILPAD SE LAASTE TRAAN WEN, GESKENK DEUR PENGUIN. STUUR ’N E-POS MET “SKILPAD” IN DIE ONDERWERPREËL NA ROOIROSE@GRAFFITIBOOKS.CO.ZA…

Rose & Tee Vanjaar is die 38ste bestaansjaar van rooi rose en KANSA se projek om geld vir dié organisasie in te samel. ’n Heerlike lentedag in samewerking met die hoofborg SPAR wag op Saterdag 12 Oktober in Stellenbosch se stadsaal. Popmusiek se “stout seun” Jay sal sing, en akteurs Shaleen Surtie-Richards en Hannes van Wyk sal ’n gesprek voer. Tracey Lange is seremoniemeester. R220 per persoon wat deur ’n gasvrou genooi word, of ’n tafel dek. Die tema is Blom in Volkleur. Kontak Henley Botha by hbotha@cansa.org.za of 082 573 6941. Musiekfees buite Jozi ’n Naweekfees met warm musiek in ’n mooi omgewing word op 28-29 September in Muldersdrift gehou. Mix 93.8 FM bied saam met Channeled Events die MIX FEST in die Cradle Moon Game Lodge in die…

Die beroemde Amerikaanse skilder Georgia O’Keeffe was ’n mite in haar eie leeftyd. Met die natuur as haar inspirasie, haar intense hart-van-die-blom skilderye, sowel as haar werke van bleek dieregeraamtes het sy een van die mees gerespekteerde en gewildste twintigste-eeuse skilders in Amerika geword. Haar blom- en blaarskilderye was buitengewoon kleurryk en haar skildery van die rooi papawer sal vir altyd met dié skilder verbind word, soos wat geel sonneblomme met Van Gogh vereenselwig word. Sy was ’n aantreklike vrou met ’n mooi mond en sterk beenstruktuur, en sy was selfs mooier as ouer vrou. Sy het haar donker hare streng weg van haar gesig agter haar kop vasgebind en sy het altyd of swart of wit gedra, maar nie in die modieuse styl van Coco Chanel nie. Georgia het…

BLOED DIKKER AS WATER? Toe gebeur wat almal vrees: Ouma val en breek haar heup. Ná die operasie waarsku die spesialis dat sy ses weke lank liefs moet lê. Net daar propeller my ongekompliseerde bestaan uit sy gemaklike baan. Dit is vir my ’n voorreg om haar te versorg, maar my nuwe rol as kits-verpleegster betrap my onverhoeds. Ek kry opnuut respek vir dié beroep. My huis is omtrent 50 m van Ouma s’n en ek hol heen en weer tussen die twee huise om albei huishoudings te probeer behartig. Snags slaap ek by Ouma en moet haar omtrent vyf keer badkamer toe help. Ek stel ’n versorger vir die nag voor, maar Ouma verseg. My menslike wenslysie word gereduseer tot ’n eenvoudige versugting om tog net één ononderbroke nagrus…

• Die eerste plek waar sy kan onthou sy gebly het, is Bonteheuwel, uaapstad. • Crystal was op skool skaam en stil. • Op 16 het hulle Bloemfontein toe getrek. • Sy was in die meisieskool Eunice en het aan uovsies drama studeer. • Haar akteursloopbaan het eers op 25 begin. • Sy het vanweë haar volwasse aknee byna nie vir die oudisie van Tiny in The Endless River gegaan nie. • Tiny was haar eerste groot rol. • In 2015 het sy die rolprentfees in Venesië bygewoon na sy benoem is as beste aktrise vir haar rol as Tiny in The Endless River . Sy het die rooi tapyt met internasionaal bekende akteurs en aktrises gedeel. • In 2017 het sy die rol van urotoa vertolk in die ýiek…

Dit was so interessant om die ander kant van akteur-wees in die fliek te sien. Dis nie iets wat die gehoor gewoonlik sien nie. Kon jy jou met jou karakter, Rick, se ervarings vereenselwig? Hoewel my loopbaan ’n ander pad as Rick s’n gevat het, kon ek my onmiddellik met hom vereenselwig. Hy is iemand wat ek goed ken en wat ek deur die jare al baie in hierdie bedryf raakgeloop het. Hy het die gloriedae van die bedryf beleef, maar hy besef dat die wêreld verander en dat hy gaan agterbly. Quentin Tarantino het insig in akteurs en ken die flieks van daardie era, en ek het baie op hom staatgemaak om die akteur te verstaan. Die fliek speel hom oor twee dae af, maar ek wou wys daar…

IRA BLANCKENBERG aktrise I ra en haar akteurman, Waldemar Schultz, se 14-jarige seun, Kieran, is in 2013 dood nadat hy by Hermanus van ’n krans afgeval het. Om haar gevoelens neer te skryf het Ira dié groot verlies help hanteer, en in 2018 tot ’n eenvrou-opvoering gelei. “Kieran was ’n besonderse kind, wys bo sy jare. Hy het dikwels gesê: ‘Sjoe Mamma, die tyd gaan so vinnig verby! Doen ek genoeg?’ Hy was verskriklik eerlik en vol empatie, maar het ons ook lekker laat lag. “Jare lank het ek gevrees Kieran sou by ’n krans afval. As hy in ’n rotsagtige omgewing onder my oë uit was, was ek paniekbevange. Origens was ek ’n rustige ma. Sy jonger sussie, Dhania, kon maak wat sy wil. Ek het besef my vrees…

Tim is vanjaar al nege jaar getroud met Juanli, die hoof van die Universiteit Stellenbosch se tolkdiens. “Ons het mekaar in 2006 op die PUK ontmoet. Ek was die seremoniemeester vir haar koshuis se skoonheidskompetisie.” Hy kan nie uitgepraat raak oor sy dinamiese vrou nie. “Wat bewonder ek van haar? So baie goed! Soos hoe ’n fantastiese ma sy is ondanks ontsaglike druk en met twee kindertjies vir wie slaap nie belangrik is nie. Sy laat alles net werk ten spyte van die druk en my loopbaan wat my dikwels van die huis af neem. My kinders voel veilig en geborge en geliefd by hulle ma.” Juanli is ook medestigter van Die Naguilklub, ’n aanlyngemeenskap vir ouers van kinders wat nie slaap nie. Tim beskryf haar as ’n “detail mens”,…

Gebruik Clover se reeks heerlike kase in jou alledaagse geregte, as ’n peuselhappie of op ’n kaasbord saam met kouevleis, vrugte en kraakbeskuitjies. Van Clover Cheddar tot Clover Feta, het elke kaas sy eie unieke smaak en eienskappe. CLOVER CHEDDAR Cheddar is oorspronlik in Engeland gemaak, maar het só gewild geword, dat dit nou een van die wêreld – en een van Suid-Afrika – se gewildste kase is. Clover vervaardig twee verskillende cheddar kase: White Cheddar en Clover Cheddar. Cheddar is ’n harde kaas en word vir 6 tot 24 maande verouder om die opvallende skerp smaak van die cheddar-kase te kry. Clover Cheddar-kaas is ’n kaas wat die middelpunt van jou kaasbord kan vorm – en moenie van macaroni-enkaas vergeet nie! CLOVER GOUDA Terwyl Cheddar van Engeland afkomstig is,…

Vrae om mee te begin • Ek is eûens bekommerd oor jou. Vertel my hoe dit gaanĕ • Dit voel vir my asof jy anders is. Ek wonder of jy ontsteld of ongelukkig isĕ • Ons het lank laas gesels. Ek wil inhaal met jou en jou dinge. Vrae as hy sê hy is ongelukkig, sonder hoop, negatief of depressief • Hoe lank voel jy al soĕ • Het iets gebeur wat erg is vir jouĕ • Hoe het jy dit sover gehanteerĕ • Dink jy aan sommer net opgee en selfdoodĕ • Dink jy dit is tyd dat ons iemand kry om te helpĕ…

Amy Cilliers Ek is perfeksionisties en is daarom hard op myself. Ek wil nie noodwendig my beste beentjie voor sit by die werk nie, ek wil net goeie werk lewer - vir myself. Ek dink dit veroorsaak stres maar dis ’n persoonlikheidseienskap. Ek wil maar net die beste lewer vir myself. Joanne Human Die strewe na perfeksionisme is uitputtend en steel jou lewensvreugde. Wat is perfek nou in elk geval? Ek is ’n perfeksionis maar namate ek ouer geword het, het ek besef perfeksie is byna onmoontlik. Ouerskap het my nederig gemaak. Ek moet myself daagliks daaraan herinner om my bes te gee en te doen, maar dat dit ook aanvaarbaar is as ek faal. Ek probeer om my kinders ook so te leer. As jy misluk en foute maak,…

Marina Stain-Alberts Ja. Maak seker die kind word gediagnoseer. Daarvandaan moet so ’n kind in ’n geskikte skool ingeskryf word. Die ondersteuningsnetwerk by die spesiale skole is uitstekend en sal die ouers te alle tye help om te weet hoe om hul kind te hanteer. Anri Basson Nee. Ek ken niemand met Aspergersindroom nie. Ek glo wel kennis is baie belangrik vir almal betrokke - kennis oor die sindroom, sowel as kennis oor hoe om almal by staan. Erna Joubert Ek het nog geen kontak gehad met Aspergersindroom nie, maar ek glo openlikheid oor die toestand en die taboes daarom sal dit vir familie en vriende baie makliker maak om met so ’n persoon gemaklik en liefdevol te kommunikeer…

In leketaal praat ons van ’n “goeie” verhouding tussen ouer en kind, maar wanneer bindingsterapie ter sprake is, praat ons van ’n sekure binding. Dit beteken die ouer is bewus van die kind se behoeftes en in staat om sensitief en responsief op te tree. Die kind vertrou die ouer en voel veilig. Sulke kinders ontwikkel makliker die vermoë om hulself emosioneel te reguleer en positiewe internaliseringsboodskappe – dit wat jy oor jouself glo – vas te lê. Hulle hanteer stresvolle omstandighede of trauma ook makliker. “Bindingsbreuke”, waaroor ouers nie altyd beheer het nie, kan verhinder dat ’n sekure verhouding tussen die kind en die primêre versorger ontstaan. Voorbeelde sluit onbeplande swangerskap, premature geboorte, trauma by geboorte, skeiding van die primêre versorger om watter rede ook al, en fisieke of…

SES VAN DIE BESTES KRY DIT HIER 1 Die unieke houtinlegwerk in ’n kontrasterende raam sal van die tafeltjie ’n bate in enige vertrek maak. SYTAFEL (R2 200) PEDDERSEN AND LENNARD. 2 ’n Veelsydige hout-en-ystertafel. Die basis is dekoratief en modern met ’n effe etniese aanslag. DECO-TAFEL (R1 299) CORICRAFT. KIES JOU STYL KRY DIT HIER 3 Dié tafeltjie kan as ’n stoeltjie of as ’n kant- of bedtafel ingespan word. FREE FORM-TAFEL (R999) @ HOME. 4 Met sy interessante pote en sementagtige blad kan die tafel in verskeie vertrekke gebruik word, en dis ewe geskik vir die eerste koppie koffie in die oggend, of as houer vir ’n mooi plant. TAFEL (R2 495) BLOCK & CHISEL. 5 Die Namib-kassie is ideaal vir die slaapkamer en bied pakplek vir al…

BAIE DANKIE AAN SNOW MOUNTAIN WINES OP WELLINGTON DAT ONS OP JULLE PRAGPLAAS KON SKIET. KYK OP “KOSKAS” VIR MEER INLIGTING OOR DIE WYNE VAN DIÉ LANDGOED. DANKIE AAN NEIL EN SCHOEMAN BÜCHNER DAT JULLE SULKE OULIKE MODELLE WAS. KRUIEBROODJIES GENOEG VIR 8 BROODJIES Die brode is amper soos stokbrood, en die kruie gee 'n heerlike smaak. • 500 g steengemaalde broodmeel • 7,5 ml sout • 10 g-sakkie kitsgis • 15 ml (1 e) olyfolie • 375 ml (1½ k) louwarm water KRUIE • Maak 8 klein kruiehopies (so 12 cm lank) met lourierblare, roosmarynen tiemietakkies en salieblare. 1 Meng die meel, sout en kitsgis in 'n groot mengbak en maak 'n holte in die middel. Meng die olie en water en gooi dit in die holte. 2 Meng…

ONTBYTGEBAK MET CAPPY ORANGE JUICE, SPEK EN SPRIETUIE Genoeg vir 4 5 groot eiers 160 ml Cappy Orange Juice 4 croissants 4 sprietuie, gekap en met ekstra vir garnering 200 g cheddarkaas, gerasper 200 g repiesspek, gekap 1 Voorverhit die oond tot 180 °C en smeer ’n oondvaste bak liggies. 2 Meng die eiers en Cappy Orange Juice in ’n groot bak. 3 Skeur die croissants ruweg en sit dit in die bak saam met die uie, 100 g cheddarkaas en spek. Meng alles en gooi in die voorbereide oondbak. Bedek met foelie en bak vir sowat 20 min. 4 Haal die foelie af, strooi die oorblywende kaas oor en bak vir nog 10-15 minute. 5 Sit warm voor en garneer met ekstra sprietuie. Cappy® is ’n 100%-sapmengsel wat in…

• Die Thaba Eco Hotel & Spa is 27 km vanaf die OR Tambo Internasionale Lughawe geleë. • Daar is gratis Wi-Fi in die slaapkamers en restaurant. • Battery-aangedrewe gholfkarretjies vervoer gaste gratis op die terrein. • Die hotel en natuurreservaat vorm 'n pragagtergrond vir foto’s. • Oorweeg 'n eko-wildsrit of eko-stapsessie in die natuurreservaat. • Die Sinzinani Spa verskaf spa-behandelings. • Daar is 'n swembad, meditasiepaadjie, buiteluggimnasium en 'n speelterrein vir die kleingoed. • Vir bergfietsgeesdriftiges is daar makliker en moeiliker roetes.…

KRY JOU TYDSKRIF DEUR DIE POS • Skryf in op rooirose.co.za • Stuur 'n e-pos na subs@magsathome.co.za • SMS 'Caxton RR' na 47098. Standaardtariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CTP LTD T/A MAGS@HOME Bank: Nedbank. Tak-kode: 12320900. Rek: 1232073059. Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101, of stuur per e-pos na subs@magsathome.co.za DIE AANBOD GELD NET INTEKENARE IN DIE RSA. PRYSE: 24 MAANDE: R984 AFSLAGPRYS: R541,20 12 MAANDE: R492 AFSLAGPRYS: R319,80 6 MAANDE: R246 AFSLAGPRYS: R159,90 JOU GESKENK Vyftig gelukkige rooi rose -lesers wat vandeesmaand op rooi rose inteken, kry…

DIE PRETORIASE BOORLING FEARIKA HEYNS se lewensprentjie was vroeg helder: sy wou haar met die kunste bemoei. ’n Graad in beeldende kunste (inligtingsontwerp) het, nadat sy ma geword het, tot ’n ontwerpateljee tuis gelei. Sy spesialiseer in van skryfbehoeftes tot tafelversierings. “My liefde vir funksionele ontwerp het op Tukkies begin. Ek is ’n regterbrein met ’n sterk praktiese streep.” 2014 was ’n kernjaar vir haar onderneming. “Nataniël, wat toe ’n kliënt was, het dit indirek geïnspireer.” Fearika het gehoor hoe hy vir iemand sê: “Ek het nie idees vir my winkel nodig nie, maak jou eie een oop.” Sy neem aan die SA nasionale handelskou deel en verkoop aan boetiekgroothandelaars, asook op die Internet en op kunsmarkte. Haar Different Doilie, weggooibare papierplekmatjies, is topverkopers en sy wil haar inkleurboeke vir…

MY BODY OF PRELUDES – CAROLINE LEISEGANG. ’N JONG PLAASLIKE KLASSIEKE KOMPONIS SE DERDE ALBUM. HAAR DEBUUT IN 2015 IS AS BESTE KLASSIEKE ALBUM BEKROON. HIER VERNOOT SY HAAR GROEI GEVOELVOL OOR HOE MENSE DEEL VAN JOU WORD. “ELKE PRELUDE IS GEÏNSPIREER DEUR DIE ROL WAT IEMAND IN MY LEWE SPEEL. DIS MY GESPREK MET ELKEEN.” IN BETWEEN THE LINES – RISE IN RED. DIE ROSESTAD SE ROCKERS HET MET ’N VARS, ALTERNATIEWE ROCKKLANK ’N GEVOLG OPGEBOU. DIE VIERTAL SE DEBUUTALBUM BRING HOOP IN ’N ERA MET GENOEG CHAOS. DIE LIRIEKE VAN DIE ELF OORSPRONKLIKE SNITTE GETUIG VAN DEERNISVOLLE AANVOELING VIR UNIVERSELE PROBLEME. PLATTELAND – JOHN ROCK PROPHET. DIE NAMIBIESE KLONG MET DIE DIEP STEM HET OP 12 ’N KITAAR GEKRY EN VAN TOE AF HET HY LAAT WAAI. BEWONDERAARS…

Nee, mevrou! Dis maklik,” sê die sportafdelingman sonder huiwering terwyl sy hempsmoue styf oor sy bruin gespierde boarms span. In my weduweegedaante neem ek met waardering hiervan kennis. Natuurlik is hierdie soort kennis in ’n tikkie heimwee gedoop. Want ek onthou enersyds hflé ’n man is en andersyds hoe dit sflnder ’n man is. Dis juis waarom ek alleen in die afdelingswinkel opgedaag het. Die rede vir my aankoms spruit uit my glider wat sy skroewe begin verloor het. En dis juis sý skroewe wat my help om mý skroewe en verstand soggens voor werk bymekaar te hou. Vanweë die spesiale band wat ná my man se dood tussen my en my sweeftuig ingetree het, kon ek nie anders as om terstond die afdelingwinkel met vaste tred binne te gaan…

LEMOEN-ENWORTELKOEK Genoeg vir 8 2 k pekanneute, gekap 2½ k koekmeel 2 t koeksoda 2 t neutmuskaat 2 t kaneel ¼ t sout 1½ k ongesoute botter, sag 2½ k suiker 4 groot eiers ¼ k melk gerasperde skil van 1 lemoen (ongeveer 1 e) ¼ k Clover Krush Carrot & Orange-sap 1½ t vanielje-ekstrak 2 k fyngerasperde wortels (ongeveer 6 wortels) ROOMKAASVERSIERSEL ½ k ongesoute botter, sag 340 g roomkaas 3 k versiersuiker 3-4 e ingedampte melk (of room) 1½ t vanielje-ekstrak ¼ k pekanneute en okkerneute, gekap 1 Voorverhit die oond tot 180 °C. Sprei die gekapte pekanneute op ’n bakplaat uit en rooster vir 5 min. by 180 °C. Laat afkoel. Voer 2 gesmeerde 23 cmkoekpanne met bakpapier uit. 2 Sif die meel, koeksoda, neutmuskaat, kaneel en…