Innholdsfortegnelse for Augustus 2018 i Rooi Rose

EK SUKKEL om my kop af te skakel tussen radio-, TV- en koerantberigte oor dinge wat landwyd en wêreldwyd skeefloop of kommer veroorsaak. Aanlyn sit ek deesdae skaars my tone in die water, dis behoorlik ’n maalkolk van negatiwiteit wat dreig om jou in te sluk. Die gemeenskap, die politiek, geweld en misdaad, die gesinslewe, die verkeer en paaie, die ekonomie - daar is net mooi niks sonder ’n rooi vlaggie nie. Hoe oorleef ons dan vandag? Die geheim van ’n positiewe lewe is mos dat dit nie gaan oor wat met jou gebeur nie, maar hoe jy daarop reageer. Oorweldigende tye soos hierdie moet ons laat terugdink aan tydperke in die geskiedenis toe dinge ook so buite beheer en bedreigd moes gevoel en gelyk het. Presies sewentig jaar gelede…

LÉÉF Gisteraand kyk ek vir ’n rukkie na die prentjie van die twee mooiste dogtertjies in die dubbelbed. Popmooi. Stroopsoet. Vas aan die slaap. Op ’n dag het hulle nie meer krulhaartjies wat met strikke en knippies vasgemaak word nie. Hulle sit nie meer op jou skoot of slaap teen jou skouer nie. En jy word ook nie meer gevra om stories te lees of te vertel nie. Hulle wil nie meer hê jy moet skoolbroodjies inpak nie. Skopfietsie het regte fiets geword. Ek wou nog aanwysings gee en moed inpraat, maar sy het weggetrek en gery. Die wêreld plat gery. Teerstrate, grondpaaie. Oral. Toe maak ek eendag my oë oop en hulle ry motors. Met rybewyse. Soggens wanneer ek die kamer opgeruim het en ’n aanval wou kry oor…

Christel beskryf haar vriendin as “baie ambisieus”. “Is ek?” vra Zetske half-verbaas. “Ja, man, jy is ’n go getter! Hoeveel mense ken jy wat ’n graad in Frans kry terwyl hulle werk as aktrise en kort ná hulle ma geword het? En jy is ’n baie goeie ma en aktrise.” Zetske sonder Christel se positiewe vrolikheid uit. “Jy kan nie help om te lag as sy in die omgewing is nie. Veral nie as jy haar aansteeklike lag gehoor het nie! En sy lag vir alles! Christel is so ’n regte feel good persoon. As jy ’n goor dag beleef, bel net vir Christel. En bekendheid het haar nog niks verander nie – sy is presies nog net soos toe ek haar ontmoet het.”…

‘My ma het my geleer dat ek nie ’n gevangene hoef te wees van die omstandighede wat ek as kind geken het nie’ Hy het ’n paar dae voor ons onderhoud 23 geword, maar hy het die volwassenheid van iemand veel ouer. Dit het waarskynlik met sy kinderjare te make, want as middelkind van ’n enkelma is swaarkry nie vir hom vreemd nie. Sy pa is oorlede toe hy nog op skool was, maar by sy ma Jane, ’n verkoopsdame, het Warrick en sy twee susters, Janine en Simone, geleer van harde werk, geloof en waardigheid in taai tye. “Finansieel het ons dit nie breed gehad nie, maar al was daar nie geld vir al die ekstras wat ons kinderharte begeer het nie, het ons altyd kos en klere gehad.…

Gaan pas ’n regte snyerspak aan en jy gaan waarskynlik dadelik gereed voel om enige geleentheid aan te durf. Dié klassieke styl is vanjaar herontwerp en die reeks aansienklik uitgebrei maar die ontwerpers raai jou steeds aan om by die skoon en herkenbare lyne van die tradisionele snyerspak te hou MAANDAG FOKUS OP SKOUERS Skop jou week op ’n hoë noot af. Breë, beklemtoonde skouers is vanjaar die fokuspunt en kan ook met tegnieke soos borduurwerk geskep word. Maar dis daardie skouerkussings wat ons dié seisoen na die jare dertig terugneem. Die reghoekige silhoeët het destyds opslae gemaak en gou ’n simbool van die “sterk, onafhanklike vrouefiguur” geword. Nou is dit terug en ontwerpers glo hoe opvallender daardie sterk skouers is, hoe beter. DINSDAG GEMAKLIK IS GROOT Die gemakstyl het…

NAAM: DANIELLE RAADT. OUDERDOM: 37. BEROEP: TUISBLYMA. LIGGAAMSVORM: PETITE-PEER. VAN JOGA NA HUIS NA SKOOL Danielle het drie besige seuntjies tussen agt en een, met ’n jongste wat baie sleg slaap. Sy is pragtig, maar sy voel nie goed nie: ‘Ná drie swangerskappe het ek net nooit regtig weer klere gekoop nie, want ek is óf swanger, óf ek borsvoed en tussenin probeer ek om van die swangerskapgewig ontslae te raak’ Danielle se daaglikse roetine sluit haar pogings in om te oefen, kinders rond te ry en haar jongste besig te hou, asook om gesonde kos vir haar gesin te maak. Naweke bring sy baie tyd langs die sportveld deur. Sy verkies ’n gemaklike styl en hou van sagte teksture. Ons fokus was om haar styl op datum te kry…

Die geleerdes beskou slaap as ’n hoeksteen vir ’n mens se fisieke en emosionele gesondheid. Dis net so onontbeerlik soos vars lug, skoon water en gesonde kos. Ná ’n goeie nag se slaap, voel ’n mens goed, vars, energiek, wakker en gereed vir jou dag. Baie mense ken, helaas, net die rondrolnagte van slaaploosheid: Jy draai hierdie kant toe, dan daardie kant toe en hoe meer jy weet jy móét nou slaap en presies hoe die dag ná ’n slapelose nag gaan wees, hoe meer ontwyk die slaap jou. Of jy is moeg gespook om die kinders saans betyds aan die slaap te kry en seker te maak dat hulle die hele nag in hul eie beddens bly en genoeg slaap sodat hulle die volgende dag maklik en aangenaam wakker…

“Lae visie verwys na die volle spektrum tussen goeie sig en algehele blindheid. Die gedeeltelike verlies van sig is die reël eerder as die uitsondering en bemoeilik alledaagse take, soos lees, skryf, TV-kyk, brei of tuinmaak, asook aspekte soos beweeglikheid en sosiale omgang.” Aan die woord is die optometris Hazel Sacharowitz en arbeidsterapeut Belinda Leibowitz van die Low Vision-sentrum in Randburg. “Ons doel is om die mate van sig wat kliënte wél het, te bepaal en te optimaliseer. Ons help hulle strategieë ontwikkel sodat hulle onafhanklik kan funksioneer en ’n vol lewe kan lei. Ons wys mense byvoorbeeld hoe om met openbare vervoer by hul werkplek uit te kom, of hul stokperdjies te bly beoefen. Indien nodig, verwys ons hulle na sielkundiges, steungroepe of ander kundiges. Ons het toegang tot…

Dít is GELUK As ek aan vreugdes dink, is die eerste dinge wat by my opkom die Here en die mense rondom my. Mý mense. Dink net hoe vervelig ons lewe sou wees sonder die mense wat ons liefhet. Die liefde oorwin alles, en een ding waarin ek glo, is om ander met liefde te hanteer. Ja, almal kry hul dae wanneer die lewe nie so goed lyk nie, maar die volgende oggend lyk alles beter. Musiek en die talente wat die Here my gegee het, verskaf my ook baie vreugde. Ek sal dit vir niks verruil nie! Die gesegde lui: “As jy doen waarvoor jy lief is, sal jy nooit ’n dag in jou lewe wérk nie.” Ek glo dit. Ek is so dankbaar dat ek kan doen waarvoor…

KAAS-EN-MARMITE-MOSBOLLETJIEBROOD GENOEG VIR 6 • 175 ml (3/4 k) melk • 5 ml (1 t) strooisuiker • 100 g botter, plus ekstra om die bak te smeer • 25 ml (5 t) Marmite • 2,5 ml (½ t) sout • 500 g wit broodmeel • 10 g kitsgis • 4 groot eiers, geklits • 250 g cheddar, gerasper • swartpeper • 15 ml (1 e) warm water 1 Verhit die melk in ’n kastrolletjie. Trek van die hitte af en roer die suiker, botter en 15 ml (3 t) van die Marmite in tot die botter gesmelt is. Laat afkoel tot louwarm. 2 Sif die meel, sout en gis saam in die mengbak van ’n elektriese menger met die deeghaak aan. Maak ’n holte in die middel van die droë…

Turkish based, global fashion retailer, LC Waikiki, opens its first store in South Africa on July 20th, 2018, in Pretoria, Menlyn Mall. LC Waikiki, operating its own stores, aims to open three stores in South Africa until the end of this year. Founded in 1988 in France, the brand has become a Turkish brand in 1997. It opened its first store out of Turkey in 2009 and has now reached 880 stores in 38 countries, three continents of the World in 9 years. Today, LC Waikiki the leader of the ready-to-wear clothing industry in 15 countries with 42.000 employees; acting within the values of being virtuous, achieving together, extensive expertise, being customer-oriented and challenging difficulties. The mission of “everyone deserves to dress well” lies under LC Waikiki’s success, where it…

• Skryf in op rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaard-tariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CPT LTD T/A MAGS@HOME Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Vrydag tussen 08:00 en 16:00 as jy wil inteken. Navrae: e-pos subs@magsathome.co.za…

• ’n Hersiene musiek- en inligtingsentrum in die middel van die instrumentkonsole integreer moeiteloos via Bluetooth met die bestuurder se slimfoon. • Dit spog ook met ’n klankstelsel met vier uitstekende luidsprekers, en jy kan die klank volgens jou smaak op die groter seweduim-raakskerm verander. • Jy het die opsie om ’n SD-geheuekaart teen R2 500 te koop wat die navigasiestelsel in alle modelle aktiveer. • Beskikbaar in ses kleure: fiery red, marina blue, sleek silver, passion orange, star dust en polar white.…

Die hitte bewe oor die kaal, klipperige hardeveld van die Kalahari. Die duineveld het nog nie begin blom nie. Haar gedagtes kring om haar eerste skooldae, toe hulle elke Maandagoggend vroeg-vroeg hierdie pad moes ry en sy gehuil het, heelpad tot by die koshuis en tot in die klaskamer. As Juffrou Baba Engelbrecht nie so ’n sagte, lekker huilskouer gehad het nie, sou sy nooit graad een oorleef het nie. “Waarheen gaan ons, Willa? Jy is so geheimsinnig oor jou mense!” Hy skud sy kop en vee sy lang kuif geïrriteerd uit sy gesig. Sy sien die fyn sweetdruppels op sy gesig: die fynbesnede gesig met die diep, donkerblou oë. Iewers op die krop van haar maag begin die ou kol brand. Is sy nie dalk weer besig om ’n…

ANNELIESE BURGESS is ’n bekroonde ondersoekende joernalis met meer as twintig jaar se ondervinding in die radio- en televisiebedryf. WAT HET JOU BOEK HEIST GEÏNSPIREER? Misdaad fassineer my, en toe ek jare terug nog by die TV-program Special Assignment was, het ek ’n storie oor transitorooftogte gedoen. Die fokus was op die uitwerking daarvan op die sekuriteitspersoneel wat die geldwaens bestuur en konstant onder hierdie ongelooflike druk werk. Ek het gevoel dat ek net bolangs aan die storie geraak het - en nou, twaalf jaar later, is dit ’n nuuswaardiger storie as destyds. HOE LANK HET DIT JOU GENEEM OM DIE BOEK TE SKRYF? ’n Jaar. Een van die frustrasies wat ek as ’n televisiejoernalis ervaar het, was die druk om altyd die een of ander…

Jeremy Loops se splinternuwe album, Critical as Water, is op 16 Maart vanjaar uitgereik en is reeds meer as ses miljoen keer aanlyn geluister. Die album het ook in Suid-Afrika, Nederland en Switserland die nommereenplek op die iTunes-ranglys gehaal. Het die waterkrisis in Kaapstad jou album beïnvloed? Ek het jare gelede ’n boomplantmaatskappy begin met die naam Greenpop, so omgewingskwessies en die groter globale omgewingskrisis is nou al ’n rukkie in my voorbrein. Hierdie album het sowat twee jaar gelede begin vorm kry, lank voor die Kaapse waterkrisis begin golwe maak het. Dit was blote toeval dat die dringendheid van waterbesparing op die voorgrond was net voor my album bekend gestel is. Waar kom jou liefde vir water vandaan? Ek het by die see grootgeword. Ek kon swem voor ek…

LIEFDE in Augustus Vanjaar vind Liefde by die Dam op Sondag 5 Augustus plaas by Emmarentiadam in Johannesburg. Sewe van SA se topkunstenaars deel vanjaar die verhoog: Seremoniemeester Schalk Bezuidenhout, Die Heuwels Fantasties, Karlien van Jaarsveld, Francois van Coke, Koos Kombuis, Elvis Blue, Bongeziwe Mabandla en Bouwer Bosch. Kaartjies R165, Computicket Vir die DIGTER in jou Maak sommer nou ’n nota van die Poetry in McGregor-fees van 24 – 26 Augustus met woordkunstenaars soos Kobus Moolman, Toast Coetzer, Erns Grundling, Galeo Saintz, en Lara Kirsten op die verhoog. Daar is ook ’n open mike-verhoog vir aspirant-digters. Vanjaar se tema is “Die Klank van Water”. Digters kan tot drie gedigte vir vanjaar se kompetisie inskryf. Vir meer inligting besoek poetryinmcgregor.co.za ’n Ware WYNskatkis Gaan op ’n ontdekkingsreis van wyne by Die…

DIE BESTE! Ons gesin het pas drie weke in Suid-Afrika deurgebring en wat ’n wonderlike ervaring was dit nie! Reeds op O.R. Tambo het ek fantastiese diens by ’n bank gekry en het binne 15 minute ’n nuwe kaart gekry - met ’n groot glimlag en ’n “welkom terug”. Die diens in restaurante en koffiewinkels is goed en die kos heerlik. Winkelsentrums is skoon en vol mense wat jou met ’n glimlag groet en in soveel verskillende tale! Hier kry jou sintuie weer lewe. Die biltong is sout en geurig, jy ruik die diere en gras in die wildtuin, die winterson koester jou vel, jy sien die mooiste natuurtonele en die geluid van Afrika-tromme of die kwêvoël se skree roep herinneringe uit my kinderdae op. In Suid-Afrika bestaan jy nie…

Die fliek Ocean’s 8 gaan eintlik oor familie - jou karakter se bloedfamilie en haar vriende wat eintlik ook haar familie is. Het jy vriende wat jy as deel van jou familie ag? Ek het. Die belangrikste ding in hierdie fliek is nie die rooftog nie. Ek het geweet dit sou goed wees en pret wees om te skiet, maar vir my het dit eintlik gegaan oor die groep vroue wat mekaar ondersteun en altyd daar is vir mekaar. Hulle kan net saam met hierdie mense hulself wees. Namate ’n mens ouer word, raak jou vriendekring al hoe kleiner, want jy besef wie jy eintlik is en dat jy nooit regtig gaan verander nie, en dat die mense wat steeds jou vriende is, jou liefhet nes…

Emo is glad nie bekommerd oor die toekoms van Afrikaans nie. “Ek weet nie eens waar die gesprek begin het dat dit kan uitsterf nie. Onthou maar dat Afrikaans die taal is wat die tweede meeste gepraat word in ons land. Engels is maar vyfde op die lys – die ander is almal inheemse tale.” Hoekom sal die taal oorleef? “Want mense druk hulself verskillend uit, en dis wat Afrikaans so uniek en mooi maak. Gaan luister ’n bietjie na liedjies soos ‘Skipskop’, ‘Kinders van die wind’ en Coenie de Villiers se ‘Klein-Karoo’ – dis liedjies wat net in Afrikaans gesing kan word. Dis wat Afrikaans so uniek en mooi maak. En ons taal het wonder-like ondersteuning en infrastruktuur soos kunstefeeste. En selfs as ons net vyftig mense is wat…

Warrick se gunstelingkos is sy ma se kos, veral haar lamsbreyani. “Wanneer ek in ’n restaurant eet, bestel ek altyd ’n steak. En Pepsi is my gunstelingdrankie.” Hy kan kook en sonder sy lamskerrie uit as sy beste gereg. “Ek kook so twee of drie keer per week vir myself, maar ek is in die gelukkige posisie dat ek ’n borg het wat vir my gesonde kos aflewer.” ’n Mens vergeet maklik dat ’n rugbyloopbaan ’n voltydse werk is. “Ons bestee minstens vier dae per week van halfagt soggens tot vyfuur smiddae op Loftus Versfeld. Dis waar ons gimnasium is en ons ontleed die spel in videosessies en doen al ons veldwerk daar. Saterdae is ons ook al vroeg daar om vir die wedstryd voor te berei.” Warrick volg nie…

DIE DE HOOPNATUURRESERVAAT in die Wes-Kaap is net drie uur se ry vanaf Kaapstad en dié tyd van die jaar lyk die reservaat manjefiek, want die fynbos slurp behoorlik die broodnodige reën op wat vanaf die Indiese Oseaan op die plate inheemse plante neersif. Dit is ook die tyd van die jaar wanneer die majestueuse suidelike noordkapperwalvisse na ons mariene beskermde gebied kom om te kalf en om die eerste belangrike weke ná geboorte hier deur te bring. En dié tyd van die jaar steek De Hoop die kampvure aan, maak hartlike winterkos en skink aromatiese plaaslike rooiwyn. Dan sit gaste knus onder die grasdak en luister na die reën terwyl hulle die soet aroma van reëndruppels op stof inadem. Dan weet hulle: die natuur kry nuwe lewe. Wat kan…

Elke dag SPORTIEF Die dra van tekkies as deel van jou dag-tot-dag-voorkoms is hier om te bly, daarom beskryf Palladium sy jongste ontwerpe as ’n brug tussen die klassieke en die nuwe. ’n Mens herken iets van die oorspronklike 1947-ontwerp - daar het net ’n moderne silhoeët en doeltreffende ondersteuning bygekom. AX EON-TEKKIE (R1 399; 5-10) PALLADIUM. EG OF WEG? In die kitsmodewêreld het dit moeilik geword om die ware Jakob van sy replika te onderskei. Daarom wil Diesel teen die einde van vanjaar alle Diesel-jeans met ’n certilogokode etiketteer wat ons in staat sal stel om deur ’n selfoon-app die oorspronklikheid van die produk te bepaal. JEANS (R2 799; S-XXL) DIESEL. BEA KIES Is jy ook moeg daarvoor om gedurig jou leesbril met jou sonbril te verwissel? Met SNOB…

WAT IS VELSENSITIWITEIT? Baie eenvoudig gestel: as jou vel jeuk, brand en/of rooi word van goed wat geen uitwerking op iemand anders se vel het nie, en jy het nie ’n velsiekte soos ekseem of rosacea nie, het jy waarskynlik ’n sensitiewe vel. VELVERSPERRING Dr. Alek Nikolic, mediese dokter met ’n spesiale belangstelling in estetika en eienaar van SkinMiles.com, sê die buitenste lagie van jou vel, bekend as die velversperring, bestaan uit selle en lipiede (vette). Die beste manier om te verstaan hoe die velversperring werk, is om dit met ’n baksteenmuur te vergelyk. Dr. Peter M. Elias beskryf die selle (korneosiete) as die bakstene en die lipiedlagie as die sement. Korneosiete is dooie velselle wat reg is om af te skilfer. Die “sement” (lipiedlagie) moet as ’n ondeurdringbare versperring…

Dit het uit studies geblyk dat jogurtinname met ‘n beter voedingsgehalte en beter metaboliese profiel in volwassenes verbind word. ’n Dieet wat ’n verskeidenheid plantkosse bevat, voorsien ’n mengsel van fitochemikalieë - “nie-voedsame” stowwe in plante wat gesondheidsbeskermende voordele het. Groente en vrugte bevat ’n oorvloed van fenoliese samestellings, terpenoïede, pigmente en ander, natuurlike antioksidante wat vereenselwig word met die beskerming en die behandeling van chroniese siektes soos hartsiektes en hipertensie. BESSIES Jy kan jou hart help beskerm deur elke week drie of meer porsies van ’n halwe koppie bloubessies of aarbeie te eet. Uit ’n studie wat onder vroue tussen die ouderdomme van 25 en 42 gedoen is, het dit geblyk dat vroue wat bessies geëet het, ’n 34% kleiner kans gehad het om ’n hartaanval te kry as…

Kap die deel wat jy wil gebruik, soos blare, bas of wortels so fyn as wat jy kan. Gebruik een teelepel tot een eetlepel per koppie vloeistof en maak dan so om die kruievloeistof te verkry. Die metodes hieronder is net ’n riglyn. As jy spesifieke resepte soek, skaf vir jou ’n goeie kruieboek met resepte aan. • Maserasie Bedek dit met water by kamertemperatuur en laat dit vir drie dae staan sodat die bestanddele daarin in die water kan inbeweeg. Roer gereeld om die proses aan te help. • Infusie (of tee) Gooi kookwater daaroor en laat staan minstens twintig minute voor jy dit deur ’n siffie gooi. • Konkoksie (ook ’n tee) Gooi koue water oor en bring dit stadig tot kook-punt. Kook ’n tydjie, en gooi die plantmateriaal af. • Tinktuur…

Lisa Human Die grootste fout wat ouers kan maak, is om hul kinders by hulle in die bed te laat slaap. My raad aan “nuwe” ouers is om nie daardie pad te stap nie. Dit is later ’n groot gesukkel om kinders in hul eie slaapkamer en in ’n slaappatroon te kry. As hulle nie lekker voel nie, gaan sit/lê by hulle in húlle kamer. Ek glo en bid my sewejarige sal een of ander tyd die lig sien. Aletta Granger My twee rooikopdogtertjies was nie een goeie slapers nie. Maar hoe ouer hulle word, hoe beter word die nagrus gelukkig. Ek probeer hulle maar sover moontlik in ’n roetine hou, en ek dink dit help ook nogal. Nicolene Erasmus Roetine het vir my kinders gewerk. Gedurende die week moes…

“Munroe is linkeroogdominant. Sy linkeroog was die een wat esteties goed ontwikkel het, die groter prentjie kon sien, intuïtief kon spoedlees, mense kon opsom en tendense of patrone kon eien - ook in die sakewêreld. Deur sy linkeroog kon hy ’n omvattende begrip van die werklikheid vorm en skoonheid inneem - die brandstof wat sy wese aanvuur en hom hoopvol stem. “Indien Munroe sy regteroog verloor het - die analitiese, kritiese oog wat by ’n tipiese rekenmeester dominant sou wees – sou dit hom minder beïnvloed het, veral emosioneel. Sy linkeroog was die poort na sy hart. “Munroe het steeds oor sy besondere vermoëns beskik, maar sou nuwe neurologiese bane moes ontwikkel om hierdie hulpbronne te bereik. Gepaste mind moves, eenvoudige oefeninge, soos om sy vinger op sekere maniere met…

GOED VERSORG Nuwe Skip Perfect Darks hou jou donker wasgoed en denims langer mooi. Veseltegnologie sorg dat kleure nie verbleik nie en dit verwyder ook daardie onooglike wolletjies. Sowat R65 vir ’n 1,5 liter-houer. HEILSAAM EN LEKKER Duo is ’n heerlike bederf drankie, maar steeds met die heilsaamheid van noodsaaklike vitamien A, B, C, D, E en kalsium. Hierdie gefortifiseerde suiwelen-vrugtesapdrankie is beskikbaar in 330 ml (R9,99), en een liter-houers (R19,99). WEN HIERDIE MAAND PLAASLIK EN BEKOSTIGBAAR Naturals Beauty is bekostigbare en trots Suid-Afrikaanse produkte. Die reeks gebruik organiese bestanddele en bevat geen parabene, petrochemikalieë, sintetiese bestanddele of gluten nie en word nie op diere getoets nie. Daar is agt produkte in die reeks en pryse wissel tussen R75 en R250 per produk. Besoek naturalsbeauty.co.za  vir verskaffers. Een…

KOOKBOEK VAN DIE MAAND BOBAAS! Bakgeheime, Resepte vir Elke Okkasie (Quivertree Publications) deur bobaas bakker Martjie Malan is die perfekte boek vir elkeen wat daarvan hou om te bak, maar is ook vir diegene wat die kuns wil bemeester. Martjie deel sleuteltegnieke en al haar geheime wat sy deur die jare ingewin het met eenvoudige stappe en pragtige illustrasies deur Claudia Liebenberg. Hierdie bakboek is propvol beproefde resepte en sal ’n staatmaker in jou kombuis word. Beskikbaar by die meeste boekwinkels teen R450. NATUURLIK GOED Flora Regular word van ’n verskeidenheid saadolies gemaak wat goeie, natuurlike bronne van omega-3 en -6 is. Omega-3 kan jou teen hart- en bloedvatsiektes beskerm. Dit is noodsaaklik dat jy dié olies inneem aangesien jou liggaam dit nie vervaardig nie. Flora is geskik vir smeer,…

Sout? Of nie sout nie? Ongeag of “sout” as ’n selfstandige naamwoord staan of as ’n werkwoord ingespan word – dit bly ’n vraagstuk. “To be, or not to be, that is the question.” Soos tallose ander sterflinge voor en ná hom, het die skrywer William Shakespeare se karakter Hamlet só oor die lewe en die dood in sy alleenspraak gewonder. In letterkundige en filosofiese verband is dit een van die bekendste vraagsprake en een van die alleensprake wat die meeste aangehaal word vanweë dié vraag wat mense boei: “To be, or not to be … ” In lekkerkundige terme is sout seker een van die onderwerpe wat die meeste onder bespreking is: “Sout laat kos lekker proe, maar nou is dit weer sleg vir die gesondheid,” sal mense murmureer.…

@home 0860 576 576 Aldo aldoshoessa.co.za Aveeno Clicks Beauté Pacifique beaute-pacifique.co.za BioNike Dis-Chem Black Coffee blackcoffee.co.za Black Fabrics 011 262 3130 Block & Chisel 021 271 0142 Bright Star Lighting 021 551 7035 Bronx 021 590 7000 Cetaphil Dis-Chem Chanel chanel.com Charles & Keith 011 729 5023, 021 552 4912 Charli Design Studio 078 367 8919 Clarins clarins.co.za Clarks clarkssa.co.za Clicks 0860 254 257 Colette Hayman 087 808 0080, 087 150 0350 Contempo contemposhop.co.za Cotton On 021 552 9651 Country Road 0860 022 002 Crema Design 021 448 7775 CTM 0800 010 810 Dermalogica dermalogica.co.za Diesel 011 783 0880 Dior 021 442 7700 Dove dove.co.za Dr. Gobac 011 314 9222 Dylan Blue Woolworths, Foschini, Red Square, Edgars Eau Thermale Avène Dis-Chem…

As jou boekklub al die vrae reg beantwoord en getrek word, kry julle die boeke wat in die uitgawe op ons boekrak staan, geskenk deur Graffiti. Stuur jul antwoorde na roneln@caxton.co.za met “Augustus-boeke” in die onderwerpreël, of na www.rooirose.co.za Klik op “boeke” en volg die aanwysings. Stuur ook vir ons jou boekklub se naam, posadres en selnommer. VRAE 1 Vir watter plaaslike rock-groep was Andries Bezuidenhout die voorsanger? 2 Wie is die skrywer van die boek Moord en Roof? 3 Wat is ’n “heist”? 4 Watter internasionale skrywer het die boek Heist geskryf? 5 Wie speel die hoofrol in die fliek Heist (2015)? JULIE-ANTWOORDE 1 The Wind That Shakes the Barley. Hoofakteur? Cillian Murphy 2 “Waai windjie waai” - uit watter liedjie kom die reël? En die kunstenaar? “Meisie…

EEN VAN SUID-AFRIKA SE VEELSYDIGSTE musiekblyspel-sterre, Jonathan Roxmouth, is van 17 tot 19 Augustus in slegs vier optredes in The Musicals in Concert in die Teatro in Montecasino te sien. Jy kan al jou gunsteling-Broadway-treffers verwag, vergesel van ’n volle 45-stuk orkes! Jonathan Roxmouth (bekend vir optredes soos The Phantom of the Opera, West Side Story, Jesus Christ Superstar, Joseph and the Amazing Technicolor Dreamcoat, Sweeney Todd, Beauty and the Beast) het in September 2015 Suid-Afrikaanse teatergeskiedenis gemaak as die eerste plaaslike kunstenaar wat ’n hoofrol in ’n Broadway-reeks (From the Footlights) gekry het. Vrolike gehore het die teater vol gesit om te hoor hoe Roxmouth saam ’n 18-stuk Broadway Big Band klassieke Broadwaytitels opvoer. In 2017 was Roxmouth weer eens met ’n volle orkes op die verhoog, asook ’n…

Skrywer, letterkundige en voorvegter vir sosiale geregtigheid – dit was Cecile Cilliers in ’n neutedop. Maar, het ek agtergekom in ’n onderhoud vyf dae voor haar dood op 16 Junie vanjaar, Siela, soos familie en vriende haar genoem het, het haar nie tot ’n neutedop laat beperk nie. Daarvoor was sy te energiek, ondersoekend, lief vir mense en lief vir praat. Anneke Cecile Cilliers, gebore Pretorius, was vir seker op verskeie gebiede van haar lewe ’n baanbreker. ’n Voorvrou wat haar uiteenlopende talente en intellek tot voordeel van haar naaste aangewend het, net waar en wanneer sy kon. En boonop een wat nie gehuiwer het om te praat as daar gepraat moet word nie. Soos toe sy in Breyten Breytenbach se hoogverraadverhoor vanuit ’n literêre hoek ter strafversagting getuig het,…

Dit is gekke en dwase, so is ek geleer, wat skryf op deure en glase. Die rymdwang van “glase” het my as kind weliswaar verwar, maar wat ek nietemin gesnap het, is dat ’n mens nie oral skryf nie. Veral nie op mure nie. Al was daar in die uitdrukking geen melding van mure nie. En bowenal skryf jy nie op boomstamme nie. Boomstamme was heilige grond en vir mense wat hartjies of name of wat ook al in boombas uitkerf, het jy gegril. So is ek geleer. Uit vrees om gek en dwaas te wees – nie een van dié twee woorde het in ons huis ’n positiewe strekking gehad nie – het ek my weerhou van deure en glase. En mure. En bome. Jare later het ek gewonder…

• CHRISTEL Ek het die dag terdeë geniet. Om saam met Zetske voor die kamera te kon speel was pret en baie spesiaal en almal van rooi rose was fenomenaal. Ek voel altyd ongemaklik voor ’n stilkamera, maar Leana en die res van die span het my so op my gemak laat voel. • ZETSKE Dit is altyd ’n plesier om voor Leana se lens te wees. Sy weet presies wat sy doen en dit laat my op my gemak voel. Ons het die voorblad einde Mei geskiet en dit was yskoud. Ek moes heeltyd teen die hoendervleis baklei! Dit was só lekker om saam met Christel te shoot en ons het lekker gelag!…

Annezel Meiring (32), predikant, Randfontein In my werk kry ek met baie ambisieuse, hardwerkende mense te doen wat doodeenvoudig nie werk kry nie. Mense met soveel trots wat steeds die blink kant bo probeer hou al kry hulle finansieel baie swaar. Elke keer wanneer ek so iemand teëkom, wens ek dat ek vir mense werk kon skep. Ek glo werkloosheid is ook die oorsaak van baie probleme in ons land. Almal wat al hul werk verloor het, ken daardie magtelose, hulpelose, vernederende gevoel. En wanneer mense ná ’n paar maande steeds nie ’n nuwe werk kon kry nie, raak hulle desperaat. Ek dink genoeg werksgeleenthede vir almal sal gelukkige, gebalanseerde, meer ontspanne mense tot gevolg hê. Dianie Herholdt (36), verkoopsbestuurder, Pretoria Ek sal vir almal ’n geduld-kapsule gee. My kollega…

“Vandat ek ’n ma is, waardeer ek my eie ouers baie meer – ’n mens besef eintlik eers wat hulle alles vir jou gedoen het wanneer jy ’n kind het. Ouerskap is nie vir sissies nie – die eerste twee maande was baie rof, en die min slaap was nie ’n grap nie. Maar nes niemand jou daarop kan voorberei nie, kan mense jou ook nie voorberei op die onvoorwaardelike liefde wat jy gaan voel nie. Partykeer voel dit of my hart gaan ontplof van liefde vir my seuntjie!” Ouerskap het haar geleer om meer buigsaam te wees. “Stiptelikheid was nog altyd vir my belangrik, maar vandat ek ’n ma is, moes ek leer aanvaar dat ek soms laat gaan wees.” Dis vir haar hartseer dat alles so gou verbygaan.…

Dis moeilik om te glo Sandra Bullock is 53. Haar vel is syglad en feitlik sonder plooie en sy lyk steeds natuurlik en jeugdig. Sy gebruik haar humorsin om vrae te ontduik wat sy nie wil antwoord nie, en om mense uit te daag, maar sy doen dit op ’n speelse manier. Dié ma van twee aangenome kinders, Louis en Laila, het tans ’n verhouding met die fotograaf Bryan Randall. Haar huwelik met die realiteit-TV-ster, Jesse James, het ná sy rits affairs op ’n baie openbare manier inmekaargestort. In Junie het ons haar te siene gekry in Ocean’s 8 saam met Cate Blanchett, Anne Hathaway, Rihanna en Mindy Kaling. Verskeie bekende sterre, soos Matt Damon, Katie Holmes, Anna Wintour en Kim Kardashian het ook in die fliek gesig gewys.…

Sedert Johann Symington in die jare sewentig sy eerste gemeente op Colesberg gehad het, het baie water in die see geloop. Die kerk in Tokio waar Hennie hom deesdae soggens aflaai, is letterlik en figuurlik in ’n ander wêreld. ’n Mens sou Omotesando met sy groen boomlanings en gesofistikeerde, haastige voetgangers as die Champs Élysées van Tokio kon beskryf. Al wat toeris en inkopiejagter is, beweeg verby die kerk wat skouer aan skouer staan met van die wêreld se bekendste ontwerperswinkels soos dié van Louis Vuitton en Ralph Lauren. En tog het die boodskap van die plaasseun uit Pongola se wêreld deurgaans dieselfde gebly: een van hoop en vertroosting vir mense uit alle agtergronde en nasionaliteite wat in ’n verwarrende wêreld onder Christus se genadige sambreel skuiling kom soek. Welvaart…

Hy was jare lank die miskende profeet op sy eie dorp. Al het hy sy doktorsgraad in geskiedenis aan die Universiteit van Stellenbosch behaal en tussen 1967 en 1982 ook daar geskiedenis doseer, wou die US hom nie professor maak nie. Hy is ook nooit toegelaat om daar Suid-Afrikaanse geskiedenis te doseer nie. “Ek het Europese en Amerikaanse geskiedenis doseer, maar dis eintlik goed, want ’n mens kry breër insig,” vertel prof. Hermann Giliomee (80), skrywer van die kykNET-reeks en gelyknamige boek Die Afrikaners, sonder enige bitterheid. Was dit sy politieke standpunt wat hierdie beletsel veroorsaak het? “Jong, dit moet jy maar vir ander mense gaan vra,” sê hy met ’n diplomatiese laggie. Hoe word ’n historikus ’n professor in politieke studies én ’n politieke meningsvormer? Eintlik is ek ’n…

Wat kan ek vir jou aanbied om te drink?” vra Brett voor ek nog met die onderhoud kan wegval. “Tee, dankie,” sê ek, en kyk nuuskierig rond in sy restaurant, chefs @ 566. Teen die voorste muur is ’n aantal groot geraamde spyskaarte met beroemde geregte waaruit gaste kan kies. Voor ek kan lees, vra hy: “Enige spesifieke soort?” “Soos Madiba dit gedrink het,” sê ek. Sy gesig straal. “Rooibos!” glimlag hy. Toe hy om die hoek verdwyn, kry ek kans om na die Main Course -geregte te kyk: President Mandela Favourite: Seared lamb chops with sautéed potatoes, carved vegetables and filled roasted tomato ; Prime Minister Tony Blair, gevolg deur die Britse eerste minister se geelstertgereg; President Mugabe se fillet of beef; Pavarotti se Italian chicken breast crock pot…

Die jaarlikse KANSA-geldinsamelingsprojek wat rooi rose saam met verskeie merkwaardige borge aanbied, vier vanjaar sy 37ste bestaansjaar. Hierdie besonderse projek wat rooi rose na aan die hart lê, word as ’n oggendtee in Bloemfontein aangebied en bevorder die bewusmaking oor kanker en samel geld vir kankernavorsing in. rooi rose bied reeds meer as drie dekades lank landswyd jaarlikse geleenthede vir KANSA-ondersteuners en kankeroorwinnaars aan om hul solidariteit in die stryd teen kanker te toon. Vanjaar is geen uitsondering nie en gaan ’n heerlike kuieroggend saam met topkunstenaars wees. Die bekende mediapersoonlikheid Yolanda Maartens Brown is ons gasvrou vir die oggend. Die sjarmante Lee Scott gaan ons vermaak met sy besonderse stem, en die pragtige Charlenè Brouwer, bekend vir haar rolle in flieks soos Vrou Soek Boer en Dis ek, Anna,…

OP 16 HET KATRYN KRUGER DIE SKOOLBANKE VIR ’N INTERNASIONALE MODELKONTRAK VERRUIL EN SÓ ’N GESOGTE NAAM IN DIE BEDRYF GEWORD DAT SY IN TALLE MODEWEKE VIR NAME SOOS PRADA, DIOR EN OSCAR DE LA RENTA OP DIE LOOP-PLANK VERSKYN HET. SY WAS AL OP TIEN VOGUE-VOORBLAAIE. KATRYN HET INTUSSEN HAAR MATRIEK VOLTOOI EN IS MET DIE MAN VAN HAAR DROME GETROUD. SY DEEL HAAR STORIES OP HAAR BLOG, KATRYNKRUGER.COM . DANKSY DIE HOEVEEL HEID STEMPELS IN HAAR PASPOORTE IS SY ’N GESOUTE PAKKER EN JY KAN HAAR WENKE VIR LIG EN DOELTREF FEND REIS MAAR ERNSTIG OPNEEM Pienk TRUI ’n Lekker bonkige trui verleen tekstuur aan enige uitrusting! Dis mooi én warm. Die nuwe millennium-pienk is modern en versag jou voorkoms wanneer jy dit by ’n denim of romp…

1 Kies ’n reiniger wat sagkens skoonmaak en verwyder jou grimering voor jy gaan slaap. • Steriele bestanddele suiwer en streel Eau Thermale Avène Tolérance Extreme Cleansing Lotion (R279,95). • pH gebalanseerd Optiphi Pure Cleansing Wash (R618, uitgesoekte salonne). • Met probiotika en ph gebalanseerd Esse Sensitive Cleanser (R370, faithful-to-nature.co.za en uitgesoekte gesondheidswinkels) • Geen nikkel, preserveermiddels, gluten of parfuum BioNike Defence Micellar Water (R145, Dis-Chem). • Strelende hawermout vir jou lyf Aveeno Dermexa Emollient Body Wash (R169,95). 2 Bevogtig sodra jy jou gesig gewas of gestort het. • Natuurlik en organies Nirvana Facial Moisturiser for Sensitive Skin (R399, Takealot). • Herstel die pH van jou lyf Eucerin pH5 Soft Body Cream (R179,99). • Herstel ’n geïrriteerde vel Sisley Restorative Facial Cream (R1 810, uitgesoekte takke van Edgars, Red Square…

NUXE 48H MOISTURE SKIN-QUENCHING SERUM (R470) Hulle sê: Jou vel word gestreel en teen besoedeling beskerm. Dit laat die vel vars, sag en glansend voel en enige ongemak word verminder. Ons sê: Ek het ’n volwasse, droë vel en ná een gebruik voel my vel meer opgeplomp. My sensitiewe vel het geen reaksie getoon nie, en die serum voel lig en natuurlik. LEZLEY KRIEL (ITC KOÖRDINEERDER) DIOR ONE ESSENTIAL BOOSTER SERUM (R2 300) Hulle sê: Dit ontgif (beveg gifstowwe buite en binne), vernuwe jou vel en gee dit daardie hupstoot vir ’n vars voorkoms. Dit verbeter ook die werking van die aktiewe bestanddele in jou vogroom. Ons sê: Die serum het ’n heerlike vars geur. My vel is olierig maar gedehidreer en danksy dié serum voel dit nou vars, lig…

BESTE WENK DUISELIG? Die naam Dokters noem dit benigne paroksismale posisionele vertigo (BPPV), of sommer net vertigo. Die simptome Jy voel tipies duiselig en asof die wêreld tol as jy opstaan of selfs as jy jou kop vinnig beweeg. Die rede Jou binneoor is ’n lang, kronkelende buisie met vloeistof met piepklein kalsiumkristalle daarin. Elke keer wanneer jy beweeg, verander die kristalletjies se posisie. Jou oorsenuwees stuur die boodskap na jou brein en so herbalanseer jou slim brein jou lyf sonder dat jy eens daarvan weet. Wanneer die kristalletjies vashaak (soos as jy middeloorinfeksie kry, of om onbekende redes) stuur jou oorsenuwees ’n foutiewe boodskap na jou brein. Dit kan dan nie jou ore se boodskappe met jou oë se waarnemings en jou liggaam se spiere en balans integreer nie.…

Annezel Meiring ’n Rukkie gelde het ek ’n katjie opgetel en huis toe geneem. Die diertjie was oortrek van die omlope. Die salf van die veearts was baie gou op omdat sy oor haar hele ruggie, albei ore en stert omlope gehad het. Ek het toe besluit om klapperbotter te probeer. Die omlope het vinnig verdwyn en haar haartjies is heerlik sag. Ek is baie lief vir rooibostee en dit het vir seker ’n positiewe uitwerking op my vel. Dianie Herholdt Ek glo aan gemmer (in enige vorm), rooibos en suurlemoensap soos in die Bybel. Dit werk! Nandi Haswell Kankerbossie en rooibostee elke aand voor ek gaan slaap. Colloidal Silver werk uitstekend vir die meeste velprobleme.…

STEM JA OF NEE OP ONS VRAAG IN “WAT DINK JY” EN JY KAN ’N VINOLIA-GESKENKPAK TER WAARDE VAN R3 000 WEN. VINOLIA, BEKEND VIR HUL LUUKSE SEEP, HANDESEEP EN BADSKUIM, HET HUL REEKS UITGEBREI MET ’N LUUKSE ROOMLYFWASMIDDEL. DIE PRODUK IS VERPAK IN ’N STYLVOLLE 250 ML-BUISIE EN IS BESKIKBAAR IN DIE KENMERKENDE VINOLIAGEURE EN IS PROPVOL LUUKSE BESTANDDELE WAT DIE VEL SYSAG LAAT. VINOLIA CREAM BODY WASH IS BESKIKBAAR IN WILD ROSE, SANDALWOOD EN VELVET ORCHID. VRAAG: HET JY GEWEET DIE GEDEELTELIKE VERLIES AAN SIG KAN JOU OP SOVEEL VLAKKE RAAK? BESOEK VANDEESMAAND ONS WEBBLAD BY ROOIROSE.CO.ZA EN KLIK OP “WEN” EN DAN OP “WAT DINK JY”.…

Roosgoud en pienk skep ’n vroulike atmosfeer in die oorwegend wit kombuis Perfek in pienk 1 STOCKHÖLM-SOUT- EN PEPERMEUL (R859 VIR STEL) YUPPIECHEF. 2 DEFY-VLEKVRYESTAALDAMPKAP (R2 399; 600 MM) MAKRO. 3 PIENK YSKAS (SLEGS OP BESTELLING) SMEG. 4 ADAM ROCKET-EETKAMERSTOEL (R999) @HOME. 5 LIG (R905; P704) EUROLUX. 6 LIG (R470; P587C) EUROLUX. 7 MANDJIE (R129,99) MR PRICE HOME. 8 EETKAMERTAFEL (R12 995) BLOCK & CHISEL. 9 DEFY SE GEMINIOOND (R7 299; 700 MM) MAKRO. 10 LE CREUSET-KASTROL (R1 969; 1,3 LITER) YUPPIECHEF. Die treffende kombinasie van hout met industriële ligte is nou gewild Kontrasterende teksture soos rottang, hout en glas maak die monochromatiese palet van die kombuis baie interessant Modern en natuurlik 1 HOUTRAK (R259,99; 120 CM) MR PRICE HOME. 2 OOND (R15 999; AKZM 6560) WHIRLPOOL. 3 TRALIES (R1…

EKSKLUSIEF AAN WOOLWORTHS MAGAZING! KLIK & HAAL AF Caxton Magazines en Woolworths het saamgespan. Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolworths kan afhaal. Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. 3 Opsies beskikbaar: Skryf aanlyn in: magsathome.co.za/magazing.htm Bel: 087 405 2002. E-pos: subs@magsathome.co.za en ontvang jou maandelikse tydskrifkoopbewys via SMS. Haal jou tydskrif af: gebruik jou Woolies-kaart en hou jou koopbewysstaafkode gereed. Bepalings en voorwaardes • Hierdie aanbod geld slegs nuwe subskripsies. • Hierdie koopbewys mag saam met enige ander Woolworths-koopbewys gebruik word. • Die koopbewys moet saam met enige van…

• i20 1.2 Motion (handrat) R229 900 • i20 1.2 Fluid (handrat) R241 900 • i20 1.4 Motion (outomaties) R254 900 • i20 1.4 Fluid (outomaties) R284 900 • i20 1.4 Fluid (handrat) R266 900 • i20 1.4 Active (handrat) R279 900 Die nuwe Hyundai i20 se prys sluit ’n 2 jaar-/ 30 000 km-diensplan in vir die 1,2 liter-modelle, ’n 3 jaar-/60 000 km-diensplan vir die 1,4 litermodelle, sowel as die standaard 5 jaar-/ 150 000 km-vervaardigerswaarborg wat verleng word met ’n bykomende 2 jaar-/50 000 kmwaarborg vir alle bewegende dele in die enjin vir die hele reeks.…

THE SEASON OF GLASS – Rahla Xenopoulos (Penguin) Xenopoulos se jongste boek gee nuwe lewe aan verskeie deurslaggewende oomblikke in die wêreldgeskiedenis. Die storie draai om die profesie van ’n tweeling, ’n seun en ’n dogter, wat in verskeie eras hergebore word om die wêreld in tye van groot onrus by te staan. Die boek spring weg in antieke Ethiopië, waar die tweeling deur Aksumitiese soldate geterroriseer word. Hulle maak later weer ’n verskyning in die Spaanse Inkwisisie. Die karakters (en leser) word weggevoer na tye soos die Tweede Wêreldoorlog, sestiende-eeuse Indië, Johannesburg in die moeilike jaar van 1976 en selfs die verafgeleë toekoms. The Season of Glass fokus op die sikliese aard van die geskiedenis. ’n Moderne Scheherazade-verhaal gevul met avontuur, liefde en verraad. Xenopoulos skep uitstekende atmosfeer. Uitgewersprys:…

DIE LIEFDE ALBUM – JAN BLOHM. BLOHM SE JONGSTE UITREIKING NÁ SES JAAR IS GEVUL MET DIE ROU, EERLIKE WAARHEID WAT NÉT JAN KAN VASMESSEL IN ’N ALBUM GEVUL MET BLUES, ROCK EN POETRY. DIÉ REBELSE SEUN WAT ONS LEER KEN HET, IS NOU OUER EN MEER VOLWASSE, SOOS JY IN SY LIRIEKE EN ROU, AKOESTIESE MELODIEË KAN HOOR. VREESLOOS VROU – VERSKEIE. VROUEMAAND WORD BEHOORLIK GEVIER MET HIERDIE KOMPILASIE VAN LIEDJIES VAN SA SE TOP-SANGERESSE. DIE ALBUM BIED ’N GOEIE VERSKEIDENHEID VAN 21 OPGEWEKTE EN RUSTIGE TREFFERS WAT DEUR ONDER ANDERE KARLIEN VAN JAARSVELD, KAREN ZOID, RIANA NEL, LAURIKA RAUCH, NÁDINE EN LIANIE MAY UITGEVOER WORD. SIRKELS – TWEE. LUISTER OP VERSKEIE MANIERE NA DIÉ UNIEKE DUO SE VEELSYDIGE ALBUM: OM DIE BRAAIVLEISVUUR, ALLEEN MET ’N…

Cecile was met ’n geoloog, John Cilliers, getroud. Hy was haar studenteliefde. Hulle het die land vol getrek tussen myne voordat John in 1963 by die hoofkantoor in Johannesburg aangestel is. Hulle het 34 jaar lank in dieselfde huis in Linden saam met hul drie kinders, Amalie, Abraham en Jan gewoon. Toe die jongste kind skool toe is, het Cecile verder studeer en ’n honneurs, meestersgraad en uiteindelik ’n doktorsgraad in Afrikaans behaal. In hierdie tydperk het sy Afrikaans aan die Wits-sentrum vir Voortgesette Studie gedoseer, asook aan die Parktown Convent en die Argus-groep se joernalistieke skool vir kadetverslaggewers.…

HOENDERTIKKA MASALA GENOEG VIR 4 125 ml ongegeurde Clover Bliss-dubbelroomjogurt 30 ml garam masala of kerriepoeier 1 kg hoenderdytjies, been en vel verwyder 30 ml olyfolie 1 ui, fyngekap 1 knoffelhuisie, fyngekap ½ groen brandrissie, fyngekap 5 cm gemmer, afgeskil en gerasper 1 x 400 g-blik heel geskilde tamaties, in die sous fyngedruk 200 ml Clover-room Klein hand vol vars koljander vir opdiening Vars klapperskaafsels vir opdiening 1 Meng die jogurt en 15 ml van die garam masala. Sit die hoender in ’n oondbak en bedek dit heeltemal met die jogurtmengsel. Laat dit vir minstens 30 min. marineer. 2 Verhit intussen die olyfolie in ’n middelslagkastrol. Voeg die uie by en braai vir 5 min.of tot dit effens bruin is. Voeg die knoffel, brandrissie, gemmer en die res van die…