Innholdsfortegnelse for November 2018 i Rooi Rose

EK DINK al ’n geruime tyd hieroor na, en omdat ons onlangs ’n besonderse familietroue gevier het met al die vreugde en plesier wat daarmee gepaardgaan, is die liefde nou vars in my gedagtes. Die bruid en bruidegom, jonk en met sterre in hul oë, is al van skool af verlief en ken mekaar al ’n volle 14 jaar. Juis daarom was dit anders en verfrissend om te sien hoedat hulle die jare wat verloop het, gebruik het om aan hul verhouding te bou, om in mekaar en in hul wedersydse liefde te belê. Onlangs lees ek die volgende raak: Daar is byna geen menslike aktiwiteit of onderneming wat met soveel hoop en verwagtinge afskop en tog so gereeld misluk as juis die liefde nie. (Die filosoof Erich Fromm in…

Nadia van der Merwe (37), administratiewe beampte, Kaapstad. Ek is besig om my troue te beplan en het tot dusver alles gedoen gekry wat ek moes afhandel. Marina Stain-Alberts (64), persoonlike assistent, Kraaifontein. Ek het my voorgeneem om gesonder te lewe en meer dikwels én harder te oefen. Ek oefen wel maar nie hard genoeg nie. Ek wou teen die einde van 2018 al 10 km kafdraf, maar ek is nog nie daar nie. Die oorblywende paar maande sal ek beslis moet sweet! Dorette Jonker Ons het onlangs ’n ou huis gekoop en my plan was om elke drie maande een vertrek oor te doen. Ek het nog een vertrek oor - die spaarkamer. As ek een dag per week ná werk iets afhandel, soos mure verf, behoort ek betyds…

Blake Lively ontmoet my by die Crosby-hotel in New York in ’n stylvolle manspak. Sy slaag daarin om terselfdertyd vroulik en sterk te lyk. Die manlike styl laat haar selfs mooier en sagter lyk. Sy is met die akteur Ryan Reynolds getroud en hulle het twee kinders, Inez en James. Die paartjie is bekend vir hul sin vir humor, en hulle maak mekaar gereeld speels af op sosiale media. In die tyd van #TimesUp is dit nie korrek om opmerkings oor ’n vrou se figuur te maak nie, maar Blake is die verpersoonliking van ’n “bombshell”. Sy laat ’n mens dink aan die glansryke Hollywoodaktrises van die jare vyftig met hul perdebylyfies. Sy het die eerste keer aandag getrek in die gewilde TV-reeks Gossip Girl, en is tans teenoor Anna…

Dit maak Susan bly: “Like minded mense – die kuddetjie waarin ek tuis en welkom voel. Samesyn met lojale vriende en familie, want dit voeg waarde by my lewe. Om lekker te lag en ook diep, sinvolle gesprekke te voer. Goeie kos en goeie vonkelwyn. ’n Goeie fliek. Mooi musiek. As my swembad blou is en nie groen nie. My Iceberg-roosbedding. My worshond se liefdevolle bruin oë. My kleinseun se babareuk en tweetand-smile. ’n Bewustheid van die Here se sagte hand oor my.” Dit verpes sy: “In myself? Vrees. Ek hou niks daarvan dat my vrese my beperk om ’n voller lewe te lei en meer avontuur te beleef nie. Ek was byvoorbeeld vreesbevange om vroualleen deur die land te reis om geleenthede te gaan bywoon, maar ek het die…

MINKI, HANLI EN ALTA Minki van der Westhuizen van onder meer Boer soek ’n Vrou- faam het ná haar huwelik met Ernst Joubert twee skoonsussies bygekry. Sy en skoonsus Hanli Brink woon boonop langs mekaar, en hierop is die jonger skoonsus, Alta van Zyl, lekker jaloers. Dis opvallend dat die driestuks geheg is aan mekaar, en hulle kla dat hulle nie genoeg tyd kry om saam te kuier nie. Alta is uit eie reg bekend vir haar musiek, asook haar betrokkenheid by die Lollos- kindermusiekprojekte. Maar sy het laasgenoemde gegroet om meer tyd saam met haar gesin te kan deurbring. Sy is op 41 weer ma – haar vierde kind is onlangs gebore en sy is baie betrokke by haar gesin. “Ek is maar ’n ongeorganiseerde wese,” sê sy laggend.…

‘Nou besef ek ware sukses is om die geleenthede wat vir my gebied word, “in time well spent” te omskep’ Een nag, terwyl hy nog as skoonmaker by ’n Kaapse casino gewerk het, het Brendon Daniels voor ’n rolprentplakkaat van Denzel Washington vasgesteek en besluit: as hy ’n akteur wil word, moet hy dit nóú doen. En twaalf jaar later, op 45, het hy meer as sestig rolle as professionele akteur op sy kerfstok. Die benoemings en bekronings het ook nie uitgebly nie. By die pas afgelope Silwerskermfees is Brendon aangewys as die beste akteur vir sy rol as die karwag Dan in die rolprent Cowboy Dan. In 2015 is hy met ’n SAFTA bekroon as die beste ondersteunende akteur vir sy uitmuntende vertolking van die bendeleier Farakhan in die…

Verf mekaar se naels DIE KLEURE WAT ONS GEBRUIK HET, IS ALMAL VAN MORGAN TAYLOR: NAIL VARNISH IN BLACK SHADOW (DONKER KLEUR), I ORCHID YOU NOT (GRYSERIG), POLISHED UP (PIENK) EN LOOKING FOR A WINGMAN (ROOIERIGE SKAKERING). ‘Ek is lief vir my man, maar niks is so goed soos om met ’n vrou wat jou verstaan te gesels nie. Ek groei soveel uit sulke gesprekke’ - Beyoncé Ontmasker die mooiste jy! VERTROETEL JOU VEL EN MOENIE VERGEET OM FOTO’S TE NEEM EN TE INSTAGRAM NIE #MASKING Kuierpedikuur SIT MOOI HOUERS VOL WATER UIT, SOOS DIÉ KOPERBAK VAN AFRICOLOGY, WAARIN JOU GASTE HUL VOETE KAN WEEK. STROOI GEURIGE BLOMME IN DIE WATER EN ONTHOU KLEIN HANDDOEKIES WAARMEE HULLE HUL VOETE KAN AFDROOG Maskers Vra jou gaste om elkeen ’n gunsteling-masker saam…

HEERLIKE OLYFBROOD Genoeg vir 1 brood 500 g (1 000 ml) broodmeel 10 g (1 pakkie) kitsgis 7,5 ml (½ e) sout 325 ml (1½ k) louwarm water 250 ml (1 k) heel Olive Pride swart olywe in pekelwater. Sny middeldeur, druk droog op kombuispapier en meng 30 ml (2 t) meel daardeur 1 Meng die meel, gis en sout in ’n groot mengbak. 2 Gooi die water in ’n ander groot mengbak, voeg die helfte van die meel daarby sodat dit ’n slap deeg vorm. Voeg die ander meel geleidelik by tot dit ’n hanteerbare deeg vorm. Knie die deeg vir sowat 10 min. op ’n meelbestrooide werkvlak tot glad en elasties. 3 Sit in ’n ander bak wat met olie gesmeer is, en smeer die bokant van die…

GEEN bygevoegde suiker nie Net die ding om klein mensies se dors te les. Nutrikids Juice is propvol vitamien A, B, C en D, kalsium en yster, en hoef nie verder verdun te word nie. Sowat R8 vir ’n houertjie. SAG OP DIE WASGOED Hou jou fyn en delikate klere pragtig en vars met SKIP Delicates-wasmiddel. Die produk is spesiaal ontwikkel om delikate materiaal sagkens te was, en jy kan dit vir hand-was of outomatiese wasmasjiene gebruik. Die wasmiddel werk net so sagkens met jou kant- en syklere as met jou hande. Sowat R64,99. FRIS EN VARS Betadine™ Daily Intimate Care bestaan uit drie produkte: Daily Intimate Foam, Daily Intimate Wash en Daily Intimate Wipes. Die produkte is wetenskaplik geformuleer en gebruik natuurlike bestanddele wat jou vars en gemaklik laat…

Hoe wonderlik dit ook al is om verlief te raak, is geen lewensmaat volmaak en geen liefdesverhouding sonder sy uitdagings nie. Baie paartjies beland op ’n dag by ’n kruispad waar een of albei wonder of dit die moeite werd is om met die verhouding voort te gaan. Een van die faktore wat hiertoe kan bydra, is ’n langdurige siektetoestand. En as jou maat bipolêre siekte het, maak die onvoorspelbare gemoedskommelings wat die siekte kenmerk en die stigma wat in ons samelewing aan geestesiektes kleef, dit nóg swaarder. “Tensy bipolêre siekte baie goed bestuur word, voel dit vir die betrokkenes asof hulle deurentyd in krisismodus leef,” sê Sandy Lewis, hoof van terapeutiese dienste by Akeso Psigiatriese Klinieke. “Dit beïnvloed die persoon met die toestand se gemoed, denke, optrede, gesondheid, werk,…

Ian* en Merle* is 43 jaar lank getroud en het mekaar op hoërskool ontmoet. “Haar welgevormde bene en wye glim-lag het my oog gevang,” onthou Ian, nou in sy sestigerjare. Nie een van hulle het geweet Merle het bipolêre gemoedsversteuring met maniese en depressiewe fases nie. “Op 25 het ek die eerste keer probeer selfmoord pleeg, maar die siekte is eers op 48 by my gediagnoseer,” sê Merle. “Die manie het my aangevuur om kreatief en suksesvol te wees. Nadat ek dertig jaar lank my eie onderneming in die vermaaklikheidswêreld bedryf het, het ek weens my mood swings te bang geword om langer aan te hou werk.” Die paartjie het twee uiters suksesvolle kinders - “en dit ondanks die ontwrigtende invloed van my siekte”, sê Merle. “Ian het daarin geslaag…

Die betowering van lower, klipkleure en ’n spel met lig maak dié ‘buitevertrek’ baie besonders NATUURLIK Hierdie kuierplek het ’n aardse gevoel. Die neutrale palet is met verskeie groen elemente ingekleur. Die kussings van die houtbank kan maklik verander word om sonder groot uitgawes en te veel moeite ’n nuwe voorkoms vir elke seisoen te skep. Die groot spieël is ’n interessante fokuspunt en weerkaats die boomryke omgewing. Die mooi van eenvoud: Verander ’n stil hoekie in die tuin in ’n heerlike kuierplek VARS Hierdie gesellige kuierhoekie met sy eenvoudige elemente, soos die houttafel en –stoele, het ’n gestroopte voorkoms wat deur die kontrasterende teksture van welige plantegroei, linne, glas en metaal aangevul word. Vrolike spatsels helder kleur kontrasteer mooi met die beheerste palet van klasssieke wit, grys en swart…

Nil per os.” Op die lys voorskrifte wat ek kry voordat ek ’n operasie moet ondergaan, is dié vetgedrukte woorde al wat ek raaksien. Dit maak nie saak of die opdrag in klassieke Latyn as “Nil per os” of “Nil per mouth” in Engels as algemene voertaal gegee word nie. Instinktief en uit ervaring weet ek dat dit nie op ’n voerkraal betrekking het nie, maar in Afrikaans “Geen voeding mondlangs nie”, vir ’n operasie-afwagtende beteken. Dit skryf voor dat ’n pasiënt vir minstens ses uur voordat sy geopereer word, niks mag eet of drink nie. Vir mense wat in kos hul troos soek wanneer die lewenstorme woedend om hul slaan, of wanneer hulle bedreig voel, is dié verpligte vastyd voor ’n operasie ’n bykomende beproewing. Nie sjokoladekoek om sielsaligheid…

BELÊ DAARDIE TROUGELD Baie hedendaagse paartjies woon voor die troue saam en het dikwels genoeg huishoudelike items teen die tyd dat die huweliksklokke beier. Lisa Airey, strategie-analis by Old Mutual, sê kontant is ’n slim trougeskenk vir paartjies wat saamgewoon het. “Dis meer bevredigend om te spaar vir ’n deposito vir ’n eerste huis, of die koms van ’n baba, as om ’n tweede eetservies te kry.” Só kan paartjies doeltreffend belê:  1 Werk saam aan ’n spaarstrategie. Paartjies se doelwitte verskil, en dit is belangrik dat julle vóór die troue in besonderhede hieroor praat sodat julle saamstem oor groot finansiële besluite. 2 Finansiële probleme is een van die grootste aanleidende faktore tot egskeiding. ’n Finansiële beplanner kan ’n paartjie help om hul geldsake doeltreffend te bestuur as hulle nie…

DOODMENSLIK – W. L. vd Merwe (Protea) Voortaan sal ek winterskemer / Vleilangs loop / En droë takkies van geraamte /Struike stroop / Die wilgers sal gekruisig /Aan die hemel hang /En ek sal, doodmenslik / Na jou terug verlang ... Wie kan dié ongelooflike werk, getoonset deur Laurinda Hofmeyr en gesing deur Laurika Rauch, vergeet? En die digter? Die (toe nog) onbekende Willie van der Merwe. Hy het pas sy debuutbundel gepubliseer, en dit is met een woord asembenemend. Dit is ’n bundel wat die kenners - en liefhebbers van digkuns - met kop én hart gaan laat regop sit. Die bundel is met tye donker, met sy weersin van erotiek en oorlog sterk uitgedruk; en dan weer kom jy van die mooiste liefdesgedigte teë wat moontlik nog in…

Twee Afrikaanse fiksieskrywers het weer die kollig op die talent in SA laat val toe hulle ’n plek op USA Today se Topverkoperslys gekry het. Carlyle Labuschagne en Kristin Ping is die eerste Suid-Afrikaners wat dié prestasie behaal. Die twee skrywers wie se boeke saam as The Shadow Files uitgegee word, se onderskeie boektitels is onder meer Tethered en The Curse. ’n Groep Amerikaanse skrywers het hulle genader om saam te span en ’n boks met hul fiksieboeke uit te gee. “Ons het ’n jaar gehad om te skryf, te redigeer en ons individuele boeke sowel as die stel te bemark. So, baie slaap, oefening of kook was nie juis hoog op ons agenda nie,” sê Labuschagne. Om ’n suksesvolle fiksieskrywer – en ’n vrou boonop – te wees, was…

Feestelike MARK Die Festive Ideas-mark is in sy tiende jaar en dit lyk of dit vanjaar nog groter en lekkerder as die voriges gaan wees. Die uitsonderlike versameling Kersgeskenke en dekor-items maak van markdag ’n uitsonderlike makietie. Merk solank Simondium’s Country Lodge en die datum, 24 Oktober tot 28 Oktober, in jou kalender. Vir meer inligting, bel 021 874 1046, of kyk na Festive Ideas op Facebook. PANTOMIME Janice Honeyman se Snow White is van 3 Nov. tot 23 Des. in die Nelson Mandela-teater in Johannesburg te siene. Neb Voss as die bose koningin gaan jou lagspiere in die werk steek. Selfs die veteraan-radiopersoonlikheid John Robbie het ’n rol in die pantomime. Honeyman se jaarlikse dosis humor, musiek, pret, plesier en talent is altyd ’n treffer. Bel…

Ek het by die eikehouttafel in die kombuis gestaan toe jou broer my met die tyding bel. ‘Is jy by jou huisie?’ het hy gevra, so voel-voel My liewe kind Ek het gedink om jou te laat weet ek het getrek. Dalk weet jy. Maar ek verbeel my jy kan dalk by my ou huis, sal ons sê, voor andermansdeur aankom. Mense wil by my weet of dit maklik was om die huis ná soveel jare agter te laat, maar ek is ’n bietjie haastig vir dink daar weg. Eers die lang gepak en gewag vir die oordrag, en toe skrik ’n prokureur wakker. Dit was maar deurmekaar. So op die stertkant is daar mos altyd nog ’n pot wat moet in, die broodjies vir dié wat help trek, die…

DANKIE Baie dankie vir Magdaleen Malan se rubriek “’n Stukkie Afrika” (rooi rose, September 2018). Dit het die verlange teruggebring na my wonder-like kinderdae op die plaas. Ek wens ons kleinkinders kon dit ook beleef. Maar Oumi se tuin in die stad moet maar goed genoeg wees. Daar is darem baie liefde en lekker kos. Ingrid Berry (Brief verkort -red.) VAN KRAG TOT KRAG Die Hannon-produkte wat in rooi rose gewen kan word, neem my 25 jaar terug: Ons is ’n groep skoonheidskonsultante en kliënte wat bespreek is vir ’n haar-en-grimeersessie, en ons sien soos opgewonde skooldogters uit na die metamorfose. Twee aantreklike, netjies geklede mans haal ’n paar tassies uit ’n wit Golf, en mik in ons rigting. Ons make-overs begin. Ons sien hoe Hannon vaal vroue in skoonhede…

VELSORGBEDERF Vyf gelukkige lesers kan elk ’n geskenkpak ter waarde van R1 000 van Clere wen! Dit sluit Clere se nuwe Vanilla Honey Cream in wat twee van hul gunsteling-geure kombineer: heuning en vanielje. Die room is vir ’n baie droë vel ontwikkel. AGTER DIE SKERMS Kom kuier agter die skerms saam met die lieflike Tracey Lange tydens ons voorbladfotosessie in die mooie Kaapstad. ‘rooi rose’- WINKEL Is jy op soek na ’n unieke geskenk vir jouself of iemand spesiaals? Gaan maak ’n draai by ‘rooi rose’ se aanlynwinkel: rooirosewinkel.co.za TANNIE EVITA Ilse Salzwedel het saam met Tannie Evita Bezuidenhout gaan tee drink (en koeksisters geëet, natuurlik!) Hulle het oor die hoogtepunte in haar loopbaan gesels én ’n bietjie geskinder oor daardie doring in haar vlees,…

Buite die glans van openbare aandag, musiekverhoë en kameras - op die grasperk van ’n groot erf op ’n landgoed in die ooste van Pretoria - speel ’n pa en ma met hul drie kinders en twee honde. Die kinders gaan na ’n plaasskooltjie toe, kaalvoet en sorgeloos. Hier voel jy nie jy woon in die stad nie. Dit is die oase en toevlugsoord van Pieter van Jaarsveld (31), oftewel Bobby, die bekroonde sanger en liedjieskrywer, gewilde akteur en TV-aanbieder en suksesvolle entrepreneur. Hy het sy verhoognaam by sy pa, Bob, geërf. Sy pa het hom kleintyd die troetelnaam Bobby gegee. En omdat daar glo te veel “Pieters” in die musiekbedryf was, het hulle besluit om sy troetelnaam te gebruik. Mense ken dié gewilde kunstenaar ook danksy treffers soos “Talina”,…

Sy is bekend vir haar humoristiese aanslag, maar vertel dat sy dit ook geniet om ernstiger temas te ondersoek wanneer sy skryf. “Ek hoop dat dit lesers bemoedig.” Haar grootste uitdaging as skrywer is steeds die skryf van ’n roman. “My debuutroman Oros vir die Siel lê my na aan die hart, asook Selma en Louise, wat vroeër vanjaar verskyn het. Maar elke skryfpoging is maar soos ’n kind – ek wil nie graag een voortrek nie.” Selma en Louise is haar eerste roman sedert 2015 se ’n Tas vol Blues Songs, en anders as haar vorige boeke, nie spesifiek ’n Christelike roman nie. Nadat ’n paar klagtes oor ’n Tas vol Blues Songs ontvang is, is die boek tydelik van die geestelike fiksie-rakke verwyder. Daaroor is Susan filosofies. “Dit…

Die kreatiewe stempel van André en Madelaine Lotter is ooglopend wanneer jy by hul mooi huis in ’n gerieflike kompleks in Robindale, Randburg, instap. Oral is foto’s van teater- en TV-produksies en plakkate van rolprente. Dis huislik, met kussings op die banke, herinneringe aan die vermaakbedryf wat hulle wêreldwyd versamel het. Selfs die mooi blommetjies op die sonstoep kom van ’n rolprentstel af. Hy is op die voorgrond en sy skep agter die skerms. Die twee se talente is bekroon - hy vir toneelspel en sy vir kostuumontwerp. André is veral bekend vir sy rol as die psigopatiese skurk Liam le Roux in die destydse kykNET-sepie Villa Rosa. Hy is met die Royalty Soap-toekenning bekroon vir sy uitmuntende spel in dié gewilde sepie. Deesdae wys hy sy talent in die…

Brendon het min erg aan beroemdheid. “Ek wil nie bekend wees nie – ek wil hê my werk moet bekend wees.” Maar wanneer hy ander kan inspireer, is dit ’n bonus. Daarom is hy ook by die Legacy-projek betrokke, ’n internasionale projek wat indringende vrae oor sukses en nalatenskap stel. “My passie vir my beroep en alles wat daarmee saamgaan, gee my die geleentheid om ’n stem te verleen aan die dinge wat my na aan die hart lê.” Wanneer dit by boeke kom, verkies Brendon fiksie. “Ek is ’n groot Deon Meyer-aanhanger en kan nie wag vir sy volgende boek nie. Ek bêre die nie-fiksie maar vir die tye wanneer ek navorsing vir ’n rol moet doen.” Sy ma het klein-klein al die saadjie vir sy liefde vir stories…

Linne is klassiek en stylvol en word net al hoe sagter hoe meer jy dit dra ’n Linnehemp Dis ’n item wat in elke nuwe seisoen ’n wenner sal bly. HENNEP-EN-LINNE-BLOES (R890; S-L) GRAYDAWN. Rugsak ’n Duursame leerrugsak is nie net stylvol en groot genoeg vir jou daaglikse noodsaaklikhede nie, maar dis ook ergonomies omdat jy die volle gewig daarvan op jou rug verdeel en nie alles op een skouer laai nie. LEERRUGSAKKIE (R2 895) ALEX & MARLA. Belê in oorringe Hierdie oorringe uit ons Rumireeks is perfek vir heeldag en aldag se dra. Dit is vir my belangrik (en prakties) om juwele te besit waarop jy op daardie besluitelose dae kan staatmaak. MURMUR-OORRINGE VAN 9 KAR. GOUD (R2 400) DEAR RAE. Bevogtiger Ek behandel my gesig soggens en saans…

Meer as net ’n ONDERLAAG Ek hou van die natuurlike dekking wat FILORGA FLASH NUDE FLUID (R520 VIR 30 ML) verskaf, maar ek hou selfs meer van al die voordele wat dit vir my vel inhou. Die produk bevat meer as vyftig aktiewe bestanddele wat die dermis voed en selgroei aanmoedig. Die sonbeskermingsfaktor (SBF30) wat die vel teen UVA- en UVB-strale beskerm, is ’n lekker bonus. Ek wend ‘n ligte lagie aan en tik daarna ’n bietjie ekstra sonroom aan op die plekkies waar my vel meer rooi pigmente het. SUZANNE HANDSAK-grootte HAARSPROEI Dit voel vir my asof Kaapstad soms vier seisoene in een dag het - hier moet jy maar vir enige weersituasie gereed wees. Die nuwe 75 ml-grootte GHD FINAL FIX-HAARSPROEI (R160) is ideaal om in jou handsak…

• Waarde vir geld is baie belangriker as die prys van jou genetiese toets. • Wát is jou plan daarmee? Wil jy meer weet oor een aspek van jou lewe - soos jou kans op sportbeserings, waarvoor daar een kleiner toets is, of soek jy ’n baie wyer prentjie van jouself, en dus ’n meer omvattende geneprofiel? • Hoeveel gene word getoets? Hoe meer gene, hoe meer nut, veral op lang termyn. • Wie kry jou inligting? Gaan jy toegang daartoe hê? Gaan net jou dokter of genetiese berader dit kry? • Watter raad kom saam met jou geneprofiel? Sommige maatskappye voorsien jou van jou lys gene, saam met die sinvolste dosyn riglyne, terwyl ander jou tot tagtig bladsye propvol detail verskaf. Wat pas jou geaardheid die beste?…

Dorette Jonker My seuntjie is amper twee jaar oud. Hy is baie hardkoppig, maar dit is seker maar die peuterbuierigheid waarvan almal praat. Hy sê vir alles “nee”. Die beste is om hom te ignoreer as hy dwarstrek, tot hy uit sy eie na ons toe kom en besluit om saam te werk. Nadia van der Merwe Ek was die dwarstrekkerige kind in ons huis en al wat ek daaruit gekry het, was my ouers se liefde en geduld. Marina Stain-Alberts So ’n kind behoort nie aanhoudend gestraf te word nie. Verduidelik aan die kind dat almal op hul eie mening geregtig is, maar in ’n huishouding is dit belangrik dat almal saamwerk sodat alles soos ’n geoliede masjien loop.…

• Bipolêre siekte - vroeër bekend as manies-depressiewe versteuring - raak sowat een persent van die plaaslike bevolking, onafhanklik van ras, nasionaliteit en sosiale of opvoedingspeil. • Dis nie ’n teken van persoonlike swakheid nie, maar ’n mediese toestand wat ekstreme skommelings in bui, energie, denke en gedrag behels. • Navorsers beskou dit as 'n kombinasie van biochemiese, genetiese en sielkundige faktore. • Dit begin gewoonlik in adolessensie of tydens volwassenheid. • Maniese episodes (wat onder meer oormatig baie energie, selfvertroue, aktiwiteit, ge›rriteerdheid, impulsiwiteit en roekelose gedrag kan insluit) en depressiewe episodes (wat onder meer angs, hooploosheid, uitputting, gebrek aan fokus en eiewaarde, en selfmoordneigings kan insluit) of “gemengde episodes” kan voorkom. • Die dramatiese veranderinge in bui volg geen vaste patroon nie, en maniese en depressiewe episodes wissel mekaar…

KOMBUIS Badkamers en die kombuis is sekerlik dié lekkerste wegkruipplekke vir kieme. Gebruik dié drie MAQprodukte en jy kan seker wees die vertrekke is silwerskoon en kiemvry. Die MAQ Dishwashing Liquid is perfek om ook die kombuisvensters te was en so van vetterige vuilheid ontslae te raak. Gebruik die MAQ Multipurpose Cream Cleaner om werksvlakke, elektriese kombuistoestelle en die (afgekoelde) stoof mee af te vee. Nadat jy die vloer gevee het, was dit met ’n oplossing van een eetlepel MAQ Multipurpose Thick Bleach in twee liter water. Nie net sal dit die vloer skoon laat nie, maar dit sal ook klaarspeel met die kieme. Gebruik dieselfde sterkte oplossing om kerfplanke mee te ontsmet – veral dié waarop vleis voorberei is. BADKAMERS Gebruik weer die drie MAQ-produkte en maak jou hele…

KRY JOU TYDSKRIF DEUR DIE POS • Skryf in op rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaard-tariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CTP LTD T/A MAGS@HOME Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Donderdag tussen 08:00 en 16:00, Vrydae tussen 08:00 en 15:30 as jy wil inteken. Navrae: e-pos subs@magsathome.co.za 4 REDES OM OP ROOI ROSE IN TE TEKEN 1 Jy spaar 35% - 45%. 2 Jy…

Dié bekroonde joernalis/skrywer HERMAN LATEGAN se boek, Opstokers, Fopdossers en Tweegatjakkalse, is pas op die rak. HOE HET JY OP DIE FORMAAT VAN DIE BESONDERSE BOEK BESLUIT? Ek het eendag die woord “wisseldans” op die radio gehoor. Dit het my geprikkel, omdat dit ’n ou woord is en ’n soort dans wat mense op die platteland voor die TV gedans het. Ek het my verbeel ek is in ’n skuur, dis verlate buite, iemand speel ’n konsertina, die plaaswerkers is ook daar en ek dans die wisseldans. Toe plaas ek dit op facebook, my storie, en Rapport vra my toe om ’n tweeweeklikse rubriek rondom woorde te skryf. VERTEL ’N BIETJIE MEER OOR WAT DIT BEHELS? Ek hoor ’n woord, of lees een raak. Ek het so pas die woord…

REBORN – PEDRO BARBOSA. PEDRO IS ’N BEKENDE BY MUSIEKFEESTE. DIÉ BOORLING VAN MOSAMBIEK HET ’N STEM WAT ’N STADION SAL VUL.SY KOMMUNIKASIE MET DIE GEHOOR EN GROOT PERSOONLIKHEID, AFGEROND MET DÁÁI STEM, MAAK HOM SO UNIEK.AL DIÉ EIENSKAPPE VORM DIE BASIS VAN SY DEBUUTALBUM: EERLIK, SIELVOL, ENERGIEK, EN INSPIREREND. AANGENAME KENNIS – EARLY B. DIÉ VEELSYDIGE KLETSRYMER HET DIE VERMOË OM LUISTERAARS SE EMOSIES TE PRIKKEL – OF DIT NOU MET SY VLYMSKERP HUMOR OF SIELVOLLE SOSIALE KOMMENTAAR IS. SY VERMOË OM STORIES MET DAARDIE UNIEKE RYM-AANSLAG TE VERTEL, IS DIE GROOT STUKRAG AGTER SY EERSTE CD MET 18 OORSPRONKLIKE WERKE – ALMAL UIT SY EIE PEN. DEAR LIFE – JERI SILVERMAN. DIE INDRUKWEKKENDE MUSIKANT HET HAAR VOETE OP DIE STRATE VAN NEW YORK GEVIND WAAR…

DIE MOOI GLIP VERBY Ons hedendaagse bestaan getuig van vol dagboeke en lywige agendas. Ons het hoër geboue, maar korter humeure. Ons bewoon groot huise gevul met luukshede, maar ons het klein gesinne en min tyd om hulle te geniet. Ons praat te veel en luister te min. Ons is grootmense, maar het klein karakters. Ons het meer grade, maar minder gesonde verstand, meer kennis, maar geen oordeelsvermoë nie. Ons het kitskos, maar stadige spysverterings, meer medisyne, maar bly siek. Daar is wêreldvrede, maar oorlog in ons gesinne. Tyd kan nie opgegaar, herwin of gebêre word nie. Tyd kan nie aan- of afgeskakel word nie. Tyd kan ook nie gekoop word nie. Tyd kan slegs benut of vermors word. Tyd is beperk. Die mooi van die lewe glip by ons…

Inner Secrets Lingerie is nie net ’n vervaardiger van pragtige, ragfyn onderklere nie, maar ook van stylvolle swemklere en bykomstighede, soos hierdie Maryan Mehlhorn-kaftan (R5 165).Innersecrets.co.za KLEURRYKE STYL EN GEMAK Espadril se SS18 Amanzi-reeks is deur die somer, see en son geïnspireer. ESPADRIL ASA (R990). Kiekies Fujifilm se nuwe instax SQUARE SQ6-KAMERA (R1 999) stel jou in staat om binne drie minute foto’s in die vierkantige 1 x 1 ratio te druk wat die gewilde formaat vir sosiale media, soos Instagram is. Beskikbaar in drie kleure: goud, grys en wit. Al drie die nuwe, unieke Chanel-fyngeure, Les Eaux de Chanel, Paris-Deauville, Paris-Biarritz en Paris-Venise is deur Gabrielle Chanel se gunstelingplekke geïnspireer. Die geure word as vars beskryf (Les Eaux de Chanel, R2 270 vir 125 ml). LEANDIE DU RANDT BOSCH…

‘As jy iets vir jouself gedoen wil hê, moet jy dit liewer self doen’ In die fliek A Simple Favor is daar ’n hewige reaksie toe daar vir die kinders néé gesê word. Hoe het jy reageer toe jou ouers vir jou nee gesê het? En hoe sê jy vir jou kinders nee? “Nee” is ’n moeilike ding. Ek waardeer dit in my huishouding, want my ma het nooit “nee” vir ’n antwoord aanvaar nie. Sy is ’n sterk, ongelooflike vrou. Sy het op ’n plaas grootgeword, en haar pa het die plaashuis met sy eie hande van hout en modder gebou, en hier sit ek in diamante en pêrels wat nie myne is nie. Sy het teen haar omstandighede geveg en ’n ongelooflike lewe vir…

Susan Coetzer is soos die spreekwoordelike prop – niks kan haar blykbaar onderkry nie. Sedert ons haar in die laat jare tagtig as aktrise leer ken het, het sy haar talle kere in ’n nuwe gedaante kom aanmeld. As joernalis en skrywer was daar baie uiteenlopende werk - van die gewilde rooi rose-reeks Die Dagboek van Lisa de Waal, tot tydskrifrubrieke en sestien boeke. ’n Paar jaar gelede het sy begin skilder en selfs ’n kunsgalery geopen, en by die teaterrestaurant Die Blou Hond, waarvan sy mede-eienaar was, was sy van kok tot programorganiseerder en (soms) skottelgoedwasser. Maar haar lewe is nie altyd maklik nie, al lyk sy altyd so vrolik en inspirerend. Die afgelope dekade was deurspek van persoonlike verliese, vertel Susan. In 2011 is haar ma dood, en…

Toe prof. Elmien du Plessis in 2008 haar doktorale studie in die regte voltooi het oor die onderwerp van grondonteiening mét vergoeding, was sy angstig dat die onder-werp kort daarna nie meer relevant sou wees nie. “Daar was tóé reeds gesprekke dat dinge gaan verander, en die eerste van drie onteieningswette was tóé reeds in die parlement.” Volgens haar het die tien jaar wat sedertdien verloop het, asook die Zumaregering se probleme ’n bepaalde omgewing geskep waar die kwessie van grond nou as ’t ware ’n simbool geword het van al die probleme in ons land. “Die grondgesprekke wat nou plaasvind, gaan oor die hele grondwetlike onderbou, die aard van die politieke ooreenkoms in die 1990’s en die tipe geregtigheid waarop ons grondwet gebou is. Politieke partye buit dit natuurlik…

GROEN KAKIE Kakie is in die oorgang van dié seisoen die beste vriend wat jy in jou klerekas kan hê. Dit is ’n tydlose en veelsydige kleur wat vir enige seisoen, geleentheid en styl geskik is – ons kan net nie genoeg daarvan kry nie. Wees gerus, al het jy al ’n paar kakie-items in jou klerekas, ’n nuwe aankoop sal steeds ’n belegging wees. GORDEL VAS Dit maak nie saak of jou gordel smal of breed is nie – jy kan net mooi enige uitrusting daarmee afrond. Met die klem wat hierdie seisoen op vorm en volheid val, dra ons nou gordels oor baadjies, jasse en selfs mans geïnspireerde knoophemde. KATOEN Daar is goeie nuus vir die-gene wat nie hul boarms wil wys nie: ’n T-hemp onder ’n rok…

‘Ek het soos ’n koningin gevoel! Dis een van die beste ervarings wat ek tot nog toe gehad het – die span het my gewys hoe ek die meeste kan maak van alles wat ek het’ - Candice NAAM: CANDICE SWARTZ. OUDERDOM: 45. BEROEP: VOLTYDSE TUISBLYMA. CANDICE IS ’N MA VAN DRIE, ONDER WIE ’N KIND MET SPESIALE BEHOEFTES – EEN VAN DIE REDES WAAROM SY NIE BAIE TYD HET OM AAN HAAR VOORKOMS AANDAG TE GEE NIE. MODE Ons het vir Candice ’n gemaklike, modieuse voorkoms geskep wat blitsig saamgestel kan word en haar altyd goed sal laat lyk. Die DENIM-HEMPROK van FOREVER NEW (R899) is ’n staatmaker-stylitem in enige klerekas – sy kan dit op koeler dae sommer ook oor ’n denim dra. Die SKOENE van RUBI BY…

• VIR ’N ALGEMENE OORSIG VAN DIE BELANGRIKSTE GENE: 3x4 Genetic Test (R4 999), GeneWell (R3 910), Genecombo (R4 545), Wellness Gene Screen (R3 950) en DNA Health (R4 590). Hierdie soort omvattende toetspanele soek na al die gene waarvoor elkeen van die maatskappye toets, en evalueer die implikasie vir jou hart, jou brein, selle, metabolisme, inflammasie, sportpotensiaal en –risiko’s, diabetes, kankerrisiko (maar nie vir spesifieke kankers nie) en so aan. Jou sensitiwiteit vir sout, suiker, kafeïen, estrogeen en yster word ook uitgewys. • AS JY AL JOU GENE MOET LEES: Whole Genome Gene Screen (R11 610). Die WES-(whole exome sequencing) tegniek is een van die nuwe korter, vinnige en bekostigbare maniere om jou volledige geneprofiel te bekom. • DIE BESTE DIEET: DNA Diet (R4 590), GeneDiet (R3 220), DNA…

Die somer en die wyn is op pad Hou ’n bottel Welmoed-wyn byderhand sodat jy die koms van die somer met nuwe moed in die hand kan vier. Of jy nou ’n vars witwyn of ’n volronde rooietjie verkies, die Welmoedreeks het iets besonders vir elke smaak. Met ses variëteite druiwe uit die Stellenbosse wingerde, is Welmoed-wyne die perfekte pasmaat vir enige maaltyd of geleentheid. Gaan beleef Welmoed se wyne op die pragplaas in Stellenbosch, of koop dit by uitgesoekte drankwinkels landswyd. Meer inligting by welmoed.co.za Ses gelukkige lesers kan ’n paar Welmoed-geskenkpakke van R1 075 wen! Sleutelwoord: Welmoed KLINK ’N GLASIE Vier die nuwe seisoen met hartsvriende en Four Cousins se vonkelwynreeks. Die verfrissende reeks met sy fyn borreltjies bevat onder meer ’n vrugtige soet wit, ’n elegante, vrugtige…

Dorette Jonker Gelukkig het nie een van ons bipolêre siekte nie, maar ons het vriende wat daaraan ly. Die beste manier van ondersteuning is om hulle daaraan te herinner dat ons daar is om met praktiese goed te help - soos die oplaai van hul kinders by die skool, maar ook om te luister wanneer hulle ’n simpatieke oor nodig het. Nadia van der Merwe Jy moet eerstens soveel moontlik daaroor leer en lees. Gesels met jou verhoudingsmaat daaroor. Wys jou belangstelling en ondersteun hom of haar - wees geduldig wanneer hulle nie veel wil praat nie. Marina Stain-Alberts Jy moet eerstens álles omtrent die toestand weet en jouself voorberei op wat verwag kan word. Al verg dit baie moeite en ondersteuning, moet jy nooit jou maat laat voel dat…

STEM JA OF NEE OP ONS VRAAG IN “WAT DINK JY” EN JY KAN ’N NUXEGESKENKPAK TER WAARDE VAN R4 115 WEN. NUXE PLAAS NAVORSING EN UITNEMENDHEID BOAAN HUL LYS. HULLE GEBRUIK DIE KRAG VAN DIE NATUUR EN WETENSKAP OM DIE SINTUIE TE VERKWIK. NUXE VERVAARDIG LUUKSE, SUBTIEL GEGEURDE VELSORGPRODUKTE WAT PURE PLESIER IS OM TE GEBRUIK. HET JY AL IEMAND AAN KANKER VERLOOR? BESOEK VANDEESMAAND ONS WEBBLAD BY ROOIROSE.CO.ZA EN KLIK OP “WEN” EN DAN OP “WAT DINK JY”.…

MAROKKAANSE KRUISEMENTTEE GENOEG VIR 8 • 25 g (¼ k) groen tee • 16 takkies kruisement • 100 g suiker • 2 liter (8 k) kokende water • hand vol vars kruisementblare 1 Sit die teeblare, kruisement en suiker in ’n warm teepot. 2 Voeg die water by en roer liggies. Laat vir 5 min. trek. Laat afkoel. 3 Gooi die tee saam met ysblokkies in glasies. VONKELWYN-ENBESSIE-LOLLIES GENOEG VIR 12 • 500 ml (2 k) vonkelwyn (ons het Graham Beck se Gorgeous, MCC) gebruik) • 16-20 aarbeie, dun gesny • 80 ml (⅓ k) granaatpitte • 32 frambose 1 Maak 12 lolliehouers met ’n inhoudsmaat van 125 ml halfvol vonkelwyn. Verdeel die verskeidenheid bessies tussen die lolliehouers. Gooi nog ’n bietjie vonkelwyn by indien dit nie tot bo gevul…

Sowat driehonderd Vrystaters het dié keer by die pragtige Kopano Nokeng naby Bloemfontein saam met rooi rose en Kansa gekuier en die lewe op die spesiale oggend gevier. Die tema vir vanjaar was “InSPARasie” en die gasvroue het die tema uitstekend uitgebeeld, en soveel van ons kon met hope inspirasie huis toe gaan. Die radiopersoonlikheid Yolanda Maartens Brown was die seremoniemeester, en aktrise Charlenè Brouwer het gaste geïnspireer met haar pad van vrouwees. Lee Scott met sy bekoorlike stem het seker gemaak dat ons die dag jolig afsluit. Die geleentheid het ons opnuut laat besef hoe belangrik ’n goeie ondersteuningsnetwerk is, ook in die stryd teen kanker. Daarom sê ons weer baie dankie vir elke borg, gasvrou, helper, álmal wat ’n rol in die sukses van die dag gespeel het.…

As ek tien jaar gelede die wysheid gehad het wat ek nou het, was vandag se dramas veel minder. Ek moes eerstens minder toegeeflik gewees het. Maar my tweelingdogters moes op sewe oorbluf toekyk hoe hul pa een Sondagoggend met tasse in die hand in ons Paarlsitkamer staan en aankondig daar’s iemand anders. Hy trek Bloemfontein toe. Terwyl ons hom sonder begrip agternastaar, gryp hy met die wegstap een van ons pas gekoopte baba-Staffies en ry. Sommer net so. Alles binne vyf minute. Ons drietjies en die oorblywende Staffie het opmekaar gebondel en weke en maande lank saam oor hierdie verraderlike wending getreur. Strengheid en geite soos “hond mag nie op jou bed slaap nie”, het heeltemal vervaag. Ons hoofdoel was om te oorleef. Nuwe rigting te kry. Die volgende…

Beantwoord net die paar vrae en as jou boekklub die vrae reg het en getrek word, kry julle die boeke wat in die uitgawe op ons boekrak staan, geskenk deur Graffiti. Stuur jul antwoorde na roneln@caxton.co.za met “November-boeke” in die onderwerpreël, of na rooirose.co.za Klik op “boeke” en volg die aanwysings. Stuur ook vir ons jou boekklub se naam, posadres en selnommer. VRAE 1 “Please Read the Letter that I Wrote”. Liedjieskrywer? 2 Wat beteken die woord “akrobaat”? 3 “Words Don’t Come Easy to Me.” Wie het die treffer geskryf? 4 Omtrent hoeveel woorde het Shakespeare in Engels geskep? 5 I have no wit, I have no words, no tears; My heart within me like a stone ... Digter? OKTOBER-ANTWOORDE 1 The Second Sex. Skrywer? Simone de Beauvoir 2…

HULLE HET NIE GEWEET WAAR NIGERIË WAS NIE EN MOES EERS OP ’N KAART GAAN SOEK Sy het al teen sonop met ’n Chinese dansinstrukteur op ’n plein in Beijing gewals, saam met ’n radja in Radjastan middagete geëet en saam met monnike in Tibet brood gebreek. En haar reise is nie almal glansryk nie. Dink maar aan die keer toe sy iewers hoog bo in die Andes-gebergte oor ’n rivier in vloed gehys moes word, Ayers Rock in Australië geklim het, of toe Afar-krygers met Kalashnikof-gewere haar in die Groot Skeurvallei in Ethiopië gekonfronteer het. Dis Kate Turkington (83), jare lank een van die land se gewildste radio- en televisie-aanbieders en glanspersoonlikhede. Vanjaar het die uitgesproke Kate weer die land aan haar voete gehad met die uitreiking van haar…

BESSIE-EN-PIESANGVRUGTESKOMMEL Genoeg vir 2 1 groot ryp piesang, geskil, gesny en gevries 250 g bevrore bessies, soos aarbeie en frambose 500 ml (2 k) Clover Good Hope-sojamelk Vars bessies en kruisement vir opdiening Verwerk al die bestanddele in ’n voedselverwerker tot dik en romerig. Sit dadelik voor met ekstra vars bessies en vars kruisementblaartjies.…