Innholdsfortegnelse for April 2019 i Rooi Rose

EK HET ONLANGS iets raakgelees wat ek as ’n ware aha-oomblik moes herken: wat jy met jou dae doen, bepaal die gang van jou lewe. Dit het my nogal ’n bietjie tot stilstand geruk. Ons kan so besig raak met elke dag se sleur en besig wees, en besig wees met besig wees, dat ons die gang van ons lewe buite rekening laat. Ons dink nie na oor wat ons lewe betekenisvol maak nie, ons laat na om ons siele gereeld aan te vul met wat mooi en goed is, want ons is heeltyd besig met ons daaglikse verpligtinge. Dit sê nogal baie van ons as mense dat ons gereeld moeite doen om ons vel te voed, ons hare versorg, ons naels, ons voetsole – en net nie moeite doen…

WEN WEN ’n heerlike geskenkpak van Nuxe ter waarde van R4 385. Hierdie geskenkpak sluit van Nuxe se gewildste produkte vir jou gesig en lyf in, asook ’n heerlike reukwater. KANKER Schmanker Ons deel op ons webblad ’n uittreksel uit Madelein Rust se nuwe boek, ‘Kanker Schmanker’, oor haar stryd teen kanker. Ons het ook ’n keur van haar bloginskrywings wat sy vir ‘rooi rose’ geskryf het, bymekaargemaak. AGTER DIE SKERMS Kom kuier saam by ons prettige pienken-wit voorbladfotosessie met die immer-stylvolle Diaan Lawrenson! ‘rooi rose’-winkel Is jy op soek na ’n unieke geskenk vir jouself of iemand spesiaals? Gaan maak ’n draai by ‘rooi rose’ se aanlynwinkel: rooirosewinkel.co.za…

Jou karakter in die fliek Destroyer is heeltemal anders as die karakters wat jy voorheen gespeel het. Jy is byna onherkenbaar. Was dit moeilik om die karakter af te skud wanneer jy saans huis toe gaan? Ja, dit was heeltemal anders as enigiets wat ek tevore gedoen het. Vier weke voor ek met die fliek begin het, het ons klaar geskiet aan Boy Erased, waarin ek ’n heel ander soort ma gespeel het. Dit is ’n ongelooflike geskenk vir ’n akteur om twee karakters te speel wat op soortgelyke paaie is, maar heeltemal verskillend optree. Dit is ’n geleentheid wat net een keer in ’n akteur se lewe opduik. My rol in Destroyer was intens. Ek is in elke toneel in die fliek, en in sommige…

‘Ek sal graag ’n spesiale vrou wil ontmoet en met ’n gesin begin’ Lee Thompson is as ’t ware met die hand uitgesoek deur die vervaardigers van die eerste Suid-Afrikaanse weergawe van dié baie gewilde internasionale reeks The Bachelor. By ’n onlangse geselligheid waar hy aan lede van die media bekend gestel is, was dit duidelik hoekom dié topfikse internasionale model en entrepreneur so ’n indruk gemaak het. Nie net is hy voorbladmateriaal nie – hy was al op ’n paar voorblaaie van plaaslike én internasionale uitgawes van Men’s Health – maar hy is ook regtig vriendelik. Hy het ons op die rooi tapyt ingewag en elke joernalis persoonlik gegroet – die vroue met twee wangsoene (soos die Europeërs dit doen) en die mans met ’n stewige handdruk, met elkeen…

‘DIE GEVOLG WAS DAT MY LEWE IN ’N HEEL ANDER RIGTING BEWEEG HET AS WAT EK BEPLAN HET. EK HET ONTDEK EK KAN SKRYF ’ Eendag wil Gaynor Young met haar spastiese liggaam ’n skewe danspassie voor ’n dokter gaan doen. Sy wil voor hom gaan staan en sy hand gryp. “Goeiemore, sal jy met my dans, Dokter? Dalk sal dit jou pessimisme wegneem. Want volgens jou moes ek nou op ’n bed gelê het en doelloos voor my uitgestaar het. Sal jy met my dans, Dok?” ’n Droom sou vir haar waar word op daardie Saterdagmiddag in die Pretoriase Staatsteater. Haar debuut in ’n hoofrol. Sy moes instaan vir die siek Kate Normington as Guinevere in Camelot. Maar net voor pouse het haar wêreld getuimel. Vyf verdiepings ver in…

Toe die gewilde aanbieder Johan Stemmet aan die einde van Januarie aankondig hy gaan ná 28 jaar nie meer Noot vir Noot aanbied nie, het duisende kykers dieselfde vrae gevra: Wie gaan nou Mnr. Noot vir Noot se skoene vol staan? En wat gaan Johan nou doen? Johan gesels ontspanne op sy rusbank in die gesellige sitkamer van sy dubbelverdiepinghuis in Northcliff, Johannesburg. “Nee, ek tree glad nie af nie, ek gaan net nie meer aanbied nie. Deur die jare het ons die stel van Noot vir Noot telkemale ’n nuwe baadjie gegee, nuwe speletjies en musiek ingebring en ons uitrustings het moderner geword. Maar ek het nie jonger geword nie. Die tyd is nou ryp dat ’n jonger aanbieder die leisels by my oorneem,” sê hy beslis. “Uiteindelik gaan…

DELIKAAT As jy ’n romantiese siel is wat nie daarvan hou dat jou juwele jou voorkoms oordonder nie, is hierdie ontwerpe vir jou. Die ontwerp laat jou aan die skoonheid van die natuur dink en word na aan die hart gedra. 1 Die juweelontwerper Karin Matthee wou al sedert haar studiejare in Stellenbosch en Duitsland haar eie onderneming begin. Sy het dit reggekry en vandag kan jy Dear Rae-juwele uitken aan die skoonheid en eenvoud daarvan. Dis Karin se doelwit om funksionele bykomstighede op ’n delikate wyse te skep en terselfdertyd plaaslike vervaardiging en ’n etiese werkomgewing te bevorder. • ARMBANDE MET OORGEBLAASDE GOUD (R590) EN EGTE SILWER (R1 100) DEAR RAE. 2 Die Cape Sea Urchin is die gewildste reeks uit Kinkel Jewellery se versameling. As kind het Marleen…

Wat behels al die behandelings wat genoem word? Ons verduidelik: • Active Rejuvenation Treatment (Nimue) is goed vir pigmentasie en bevat ’n bio-aktiewe kompleks wat uit glikolsuur (10%), melksuur (3%) en sitroensuur (2%) bestaan. Die glikolsuur se molekules is klein en dring die vel dieper binne, wat help om die tekstuur en glans te verbeter. Die melk- en sitroensuur skilfer die vel meer oppervlakkig af en laat die vel helderder lyk. • C.R.1-velhernuwingsbehandeling (pHformula) Die C.R. staan vir “Chronic Redness”, en die behandeling is geskik vir veltoestande soos rosacea, chroniese rooiheid, atopiese dermatitis, ekseem, of selfs om ’n normale vel gesond te hou. Die chemiese afskilfering werk sagkens en irriteer nie die vel nie. Die protone wat vrygestel word, ondersteun velhernuwing. • Chemiese afskilfering, ook bekend as velhernuwingsbehandelings. Die tegniek…

‘Ek het nou uiteindelik ’n nuwe, korter haarstyl! Ek het soos ’n glanspersoon gevoel en is baie geëerd dat die span soveel moeite gedoen het’ - Alecia Conradie NAAM: ALECIA CONRADIE. OUDERDOM: 36 BEROEP: BESTUURSREKENMEESTER. Alecia het ’n baie gemaklike styl gehad - sy verkies dieselfde styl en verander ook nie haar haarstyl gereeld nie. Ons doelwit was om Alecia te leer hoe om met modeneigings te eksperimenteer en terselfdertyd dié tendense haar eie te maak. Alecia het ’n slank, regaf figuur en ons het daarin geslaag om vir haar ’n sagte, vroulike maar steeds moderne voorkoms te gee. MODE Neutrale skakerings is nou een van die groot tendense in die modewêreld. Alecia lyk vroulik in dié BLOES (COTTON ON, R249) wat sy by ’n WIT OOPKNOOPROMP (FOREVER 21, R479)…

CRUDITÉ EN WITAAS MET TUISGEMAAKTE HARISSAMAYONNAISE GENOEG VIR 6 Witaas (whitebait) is piepklein vissies wat jy sommer so heel eet. Dié heerlike bros gebraaide vissies word in Frankryk as ’n lekkerny saam met drankies voorgesit. Vra daarvoor by viswinkels, of kyk in supermarkte in die afdeling waar bevrore produkte gehou word. • 6 leë eierboksies • 6 eiers, oopgesny aan die bokant en die geel en wit uitgegooi (gebruik dit vir roereiers vir ontbyt). HARISSA-MAYONNAISE • 2 eiergele • 1 knoffelhuisie, geskil en gekneus • knypie sout • 10 ml Dijonmosterd • 125 ml (½ k) olyfolie • 125 ml (½ k) sonneblomolie • 15 ml suurlemoensap • 30 ml (2 e) harissa-speserymengsel CRUDITÉ • 6 baba-worteltjies, in die lengte deurgesny en blitsig geblansjeer • 12 fyn groenboontjies, blitsig geblansjeer…

• Sorg dat jy ’n goeie kaart het en verkieslik ook ’n GPS met goeie kaarte; albei is beskikbaar by Tracks4Africa. • Die rowwe 4x4-paadjies is nie begaanbaar vir gewone motors nie. ’n Ekstra spaarwiel en gereedskap word aanbeveel. • Daar is ’n verskeidenheid akkommodasiemoontlikhede. Nie al die kampeerplekke het warm storte en elektriese ligte nie. • Daar is nie elektriese ligte in en om die kampeerplekke nie. Neem jou eie ligte en kopligte saam. • Sorg vir genoeg kos en vars water. Vars water is by Sendelingsdrif beskikbaar. • Daar is nie winkels, restaurante of OTM’e in die park nie. • Die Pont by die Sendelingsdrifgrenspos, wat die park met die Namibiese kant verbind, is van 8:00 tot 16:00 oop . • Neem genoeg hout of brikette saam vir…

RUDIE VAN RENSBURG is ’n bekroonde skrywer, dramaturg en kunstenaar wie se speurverhale met kaptein Kassie Kasselman as die hoofkarakter lesers vasgom. In sy jongste pennevrug, Medusa, spook die ietwat onbeholpe antiheld teen mensehandel waarby kinders ook betrek word. As seun van ’n oud-politikus het Rudie se gesin tussen Bloemfontein en die Moederstad gependel. Ná ’n lang loopbaan as joernalis en skakelbeampte wat hom ook permanent Kapenaar gemaak het, het hy hom ook as strokiesprenttekenaar en skilder ontpop. Kapt. Kassie maak sy buiging in Slagyster (2013), en is die afgelope vyf jaar deur Kopskoot, Judaskus, Pirana, Kamikaze en Ys gevolg. Vroue skryf nou ewe fluks uit die misdaadkryt ... Daar is formidabele vroueskrywers in dié genre. Misdaadfiksie sal bly gedy. Die resep van spanning, intrige, onheil, konflik en kinkels bekoor,…

Britstown is ver van Frankryk af, so ook olywe van boerecuisine. Maar Nani Kornelius se kennismaking met Franse kontrei en veral olywe was ’n nuwe oemf. Die wederhelf en ma van twee is eintlik ’n saaklike rekenmeester van beroep. Dit was nou voor ’n olyfie in die asemrowende Avignonstreek haar 15 jaar gelede laat swig het! Ná haar backpack-vakansie is sy aangepor om haar syferagtergrond met haar nuwe passie te kombineer en voilà! Sy skryf ’n besigheidsplan wat ’n nasionale prys wen en wat tot haar olyfwinkel in Johannesburg se Cresta Mall lei. Intussen begin sy toe ’n aanlynwinkel tapenade.co.za vir onder meer korporatiewe geskenke. Aan die einde van 2018 het sy die geskenkwinkel na die gewilde Johannesburgse voorstad Linden (Vierdelaan 84) verskuif. Binnekort volg ’n suster in Egoli se…

VOEL JY DIE GENADE – JO BLACK. DIE ROCKER VIER SY SUKSES HIERMEE. DIE TITELSNIT EN VIDEO WAS GOU TREFFERS. “MY DEBUUTALBUM, SKEPE (2016), HET 35 JAAR GENEEM EN DIE OPVOLG MOES BINNE ’N JAAR GEBEUR,” SPOT HY OOR SY BLITSROEM. HY WIL DAARMEE INSPIREER MET GELOOF, HOOP EN LIEFDE. DIE DIGITALE ALBUM IS NOU BESKIKBAAR. NATURALLY – DECA. DIE ALBUMNAAM IS PROFETIES AANGESIEN DIE INSTRUMENTALE DUO, DECA, HIER MEER ORGANIES IS. DOUW EN HERMAN STEYN IS OP VIOOL EN KITAAR EN HET PERKUSSIE, MANDOLIEN, DWARSFLUIT EN PENNIEFLUIT INGEBRING. DIE CD BEVAT OOK TREFFERS VAN ED SHEERAN EN QUEEN. ’N DUISEND KEUSES - SAMANTHA LEONARD. DIE DEBUUT IS DIE TITEL VAN HAAR EERSTE ENKELSNIT EN VIDEO IN 2018. DIE NUWELING IS ’N VONDS VAN THE VOICE SA II, WAARIN SY…

Aretha Franklin is in Augustus verlede jaar oorlede, maar haar sterk, gevoelvolle stem sal nog lank met ons wees. Wat sy met haar sang bereik het, was werklik formidabel. Sy het meer liedjies op die treffersparade gehad as enige sangeres in die geskiedenis. Haar treffers is te veel om op te noem en ’n mens kan volstaan met “Baby I love You”, “Young, Gifted and Black”, “Do right Woman – do right Man”, “I never loved a Man (the way I love You)”, “I Dreamed a Dream”, “Willing to Forgive”, “A Natural Woman” en “Chain of Fools”. Sy het meer as 75 miljoen albums wêreldwyd verkoop. Maar Aretha het ook moeilike tye beleef. Haar gewig was lank ’n groot probleem. Op 32 het sy ná ’n kitsdieet 18 kg afgeskud…

SIEN DIE MOOI RAAK Dis maklik om jou te verbeel dat daar net slegte goed in Suid-Afrika gebeur – die media basuin immers daagliks moord, doodslag en korrupsie uit. Maar as ’n mens bewustelik kies om die mooi om jou raak te sien, besef jy gou daar is goeie mense oral om jou. Die bejaarde kliënt by die kitskosrestaurant wat inspring en help tafels skoonmaak toe hy sien dat die personeel nie die Sondagmiddag-stormloop kan hanteer nie. Die vullisverwyderaar wat my hekklokkie kom lui omdat hy sien ek het vergeet om my asblik op die sypaadjie te sit. Die veiligheidswag by my werk wat ondanks sy eie vrees vir katte een laataand help om ’n klein weggooikatjie te red. Edward, wat saans onder ’n brug naby my werk slaap en…

OM VERKLEURMANNETJIE TE SPEELIS DEEL VAN AKTRISE WEES Op die Woensdag van ons afspraak word die sitkamer van ’n bekende Kaapse hotel druk besoek. ’n Fyn vrouefiguurtjie sit eenkant by ’n tafeltjie, druk besig om op haar skootrekenaar te werk. Sy het ’n bont kopdoek op en dis moeilik om van agter af te bepaal of dit wel Diaan Lawrenson is. Dis uiteindelik die pienk hare wat plek-plek onder die hooftooisel uitkruip wat my laat besef ek is by die regte mens. Die groot oë, nou vraend op my gerig, kan aan net een mens behoort. Neonpienk hare is nie noodwendig enige vrou se idee van pret nie. Maar as jy jou hare in jou lewe al van oranje en rooi tot bruin en swart moes kleur, deins jy nie…

Nicole Kidman is tans in drie flieks, Aquaman, Destroyer en Boy Erased, te sien, en ook in die lang verwagte Big Little Lies 2 wat later vanjaar in Suid-Afrika wys. Ondanks haar sukses, neem sy niks as vanselfsprekend aan nie. Sy werk hard aan haar loopbaan, haar huwelik met die country-sanger Keith Urban en hul kinders, Sunday Rose en Faith Margaret. Op 51 is sy steeds beeldskoon, en sy aanvaar die ouderdom met grasie. Op die skerm is daar geen sprake van haar Australiese herkoms nie, maar haar sagte aksent skemer deur in haar onderhoud met rooi rose. Destroyer begin op 22 Maart* in Suid-Afrika wys. (*Datum korrek teen druktyd).…

Lee is baie opgewonde oor die troeteldier-aannemingsveldtog (geborg deur Dotsure) wat tydens die advertensiepouses van die weeklikse episodes van The Bachelor uitgesaai sal word. Hy beskou dit as ’n wonderlike platform om mense bewus te maak van diere wat huise soek, aangesien diereskuilings nie altyd geld het vir bemarkingsveldtogte nie. “Ek was nog altyd lief vir kinders en vir diere. Ek het grootgeword met honde en katte, en my onlangse fotosessie saam met ’n paar troeteldiere vir die aannemingsprojek was groot pret.” The Bachelor is wêreldwyd ’n groot gunsteling onder TVkykers. Daar was al 22 Amerikaanse reekse, en die regte is aan meer as dertig lande verkoop. In 2017 het kykers in Amerika, Kanada, Duitsland, Nieu-Seeland, Swede, Finland, Rusland, Switserland én die Oekraïne dit as nommereen op hul lysie van…

In Februarie het Eskom vir die eerste keer in ons land se geskiedenis fase vier-beurtkrag ingestel, en elke dag bring nuwe nuus oor probleme by ons nasionale kragvoorsiener. Boonop het Eskom al weer by die Nasionale Energiereguleerder (Nersa) aansoek gedoen om toestemming om ons reeds hoë elektrisiteitstariewe te verhoog. Waar laat dit ons as verbruikers? Wat het die Eskom-krisis veroorsaak? Eskom in sy huidige vorm was nie volhoubaar nie – nie finansieel, operasioneel of wat die omgewing betref nie. Die grootste probleem was gebrekkige beplanning. Medupi en Kusile, die twee nuwe kragstasies wat steeds in aanbou is, moes reeds in 2015 begin het om 9 600MW krag te lewer. Maar dit gaan nog jare duur om te voltooi, en konstruksiekoste het al meer as verdubbel tot R290 miljard. Hoër koste…

MEER AS NET BETYDS Die ontwerpe van Swatchhorlosies is meer as ’n versiering vir jou pols. Die Swatch-styl is tydloos, veelsydig en fyn afgerond, en dis pure persoonlikheid by jou voorkoms. Daar is ’n styl vir elke voorkeur en leefstyl. HORLOSIE (R2 570) THE SWATCH GROUP. TOEKA EN DIE TOEKOMS Wat is beter as die perfekte jeans? Broeke se middels kruip al hoe hoër wat tot die nuwe Ribcage-jeans van Levi’s gelei het. Dié styl laat die eras van toe en nou ontmoet. Dink aan gemak, sonder om van die 501-styl af weg te dwaal. JEANS (R1 299; 32-42) LEVI’S. TUSSEN HEMEL EN AARDE Die nuwe reeks van WANT Les Essentiels is ’n ode aan die skoonheid van die natuur. In Futurespective Notions se ontwerpe word kontraste met swart en…

KRY JOU TYDSKRIF DEUR DIE POS • Skryf in op rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaard-tariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CTP LTD T/A MAGS@HOME Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Donderdag tussen 08:00 en 16:00, Vrydae tussen 08:00 en 15:30 as jy wil inteken. Navrae: e-pos subs@magsathome.co.za 4 REDES OM OP ROOI ROSE IN TE TEKEN 1 Jy spaar 35% - 45%. 2 Jy…

SCHWARZKOPF PROFESSIONAL OSIS+BOHO REBEL IN BRUNETTE (R289, UITGESOEKTE SALONNE) Ek hou baie van hierdie produk. Dis maklik om aan te wend en laat nie ooglopende wit poeiermerke op jou hare soos die meeste ander droë sjampoes nie – beslis ’n pluspunt wanneer jy donker hare het. Dis maklik om die produk deur te kam en ek kan dit sommer ook met my vingers invryf en goeie resultate kry. My hare is skoon en ek kry ook tekstuur by wat wondere vir my gladde hare doen. My hare voel selfs goed nadat ek dit twee agtereenvolgende dae gebruik het GIRLS ONLY DRY SHAMPOO IN ARGAN OIL BRUNETTE (R45, DIS-CHEM) Ek gebruik selde droë sjampoe – ek was gewoonlik my hare as dit olierig voel. En daar is ek toe aangenaam verras…

• Reël ’n allergietoets by jou dokter. • Sny alles met dierevleis uit. Dit sluit in skaap, bees, vark, bok en selfs wildsvleis, maalvleis, wors, spek, kouevleis, biltong en droëwors. Ook gelatien (dikwels in lekkers, stafies, jellie en yskasterte). • Sny gekoopte kos met die volgende op die voedseletiket uit: aspic, albumin, gelatin, added animal fat, tallow, lard, natural flavourings, rennet en collagen. Jy kan moontlik ook reageer op stearic acid en magnesium stearate, wat wyd in grimeermiddels, skoonmaakmiddels, sjampoes, sepe, opwassepe, kerse en selfs in lekkergoed gebruik word. • As jy ’n allergiese reaksie het Vir mense met ’n ligte reaksie is ’n antihistamien voldoende. Maar as jy asma kry en/of opswel, hou ’n allergiepen byderhand in geval jy in anafilaktiese (dodelike) skok gaan.…

Anthea Pretorius Ouers wat saambid; ouers wat raad vra by kundiges; ouers wat konsekwent is; ouers wat deeglik kommunikeer en wat op liefdevolle, maar ferm wyse vir hul kinders op foute wys en hulle nie verneder, verniel, dreig of aanrand nie. Ouers bedoel merendeels goed en hul eie onvermoë of moegheid kan veroorsaak dat hulle situasies verkeerd hanteer. Vergifnis vir mekaar is so belangrik, want niemand is volmaak nie. Emelia van der Westhuizen Wees konsekwent en verduidelik die redes vir dissipline aan kinders, natuurlik op die vlak wat elke ouderdomsgroep verstaan. Verder sluit dissipline respek in, maar ouers moet ook respek aan kinders betoon om te bevestig dat dit wederkerig is. Anke Wilhelm Ek dink 'n streng roetine is die sleutel tot goeie dissipline. Ek dink ouers sukkel soms om…

WYN VAN DIE MAAND Survivor Chenin Blanc. Die Survivor-wynreeks se unieke naam het sy oorsprong te danke aan ’n wispelturige Nguni-koei wat van ’n veetrok ontsnap en tussen die wingerde beland het. Die dapper koei leef steeds en verskyn op elke bottel omdat dit die vrye gees van die Swartland so mooi vasvang. Ek het veral van die Survivor Chenin Blanc met sy perske- en appelkoosgeure en vars lemmetjieeinde gehou. Die wyn word in vate gefermenteer en die eikehout is goed in die wyn geïntegreer. (R120 per bottel by die kelder.) OP DIE DUINE KOOKBOEK VAN DIE MAAND  In Duinhuis (Human en Rousseau, R400) word jy genooi om by Isabella Niehaus se gulhartige langtafel aan te sit. Isabella is ’n deernisvolle, kreatiewe mens en ’n ongelooflik gasvrye kok. Sondae gooi sy…

STEM JA OF NEE OP ONS VRAAG IN “WAT DINK JY” EN JY KAN ’N DERMALOGICA-GESKENKPAK VAN R3 000 WEN. DIE GEMIDDELDE VOLWASSENE VERLOOR AMPER ’N HALWE LITER VOG PER DAG DEUR DIE VEL. VOEG SKADELIKE OMGEWINGSFAKTORE EN BESIGE LEEFSTYLE DAARBY EN DIS TE VERSTANE DAT VOGROME MEER MOET DOEN AS NET DIE VEL HIDREER. DERMALOGICA SE NUWE SKIN SMOOTHING CREAM IS ’N TEGNOLOGIES GEVORDERDE VOGROOM WAT AL HIERDIE KWESSIES TAKEL DANKSY DIE ACTIVE HYDRAMESH™-TEGNOLOGIE DAARIN WAT DIE VEL 48 UUR LANK GEHIDREER HOU. BESOEK DERMALOGICA.CO.ZA VIR MEER INLIGTING. VRAAG: DINK JY KOSHUISSTUDENTE VAAR REGTIG BETER? BESOEK VANDEESMAAND ONS WEBBLAD, ROOIROSE.CO.ZA EN KLIK OP “WEN” EN DAN “WAT DINK JY”.…

ONVERBETERLIK Is jou ideale reistas ook een wat ligweg hanteer, maar die maksimum pakplek bied? ’n Meisie het mos ál haar mooi(maak)goed nodig ... Thule se splinternuwe reeks, Thule Revolve, bied jou duursame reistasse in vier groottes en drie kleure. Die soliede binneraamwerk, versterkte voorpaneel, hoekbeskermers, stewige slotte en hoë gehalte ritssluiters beveilig die inhoud van jou tas. Die agtwielstelsel met oorgroot agterwiele verseker dat die Thule Revolve soos ’n droom navigeer, en gladweg oor gladde én growwe oppervlakke beweeg. Een leser kan ’n Thule geskenkbewys ter waarde van R5 000 wen. SMS Thule, jou naam, adres en ID-nommer na 48409. ’n SMS kos R1,50 en jy kan soveel SMS’e stuur soos jy wil. Gratis SMS’e geld nie. Sluitdatum: 30 April. Bepalings en voorwaardes op bl. 74. DIE EWIGE STAD…

Ek vat my ouma se koue hand, vou die ander een bo-oor om haar ’n bietjie hitte te gee. Haar hand is net bene en sy is altyd koud. Ek is bly dis April-vakansie – al is die meeste daarvan in Maart – sodat ek en Pa ook plaas toe kon kom, want ons weet nie hoe lank Ouma nog het nie. “Ek wil ietsie hê, Dyntjie.” Sy glimlag en haar oë is blink in die holtes. “Wat, Ouma?” “’n Bietjie boomgom. Kan ek jou vra ... ?” “Ek sal kyk of ek kan kry, Ouma.” Ek kies koers na Silwerbaard se dam toe. Oupa het die kamp na sy eerste boerbok vernoem wat glo ’n goed beneukte ram was wat net een manier van interaksie geken het. Ek loop…

’n Boekklub wat al vyf vrae reg beantwoord en getrek word, kry elke boek wat in die uitgawe op ons boekrak pryk en deur Graffiti geskenk word. Stuur jou boekklub se naam, posadres en kontaknommer en al die antwoorde na slombaard@caxton.co.za met “April-boeke” in die onderwerpreël, of besoek rooirose.co.za, klik op “boek” en volg die aanwysings. Onthou Google kan help! VRAE 1 Paasfees is die oudste Christelike viering - wat word in dié tyd herdenk? 2 Van watter Anglo-Saksiese godin kry die woord “Pase” sy oorsprong? 3 Waar het die kuns van eierverf ontstaan? 4 In watter groot oorlog het sjokolade-Paashase binne hol geword en hoekom? 5 Uit watter boonsade stam sjokolade? MAART-ANTWOORDE: 1 “Song of myself”. Digter? Walt Whitman. 2 Watter SA-groep het “Hi Casanova” gesing? 4 Jacks and…

DIT GEBEUR MIN DAT JY OP 17, vars van die Pretoriase skoolbanke, jou droom in die Groot Appel leef, maar vir Nina Torr was dit in die sterre! Terug in haar heimat, woeker Nina met haar talente. As illustreerder/skilder kan sy oe-en-a-uitstallings aftik, en is dosent aan die Open Windowkunsakademie in Pretoria. Vanjaar voltooi sy ook haar meestersgraad in beeldende kuns aan die Universiteit van Johannesburg. Haar bloed pomp dik met kreatiewe gene: musieklegendes Laurika Rauch en Christopher Torr is haar ouers. “’n Kultuuragtergrond is voordelig maar g’n voorvereiste nie. Kunstenaars is hardkoppig en maak plan. Tog was ek gelukkig in ’n huis vol kunsboeke en ouers wat saam met my geteken het.” Ná matriek het sy aan die Parsons-ontwerpskool in New York gaan studeer - om te skilder, maar…

Onder die vele toekennings wat sy in haar lewe ontvang het, was: ’n ster in die Hollywood Walk of Fame (1979), die eerste vrou wat in die Rock n Roll Hall of Fame (1987) gehuldig is. In 1994 het sy ’n Grammy Lifetime Achievement-toekenning gekry, in 1999 het sy die National Medal of Arts ontvang en in 2005 was sy die tweede vrou wat in die Britse Music Hall of Fame gehuldig is. In 2010 is sy eerste op die Rolling Stones- tydskrif se lys van “100 Greatest Singers of All Time” en negende op hul lys van “100 Greatest Artists of All Time”. Asteroïed 249516 is in 2014 na Aretha vernoem.…

PAASBOLLETJIE-EN-BOTTER-POEDING Genoeg vir 6-8 Clover Mooiriver botter om die Paasbolletjies en oondbak mee te smeer 1 e gemaalde kaneel (½ e om by die vla te meng en ½ e om by die strooisuiker te meng) 4 t strooisuiker 6 Paasbolletjies, gesny 1 x 80 g-blok sjokolade, in klein blokkies gesny 500 ml (2 k) Clover Classic Vanilla Custard 2 eiergele bevrore frambose en bloubessies, vir opdiening ekstra Clover Classic Vanilla Custard, vir opdiening 1 Voorverhit die oond tot 180 °C. 2 Smeer ’n oondvaste bak met botter. Meng die kaneel en strooisuiker en strooi dit in die gesmeerde oondvaste bak. Hou van die kaneelsuiker oor om later oor die poeding te strooi. 3 Smeer botter aan albei kante van die oopgesnyde Paasbolletjies en pak in die oondvaste bak. Strooi…

DANKIE, ROOI ROSE Hoe sê ’n mens dankie vir ’n tydskrif wat dit vir jou moontlik gemaak het om oor ’n tydperk van amper vyftig jaar duisende rande te spaar? Die verhaal begin in 1970 (dalk 1971) met ’n rooi rose-kompetisie. Die opdrag: “Skryf vir ons ’n verhaal oor jou ouma se Singer-masjien”. Ek was in daardie stadium ’n student en het my ouma se verhaal geskryf. ’n Paar uitgawes later verskyn die wenstories en die lesers moet ’n wenner kies. Nog tyd verloop en een oggend bel die buurvrou en vertel opgewonde dat ek die kompetisie gewen het! My prys: Die grootste, nuutste, mees moderne Singer-masjien in die reeks: die Singer 700 met sy kabinet! Ongeloof, verbasing, vreugde en veral trane oor die herinneringe aan ’n ouma…

Anthea Pretorius (57), projekbestuurder, Pretoria. Om Paaseiers en Paashasies te koop en weg te steek is heerlik, maar in ons gesin was die klem op die grootse gebeurtenis wat Paasfees ewige betekenis gee, naamlik Christus. Emelia van der Westhuizen, (58), gastehuisbestuurder, Roodepoort. Die reuk van kerrie wat die huis vul met my Moeksie en Nanna wat tradisionele gepiekelde vis voorberei. Geleenthede word altyd met kos ingekleur en nie oorheers nie. Dit is steeds deel van ons Paasete, tesame met Paasbolletjies en slaaie. Ek sorg dat my Moeksie van amper 96 steeds dit geniet wat sy begin het. Anke Wilhelm (36), senior lektor, Bloemfontein. My ma het altyd so baie moeite vir ons gedoen met Paasfees! As jy uit jou kamer kom, was daar ’n mandjie met ’n strikkie en dan…

Diaan is veelsydig en is al sedert haar sepiedae by uiteenlopende goed betrokke. “’n Mens moet maar aanvaar nie als wat jy probeer, is noodwendig ewe suksesvol nie. Dis maar ’n kwessie van aanhou probeer en vertrou dat party balle wat jy in die pad af rol, wel die paal sal haal. “Ek is by twee flieks betrokke vanjaar. Een daarvan, Magic, speel hom in die laat jare sewentig in Pretoria af en ek is in die rol van die Ierse towenaar se Afrikaanse vrou. Die koms van televisie het ’n negatiewe invloed op sy werk en hul lewe saam. Dis lekker komplekse karakters en daar is internasionale akteurs betrokke. “En dan is ek baie opgewonde oor die dokumentêr, Wakker slaap, wat ek en Jody oor die maak van David…

Dis halfses in die oggend. Die selfoonwekker lui, maar die sluimerknoppie gun haar nog vyf minute se rus. Toe skakel sy die lig in haar kamer in die ruim, gerieflike huis in Auckland Park, Johannesburg, aan. ’n Buitengewoon klein vroutjie borsel haar tande en kyk in die spieël. Haar kort krulledos weier om elke dag dieselfde te lyk en wip vanoggend woes. Die kepe van die lewe wys om haar mondhoeke. Sy glimlag en haar sagte groen oë vonkel en versag die plooitjies om haar lippe. Sy het vrede gemaak met wat die spieël weerkaats. Sy tel haar seëninge. Sy het onlangs haar sewentigste verjaardag gevier. Haar boetie en ’n vriendin wat sy al oor die sestig jaar ken, noem haar Titte. Ander noem haar Annie (die Engelse uitspraak), Miss…

Om by Tarryn se blyplek uit te kom, moet jy teen die steiltes kan uit. Eers teen die Bo-Kaap se hoë hange op, verby die kenmerkende, helderkleurige skouerteen-skouer skakelhuisies. En dan nog ’n hoër keisteenstraat op, Leeukop se kant toe. Die vorige aand het hulle asem opgehou. ’n Bosslaper het ’n brand teen Leeukop laat ontstaan. Maar nou lyk dinge weer onder beheer - daar is nog net ’n rokerige dynserigheid wat vertel van ’n ramp wat genadiglik vroegtydig afgeweer is. Sy kom teen die trappe langs die huis afgeloop. Op 27 nog veel fyner in lewende lywe as haar karakter in die kykNET-drama, Dwaalster, waarin sy as doofstom kelnerin haar klante op rolskaatse bedien. Onopgesmuk, maar tog met ’n onderbeklemtoonde grasie in ’n los toppie en kortbroek. Ons plons…

Die gewilde skrywer Madelein Rust se pad met kanker het op ’n ysige Saterdagoggend in Julie 2015 begin. “’n Mens onthou hierdie klein dingetjies glashelder. Ek het na my bors in die spieël gekyk en net gewéét.” Twee dae later het sy die amptelike diagnose gekry, en twee weke later is haar regterbors verwyder. Die amptelike diagnose was eintlik net die “punt na die sin”, vertel dié Johannesburgse bedryfspesialis en skrywer van vyf topverkoper-spanningsromans. (Haar sesde roman verskyn in Junie.) “Of dalk die uitroepteken. Ek het toe al ’n ruk erge pyn in my bors gehad, maar het ewe wintie ’n selfdiagnose gedoen. Ek het gedink dis maar net een van my vele siste wat moeilikheid maak. Die pyn het met hitte en swelling gepaardgegaan, so ek het dokter Google…

Rolene Strauss (26) Mej. Wêreld 2014, motiveringspreker en mede-eienaar van ’n gesondheidsentrum. Kombinasievel. ‘Jou vel is jou grootste orgaan, en dit is vir my verskriklik belangrik om na my vel om te sien’ Biomedical Emporium Translucent Day SPF 30 beskerm en bevogtig my vel elke dag. Biomedical Emporium se Skin Repair Serum is ’n alles-in-een room wat wondere verrig. Dit is lig, vars, strelend en genesend. Ek gebruik saans net die serum en geen ander rome nie. Gesonde, voedsame kos, genoeg water en gereelde oefening het ’n direkte invloed op my vel. Ek probeer om een tot twee keer per week geen grimering te dra nie. Dit doen wondere vir my vel. Mesoterapie is wêreldwyd bekend as een van die beste teenveroudering- en voorkomende behandelings. Ek het toegang tot…

Caxton Magazines en Woolworths het saamgespan. Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolworths kan afhaal. Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. 3 Opsies beskikbaar: Skryf aanlyn in: magsathome.co.za/magazing.htm Bel: 087 405 2002. E-pos: subs@magsathome.co.za en ontvang jou maandelikse tydskrifkoopbewys via SMS. Haal jou tydskrif af: gebruik jou Woolies-kaart en hou jou koopbewysstaafkode gereed. Bepalings en voorwaardes • Hierdie aanbod geld slegs nuwe subskripsies. • Hierdie koopbewys mag saam met enige ander Woolworths-koopbewys gebruik word. • Die koopbewys moet saam met enige van die volgende kaarte* gebruik word: Woolworths Credit Card,…

AHA! Vir ons is grootste trekpleister van die REN READY STEADY GLOW AHA TONIC (R530, BESKIKBAAR BY WOOLWORTHS EN RENSKINCARE.CO.ZA) nie net dat jou vel helder en jou porieë minder sigbaar sal lyk nie, maar dat ons ons skoonheidsroetine met ’n stap kan verkort. Verfris en afskilfer in een stap! Dit is so maklik soos wend dit met watte aan nadat jy jou gesig gewas het en die alfa-hidroksiesure maak dooie velletjies los en skilfer dit af. Mengeldrankie VIR JOU VEL Kyk jy na die lys voordele van SIX VITAMIN BOOSTER OIL (R645 VIR 50 ML, BESKIKBAAR BY UITGESOEKTE SALONNE EN SPA’S), soos hidrasie, beter mikrosirkulasie, beskerming teen vrye radikale en ’n verbeterde sperfunksie, is dit byna net so lank soos die lysie plantolies wat gebruik word - van soet…

Jou kind het ’n uitslag. Jy weet dit is waarskynlik urtikaria (huiduitslag of galbulte) en sny nie moontlike “allergiese” kosse uit nie. Die meeste ma’s aanvaar ’n uitslag is ’n sterk en selfs definitiewe teken van allergie. Baie sit dan die kind op ’n dieet sonder melk, eiers ... Te dikwels veroorsaak dit dat die kind nie voldoende en belangrike voedingstowwe vir sy brein, skelet en groei inkry nie. Maar volgens die South African Food Sensitisation and Food Allergy (SAFFA)-ondersoek het minder as drie uit elke honderd Suid-Afrikaanse kinders werklik ’n allergie. Eintlik is allergieë skaars, en ’n onnodige allergiedieet is nutteloos vir jou kind. Dit beteken nie dat ’n uitslag om ander redes nie lastig en/of selfs lewensgevaarlik kan wees nie. Maar ’n mens moet onderskei tussen ’n uitslag…

GESOND SONDER LAKTOSE As jy en laktose nie maats is nie, sal Nolac jou breed laat glimlag. Dié melk is laktosevry en is nou ook met vitamien D en kalsium verryk. Dus: al die goedheid van melk, sonder die laktose. Die melk is beskikbaar as ultra-gepasteuriseerd (sowat R18,99 per liter) sowel as UHT (langlewemelk, teen sowat R16,49 per liter). OLIKHEID NA DIE VROLIKHEID WEN HIERDIE MAAND Paasfees is om die draai en dit beteken sjokolade en feesvier. Ongelukkig is ’n oordaad ryk kos, speserye en drankies glad nie gaaf met jou lewer nie en die rede waarom olikheid so maklik op vrolikheid volg. Nativa Liver Complex is ’n aanvulling wat jou lewer help om met oordaad en detokskwessies klaar te speel. Sowat R55 vir 10 kapsules en R107 vir 30.…

Ingrid het die erf sowat tien jaar gelede met die hand uitgesoek en met die hulp van die bekende argitek Johan Wessels het ’n besondere leefhuis op die stuk grond verrys. Johan ontwerp ook wynkelders en is onder meer bekend vir die kelders wat hy vir Graham Beck gebou het. Aan die begin van die uitgrawings het hulle op baie graniet afgekom wat Ingrid in haar huis, asook vir die swembad en buitemure gebruik het. DIE WOONKAMER IS IN NEUTRALE KLEURE VERSIER. HIER WOON OOGLOPEND MENSE MET ’N LIEFDE VIR LEES. DIE TWEE MOPSHONDE, PEANUT EN BOTTER, HET HIER OOK ’N HOLTE VIR HUL POTE GEVIND. DIE KOMBUIS SE SENTRALE PUNT IS DIE BESONDERE TAFEL WAT INGRID IN DIE KAROO OPGESPOOR HET. DIE KEPE IN DIE TAFEL VERTEL DIE STORIE…

Wen ’n WEGBREEK en wyn Jan Harmsgat, ’n plaas wat al sedert 1723 bewerk word, lê in die suide van die Robertson-vallei aan die voet van die Langeberge. Die plaas is slegs twee uur se ry van Kaapstad af, en tussen die prentjiemooi granaatlanings en wingerde kry jy hul vyfstergastehuis. Geniet ’n heerlike plaasontbyt onder die pekanneutbome, of sit vir aandete aan in die fynproewerrestaurant en skink van die bekroonde wyne van die plaas. Jy kan ook ’n 4x4-wynsafari op die landgoed aanpak, of piekniek langs die swembad of onder die bome hou. Besoek jhghouse.com vir meer inligting. Een leser kan wyn, granaatsap en een nag se verblyf vir twee mense wat deel by die Jan Harmsgat-gastehuis wen. Dié prys van R4 890 sluit ontbyt en aandete in. Sleutelwoord: Jan…

SPOGMARK Die Original Artisan ‘Up’ Market se sukses word voortgesit met herfsuitstallings in Kaapstad (Maart) en Johannesburg (April)! Laas jaar het KAMERS/ Makers ’n spogseisoen beleef met nuwe uitstallers, plekke en stede wat vir ’n rekordgetal van sowat 50 000 kopers gesorg het. Meer as 30% van die makers by elke vertoning was nuwe uitstallers. Verwag meer plaaslike kreatiwiteit, innovasie en entrepreneurskap met 2019 se tema: Celebrating The Artisan Way. Besoek die sosiale kettings of kamersvol.com BOK en kie by fees Plaaslike sterre soos Snotkop, Robbie Wessels, Refentse en Bok van Blerk tree op by die eerste Rustig Plaasstyl Musiekfees op 13 April 2019 in die Magaliesberg. Die pragtige familieplaas Rustig is perfek vir gesinspret met musiek en boerekos. Toegang R300 per volwassene en kinders ouer as 12. Twee kinders…

A Bird Named Frank abirdnamedfrank.co.za Accessorize 011 884 4643, 021 425 7701, 031 265 2525 African Extracts 021 514 3100 Aldo 011 555 2300 Biomedical Emporium Medispa’s, salonne, biomedicalemporium.com Black Betty 072 803 9456 Catrice Cosmetics Dis-Chem, takealot.com Chanel chanel.com Chopard picotandmoss.co.za CJR Gift Sales 011 257 6000 Colette by Colette Hayman 021 937 4686 Cotton On 021 552 9651, 021 981 9366, cottonon.com/ZA Dear Rae dearrae.co.za Derma Shield masque.co.za Dermalogica dermalogica.co.za Elizabeth Arden Edgars, Foschini, Truworths, Woolworths, Clicks, Dis-Chem Environ environskincare.com/za/ Esque Esque.co.za Famke famke.co.za Fossil Group 021 555 1848 Gary Rom garyrom.co.za Girls Only Dis-Chem H&M 0860 690 707, hm.com/za Heliocare 011 545 9300 Iloni 082 829 8027 NYX Clicks Janita Toerien janitatoerien.co.za Jenna Clifford 011 523 6600…

Toe ek in standerd ses was, het ek ’n string ligpienk plastiekpêrels gewen omdat ek die netjiesste babarok in die huishoudkundeklas gemaak het. Wel ... eintlik moes my ma die prys gekry het, want in werklikheid was dit sý wat die rok gemaak het. Sý is die een wat nagte aaneen gesit en stik en smok het, en perfekte kruissteke om die kragie geborduur het. Nou, byna vier en dertig jaar later, kan ek oor my bedrogspul bieg, noudat die naaldwerkjuffrou ook al ’n hele paar jaar saliger is, en ek intussen van die motgevrete bewysstuk ontslae kon raak. Soos die meeste swendelaars is my verweer ook dat ek nie gekul het omdat ek wou nie, maar omdat daar geen ander uitweg was nie. Want sien, wanneer dit by naaldwerk…

GEROOSTERDE LAMSLENDETJOPS MET KRAKERIGE AARTAPPELS EN CREAM O’ NAISE Genoeg vir 4-6 GEROOSTERDE LAMSTJOPS 800 g - 1,2 kg lamslendetjops 2 knoffelhuisies, fyngedruk Takkie roosmaryn Sout en peper na smaak Skeut olyfolie AARTAPPELS 500 g baba-aartappels, in soutwater gekook 100 g parmesaankaas, gerasper Skeut olyfolie Sout en peper na smaak CREAM O’ NAISE-SOUS 125 ml (½ k) Cream O’ Naise ’n Hand vol roosmaryn, fyngekap 1 knoffelhuisie, fyngedruk Gerasperde skil van ’n halwe suurlemoen Geskroeide tamaties aan die stingel vir opdiening Pers basiliekruidblare vir garnering 1 Voorverhit die oondrooster. 2 Bedruip die lamstjops met olyfolie en geur met sout en peper. Verhit ’n riffelpan en braai die tjops daarin vir sowat 2 min aan elke kant. Voeg die roosmaryn en fyngedrukte knoffel by wanneer die vleis halfgaar is. Die braaityd…