Innholdsfortegnelse for Julie 2019 i Rooi Rose

HOE MEER dinge verander, des te meer bly dit dieselfde. Hierdie feit soos ’n koei geld vir my ook veral die opeenvolging van generasies met die gang van die tyd. Ek lees onlangs iets baie interessants oor die sogenaamde “Generasie Z”, die groep tussen 13 en 28 wat die Millenniërs opvolg: Hulle neem getalsgewys reeds die voortou en gaan spoedig die grootste generasie tot nog toe wees wat sowat 32% van die wêreldbevolking gaan uitmaak. Hulle voor- en afkere, waardes en beginsels gaan dus baie binnekort die tydsgees bepaal, en so ook die modes en tendense en elke saketransaksie wêreldwyd. Vanselfsprekend word baie navorsing oor hulle gedoen. Die resultate is belangrik, en na my mening, verstommend. Die grootste waardevoorkeur wat hulle kenmerk, is bevind, was ook tiperend van die era…

Annelene Crafford (61), pensioentrekker, Table View. Ek is ’n wintermens. In die winter kan jy jou lekker snoesig hou en handwerk en al die takies doen waarvoor jy nie in die warm somermaande lus is nie. Jy kan lekker trooskos maak, ook koek en brood bak. Catea Sinclair (33), vryskutskrywer en bemarkingsbestuurder, Elgin. Ek was altyd ’n somermens, maar namate ek ouer word, is ek ’n seisoenmens. Dis vir my mooi om te sien hoe die jaar verander en hoe jy daarmee saam eet en aantrek. In die somer bak ek in die son met ’n skyf waatlemoen, herfs is appels en kaneel, en winter is stewels, sop en serpe. Die lente voel vol hoop en vernuwing, kosse is ligter, ek wil syrokke met truie dra en kyk hoe alles…

HAAR HUIS • Sy het afval en weggooigoed gebruik om mee te bou en die huis te versier. Ou kratte waarin vrugtesap gestoor is, is nou die plafonne, en wynbottels wat in die mure ingebou is, dien as versiering. • Alle waterpype (behalwe riool) loop reguit in haar tuin in. • Slegs organiese en bioafbreekbare skoonmaakmiddels word gebruik. • Reënwatertenks vang water op wat sy vir die tuin en swembad gebruik. • 'n Eko-swembad, met visse, plante en organismes wat die water suiwer. • Hoenders wat eiers verskaf en goggas weghou. • 'n uruie- en groentetuin wat hopelik na die droogte weer sal gedy. HAAR LEEFSTYL • Sy maak graag kos met rou bestanddele. • Sy maak selfs haar eie tandepasta. ("Vier jaar later en die tandarts het gister geen…

‘Reis leer ’n mens dat net oppervlakkige goed en ego jou van ander mense skei. Hoe meer ek reis, hoe meer besef ek hoe min ek weet en hoe baie daar nog is om te verken en te ontdek. Ek besef ook hoe klein ek is en hoe groot hierdie aarde met al sy kleure en kulture is. Dit be-tower my en laat my siel dans’ Pascal Pienaar is ligjare verwyder van die bedorwe brokkie Karli van Binnelanders-faam wat so vol fiemies is, en selfs nie kans gesien het vir ’n naweek op ’n wildsplaas nie. Inteendeel. Sy is mal oor die ongerepte natuur, glad nie bang vir spinnekoppe nie, en heel gemaklik daarmee om in slenterdrag en sonder ’n tikkie grimering rond te loop. Op haar tientalle wêreldreise het…

MIKRO-WAT? Plaaslike wetenskaplike en stigter van Esse, Trevor Steyn, verduidelik wat al die terme beteken: Mikrobe is ’n enkelsel mikroskopiese organisme; dit sluit bakterieë, virusse, gis en achaea in. Mikrobiome is al die mikrobes wat in en op jou vel bly. Probiotika is die lewendige mikrobe en wanneer dit in genoegsame hoeveelhede toegedien word, hou dit gesondheidsvoordele vir die gasheer in. Prebiotika is kos vir goeie mikrobes. PATOGENE Patogene is ’n bakterie, fungus, virus of ’n ander mikro-organisme wat ’n kwaal of siekte by sy gasheer kan wees. Meer mikrobe as MENS? “Ná afloop van die *Human Microbiome Project het dit duidelik geword dat elkeen van ons ’n mengsel van mikrobes en menslike selle is. Daar is selfs meer mikrobes in jou liggaam as menslike selle – tien keer meer…

HOENDER-NOEDEL-SOP GENOEG VIR 6 ½ t vinkelsade 300 g preie, gekap 300 g seldery, gekap 3 knoffelhuisies, geskil en fyngemaak 700 g vars groentesopmengsel handvol vars tiemie, die blare van die stingels gepluk handvol vars salie, gekap 1 brandrissie, in skyfies gesny 6 k hoenderaftreksel 500-600 g gaar hoender, fyngemaak 1 k Clover-room ½ e Dijon-mosterd handvol vars pietersielie, gekap 300 g fyn rysnoedels 1 SOPBASIS: Rooster die vinkelsade vir 2 minute oor matige hitte in ’n groot kastrol. Voeg die gekapte preie, seldery, knoffel, sopmengsel, tiemie en salie by en sauté vir 5-10 minute totdat die groente begin sag word. 2 Voeg die brandrissie en hoenderatreksel by die sopbasis en kook die sop vir 20-30 minute tot die groente gaar is. 3 Voeg die Clover-room en Dijon-mosterd by die…

Dit bly die grootste en mees onoorbrugbare probleem, veral waar THC betrokke is. Volgens die WGO se 2015-verslag: • het die aantal mense wat hulp soek weens afhanklikheid verdubbel van 2001 tot 2011. • drie uit elke tien gebruikers ontwikkel afhanklikheidsprobleme, veral by mense wat cannabis 20 of meer keer per maand gebruik • 48Ō-54Ō van mense wat by rehabilitasiesentrums aanmeld, is dagga-afhanklik • rehabilitasie is taamlik onsuksesvol aangesien 70% daarna daggagebruik hervat. Net een uit drie kom permanent skoon…

“Selfvernietigende optrede het voorheen my lewe gekenmerk,” sê Odette* (30), ’n pasiënt van dr. Elisa Mecco, ’n Johannesburgse kliniese sielkundige en gevorderde BWRT®-praktisyn. “Afgesien van selfdoodpogings het ek motors afgeskryf en versuim om by die werk op te daag, of my kinders skool toe te stuur. Ek het ’n geweldige stryd met my emosies gehad en op medikasie staatgemaak om staande te bly. “My grootwordjare is deur trauma en mishandeling gekenmerk. In 2017 is grenslynversteuring by my gediagnoseer en my sielkundige is ingelig dat geen terapeut my sou kon help nie. Ek is aan myself oorgelaat tot ek so gelukkig was om verlede jaar by dr. Mecco uit te kom.” “Ek het geweet Odette sou by BWRT® baat vind,” sê dr. Mecco. “In die BWRT®-opleiding fokus Vlak 1 op post-traumatiese…

Esmeralda van Rensburg se lewenslus is aansteeklik. Min mense sou kon raai watter moeilike pad dié Pretoriase fisioterapeut, mediese wetenskaplike en ma van ’n vyfjarige moes loop. “As ek terugkyk, kan ek soveel drade saamtrek. Ek verstaan nou hoe alles wat gebeur het, gelei het tot die realisering van ’n ongelooflik mooi droom.” Die menslike anatomie het Esmeralda van jongs af geboei. “Dit was my hartsbegeerte om ’n dokter te word en op pasiëntesorg te fokus, maar toe ek nie keuring kry nie, het ek ’n B. Sc.-graad in mediese wetenskappe by Tuks voltooi. “Ek het gesukkel om werk te kry. Die regte deur wou net nie oopswaai nie. Ter wille van sakeondervinding het ek maande lank brilkassies in stoorkamers reggepak. Daarna was ek ’n mediese verteenwoordiger by ’n farmaseutiese…

Ons kyk na produkte wat jou lewe makliker kan maak HIDRASIE MiWATER is ’n nuwe mineraalwater met die voordeel van onder meer humussuur. Die ph is 8,5 en die water bevat nie preserveermiddels en suiker nie. Volgens die vervaardigers kan dit spieruitputting en die opbou van melksuur in die spiere verminder. Sowat R15 per bottel by Dis-Chem en Wellness Warehouse. BETROUBAAR Bosch-toerusting is bekend vir blywende gehalte. Wees op die uitkyk na ons Bosch-kompetisie, want jy kan een van drie gelukkige wenners van ’n Bosch-wasmasjien met ActiveWater™- en VarioPerfect™- tegnologie wees. Meer inligting oor die kompetisie op bl. 63. VEELSYDIGE BOTTELS Hierdie drie oulike idees is van Consol. Rasper netjies in ’n bottel (R35), druk sap uit (R45), of spaar vir iets spesiaals (R45). Tien gelukkige lesers kan elk ’n…

Soms voel dit omtrent of jy ’n sprokie binnegery het Het jy al ooit daarvan gedroom om die pad te vat? Ek verwys na daardie pad wat jou van jou grootmens-verantwoordelikhede wegneem; die pad wat na onbekende avonture en nuwe ontdekkings kronkel; die roete wat dit laat voel of die jare wegval soos die kilometers agter jou opstapel. Dis die soort reis waarin jy die ster is in ’n fliek wat nooit op die silwerskerm vertoon hoef te word nie. Al wat jy hoef te doen, is om die bries in jou hare te geniet, en so hard moontlik te jil van plesier wanneer jy so voel. Dit is nie ’n fantasie nie. Dié reis bestaan. Jy sal dit kry in Ha Giang, die mees noordelike Viëtnamese provinsie. Hier kan…

ENERGIEKE RIO In Rio de Janeiro is daar om elke hoek en draai iets om te ontdek en te geniet. Ons het op die Copacabana-strand in ’n kamer met die mooiste uitsig gebly. En natuurlik het ek elke dag Barry Manilow se “Copacabana” gesing wanneer ek wakker word! Die strande is vir almal, en almal is gemaklik in hul velle. Maak nie saak watter grootte jy is nie, al wat leef is in ’n bikini. Die inwoners speel tot laat saans sokker of volleyball op die strand - oud, jonk, mans, vroue, almal. En die mense is so vriendelik. Wanneer iemand ons nie kon verstaan nie, is die fone uitgepluk en ons gevra om die woorde op Google Translate in te tik. Die kos was heerlik en ek het omtrént…

LEEF DIE KREATIEWE DIMENSIES VAN HAAR PERSOONLIKHEID ONDER HAAR NOOIENSVAN UIT: “DIS ’N VRY EK, GESTROOP VAN DIE ANDER ROLLE WAT EK OOK VERTOLK: MA, EGGENOTE, VRIENDIN OF AKADEMIKUS.” NAAS REIS EN DIE BESOEK AAN ENIGE NUWE PLEKKE BINNE EN BUITE SUIDAFRIKA, IS HAAR ANDER GUNSTELINGTYDVERDRYWE LEES, TUINMAAK, DIE INRIG VAN HUL GESIN SE LEEFRUIMTE EN OM SAAM MET HAAR GELIEFDES NUWE ERVARINGS TE KAN BELEEF. “OM IETS NUUTS TE SKEP, IS OM VRY TE VOEL. WANNEER EK ’N GOEIE BOEK LEES, OF MY NAELS VOL GROND IS NÁ ’N DAG IN DIE TUIN, OF MY ARM LAM NÁ DIE VERF VAN DIE SITKAMERMUUR, KAN EK DIE UITDAGINGS VAN DIE LEWE IN BETER PERSPEKTIEF SIEN.”…

LEGKAART VAN ’n JONG LEWE - Dolf van Niekerk (Protea) Deurwinterde skrywer Dolf van Niekerk vier sy negentigste verjaardag en daarmee saam verskyn sy jongste boek, Legkaart van ’n jong lewe. ’n Legkaart het baie stukkies wat inmekaar moet pas en in die boek word al die stukkies van sy lewe bymekaargesit. Vanaf sy vroegste gewaarwordinge tot sy kennismaking met groot filosowe soos Nietzsche, Kant en Hegel op universiteit en in sy daaglikse handel en wandel daarna. Hy vang ’n vervloë era vas en gee ’n boodskap dat herinneringe neergepen moet word. Hy skryf oor sy geboortedorp, sy gesin en sy helderste herinneringe aan die plekke en mense wat hom gevorm het tot die mens wat hy geword het. Want, soos wat hy in die verhaal “Die skinkbord” skryf: “Jy…

Akteurs op die LOOPPLANK Die Performing Arts Lifestyle Institute (Pali) se jaarlikse modeparade vind vanjaar op 20 Julie by die spoggerige Sorex-landgoed in Centurion plaas. Verskeie van die land se akteurs is dan op die loop-plank. Daar is heerlike pryse vir die gaste op die spel. Vir meer inligting kontak marketing@pali-acting.com KUNSTEFEES om koue te verdryf Die Kierieklapper-kunstefees word jaarliks deur duisende feesgangers van oral besoek. Kom luister na top- Afrikaanse kunstenaars soos Elandré Swartz, Die Heuwels Fantasties, Joe Forster en Dirk van der Westhuizen. Die fees word van 8 – 11 Augustus op die skoolterrein van Hoërskool Piet Potgieter in Mokopane gehou en is ’n fondsinsamelingsprojek van die Potgietersrus Dienssentrum vir Bejaardes. Daar is ook verskeie kinderproduksies wat die kleinspan sal besig hou. Besoek gerus die Kierieklapper-kunstefees se facebookblad,…

&Seek andseekstore.com @home 0860 576 576 Accessorize 021 425 7701 Aldo 011 555 2300 Benefit Edgars Bioderma bioderma.co.za Biomedical Emporium Medispa’s, biomedicalemporium.com Burt’s Bees takealot.com ByCara bycara.co.za Catrice Cosmetics Dis-Chem, takealot.com Chanel chanel.com Colette Hayman 021 937 4686 Country Road 0860 022 002, Woolworths.co.za Crystal Birch therealcrystalbirch.com Dr. Hauschka tocara4.co.za, Wellness Warehouse, Woolworths, faithful-to-nature.co.za , takealot.com Eau Thermale Avène eau-thermale-avene.co.za Elemis elemis-sa.co.za Elizabeth Arden Edgars, Foschini, Truworths, Woolworths, Clicks, Dis-Chem Esse 033 212 3506 Essence Dis-Chem, takealot.com, Clicks Estée Lauder 011 516 3000 Exuviance dermastore.co.za Filorga filorgasouthafrica.co.za Folli Follie 011 883 0565, 012 348 4949, 021 555 0811 Forever New forevernew.co.za Frances and the Frills francesandthefrills.com Gilded Candy facebook.com/ShopGildedCandy/ Glenelly glenelly.co.za Gr8skin gr8skincare.myshopify.com Isabel de Villiers 084 441 8222 Kalahari Lifestyle kalaharilifestyle.com Karen Millen 011 784 2937 Kiehl’s kiehls.co.za knus.co 087…

FETADOOPSOUS MET POFDEEGSTUKKE GENOEG VIR 4 POFDEEGSTUKKE 200 g pofdeeg (gevries) 1 eier, geklits, om mee te verf swart sesamsade, om oor te sprinkel sout, om oor te sprinkel FETA-DOOPSOUS 200 g Clover Plain Feta, gekrummel 250 ml Clover-suurroom hand vol pietersielie en sprietuie sout en peper na smaak geroosterde babatamaties vir opdiening basiliekruidblare vir garnering 1 Voorverhit die oond tot 200 °C. Voer ’n bakplaat met bakpapier uit. Breek ’n 200 g-vel gevriesde pofdeeg in stukke en sit op die bakplaat. Verf die stukke met die geklitste eier en sprinkel sout en sesamsade oor. Bak vir 20-30 minute tot gepof en goudbruin. Haal uit en laat vir sowat 10 minute afkoel. Terwyl die deeg bak, kan jy die doopsous maak. 2 DOOPSOUS: Sit al die bestanddele in ’n voedselverwerker…

As ons, soos jou karakter in Long Shot, ’n video van jou as ’n 16-jarige Charlize ontdek wat gevra word hoe haar toekoms gaan lyk, sou dit ooreenstem met hoe dinge vir jou uitgewerk het? Daar is toevallig so ’n video toe ek op 16 daardie vraag gevra is. Diegene wat dink dat ek nooit ’n Suid-Afrikaanse aksent gehad het nie, sal hulle doodlag hiervoor (lag). Ek dink ek het iets gesê soos dat ek ’n akteur wil wees, maar ek het nooit gedink dit sou ’n werklikheid word nie. Ek wou van altyd af stories vertel - dit was my grootste begeerte. Ek is dankbaar dat ek dit vandag kan doen. Ek is dankbaar, want dit voel nie soos werk nie. Ek sê omtrent elke dag vir my kinders:…

Michelle lees wyd en baie. Hier is ’n paar van haar gunstelinge, en die boeke wat haar lewe verander het. “Ek verslind mites en stories oor argetipes van alle kulture. Women who Run with the Wolves deur Clarissa Pinkola Estés en Jung se Memories, Dreams, Reflections is deur al die jare my twee steunpilare. Ek het ’n paar gunstelingskrywers, soos Ben Okri, veral The Famished Road. Ook Lyall Watson, veral sy Elephantoms en Gifts of Unknown Things. En John O’Donohue vir gedigte en prosa. Dan is daar nog Alberto Villoldo, Laurens van der Post, Sandra Cisneros, Elif Shafak en Rumi. En biografieë!…

‘Ek het besluit ek moet my vrese in die oë kyk, en vandag is dit steeds my leuse: “face your fears”’ Ewan Strydom, wat tot onlangs te sien was as mede-aanbieder van Expresso, is ’n spontane, vriendelike man wat maklik gesels. Veral oor sy gesin. Maar, vertel hy, al is praat sy werk, is daar tye wanneer dit vir hom lekker is om tjoepstil te wees. “Ek is eintlik baie teruggetrokke, al lyk en klink ek op my gemak voor die televisiekameras, of wanneer ek as seremoniemeester voor honderde mense optree, of radio-onderhoude voer.” Toe hy in 2008 ná ’n Mens Health-voorblad op televisie beland, moes hy ewe skielik praat vir ’n bestaan. “Ek kon my nooit ’n loopbaan in die vermaaklikheidsbedryf voorstel nie, en dit het my nogal bang…

Stapel op met EENVOUD Danksy haar ondervinding van sowat tien jaar in die modebedryf, weet Cara-Lee waarvan haar kliënte hou. Haar bykomstighede is eenvoudig, maar indrukwekkend. Verkies jy ’n bietjie meer drama? Stapel die minimalistiese ontwerpe opmekaar vir ’n bonkiger afronding. HALSSNOER MET DUBBELKETTING (R160) BYCARA. Die betroubare baadjie Met ’n Superdry-baadjie is jy gereed vir wat ook al die winter kan inhou. Die styl is vars maar steeds funksioneel met sakke en styftrektoutjies wat die wind uit alle rigtings kan uithou. Kies hierdie winter helder kleure soos rooi, blou en geel. POFBAADJIE MET ’N KUNSPELSKAPPIE WAT AFRITS (R3 299; 6-12) SUPERDRY. Dans in die winterweer “Pret en partytjie” is die eerste woorde wat by ’n mens opkom as jy die nuwe tekkiereekse van Mr. Price sien. Die reekse word…

GLANSENDE KLEUR Die deursigtige doppies van die nuwe skakerings van Chanel Rouge Coco Flash Lipstick maak dit moontlik om dadelik die kleur van die lipstiffie raak te sien. Die lipstiffie bevat ’n magdom bevogtigende bestanddele (onder meer ’n verskeidenheid olies) wat jou lippe bevog terwyl dit terselfdertyd kleur gee. Dié nuwe Chanel-produk is in 27 skakerings beskikbaar, en ons is gaande oor die drie skakerings wat jy oor jou lipstiffie kan aanwend om ’n nuwe kleur te skep. 200 Light Up gee ’n goue glans wat jou lippe meer laat blink, 202 Warm Up laat jou kleur na ’n dieper, warm oranje lyk en 204 Deepness wat swarterig lyk, laat jou lipstiffiekleur dieper lyk. CHANEL ROUGE COCO FLASH LIPSTICK IN 92 AMOUR: A VIBRANT GRENADINE (R655). FILTERVRYE SELFIES Meer as…

Wasgoed was word kinderspeletjies met ’n Bosch-wasmasjien. Bosch is meer as net ’n vertroude handelsnaam, dit is ook Duitse ingenieurswese op sy beste. Bosch-wasmasjiene is ontwerp om klere kragtig te reinig en terselfdertyd te verseker dat die kledingstukke sag genoeg hanteer word sodat hulle nie verniel nie. Trek voordeel uit die allernuutste Bosch-innovasies en –tegnologie om jou wasgoed skoner as ooit te kry. Bosch se nuwe tegnologie sluit in ActiveWater™ en VarioPerfect™. ActiveWater™-tegnologie spaar water en koste danksy ’n outomatiese ladingaanpassingstelsel. Dit beteken dat jy nie meer water of elektrisiteit hoef te gebruik as wat nodig is nie. Te danke aan verskeie programopsies en die VarioPerfect™-tegnologie, word jou wasgoed nie net 40% vinniger gewas nie, maar die masjien gebruik ook 10% minder elektrisiteit. Nog meer besparings vir jou en ’n…

Catea Sinclair Ja! ‘n Mens verwag ’n oor wat nie oordeel nie en iemand wat objektiewe insig kan gee. kelingswerk. Van my plaaslike kollegas kry gedurig vars maniere om dié terapie aan te wend. “Ek het nooit gedink dit sou in ’n groepsopset kon werk nie, maar dit word suksesvol gebruik in steungroepe vir vroue wat seksueel mishandel is, asook in skole om eksamenvrees te tem. Een kollega span BWRT® in om mense wat intellektueel gestrem is, van trauma te genees. Ek is oortuig daarvan dat hierdie kwantumsprong in geestesgesondheid gaan aanhou om die mensdom te verras.” rr Meer inligting by bwrtsa.co.za en bwrt.org Lisa Human Ja, ek dink so. As dit vir jou voel jou berader kan nie help nie, kry ’n ander een. Julle vind mekaar dalk net nie,…

Kardiovaskulêre siekte, wat hartsiekte en beroerte insluit, is wêreldwyd die grootste oorsaak van sterftes. HeartCity@25 in Pretoria is ’n private, geregistreerde mediese maatskappy gerig op die voorkoming en rehabilitasie van kardiovaskulêre siekte. “Die fondament is ’n interdissiplinêre model,” sê Esmeralda van Rensburg, stigter en sakebestuurder van HeartCity@25. “Pasiënte kry toegang tot navorsingsgegronde inligting, asook die ondersteuning van mediese - en gesofistikeerde tegnologiese dienste - alles onder een dak. Daar is onder andere ’n algemene praktisyn, dieetkundige, biokinetikus, oefenspesialis, fisio-, arbeidsen spraakterapeut, berader, ’n rehabilitasiegimnasium en ’n haar- en skoonheidsalon. Die idee is om ’n bron van inligting en steun te wees. As ’n pasiënt net vir een biokinetiese besoek wil kom inloer, is hulle welkom. Ons het ook steungroepe met aktiwiteite soos hekel, Lego-bou (wat help om fynmotoriese en wiskundige…

Die stoepvertrek HET ’N PRAGTIGE BRAAIPLEK EN KUIERDEEL. DIE VERTREK KYK OP DIE SWEMBAD EN KUIERPLEK BUITE UIT. Die slaapkamer HIER IS WERKLIK ’N DROOMSLAAPKAMER. DIE VENSTER BIED ’N UITSIG OP DIE TUINTJIE. DIE MUUR AGTER DIE BED IS MET DIESELFDE TEGNIEK AS DIE EETKAMERMUUR GEVERF EN SKEP ’N PERFEKTE AGTERGROND VIR DIE DEKOR. Die eetkamer DIE EETKAMER IS OOK ’N LEESHOEKIE OMDAT DIE SON SO LEKKER HIER INSKYN. DIE VERSAMELING SPIEËLS EN DIE VERFTEGNIEK OP DIE MUUR MAAK HIERDIE VERTREK VERAL BESONDERS. Die plaaskombuis AMANDA HET ’N PLAASKOMBUIS IN DIE FRANSE STYL IN HAAR NUWE TUISTE INGERIG. DIE BESONDERSE LIGTE EN DIE WERKSEILAND IS KENMERKEND VAN DIE VOORKOMS. Die sonstoep DIE GRYS KASSIE OP DIE SONSTOEP WORD GEKOMPLEMENTEER DEUR ’N BESONDERSE SPIEËL EN PLANTAFDRUKKE.…

WYN VAN DIE MAAND Thelema-wynlandgoed lê in die pragtige Banhoekvallei net buite Stellenbosch. Hier word so min moontlik ingemeng met die wingerde en wynmaakproses om te verseker dat dit net die natuur is wat dié uitstekende wyne lewer. Thelema het ’n uitgebreide reeks wyne maar die Thelema Merlot Reserve 2015 sal perfek by vandeesmaand se Koreaanse kortribbredie op bl. 84 pas. Die volronde wyn het goeie struktuur, en het goed gekonsentreerde bessies en sederhout op die neus en tong. R350 by die kelder. Kyk by thelema.co.za WAAR ’N ROKIE IS ... Rook is groot! Gerookte kosse en selfs mengeldrankies word nou oral op spyskaarte gesien. Die Amerikaanse Southern-manier van rook, is veral groot nuus. Groot vleisstukke soos varklies, borsstuk of ribbes word ure lank in groot rookketels tot murgsag en…

• Afhangend van die grootte van jou fiets, sal dit jou tussen 9 en 29 Amerikaanse dollar per dag uit die sak jaag. • Neem ook die reiskoste tot in Ha Giang in ag. Ons het ’n oornagbus vanaf Hanoi gehaal en dit het sowat 10 dollar gekos. • Bekende geregte soos pizzas en hamburgers kos min of meer dieselfde as in Suid-Afrika. Ek dink die plaaslike kos is verreweg die beter keuse, en geregte soos pho, ’n heerlike en gewilde sop met noedels en hoender of bees, sal jou minder as R30 kos. ’n Koppie plaaslike koffie kos sowat R15 en tee omtrent R5.…

Hart van die Swartland In die skilderagtige Riebeek-vallei wag Merindol Manor – ’n huis wat in 1904 gebou en met sorg gerestoureer is om gaste met ouwêreldse sjarme te verwelkom. Maak jou tuis in die ruim Manor House of die gerestoureerde Barn, ontspan in die pragtuin met sy olyfbome, vrugtebome en swembad, of leen ’n fiets en verken die omgewing. Besoek een van die wynplase, olyfolieprodusente of restaurante. Merindol Manor kweek hul eie groente en die skrophenne lê plaaseiers vir tuisgebak en ontbyt. Gaste word met Belgiese gasvryheid op lekkertes soos granola, jogurt, vars vrugtesap, brood en die heerlike koek van die dag getrakteer. • Meer inligting by www.merindolmanor.com en op Instagram en Facebook.…

Jan van Tonder het die stilte verbreek met sy jongste boek, Die Verevrou. Hierin is hy ’n meesterlike verteller van ’n storie wat hom op ’n volstruisplaas in Algerië afspeel. Jy het kultusstatus in SA, hoekom het ons so lank op die boek gewag? Kultusstatus? Nee. Maar dat Die Verevrou danksy wonderlike lesers my stoutste verwagtinge oortref het, staan soos ’n paal bo water. Met die skryf van die boek was dit vir my asof die Franse meesterpluimbereider wie se lewe en tragiese dood as inspirasie vir die boek gedien het, Luisa Pappalardo, haar bes gedoen het om die projek te smoor. Een en twintig jaar lank. Hoe kies jy ’n onderwerp vir ’n boek? Dit gebeur selde dat ek ’n storie in sy geheel uit die duim suig; meestal…

Brasserie de Paris, in die bekende Karl Jooste-argitekshuis in Pretoria, het ’n baie unieke spyskaart. Sjef Didier Philipot het in Januarie vanjaar na Suid-Afrika teruggekeer nadat hy die afgelope 29 jaar by van die wêreld se toprestaurante gewerk het, en met verskeie pryse bekroon is. Hy vertel sy liefde vir kos kom van ver af – sy agteroupagrootjie het ’n delikatesse in Nancy, Frankryk, gehad en dié se pa het ’n bakkery in Frankryk bedryf. Didier het reeds op twaalf by ’n slaghuis begin werk en as tiener kookklasse geneem. Ná ’n suksesvolle loopbaan as sjef in Suid-Afrika, het hy sy vlerke gesprei en by hotelle soos The Ritz en Sheraton in Londen gaan werk. Hy is nou terug in Suid-Afrika en sê dat sy wêreldavonture ’n groot invloed op…

DEMI LEE MOORE – MIS EET SLAAP HERHAAL. DIE WENNER VAN DIE TV-REEKS DIE KONTRAK, NEEM VANJAAR VYF GHOEMA-MUSIEKPRYSE HUIS TOE. HAAR DEBUUTALBUM HET BESTE POPALBUM DEUR ’N VROULIKE KUNSTENAAR GEWEN, EN ANDER PRYSE SLUIT IN BESTE KOMPOSISIE, BESTE MUSIEKVIDEO, GEWILDSTE LIEDJIE EN ’N ERETOEKENNING VIR BESTE VERKOPER. IVAN ROUX – DAAI DING. DIE NAASWENNER VAN DIE WERKLIKHEIDSREEKS DIE KONTRAK IS MET REDE DIE GHOEMA-MUSIEKPRYSE SE NUWELING VAN DIE JAAR. SY DEBUUTALBUM VERSKAF OPEN-WAKKER LUISTERGENOT EN AANHANGERS SOKKIE DEURNAG OP ONDER MEER DIE TITELSNIT. HOEWEL DAAR RUIMTE VIR VERBETERING IS, VERDIEN ROUX SY PLEK IN DIE KOLLIG. LIANI REYNOLDS – LIGSOOM. ’N ODE AAN LIEFDE EN STORIES VAN ’N PLAASMEISIE WORD SAAMGEKLITS VIR ’N INTERESSANTE DEBUUTALBUM. REYNOLDS HET ’N UNIEKE STEM, EN HAAR DUET SAAM MET JOSHUA NA DIE REËN,…

Ons sit in die garage op ronde houtstoeltjies tussen al die bokse – stoeltjies soos dié van die Drie Beertjies. Of liewer, ek en my oudste sus sit op stoeltjies, my jongste sus sit soos sy altyd sit wanneer sy met diepe konsentrasie aan die werk is: op haar hurke, vorentoe geleun na waarmee sy besig is. Sy kan ure lank so sit. Dat ons San-voorsate het, is duidelik. Pa het dit al ontdek toe hy met sy genealogie-navorsing besig was wat hy in sy fyn skrif sekuur opgeskryf het. Jou voormense dra jy met jou saam. Op daardie bladsye lange lyste van die geslagte kan daar nou ook agter Pa se naam ’n sterfdatum kom. Ma s’n staan al lankal daar: 20 Junie 1982 In syfers lyk dit afgehandel.…

SUPER M-EN-NARTJIE-YSKAS-KAASKOEK GENOEG VIR 6 KAASKOEKBASIS 1 x 200 g-pakkie gemmerkoekies 70 g Clover-botter, gesmelt KAASKOEK 6 velletjies gelatien 500 g roomkaas, by kamertemperatuur sap van 3 nartjies 100 g strooisuiker 10 ml vanieljegeursel knypie sout 250 ml Clover- vars room, tot stywe punte geklop SUPER M-SJOKOLADELAAG 3 velletjies gelatien 1 x 300 ml Clover Super M-sjokoladegeur 3 x 80 g donkersjokolade, gekap 5 ml vanieljegeursel knypie sout afgeskilde en gesnyde nartjies vir opdiening 1 Spuit ’n 20 cm-losboompan met kleefvrye sproei. Voer die boom en kante van die pan met bakpapier uit. 2 Verwerk die gemmerkoekies in ’n voedselverwerker tot fyn krummels. Voeg die gesmelte botter by en meng weer. Gooi die mengsel in die voorbereide pan en druk die basis met jou vingerpunte vas en maak glad met…

KINDERKOS Voor my, het dit gevoel, was die hemel. Ek was sewe jaar oud en vanaf ’n broekielace-stoep het ’n gang gestrek tot by ’n prieel met trosse deurskynende groen druiwe. Dit was my oupa se huis, en sou vir twee jaar my tuiste wees. Die dorp: Graaff-Reinet. Dit was oorlogsjare en my pa het veldwerk as “ingenieur” gekry. Ek en my suster het die tuin soos windhonde gefynkam en op ’n paradys afgekom. Bome vol oranje lukwarte, drie soorte nartjies, ’n amandelboom, geel pruime. Daar was lanings druiwe en grenadellas. Antie Mary, my ma se oudste suster, het oupa bygestaan. Sy was die dorpsbloemiste en het meestal haar eie blomme en loof gekweek. In die agterkamer het baddens vol blomme gestaan, lelies, asters en krisante. Die vreugdes het voortgeduur.…

Toe sy in Japan was, het Tinarie die bekende Kumano Kodo-pelgrimstog stoksielalleen aangedurf. “Daar is ’n hele paar bedevaartsplekke op die roetes, en ek het hierdie liefdesmeditasie, wat ’n vriendin vir my gestuur het, by elkeen vir myself herhaal.” Dit fokus daarop dat jy jouself eers moet liefhê en kan versorg voor jy vir ander kan sorg.” • Mag ek vredig, gelukkig en lig na liggaam en siel wees. • Mag ek veilig wees en nie beserings opdoen nie. • Mag ek vry wees van woede, kwellings, vrees en angstigheid. • Mag ek met begrip en liefde na myself kyk. • Mag ek die bronne van vreugde en geluk in myself herken. • Mag ek leer om die bronne van angs, soeke en waan in myself te herken. • Mag ek weet hoe om di› wat my…

Charlize. Dis nie eens nodig om haar van te noem nie. Daar is net een Charlize. Haar hare is deesdae wel donkerder, maar dis steeds die Charlize wat ons ken. Die Four Seasons Hotel in Los Angeles waar die onderhoud plaasvind, is stampvol joernaliste. Jy kan altyd peil hoe gewild die ster is deur te kyk na hoeveel mense vir die onderhoude opdaag. Vandag is hier nie een oop stoel nie. Charlize was onlangs in die romantiese komedie Long Shot teenoor Seth Rogan te sien. Sy speel die rol van ’n politikus wat aan die Amerikaanse presidentsverkiesing deelneem. Die fliek word beskryf as iets tussen Pretty Woman en There’s Something About Mary, ’n romantiese komedie oor ’n paartjie wat op die oog af nie by mekaar pas nie. Dit skeer…

‘NÓÚ, VIR DIE EERSTE KEER IN MY LEWE, VOEL EK EK HET ’N NUWE DOEL MET MY SANG EN KONSERTE – EK WIL NOU BY MENSE UITKOM EN OP MY MANIER OOK ’N VERSKIL IN HUL LEWE MAAK’ André groet opgewek toe ons mekaar in Saxonwold by vriende van hom se huis ontmoet. Hy het ’n paar jaar in hierdie spogwoonbuurt gewoon maar in 2017 die stof van die stadslewe afgeskud en na ’n plaas, of “plasie” soos hy dit noem, in die Wieg van die Mensdom verhuis. Wanneer hy sake of afsprake in Johannesburg het, bly hy in hierdie statige huis oor. “Dit is gerieflik en ek het my eie woonstel onder in die huis,” sê hy, en roep die huishulp nader om vir ons cappuccinos te maak. André,…

• Ewan borrel behoorlik wanneer hy oor sy gesin praat. “Ek is ’n gesinsmens, en mal oor my twee seuntjies. Kean is nou in graad een, en in daardie stadium dat hy ’n mening oor alles het. Dominic is vier, en ’n regte grapmaker. En Pappa se stouterd! Hulle is twee fantastiese seuntjies, ek is regtig geseënd.” • Hy kan ook nie uitgepraat raak oor sy “fantastiese” vrou nie. “Adrienne is ’n ma duisend en ’n wonderlike vrou. Ek dink nie ek sou sonder haar enigiets gedoen kry nie. Ek ken haar al vyftien jaar, en ons is in 2007 getroud. Ons het mekaar in Thailand in ’n nagklub ontmoet toe ek daar modelwerk gedoen het. Ons het onmiddellik verlief geraak – dit was behoorlik ’n warrelwindromanse - ons het…

STEM JA OF NEE OP ONS VRAAG IN “WAT DINK JY” EN JY KAN ’N NUXE-GESKENKPAK VAN R4 355 WEN. NUXE-SKOONHEIDSPRODUKTE KOMBINEER NATUURLIKE BESTANDDELE MET FRANSE FARMASEUTIESE NAVORSING EN WETENSKAP. VERSKEIE NUXE-PRODUKTE SOOS DIE HUILE PRODIGIEUSE®, CRÈME FRAÎCHE® DE BEAUTÉ, RÊVE DE MIEL® LIP BALM EN NUXELLENCE®, HET REEDS IKOON-STATUS BEREIK. DIE PRODUKTE IS ’N SENSORIESE PLESIER OM TE GEBRUIK EN SPOG MET 45 PATENTE OP EKSKLUSIEWE BESTANDDELE. BESOEK NUXE ZA OP FACEBOOK VIR MEER INLIGTING. VRAAG: DINK JY IEMAND WAT HARTCHIRURGIE GEHAD HET, BEHOORT SIELKUNDIGE TERAPIE TE KRY? BESOEK VANDEESMAAND ONS WEBBLAD, ROOIROSE.CO.ZA EN KLIK OP “WEN” EN DAN “WAT DINK JY”.…

KOREAANSE KORTRIBBREDIE GENOEG VIR 6 Hierdie bredie is ryk en geurig. Sit dit met klapperroomrisotto voor vir ’n ongelooflike nuwe smaakkombinasie. • 2 e (30 ml) olyfolie • 2 kg beeskortrib, in blokke gesny • sout en gemaalde swartpeper • 1 ui, geskil en gekap • 3 knoffelhuisies, geskil en fyngekap • 6 cm gemmer, geskil en gerasper • 3 steranyspeule • 2 kaneelstokkies • ½ k (125 ml) sojasous • ¼ k (60 ml) bruinsuiker • 2 e (30 ml) ryswynasyn • 2 e (30 ml) rooi brandrissiepasta • 1 e (5 ml) sesamolie • 2 k (500 ml) beesvleisaftreksel • 1 e (15 ml) mielieblom • 12 babasprietuie, oorlangs gekap • ’n hand vol vars koljanderblaartjies • 3 e (45 ml) sesamsaad, gerooster 1 Verhit die olie in…

PLANTGEBASEERDE KOSSOORTE DRUK HUL STEMPEL OP DIE WÊRELD AF ’n Plantgebaseerde kosrevolusie vind tans wêreldwyd plaas. Geenvleis-Maandae, en fleksitariër-Vrydae is tans wêreldwyd aan die orde van die dag. Voedsame avokado’s oorheers heerlike vegetariese en veganisgeregte soos groentebakkies, vleislose “make-over”-geregte (bv. tacos), en ook die nuwe “Nosh Platters”. Bowenal laat avo’s die koppe draai op die welstands-A-lys. GESONDE VEROUDERING Die gewildheid van die keto-, paleo-, graanvrye en pegan- (paleo + vegan) diëte kan nie onderskat word nie. Te danke aan hierdie diëte het baie mense weer smaaklike avokado’s ontdek. Avokado’s bevat monoonversadigde vette (wat voordelig is vir hartgesondheid) en goeie HDL-cholesterol. Dis hierdie vette wat bydra tot gesonde veroudering. JOU VINNIGE, MOEITEVRYE MAALTYD Een van die grootste kostendense vir ons besige leefstyl, is vinnige of kitsgeregte. Avo’s is egter nie jou…

Ná tien-plus buitelandse besoeke ken ek darem die basiese dinge rondom inpak, reissekuriteit, vlugtye en meer. Of so het ek gedink tot ek dié reisverhaal neerpen terwyl ek op die aansluitingsvlug huis toe wag. Miskien wou ek heimlik altyd ’n aktrise wees en nou kry ek my kans in ’n eenvrouvertoning, en omdat dit dalk my enigste kans is, moet alles ingeprop word. Dinge loop van meet af aan vreemd. Op die lughawe naby my huis aangekom, is die vlug na Johannesburg eers ’n uur en toe een en ’n halfuur laat. Voor ons instap, basuin ’n luidrugtige Amerikaner met ’n Trump-haarstyl sy eie angs oor hul aansluitingsvlug uit. Afrika is nie vir sissies nie. In Johannesburg sukkel die kajuitpersoneel dertig minute lank om ’n trap vir die vliegtuig te…

VERSORG daardie lyf! Jou vel word daagliks blootgestel aan eksterne faktore wat skade aanrig, soos die son, weer, water en leefstylkeuses. Die natuurlike verouderingsproses dra by tot ’n droë, skurwe veltekstuur, maar gelukkig is dit nooit te laat om jou vel teen die verouderingsproses te begin beskerm nie. Theravine™ Age-Defying Body Care Solutions bevat ’n innoverende AHA Resurfacing Peel wat van dooie selle ontslae raak en ’n gladder en sagter vel tot gevolg het. Die Age-Defying Rejuvenator laat die vel fermer, gladder en helderder lyk en het ’n ligte irisgeur. Bel 021 886 6623 of besoek theravine.co.za vir meer inligting. 38 lesers kan elk ’n Theravine™ Age-Defying-geskenkpak van R710 wen. Sleutelwoord: Theravine Skoon sonder SUKKEL Die Dyson Cyclone V10 Absolute Cordless Vacuum Cleaner maak dit maklik om jou huis silwerskoon…

’n Boekklub wat al vyf vrae reg beantwoord en getrek word, kry elke boek wat in die uitgawe op ons boekrak pryk en deur Graffiti geskenk word. Stuur jou boekklub se naam, posadres en kontaknommer en al die antwoorde na slombaard@caxton.co.za met “Julie-boeke” in die onderwerpreël of besoek rooirose.co.za, klik op “boek” en volg die aanwysings. VRAE: 1 Waar kom die woord “winter” vandaan? 2 Op watter datum het die Winter Olimpiese Spele vanjaar begin? 3 Op watter dag is wintersonstilstand, en wat beteken dit? 4 Wie het gesê: “In the depth of winter I find me an invincible summer”? 5 Watter gewilde televisiereeks se eerste episode is getiteld “Winter is coming”? JUNIE-ANTWOORDE 1 Wie is Hector Pieterson? Die skoolseun wat in 1976 in die Soweto-opstand doodgeskiet is. 2 Watter…

ODETTE GRASKIE is ’n jong kunstenaar wat haar storievertellings en verbeeldingswêreld in verskeie mediums uitleef. Verlede jaar was haar werk gekies vir die Absa L’Atelier Top 100-uitstalling. Sy woeker deesdae met haar kunstalent in haar ateljee in August House in Doornfontein, Johannesburg. Hoeveel uitstallings het jy al gehad en watter een was jou gunsteling? Ek het al drie solo-uitstallings gehad, en ’n hele paar groepuitstallings. My gunsteling-uitstalruimte was verlede jaar by die Turbine Art Fair in Newtown. My installasie was in een van die turbines. Dis net heeltemal anders as daar honderde mense deur die werk kan stap en hul menings lug. Ek het van die mooiste stories gehoor oor wat die werk in mense uitlok. En natuurlik geniet ek ook diegene wat dink die werk is aaklig en lyk…

Intrige, drama en melankolie het die lewe van die Oostenrykse komponis en briljante konsertpianis, Clara Schumann, se lewe gekenmerk. Nou word sy as ’n belangrike komponis van die Romantiese tydperk beskou, maar destyds was vroue nie juis as komponiste geag nie. Buiten komponis, was Clara as ’n wonder-kind bekend en haar begeesterde musiekkonserte was besonder gewild in Europese konsertsale. Sy was ook een van die eerste pianiste wat klavierkonserte van buite geken en dit sonder bladmusiek gespeel het. Maar sy is ook om ander redes bekend. Sy het haar komponisman, Robert Schumann, se werk bevorder en hom die geleentheid gegun om al sy aandag aan sy komposisies te wy terwyl sy die meeste van die geld in die huishouding ingebring het (ongewoon vir daardie tyd). Robert se gesondheid was weens…