Innholdsfortegnelse for September 2019 i Rooi Rose

VIR MY is die voordag blou. Vroegoggend, nog voor die dag breek, is daar so ’n vae grysblouheid aan die lug. Dit kan wees dat ek dit sien as ’n tyd nog vol belofte, voor die son opkom en die dag hom in al sy ware kleure aan jou openbaar, of so iets ... Daarna volg die kenmerkende goue gloed, afhangende van die seisoen en die weersomstandighede, en dan begin die son gewoonlik klim op sy pad deur die lug – en kort voor lank wéét jy presies met watter soort dag jy te make het. Gister was byvoorbeeld heeldag blou, daardie knaende die-een-moeilikheid-opdie-ander soort blou, nogal volop op saktyd. Op pad werk toe het ek naby die kantoor gou uitgespring vir wegneemkoffie - waar hulle my al ken en…

Amy Cilliers, (27) rekenmeester, Stellenbosch Karen Zoid is vir my ongelooflik talent-vol. Haar kennis van musiek is iets om te aanskou, en haar musiek laat ’n mens diep dink. Ek is veral mal oor Karen en Francois van Coke se “Toe vind ek jou”. Charlotte Pretorius (55) tuisteskepper, Klerksdorp Ons land is so vol negatiewe dinge dat ek net wil ontspan wanneer ek ’n sanger se vertoning bywoon. Vir my is Robbie Wessels se vertonings besonders. Hy is so natuurlik, vol selfvertroue en het nie mooi klere of tierlantyntjies nodig om homself te wees nie. Ek dink hy is ’n goeie voorbeeld vir ons jongmense: wees net jouself, en as ander nie daarvan hou nie, is dit hulle probleem. Ek is mal oor sy skoon beeld en ontspanne musiek. Joanne…

Dis goed om George Clooney te wees. Dit gebeur nie gereeld dat ’n sekssimbool ook as ’n man met integriteit bestempel word nie. Die wêreld se hubaarste alleenloper het uiteindelik sy ware pasmaat in die advokaat Amal Clooney gekry, en die spreekwoordelike kersie op die koek is hul skattige tweeling wat in 2017 gebore is. ’n Mens kan sien hoe gelukkig George is – sy oë kreukel wanneer hy oor die twee-ling se manewales praat, en jy hoor die respek in sy stem wanneer hy oor sy dapper vrou en al haar prestasies praat. En dit help natuurlik ook dat Amal altyd lyk asof sy uit ’n modetydskrif se bladsye stap. Maar moenie dat haar voorkoms jou flous nie. Sy het ’n missie om vir die regte van die onderdruktes…

As jy op soek is na ’n manier om holisties jou aktiwiteit, gesondheid en stres na te gaan, oorweeg die innoverende Samsung Galaxy Watch Active. Dié slimhorlosie doen wat jy verwag van Samsung Galaxy se legendariese draagbare reeks - dit toon kennisgewings, stuur en ontvang boodskappe, en gebruik nuttige apps. (Byna) so slim en mooi soos jy Daaglikse welstand gaan oor baie meer as om net ’n ogie op jou fiksheidvlak te hou. Dit sluit oefening-, slaap-, stres- en gesondheidsfakore in, en jou Samsung Galaxy Watch Active is ’n persoonlike leefstylgids vir dié wat na ‘n gesonder liggaam en verstand op soek is. Hierdie slimhorlosie kombineer die Galaxyerfenis met verbeterde fiksheids- en welstandskenmerke. Bobaas stresbestuur Met die Samsung Galaxy Watch Active se Stress Tracker is dit nou makliker as ooit…

‘My beserings en mislukkings hou my nederig en het my geleer dat als net Genade is’ Dit sit nie in elke sport-man se broek om ’n Suid-Afrikaanse kampioen te word terwyl hy beseer is nie, maar dit is presies wat Rocco van Rooyen van Kaapstad al ’n paar keer reggekry het. Luister jy na hierdie spiesgooier se deursettingsvermoë, besef jy hoe gepas die Superman-bynaam was wat sy Survivor- spanmaats hom gegee het. En dan is hy boonop ’n vriendelike gesinsmens met ’n lieflike sin vir humor! Jy kom uit ’n baie hegte gesin ... Ja, my pa is oorlede toe ek sewe was. My ma, Laetitia, en my ouma Leonie Delport het my en my suster, Natascha, wat nege jaar ouer as ek is, grootgemaak. Dit was nie altyd maklik…

Veelvuldige VOUE Dramatiese voue is dié lente en somer groot nuus. Skerp mesplooie kom veral by rokke en rompe voor. Dra dit saam met gemengde patrone om die driedimensionele effek te beklemtoon. Ooreenstemmende KLEURE Waar jy voorheen ’n patroon saam met ’n effekleur sou dra, kan jy nou patrone meng. Maar onthou die gulde reël: Wanneer jy die verskillende patrone saam dra, maak seker daar is minstens een ooreenstemmende kleur in die uitrusting. KOLLE en STREPE Luiperddruk bly altyd sjiek en ’n jas in hierdie patroon is ’n goeie belegging. Hierdie toeknoopkimono kan as ’n rok ook dien. Dra dit saam met nog ’n klassieke, tydlose staatmaker: Breton-strepe, wat letterlik met enigiets gekombineer kan word. KOPBAND As jy dink syserpe was in die winter ’n groot gier, maak jou gereed…

JARE LANK het die meeste “groter” vroue net in vol swembroeke en boardshorts op die strand verskyn. En enige oogkontak vermy, ook uit vrees dat ’n bekende jou dalk in jou swembroek sien. Vandag is daar ’n nuwe generasie vroue met voller figure wat in bikini’s rondstap en soveel selfvertroue uitstraal dat ’n mens hulle beny. So hierdie somer wys ons die obsessie met selluliet en rekmerke en om eksieperfeksie te lyk die middelvinger en fokus eerder op ’n glansende, goed versorgde voorkoms en om jou bates met trots te wys. Ons is jare lank gebombardeer deur hoe die wêreld dink ons moet lyk. Daar is ook sosiale media-veldtogte met woorde soos #thinspiration - die gebruik van foto’s en aanhalings om ’n mens aan te moedig om gewig te verloor…

MOOI SKOON AGEWELL DUAL ACTION CLEANSER (R390) is deel van die Restore-reeks, en is spesiaal vir veertigplussers ontwikkel. Die romerige jelreiniger skilfer ook af, en ek was bang dit sou dalk my sensitiewe vel irriteer, maar die reiniger werk sagkens. Ek los dit twee keer per week vir so 10 minute aan my gesig om my vel meer intensief af te skilfer. - Suzanne BORRELEND SENSAI ABSOLUTE SILK MICRO MOUSSE TREATMENT (R2 815) word be-skryf as ’n ligte mousse met mikro-gekarbo-neerde borrels wat tesame met die kenmerkende Koishimaru Silk Royal-bestanddeel besonderse teenveroude-ringseienskappe het. Die mousse voel sysag op jou vel en die borreltjies trek vinnig in. Ek gebruik dit nadat ek my gesig gewas het, en voor my vogroom of serum. My veltekstuur voel gladder en sagter. - Suzanne SKOON,…

TROPIKA PIÑA COLADA Genoeg vir 2 1 ½ k Tropika (pynappelgeur of Piña Colada-geur) 2 pynappels, vlees verwyder, in blokkies gesny en gevries 1 k klappermelk Sap van 2 lemmetjies Skywe pynappel, vir opdiening Glanskersies, vir opdiening 1 Verwerk die Tropika en bevrore pynappel in ’n voedselverwerker saam met die klappermelk en lemmetjiesap tot ’n gladde drankie. 2 Skink in vier glase en sit dadelik voor met skywe pynappel en glanskersies. Jy kan ook die drankie teruggooi in die uitgeholde pynappels en met glanskersies en ’n sambreeltjie voorsit. WORD 'N STER! Skryf nou in om bekendheid saam met 'n ster in Curaçao met die Tropika Island of Treasure-kompetisie te verwerf! Jy kan ook daaglikse pryse wen. Sien verpakking vir besonderhede en volg Tropika op sosiale media vir nog besonderhede. Bepalings…

PURE GESONDHEID Trots Suid-Afrikaanse Olive Pride-olyfolie is propvol heilsaamheid en geur. Hierdie ekstra suiwer olyfolie is ’n mengsel van vier verskillende kultivars: coratina, frantoio, mission en leccino. Die olyfolie is beskikbaar in 500 ml en die nuwe, groter 750 ml-bottel wat makliker gooi. BLY KOEL EN KOMMERVRY Ontwatering is niemand se speelmaat nie en dit kan maklik in warm weer gebeur. Swakheid, lighoofdigheid, naarheid en vomering is ’n paar van die simptome van moontlike hitte-uitputting en ontwatering. Nudrate, ’n rehidrasiedrankie, herstel die elektrolietbalans wat dehidrasie verminder, en is ook geskik vir kinders en babas. Beskikbaar in sitrus- en swartbessiegeure en kos R69,99 vir ses porsies. Verkrygbaar by toonaangewende apteke. GEEN BESOEDELING NIE Een weggooibare sanitêre doekie skep dieselfde besoedeling as vier plastieksakke, en die gemiddelde vrou gebruik in haar leeftyd…

Charlotte Pretorius Ek was onlangs in daardie posisie. Dit breek ’n ouer se hart as haar kind ’n verhouding begin met iemand wat jy kan sien nie reg is vir hom nie. Ek het teruggestaan, die meisie toegegooi met my vriendskap, en gehoop ek is verkeerd. Die verhouding het so twee jaar gehou, en my kind se hart was gebreek. Ek was daar om die stukke op te tel en te vertroos. Ek was net dankbaar dat dit gebeur het voordat hulle getrou het. ’n Mens moet jou instink vertrou, maar jou kind kans gee om foute te maak en daaruit te leer. Amy Cilliers ’n Ouer moet vir seker inmeng. Die meeste mense erken, wanneer hulle ouer is, dat hul ouers tog reg was. Ouers het meer lewenservaring en…

Lees Marida se wenke oor hoe om koeke met vars blomme te versier op ‘Koskas’ VONKELWYN EN AARBEI KOEK GENOEG VIR 1 KLEIN KOEK KOEK • 250 ml (1 k) sonneblomolie • 125 ml (½ k) Griekse jogurt • 3 eiers • 400 g (2 k) suiker • 375 ml (1½ k) karringmelk • 550 g (4 k en 2 t) koekmeel • 5 ml (1 t) bakpoeier • 5 ml (1 t) koeksoda • 5 ml (1 t) sout • 200 g vars aarbeie, dun gesny VONKELWYNSTROOP • 250 ml (1 k) droë vonkelwyn (brut of brut rosé) • 200 g (1 k) suiker VONKELWYN-BOTTERVERSIERSEL • 500 g botter, by kamertemperatuur • 500 g versiersuiker • vanieljesaadjies van een peul of vanieljegeursel • 125 ml (½ k) vonkelwynstroop, louwarm…

dollars – maar gaan kyk dan na die goue ape in die bamboeswoude aan die soom van die Virunga-park. Hulle kom slegs hier voor. Dit is ’n redelik gemaklike moeilike staptog en ’n onvergeetlike ervaring! Die natuurskoon van Rwanda is iets om te beleef. Dis ’n bergagtige land, en elke vierkante sentimeter van die land is groen – danksy natuurlike plantegroei en die bestaansboerdery van honderde kleinboere. Die mense van Rwanda is hardwerkend, en elke stukkie aarde word deeglik gebruik. Twee reënseisoene van altesaam ses maande lank maak dit ook ’n waterryke land met verskeie groot mere. Kivu is die grootste meer, en ook een van die twintig grootste mere ter wêreld. Ons het twee aande by die Lake Kivu Serena Hotel oornag, en as dit nie vir die gebrek…

Die titel van jou eerste CD tower beelde van lig en opgeruimdheid op. Wat beteken Ligsoom vir jou? Ons almal het ’n idee in ons kop van hoe ons wil hê dit moet lyk as iets goed is. Nie aangeplak goed of versier met allerhande blinkers nie. Net vry. Daardie plek vir my is die Ligsoom. En vir my is dit gewoonlik ’n plek wat in die alledaagse dinge skuil. Jy het die meeste van die liedjies op jou eerste CD geskryf en hulle vertel stories. Jou inspirasie? My inspirasie vir die meeste snitte op die album is meestal van mense naby aan my en die omgewing waar ek grootgeword het. Stories oor mense inspireer my. Veral mense wat maar altyd net hulself kon wees. Jou eerste enkelsnit, “Mossie”, vertel…

HOND SE GEDAGTE Kerneels Breytenbach (NB) Met die Wêreldbekerrugbytoernooi wat binnekort afskop, bevestig hierdie tydige roman met sy patriotiese Bokkleureomslag Breytenbach se skryfroem. Fleur de Villiers is g’n rugbykenner nie en voldoen teësinnig aan haar pel Maurice Kumalo se versoek om ’n biografie oor Springbokkaptein Katstert Nel te skryf - op die vooraand van die Wêreldbekertoernooi in 2025! As ervare joernalis, fokus Fleur op fynere dinge, soos ondersoekende joernalistiek, goeie kos en wyn. Maar sy word gou verras, want in Jaap Schvantz en eggenoot Krystle se reuse-koninkryk van Corpus Christi (deesdae is kerk en rugby één) ruik sy sonde. In ’n hoogtepunt uit oudjoernalis Breytenbach se pen, vermaak hy rugbykenner én -leek enduit. Hy sak in die skrum met rugby as ’n metafoor vir die lewe: net een span kan…

MAANLIGMUSE Ná ’n suksesvolle afskop in 2019 van KAMERS/Makers waaraan talle nuwe entrepreneurs deelgeneem het, kry Johannesburg weer ’n beurt. Die inisiatief is trots Suid-Afrikaans en gee plaaslike kreatiwiteit uitstalruimte. Meer as sestig nuwe kunstenaars sal saam met honderd ander uitstallers oor ses dae by St John’s College in Houghton deelneem. Dit begin met ’n gala-maanligmark op 27 Augustus van 16:00 - 20:00 waarvan die kaartjieopbrengs (R150 pp) aan Realema gaan. Van 28 Augustus – 1 September is dit oop van 09:00 – 17:00. Afslagpakkette is beskikbaar. Besoek www.kamers.co.za of kontak info@kamersvol.com ROSE & KANSA Die Rosestad speel gasvrou vir die eerste van drie rooi rose en KANSA-lesersdae in samewerking met die hoofborg SPAR. Die rooi rose -geldinsamelingsprojek vier sy 38ste bestaansjaar. Dit begin op Saterdag 14 September by Monte…

@home home.co.za Aldo 011 555 2300 20 Eight Design 20eight.co.za aCreate acreate.co.za Adjani adjani.co.za African Extracts africanextracts.com AgeWell agewellskin.com Architects of Time 011 669 0790 Biomedical Emporium Medispa’s, salonne, biomedicalemporium.com Bonafide Beards 061 605 0724 But First butfirst.co.za, takealot.com Calico Ceramics calicoceramics.com Caribbean Tan Clicks, Dis-Chem, caribbeantan.online/ Cetaphil Dis-Chem, Clicks Chanel chanel.com Clarins clarins.co.za Clarisse Design 084 414 9736 Clay + Kin clayandkin.co.za Clive Rundle 011 880 3839 Colette Hayman 011 880 2134 Cotton On 021 552 9651, 021 981 9366 Country Road 0860 022 002 Desray 021 448 2887 Dior 021 442 770 Dove 0860 572 861 Eco Diva ecodiva.co.za Elizabeth Arden elizabeth arden.co.za Environ environskincare.com/za/ Esse esseskincare.com Essence Dis-Chem, takealot.com, Clicks Faithful to Nature faithful-to-nature.co.za Fino Soothe Clicks, Dis-Chem Forever New 011 555 2300 Garnier 011 286 0700,…

Die skrywer van vandeesmaand se wenbrief ontvang ’n HANNON-geskenkpak van R6 258. Wanneer dit by skoonheid kom, is HANNON ’n vertroude naam. Sy reeks gehalteprodukte strek van grimering soos Colour Blend-lipstiffies, Candy Sugar-lipglanse, oogskadu, oogomlyners en meer. Dan is daar ook velsorgprodukte, soos die Gentle Facial Wash, asook uitstekende haarprodukte. Besoek hannon.co.za vir meer inligting. RRRADIO: BOTOX, BARBIES EN BIETSE • Ek geniet die voorlesings so baie, kan nie wag vir die volgende aflewerings nie. Trix van Niekerk. • Het dit nou baaaie geniet. Kan nie wag vir die volgende episode nie. Ek het as kind radiostories geluister, en daar is net iets aan ’n radiostorie. Hierdie is wel ’n voorlesing, maar ek sien die hele prentjie. Ek gaan dit beslis klaar luister, en het reeds ’n vriendin hiervan vertel.…

KAREN ZOID wag my by die voordeur van hul ruim Kaapse woonstel in. Vroegoggend was sy al in haar gereelde boksklas by ’n gim om die hoek. Daarna het sy haar seun skool toe gevat, en nou staan sy hier in haar trademark -swart broek en ’n swart-en-wit top, die ene vriendelikheid. Sy’t in Augustus 41 geword, ’n nuwe album is kort voor haar verjaardag uitgereik en intussen is hul groot en moderne ateljee, die Mothership Studios, in Philadelphia (sowat 30 km van die huis af ) voltooi. In die winter is ’n tweede reeks suksesvolle musieksessies daar aangebied, met onder andere Zolani, Kahn Morbee, Joe Black en Spoegwolf, sessies waarvoor Karen gasvrou speel wanneer sy nie optree nie. ONS SIT by die eetkamertafel met ’n byna meter hoë kleibeeld…

‘As jy die “flavour of the month” is, is almal lief vir jou, maar as daardie tyd verby is, kan net harde, toegewyde, vernuwende werk en ’n goeie repertorium jou loopbaan red’ As ek aan erfenis dink, dink ek aan dankbaarheid vir die opofferings wat my voorvaders gemaak het om vir ons ’n beter lewe en toekoms te gee. Erfenis en nalatenskap is vir my eintlik een begrip: haal die goeie uit die verlede en bou daarop die toekoms. Betaal vooruit – anders is daar nie beweging, groei en vloei nie. Erfenis beteken vir my die voorreg om in my moedertaal te kan werk en praat. Ek sien die wonder van musiek en die vermoë om musiek te maak as ’n deel van my erfenis. Kulturele erfenisse mag nooit ooit…

Ons gesels twee dae ná die laaste beeldsending van The Voice, M-Net se gewilde werklikheidsreeks. Ja, erken Riana, dit was ’n “wilde warrelwindtyd”. Behalwe al die ure wat sy as afrigter saam met die sangers onder haar vlerk moes deurbring, het sy ook ’n nuwe album opgeneem en uitgereik. “Dit was ’n uitdaging, maar ’n mens leer vinnig dat jy meer gedoen kry as jy baie het om te doen.” Dit het kophou gekos om haar gesin en loopbaan tussen al die verpligtinge van die reeks deur in te pas. “Gelukkig tog vir my fantastiese man, Cornel, en baie hulp van familie en vriende. Maar ’n mens kan eintlik baie dinge regkry as jy ’n lekker span het. Ek het ook maar elke keer huis toe gery wanneer ek ’n…

Dit verg spesiale talent en harde werk om ’n Olimpiese atleet te wees. Maar as jy na Rocco se verhaal van uitdagings en beserings luister, kan jy nie help om diep onder die indruk te kom van sy deursettingsvermoë nie. “Ek glo die geheim van my sukses is my verhouding met die Here,” sê hy onomwonde. “God maak dat ek altyd hoop het en nie kan gaan lê nie, al sukkel ek byvoorbeeld met ’n besering, want Hy kan enige iets laat gebeur. Ek kan maar net die beste maak van wat ek gekry het, en verder moet ek kyk hoe ver die Here my wil neem.” Hy sê die gemis aan ’n pa het veral in sy tienerjare baie groepsdruk veroorsaak. “Ek het op 17 besef my lewe is…

My kind, jy moet doen wat jou gelukkig maak! Met dié woorde van sy ouers, Hennie en Mariet, het Hannes van Wyk, die gemoedelike ankeraanbieder van die kykNETjoernaalprogram Kwêla, die toekoms omhels en ’n loopbaan uitgekap waarop hy trots is. “Dit is die grootste geskenk wat hulle my ooit kon gee. Ek sal hulle altyd dankbaar wees. My wonderlike ouers was gewone plattelandse mense wat drie kinders geleerdheid gegee het en hulle dikwels tekort moes doen om ons alles te gee. Hulle het ons grootgemaak om aan ander te doen wat jy wil hê hulle aan jou moet doen. Ek probeer dit elke dag uitleef.” Hannes is die laatlammetjie. Sy broer, Attie, werk in die korporatiewe wêreld in Johannesburg en sy suster, Wena, is ’n verpleegkundige in Bloemfontein. Hannes se…

DAAR VIR ELKE OOMBLIK Joseph Stern het geglo die kombinasie van gehalte en vakmanskap kan jou die perfekte juweel bied, en in 1896 is die eerste Sterns se deure oopgemaak. Sterns streef daarna om deur pragontwerpe en diamante elke spesiale oomblik met sy kliënte te deel. Daarom word Sterns steeds as van die mees toeganklike juweliers beskou. HANGERTJIE VAN 9KT GOUD (R1 199) STERNS. KONTEMPORÊR EN KUNSTIG Vrouebemagtiging word al ’n geruime tyd sterk beklemtoon in die modebedryf. H&M se jongste Studio-reeks is ’n treffende kombinasie van sterk en sensueel vir die moderne vrou. Sagte breistof word saam met ’n asimmetriese romp gedra – elke item is ’n skilderdoek van kontemporêre kuns. Die reeks is vanaf 5 September in Suid-Afrika beskikbaar. MAKSIROK (R1 899; 34-42) H&M X STUDIO. VERTOON JOU…

GOSH DONODERM 2PHASE EYE MAKEUP REMOVER (R180) Ek hou baie van die produk. Die emulsie, wat jy eers moet skud, het dadelik my grimering verwyder en is strelend, maar los nie olierigheid nie. Dit het nie ’n geur wat kan irriteer of brand nie, en is parabenvry en veganis-vriendelik. ANÉLLE TEWSON, PRODUKSIEHOOF Dr. Hauschka Eye Make-up Remover (R565) Dr. Hauschka was een van die eerste organiese velsorgreekse. Die grimeerverwyderaar bevat rooswater, medisinale plantekstrakte en sesamsaadolie wat beloof om selfs waterbestande grime-ring te verwyder. Maak seker jy skud die bottel deeglik voor jy dit gebruik. Jy kan dalk ’n tweede keer ’n watte met die produk moet gebruik om hardnekkige ooggrimering, veral maskara, te verwyder. Die sesamsaadolie verseker dat die sensitiewe vel om ’n mens se oë nie uitdroog nie. HANNELIE…

• Dis makliker om in te gryp by ’n tiener se verhouding, maar selfs as jou kind ’n volwassene is, is daar tog ’n paar dinge wat jy kan doen. • Hou die kommunikasiekanale tussen julle oop. Jou kind moet weet jy is daar vir haar, ongeag wat die uiteinde van die verhouding is. • Maak seker jou kind weet hoe ’n gesonde verhouding lyk. Beklemtoon hoe belangrik gesonde kommunikasie, wedersydse respek en vertroue is. Verduidelik hoekom jaloesie en pogings om haar gedrag te beheer onaanvaarbaar is. • Waarsku jou kind teen onbehoorlike druk. Ja, nuwe verhoudings kan ’n mens op ’n positiewe manier uitdaag en aanspoor om nuwe dinge te probeer (soos ’n restaurant of ’n sportsoort) maar waarsku jou kind teen druk oor dinge waarmee sy ongemaklik is,…

Kanker is in 2016 by Ursula* gediagnoseer en sy is op die oomblik in remissie. “Ek beskou my nie noodwendig as ’n hoopvolle mens nie. Dit voel of ek maklik platgeslaan word, maar as ek ’n ruk oor die situasie gedink het, voel dit of daar tog ’n oplossing kan wees en kan ek aangaan. Ek probeer om my maar net met die probleme van die betrokke dag besig te hou. “Die oorspronklike diagnose was soos ’n vuis wat my van êrens af omgeklits het. My ma het altyd gesê daar is nie kanker in ons familie nie. Ek eet gesond en is nie onaktief nie. Ek het wel ’n aangebore hartprobleem, maar dit word goed deur medikasie beheer. Die hartspesialis het altyd gesê: ‘Jy weet waaraan jy sal doodgaan:…

KOOKBOEK VAN DIE MAAND Een van ons gunsteling-kospersoonlikhede, Ilse van der Merwe ( The Food Fox ), het pas haar eerste, pragtige resepteboek die lig laat sien. Cape Mediterranean, the way we love to eat, is vol heerlike, seisoenale resepte. Dit is in pas met ons manier van kook en kuier in Suid-Afrika, en sal jou inspireer om die kospotte te gryp. R350 by die meeste boekwinkels; uitgegee deur Struik Lifestyle. RESTAURANTNUUS Die Delaire Graff-restaurant - net buite Stellenbosch in die pragtige Banhoekvallei - vier sy tiende (baie suksesvolle) verjaardag en spog ook met ’n splinternuwe hoofsjef, Kevin Grobler. Kevin was voorheen die hoofsjef by die Michelinbekroonde restaurant Jan in Nice, Frankryk en is nou terug op eie bodem. Kevin glo in volhoubare kookkuns en gebruik alles van die dier –…

KRY JOU TYDSKRIF DEUR DIE POS • Skryf in op rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaard-tariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CTP LTD T/A MAGS@HOME Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Donderdag tussen 08:00 en 16:00, Vrydae tussen 08:00 en 15:30 as jy wil inteken. Navrae: e-pos subs@magsathome.co.za 4 REDES OM OP ROOI ROSE IN TE TEKEN 1 Jy spaar 35% - 45%. 2 Jy…

Stellenbosch KANSA-tee in samewerking met SPAR Die jaarlikse KANSA-geldinsamelingsprojek wat rooi rose saam met verskeie merkwaardige borge aanbied, vier vanjaar sy 38ste bestaansjaar. Reeds meer as drie dekades lank bied rooi rose ’n jaarlikse geleentheid vir KANSA-ondersteuners en kankeroorwinnaars om hul solidariteit in die stryd teen kanker te toon. Die besonderse projek lê rooi rose na aan die hart. Danksy talentvolle gasvroue wat nooit teleurstel nie, uitstekende vermaak en borge, gaan hierdie glansryke geleentheid van krag tot krag. Die oggendtee word weer in Stellenbosch aangebied en bevorder kankerbewusmaking en samel geld vir kankernavorsing in. Kom kuier lekker saam met vriende, familie en kollegas! Vanjaar gaan ’n klompie topklas-kunstenaars die drade bymekaar hou en vir vermaak sorg. Die sprankelende radio-omroeper en TV-aanbieder Tracey Lange is die gasvrou, en die “stout seun”…

INDIEN JY VAN HIERDIE BOEKE (OF ELDERS IN ROOI ROSE) TEEN DIE ROOI ROSEPRYS VAN ’N 20% AFSLAG WIL BESTEL, KIES EEN VAN DIE VOLGENDE OPSIES: 1 E-POS JOU NAAM, TELEFOONNOMMER EN KEUSE(S) NA SHOP@GRAFFITIBOOKS.CO.ZA 2 BEL 012 548 3456 GEDURENDE KANTOORURE EN NOEM DAT DIT VAN DIE ROOIROSE-BOEKE IS WAT JY WIL BESTEL. ONS SAL IN KANTOORURE TERUGBEL OF E-POS. 3 BESOEK GRAFFITIBOEKE.CO.ZA. EN KLIK OP DIE ROOI ROSE SKAKEL. BOEKPRYSE IS ONDERHEWIG AAN VERANDERING. LET WEL DAT HIERDIE PRYSE NIE POSGELD INSLUIT NIE.…

Brixton is lank een van Johannesburg se kleurryke kunstenaar-saamkoekplekke en vir baie siele ook ’n beminde blyplek, soos vir David du Preez, eienaar van die Breezeblock Café, wat daar woon en werk. “Die buurt is ’n mini-kosmos van ons land se unieke samestelling en wakker jou nasietrots aan.” As gemeenskapsiel het hy juis inheems eg gesoek nadat hy lank in Londen gewoon het. Hy bedryf ook ’n fietsryskool in Brixton vir die-gene wat nie die voorreg het om te leer fietsry nie. Maar dis sy hartlike hoekkafee in Chiswickstraat 29, neffens die Brixton-toring en net straataf van die klein blou-en-wit Griekse sinagoge, wat mense van reg oor die stad lok en laat terugkom. Die onpretensieuse periodeplek betower jou reeds met sy knus buite-binnehof vol vetplante en mosaïekkuns. Die binnestyl spel…

DIE PAD – ANDRÉ SCHWARTZ. ELKE PAD LAAT JOU SOMS BLOEI OF KNAK … MAAR JY STAAN OP MET HOOP EN GELOOF. SÓ PRAAT DIE VEELBEKROONDE STER OOR DIE TITELSNIT. NÁ 14 ALBUMS MET GOUE VERKOOPSTATUS, HET DIE ALBUM TIEN OORSPRONKLIKE SNITTE, INSLUITENDE EEN DEUR CHRISTA STEYN. DIE VIER BONUSSNITTE IS SY BEKENDSTE TREFFERS, EEN SAAM MET YVONNE CHAKA CHAKA. STERKER – RIANA NEL. DIE ALBUM WAS BLITSIG ’N TOPVERKOPER LANDWYD. DIE STORIE AGTER DIE ENKELSNIT “HOU DIE HEMEL OOP” HET SOSIALE NETWERKE LAAT GONS. DIE 12 SNITTE, OOK ’N DUET SAAM MET FRANCOIS VAN COKE, GAAN OOR HOOP EN LIEFDE. DIE CD GETUIG VAN SELFONDERSOEK EN GROEI AS KUNSTENAAR EN MENS. EK IS OP PAD - TANJA STORM. DIE KAAPSE SANGERES HET VROEG AGTER INSTRUMENTE EN DIE MIKROFOON BEGIN…

Met ons nuwe dominee se intreepreek sê hy iets wat my altyd sal bybly: jou plék, daar waar jy woon en werk, is belangrik; dit vorm jou, dit het ’n invloed op wie jy is, en omgekeerd, elke individu help bou aan hierdie gemeenskap, jou plek. ’n Paar somers gelede kom my Vlaamse vriendin, Veerle, by ons op die plaas kuier. Sy verstom haar aan die stukke oop grond, die plantegroei, die berge. “Ik kijk mijn ogen uit,” sê sy tien maal elke vyf minute. Ek sien ons pragtige wêreld opnuut deur haar Europese oë. Die blou en grys van die Langeberge wat violet raak teen die aand, die glooiing van die heuwels van die Badsberge. Die Klein-Karoo het baie onverwagte verrassings en geheime wat skuilhou tussen die droë grond,…

MET LEKKERKRY KLAARKRY! Was jy al ooit in die openbare toilette van ’n vulstasie waar daar ’n bos blomme op die toonbank en ’n vrolike blomkrans by elk van die vier wasbakke jou begroet het? Kan dit waar wees? Ja, wat was ek verras toe ek onlangs die badkamer by die Total-vulstasie langs die M2 by die dorpie Buffeljagsrivier in die Wes-Kaap besoek het en alles in so ’n eksie-perfeksie en blomversierde toestand aantref. “Weet jy wie is dit wat dit so mooi maak hier?” vra ek verstom aan die vriendelike vrou wat, toe ek my hande tussen al hierdie blommeweelde was, besig is om die vloer te mop. “Dis maar ek, Mevrou,” glimlag sy skamerig. “Dis pragtig! Waar kom die blomme vandaan?” vra ek weer. “Ek bring dit van…

Jy dra baie hoede: akteur, regisseur, vervaardiger ... Watter een het die meeste uitdagings? Regisseur, want dis waar jy die hele storie vertel. En nou het jy die vrou, die babas. En die tequila . Ja, ek het die vrou en babas as gevolg van die tequila! (lag) Het jy steeds die passie en motivering vir alles wat jy doen noudat jy al hierdie nuwe prioriteite bygekry het? Ja, ek is steeds passievol oor my werk. As jy soveel tyd aan ’n projek bestee, moet jy passievol wees daaroor. Jy was onlangs in ’n motorfietsongeluk. Het jou vrou jou verbied om weer motorfiets te ry? Nee, Amal sal my nooit verbied om iets te doen nie. Toe ons terugry van die hospitaal af, het sy my net gevra: “So, dink…

• VREUGDES My geliefdes, musiek en boeke, diere, my vriende, my geestelike lewe, ons huis in Pretoria en die omgewing. • ONTSTELTENISSE Onregverdigheid, misverstande, korrupsie, onreg teenoor kinders diere en weerlose mense. • LEWENSLEUSE Leef en laat leef. Temper worstelinge met vergifnis. Toe my loopbaan begin het, het ek gemeen ek gaan vir altyd lewe, maar ’n mens bereik ’n stadium in jou lewe wanneer jy probeer konsentreer op gehaltetyd saam met die mense vir wie jy lief is en wat vir jou lief is. Dan draai jy weg van situasies wat jou lewensvreugde steel.…

Riana en Cornel het twee seuntjies. Tristian is drie, en Sebastian word in September twee. Sy sê sy is ’n rustige ma. “Ek is nogal easy going.” Wat geniet sy die meeste van ouerskap? “Elke liewe deel! Dis die lekkerste ding wat ek al ooit gedoen het. Elke oomblik is vir my amazing – van doeke ruil tot daardie trots van ‘Mamma, ek het my eie broek opgetrek’. Ek is mal oor die warm drukkies, en as hulle dit vir die eerste keer regkry om ‘rrrrrr’ te sê, of ’n soentjie te gee! My oudste loop in die huis rond en sing kliphard die woorde van my nuwe liedjie ‘Hou die hemel oop’.” Dit maak haar hart om meer as een rede bly. “Ek het van die begin af liedjies…

Wanneer ek die woord ‘erfenis’ hoor, hoor ek die woorde ‘my mense’. En ons kos, ons klere, ons manier van praat, ons lag en hartseer,” sê die veelsydige rapper, skrywer, digter, performer, TV- en radioaanbieder, motiveringspreker, opvoeder en aktivis, Simon Witbooi (37), oftewel HemelBesem. Dié talentvolle man se brugbouwerk is die afgelope paar jaar met talle pryse bekroon – onder meer met ’n Ghoema, ATKV Mediaveertjie, Woordtrofee en Kanna. Sy jongste album heet God praat Afrikaans. Simon het pas ’n dokumentêr oor Afrikaanse hip-hop voltooi en sy boek, Straatpredikante, oor dié kultuur, verskyn binnekort by LAPA-uitgewers. Hy meen Afrikaanse hip-hop het ontstaan in die breine van onder andere die argitekte van Prophets of the City in dieselfde tyd toe hip-hop in die tagtigerjare in Amerika begin vlamvat het. “Hierdie teorie…

SARAY KHUMALO Jy oorwin nie die berg nie, jy oorwin jouself,” sê Saray Khumalo (47), die eerste swart vrou van Afrika wat op die kruin van Mount Everest gestaan het. Sy het nooit daarna gemik om dié onderskeiding te behaal nie, maar by nabetragting is sy dankbaar daarvoor. “Ek het dit gedoen vir mense wat soos ek gevoel het; kinders met ’n droom en vroue wat gehoor het hulle kan sekere goed nie doen nie.” Hierdie enkelma en sakevrou is in Zambië gebore en het twee seuns (16 en 21). Saray was een van sewe dogters, en die enetjie wat boomgeklim het, nuwe dinge probeer het en avontuur nagejaag het. “My ma was nie ryk nie, maar sy het vir ons die geleentheid geskep om kennis te bekom. Daar was…

LEIGH SCHUBERT ONTWERP SEDERT 2002 REEKSE MET ’N KINKEL OP KLASSIEK. HELDER KLEURE, GEOMETRIESE DRUKWERK EN STERK LYNE IS KENMERKENDE ELEMENTE WAT DEURLOPEND IN HAAR ONTWERPE VOORKOM. DAARMEE WIL SY SELFVERTROUE EN INDIVIDUALITEIT BEVORDER. SY IS ’N GUNSTELING BY SA MODEWEKE EN SPOG MET ’N KLOMP PRYSE.IN 2012 WAS SY DIE ONTWERPER VAN DIE SA SEREMONIE-UITRUSTINGS VIR DIE OLIMPIESE EN PARALIMPIESE SPELE. Die GEMAKSTUK Sommige dae is ek net lus om in iets gemakliks in te glip, maar oefenklere is nie altyd my eerste keuse nie. ’n Sagte eenstuk is ’n wonderwerk, dit voel soos gemaklike pajamas, maar is steeds stylvol, sjiek en ’n pasmaat by tekkies. BIG BIRD TACO-EENSTUK (R1 295; XS-2XL) LEIGH SCHUBERT. Koebaai HAKKE Om ’n ma te wees beteken ook jy is heeldag op jou voete…

NAAM: DEBBIE MURPHY; OUDERDOM: 39; BEROEP: ENTREPRENEUR, VROU EN MA ‘Die proses was een van daardie Aspoestertjie-tot-prinses ervarings. Dankie, rooi rose en jul talentvolle span!’ - Debbie Murphy Debbie beskryf haar klerestyl as ontspanne en gemaklik. Haar eerste keuse is gewoonlik ’n denim, T-hemp en tekkies. Ons doelwit was om vir haar te wys sy kan steeds gemaklike klere dra maar wat ook vroulik en jeugdig is. MODE Waag dit! Vergeet dié lente van die klein swart nommertjie en kies helder kleure. As jy huiwer om helder skakerings te dra, waag en probeer iets nuuts, dit kan dalk net vir jou werk. Kyk hoe smeul Debbie in die HELDER ORANJE ROK (KAREN MILLEN, R3 900). Dra NEUTRALE SKOENE by die helder uitrusting (RUBI BY COTTON ON, R599). Die veelsydige rok…

• Jou kind se maat probeer haar lewe beheer, of dit nou is deur voorskrifte oor kleredrag, of gedurige navrae oor waar sy haar bevind en saam met wie. Verduidelik dat daar ’n verskil is tussen verlief wees en om iemand te probeer beheer en isoleer. Dis jou plig om te verduidelik dat so iemand in die proses haar onafhanklikheid en selfbeeld gaan ondermyn. Beklemtoon dat gesonde verhoudings gegrond is op vertroue en openlikheid en dat jaloesie nie ’n goeie teken is nie. • Sy sukkel skielik met ’n slegte selfbeeld: Toksiese verhoudings vernietig iemand se selfbeeld en selfvertroue. Gryp dadelik in en kry professionele hulp indien nodig as jou kind skielik buitengewoon emosioneel, depressief of aggressief is. • Wees bedag op fisieke tekens. Moet nooit blou kolle of ander…

Die warmte van ’n glim-lag kom van ’n vuurtjie in die hart - Anthony T. Hincks ONS IS WAARDEVOL Dit maak my hartseer dat soveel mense nie van hul intrinsieke waarde bewus is nie; baie reken hulle is net nie goed genoeg nie. Ek glo ons is almal wonderbaarlik aan ons Bron verbind. Hoe beter ons dit begryp, hoe sterker word ons eiewaarde. Vir my is my stem ’n direkte konneksie met my Skepper. Dit gee my ongelooflik baie vreugde. Deur die jare het ek geleer om my eie klank en uniekheid te waardeer en te vier. Ek gebruik my stem sover moontlik as ’n instrument van vrede en versoening – musiek het die vermoë om harte aan te raak en persepsies te verander. Vroue in die besonder kan tasbare…

STEM JA OF NEE OP ONS VRAAG IN “WAT DINK JY” EN JY KAN ’N GATINEAU-GESKENKPAK VAN R4 660 WEN. JEANNE GATINEAU, ’N FISIOTERAPEUT EN CHIROPODIS, HET DIE PROFESSIONELE VELSORGREEKS GATINEAU AL IN 1932 BEKEND GESTEL TOE SY HAAR EERSTE SKOONHEIDSALON IN PARYS, FRANKRYK GEOPEN HET. HAAR FILOSOFIE WAS OM DIE SUIWERSTE NATUURLIKE BESTANDDELE MET DIE JONGSTE BIOTEGNOLOGIE TE KOMBINEER EN ’N VELSORGREEKS TE SKEP WAT UITMUNTENDE RESULTATE LEWER. VANDAG IS GATINEAU EEN VAN DIE BEKENDSTE WETENSKAPLIKE VELSORGHANDELSNAME. ERVAAR HUL SALONGEHALTE VELSORG IN JOU EIE HUIS. BESKIKBAAR BY WOOLWORTHS, TRUWORTHS, EDGARS EN DIS-CHEM. VOLG GATINEAU OP FACEBOOK: WWW.FACE-BOOK.COM/GATINEAUSA EN INSTAGRAM @GATINEAU_SA DINK JY HOOP HET ’N MEETBARE UITWERKING OP DIE IMMUUNSTELSEL? BESOEK VANDEESMAAND ONS WEBBLAD, WWW.ROOIROSE.CO.ZA EN KLIK OP “WEN” EN DAN “WAT DINK JY” OM DEEL TE NEEM.…

Waterkloof Circle of Life 2016 word net in sekere jare uitgereik wanneer die wyn op sy beste is. Waterkloof is ’n bekroonde biodinamiese wynkelder en die jongste oesjaar van die Circle of Life White-versnit vertoon die sagter hand in die kelder, sowel as ’n groener aanslag. Die versnit bestaan uit sauvignon blanc, chenin blanc en sémillon. Die sauvignon blanc-karakter is prominent op die neus, met lieflike aromas van lemmetjie en appelliefie. Op die tong toon die wyn ’n vars asiditeit met goeie integrasie. R160 per bottel.…

Hanna skuif gemakliker in die witgeverfde leunstoel op die stoep van haar kothuis, lig haar voete en stut hulle teen die koffietafel voor haar. Sy haal haar bril af en sit dit in die brilhuisie langs haar op die wynrooi sitkussing. Sy sit haar boekmerk in en vou East of Eden tydelik toe. Sy sukkel om te konsentreer, want “aftreeoord” spook in haar gedagtes. Was Ernst se dood nie genoeg nie – al was dit ses jaar gelede. As hy net nie so slim en so mooi was nie. Goeiste tog, hoeveel sielsverskuiwende veranderings moet sy nog baasraak? Skaam jou, Hanna, sê sy kwaai vir haarself. Jy kan jou seëninge nie tel nie so baie is hulle. Jy is gesond, jy skryf nog, jy kan jouself onderhou en jy is…

Aktrise/skrywer Milan Murray woeker nou as uitgewer van kinderboeke wat wyd lof inoes. Sy en vriendin Charmaine Nolte het die kinderboekmaatskappy Murray & Me in 2015 begin as platform vir oorspronklike Afrikaanse kinderliteratuur. Hul idioomreeks: Pieter Kokkewieter en die Hart op sy Mou, Hetta Elizabetta en die Wêreld op haar Skouers en Kop in die Wolke in Kromkieriefontein is almal in derde oplaag. Milan is in 2018 by die Silwerskermfees bekroon vir beste draaiboek vir ’n animasiekortfliek gegrond op Kop in die Wolke in Kromkieriefontein. Is ’n onderneming saam met ’n vriendin moeilik? Ons deel ’n grootmenssandput en ons vriendskap bly groei. Maar ons moes leer waar die grense lê. Albei van ons het ander besighede: lojaliteite word sensitief bestuur. Murray & Me se vyfde kinderboek as deel van ’n…

’N SIRKUSKUNS wat sy oorsprong tweeduisend jaar gelede het en nou as ’n kunssport beoefen word, besorg aan ’n jong Pretorianer wye roem. Erin Müller (13), ’n graadagtleerder aan die Hoërskool Waterkloof, was al op twee op ’n ponie se rug. Sedert sy in graad een aan vaulting begin deelneem het, ryg die jongeling medaljes hier en oorsee in. Vaulting behels dans en gimnastiek op ’n perd se rug, individueel of in spanverband. Dis ’n internasionaal-erkende perdrykunsdissipline en word ook gebruik as terapie vir balans-, aandag-, motoriese of sosiale probleme. Die opvoering in ’n vaulting- kompetisie is soortgelyk aan ’n produksie, vertel haar trotse ma, Ernette, ook ’n kompeterende ruiter. Die ruiter kies ’n tema waarby klere en musiek moet pas en voer dit gevoelvol op ’n artistieke en moeilikheidsgraad…

Al was sy hoe talentvol, het die skilder Artemisia Gentileschi nooit dieselfde vergoeding vir haar werk as haar manlike tydgenote ontvang nie. Klagtes daaroor het niks vermag nie. Klink bekend, maar Artemisia is nie ’n “moderne” skilder nie. Sy is ’n Barokskilder wat in 1593 in die Toskane in Italië gebore is. Nou onlangs, op 16 Mei vanjaar om presies te wees, is haar skildery, “Lucretia”, in Wene vir $2 miljoen aan ’n Australiese versamelaar verkoop. Dit is haar uitbeelding van sterk vroue wat nou nie net meer die belangstelling van feministe prikkel nie, maar ook beleggers en museums laat nader staan. Hoewel die skilder Caravaggio en haar pa, Orazio Gentileschi, ook ’n skilder, haar beïnvloed het, is haar skilderye meer realisties as dié van haar voorgangers. Haar komposisies is…

Wanneer jy 'n hupstoot nodig het om aan die gang te bly, hoekom probeer jy nie 'n Clover Active Drink nie? Dan kry jy sommer ook die voedingstowwe in wat jy nodig het om met 'n huppel in jou stap deur die dag te gaan. Clover Active Drink is propvol voedingstowwe, insluitend 18 aminosure, 12 vitamiene en 5 minerale. Vitamiene en minerale gee jou liggaam wel nie energie nie, maar is noodsaaklik vir die liggaam se optimale funksionering. Aminosure is noodsaaklik om, onder meer, gesonde spier- en beenweefsel en hare te groei. Wat maak Clover Active Drink 'n goeie versnapering wanneer jy aan die gang is? • Ryk aan energie • Goeie bron van vitamiene en minerale • Laag in cholesterol • Bevat min vet • Bron van prote›ene •…