Innholdsfortegnelse for Maart 2019 i Rooi Rose

ELKEEN VAN ONS is soveel meer en tegelyk soveel minder as die som van ons dele. Om dit ’n bietjie duideliker te stel: Ons is wie ons is as ons besig bly met wie ons is, en ophou om te probeer wees wie ons dink ons behoort te wees. Ons kom vroeg-vroeg agter wie ander dink ons behoort te wees, want hulle sê vir ons ... maak so, moenie so maak, dink, doen of glo nie. Nog lank voordat ons onsself herken, word ons gewys wie ons behoort te wees, soos wie ons behoort te wees, wat ons moet wees om ander gelukkig te maak of tevrede te stel. Noudat ek kleinkinders het, besef ek eers dat ons in die wêreld kom as volwaardige wesens. Wat ouers eintlik behoort te…

WEN Twee gelukkige lesers kan elk ’n geskenkpak ter waarde van R2 730 van RVB Skinlab wen. Die geskenke sluit RVB Skinlab se Icon Time Renewal Cream en Icon Time Trilogy Kit in. Teken in op ons NUUSBRIEWE Ons het twee nuusbriewe wat ons weekliks uitstuur om jou te inspireer. Teken gerus in op ons algemene nuusbrief vir lekkerleesartikels en op ons kookbrief vir heerlike resepte. Besoek ons webblad, klik op “teken in” en kies die nuusbrief waarop jy wil inteken. AGTER DIE SKERMS Ons het te heerlik saam met die ongelooflike Erica Wessels gekuier tydens haar voorbladfotosessie in Kaapstad. Maak ’n Kaapse draai na ons webblad toe en kry ’n kykie agter die skerms. ‘LIKE’ JY ONS? Volg jy ons op twitter, Instagram, en facebook? Ons deel die jongste…

Hoekom is Murphy Brown nou weer relevant? Dis die rede waarom ons die reeks teruggebring het! Ek en die skepper van Murphy Brown, Diane English, is vriendinne en kollegas, en mense het ons dikwels gevra of ons die reeks sou terugbring. Ons het altyd gewonder hoekom? Ons het dit mos gedoen. Maar toe het allerhande interessante goed begin gebeur, en daar was ook nuwe temas om te verken, en ek dink ons het dit reggekry om dit op ’n humoristiese, slim manier aan te raak. Dis fantasties om die ou span terug te hê op stel. Dat ons almal nog leef, is ook fantasties (lag!) Ons het nege episodes gedoen, en het onder meer kwessies soos die #MeToo-beweging en immigrasie aangeraak. Ons het drie weke geskiet…

Dis 12 Januarie en ’n lieflike dag op Cavalli. Op die gastelys is ook die room van Suid-Afrikaanse rugbylui. Die vroue is deurgaans in swart skeppings geklee en elk spog met ’n wit Chinese sambreeltjie wat hulle teen die Kaapse son beskerm. Vier bruidsmeisies en vier strooijonkers staan die paartjie by. Toe “The Prayer” van Andrea Bocelli en Celine Dion speel, stap Alise aan die arm van haar pa in die paadjie af. Die bruid is ragfyn en beeldskoon. Met haar eenvoudige haarstyl, pêreloorkrabbetjies, wye trourok en katedraalsluier lyk sy stylvol en adellik. Ná afloop van ’n emosionele diens word canapés en drankies op die ruim stoepe en grasperke bedien. Die onthaalsaal is ’n lus vir die oog. Die hele plafon is met loof en blomme bedek en elke tafel…

Die ouderdom het Sandra goed behandel. “Dis in my gene,” vertel sy. “My ouers het albei tot in die negentig gelewe en veral my pa het ’n baie goeie vel gehad. Verder pas ek myself goed op. Ek drink baie water en eet gesond. Ek sorg ook dat ek fiks bly en stap elke dag ver met my honde.” Die jaar 2018 was vir haar vol hoogtepunte - ’n goeie werkjaar. “Ek het afgeskop met ’n reeks vir kykNET, Mense Mense.” Daarna het sy The Road to Mecca van Athol Fugard aangepak. “Dit was fantasties. Ons het amper agt weke lank voor vol sale gespeel. Dit is ongehoord vir ’n drama. Ek het die verhoog met Marius Weyers en Emily Child gedeel. Dit was uitdagend en kosbaar om hierdie keer…

In 2018 is Suid-Afrikaners se sakke behoorlik geskud deur verhoging op verhoging - van BTW tot die petrolprys. Voeg daarby ’n wêreldwye resessie en politieke onsekerheid wat tot ’n swakker ekonomie gelei het, en jy kry die (donker) prentjie. Maar ons het oorleef en is reg om 2019 en sy finansiële uitdagings met nuwe moed aan te pak. Hier is ons kennerswenke: 1 Kontant is koning! As jy jou werklik tot optrede wil skok, neem al jou finansiële state (kredietkaarte, winkelkaarte, lenings, ens.) en tel op hoeveel jy maandeliks aan skuld betaal. Probeer om vanjaar geen nuwe skuld te maak nie en meer dinge kontant te koop. So vermy jy hoë rente op skuld én raak jy meer bewus van hoeveel geld jy werklik bestee en waaraan. Begin deur jou…

Die oudste kelnerin in Pretoria groet gulhartig. Haar donker oë glinster terwyl sy die stomende koppie boeretroos en ’n gratis sny koek aanbied. Soos altyd kan jy haar deur ’n ring trek. Haar digte bos hare is netjies opgesteek, haar hande keurig versorg en om haar nek pryk ’n parmantige string krale. Toskaanse Tossie Lochner se slanke figuur en elegansie verklap geensins haar 81 somers op aarde nie. Dié voormalige spraakterapeut wat sowat dertig jaar vir die SAUK uit Italië verslag gedoen het, het intussen die radio vir ’n heel ander avontuur verruil. Sy het in die restaurantbedryf beland toe haar lewenspad op ’n dag gekruis het met dié van die Italiaanse Bruna Viola wat by dié koffiekroeg betrokke was. En net daar tussen die rakke van die winkel het…

Slegs by DOKTERS Optihpi is bekend vir sy goeie navorsing en besonderse kosmeseutiese produkte. Met sy DELTA-reeks het Opthipi dit nou selfs ’n treetjie verder geneem. Die reeks is spesifiek ontwerp om saam met estetiese behandelings of estetiese mediese prosedures gebruik te word. Dit help om jou vel beter voor te berei op watter behandelings jy ook al kies, en help jou vel om beter te heel en om die resultate langer te laat hou. ’n Dokter ondersoek jou vel en teken sy bevindings op ’n gestandaardiseerde Delta-stelsel aan, wat dit maklik maak om jou resultate te meet. OPTIPHI POST-STRESS SERUM (R780, BESKIKBAAR BY ESTETIESE DOKTERS, DERMATOLOË EN PLASTIESE CHIRURGE). Betowerende GEUR Die naam van Lancôme se jongste fyngeur, LA NUIT TRÉSOR EAU DE PARFUM (R930 VIR 30 ML), beteken…

Velvratjies en genitale vratjies is verwant Die papilloomvirusse agter soolvratte en ander doodgewone velvratjies is van dieselfde familie as die menslike papilloomvirus wat genitale vratjies veroorsaak. Onverwagse oplossing vir velvratjies Baie volwassenes en kinders sukkel met vratjies wat nie wil weggaan nie. Probeer die HPV-vaksien. Die kans is goed dat jou vratjie veroorsaak word deur een van die lyne wat in die vaksien ingesluit word. Oorweeg dit gerus as jou kind rondom tien, vyftien is. Dan is hy/sy sommer ook beter beskerm teen die genitale vratte en servikskanker wat deur die papilloomvirus veroorsaak kan word. Hoe velvratjies en moesies verskil Vratjies lyk kenmerkend soos ’n blomkoolfloret, met tientalle klein “vingertjies”. Soolvratte lyk glad maar in werklikheid is die “vingertjies” maar net glad afgeskuur omdat jy heeldag op jou voete is…

Christelle Botha Ons ouers se generasie, oor die algemeen, kan/kon nie oor emosionele konflik kommunikeer nie. Ek werk aktief daaraan om nie dieselfde te doen met my kinders nie, en hulle daarmee te help en te leer. Ons praat oor alles: hartseer, woede, teleurstelling. Ons gaan wel weer ander foute maak. Dawn Arendse Die feit dat ons ouers se woord wet was en hulle ons nie die geleentheid gegee het om enigsins van hulle te verskil nie. Ek leer my kinders dat hulle ‘n stem het en dat dit goed is om hul kant van ‘n saak te stel, maar om tog respek te hê vir die ander persoon se siening al stem jy nie noodwendig saam nie Amanda Jacobs Beslis! Ek betaal my ouers se hospitaalplan en het vir…

STEM JA OF NEE OP ONS VRAAG IN “WAT DINK JY” EN JY KAN ’N DERMALOGICA-GESKENKPAK VAN R3 000 WEN. DIE GEMIDDELDE VOLWASSENE VERLOOR AMPER ’N HALWE LITER VOG PER DAG DEUR DIE VEL. VOEG SKADELIKE OMGEWINGSFAKTORE EN BESIGE LEEFSTYLE DAARBY EN DIS TE VERSTANE DAT VOGROME MEER MOET DOEN AS NET DIE VEL HIDREER. DERMALOGICA SE NUWE SKIN SMOOTHING CREAM IS ’N TEGNOLOGIES GEVORDERDE VOGROOM WAT AL HIERDIE KWESSIES TAKEL DANKSY DIE ACTIVE HYDRAMESH™-TEGNOLOGIE DAARIN WAT DIE VEL 48 UUR LANK GEHIDREER HOU. BESOEK DERMALOGICA.CO.ZA VIR MEER INLIGTING. VRAAG: KEN JY ’N BEHEERVRAAT? BESOEK VANDEESMAAND ONS WEBBLAD, ROOIROSE.CO.ZA EN KLIK OP “WEN” EN DAN “WAT DINK JY”.…

Christelle Botha Ja en nee. Video’s en apps werk goed, maar e-handboeke ... Ek het nog nie met ’n mede-ouer gepraat wie se kind dit doeltreffend kan gebruik vir LEER nie. Dit is ’n sinlose aanwending van ’n duur tablet wat net teoreties ’n skooltas moet ligter maak, maar ek ná vier jaar nog nie ondervind het nie. Ons koop steeds handboeke om by die huis te gebruik. Lees en leer en die geheelindruk wat jy per bladsy kry, is baie beter as om telkens ’n nuwe skerm vir teksblokke en diagramme te sien. Amanda Jacobs Ek dink so, ek wens ons het sulke hulpmiddels gehad. Baie keer wanneer ek biblioteek toe gegaan het, was die boeke klaar uit en moes ek sukkel om inligting te kry. Dit sou ook…

BLITSIG OP DIE TAFEL Maaltye - maklike geregte vir elke geleentheid deur Christine Capendale (R325, Human & Rousseau). Met meer as negentig resepte vir blitsige middagen aandetes gaan dié pragboek gou onmisbaar word in jou kombuis. Christine is een van my gunsteling-kospersoonlikhede, want haar resepte is altyd smaaklik en goed beproef. Die boek is geïnspireer deur mense wat hou van lekker en interessante kos en kuiers, maar nie ure voor die kospotte wil staan nie. SNOEPHAPPIETYD Clover se bekostigbare Snack Packsuiwelhappie pas perfek in die kosblik. Die bederfie bevat tien verskillende vitamiene en is beskikbaar in drie geure: gemengde vrugte, piesang en aarbei. R12,99 vir 6 x 70 g-bakkies. MIELIES! Spar Freshline mielies is ’n staatmaker en is veral heerlik oor die kole. Probeer ons lekker geure as jy…

• Wees bereid om hard te werk. • Doen goeie navorsing oor jou produk en bedryf. • Moenie mense te maklik vertrou nie. • Kry goeie finansiële advies en doen ’n kursus in sakebestuur. • Verandering laat jou groei. • Bly gefokus op jou reis en moenie dat kompetisie jou van stryk bring nie. • Probeer verskillende maniere om jou produk uniek te maak. • Moenie “nee” as negatief sien nie. Dit beteken net “nee” vir nou. Dalk verander dinge en kan dieselfde kontak jou aan ’n kollega voorstel, of jou in ’n later stadium gebruik.…

SPAAR EN SKOOLGELD Die stand van die ekonomie laat die meeste van ons les opsê, en baie ouers sukkel om vir hul kinders se skool- en universiteitsopleiding voorsiening te maak. Marius Pretorius van Old Mutual Personal Finance, sê as jou spruit in 2019 met graad R begin, kan jy verwag om tussen R1 400 000 en R3 400 000 onderskeidelik vir staat- en private onderrig te betaal. Dit sluit laerskool, hoërskool en ’n driejaarkursus op universiteit in. Dit wil lyk asof tot 57% van voorstedelike ouers nie doelgerig vir hul kinders se opvoeding spaar nie. Om ’n kind vanjaar in ’n staatskool te plaas, kos sowat R37 000 per jaar en die gemiddeld van private skole is R92 400 per jaar vir ’n laerskool en R148 000 vir ’n hoërskool.…

Daar het onlangs ’n boek op my tafel beland met die roerende titel, “Die Skilpad se Laaste Traan ” (deur Carol Campbell). Wel, hierdie bydrae tot “rooi rose” se boeke en kunsteblaaie het betrekking op my afskeid. Die menings van ’n jong springbok wat metterjare sonder keuse getransformeer het tot ’n skilpad wat al hoe stadiger (moes) begin beweeg. So, hierdie maand gaan dus die vorm aanneem van ’n oorsig oor die beste van die bestes wat ek in my tydperk as “rooi rose” se boekeredakteur teëgekom het. Let wel: dit is subjektief en verteenwoordig geensins die menings van die kritici en lesers nie. TOO MUCH HAPPINESS – Alice Munro ((Random House Struik) Man Booker-pryswenner, 2009 Alice Munro word wêreldwyd as een van die beste Engelse fiksieskrywers…

Te KUNS en te LEER • Verreweg die hoogtepunt van die afgelope paar jaar was die Mona Lisa Delayered & Da Vinci-uitstalling oor die geniale Leonardo da Vinci se werke. Op die uitstalling was lewensgrootte modelle – met die materiale van daardie tye – van onder meer helikopters, “vliegers” (die voorloper van die moderne vliegtuig), ingenieurswondere en skilderye. • NORMA – BROOKLYNTEATER Die klem van dié teater val op klassieke musiek, kamermusiek, solo-uitvoerings, salonmusiek konserte, opera en natuurlik simfoniekonserte, met hul eie simfonieorkes, die Gauteng Filharmoniese Orkes. Daar word ook drama aangebied: eenmanvertonings, Shakespeare ... • CIRQUE DU SOLEIL was ’n vertoning wat letterlik jou mond sou laat oophang. Hierdie deurwinterde troupe is steeds wêreldbekend. Ewe asemrowend was die Cirque Infernal, ’n meer adrenalien gedrewe vertoning wat plaaslike gehore gaande…

SKOON TANDE Maak jou daaglikse tandsorg meer doeltreffend met die nuwe Sunstar GUM ActiVital Sonictandeborsel. Die stylvolle, ergonomiese ontwerp verseker ’n sagte maar deeglike borselondervinding. Die tandeborsels is beskikbaar in swart en wit – en jy kan ’n stel van albei wen. Sunstar GUMprodukte is beskikbaar by tandartse, Dis-Chem en uitgesoekte takke van Pick n Pay en Clicksapteke. ivohealth.co.za Twee lesers kan elk twee Sunstar GUM ActiVital Sonictandeborsels van R590 wen! Sleutelwoord: Tande Wen ’n WEGBREEK Die Mercure Hotel Nelspruit is net 65 km van die Krugerwildtuin af en sewe minute weg van die Mbombelastadion. Die hotel het 102 eenhede (een of twee slaapkamers) met toegang tot Wi-Fi. Die eenhede het ’n kombuisie, sitkamer en badkamer met ’n stort en bad. Dié selfsorgeenhede is ideaal vir vakansiegangers én sakelui. Die…

Ek kan nie, ek kan nie!” Ek staan op my knieë langs my bed en skree magteloos in die matras in. In hierdie stadium is daar heelwat goed wat ek nie meer kan doen nie. Ek kan nie meer maklik lag nie. Ek sukkel om dankbaar te wees. Dis vir my moeilik om op te hou as ek trooskos te ete kry. Ek kan kwalik die energie bymekaarskraap om soggens uit die bed te kom. My woorde het opgedroog. Ek is nie meer ’n goeie geselser nie ... Net my goeie man sien my in my nood, maar hy is magteloos om my te help. Ek weet lankal dis net ek wat myself kan help. Ek het dit jare lank redelik goed reggekry, soms selfs uitstekend. Leefstylkeuses het ’n groot…

PASTASLAAI MET SONDROËTAMATIES, OLYWE EN BASILIEKRUID GENOEG VIR 4 4 k (ongeveer 800 g) gaar pasta (ons het fusilli gebruik) 200 g Clover Cream O’ Naise skeut olyfolie 100 g gemarineerde sondroëtamaties, gedreineer en gekap 100 g ontpitte Kalamata-olywe, gekap 2 hande vol basiliekruidblare, geskeur, met ekstra blare vir garnering sout en gemaalde swartpeper na smaak 1 Sit die gaar pasta in ’n groot opdienbak en meng deeglik met die Clover Cream O’ Naise sodat die pasta goed bedek is. Voeg ’n goeie skeut olyfolie by en meng liggies. Indien die sous op die pasta te dik voel, kan ’n klein bietjie water liggies bygemeng word. 2 Vou die oorblywende bestanddele by die pasta in, geur na smaak en sit met die ekstra basiliekruidblare voor. Clover Cream O’ Naise is…

PLANT ’N SAADJIE Ek het ’n probleem. Ek is saadjieverskrik. Sade trek my aan en kan hulle nie uitlos nie. Eet ek tamatieslaai, moet ek my met moeite bedwing om nie die pitjies uit die slaaibak te gaps nie. Lees ek die resepte in rooi rose is my oë is vasgenael op die sesamsaadjies op die broodjies. Dit wat ek wel in die hande kry, plant ek oral - in blikkies, koppies, potte. Waar ’n plant eensaam lyk, druk ek langsaan vir hom ’n saadmaatjie in. Die kinders by die skool het lankal agtergekom dat hierdie juffrou se grommerige bui soos handomkeer verander as daar, vanuit die niet, ’n paar saadjies op haar lessenaar beland! Ek is kinderlik opgewonde toe die lietsjiesprietjies vanoggend skielik bogronds verskyn. My man slaan sy…

Dis ’n koue, reënerige dag in New York, maar toe Candice Bergen by die vertrek instap, voel dit warmer. Op 72 is Candice terug op die kassie as Murphy Brown, die ondersoekende joernalis wat by ’n televisiestasie werk. Dié rol het haar vyf Emmytoekennings en twee Golden Globes besorg. Haar ouers was Hollywood-aristokrasie – haar pa, Edgar, was ’n bekende buikspreker en haar ma ’n beeldskone model en aktrise. Met haar blonde hare en klassieke skoonheid moes Candice destyds daarteen veg om nie as nog ’n talentlose blondine in Hollywood geklassifiseer te word nie, en sy het gereeld tipiese “ysprinses”-rolle gekry. Ná ’n rits flieks, het sy ’n rol in die komedie Starting Over gekry en teenoor Burt Reynolds gespeel. Sy was ook die eerste vroulike gasvrou op Saturday Night…

‘Ek is net myself. Dit spreek tot die gehoor as jy eerlik en jouself is’ Akteur, internasionale model, vervaardiger, televisieaanbieder, regisseur en bekroonde rolprentmaker – dis Jonathan Boynton-Lee in ’n neutedop. Die 39-jarige Jonathan, wat tans op die silwerdoek te sien is in die plaaslike komedie 3 Days to Go, was die eerste mens ter wêreld wat twee realiteitsreekse op televisie gewen het. Eers het sy gemak voor die kameras die vervaardigers en aanhangers van Top Billing so beïndruk dat hy in 2012 aangewys is as wenner van die program se soektog na nuwe talent. Twee jaar later het hy vir hom ’n eerste plek losgedans in die harte van die beoordelaars en kykers van Strictly Come Dancing. In 2014 én 2015 is Jonathan gekies as Cosmopolitan se sexyste Suid-Afrikaanse…

Lank voor Charlize Theron rolprentliefhebbers wêreldwyd se harte gesteel het, het die beoordelaars van ons Model van die Jaar-kompetisie reeds besef: dié langbeentiener van Benoni het daardie onmiskenbare, spesiale iets wat mense dadelik van haar laat kennis neem. Op 2 Augustus 1991, ses dae voor haar 16de verjaarsdag, is Charlize aangewys as rooi rose se Model van die Jaar. “Sy het duisend gesigte in een; ’n eienskap wat haar een van die wêreld se gesogste modelle kan maak,” het ons destyds in ons heel eerste voorbladartikel oor haar geskryf. Een van Charlize se pryse was ’n jaar lange modelkontrak in Italië, en ná haar terugkeer het sy in ’n rooi rose-onderhoud verklap dat sy haar oog op Hollywood het. “Dit is wat ek werklik wil doen. Ek wil die roem…

Die meeste van ons het grootgeword in ’n huis waar alles volgens ’n streng finansiële roetine en ’n vasgestelde begroting gebeur het. My pa het deur sy werkende lewe sy begroting in ’n spesifieke baie dik boek – destyds bedoel vir maatskappye se boekhoudings – aangeteken. Ná sy dood was ek verstom oor die detail waarmee alles uitgewerk was. Van ’n vasgestelde bedrag maandeliks vir elke dag se brood en melk (wat apart gehou is van die algemene kruideniersware) tot ’n persoonlike toelaag vir my ma en ’n bedrag vir die klererekening wat hulle gehad het (en wat uiters spaarsamig gebruik is). Boaan was die tiende vir die kerk, en daarna die verskillende prioriteite, gelys van die heel belangrikste tot die luukses. Spaar was ook op die lysie – vaste…

1 GOUE OOGSKADU Gebruik romerige goue of bronskleurige oogskadu pleks van neutrale, natuurlike skakerings om ekstra glansryk te lyk. Romerige oogskadu sal nie soos poeier in plooitjies beland (en dit beklemtoon nie) en jy kan dit selfs as ’n beklemtoner op jou gesig ook gebruik. WENK: Om romerige oogskadu langer te laat hou: Wend eers die romerige oogskadu aan, en druk (nie vee nie) bypassende goue poeierskadu op die romerige oogskadu aan. • REVLON COLOR-STAY CRÈME EYESHADOW IN HONEY (R105). • YARDLEY STAYFAST EYESHADOW STICK IN GILDED (R120,95). 2 Beklemtoon JOU MIDDEL Bind ’n gordel om jou middel en gee so vorm en struktuur aan jou uitrusting. Jy kan selfs ’n elegante gordel om jou baadjie, jas of trui bind vir nog meer effek. Jy kan ook jou hemp “ongeërg”…

Om in te skryf VRAAG: VIR WATTER VELTIPE IS SBR-PRODUKTE GESKIK? STUUR ’N SMS MET JOU ANTWOORD, VOLLE NAAM, ADRES EN ID-NOMMER NA 48409. SMS’E KOS R1,50 ELK. GRATIS SMS’E GELD NIE. BEPALINGS EN VOORWAARDES OP BLADSY 102. SLUITDATUM 31 MAART 2019. Vernuwe jou vel hierdie somer met Adcock Ingram se revolusionêre SBR Repair en SBR Lipocream. Die twee produkte is spesiaal geformuleer om ’n droë vel op drie maniere te beskerm en te versterk: • Verminder die verdamping van water in die vel. • Vervang verlore lipiede in die eerste sigbare vlak van die vel. • Dring die epidermis binne en vervang verlore lipiede vir tot 24 uur. SBR Lipocream behandel en versterk droë vel deur die twee lipiede in die vel te vervang. Die spesiale formule van SBR…

SWOT DEUR TE LUISTER TERWYL JY SLAAP Die wilde teorie: Jy kan opnames van lesings deur jou dosente speel terwyl jy slaap, want vir jou brein is dit soos om in die klas te sit en aandagtig te luister, sonder dat enigiets (of daardie beeld van ’n man) jou aandag aftrek. Die brein neem alles in, lê dit vas en verwerk dit. Môreoggend kan jy maar gaan toets skryf, of ’n brug ontwerp, gegrond op die wiskundige beginsels wat jy oornag ingeneem het. Voor die boeke sit en swot? Dit mors tyd wat jy beter kan gebruik ... Die feite In 2015 het navorsers van die Swiss National Science Foundation 27 Duitssprekendes gevra om die Nederlandse vertalings vir 120 Duitse woorde te leer. Daarna het hulle drie uur lank geslaap…

Net omdat jy in die beton-en-staal-oerwoud van Johannesburg bly, beteken dit nie dat jy nie ongelooflike fietsryroetes naby jou kry nie. Thaba Eco Trails in die suide van Johannesburg laat jou skoon vergeet waar jy is en verras jou met interessante roetes en heelwat uitdagings. Boonop is dit heeltemal veilig. Die bergfietsroete in die 450 ha Klipriviersberg-natuurreservaat sal jou boonop bekoor met ’n lang lys wild, voëls en ongerepte natuurskoon. Jy voel werklik of jy ure uit die stad is wanneer jy verby ’n trop blesbokke ry en ’n entjie verder op sebras afkom. Daar is ook wildebeeste, rooibokke, springbokke en die beskermde swart wildebeeste. Ons het die roete in die begin van Oktober aangedurf en hoewel dit ongewoon koud was met sonsopkoms, het dit vinnig warm geword. Pak sonskerm…

Die maalstroom van hormone tydens swangerskap kan opsigself ’n sneller wees vir onderliggende gemoedstoornisse. Dit kan selfs onderliggende bipolêre stoornisse sneller. “Ongelukkig kleef daar steeds ’n stigma aan psigiatriese diagnoses en mense soek nie geredelik hulp nie. Soms word die simptome afgemaak, maar helaas, dit word mettertyd net erger. ’n Nuwe ma sien eers weer die dokter met haar ses weke ondersoek en hier is die fokus op liggaamlike welsyn en nie haar emosies nie, sê dr. Lumu, spesialispsigiater by Akeso in Randburg. Nuwe ma’s kan so verwyderd van die werklikheid wees dat dit selfs tot kindermoord en selfdood kan lei. Dit kan voorkom word as ’n nuwe ma genoeg ondersteuning kry, of betyds gediagnoseer word en die regte behandeling kry. “Die gemeenskap moet ook hand bysit,” sê dr. Lumu.…

Op 26 is Zandré Coetzer van Johannesburg ’n sprekende voorbeeld van ’n entrepreneur van leer. Hy behaal sukses op terreine waarin hy nie formeel opgelei is nie, en elke leerkurwe inspireer ’n nuwe belangstelling. “Wanneer ek terugkyk, is die loopbaanbesluite wat ek geneem het meestal deur oorlewing aangevuur, of die behoefte om te groei. Ek het net my vaardighede gehad en ek het kreatiewe maniere probeer kry om hulle te gebruik. “My ouers het my kleintyd al aan uiteenlopende velde blootgestel. Musiek was my groot liefde. Ek was goed met komponeer en instrumente en wou ’n musikant en liedjieskrywer word. My ouers was nie hiervoor te vinde nie, maar het ingestem dat ek in my gap-jaar ’n musiekkursus volg. Die kennis was waardevol, maar ek het agterna besef ek kon…

EKSKLUSIEF AAN WOOLWORTHS MAGAZING! KLIK & HAAL AF Caxton Magazines en Woolworths het saamgespan. Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolworths kan afhaal. Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. 3 Opsies beskikbaar: Skryf aanlyn in: magsathome.co.za/magazing.htm Bel: 087 405 2002. E-pos: subs@magsathome.co.za en ontvang jou maandelikse tydskrifkoopbewys via SMS. Haal jou tydskrif af: gebruik jou Woolies-kaart en hou jou koopbewysstaafkode gereed. Bepalings en voorwaardes • Hierdie aanbod geld slegs nuwe subskripsies. • Hierdie koopbewys mag saam met enige ander Woolworths-koopbewys gebruik word. • Die koopbewys moet saam met enige van…

Mari wil weet hoekom hy so moeilik is. Sy staan by sy studeerkamer se buitedeur en karring aan die blindings. Mannetjie wens sy wil ophou maar sê hy iets, word sy kwaad. ’n Man kan mos nie meer sê “los my goed uit” sonder om op ’n verskeidenheid voorheen benadeelde groepe se tone te trap nie. “Pa?” Sy klink moedeloos. “Mari?” Sy rol haar oë. Sy het onlangs teruggetrek huis toe omdat sy “nie te veel druk op haar kreatiwiteit wil plaas” deur geld aan huur te bestee nie. Sy jongste neem foto’s. Foto’s van blomblare en graffiti en wolke. Dorita - Mari en haar suster se ma - sê die foto’s is blerrie mooi en dat daar ’n groot vraag na Mari se werk is. Mannetjie sien nie die…

Ons vra vrae wat uit die jare se boekklubs kom. As jou boekklub al die vrae reg beantwoord en getrek word, kry julle die boeke wat in hierdie uitgawe op ons boekrak staan, geskenk deur Graffiti. Stuur jou antwoorde na slombaard@caxton.co.za met “Maart-boeke” in die onderwerpreël of na www.rooirose.co.za. Klik op “boeke” en volg die aanwysings. Stuur jou boekklub se naam, posadres en selnommer. Vrae dalk te moeilik? Google dit! MAART SE VRAE 1 “Song of myself”. Digter? 2 Watter SA groep het “Hi Casanova” gesing? 3 Wat beteken “kangaroo”? 4 Wie het die fliek 2001 A Space Odyssey geregisseer? 5 Wie het teenoor Humphrey Bogart in die klassieke fliek Casablanca gespeel? FEBRUARIE SE ANTWOORDE 1 “Honesty”. Skrywer en sanger van dié liedjie? Billy Joel. 2 Wie het Jesus verraai?…

Pampoene op die dak? Die jaarlikse Groot Pampoenfees op Heidelberg word jaarliks, wel, al hoe groter. Tans behoort die rekord aan Hugo le Roux se yslike pampoen wat 556 kg weeg. En vanjaar se fees op 8 en 9 Maart op die skougronde, sluit selfs ’n pampoendorp in waar besoekers kan oornag. Daar is ’n gholfdag, ’n padwedloop, ’n osbraai en vermaak vir die kinders ook. Meer inligting: www.pumpkinfestival.co.za Om te trou Die lieflike wynlande van Robertson maak hulle gereed om te wys waarom die gebied die perfekte agtergrond en atmosfeer vir adellikes is ... Op die Robertson Wedding Fair wys verskeie uitstallings en uitstallers en trouebeplanners droomrokke en droomplanne, asook wyne wat geskik vir jou spesiale dag is. Meer inligting: Maritsa by maritsa@robertsonweddingfair.co.za of www.robertsonweddingfair.co.za Binnenshuis Van 21-24 Maart…

Hoewel daar enkele vroue in Bybelse tye en daarna aktief aan oorloë deelgeneem het – dink maar aan Johanna van Arkel – het slegs ’n hand vol of meer vroue in die Eerste Wêreldoorlog naam gemaak. Onder hulle was Edith Cavell, ’n Britse verpleegster aan die hoof van ’n Belgiese kliniek. Sy het baie lewens gered en uiteindelik met haar lewe geboet. Louise Thuliez was een van die prominentste versetstryders in Frankryk. Die Britse Flora Sanders is as verpleegster na Serwië, maar toe sy van haar kollegas afgesny word, het sy as soldaat by die Serwiese leër aangesluit en ’n sersant-majoor geword. (Vroue is toe reeds as soldate in die Serwiese leër opgeneem.) Die Belg Marthe Cnockaert was een van die invloedrykste vrouespioene van dié oorlog. Sy het ’n Ysterkruis…

OLYF-ANSJOVIS-EN-UIE-GALETTE Genoeg vir 4-6 400 g skilferdeeg, ontvries 20 ansjovisfilette 16-20 Olive Pride Kalamataolywe in pekelwater Tapenade 3 k (750 ml) Olive Pride ontpitte Kalamata-olywe met die pekelwater afgegiet ¼ k (60 ml) Italiaanse pietersiele, gekap 1 knoffelhuisie, gekap 2 ansjovisfilette 1 e (15 ml) kappertjiesaad met die pekelwater afgegiet 2 e (30 ml) Olive Pride Extra Virgin olyfolie Gekaramelliseerde uie ¼ k (60 ml) olyfolie 4 groot uie, gesny 1 e (15 ml) bruinsuiker 2 t (10 ml) tiemieblare 1 Tapenade: Kap die Olive Pride Kalamata-olywe in pekelwater, pietersielie, knoffel, ansjovis en kappertjiesaad in ’n voedselverwerker fyn. Voeg die olie by terwyl die voedselverwerker aan is, skraap die kante van die bak terwyl jy die olyfmengsel verwerk en meng tot ’n pasta vorm. Hou eenkant tot jy dit benodig.…

SUSARA EN DIE SERINGBOME Die seringbome blom weer, ontydig so ná die eerste reën te midde van die uitmergelende droogte. Seringbome en Susara is vir my sinoniem. Susara, die skoolopsigter toe ek doerie jare as groentjie-onderwyser by haar skool aangetree het. Susara wat nooit stilgesit het nie. Die sportveld is voor sonop al netjies gesny, trekker en grassnyer weer netjies skoon gebêre. (Ja, sy kon selfs trekker bestuur). Altyd vriendelik, opgewek, reg om behulpsaam te wees. Ons is gereeld op Susara se goeie hoedanighede en voortreflike diens gewys. Vir die skoolhoof het afkoms nie getel nie, ook nie of jy ryk of arm, oud of jonk is nie. As jou werk goed is, is dit goed en dit moet geprys word. Ons moet Susara bedank vir mooi skoon klaskamers, vir…

‘VEERKRAGTIGHEID BETEKEN NIE JY MOET STERK WEES NIE, MAAR DAT JY MOET BESEF DAT NIKS DIE SELFDE BLY NIE. DINGE EN OMSTANDIGHEDE VERANDER KONSTANT’ Sommige mense sweef onbewustelik deur die lewe sonder om veel daaroor na te dink of hulle te bekommer. Maar nie die aktrise Erica Wessels nie. Sy bedink en ontleed dinge. Mense beskryf haar dikwels as “intens”. Dit is juis hierdie passievolle soektog na antwoorde en selfverbetering (en ’n goeie skeut omgee vir ander) wat ’n gesprek met Erica so verrykend maak. SÓ BLY EK VEERKRAGTIG • Ek aanvaar my situasie met deernis en (ironies genoeg) dankbaarheid. • Dink: Wat kan ek hieruit leer? • Ek besef dinge ontwikkel en verander gedurig. Niks is oor ’n maand dieselfde as vandag nie, en ek voel vry in dié…

Jonathan vertel dat hy sy plek agter die stoof kan vol staan, maar dat hy selde tyd het om te kook. “My gunstelingkos is pizza.” Hy het ’n wye belangstelling – “te veel goed om in ’n paar sinne te noem” - maar vertel darem dat hy ’n adrenalienverslaafde is wat dol is op ekstreme sport en gevaarlike, soms selfs lewensbedreigende avonture. “Haaie is my gunstelingdiere en ek werk hard om hulle te help bewaar. Ek vryduik graag saam met haaie om meer bewusmaking te skep. Ek kan myself in die buitelewe verloor.” Motorfietsry – ook op plekke waar min ander mense kom, soos diep in die Drakensberge – is nog ’n gunsteling. Sy Instagram verklap dat hy verlede jaar op ’n koraalrif naby die eiland Roatan naby Honduras gaan…

HERMAN LENSING Min mense kan spog met drie resepteboeke (Voorskoot, Nog ’n voorskoot en 30) voor die ouderdom van dertig. Maar dis presies wat Herman Lensing, deesdae SARIE- kosredakteur, gedoen het. Herman, ’n boorling van Upington, is in 2006 aangewys as rooi rose se Toptienerkok. In ’n argiefonderhoud het hy vertel hoe sy kleintydse liefde vir kos aangevuur is deur S.J.A. de Villiers se Kook en Geniet en sy ouma se VLV-resepte. Ná skool is hy as sjef opgelei, maar hy het gou besef dat hy eerder deur joernalistiek sy liefde vir kos wil uitleef. Hy was maar 21 toe hy SARIE se kosredakteur geword het, en sedertdien was Herman ook te sien in sy eie reeks kosprogramme. Hy het ook sy kosgeheime met aanhangers gedeel in ’n kosprogram op…

HART EN SIEL Dié egpaar was so vasbeslote om die modehuis Research Unit te begin dat hulle ’n iPhone verkoop het om kapitaal in die hande te kry. Vandag word dié handelsnaam met Afrika-luuksheid vereenselwig. “Dit gaan oor hoe jy voel wanneer jy ’n produk koop – dit moet van die hand tot by die hart met jou kommunikeer.” OCHRE MINI-HANDSAK (R3 495) RESEARCH UNIT. NIE TE bonkig nie Die Rosefield-horlosiereeks vang die historiese agtergrond van Amsterdam en New York vas. Die kombinasie van twee style, die Nederlandse minimalisme en die New Yorkse kontemporêre styl, verseker ’n klassieke ontwerp vir die kliënt met goeie smaak. ROSEFIELD-HORLOSIE (R1 899) AMERICAN SWISS. Koester jou styl In die wêreld van CurAtiv is die dra van juwele ’n manier om jou persoonlikheid en emosie…

Sestig persent van ’n volwassene se gewig bestaan uit water, en dit is noodsaaklik om die liggaamsfunksies in stand te hou. Ons liggame verloor elke dag sowat 2,5 liter* water deur ons slegs aan die lewe te hou! Vir ons liggaam om optimaal te funksioneer moet ons dus daagliks 2,5 liter* inneem om ’n balans te handhaaf. Deur elke dag genoeg water te drink, verbeter jy jou algemene gesondheid, en dit kan ook met gewigsverlies help. Dit help jou ook om beter te dink, beter te slaap, verbeter jou gemoed en help om siektes te voorkom. Daar is geen plaasvervanger vir suiwer water nie. Selfs al kan water in sommige vrugte en groente (waatlemoen, tamatie) verkry word, is dit nie genoeg om jou waterinname aan te vul nie. Kruietee (sonder…

ONTSLAE? Herhaalde gedrag word in jou geheueselle vasgelê en word jou outomatiese reaksie wanneer jy onder druk is. Daar is maniere om dit af te leer, sê Nikki Bush. 1 Wees uiters bewus van wat jy doen en hoe jy reageer. 2 Neem bewustelik beheer as jy voel ’n situasie laat jou beheer verloor. Wees pro-aktief. Los wat jy doen. Verlaat die vertrek. Sê ek is nou te kwaad om met jou te praat. 3 Kry ondersteuning. Jy het ’n rasieleier nodig om jou aan te moedig en te ondersteun. Sluit by ’n ouerskapgroep aan, gaan sien ’n ouerskapkenner, kry ’n groep vriende wat mekaar ondersteun of gaan vir terapie by ’n sielkundige as jy vasbrand met ’n gewoonte wat nie wil wyk nie. Dis ’n proses van herontdekking. Vir…

• Die Klipriviersberg-natuurreservaat is in die suide van Johannesburg geleë. • As jy op die snelweg klim, duur dit net ’n halfuur (33 km) om vanaf die noordelike voorstede daar te kom. • Toegang is R50 per besoek, en is ook geskik vir veldhardlopers en velduitstappies. Jaarlikse lidmaatskap kos R1 600. • Oop van 6:30 tot 17:30, sewe dae per week. • ’n Beperkte verskeidenheid onderdele is by die kiosk beskikbaar vir ’n noodgeval. • Kies uit vier verskillende roetes wat vir beginners en gesoute ryers voorsiening maak. As jy klipperige opdraandes vir ’n wedren wil oefen, kom hierheen. • Die kiosk is oop oor naweke en bied spek-en-eier-rolletjies en heerlike Illy-koffie. • Toilette en storte beskikbaar. • Adres: Kliprivierrylaan 101, Mulbarton, Johannesburg.…

Maar heers ’n gemaklike kameraderie tussen ouma Bertie en lenige MJ wat tienerstyl op sy stuitjie langs sy ouma neergeplak sit. Dit kom van 15 jaar se sakke sout saam opeet, sal ouma Bertie jou laggend vertel. Maar dis ’n lag met ’n traan, want van sakke sout saam opeet, kan jy hierdie ouma en die res van die Campbell-gesin bitter min vertel. MJ, oftewel Charles Michael ( junior) Campbell, is op 36 weke in die provinsiale hospitaal op Vredenburg gebore, ’n stewige 3,5 kg. Op die oog af blakend gesond, maar die pediater en verpleegpersoneel het om hom bly draai. “Dan weet jy mos daar’s iets groot fout met jou eerste kleinkind. Ek het my neus tussen hulle ingedruk en gekyk. Dit was asof sy longetjies nie die krag…

“Metakognisie – om na te dink oor hoe jy dink – is ’n doeltreffende voorspeller van akademiese sukses,” sê dr. Lieb Liebenberg van ITSI. “Dit beteken ook om na te dink oor hoe jy leer. Ons bied vakspesifieke kursusse aan waar graad viers en hoërskoolleerders kan leer hoe hul breine werk. “Die brein waarmee jy saans gaan slaap, is nie die een waarmee jy die oggend opgestaan het nie. Nuwe ervarings het nuwe neuronetwerke gevorm. Dit spoor leerders geweldig aan om te besef dat hul breine daagliks groei, en dat ‘ek kan dit nie doen nie’ eintlik beteken ‘ek kan dit nóg nie doen nie’. Hulle snap dat hulle komplekse vakinhoud met genoeg tyd en die regte leervaardighede kan bemeester. “Dit gee hulle hoop! Skielik neem hulle die inisiatief om…

Hoenderlewertjies is voedsaam en bekostigbaar Snitte soos hoendervlerkies en nekkies is baie goedkoper en baie geurig Worsies is ’n baie veelsydige en bekostigbare bron van proteïen Rek bredies en soppe met proteïenryke lensies of bone Vleis is duur. Laat vleis een keer per week heeltemal weg Maak growwe broodkrummels van ou brood vir ’n krakerige korsie om schnitzels en viskoekies HOENDERLEWERTJIEPASTA 20 MINUTE • GENOEG VIR 4 • 250 g pappardelle- of tagliatelle-pasta • 30 ml (2 e) botter • 30 ml (2 e) olyfolie • 1 klein ui, geskil en fyngekap • 2 knoffelhuisies, fyngekap • 2 takkies roosmaryn • 2,5 ml (½ t) brandrissievlokkies • 500 g hoenderlewertjies • 30 ml (2 e) sjerrie • 15 ml (1 e) balsemiekasyn 1 Maak ’n groot kastrol drie kwart vol…

• Paaie en snelweë is netjies en die spoedgrens wissel tussen 80 en 110 km/h en word gehandhaaf. Boetes vir spoedoortredings is hoog. • Die Amerikaners is rustige, akkommoderende bestuurders. Kamerabeheer by verkeersligte beperk oortredings. • Motoriste stop by voetgangeroorgange, en word beboet as hulle versuim om stil te hou. • Petrol kos sowat R10 per liter. Dis aanvanklik vreemd om petroljoggie te wees! Petrol (gas) word in gellings en nie in liters nie verkoop, en jy moet vasstel hoeveel om in te gooi. • Petrol is goedkoper, maar lewenskoste omtrent dubbel so duur soos in Suid-Afrika. • Die Pharmacy is ’n nuttige winkel waar jy vars, gesonde toebroodjies, slaaie, vrugte, vrugtesappe en kitsmikrogolfetes vir twee kan koop. • Ons bed-en-ontbyt verblyf het gewissel tussen motel, gastehuis of hotel -…

Niemand het ’n perfekte facebook-lewe wat net uit mooi dinge bestaan nie. So, om soms net te ontsnap aan jou werklikheid, bly die kunsvorm van die fliek ’n alternatiewe lewensfantasie waaraan jy jou vir ’n paar uur net kan oorgee. Of ’n fliek nou stuitig, vol adrenalien, liefde of lewensdrama is, dis jou eie ontsnaproete. Die volgende flieks het my die afgelope dekade na daardie veilige plek geneem. Natuurlik is dit nie net hulle nie, daar is vele meer. Véle! GHOST IN THE SHELL . Dié Oscar-benoemde fliek is gegrond op die uitstekende Japanse manga-reeks met dieselfde naam. Die storie speel hom hoofsaaklik in die middel van die 21ste eeu in die fiktiewe stad Niihama in Japan af. Dit volg die lede van Openbare Veiligheid Sektor 9, ’n spesiale taakmag…

THE SHOCKING MISS EMERALD - CARO. NOG ’N JUWEEL. DIÉ HOLLANDSE SANGERES SMEUL ’N YSTERPOT STUKKEND IN GOEIE 1920’S EN ’30S-STYL. DIS MOEILIK OM HAAR IN ’N GENRE IN TE DWING. JAZZY, HEUNING, NORAH JONES, SJOKOLADE, SEXY, SADÉ, GWEN STEFANI ... DAAR IS NIE EEN SWAK SNIT OP DIE BYNA PERFEKTE ALBUM NIE. GOEIE MUSIEK IS TYDLOOS. WE SHALL OVERCOME, THE SEEGER SESSIONS – BRUCE SPRINGSTEEN. DIE ALBUM IS ’N HULDEBLYK AAN PETE SEEGER. AL DIE SNITTE IS IN ’N OU HUIS OPGENEEM – DIE KOPERBLASERS IN DIE GANG, DIE DROMMER IN DIE KOMBUIS EN DIE ROOTS-INSTRUMENTE IN DIE SITKAMER. SEEGER WAS DIE GROOTVADER VAN DIE FOLK-BEWEGING IN DIE SESTIGERJARE. DIT IS SPRINGSTEEN SE EERSTE COVER-ALBUM EN, IRONIES, EEN VAN SY BESTES. VUUR EN VLAM – VALIANT SWART EN OLLIE…