Innholdsfortegnelse for Desember 2018 i Rooi Rose

DIS WEER TYD vir Kersbome, “The Little Drummer Boy” herhaaldelik in die oorvol, malende winkelsentrums, redenasies oor spyskaarte en die vooren nadele van braai op Kersdag. Dis min of meer die sikliese gang van die Kerstyd soos ek dit deur die jare sien word het. Ons moderne mense bly besig met die dinge van Kersfees, maar dit gaan minder en minder oor die ware betekenis daarvan. Die ware gees van die Liefdesfees kom eers tot sy reg as ons dit met ander deel. En die heel diepste ervaring daarvan lees ’n mens in die oë van kinders. Kinders wat in verwondering kyk na die liggies, die boom, die pakkies daaronder. Van my kosbaarste kinderherinneringe het juis te make met Kersfees, die uitsien daarna en die belewenis daarvan. Net soos Rolanda…

Leonor Breytenbach (41), skrywer, Kaapstad Ek is geseënd met vriende wat my aangeneem het - in hul familie, asook in hul huis! So, Kersfees is saam met my “sielsfamilie” met baie lag, sonskyn en heerlike etes. Ek is mal daaroor om geskenke vir mense te maak, en selfs die toedraai daarvan is deel van die pret. Dis ’n liefdesdaad. Geen Kersfees is reg sonder om ’n Kersdiens by te woon nie. Dit is immers ’n Christusfees waar ons Sy geboorte en genade vier. Natasha Combrink (22), student, Upington Ek en my man kuier dié Kersfees by my ouers. Ons gaan ’n dankbaarheidsfees hou, pleks van die gewone Kersfeesvieringe. My ma beplan alles, en hoewel ek min weet, weet ek dit gaan diep spore in ons elkeen se hart los. Marinda…

VIR DIE KINDERS VIR VIER-BEENVRIENDE VIR MANS VIR VROUE HUIS & TUIN ’N LIEFDESGESKENK VIR JOU GESIN Jy het groot drome vir jou kinders se toekoms. Drome van ’n goeie opvoeding, ’n veilige huis en ’n eie gesin. Wat sou van daardie drome word as iets met jou sou gebeur? Hoe sou hulle oorleef as jy sou sterf sonder dat jy vir hulle voorsiening gemaak het? Kry vandag nog die finansiële beskerming van lewensversekering. WAAROM PURE LIFE COVER? • Slegs een oproep kan vir jou R10 miljoen se lewensdekking kry (*hang af van jou risikoprofiel) • Benoem tot tien mense vir finansiële ondersteuning as jy sou sterf • Geen mediese toetse behalwe ’n MIV-toets nie • Geen premieverhoging vir die eerste 24 maande nie • ’n Onmiddellike Pay Now Funeral-voordeel…

Poetry het iets vir elke vrou, hetsy vir die feestyd, ’n verjaarsdag of net ’n spesiale bederfdag. Hier kry jy van fyn juweliersware en modieuse kledingstukke en handsakke tot eksotiese tafellinne, breekware en handgemaakte seep, badolie en selfs bordspeletjies.…

‘Ons gebruik musiek om te illustreer dat jou sekuriteit nie in enige stelsel of struktuur lê nie, maar doodeenvoudig in jouself ’ Eggenoot, pa, musikant en dromer.” Dis hoe Leon Gropp homself beskryf. Maar die woord “musikant” laat nie heeltemal reg geskied aan Leon, deesdae solokunstenaar en voorheen lid van die veelbekroonde duo CH2, se talent op die kitaar nie. En so byna-byna het hierdie oud-leerling van die Hoërskool Wonderboom in Pretoria nie sy hart gevolg en musikant geword nie, maar statistikus. Jy het ’n honneursgraad in statistiek. Hoe beland jy toe op die verhoog? Die aantrekkingskrag van ’n loopbaan as kunstenaar was nog altyd sterk. Hoewel die logika van statistiek my getrek het, het ek selfs gedurende my studie geweet ek wil nie ’n kantoorwerk hê nie. Musiek was…

Oorgrootstrooihoed Ons is steeds verlief op die strooihandsakke en -mandjies van die vorige seisoen en dié somer kan jy ’n strooihoed aanskaf wat daarby pas. Wie kan daardie massiewe sonhoed vergeet wat Samantha Jones van Sex and the City gedra het? Boonop waarborg hierdie hoed jou beskerming teen die somerson – en sommer ook op ’n veel groter skaal as wat jy van die basiese panama-hoed kan verwag. Kortbroek Kortbroeke is nie meer net vir die strand of vir hippiefeesgangers nie. Gaan soek jou inspirasie by Audrey Hepburn se 1967-kortbroekstyl. Jy hoef nie ’n polonektop daarby te dra nie, maar behou die afgeronde, statige styl wat steeds gewild is. Dra op kouer dae die kortbroek saam met ’n kamisool, oorvoubloes en selfs ’n snyersbaadjie. Die klassieke eenstuk Eenstuk-swembroeke het verlede…

Jou GUNSTELINGSKOENE • Sexy hakke • Blinkleer-brogues • Sandale met ’n hakkie • Sportskoene • Die jongste ontwerperskoene Jou droomVAKANSIE • Barcelona • New York • Parys • ’n Eilandvakansie • ’n Koop-vakansie saam met vriendinne Jou kenmerkende KLEDINGSTUK • ’n Swart sy-oorvourok • ’n Goed gesnyde baadjie • (saam met iets klassieks of quirky) • ’n Boho-romp • ’n Wit hemp of T-hemp • Hakke en handsakke Jou GUNSTELINGDRANKIE • Rooiwyn • Koffie • Sjampanje • Koudgeparste sap • ’n Mengeldrankie Die LIEDJIES waarna jy die meeste luister • Jazz of Latynse musiek • Elektroniese of dansmusiek • Ou treffers en ballades • Iets op die top-40 • Oorspronklike DJ-snitte WAT LEES JY? • 50 Shades of iets soortgelyks • Selfhelpboeke oor hoe om meer produktief te wees •…

LANCÔME MONSIEUR BIG (R360) Hulle sê: ’n Waterdigte maskara wat 12 keer meer volheid gee en wat tot 24 uur hou. Ons sê: Ek moes dit noodgedwonge 24 uur lank aanhou en dit bly aan sonder om af te skilfer. Die maskara gee wel meer volheid, maar ek is nie seker oor 12 keer meer volheid nie. ’n Oliegrimeerverwyderaar is nodig vir die waterdigte formule. HANNELIE DIEDERIKS, ADJUNK-REDAKTEUR GOSH REBEL EYES MASCARA (R157) Hulle sê: ’n Maskara wat langer hou, jou voller en meer gekurfde wimpers gee en die wimpers voed. Ons sê: Die maskara wend maklik aan – nie te min of te klomperig nie. Maak net seker dat jy nie te gou aan jou oë raak nie, want dit duur ’n rukkie voor dit droog is. Dit bly…

• By mense met AA/AA-HA funksioneer die neurooordragstowwe wat boodskappe van een breinsel na 'n ander moet oordra nie behoorlik nie; 'n boodskap keer dikwels terug na waar dit vandaan kom, pleks daarvan om die bestemming te bereik. • 'n Diagnose word met die hulp van vraelyste en kliniese waarneming gemaak, gewoonlik deur psigiaters of sielkundiges, maar kundiges soos arbeidsterapeute kan dit ook optel. • 'n Formele diagnose word slegs gemaak wanneer die intensiteit van die simptome hoog is, simptome vir 'n lang tydperk aan en af voorkom, en dit die persoon se lewensgehalte op meer as een gebied raak (byvoorbeeld hul verhoudings én werksprestasie). • Behandeling behels primêr medikasie en sekondêr gedragsterapie. • Gepaardgaande ( co-morbid ) toestande sluit angsstoornisse soos obsessief kompulsiewe versteuring, gemoedsversteurings soos depressie, probleme met…

Ongeag hoe oud jou kind is, daar is sekere beginsels wat altyd geld om jou kind se optrede te beïnvloed: • Bou jou verhouding met jou kind. Die gehalte van jul verhouding bepaal die mate van jou invloed op die kind se keuses. • Wees ’n rolmodel van goeie keuses en positiewe gedrag wat hulle kan respekteer, bewonder en graag wil navolg. • Moenie oordeel en etiketteer nie. Dis moeilik, selfs onmoontlik om ’n naby verhouding te hê met iemand wat jou oordeel. • Aanvaar jou kind se persoonlikheid, voorkeure en keuses so ver moontlik. Die kommunikasie en ervaring van jou liefde bewerk regtig wonderwerke. • Stel gesonde en ouderdomstoepaslike grense en verwag dienooreenkomstige verantwoordelikheid. • Moenie jou kind teen die gevolge van hul keuses, optrede, of gedrag beskerm nie.…

• Julle baklei heeltyd. • Daar is 'n koudheid of gebrek aan intimiteit tussen julle. • Julle sukkel om konflik suksesvol op te los. • Een of albei van julle loop met pyn, hartseer of woede oor jul verhouding. • Een of albei van julle voel alleen, of afgesonder van die ander een. • Een of albei voel angstig oor die huwelik en jul toekoms saam. • Jy of jou maat is verveeld/ontnugter deur die huwelik. • Julle het nie tyd of lus om met mekaar te kommunikeer nie. • Dit lyk onmoontlik om die situasie te verander. • Daar was ontrouheid. • Een van julle dink al aan tydelike skeiding of egskeiding. Klink dit maar alte bekend? Dan is dit tyd om by ’n kenner hulp te soek. Bron:…

1 Dra die regte klere. Katoen absorbeer sweet en hou jou nat en warm. Tegniese vesel gelei die vog van jou vel na buite en hou jou koel en droog. 2 Probeer binnenshuis of by ’n gim oefen. 3 Swem is die ideale sport vir warm weer. As jy nie ’n watwonderse swemmer is nie, kry ’n poelnoedel wat jy onder jou arms deurryg en “hardloop” dan in die water. Of google “pool workout” of “water workout” vir oefeninge. 4 Southappies soos pretzels, salamistokkies en biltong verseker dat jy sout in ’n wedren of lang oefensessie inneem. 5 Wees ekstra versigtig in hoë humiditeit. 6 As jy in die hitte gaan deelneem, maak seker dat jy ook in die hitte oefen. 7 Let op die kleur van jou urine. Mik…

Hoewel die wetenskap van goeie tydsberekening nie detail-antwoorde op dié vraag bied nie, verskaf dit drie algemene riglyne: 1 Wag tot jy oud genoeg is, maar nie té oud nie Mense wat jonk trou se kans om te skei is groter. Navorsingsuitsette toon dat die waarskynlikheid dat ’n Amerikaner wat op 25 in die huwelik tree, gaan skei, 11% minder is as een wat op 24 trou. Vir mense bo 32 - onafhanklik van hul godsdienstige uitkyk, opleiding, geografiese ligging en ander faktore – neem die risiko van ’n egskeiding minstens tien jaar lank met 5% per jaar toe. 2 Wag tot jy klaar studeer het Paartjies wat eers hul opleiding voltooi, is meer geneig om tevrede te wees met hul huwelik en minder geneig om te skei. 3 Laat…

’N FEETJIEFEES 1 WATERGLASE (R229 VIR ’N STEL VAN 4) @HOME. 2 WIT KLEINBORDJIE MET SWART RAND (R79,95 ELK), 3 SWART GROOT BORD (R75 ELK) WOOLWORTHS. 4 SWART-EN-WIT PLEKMATJIES EN PLANT STILIS S’N. 5 SWART EETGEREI (R425 VIR ’N STEL VAN 4) WOOLWORTHS. 6 TAFEL (R4 500) PLAN B VINTAGE. 7 KERSFEESKLAPPERS. • Maak jou eie Kersfeesklappers - aanwysings op ons webblad by rooirose.co.za KOM BINNE, DIS KERSFEES Krans (leer hoe om jou eie krans te maak - vanaf R350 by Flourish). Deur stilis s’n. SPROKIE VIR ’N STADSKIND • Kry die patroon vir die Kerskouse by rooirose.co.za BRING GESKENKE 1 FIETS (R6 400) COLONY CYCLES. 2 SWART GESKENKPAPIER (R56,50 VIR ’N 10 M-ROL) MERRYPAK. 3 SWART-EN-WIT LINT (VANAF R8 PER M) LIEFELINT. TEL DIE DAE AF • Maak jou…

Lizl sê as die adviseur tyd aan jou situasie bestee en moeite doen om vas te stel wat jou behoeftes is en seker maak dat jy alles verstaan, is dit klaar ’n goeie beginpunt. Dis ook beter as jy vroeg in jou lewe al ’n adviseur kry sodat jy hom/haar vertrou en al ’n pad saam gestap het. Dis ook noodsaaklik om betrokke te raak en eienaarskap van die beplanning te neem. Moenie bang wees om te vra wat die adviseur se fooi is en watter dienste hy daarvoor lewer nie. Vra ook wat die persentasiefooi se randwaarde per jaar is.…

DIE TROEBEL TYD – INGRID WINTERBACH (H&R) Ons almal se “koppe het al uitgehaak”. Maar Magrieta Prinsloo se kop het haar heeltemal verlaat. Alles die gevolg van verkeerde medisyne. In haar voortstuwing tot selfvernietiging het sy onder meer haar baas “’n gemiddelde wetenskaplike” genoem. Haar kollegas en vriende het eweneens onder haar onbeheerbare tong deurgeloop. Haar akademiese loopbaan en haar huwelik wil albei tot stilstand kom. Sy besef wel dat sy iets moet doen (intussen het die dokter ander pille voorgeskryf, maar dié werk ook nie so mooi nie) en sy kry ’n pos by die Buro vir Voortgesette Onderrig. En so begin in ’n nuwe reis; een wat haar ’n heel ander rigting wys. Die veelbekroonde skrywer is ’n woordkunstenaar, en net so stram en vermoeid soos die hoofkarakter…

ONTSPAN! DIS NET KERSFEES Die vooruitsig van die fees- en vakansiedae wat voorlê, is seker veronderstel om ’n mens te vul met aangename gevoelens van afwagting en opwinding, maar vir baie van ons voel dit soos ’n nagmerrie wat wag om te gebeur. Ellelange doenlysies wat net nie wil krimp nie, seer voete in raserige, oorvol inkopiesentrums, verkeer uit die bose en swaarverdiende geld wat met verbysterende spoed in ’n swart gat af verdwyn. Elke jaar dieselfde ... Maar vanjaar gaan anders wees, besluit ek. Net ’n bietjie my ingesteldheid verander. ’n Bietjie meer geduld met my liewe medemense hê. Rustig bly te midde van die chaos om my. Onthou om lekker diep asem te haal - stres gee jou net plooie voor jou tyd. Ek gaan ’n toonbeeld wees…

Met die hulp van Personal Touch kan jy makliker van kreukels in jou klere ontslae raak. Vyf gelukkige lesers kan elk ’n Personal Touchgeskenkpak ter waarde van R1 000 wen. Dit sluit in Personal Touch se jongste produk, die Wrinkle Relaxer, wat jou help om sonder ’n strykyster van kreukels in jou klere ontslae te raak. GESKENKGIDS Op ons webblad is daar nog baie idees en inspirasie vir geskenke vir jou geliefdes. AGTER DIE SKERMS Dit was so spesiaal om die beeldskone Rolanda Marais en haar man, Jozua Malherbe, en hul skattige dogtertjie, Charlotte, vir dié uitgawe te kon afneem. Op ons webblad kan jy sien hoe dit agter die skerms by die feestelike voorblad-fotosessie verloop het. ‘rooi rose’- WINKEL Is jy op soek na ’n unieke geskenk vir jouself…

PRAKTIES MET TOONAANGEWENDE TEGNOLOGIE Die Samsung Galaxy A6+ het kenmerke van tegnologiese innovasie, maar is steeds prakties en perfek vir alledaagse gebruik. Sekuriteit sluit gesigsherkenning en vingerafdrukskandering in ’n Gevorderde kamera Beskikbaar in swart, goud en laventel Infinity Display Aanbevole prys: Samsung Galaxy A6+: R6 499 ’N BAANBREKER-SLIFOON  Die Sasmsung Galaxy Note9 is propvol krag en baanbreker innovasies – ’n slimfoon wat ’n uitblinkervertoning bied. S Pen met Bluetoothkonnektiwiteit Langer batterylewe 6.4 duim Super AMOLED Infinity Display Samsung Pay Aanbevole prys: Samsung Galaxy Note9 128GB: R19 499 Samsung Galaxy Note9 512GB: R25 999 DRAAGBARE PRODUKTIWITEIT EN VERMAAK Die Galaxy Tab S4 is ’n 2-in-1 Android-tablet met ’n 10.5 duim-skerm, 4 luidsprekers wat deur AKG aangedryf word en verbeterde vermaakeienskappe. Uitgeknip vir dié wat altyd aan die gang is. Bevat Samsung…

Hoekom wou jy ook die regie vir A Star is Born doen? En leer sing, en kitaarspeel? Ek het nog altyd gedink ek het ses karakters in my, en wou van lankal af ’n musikant speel in ’n fliek, want ek is versot op musiek. Ek het ’n sterk gevoel gehad dat ek eendag so iets sou doen. En ek is mal oor liefdesverhale, liefdesverhale wat nie uitwerk nie – die werklikheid van verhoudings. En ek wou graag die regie doen vir iets waaroor ek sterk voel. Ek was gelukkig genoeg om saam met briljante regisseurs soos David O. Russell, Clint Eastwood en Todd Phillips te kon werk wat my deel van hul proses gemaak het. Toe ek 41 word, het ek net besef dis nou…

As jy wil weet hoe liefde en tweede kanse lyk, gaan loer gerus by die Agterplaas-gastehuis in Melville, Johannesburg in. Want hier waar ek saam met die geliefde sanger Jannie du Toit en Therina, sy bruid van ’n paar maande, op hul gastehuis se stoep kuier, kan jy die liefde aanvoel. Ons gesels kort voor die herdenking van hul eerste afspraak ’n jaar gelede, maar eintlik is die eerste sooi vir hul latere romanse al tien jaar gelede gespit. Jannie en van sy musiekvriende wou hul vertoning by Innibos meer toeganklik maak vir mense met verskillende gestremdhede, en Therina, deesdae die nasionale direkteur van die Nasionale Vereniging vir Persone met Gestremdhede (NVPG), was destyds as hoof van die Vrystaatse kantoor op ’n vergadering daaroor. Hulle het dadelik gekliek, vertel Jannie.…

Leon is getroud met Martelize, ’n spraakterapeut en oudioloog. “Sy is die mens van my hart,” vertel hy. Gelukkig is sy ook ’n goeie kok, want hierdie pa van twee erken hy is nie ’n wafferse kok nie. Maar hy kan darem ’n heel skaflike spaghetti bolognaise – toevallig een van sy gunstelinggeregte – maak. “Ek is ook baie lief vir ’n lekker ontbyt. Ek kan enige tyd van die dag of nag ’n gebakte of roereiertjie takel.” Van etes gepraat: Wie sou hy nooi as hy enige iemand (lewend of dood) vir ete kon nooi? “Beslis N.P. van Wyk Louw – ek voel dit sal net gepas wees nadat ek ’n album met sy gedigte uitgereik het.” Hy is ’n groot leser, en moderne filosofie is een van sy…

DINK AAN ’N VROU OP ’N VERLATE STRAND OMRING DEUR SEE, SAND EN SKULPIES – DIS DIE ATMOSFEER EN KLEURPALET VAN DIE NUWE ESPADRIL-REEKS EN DAAROM PAS DIE REEKS SE NAAM, AMANZI (WAT “WATER” IN ISIXHOSA BETEKEN), PERFEK BY HIERDIE SOMERSKOENE. Vrolike LENSE Die nuwe Giorgio Armani-sonbrilreeks is elegant en modern. Die brille het sterk geometriese lyne en vorms, en die lense word met prettige blompatrone versier, wat jou sommer ook ’n nuwe uitkyk op die lewe sal gee! SONBRIL UIT DIE GIORGIO ARMANI D’ARTISTE-REEKS (R3 790) SUNGLASS HUT. Met ’n hoofletter H Sien jy die slim ontwerp van die jongste Hèrmes-horlosies? Die gesig is volgens die H gevorm en dra die uniekheid van die ikoniese handelsnaam verder uit. Die H word met diamantjies afgerond. Onweerstaanbaar! HEURE H DOUBLE JEU…

NAAM: ALTA MAGEE OUDERDOM: 64 BEROEP: AFGETREE ‘Ek is so dankbaar vir die geleentheid om ’n paar uur lank model te kon speel. Die span het my so mooi laat lyk en my man is beslis beïndruk’ - Alta Die WIT HEMPROK (POETRY; R799) is ’n aanvullende styl-item vir Alta wat tevore selde rokke gedra het. Dis ’n veelsydige kopie, lig en koel, maar so gesny dat dit steeds struktuur aan haar lyf sal gee. Sy kan die rok na ’n formele afspraak dra maar ook ’n meer informele voorkoms skep vir ’n warm Desembervakansiedag. MODE ’n Stylwenk vir korter vroue met groter borste: ’n lae hals laat jou bolyf langer lyk en skep ook die illusie van ’n slanker lyf omdat dit die oë afwaarts lei. Dié OORVOUROK VAN…

• Gemaskerde depressie  Die hoofkenmerk van hierdie depressie is ’n onvermoë om uiting te gee aan jou depressie, soos om te huil. Jy bou ’n emosionele muur om jou en steek jou emosies weg. Daarom praat ons van ’n “gemaskerde” depressie. Dit is ’n chroniese, dikwels lewenslange depressie. Wanneer jy depressief of siek voel, onttrek jy en wil jy liewer uitgelos word. Jy is tipies ernstig. Baie keer gaan dit gepaard met ’n liefde of lus vir sout. Jy voel tipies bang en koud. Oorweeg nat mur. • Diep depressie met selfvrwyt en skuldgevoel Jy is tipies ’n waardige, konserwatiewe mens wat altyd die regte ding doen en lyk asof jy alles onder beheer het. Jy neem jou verantwoordelikhede en werk baie ernstig op. Jy is uiters krities op jouself, en…

James* en Zoey* is 15 jaar gelede getroud en werk in die finansiële sektor. Hulle het twee seuns. “Ons het nooit geweet James (37) is aandagafleibaar nie,” vertel Zoey. “In ’n stadium is bipolêre siekte by hom gediagnoseer, wat ons mettertyd as ’n foutiewe diagnose beskou het. Die medikasie het hom uiters sleg beïnvloed; hy wou net slaap en het van selfmoord bly praat. Hy het die medikasie gestaak en maar voortgesukkel. Hy was onder die indruk hy is soms ‘lui’, en het nie besef daar is ’n mediese rede vir sy konsentrasieprobleme nie.” Die paartjie se jongste is “vreeslik besig”, en twee jaar gelede is hulle na ’n praatjie van dr. Shirley Jourdan, ’n algemene praktisyn wat op AA/HA fokus. “Toe sy die toestand verduidelik, het ek besef dís…

Natasha Combrink Ek was ook ’n tiener, en inmeng is nie iets wat jy wou hê jou ouers moet doen nie! Nou is ek ’n ma, en inmeng is iets wat moet gebeur. Die term “gentle parenting” steek altyd in my kop vas. Gesels oor besluite, gevolge en risiko’s. Hou die deur oop vir kommunikasie en laat jou kind toe om 95% van die tyd sy kop te stamp sodat hy kan leer. Die ander 5% van die tyd moet jy ferm wees. Marinda van Wyk Kinders moet van kleins af leer dat keuses gevolge het, en dat die voordeel van keuses verantwoording vra. My kinders het bv. hul eie loopbane gekies. Ek het in my jong dae dikwels gehoor hoe so-en-so ’n kursus volg omdat die ouers so besluit…

Die Thornybush-versameling is ’n reeks van twaalf vier- en vyfsterlodges geleë in die Thornybushnatuurreservaat en noordoos Sabi Sands. Die groottes van die lodges wissel van intiem met agt beddens tot twee groot lodges wat tot veertig bed-dens huisves. Die Thornybush Natuurreservaat het onlangs die 27 kilometer lange heining teen die oostelike grens verwyder wat die reservaat nou deel van die Krugerwildtuin maak. Dit beteken dat ’n groter verskeidenheid wild oral kan wei en gee gaste die geleentheid om meer wild te sien.…

Die klein jakkalsies wat soveel van ons se huwelikslewe verwoes, lyk almal verskillend. Die oorsake kan wissel van te min slaap tot angs, depressie, ’n verslawing of stres by die werk. Ander verhoudings (met kollegas, 'n baas, stiefkinders, of 'n eks) be›nvloed ook die manier waarop ons in ons huwelike optree, en so ook gebrekkige kommunikasie of ünansiële probleme. 'n Goeie huweliksterapeut kan help om jul probleme te identiüseer en die regte oplossings te kry. Geen terapeut kan 'n huwelik red nie Ģ hy of sy kan julle bloot tegnieke leer om probleme op te los en nuwes te voorkom. En anders as jou beste vriendin/ma/suster, is 'n terapeut neutraal ›n 'n kenner van verhoudings. En boonop kan jy seker wees dat jul probleme nie met die wye wêreld bespreek…

STEM JA OF NEE OP ONS VRAAG IN “WAT DINK JY” EN JY KAN ’N GATINEAU-GESKENKPAK TER WAARDE VAN R4 215 WEN. GATINEAU KOMBINEER NATUURLIKE BESTANDDELE MET INNOVERENDE BIOTEGNOLOGIE EN SKEP SODOENDE GEVORDERDE VELSORGPRODUKTE. GATINEAU SE SALONGEHALTE PRODUKTE EN REEKS SKOONHEIDSBEHANDELINGS WORD DEUR VELSORGKUNDIGES WÊRELDWYD GEBRUIK. GATINEAU SPESIALISEER IN PRODUKTE WAT DIE TEKENS VAN VEROUDERING TEËWERK EN DIE RESULTAAT IS ’N JEUGDIGE VOORKOMS. KRY JY SMIDDAE ’N ENERGIE-INSINKING? BESOEK VANDEESMAAND ONS WEBBLAD BY ROOIROSE.CO.ZA EN KLIK OP “WEN” EN DAN OP “WAT DINK JY”.…

DATUM Dinsdag 4 Desember 2018 TYD Registrasie vanaf 17:00. Die koskuieruitstappie begin stiptelik om 18:00. DRAG Stylvol-gemaklik PLEK Lynnwood Bridge, Daventrystraat, Lynnwood Manor, Pretoria. KOSTE R400 per persoon (wat ’n verwelkomingsdrankie, driegangmaaltyd met uitsoekwyne, asook ’n lieflike geskenksak insluit). BESPREKING Vir meer inligting oor die rooi rose -koskuier by Lynnwood Bridge en om jou plek te bespreek besoek caxtonevents.co.za Onthou om aan te dui in watter groep jy wil wees wanneer jy bespreek.…

WENK Om Kerspasteitjie-roomys te maak: Roer gekrummelde SPAR Freshline-Kerspasteitjies deur sagte SPAR-vanieljeroomys. Voeg ’n skeutjie brandewyn by vir ekstra jolyt. WENK ’n Inspirerende kinkel: Sit snye SPAR Freshline-Kerskoek pleks van soutbeskuitjies op jou feestelike kaasbord.…

Flousvleis in ’n laboratorium geskep uit ’n hoenderhaan se veredos!” is onlangs te midde van wêreldwye moord en doodslag as een van die dag se nuushooftrekke aangekondig. Die wonderlike deel van die nuus was dat daar – anders as op ons mense se slagvelde - nie een druppel bloed vergiet is van die skepsel van wie die vleis afkomstig is nie. Iewers op ’n plaas – glo nie ver van die laboratorium waar vlees van sy vlees in ’n glasbakkie aan die groei was nie - het Ian, die skenkerhoenderhaan, ongedeerd en ongestoord voortgeskrop. “Dié gekweekte weefsel lyk en proe sóveel na hoendervleis dat dit ’n fynproewer sal fop,” het die verslaggewer uitgebrei nadat hy ’n gebraaide hompie geëet het. Met net ’n enkele veer wat die skenkerhoenderhaan, Ian, moes…

Phil Barker, besturende direkteur van Renishaw Property Developments, wat die Renishaw Hill-aftreelandgoed ontwikkel, sien ook die kop-in-die-sand houding wanneer dit by beplanning vir ’n aftree-oord kom. 1 Eerstens sien ons dat mense glad nie beplan vir behuising as hulle ouer word nie. Boonop stel mense die besluit meestal te laat uit. Ons ervaring is dat mense makliker besluite in hul sestigerjare neem as later. Ongelukkig stel heelwat mense hierdie skuif uit en hoe langer hulle wag, hoe moeiliker is dit vir hulle om daardie besluit te neem, en word dit al hoe meer traumaties. 2 Baie mense onderskat die onderhoudskoste van ’n groot huis. Aftree-oorde is nie noodwendig goedkoop nie en jy betaal ’n heffing, maar daar is heelwat voordele soos sekuriteit, tuindienste, goeie geriewe en Internettoegang. Ouer huise se…

Die Kersfees-gedoente is nie vir sissies nie! Veral nie as dit jou beurt is om die hele familie te onthaal nie. Vyf en dertig lywe wat gehuisves en gevoed moet word. Dit verg bomenslike kreatiwiteit om almal tevrede te stel. As ek tee in die geiser kon maak, sou ek ’n wenner wees. Dis ’n week voor Kersdag en die inkopievrees pak my. Ek het nie krag of geduld om met die res van Suid-Afrika mee te ding om my kruideniersware te gaan koop nie. Almal bestorm die supermarkte asof hulle nooit weer gaan oopmaak nie. Dis nie die jare tagtig nie, mense! Jy kan nou tot jou ou sjerrietjie op ’n Sondag bekom. Vanjaar gaan ek op my stukke moet wees. Ek wil graag ietsie anders op die spyskaart…

Vir ANNA PENZHORN lê die bevrediging van skryf daarin om haar lesers te laat ontvlug en telkens die liefde opnuut te ervaar. Sy het deur die jare verskillende genres aangedurf maar vir haar bly die liefdesverhaal die bevredigendste. VERTEL ONS ’N BIETJIE VAN JOUSELF: Ek is ’n Bosvelder, maar “Vrystaat” staan oor my kinderjare geskryf. Die meeste van my verhale speel hulle in een van die twee plekke af. Ek het nie skryf gekies nie - skryf het my gekies. Ek is op my gelukkigste wanneer ek met ’n verhaal in my kop stoei en karakters skep wat vir my mense van vlees en bloed word - dit gebeur terwyl ek tuin of kos maak, voëls dophou of na ander se stories luister. Ek is moederlik besorg oor my karakters wat…

Op Woensdag 5 Desember open die solo-uitstalling van die kunstenaar Alex Hamilton, getitel “The Most Beautiful Girl in the World”, by die Alex Hamilton Studio Gallery in Woodstock, Kaapstad. Die galery is ’n versteekte juweel in die omgewing, en word deur die pop-kunstenaar Hamilton en sy handsakontwerper-vrou, Zelda, bestuur. Hamilton se multimediaontwerpe en kunswerke het reg van die begin af die aandag getrek. Daar is ook ’n opwindende mengsel-uitstalling wat opkomende sowel as gevestigde kunstenaars se werke sal vertoon. Behalwe visuele kunste, keramiek en kontemporêre borduurwerk, is daar ook ’n nuwe uitstallokaal vir Zelda Hamilton se handgemaakte retro-handsakreeks: ZStitch. In hierdie uitstalling ondersoek Hamilton die idee van “skoonheid”, asook die kunsmuse: ’n persoon of ’n persoonlike krag wat die bron van inspirasie vir ’n kreatiewe kunstenaar is. “In die begin…

KERSMARKTYD... Die gewilde Kamers/Makers se “Year of The Open Hand” is nou in sy hoog-somerseisoen, en soos altyd bied hulle verrassings en goeie idees! Hul vorige Johannesburgse skou by die nuwe markterrein op die skoolgrond van St David’s Marist Inanda het meer as 16 000 besoekers gelok om die uitsonderlike kreatiewe handwerk van Suid-Afrika se mense te kom besigtig. Hul jaareindfees word van 4 – 9 Desember in Pretoria gehou, dié keer by die Cornwall Hill College in Irene. Van 9:00 – 17:00 daagliks. Kaartjies: R60 by plankton.mobi en R90 by die hek – dit sluit ’n eksklusiewe KAMERS/Makers-sak en ’n tydskrif in. LAG ’N BIETJIE Jim Gaffigan is ’n Grammybenoemde komediant, akteur, New York Times -topverkoper en pa van vyf. Hy is wêreldbekend vir sy spesifieke soort humor wat…

Wat beteken dit vir jou om die Suid-Afrikaanse kunstenaar vir Apple Music se Country Wide-veldtog te wees? Dit is vir my ’n groot voorreg. Ek glo ’n internasionale platform soos dié kan vir my as kunstenaar baie beteken, en ook vir toekomstige kunstenaars wat daarvan droom om internasionaal geleenthede te kry. Jou eerste CD, Whiskey to my Soul, is goed ontvang en jou eerste enkelsnit “If Ever I saw Heaven” het die toplys op baie radiostasies behaal – het jy dit verwag? Ek dink nie ’n sanger kan vooraf heeltemal seker wees oor hoe mense sy musiek gaan ontvang nie. Ek is net baie dankbaar dat die media, radio en die publiek van die eerste enkelsnit af baie ondersteunend was. Wat beteken musiek vir jou? As…

Ná Charlotte vir Marat vermoor het, het die meerderheid Franse vroue hulle van haar gedistansieer. Hulle was bang dat haar optrede ’n reaksie aan die gang sou sit teen die vroeë feministiese beweging wat toe net-net lewe begin kry het. Baie van die vroue was ondersteuners van Marat en sy revolusionêre idees. Die moord het ook ’n nuwe plek vir vroue in die Franse samelewing ingelui. Daar was vroue wat aan die revolusie deelgeneem het maar nie leierskapsrolle vertolk het nie. Charlotte was die een wat die openbare sfeer binnegedring het deur ’n leier van die revolusie om die lewe te bring. Vroue was nie meer tot die kombuis beperk nie. Hulle kon leiding neem en ander prominente vroue soos Marie Antoinette, die feministiese dramaturg Olympe de Gouges, wat daarop…

Soms lê ek saans en rondrol oor die wreedheid van die media — die beroep wat ek so liefhet. En soms verafsku ook. Dan wonder ek of joernaliste ook met modderspore oor mý facebook-blad sal stap as ek — of iemand in my gesin — ’n droewige ding oorkom. Sal hulle ook sonder my toestemming foto’s van my gryskat, my kind se mak drakie of my ma se laaste teksboodskap publiseer? Sal hulle ook die tafel so netjies dek dat hartelose mense na hartelus onderaan hul berig kommentare kan lewer soos: “Laat dit vir haar ’n les wees”. Of: “Hoop haar kind gaan lewenslank tronk toe.” Of: “Dit is jou verdiende loon.” Maar soms lê ek ook saans wakker en dink aan die mooiheid van die media: Stories, boeke, woorde,…

Clover-room word van Clover-volroommelk gemaak en het ’n gladde tekstuur. Die Clover-reeks sluit vars room (perfek om styf te klits), suurroom, langlewe room en spuitroom in. Clover-room is die perfekte bestanddeel vir enige ontbyt of middagete. Clover-room werk perfek in soutterte en voeg ’n tikkie luuksheid by jou feesgebak. Maak ’n yskastert, koekstruif of ’n Eton mess met Clover-room en rond ’n somer-Kersfees perfek af Clover-room maak doopsouse en souse ekstra romerig en heerlik. Al wat jy hoef te doen om ’n vinnige doopsous te maak is om bone of keker-ertjies te puree en met room, kruie en speserye te geur. Gebruik Clover-room in romerige slaaisouse en somersop, of om ’n verleidelike aartappelslaai te maak.…

DIE ONTHOU ... In September 2015 het ek die verhaal “Die Soen” deur Elsa Winckler in rooi rose gelees. My gedagtes was skielik in Julie 1984 op ’n Landsdienskamp. Hy is 18, ek 17. Ek is in die lekkerruikfase van my jong lewe. Alles moes lekker ruik: my hare, my handeroom, my klere ... Musk Lip Ice. Die Spearmint-kougom en muskus is ’n trefferkombinasie vir vars asem. Dis pouse tydens ’n natuurbewaringsrolprent en die aandlug is kraakvars en yskoud. Hy buk af en pluk vir my ’n aandblommetjie. Ek kyk af na die ligpers blommetjie in sy hand en toe ek opkyk, is ons lippe millimeters van mekaar af. Sag en soekend is sy lieflike lippe skielik op myne ... Die geskrewe woord sal die oomblik nie verder kan beskryf…

Aan die einde van ’n jaar met aansprake uit allerlei oorde is dit of almal begin smag na ’n verandering in ritme. “Dis of my lyf en veral my kop in Desember geprogrammeer is om by my familie uit te kom,” sê regisseur Jozua Malherbe. Jozua en Rolanda se klein Charlotte vier in Desember haar tweede verjaardag. Die wete dat hulle nou ook ’n eie klein gesin is, gee ’n ekstra dimensie aan die voorreg daarvan om saam met haar iewers aan ’n groter, uitgebreide familie te behoort. “Dis mos of ’n mens in hierdie tyd altyd ekstra geraak word deur mense wat dit minder gelukkig getref het,” verwoord Jozua die soms gemengde gevoelens wat Kerstyd in baie mense wakker maak. Die wete dat haar blondekopdogtertjie vanjaar al iets van…

Bradley Cooper speel gewoonlik die aantreklike manlike karakters in komedies of aksieflieks, maar het met A Star is Born almal verras met sy debuut as regisseur en mede-draaiboekskrywer. Hy het boonop geleer kitaar speel en sing om teenoor Lady Gaga een van die twee ikoniese hoofkarakters te speel. Die fliek is die vierde weergawe van die klassieke rolprent wat die eerste keer in 1937 gemaak is met Janet Gaynor en Fredric March in die hoofrolle. Daarna was Judy Garland en James Mason die hoofspelers en in 1976 is dit uitgereik as ’n rock-musiekfliek met Barbra Streisand en Kris Kristofferson as die sterre. Bradley en sy Russiese model-meisie, Irina Shayk, se dogtertjie, Lea, is in 2017 gebore. Bradley se pa was ’n kankerlyer en sy dood het Bradley tot stilstand geruk.…

Haidee se eerste stukkie raad aan ander ouer vroue wat daarvan droom om ma te word, is dat daar hoop is. “Ek is ’n bewys daarvan. Wonderwerke kan nog gebeur, maar wees geduldig met jouself en met die hele proses en veral met jou lewensmaat. Hy is net so gespanne oor alles soos jy – moenie hom te erg druk nie, en probeer net om te ontspan oor alles. Ek weet dit klink makliker gesê as gedaan, maar ek glo as ’n mens te veel daarop fokus, gaan jou liggaam dit aanvoel. Toe ek begin ontspan, het dinge begin gebeur.” Sy is ook beslis daaroor dat ’n mens jou nie moet steur aan ander mense se menings nie. “Solank jy en jou dokter gelukkig is oor jou gesondheid, het jy…

Lindie Strydom Ek dink hoe ouer ek word en ook namate ek as ma groei, hoe meer besef ek waardeur my ma, Dabah, is: soveel opoffering en tyd, liefde, moeite, wakker lê, bid en stres,” sê Lindie Strydom. “Sy het altyd gesê: ‘Wag tot jy kinders het, dan sal jy verstaan.’ En ja, ek verstaan al ’n bietjie beter, maar ontdek nog elke dag! ‘JY MOET JOU DANKBAARHEID VIR JOU OUERS IN WOORDE OMSIT EN DIT VIR HULLE SÊ’ - Lindie Strydom “Ek was nie ’n moeilike kind nie, maar met die volwassenheid wat tyd en ervaring bring, besef ek al hoe meer hoe die veilige hawe van geborgenheid en liefde wat my ouers vir my geskep het my paraat gemaak het vir die lewe. ’n Bietjie soos…

Philip se hardwerkendheid en veelsydige kreatiwiteit is indrukwekkend. Hy kan nie net met woorde toor nie, maar hy was ook ’n operasanger en is ’n uitstekende fotograaf met ’n fotoboek en verskeie uitstallings op sy kerfstok. En al word hy binnekort tagtig, is hy altyd aan die werk, óf met een van sy eie skeppings, óf met ’n vertaling vir uitgewers. Boonop is baie van sy opdragwerk rymvertalings, iets wat nie alle vertalers kan doen nie. Tussendeur is daar nog sy RSG-radioreekse oor komponiste. Hoe kies jy vir hom ’n werkstitel? “Ek glo nie aan titels nie,” antwoord Philip. “As ek sing, beskou ek my as ’n sanger. As ek foto’s neem, is ek ’n fotograaf. As ek radioreekse skryf, is ek ’n navorser en aanbieder. As ek skryf, is…

HANNAH LAVERY WAS ’N JONG STUDENT TOE SY HAAR ONDERNEMING IN 2012 BEGIN HET. SY GEBRUIK SUIWER ORGANIESE MATERIALE WAT DIE NATUURLIKE KONTOERE VAN DIE VROUELIGGAAM OMVOU. SY IS OP PLAASLIKE EN ETIESE VERVAARDIGING INGESTEL, EN STEUN ONTWERPERS WAT OOK STERK OOR DIE KWESSIE VOEL. SOMER-VELSORG Ek is lief vir die somer, maar die warm dae kan ’n mens se vel uitdroog. ’n Natuurlike bevogtiger het my vel al dikwels gered – maak seker jy gebruik een wat reg vir jou veltipe is. BEVOGTIGER MET NATUURLIKE OLIES (R350) SKIN CREAMERY. Mooi ONPAAR Ek dra nooit twee van dieselfde oorringe nie en daarom is ek so dol op dié onpaar van A Bird Named Frank. Boonop is hierdie een ook na my vernoem! KOPER-EN-SILWEROORRING (R400) A BIRD NAMED FRANK. MOET-HÊ LEERBAADJIE…

• Insekbyte Antihistamienroom, soos Phenergan. Moenie krap nie! • Koorsblare Beta-Vira of Acitab. Begin dadelik. • Bloublasiebrand ›Verwyder heel eerste die stringe van jou vel – maar nie met jou kaal hande nie. Gebruik ’n skulp of handdoek. Spoel die vel met seewater af. Hou dit nou vir 10-20 minute in yskoue of vuurwarm water, wat die gif help inaktiveer. Wend Stingose of ’n pasta van bakpoeier en water aan. • Aambeie Anusol, Preparation H of ’n ligte kortisoonroom. • Brandwond Burnshield. Maar gaan na ’n dokter of ’n noodeenheid of ’n Clicks- of Dis-Chem-apteek as die wond baie diep of baie groot is, of infeksie inkry. (Dit sal begin klop.) • Ooginfeksie Jy kan Brolene-oogdruppels probeer maar dit kan ernstig wees. As jy skielik sleg sien, gaan liewer na ’n dokter of oogkundige. • Sistitis…

Laat die WIELE ROL Thule se eerste vierwiel-stootwaentjie, die liggewig Thule Sleek, is hier! Veertien sitplekstellings verseker dat dit saam met jou gesin groei: voeg net 'n drawiegie, peutersitplek of karstoeltjie by, of omskep dit in 'n stootwaentjie vir twee kinders. Dié Thule draai kort, loop gladweg op teëls én plaveisel, en die sitplek kan vorentoe of agtertoe kyk, Die duursame, veilige Thule Sleek is die enigste stootwaentjie wat jy ooit nodig sal kry. Een leser kan ’n Thule-geskenkbewys van R5 000 wen. SMS Thule, jou naam, adres en ID-nommer na 48409. ’n SMS kos R1,50 en jy kan soveel SMS’e stuur soos jy wil. Gratis SMS’e geld nie. Sluitdatum 31 Desember. Bepalings en voorwaardes op bl. 125. MY TWEE SAGTEHARTDOGTERS Toe ek ma geword het, het die hulpeloosheid van…

Leonor Breytenbach Huweliksberading is belangrik, veral omdat egskeiding deesdae makliker as voorheen is. Ek is ook 'n voorstander van voorhuwelikse berading, want dit is gewoonlik wanneer toekomstige egpare besef/besluit om met 'n huwelik voort te gaan of nie. Dis belangrik om eerlik in 'n huwelik te wees, en indien nodig, die noodsaaklikheid van hulp met die eggenoot te kan bespreek en hom sodoende te kan oortuig om saam met jou na 'n huweliksberader toe te gaan. Dis immers altyd beter om eers te probeer as om net tou op te gooi. Natasha Combrink Ek dink dit is belangrik en het beslis 'n plek in ons samelewing, want 'n man en vrou kan sukkel om doeltreûend met mekaar te kommunikeer. Ek voel wel ook dat dit slegs gedoen moet word as…

Sodra ons wakker word, begin ons liggame die streshormoon kortisol vervaardig om ons aan die gang te kry. Wanneer jy opstaan en dadelik jou eerste koppie koffie wegsluk, maak die kafeïen inbreuk op die produksie van kortisol. Om onmiddellik koffie te drink maak jou nie regtig wakkerder nie! Boonop verhoog dit jou kafeïenverdraagsaamheid, wat beteken dat jy ’n groter hoeveelheid koffie moet drink om genoeg skop te kry. Die beste is om 60 tot 90 minute te wag voor jy jou eerste koppie koffie drink - teen daardie tyd het jou kortisolvlakke ’n piek bereik.…

GROEP 1 • Verwelkomingsdrankies word bedien by Tiger’s Milk. • Voorgereg by Café Beyritz • KNOFFEL-EN-TIEMIE-SLAKKE: In kruiebotter gebraai en voorgesit met ’n knoffel-en-tiemie-roomsous en crostini. • Hoofgereg by Stephnie’s • HEEL GEROOSTERDE FOREL VAN DULLSTROOM: Word met wilde roket-en-vinkel-slaai en gestoomde groente voorgesit. • DADEL-EN-VY-HOENDER: Twee hoenderborsies (van vrylopende hoenders) bedek met rooi-uiemarmelade, tropiese vrugte en dadelblatjang en met ’n speseryagtige romesco-sous voorgesit. Die gereg word met geroosterde mozzarella en amandels gegarneer en met saffraan-basmatirys voorgesit. • Nagereg by TriBeCa • SJOKOLADE-BRUINTJIE met karamel en roomys; KLASSIEKE VANIELJE-CRÈME BRÛLÉE. GROEP 2 • Verwelkomingsdrankies word bedien by Tiger’s Milk. • Voorgereg by Stephnie’s • VY-EN-CAMEMBERT: Gebraaide camembert bedien met wilde heuning, geroosterde okkerneute en ingelegde vye. • GEROOKTE-SALM-EN-BEET DAUPHINIOSE: Gerookte salm en sprietuie-roomkaas dauphiniose en krakerige kappertjiesade met beetroomys voorgesit.…

GAZPACHO MET DOOPSTOKKIES GENOEG VIR 8-10 Verwelkom die piekniekgangers met ’n smaaklike koue sop wat jy sommer voorsit in glasbotteltjies wat dig seël. Die vodka gee ’n bietjie skop aan die sop, maar kan weggelaat word. • 800 g kersietamaties vir die sop en 100 g gekapte tamaties vir opdiening • 1 rooi soetrissie, saadjies en wit vliesies verwyder, en gekap • ½ komkommer, geskil en gekap (sny die ander helfte van die komkommer in blokkies en hou vir opdiening) • 1 rooi-ui, geskil en gekap • 1 knoffelhuisie, geskil • 5 ml (1 t) sout + ekstra volgens smaak • 5 ml (1 t) gemaalde swartpeper • 10 ml (2 t) rooiwynasyn • 45 ml (3 e) olyfolie • 100 ml vodka • jong kruieblaartjies vir opdiening 1 Verwerk…

FEESTYD Suid-Afrika se Four Cousinshandelsmerk vertel die verhaal van die vier Retief-nefies, Hennie, Bussell, Neil en Phillip, wat hulle in die jare negentig by die familieplaas aangesluit het. In 2000 het die vier nefies die Four Cousins-reeks aan die wêreld bekend gestel en vandag, 18 jaar later, is dit die grootste bottelwynhandelsmerk in die land. Hierdie eg Suid-Afrikaanse reeks bied ook heerlike likeurs, soos maroelaen aarbeiroomgeure. Geniet dié soet sopies op ys, oor roomys óf in hierdie aarbei-colada. Jy benodig: 35 ml Four Cousins Aarbeiroomlikeur 25 ml wit rum 50 ml pynappelsap 25 ml klapperroom 15 ml lemoensap Meng al die bestanddele en sit yskoud voor. Garneer met halwe aarbeie en pynappelskywe. Koop Four Cousins-produkte aanlyn vanaf die Winehub op die Four Cousinswebtuiste. Vir meer inligting oor Four Cousins, besoek…

KOOP SÓ DIE REGTE MOTOR • Koop die voertuig wat jy nodig het en nie die een wat jy begeer nie. Dis maklik om meegevoer te raak en ’n duurder voertuig te koop op grond van ’n verhoging of bonus waarop jy hoop - wat dalk nooit gebeur nie. • Dink mooi na oor jou voertuigbehoeftes. Daardie kompakte stadsmotortjie met die minder dorstige enjin gaan jou breed laat glimlag as jy sien hoeveel jy op brandstof spaar. Kies die een met die groot kattebak as jy ’n wavrag bagasie moet laai. • Versekering neem ’n groot hap uit jou begroting, maar dis noodsaaklik. As jou voertuig in ’n ongeluk afgeskryf word en jy het geen versekering om dit te vervang nie, moet jy steeds daaraan afbetaal al is jy jou…

PRAKTISEER AS GESERTIFISEERDE CHRISTELIKE LEWENS-, WELSTAND- EN HEELHEIDAFRIGTER OP BALLITO IN KWAZULUNATAL. SY TREE OP AS INSPIRERENDE / MOTIVERENDE SPREKER EN IS ’N SONDAGSKOOLONDERWYSER VIR PEUTERS BY UMHLALI METODISTEKERK. IN JULIE IS EEN VAN HAAR KORTVERHALE IN ASB SE SPRANKEL! GEPUBLISEER. SY HET ’N ONEINDIGE PASSIE VIR GOD, SKRYF EN OM ALLE VROUE HUL SELFWAARDE TE LAAT KOESTER. HEELTEMAL VERSLAAF AAN KOFFIE, HUMOR EN BOEKE! GETROUD MET HAAR TIENERLIEFDE, DIETER, EN TROTSE MA VAN CALVIN EN MATTHEW. GAAN KUIER GERUS OP HAAR BLOG: whostolemytiara.com…

As jou boekklub al die vrae reg beantwoord en getrek word, kry julle die boeke wat in die uitgawe op ons boekrak staan, geskenk deur Graffiti. Stuur jul antwoorde na roneln@caxton.co.za met “Desember-boeke” in die onderwerpreël, of na rooirose.co.za Klik op “boeke” en volg die aanwysings. Stuur ook vir ons jou boekklub se naam, posadres en selnommer. VRAE 1 Wat was die titel van die Beatles se eerste treffer? 2 i carry your heart with me (i carry it in my heart). Digter? 3 “Liefde is ’n stille rivierstroom.” Kunstenaar? 4 Wie was die “liefling van Loftus”? 5 Watter taal/le is die oorsprong van die woord “liefde”? NOVEMBER-ANTWOORDE 1 “Please read the letter that I wrote” – skrywer? Robert Plant 2 Wat beteken die woord “akrobaat”? Om op die punte…

SO ’N PAAR MAANDE GELEDE was ek so gelukkig om Bellini se opera Norma in die Brooklyn-teater in Lynnwood, Pretoria by te woon. Dis ’n kleinerige teater maar een met groot moontlikhede en finesse. Die naam kom nog uit die begindae, meer as twee dekades gelede, toe dit aanvanklik ’n winkeltjie was wat op kamermusiek en ander klassieke musiek gefokus het. Dié het later in ’n soiree-venue ontwikkel. Toe, soos bestem, gaan daar ’n plek in Lynnwood oop met die ideale grootte en in ’n baie toeganklike buurt. Die naam het gebly: Brooklynteater. “Hulle” is Willem Vogel en Daniël Vos, die stigters en vennote van die winkel, die soireegeriewe en nou die teater. Willem, die bemarkingbestuurder (wat ook die dirigent van die Gauteng Filharmoniese Orkes is), vertel die storie. Hoe…

DIE AVONTUUR – DOUVOORDAG. MAAK JOU REG VIR ILSE EN JATTIE DE BEER SE DEBUUT-ALBUM. DIE CD HET ONMIDDELLIK TOT DIE NO.1-POSISIE OP ITUNES GESPRING. HULLE WAS OOK VIR DIE KLANKBAAN VAN DIE FLIEK MOOIRIVIER VERANTWOORDELIK. JATTIE SKRYF EWE GEMAKLIK IN AFRIKAANS EN ENGELS, EN IN ENIGE GENRE. OESJAAR – JANNIE DU TOIT. DIE KANNIEDOOD WAT DIE AFGELOPE TYD DIE MUSIEK VAN SY GUNSTELING-MUSIKANTE, SOOS JACQUES BREL GESING HET, WIL NOU OP SY EERSTE LIEFDE FOKUS: DIE SKRYF VAN AFRIKAANSE LIEDJIES, SOOS DIE AANGRYPENDE LIEFDESBALLADE “JY KYK SAG” WAT HY VIR SY VROU GESKRYF HET . BREAK THE RULES – JARRAD RICKETTS. DIE ALBUM LAAT JOU AAN DIE POP/RNB-MUSIEK VAN DIE JARE NEGENTIG DINK. JAR-RAD, WAT IN KAAPSTAD GEBORE IS, IS TANS ORAL TE HOOR. EUROPEËRS IS…

Die adellike Charlotte Corday was net 24 toe sy die Jakobynse leier, Jean-Paul Marat, in die stormagtige tye van die Franse Revolusie vermoor het. Die sluipmoord was nie om selfsugtige gewin nie. Sy het die moord om die edelste redes gepleeg: om Frankryk van die skrikbewind van Marat en sy makkers te verlos. Maar die ironie is dat die skrikbewind ná die moord vererger het. Daar is heelwat ironieë in Charlotte se verhaal. Jean-Paul Marat was waarskynlik reeds aan die sterf toe hy doodgemaak is. Hy het ’n erge velprobleem gehad, so erg dat hy nie meer vergaderings van die Nasionale Kongres in Parys kon bywoon nie. Hy het die ongeneeslike velkwaal opgedoen toe hy in die Paryse rioolstelsel vir sy vyande weggekruip het. Al wat die pyn effens verlig…

1. HOE BRING JY JOU VRYE TYD DEUR? a. Lees of doen joga b. Kampeer c. Enige wateraktiwiteit d. Gaan na temaparke e. Stap f. Fietsry 2. HOU JY VAN HINDERNISBANE? a. Nee, glad nie b. Nie baie nie c. Ek gee nie om nie d. Vir seker e. Is dit op ’n heuwel? f. Net as dit ’n resies is 3. IN JOU FAMILIE WORD JY GESIEN AS DIE … a. Vredemaker b. Vasberade een c. Leier d. Snaakse een e. Energieke een f. Wilde een 4. BESKRYF JOUSELF IN EEN WOORD a. Kalm b. Gekant teen risiko’s c. Avontuurlustig d. Snaaks e. Bedrywig f. Lewenslustig 5. JOU GUNSTELINGSKOOLVAK WAS: a. Afrikaanse letterkunde b. Biologie c. Wetenskap d. Middagete e. Lewensoriëntering f. Liggaamlike opvoeding RESULTATE MEESTAL A Clover Sip…