Innholdsfortegnelse for Januarie 2019 i Rooi Rose

DIE ERGSTE van ’n probleem of ’n krisis is dat jy in so ’n mate daarin kan vasval dat dit jou grootliks verlam. Dis in elk geval hoe dit my tref as ek my pens en pootjies in die spreekwoordelike noute bevind, in die (warm)water en sonder die redding van ’n roeispaan. Vanuit daardie noute sien ek kant nog wal, al wat oorbly, is om op te kyk, waar dit soms steeds bra donker daar uitsien. Daar is vele aanhalings wat ons daarop wys dat ons moet opkyk na die sterre: Oscar Wilde het opgemerk dat almal eintlik daagliks in die rioolsloot van die lewe rondploeter, en dat ons na bo moet kyk en die sterre raaksien. Dale Carnegie het allegories vertel van twee mense wat in ’n tronksel sit,…

TRIX (REGS): My emosies het lekker tougetrek die aand voor die shoot : Ek was vrek opgewonde om saam met my suster ’n dag op stel deur te bring, en terselfdertyd nogal senuweeagtig omdat dit my eerste voorbladervaring was. Maar sjoe, what a jol! Ek en Lea is van nature gemaklik met mekaar en ons individualiteit vul mekaar aan. Die fotograaf, Leana Clunies-Ross, en die hele produksiespan het my werklik soos ’n miljoen dollar laat voel. Maar dit was gerieflik om ná die tyd my skoene uit te skop, pajamas aan te trek en al die grimering af te haal. Ek is maar ’n all natural kinda girl. LEA: Ek is gewoonlik op my senuwees wanneer dit kom by ’n volle dag se fotosessie - maar met Trix het ek…

1 Verjaarsdae LEA: 15 Januarie 1992 TRIX: 28 Junie 1988 2 Jy ry LEA: ’n Blou Hyundai. Haar naam is Burbuja – dis “borrel” in Spaans. TRIX: ’n Landrover 3 Watter sterre bewonder jy? LEA: Penelope Cruz, Salma Hayek - Spaanssprekende aktrises TRIX: Emma Thompson, Cate Blanchett 4 Hoe bly jy gemotiveerd? LEA: Deur dankbaar te wees. TRIX: Perspektief. Altyd perspektief. 5 Gunsteling TVprogramme LEA: Ek lees liewer. TRIX: The Crown, Narcos, Bloodline, Fynskrif 6 Laaste boek gelees LEA: Circe deur Madeline Miller TRIX: Infidel deur Ayaan Hirsi Ali 7 As jy vir een dag president van die land is LEA: Nee dankie! Ek kry dadelik ’n angsaanval. TRIX: Ek sal almal flieks soos Ellen Pakkies, Noem my Skollie en Four Corners laat kyk.…

Die seuntjie sit in ’n laerskoolmusiekkamer voor die klavier waarop Cathy, ’n wit poedeltjie, slaap. Die seun moet oefen terwyl Juffrou “gou kantoor toe” is. Die hondjie bly op die klavier lê. Sodra die seun ophou oefen - omdat hy te lui of te moeg of nie lus is nie - begin Cathy vir hom grom tot hy weer begin … Dit is nie ’n toneel uit een van sy bekroonde toneelstukke of rolprente nie, maar dit is die bekroonde dramaturg, draaiboekskrywer, regisseur, vervaardiger en akteur Christiaan Olwagen (31) se storiebegin. Ná die Suid-Afrikaanse welslae van sy rolprente Johnny is nie dood nie en Kanarie is sy nuwe rolprent, Die Seemeeu, onlangs uitgereik. Die sterbelaaide rolverdeling met onder meer Sandra Prinsloo, Marius Weyers, Albert Pretorius, Rolanda Marais, Cintaine Schutte en…

Op 54 is Henriëtta trots op haar ouderdom en elke dag is vir haar ’n geskenk. Die jare pla haar nie, want sy voel nog presies soos toe sy twintig was. “Ek skrik wel soms groot as ek in die spieël kyk, of ’n foto van myself sien,” sê sy laggend. “Ek mis my energie, maar ek hou van die plek waar ek nou is. Ek voel vir die eerste keer in my lewe seker oor wie ek is en besef dat my mening ook belangrik is. Toe ek jonger was, het ander mense se menings my maklik van stryk gebring. Dit gebeur nog, maar ek hanteer dit beter. Ek wou altyd hê dat almal van my moet hou. Vandag weet ek dat ’n hand vol opregte vriende genoeg is.…

Dean John Smith is nog net 25 jaar oud, maar ryg reeds die rolle - en benoemings en toekennings – in. In 2014 is hy beloon met die gesogte Fleur du Cap-toekenning vir die beste dramastudent, en kort nadat hy in 2015 sy honneursgraad in drama aan die Universiteit van Stellenbosch behaal het, het hy twee gesogte teatertoekennings losgeslaan: ’n kykNET-Fiësta vir beste manlike byspeler vir Die dag is bros, en by Aardklop as beste akteur vir A Cock and Bullshit Story. By Aardklop 2018 was sy naam weer op die kortlys as beste akteur – hierdie keer vir sy spel in Klippe wat val. Maar die aantreklike, vriendelike Dean, wat die rol van Wade in die TV-sepie Suidooster speel, se voete is nog stewig op Moeder Aarde. “Dis ’n…

Die rolprent Taken was die vonk vir Nadine se besluit om haar meestersgraad in die regte te fokus op mensehandel, en wanneer sy daaroor praat, hóór ’n mens haar passie. “Mensehandel is ’n groeiende internasionale krisis. Daar word bereken dat daar tans sowat 40,3 miljoen mense wêreldwyd vasgevang is in slawerny. Hulle word gebruik vir dwangarbeid, sekshandel en selfs orgaanhandel. Ook in Suid-Afrika is daar ’n toename, veral weens armoede en korrupsie. Nog ’n rede is dat mense – anders as dwelms – oor en oor verkoop kan word. Byvoorbeeld, eers as seksslawe en later vir hulle organe. Ons praat van groot geld – die omset word geraam op $32 miljard per jaar.” Volgens Nadine is aanlyn- interaktiewe kinderpornografie een van die mees snelgroeiende misdade wêreldwyd. Sy erken dat dit…

Cindy Swanepoel (37) is veral bekend vir haar rol as dr. Annelize Roux in Binnelanders, maar sedert sy in 2003 haar dramagraad aan Maties behaal het, was sy al te sien in ’n hele paar TV-reekse, onder meer Egoli, Getroud met Rugby, 7de Laan, Generations en Villa Rosa. Haar rol in Ballade vir ’n Enkeling en die kykNET-reeks Proesstraat het van haar ’n bekende gesig gemaak. Meer onlangs het Cindy gehore by die Silwerskermfees laat skater met haar uitbeelding van die fluitende predikantsvrou in die kortfliek Fluit-Fluit. Dié rol het vir haar ’n bekroning as die beste aktrise by die fees besorg. Wanneer het jy besef jy is snaaks? “Ek was van kleins af maar ’n performer, en was veral mal oor mimiek. Ek was nog op laerskool toe ek…

STEM JA OF NEE OP ONS VRAAG IN “WAT DINK JY” EN JY KAN EEN VAN DRIE SATISKIN-GESKENKPAKKE VAN R3 000 WEN. SATISKIN SE SHOWER CRÈME BODY WASH REINIG JOU VEL SAGKENS MET ’N RYK EN PH-GEBALANSEERDE FORMULE WAT JOU VEL SYSAG LAAT. DIÉ DERMATOLOGIES GOEDGEKEURDE PRODUK IS IDEAAL OM IN DIE BAD OF STORT TE GEBRUIK. DIE REEKS SLUIT LIEFLIKE GEURE SOOS EXOTIC ORCHID, TROPICAL ESCAPE EN POWDER FRESH IN. DIE SATSIKIN SHOWER CRÈME BODY WASH-REEKS IS BESKIKBAAR IN 400 ML-GROOTTES – IDEAAL VIR ELKE DAG SE GEBRUIK. VRAAG: IS JY POSITIEF OOR 2019? BESOEK VANDEESMAAND ONS WEBBLAD, WWW.ROOIROSE.CO.ZA EN KLIK OP “WEN” EN DAN “WAT DINK JY”.…

’N SOMERGUNSTELING Die internasionale handelsnaam, On Y Va, het vier jaar gelede met hul leersandale spore in Suid-Afrika kom trap. Daarna het handgeweefde rottangsakke gevolg wat spesifiek van ata-gras vervaardig word en ’n langtermyn-staatmaker verseker. GEWEEFDE HANDSAK MET LEERBAND (R975) ON Y VA. KIES streng VEGETARIES Pesso maak met sy jongste veganisvriendelike skoenreeks sy bydrae tot die neiging in die modewêreld om die bedryf in ’n meer etiese en volhoubare rigting te stuur. Die kurkleer van Portugal se bekende kurkbome bied die gemak en duursaamheid van leer, en is perfek vir die bewuste koper. AANGLIPSKOEN (R1 499; 37-42) PESSO. ODE AAN ALLE VROUE Voel gemaklik in jou strandlyf met Beach Cult-swemklere wat elke vrou ook soos ’n wenner sal laat voel. Die vervaardiger fokus op ontwerpe wat die natuurlike kurwes…

Clover Krush is ’n heerlike, verfrissende vrugtesap met ’n handelsnaam wat sinoniem is met ’n oop hart en hand. In Januarie 2018 het die maatskappy tienduisend paar skoolskoene by verskeie skole in Gauteng, Mpumalanga, Limpopo, KwaZulu-Natal en in die Wes-Kaap uitgedeel. Dié splinternuwe skoene het skoliere landswyd die kans gegee om die skooljaar met selfvertroue te begin. Die maatskappy het met sy #KrushGoodness-veldtog getoon dat wanneer jy elke dag iewers ’n bietjie goedheid byvoeg, jy iemand se wêreld kan verander. Dis om dieselfde rede waarom hulle in Januarie 2019 nie net hul skoolskoen-donasies tot 20 000 paar verdubbel het nie, maar dit op die koop toe in meer provinsies gaan versprei! Op 21 Januarie gaan verskeie bekendes en rolmodelle, soos Leanne Manas, skoolskoene in ses provinsies uitdeel. Kinders is onskuldig,…

Dink daaraan as opstapelende storielae, vertel Doris Viljoen, senior toekomsnavorser aan die US. Eers wys ’n klein groepie mense se belewenisse, of ondersoeke, dat ’n nuwe manier van doen beter werk as die status quo. Dink aan die fone van 1990: toe was landlyne die manier van kommunikeer; selfone was nuut en skaars. Namate bewyse opbou en die suksesstories toeneem, ontwikkel ’n wyer behoefte daaraan, wat beantwoord word met groter toeganklikheid daartoe. Dink aan selfone in 2000, toe ons besef het hoe gerieflik selfone is. Van tieners tot sakemanne móés toe ’n eie foon hê. In die derde stadium spoel dit oor na ander velde en selfone word deel van die manier waarop ons ons wêreld sien. Dink aan die eerste slimfone van 2005 waarmee jy e-posse kon stuur, enkele…

Wees nugter: Probeer vasstel in watter verhoudings en situasies jy ander se goedkeuring wil hê. Verandering begin by bewuswording. Bespreek dit met ander: Praat hieroor met die mense wat daardeur geraak word, soos jou geliefde, gesin, vriende en kollegas. Die minderwaardige gevoel is dikwels iets wat jy oor jouself bring, en deur daaroor te praat, kan jy besef dat jy soms onnodig druk op jouself plaas. Wees gaaf met jouself: Gee vir jouself dit waarna jy op soek is: liefde en aanvaarding. Die bron van die meeste van ons pyn en ellende, asook vreugde en geluk, is helaas, onsself. Twee dinge kan dan gebeur: Ons is minder afhanklik van ander se goedkeuring, en nie so desperaat om aandag te kry nie. Die uitvloeisel hiervan is dat ons makliker liefde en…

Sal jy op die verhoog voor die skool staan en al jou klere uittrek?” Wanneer Nikki Bush van Johannesburg, ’n ouerskapkenner en skrywer van die boek Tech-Savvy Parenting, dié vraag in haar praatjies vir tieners vra, is hulle geskok. “Hoekom stuur jy dan ’n naak-selfie vir jou kys?” In die skoolsaal is daar dalk 350 kinders, maar met sosiale media kan jy duisende mense bereik. Voor ouers as digitale waghonde vir hul kinders kan optree, is dit noodsaaklik om te weet wat die gevare is. Lees na daaroor, woon praatjies by, maar die belangrikste: praat met jou kinders en luister met ’n fyn oor. Google jou kind af en toe en kyk wat jy kry. TIENERS DINK NIE ALTYD VOOR HULLE DOEN NIE Ouers moet verstaan dat ’n tienergemoed ’n…

Platteland Seisoenskos , saamgestel deur Aletta Lintvelt, Johan van Zyl en Pieter  van Noord (Human & Rousseau, R325) is ’n moet vir kosliefhebber en kok. Die boek is vol verleidelike pragfoto’s, en daar is soveel resepte wat ek wil toets. Alles is volgens die seisoene ingedeel. Die winter bring smulgeregte soos varklies in karringmelk met sitrusgebak, of witlof-tarte tatin. Onder die herfsgeregte is ’n blomkool-enpancetta-risotto wat met suur appel voorgesit word. Daar is ook ’n verleidelike sjokolade-pavlova en ’n outydse vyekoek met my naam daarop! Kry die boek - daar is te veel om op te noem. Fluit-Fluit en SMUL! Middagetes was nog nooit so maklik nie. Hou ’n paar van die Whistling Chef-kospakkies in die koskas vir etes-op-’n-drafstap. Al wat jy moet doen, is om die kospakkie in…

Daar is seker ’n rede waarom ons dink predikantskinders is ’n eiesoortige groepie. Die meeste van ons ken ’n storie oor ’n predikantskind en gewoonlik onthou ons die stories omdat daar ’n wesenlike interne spanning in die woord is. ’n Mens wonder of dit met die predikante of die kinders te doen het, of dalk met die reëls. Lizette is so ’n predikantsdogter; een waar die spanning tussen predikant en kind elke nou en dan deurslaan. Sy is lank, ’n brunette met ’n innemende glimlag en soveel energie dat sy heeltyd besig is om iets te soek om te doen. Sy is een van twee kinders, die ander een is ’n seun. Hy is jonger en hy is nog nie bewus van die dilemma nie. Die predikant het ’n beroep…

As jou boekklub al die vrae reg beantwoord en getrek word, kry julle die boeke wat in hierdie uitgawe op ons boekrak staan, geskenk deur Graffiti. Stuur jou antwoorde na roneln@caxton.co.za met “Januarie-boeke” in die onderwerpreël of na www.rooirose.co.za. Klik op “boeke” en volg die aanwysings. Stuur jou boekklub se naam, posadres en selnommer. Vrae dalk te moeilik? Google dit! DESEMBER-ANTWOORDE 1 Wat was die titel van die Beatles se eerste treffer? “Love Me Do”. 2 i carry your heart with me (i carry it in my heart). Digter? e.e. cummings. 3 “Liefde is ’n stille rivierstroom” Kunstenaar? Nick Taylor. 4 Wie was die “Liefling van Loftus”? Derick Hougaard. 5 Watter taal/tale is die oorsprong van die woord “liefde”? Germaans, Oud-Engels. JANUARIE SE VRAE 1 Die mens is vir…

AAN DIE BEGIN VAN ELKE JAAR word die Kaapse wingerde ’n miernes van bedrywighede wanneer die oestyd afskop. Delheim is tradisioneel een van die heel eerste wynlandgoedere wat die nuwe oesjaar met groot geesdrif aanpak. Vanjaar se pienk tema vier die oes van Delheim se wêreldbekende Pinotage Rosé - ’n wyn wat sedert sy bekendstelling in 1976 ’n lojale ondersteunersbasis opgebou het. So: vat jou uit in pienk! Die Delheim 2019-oesfees word op Saterdag 26 Januarie deur dié bekroonde Stellenbosse wynstaatmaker aangebied om die vrug van die wingerd te vier. Die dag skop af met druiwepluk en ’n heerlike, morsige maar opwindende druiwetrap voor jy die res van die dag in ’n gesinsvriendelike luim aan die oesfees-heerlikhede kan smul. Dink tafels wat kreun onder lekkernye, soos kase en konfyt, vars…

Kom dit natuurlik om so sjarmant en vriendelik te wees in jou onderhoude op Bravo vir kykNET? Sjoe, dankie vir die kompliment. Dit is nou baie makliker omdat ek dit baie doen. Maar aanvanklik was dit glad nie maklik nie. Ek’s ’n akteur en ons moet gewoonlik rolle speel. Ek het in die begin te hard probeer: te veel projekteer; in die skoene van ’n aanbieder geklim. Maar ’n mens moet net jouself wees. Dit het ’n ruk geneem om te verstaan dat ek net met Tannie Marie in haar leefkamer moet gesels. Het jy, Tracey Lange en Robbie Kruse heelwat pret agter die skerms? Ons het rêrig baie pret. Ek sien vir Robbie en Tracy maar min - wat sleg is, want ons laaik mekaar.…

VERSNAPERINGE MET TWEE BESTANDDELE Maak maklike versnaperinge soos klapper-en-dadelballetjies, wat net twee bestanddele het. Hulle is maklik, heerlik en het nie baktyd nodig nie. KAAS IS BOBAAS Pleks van ongesonde versnaperinge soos lekkers of skyfies in te pak, pak eerder een of twee Clover Cheddarporsies in wat ook energie en proteïene verskaf. SOESJI-PRET Wie hou nie van soesji nie? Rol jou gunsteling-vleis en kaas saam met skyfies komkommer op en voeg ’n romerige sous (soos mayonnaise) daarby. Sny dit dan in rolletjies wat soos soesji lyk. Jou kinders sal gaande wees daaroor en nie eens agterkom dat dit ’n gesonde versnapering is nie. Clover Cheddar bevat hoë vlakke energie en proteïene. Die porsies is individueel toegedraai en die pakkies maklik om oop te maak en te herseël – ideaal vir…

RESULTATE MEESTAL A’S – Jellie en vla Jy staan met jou voete plat op die aarde. Jy het ’n gedempte styl en hou nie daarvan om ’n ophef te maak nie. Jy geniet die eenvoudige dinge in die lewe en dis hoekom jellie en vla die perfekte nagereg vir jou is. Sit gemaklik en geniet ’n bakkie framboosjellie en Clover Classic-vla. MEESTAL B’S – Malvapoeding en vla Jy is saggeaard, vriendelik en tradisioneel. Almal vertel hul geheime vir jou omdat jy hulle gemaklik en geborge laat voel. Bederf jou gerus met ’n stukkie warm malvapoeding met ’n ordentlike porsie Clover Classic-vla daarby. MEESTAL C’S – Vlaroomys Aweregs, cool en onkonvensioneel. Jy is altyd voor in die ry wanneer dit by nuwe dinge kom en jy sê nooit “nee” vir avontuur…

1 WATTER SOORT VAKANSIE KLINK VIR JOU HEMELS? a. ’n Stil wegbreek met min besittings. b. ’n Snoesige winterwegbreek wat ’n vuurherd insluit. c. Iewers eksoties waar jy nog nooit was nie. d. Iets van alles – die strand, avontuur, sport. 2 WAT IS JOU GUNSTELING-GEREG? a. ’n Goeie ou grondboontjiebotteren-konfyt-toebroodjie. b. Sjokolade – dit is mos kos! c. ’n Kombinasie van internasionale geregte. d. Pastrami op rogbrood. 3 IEMAND HET JOU HULP NODIG … a. Jy sal luister, maar nie baie advies gee nie. b. Jy is die eerste een daar en gee goeie raad. c. Jy neem die persoon op ’n avontuur om hulle van die probleem te laat vergeet. d. Jy ondersoek die probleem uit alle hoeke. 4 INDIEN JY ENIGIETS OP JOU EMMERLYS KON SIT, WAT…

’N GROOT BESLUIT Ek lees die artikel “Is jy reg vir jou gene?” deur Salomé Delport ( rooi rose , November 2018) en vandag kan ek getuig ’n genetoets was die beste ding wat ek tot nog toe laat doen het. My storie begin nadat my ma aan kanker oorlede is. Ek het haar versorg, en ná haar dood het ek die Here gevra om my te help om voorsorg te tref sodat ek net nie kanker kry nie. Ek het in 2011 die kankergeentoets laat doen. Die uitslag: 80% borskanker en 40% ovariumkanker. Ná ’n jaar het ek ’n dubbele mastektomie laat doen. Met die operasie was kanker, in die beginstadium, reeds in my linkerbors. Dit was ’n groot besluit, maar met die ondersteuning van my kinders en familie,…

Gatineau kombineer natuurlike bestanddele met innoverende biotegnologie en skep sodoende gevorderde velsorgprodukte. Gatineau se salongehalte produkte en reeks skoonheidsbehandelings word deur velsorgkundiges wêreldwyd gebruik. Een gelukkige leser kan ’n Gatineau geskenkpak ter waarde van R5 655 wen. ‘rooi rose’-WINKEL Is jy op soek na ’n unieke geskenk vir jouself of iemand spesiaals? Gaan maak ’n draai by ‘rooi rose’ se aanlynwinkel: rooirosewinkel.co.za OM DIE TAFEL Mariëtte Crafford skryf al sedert 2001 maandeliks haar rubriek “Om die tafel” vir “rooi rose”. Oor die afgelope 18 jaar het sy met haar kenmerkende woordvernuf en spesiale uitkyk op kos en op die lewe soveel mense geraak en ons lewe verryk. Lees hierdie maand haar rubriek “Laaste Tafel” op ons webwerf. Daarin vertel sy op haar unieke manier hoe sy…

Die fliek Dumplin’ gaan grotendeels oor oordeel. Deur die jare is jy al verskeie kere veroordeel en geoordeel. Hoe hanteer jy dit? Die karakter Dumplin’ betree die wêreld van skoonheidskompetisies, en is geneig om haar ma en die ander deelnemers te veroordeel. Die lessie is dat ons almal vooropgestelde idees oor mense het wat ons nie regtig ken nie. Dit is eintlik net ’n projeksie van ons eie vrese. Wat die fliek so spesiaal maak, is dat dit die vooropgestelde idees oor skoonheid wegvee en op die individu fokus. Dit laat jou voel dat jy nie aan die gemeenskap se idee van wat skoonheid is, hoef te voldoen nie. Wanneer het jy opgehou om na ander mense se menings oor jou te luister? Ek sou graag…

“Ek verkies die verhoog bo televisie en kan ’n eindelose reeks produksies uitlig wat vir my ’n reuse-vreugde was.” Taraboemdery : “llse van Hemert was die regisseur en ek het teenoor Gys de Villiers, Pieter Brand, Alida Theron en André Odendaal gespeel; Die Parrot Woman van Charles Fourie wat as Pick of the Fringe by die Grahamstadfees aangewys is, asook Dis nie my Bybie nie , wat ek geskryf het en waarin ek ook ’n rol gehad het. Dié stuk is ook met ’n Pick of the Fringe bekroon. Ek was in Schalk Schoombie se makabere stuk, Gepiekel , wat deur Henry Mylne geregisseer is, asook in die Janice Honey-man - pantomime Jan en die Boontjierank waarin ek Prinses Plantina gespeel het teenoor Karen Meiring in die rol van Jan.…

Dean begin sommer lag toe ek vra of hy daarop ingestel is om fiks te bly en gesond te eet. “Nee, ek is nie, maar ek behoort te wees! Maar ek eet wel deesdae gesonder as voorheen. En ek gaan gim toe. Maar ek is nie ’n ou vir gestoomde hoender en ’n paar stukkies broccoli nie, dankie.” Hy hou van lekker kos en kan kook nadat hy op universiteit “baie tyd” op die foon deurgebring het om sy ma se resepte en kosraad te vra. En sy gunstelinggereg? “Butter chicken met naanbrood! Ek hou nie van spicy kos nie, maar dit kan so ’n klein bietjie byt hê.” Dean verkies sap – veral lietsjiesap – bo gaskoeldrank. Soos alle akteurs, hou hy van fliek. “Ek gaan fliek soms alleen.”…

Nadine, wat binnekort haar 43ste verjaarsdag vier, sê die lewe het haar al kosbare lesse geleer, soos om minder impulsief te wees. “Ek weet nou ’n mens moet eers die skaal pak met al die voordele en nadele. Voorheen het ek ’n amper untouchable manier van doen gehad – ek het geglo ek kan enigiets doen: wanneer ek wil, hoe ek wil en teen die spoed wat ek wil. Maar hierdie benadering het my duur te staan gekom, en ek het dikwels met bebloede knieë daarvan afgekom.” Sy neem haarself ook nie meer so ernstig op soos voorheen nie. “Ek besef dat ek myself in hierdie hok van perfek-wees gesit het en self die sleutel vasgehou het. En dat ek my altyd hoër en verder druk en vergeet om die…

Die rooi rose Kansa-tee vir 2018 in Stellenbosch se stadsaal was weer baie spesiaal. Vanjaar was ons so gelukkig om ook in die Kaap vir SPAR as hoofborg te verwelkom. Die tema, “InSPARasie”, het aanleiding gegee tot geïnspireerde tafels met verbeeldingryke dekor en uithanggeregte. Kort nadat die geselligheid amptelik begin het, het Lomie Laubscher uit haar rolstoel ’n kort woord aan almal gerig. Sy was nog beoordelaar by die tee en het almal se harte geraak met haar positiewe en opgewekte woorde oor haar pad met kanker. Dit was vir ons ‘n groot verlies dat sy ‘n paar dae daarna, op 26 Oktober, finaal gegroet het. Pieter Koen het die leisels van die verrigtinge baie professioneel bymekaargehou maar nogtans met sy humor vermaak. RSG-aanbieder Martelize Brink se toespraak het almal…

’n Voedingskonsultant, Andrea du Plessis, sê sy let op tendense, maar meer nog na mega-tendense: “Hoewel tendense interessant is, is dit die mega-tendense wat ons wêreld verander. Tendense is nuwighede en ontwikkelings in een veld. Wanneer dit na talle ander velde oorspoel, raak dit ’n mega-tendens. Hierdie superverskynsels raak ons álmal, nie net die mense wat in ’n sekere veld betrokke is nie. Dit lei tipies tot ingrypende veranderings in verbruikersgedrag, wat van ons prioriteite en leefstylkeuses tot ons verwagtings van produkte verander. Maatskappye wat in die mark wil bly, sluit slim hierby aan.”…

Op die ouderdom van 47 kan Raquel Lewis van Pretoria terugkyk op ’n vol lewe as vrou vir Ettienne, ma vir Ber-dine en Ettienne junior en deesdae ook ouma van Resè-Mari. Raquel, wat deeltyds as ontvangsdame werk, is versot op skubaduik, die buitelewe en lees. Vroeër vanjaar het ’n jare lange droom waar geword toe haar eerste boek, Ek is Liza (oor die berugte Smit-moorde van 1977), die lig gesien het. Maar wanneer Raquel terugkyk, onthou sy ook die bitter tyd in haar lewe toe die mediese term “alopesie” (alopecia) deel van haar woordeskat geword het, en hoe dit haar vreemd gemaak het vir haarself, haar spieël en haar geliefdes; hoe dit sinoniem geword het met verlies. Want om nie hare te hê nie, definieer jou en vreet terselfdertyd jou…

Trisa Hugo Ek middeljarig en my ma bejaard – ek het in ’n era grootgeword waar verhoudings in gesinne anders was as vandag. Ek is dankbaar dat my ma my onafhanklikheid geleer het, en om verantwoordelikheid te aanvaar vir my besluite. Juis daarom besef ek dat waar ek op skool gevoel het dat ek nie aan akademiese verwagtinge voldoen nie, dit geregverdig was omdat ek nie na vermoë gepresteer het nie. Ek hoop ek kon hierdie dinge aan my kinders oordra, want vandag is ek trots op myself, en bitter trots op hulle en ek sê dit gereeld vir hulle. Maryke Stain Ek het ’n baie goeie verhouding met my ma. Sy het my nog altyd laat verstaan dat sy baie trots is op my. Ek is bly ek kon…

Trisa Hugo My kleindogter is ’n tiener - en ’n sagte teiken. Ek hou my verhouding met haar só dat sy die vrymoedigheid het om te kom praat as sy ongemaklik met iets is. So ’n vertrouensverhouding is belangrik, want só kan die kind leer hoe om te onderskei tussen gemaklike kommunikasie en dit wat hulle ongemaklik laat voel. Dis baie belangrik dat jy ook op die hoogte moet bly met die apps waartoe hulle toegang het en hoe dit gebruik/misbruik word. Alida Rudolph As onderwyseres vir graadseweleerders sien ek die uitwerking van sosiale media op die kinders. Die ewige stryd wat ons teen boeliegedrag stry, word afgebreek deur die wedersydse kommentaar op sosiale media-groepies. Die moeë gesiggies wys daar word ná slaaptyd nog in die donker gesprekke op dié…

Net buite Stellenbosch het die Gericke-gesin ’n holte vir die voet gekry. Hulle was moeg vir ’n groot tuin en ’n swembad waarin niemand meer swem nie. Sekuriteit was ook ’n prioriteit. Longlands het aan al hul vereistes voldoen en ook die geleentheid vir ’n leefstylverandering gebied. Hulle hou van die omgewing en was nog nie ’n enkele dag spyt oor die skuif nie. Johan Visser van Energy Master Builders in die Paarl het die huis ontwerp. Hy het presies verstaan wat hul behoeftes was en met groot geduld elke stukkie detail beplan. Die Gerickes het gehou van Johan se gevoel vir ruimte en lig, asook die lieflike vloei van die ontwerp. Die hoë plafon en oop dakbalke in die woonkamer verseker dat die huis in die somer nie baie…

Ná Georg se begrafnis praat haar skoonma glad nie meer met haar Afrikaans nie. Vir Laura behoort dit nie regtig saak te maak nie. Teen dié tyd is sy ook lankal vlot in Duits, die taal van die gemeenskap waarvan sy met haar troue deel geword het. Sy kan dikwels nie eens onthou in watter taal gesprekke plaasgevind het nie. Duits, Afrikaans, Engels, selfs Zoeloe. Maar tog. Dis asof die formele presiesheid van die Duits die afstand tussen haar en haar skoonma Dagmar nog verder vergroot het. Laura vermoed dat die vrou dit moedswillig doen. Maar wat steek daaragter? Sy dink Dagmar is besig om Georg, die gestorwe Georg, vir haarself toe te eien. Die vraag is natuurlik wie dit eintlik is wat dood is? Is dit Dagmar se seun,…

DIE ONGELOOFLIKE ONSKULD VAN DIRKIE VERWEY Charl-Pierre Naudé (Tafelberg) CP Naudé is meer bekend as (bekroonde) digter, resensent en rubriekskrywer, en die allemintige boek van digby vyfhonderd bladsye het as ’n groot verrassing op die lessenaar beland. Dit is ’n verhaal van “ewewêrelde”, soos aanvanklik geskryf deur ene Hermanus Verdomp, en oorgedra aan Naudé. Maar bestaan hy ooit? In Naudé se woorde: “Dit begin waar die koster van die plaaslike gemeente op Lyksovlakte twee jong mense, Dirkie Verwey en Anna Bandjies, wat nog by hul ouers woonagtig is, een nag halfkaal en in ’n ‘droomagtige toestand’ in die kerk tussen die banke aantref. Dit lyk of die paartjie van niks behalwe mekaar bewus is nie. Die koster roep die polisie en die twee betreders word in die konsistorie toegesluit. Maar,…

LIGGIES EN LEWE Op die Spier-wynlandgoed is dit behoorlik piekniektyd: van net kort voor Januarie af tot die einde van die maand is daar ’n piekniekreeks op Die Werf en hul Ligkuns-uitstalling sal ook nog tot einde Januarie toe aangeskakel wees. Daar is boonop ’n lekker ekstra: aanbiedings soos Comedy in the Vines met Barry Hilton op 29 Desember, asook die musiekgroep Mix Flava wat op 31 Desember sal verseker dat die nuwe jaar feestelik ingelui gaan word. Kyk by www.spier.co.za/events SOMERPIEKNIEK Klink ’n glasie op die maat van alternatiewe Afrikaanse musiek wanneer Spoegwolf op Saterdag 26 Januarie by Overhex Winery & Bistro se jaarlikse Somerpiekniekkonsert buite Worcester optree. Kaartjies kos R250 per persoon en sluit ’n piekniekmandjie propvol lekkernye in. Kaartjies is by die kelder beskikbaar. Bel 023 347…

Sir Winston Churchill se Amerikaanse ma, Jennie Jerome, was ongetwyfeld een van die lewendigste en mees omstrede vroue van haar tyd. Sy was baie mooi en het glo talle minnaars gehad, baie van hulle gedurende haar eerste huwelik met sir Winston se pa, lord Randolph Churchill. En die belangstelling in haar het nie met die jare afgeneem nie, waarskynlik omdat sy die ma en mentor van een van die grootste staatsmanne van die twintigste eeu was. Jennie is in 1854 in Cobble Hill in Brooklyn gebore, die tweede van vier dogters van Leonard Jerome en sy vrou Clarissa (aan almal as Clara bekend.) Clara was die dogter van Ambrose Hall, ’n landheer. Clara het in Brooklyn, New York City en die Parys grootgeword. Jennie het haar skoonheid van haar ma…

WONDERWERKE GEBEUR NOG Twee jaar gelede groet ons ons kinders op Sydney-lughawe. Altyd ’n hartseeroomblik. My dogter druk ’n leerbeursie in my hand. “Ma, dink aan my.” Vanjaar was dit hulle beurt om te kom kuier en ons het gemik vir ’n vakansie op ’n Kaapse wynlandgoed. In my beursie het ek vir elkeen ’n geskenkgeldjie gespaar. By ons aankoms moes ons eers gou by ’n supermark uitkom. Ek het vir die kinders hul geld gegee en die kleinseun sou sy deel die oggend kry. Daardie aand verloor ek my beursie met die spaargeld by ’n supermark so 30 km van die plaas af. Toe ek dit by die huis agterkom, is ek lam van die skok en hartseer. En ek weet van nou af sal die dae sleg wees…

Alida Rudolph (54), onderwyseres, Brits Ek sien met opgewonde dankbaarheid uit na 2019. My eerste kleinkind word teen April verwag. Ek wil die troetel-en-bederf-ouma wees. Die uitdaging gaan wees om nie vir die mamma en pappa my ongevraagde raad te gee nie. My man se aftrede in 2019 gaan ’n nuwe era wees waarin hy my ondersteuning gaan nodig hê om positief en aktief te bly terwyl ek nog werk. Met genade en seën sien ek uit om 2019 met sukses as doelwit aan te pak. Maryke Stain (37), huisvrou, Durbanville Elke nuwe jaar bring nuwe uitdagings en elkeen se uitdagings verskil. Ek is tans besig om ’n nuwe taal aan te leer. Soos met enige nuwe uitdaging is harde werk seker die belangrikste om die doel te bereik. Trisa…

‘Ek dink die mense agter die skerms was verbaas toe hulle sien hoe gemaklik ons twee met mekaar is,’ vertel ousus Trix “Ouch! Ons mondhoeke is steeds styf en seer van gister se glimlag en poseer voor die kamera,” lag Trix en Lea uitbundig, en knyp hul wange speels. Die dag lange fotonemery vir die rooi rose- voorblad was duidelik vir albei ’n uitputtende maar heerlike ervaring. “Ek dink die mense agter die skerms was verbaas toe hulle sien hoe gemaklik ons twee met mekaar is,” vertel ousus Trix. Van jaloesie, afguns en nydige mededinging tussen die twee aktrises is daar nie ’n teken nie. Hulle maak grappies, trek mekaar se siele uit en as die een dit waag om asem te skep val die ander in en maak die…

’n Mens voel beter wanneer jy na ’n foto van Jennifer Aniston kyk. Dit het amper dieselfde uitwerking op ’n mens as die reuk van vars gebakte brood. En ek het nog nie iemand ontmoet wat nie van haar hou nie. Danksy heruitsendings van Friends sal Jennifer vir altyd jonk, pragtig en cool bly. Toe sy en Brad Pitt geskei is, het die meeste mense haar kant gekies in die liefdesdriehoek tussen haar, Brad en Angelina. Maar niemand het ’n wenkbrou gelig toe haar tweede man, Justin Theroux, uit sy huwelik van 12 jaar gestap het om aan Jennifer se sy te wees nie. Ja, haar tweede huwelik het ook op die rotse beland, maar dis nie nodig om haar jammer te kry nie. Sy is bewus van hierdie wanopvatting…

KRY JOU TYDSKRIF DEUR DIE POS • Skryf in op rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaard-tariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CTP LTD T/A MAGS@HOME Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Donderdag tussen 08:00 en 16:00, Vrydae tussen 08:00 en 15:30 as jy wil inteken. Navrae: e-pos subs@magsathome.co.za 4 REDES OM OP ROOI ROSE IN TE TEKEN 1 Jy spaar 35% - 45%. 2 Jy…

Sallas de Jager is buiten een van die stigterslede van die groep Klopjag, ook die regisseur van die plaaslike rolprent Dominee Tienie . Dié 39-jarige rolprentmaker is getroud met Liesl en pa van vier kinders: Marli, Lisa, David en Walter. As draaiboekskrywer en vervaardiger het hy rolprente, soos Roepman en Verraaiers op sy kerfstok. “Ek is baie bevoorreg om by hierdie projekte betrokke te kon wees. Elkeen het maar sy eie hoogtepunte en uitdagings gehad. Ek glo dit is prente wat belangrike stories vertel en die toets van die tyd sal deurstaan,” vertel Sallas. Hy is ’n groot aanhanger van Dana Snyman se werk en het besluit om Dominee Tienie na die groot skerm te neem. “Die uitdagings van ’n Afrikaanse dominee in ’n moderne gemeenskap het my reeds in…

Ma, sangeres, prokureur, menseregte-aktivis en skrywer – dis Nadine Blom. “Maar daar gaan nie ’n dag in my lewe verby waarop ek nie vir musiek tyd maak nie. Ek is altyd op soek na nuwe klanke, stories en idees vir liedjies,” vertel die vrolike rooikop, wat sê dat sy op haar gelukkigste is agter haar klavier. “Daar kan ek wegraak in ’n wonderwêreld van note en woorde.” Sy beskou haar in die eerste plek as ’n musikant en liedjieskrywer (sy het al meer as tagtig liedjies geskryf ). “Maar die kunste is ongelukkig ’n wispelturige minnaar,” skerts sy. “Dus is ek dankbaar dat ek as regsgeleerde kan praktiseer en doseer. Om van ’n inkomste verseker te wees is ’n kosbare kleinood in die onsekere tye waarin ons leef.” En of…

CINTAINE SCHUTTE Jy kom alleen in die wêreld in en jy verlaat die wêreld alleen. Op jou lewenspad tel jy geskenke en skatkiste op, maar net jý is verantwoordelik vir jou geluk. Soos ek altyd vir myself sê: ‘Trust the wait, embrace the uncertainty, enjoy the beauty of becoming. When nothing is certain, anything is possible.’ En moet vir niks bang wees nie!” sê Cintaine Schutte (31). “Vrees rem jou. Ek het daarin geslaag om te volhard in my verhouding met myself, met wie ek is, wat ek wil hê, en waarheen ek op pad is. Dit is die beste geskenk wat ek vir myself kon gee.” Cintaine, wat nou in haar bekroonde rol in Christiaan Olwagen se rolprent Die Seemeeu te sien is, is bekommerd oor die langtermynuitwerking van…

NUUT EN BAÍE LUUKS  Sodra jy die swaar silwer doppie van die mooi blou glaspot afdraai, kan jy sommer voel hierdie nuwe weergawe van LA PRAIRIE SKIN CAVIAR LUXE (R7 400 VIR 50 ML) is luuks. Die ryk gesigroom (en ja, jy moet ook “ryk” wees om dié luukse produkte te kan bekostig!) het ’n ligte formule wat volgens La Prairie jou vel bevog sodat dit voller en fermer voorkom, danksy die peperduur, luukse bestanddele, soos galambotter (wat jou vel bevogtig) en kaviaarekstrak (wat nou selfs beter as die oorspronklike formule van 1987 is, danksy biotegnologie en bestanddele soos aminosure, vitamiene en minerale). Die ligte tekstuur van die kosbare produk smelt behoorlik in jou vel in en die lieflike blommegeur daarvan bly jou lank daarna nog by. LANK, nie SLANK…

WOEF-VRIENDELIKE EETPLEKKE Vir baie troeteldiereienaars is hul troeteldiere meer soos kinders as diere, en daarom is iets soos ’n troeteldiervriendelike restaurant nie meer vergesog nie. Op eatout.co.za is daar ’n lys van meer as sewentig eetplekke in Gauteng, Durban en die Wes-Kaap waar honde meer as welkom is. Tik net “dog friendly restaurants” in die soekfunksie in, en bespreek jul tafel! ‘WANNEER JY TIENERS HET, IS DIT BELANGRIK OM ’N HOND TE HÊ. DAN IS IEMAND IN DIE HUIS DAREM BLY OM JOU TE SIEN’ - Anoniem DIERERAAD op jou SELFOON Maak nie saak watter soort troeteldier jy besit nie, die Amerikaanse webwerf Petcoach (ook beskikbaar as ’n app) het 24/7 gratis raad vir watter probleem jy ook al met jou beste vriend mag ondervind. Of dit nou…

Die nuwe ‘VIS EN TJIPS’ KONINGKLIP-CEVICHE MET NACHOS EN MANGOSALSA GENOEG VIR 4 • 400 g vars koningklipfilette, sonder vel • gerasperde skil van 2 lemmetjies en 1 suurlemoen • 60 ml (¼ k, omtrent 2 lemmetjies) vars uitgedrukte lemmetjiesap • 60 ml (¼ k, omtrent 1 lemoen) vars uitgedrukte lemoensap • 60 ml (¼ k, omtrent ’n ½ pomelo) vars uitgedrukte pomelosap • 1 jalapeño-rissie, in dun skyfies gesny • sout SALSA • 1 kleinerige mango, geskil en in blokkies gesny • 1 avokado, geskil en in blokkies gesny • gerasperde skil en uitgedrukte sap van 1 lemmetjie • ½ rooi-ui, geskil en fyngekap • 1 jalapeño-rissie, in dun skyfies gesny • 1 klein handjie vol koljanderblare, gewas en gekap • 150 g nachos vir opdiening 1 Sny die…

Plaas toe!” Sofie verstik byna aan ’n happie wortelkoek. Sy vee die papierservet waarmee Engela haar probeer koel waai driftig eenkant toe. “Het jy jou varkies verloor?” vervat sy en staar na haar vriendin asof sy ’n skare voorspooksels oorkant haar sien sit. “Wat wil jy op die plaas gaan maak met Donovan Davies? ’n Stokou man wat na verhoogharpuis ruik en klink asof hy ’n warm aartappel in sy kies het! Wil jy die hele langnaweek luister hoe hy ou Koning Watsenaam uit sy kop opsê?” Engela trek haar rug styf, rooi kolle vlam op haar wange. Sy’s bitterlik spyt sy’t Sofie van haar naweekplanne vertel, én van haar vreemde warrelwind-vriendskap met Donovan Davies (volgens resensente een van dié beroemdste Shakespeare-akteurs in die land) wat onlangs in die woonstel…

W.L. (WILLIE) VAN DER MERWE het op ’n plaas naby Meyerton in die destydse Transvaal grootgeword, maar vanaf sy tiende jaar het hulle ook tye van die jaar in Kaapstad gewoon omdat sy pa ’n parlementslid was en die gesin vir die sittings na die Kaap verhuis het. Hy het op Stellenbosch studeer met die oog daarop om ’n dominee te word, maar in sy eerste jaar het hy met filosofie kennis gemaak. Ná sy diensplig het hy filosofie aan die US doseer, en uiteindelik ook daar professor geword. In 2008 het hulle permanent na Nederland verhuis. “In 2017 was ek ’n besoekende professor aan die Universiteit van Heidelberg en het ek en my vrou, Lettie, vir nege wonderlike, gelukkige maande daar gewoon, maar net voor ons sou terugkeer na…

Iets heeltemal anders: ’n Inisiatief wat in Johannesburg begin het, is nou ’n wêreldwye verskynsel: die Night of a 1 000 Drawings. Sedert daar in 2006 begin is om Paballo ya Batho (’n organisasie wat op kinderonderrig fokus) te help, het Night of a 1 000 Drawings oraloor posgevat, met deelname in Kaapstad, Bloemfontein, München, Berlyn, Kopenhagen, Doebai, Hongkong, Australië, Toskane, Amsterdam, Denemarke en selfs in Los Angeles. En die kern-idee agter dié aktiwiteit/e? Word deel van ’n wêreldwye familie met dieselfde waardes: opvoeding, hulp, die ontdekking van nuwe kunstenaars … en dit alles vervullend en vir ’n goeie doel: kinderonderrig. Hoe neem jy deel? Dis maklik. Maak en skenk ’n skets, ’n foto, ’n skildery, beeld, stikwerk, mosaïekwerk, borduurwerk, doodgewone krabbel … eintlik enigiets, so lank dit A5-grootte is.…

ETIQUETTE – ELLE E. AS JY NIE LEKKER WEET WAT “GARAGE ROCK” IS NIE, SAL ELLE JOU VINNIG LEER.OP DIÉ DEBUUTALBUM HOOR JY HOE HIERDIE BEGAAFDE SANGER/LIEDJIESKRYWER VAN KAAPSTAD DIE REËLS OMDOP – GEEN SPESIFIEKE STYL NIE, EN BOONOP ’N LEFTIE WAT ’N REGSHANDIGE KITAAR ONDERSTEBO SPEEL – EN DIS WAT HAAR MUSIEK DOEN: DIT DRAAI JOU OM HAAR PINKIE. VERDWYN – STRAATLIGKINDERS. DIT IS DIE GEWILDE GROEP SE EERSTE CD IN SES JAAR, EN DIT WYS. DIE “KINDERS” IS NOU GROOTMENSE, EN DIE EERSTE LIEDJIE DUI REEDS DIE GROEP SE NUWE RIGTING AAN. “DIE INSPIRASIE VIR DIE ALBUM WAS TYD. HOE TYD MENSE, LEWENS EN PERSPEKTIEWE VERANDER. HOE ONS AS MENSE GROEI,” SÊ BOUWER BOSCH. SIT KÊRELS – ADAM TAS. DIE MAN MET DIE RASPERSTEM EN EMOSIEBELAAIDE LIRIEKE HET…

Amper ’n jaar lank het ek, ’n plattelandse wit vrou half-pad sestig toe, dreadlocks gehad. Ek besef natuurlik dat die woord “dreadlocks” onmiddellik die rasta-legende Bob Marley in jou gedagtes kan laat opdoem. Waarskynlik in ’n blouerige rookwalm gehul. Maar my besluit was nie aandagsoek of ’n vlugtige foefie nie. Ook nie die hulpkreet van ’n vrou wat haar jeug soos Gentian Violet in die wasbak se uitloopgat sien wegsypel nie. Ek het lánk daaroor gedink, dit noukeurig nagevors en ’n bietjie beangs die stap gedoen. Dalk moet ek eers verduidelik: ek was nié in daardie stadium ’n ouer wordende, Boheemse fee met ’n lang grys vlegsel nie. Ek het nog nooit vloeiende laag-op-laag-vlooimarkskeppings en rinkelende armbande gedra nie. Ek rol ook nie my eie rookgoed met twakkies van twyfelagtige…